Текст книги "100 молитв на быструю помощь. Самые сильные молитвы на исцеление"

Святому праведному Симеону возносят молитвы о сохранении здоровья детей и избавлении их от болезней.

День памяти 3/16 февраля

Святой старец Симеон вел праведную и благочестивую жизнь и был переводчиком книг Священного Писания с еврейского на греческий язык. Однажды он усомнился над точностью слов «Се Дева во чреве приимет и родит Сына» и хотел было при переводе изменить слова на «…жена…», однако явленный ему ангел остановил его и предрек ему долгую жизнь до встречи с Христом, рожденным от Чистой Девы. Больше трехсот лет ожидал старец этой встречи, и когда на сороковой день после рождения Пресвятая Богородица принесла Богомладенца в храм, Симеон узнал в нем Спасителя мира, приветствовал Его и испустил дух.

О Богоприимче Симеоне! Услыши нас, грешных раб Божиих, и не отыми покров твой святый от нас, моли благость Господа, яко да отвратит от нас гнев Свой, праведно по делом нашим на ны движимый, и, презрев безчисленная прегрешения наша, обратит нас на путь покаяния и на стези заповедей Своих утвердит нас. Огради молитвами твоими в мире жизнь нашу и во всем благом благое поспешение испроси, вся к животу и благочестию потребная нам даруя, яко да тихое и безмолвное житие поживем во всяком благочестии и чистоте, и тако в вечный достигнем покой, идеже сподобим ся Небеснаго Царствия Христа Бога нашего, Емуже всякая слава подобает, со Отцем и Пресвятым Его Духом, ныне и присно и во веки веков. Аминь.

Святителю Иулиану молятся о сохранении здоровья детей и избавления их от различных недугов.

День памяти 13/26 июля

Святой Иулиан жил в I в. и по велению апостола Петра отправился нести Слово Божье в Галлию. Святитель жил в маленькой хижине в Кеномании, проповедуя христианство среди язычников и творя чудеса и исцеления. Прославился святой исцелениями словом святой молитвы больных детей и даже воскрешением умерших.

Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Иулиане, моли Христа Бога спастися душам нашим.

Божественный гром, труба духовная, веры насадителю и отсекателю ересей, Троицы угодниче, великий святителю Иулиане, со Ангелы предстоя присно, моли непрестанно о всех нас.

Святителю отче Иулиане, нетлением честных мощей твоих и многими благодеяниями, чудесно содеянными и содеваемыми тобою с верою к тебе притекающим, уверившиеся, яко имаши велию благодать у Господа Бога нашего, всесмиренно приподаем вси и молимся тебе: Моли о нас Христа Бога нашего, да ниспослет всем, чтущим святую память твою и усердно к тебе прибегающим, богатыя милости Своя: да утвердит во святей Своей православной Церкви живый дух правыя веры и благочестия, дух ведения и любве, дух мира и радости о Духе Святе, да вси члены ея, чисты от мирских искушений и плотских похотей и злаго действия злых духов, духом и истиною поклоняются Ему и усердно пекутся о соблюдении заповедей Его ко спасению душ своих.

Пастырем ея да даст святую ревность попечения о спасении людей, им вверенных, да неверующих просветят, неведущих наставят, сомневающихся вразумят и yдocтoвepят, отпадших от православныя Церкве обратят в святыя недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаивающихся и исправившихся утвердят в святости жизни: и тако всех ведут указанным от Него путем в уготованное вечное царство Его.

Ей святителю Божий, да устроиши молитвами твоими вся благая душам и телесам нашим: да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.

Молитвы при нарушении сна у детей

Святым семи отрокам во Ефесе молятся при нарушении сна у детей.

Дни памяти 4/17 августа и 22 октября/4 ноября

Святые отроки жили в Ефесе в III в. и были сыновьями знатных граждан города. Все они несли военную службу, однако, отказавшись принять участие в приношении жертв языческим идолам при императоре Декие, были лишены воинских званий. Отпущенные на свободу отроки укрылись в горной пещере. Солдаты императора, обнаружив убежище святых, замуровали вход в пещеру, обрекая отроков на гибель от голода и жажды.

Однако Господь погрузил отроков в благодатный сон почти на два века. Проснувшись во времена правления императора Феодосия Младшего, отроки явили чудо воскресения из мертвых и вновь погрузились в сон.

Благочестия проповедники и воскресения умерших изобразители, Церкви столпы седмочисленныя, отроки всеблаженныя песньми восхвалим: тии бо по многих летех нетления, аки от сна воставше, всем возвестиша яве мертвых востание.

Прославивый на земли святыя Твоя, прежде втораго и страшнаго пришествия Твоего, Христе. Преславным востанием отроков показал еси Воскресение неведящим е, нетленна одеяния и телеса явив, и царя уверил еси вопити: воистинну есть мертвых востание.

О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

Молитвы для избавления от «родимца» (приступов судорог и сильного плача)

Великомученику Никите молятся об избавлении маленьких детей от приступов истерического плача и судорог.

