Текст книги "100 молитв на быструю помощь. Самые сильные молитвы на исцеление"

Память праведного с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость

Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.

Предтечево славное усекновение, смотрение бысть некое Божественное, да и сущим во аде Спасово проповесть пришествие; да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.

Крестителю Христов, проповедниче покаяния, кающагося не презри мене, молися ко Владыце за мене, недостойнаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю, пригвожден бо есть ум мой земным вещем: что сотворю, не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.

Предтече и крестителю Христов Иоанне, проповедниче покаяния! Ты неповинне всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо ни единыя злобы ни беззакония, ихже аз, окаянный, не содеях; престрашни греси мои. Ей, Крестителю Христов! Простри ми, рабу твоему, руку, крестившую Христа Спасителя моего, да мя извлечеши из глубины погибели. Ты еси больший всех в рожденных женами, ты еси первый по Богородице, праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень. Аминь..

Святый Предтече и Крестителю Христов Иоанне! Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов. Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых. Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков.

Святителю Гурию возносят молитвы для избавления от болей в голове.

День памяти 20 июня/3 июля, 4/17 октября, 5/18 декабря

Гурий Руготин, первый архиепископ Казанский, родом из дворян бывшего городка Радонежа, в мире именовался Григорием. В молодых летах вступил Григорий в услужение к князю Ивану Пенькову. Князь так был им доволен, что поручил ему управление всем домом. Но эта доверенность продолжалась недолго. Прочие служители князя из зависти к Григорию возвели на него клевету, что он находится в преступной связи с княгинею. Раздраженный ложным наговором князь приказал посадить Григория в темницу, нарочно устроенную в глубоко вырытой яме. Там томился невинный страдалец два года, ибо по прошествии двух лет дверь узника свободно отворилась. Признавая спасение свое за Промысл Божий, он отрекся мира и направил путь свой в обитель преподобного Иосифа Волоколамского. Там вскоре был поставлен был игуменом обители, а вскоре хиротонисан во архиепископа новой Казанской епархии. Гурий устроил там два училищных монастыря, для обучения детей христиан и язычников; кроме того, под особым своим надзором соорудил каменный кафедральный собор во имя Благовещения Пресвятой Богородицы. Радея о пастве своей, святитель Гурий умножил ее, обратив многих магометан в христианскую веру.

Мощи его, обретенные 4 октября 1595 г., почивают в Казанском Благовещенском соборе.

Чувственныя страсти победив, чистотою, яко солнце, возсиял еси, чисто житие до конца сохранив, и от неверия в веру многих ко Христу привел еси, и Того ради от Бога нетлением почтен был еси и чудесы удивляем. Молим тя, святителю Гурие, молитвами твоими от бед избави нас, да зовем ти: радуйся, отче предивный, граду Казани похвала и утверждение.

Правило веры и образ целомудрия, учителя добрых дел и наставника спасения даде тя Господь новопросвещенному граду Казани, в немже приобрел еси новыя от язык люди и привел еси я Христови. Сего ради в память твою радостно сошедшеся, честне празднуем святое твое успение, ты же, отче наш, святителю Христов Гурие, моли Христа Бога спастися душам нашим.

Святителю отче Гурие, предстоя священной раке многоцелебных мощей твоих, молим тя усердно быти всегда и везде нашим ходатаем, заступником и покровителем. Исходатайствуй пастве твоей мир, тишину, благоденствие, здравие и спасение. Буди постоянным нашим заступником от всех врагов, видимых и невидимых: покрывай нас от нахождения всех бед, напастей и скорбей, паче же от искушений врага темнаго. Предстоящим же зде и молящимся испроси у Господа Бога вся, яже ко спасению своему они просят у Него в своих нуждах и скорбях, да все мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Молитвы при болезнях грудной клетки

К святителю Дмитрию Ростовскому обращаются с просьбами исцеления при бронхолегочных заболеваниях.

Дни памяти 21 сентября / 4 октября, 28 октября / 10 ноября

Святитель Димитрий, митрополит Ростовский (в миру Даниил Саввич Туптало), родился в 1651 году недалеко от Киева в благочестивой семье и вырос глубоко верующим христианином. В 1662 году был отдан в Киево-Могилянскую коллегию, где впервые раскрылись дарования и незаурядные способности талантливого юноши. Он успешно изучил греческий и латинский языки, ряд классических наук. В 1668 году принял монашество с именем Димитрий, в честь великомученика Димитрия Солунского.

В истории Православной Церкви святитель почитается как видный проповедник и духовный писатель, автор знаменитого сборника житий святых угодников Божьих («Четьи-Минеи»). В памяти современников святой Дмитрий остался как человек, ведущий богоугодную жизнь, образец милосердия к ближним и помощи всем нуждающимся.

Православия ревнителю и раскола искоренителю, Российский целебниче и новый к Богу молитвенниче, списаньми твоими буих уцеломудрил еси; цевнице духовная, Димитрие блаженне, моли Христа Бога, спастися душам нашим.

О предивный и преславный чудотворче Димитрие, исцеляяй недуги человеческия! Ты неусыпно молиши Господа Бога нашего о всех грешных: молю убо тя, буди ми ходатай пред Господем и помощник на преоборение страстей ненасытныя плоти моея и на одоление стрел сопротивника моего диавола, имиже уязвляет немощное сердце мое и, аки гладный и лютый зверь, алчет погубити душу мою.

Ты, святителю Христов, моя ограда, ты мое заступление и оружие! Ты, великий чудотворче, во дни подвигов твоих в мире сем ревнуя, о Православной Церкви Божией, яко истинный и добрый пастырь, неблазненно обличал еси грехи и невежествия людския, и от стези правды в ереси и расколы уклонившихся на путь истины наставлял еси. Споспешествуй убо и мне кратковременный путь жизни моея исправити, да непреткновенно пойду по стези заповедей Божиих и неленостно поработаю Господеви моему Иисусу Христу, яко Единому Владыце моему, Искупителю и праведному Судии моему. К сим же припадая, молюся ти, угодниче Божий, егда изыти души моей от бренного сего телесе, избави ю от темных мытарств: не имам бо добрых дел ко оправданию моему, не даждь сатане возгордитися победою над немощною душею моею: избави ю от геенны, идеже плач и скрежет зубов, и святыми молитвами твоими сотвори мя причастника Небеснаго Царствия в Троице славимаго Бога, Отца и Сына и Святаго Духа, во веки веков. Аминь.

Молитвы при болезнях глаз

Традиционно молитвы перед Казанским образом Пресвятой Богородицы возносят с просьбой об исцелении при заболеваниях и повреждениях органов зрения, а также при любых болезнях, особенно если болящий – ребенок.

Празднование 8/21 июля и 22 октября/4 ноября

Эту икону по праву можно назвать одним из самых любимых и чтимых образов Пресвятой Богородицы на Руси.

Чудесное обретение этой иконы произошло в Казани в XVI в. Девятилетней девочке Матрене явилась во сне Богородица и повелела искать на пепелище сгоревшего дома Свою икону. Девочке долго не верили, но чудесное явление Небесной Царицы повторилось трижды, причем в третий раз оно было грозным. Мать Матрены взяла заступ и нашла на указанном Царицей Небесной месте икону, завернутую в ветхий рукав мужской одежды из вишневого сукна. Лик Пречистой был светел и ясен, словно икона была только что написана.

Многочисленные чудеса и исцеления происходили по молитвам перед этой чудотворной иконой и ее списками на протяжении веков, происходят и в наши дни.

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы; ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонаравныя и богобоящияся рабы Своя.

О пресвятая Госпоже, Владычице Богородице! Со страхом, верою и любовию пред честною и чудотворною иконою Твоею, молим Тя: не отврати лица Твоего от прибегающих к Тебе, умоли, милосердная Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет, и от неверия, ересей и раскола да избавит. Не имамы бо иныя помощи, не имамы иныя надежды, разве Тебе, пречистая Дево: Ты еси всесильная христиан Помощница и Заступница: избави же и всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и от внезапныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарне воспевающе величия и милости Твоя, являемыя над нами зде на земли, сподобимся и Небеснаго Царствия, и тамо со всеми святыми прославим пречестное и великолепное имя Отца и Сына и Святого Духа во веки веков.

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Святому мученику Лонгину молятся об избавлении от болезней глаз.

День памяти 16/29 октября

Сотник Лонгин был римским воином, несшим службу в Иудее в I в. Его отряд стоял в карауле в день казни Иисуса Христа. Став свидетелем великих чудес и знамений, сопровождавших распятие Спасителя, Лонгин уверовал в Истинного Бога.

Согласно преданию, Лонгин пронзил ребра распятого Иисуса копьем, и когда кровь и вода попали на больные глаза воина, он получил исцеление от мучавшего его недуга. Лонгин принял Святое Крещение от учеников Спасителя и отправился проповедовать Слово Божие в Каппадокию. По приказанию Пилата к Лонгину были направлены воины, обезглавившие его. Головы Лонгина и других мучеников были выброшены вместе с мусором, однако некоторое время спустя одна слепая женщина, повинуясь явленному ей видению, отыскала голову святого мученика и с почестями погребла ее. Как только рука слепой коснулась головы Лонгина, она прозрела.