День памяти 15/28 сентября

Святой Никита жил в IV в. на берегах Дуная и распространял Слово Божье среди своих соплеменников-готов. Когда же к власти пришел язычник Афанарих, святой Никита был предан страшным пыткам и казнен. Мощи святого были тайно вынесены и увезены в Киликию его другом Марианом, дорогу же к телу святого в темноте ночи указала яркая звезда.

От мощей святого мученика происходили многочисленные чудеса и исцеления.

Мученик Твой, Господи, Никито во страдании своем венец прият нетленный от Тебе, Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Прелести посек державу стоянием твоим, и победы приим венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.

О великий страстотерпче Христов и чудотворче, великомучениче Никито! Припадающе ко святому и чудотворному образу твоему, подвиги же и чудеса твоя и многое сострадание твоё к людем прославляюще, молим тя прилежно: яви нам, смиренным и грешным, святое и многомощное твое заступление. Се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити: но тебе, молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем Суде Христове.

И всем людем православным яви твое святое заступление: болящия исцели, скорбящия утеши, бедствующим помози. Ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им во смирении и терпении носити иго Христово, и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами: да славим и поем великия щедроты Отца и Сына и Святаго Духа в Троице славимаго и покланяемаго Бога, и твое святое заступление во веки веков. Аминь.

Икона «Собор всех святых»

Молитвы за болящих

Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении раба Божия (имя).

Все святые и ангелы Господни, молите Бога о больном рабе Его (имя). Аминь.

Владыко Вседержителю, Врачу душ и телес, смиряяй и возносяй, наказуяй и паки исцеляяй, брата нашего (имя) немощствующа посети милостию Твоею, простри мышцу Твою, исполнену исцеления и врачбы, и исцели его, возставляй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу. И аще есть в нем согрешение или беззаконие, ослаби, остави, прости, Твоего ради человеколюбия.

Боже Великий, Хвальный и Непостижимый, и Неисповедимый, создавый человека рукою Твоею, персть взем от земли и образом Твоим почтивый его, явися на рабе Твоем (имя) и даждь ему сон успокоения, сон телесный, здравия и спасения живота, и крепость душевную и телесную.

Сам убо, Человеколюбче Царю, предстани и ныне наитием Святаго Твоего Духа, и посети раба Твоего (имя), даруй ему здравие, крепость и благомощие Твоею благостию: яко от Тебе есть всяко даяние благо и всяк дар совершен. Ты бо еси Врач душ наших, и Тебе славу, и благодарение, и поклонение возсылаем со Безначальным Твоим Отцем и с Пресвятым и Благим и Животворящим Твоим Духом, ныне и присно и во веки веков. Аминь.

Господи, Иисусе Христе, Сыне Бога Живаго, Агнче Божий, вземляй грехи мира, Пастырю добрый, положивый душу Твою за овцы Твоя, Небесный Врачу душ и телес наших, исцеляяй всякий недуг и всякую язву в людех Твоих! Тебе припадаю, помози мне, недостойной рабе Твоей. Призри, Многомилостиве, на делание и служение мое, даждь ми быти верною в мале; послужити болящим, Тебе ради, носити немощи немощных, и не себе, но Тебе Единому угождати во вся дни живота моего.

Ты бо рекл еси, о Сладчайший Иисусе: «Понеже сотвористе единому от сих братий Моих меньших, Мне сотвористе». Ей, Господи, суди мне, грешной, по сему глаголу Твоему, яко да сподоблюся творити благую Твою волю во отраду и утешение искушаемых, недугующих раб Твоих, ихже искупил еси честною Твоею Кровию. Ниспосли ми благодать Твою, попаляющую во мне страстей терние, призвавый мя, грешную, на дело служения о Имени Твоем; без Тебе не можем творити ничесоже: посети убо нощию и искуси сердце мое, внегда предстояти ми у возглавия болящих и низверженных; уязви душу мою Твоею любовию, вся терпящею и николиже отпадающею. Тогда возмогу, Тобою укрепляема, подвигом добрым подвизатися и веру соблюсти, даже до последнего моего издыхания.

Ты бо еси Источник исцелений душевных же и телесных, Христе Боже наш, и Тебе, яко Спасителю человеков и Жениху душ, грядущему в полунощи, славу и благодарение и поклонение возсылаем, ныне и присно и во веки веков. Аминь.

Благодарственные молитвы после исцеления

Святый великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном, еже есть всемилостивый, яко, прияв от Бога благодать молитися за ны и болезни целити, ты богатно подаеши всем, к тебе притекающим, различная исцеления и вся к жизни временней и ко спасению потребная: сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердне благодарим тя и подателя всех благ Господа Бога нашего о великих благодеяниих, от Него тобою нам бывших.

Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоея помощи и молитвеннаго ходатайства у Господа Бога нашего, Емуже подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Слава Тебе, Господи, Иисусе Христе, Сыне Единородный Безначальнаго Отца, едине изцеляяй всяк недуг и всяку язю в людех, яко помиловал мя еси грешнаго и избавил еси мя от болезни моей, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моея окаянныя и во славу Твою со Безначальным Твоим Отцем и Единосущным Твоим Духом, ныне и присно и во веки веков. Аминь.