Весело возрадовася Церковь, в память днесь приснопамятнаго страдальца Лонгина, взывающи: Ты моя держава, Христе, и утверждение.

Мученик Твой, Господи, Лонгин, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости, Того молитвами спаси души наша.

Святый мучениче Лонгине! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззакониям нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Единую Святую, Соборную и Апостольскую Церковь, юже стяжал есть честною Своею Кровию. Молися прилежно, святый мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Святому равноапостольному великому князю Владимиру молятся об исцелении болезней органов зрения.

День памяти 15/28 июля

Великий князь Владимир, получивший в народе имя Красно Солнышко, вошел в русскую историю не только как мудрый правитель, объединивший славянские земли в границах одного государства, но и как Креститель Руси. Недаром Православная Церковь сравнивает его деяния с деяниями святых апостолов.

Будучи в молодости, по примеру отца, яростным язычником, Владимир, пожелав жениться на сестре византийского императора Анне, принял Святое Крещение и в X в. принес христианскую веру на Русь.

Перед приездом невесты князя поразил тяжкий недуг – болезнь глаз лишила его возможности видеть. Однако после Святого Крещения недуг отступил, и святой Владимир прозрел.

О великий и преславный угодниче Божий, богоизбранный и богопрославленный, равноапостольный княже Владимире, святое и великодейственное орудие всеблагаго Промысла о спасении народа Российскаго! Ты отринул еси зловерие и нечестие языческое, уверовал еси во Единаго Истиннаго Триипостаснаго Бога, и восприяв святое Крещение, просветил еси светом божественныя веры и благочестия царство Российское. Славяще убо и благодаряще Премилосердаго Творца и Спасителя нашего, славим и благодарим и тя, великий пастырю и отче наш, яко тобою познахом спасительную веру Христову, и крестихомся во имя Пресвятыя и Пребожественныя Троицы: тоюже верою избавихомся от праведнаго осуждения Божия, вечнаго рабства диаволя и адова мучительства: тою верою восприяхом благодать всыновления Богу и надежду наследования небеснаго блаженства.

Ты еси первейший наш вождь к начальнику и совершителю нашего вечнаго спасения, Господу Иисусу Христу: ты еси ближайший предстоятель пред престолом Царя царствующих и теплый молитвенник и ходатай о царстве Всероссийстем, о народоправителех его и о всех людех: ты еси первейший виновник благословений и милостей Божиих, почивающих на нем. И что еще речем? Не может язык наш изобразити и высоту благодеяний твоих, излиянных на нас, недостойных. Но о неразумия и ослепления нашего! Приемше толикия благодеяния, ни во что же вменихом я и отщетихомся спасительных плодов их. Омывшеся бо от греха в купели крещения и облекшеся в одежду чистоты и невинности, осквернихом сию богоданную одежду студными деяньми и помышленьми нашими: отрекшеся сатаны и ангелов его, паки порабощаемся ему, служаще идолам страстей наших, миру, плоти и злым обычаем века: сочетавшеся Христу, выну оскорбляем Его беззаконьми нашими, многообразными язвами гордости, зависти, злобы, злословия, невоздержания и презорства ко Святей Церкви: прилепихомся всецело к суетным благам, аки мняще вовеки пребывати на земли: не помышляем о небе, о душе, о смерти, о Суде, о нескончаемой вечности.

Сего ради воздвизаем на ся праведный гнев и осуждение Божие, купно же оскорбляем и преогорчаем твою отчую любовь и попечение о нас: ты бо просветил еси нас Святым Крещением, во еже способствовати нам к получению небеснаго блаженства и земнаго благоденствия: мы же, неразумнии, злым произволением нашим сами себе подвергаем адовым мукам и временным бедствиям!

Но о всеблагий отче и просветителю наш! Милостив буди к нашим немощем, долготерпелив ко грехам и неправдам нашим: умоли Премилосердаго Царя Небеснаго, да не прогневается на ны зело и не погубит нас со беззаконьми нашими, но да помилует и спасет нас, имиже весть судьбами: да всадит в сердце наше спасительный страх Свой, да просветит Своею благодатию ум наш, во еже узрети нам бездну погибели, в нюже стремимся, оставити стези нечестия и заблуждений, обратитися же на путь спасения и истины, неуклонно исполняти заповеди Божии и уставы Святыя Церкве.

Моли, благосерде, человеколюбца Бога, да явит нам великую милость Свою: да избавит нас от нашествия иноплеменников, от внутренних нестроений, мятежей и раздоров, от глада, смертоносных болезней и от всякаго зла: да подаст нам благорастворение воздуха и плодоносие земли: да сохранит и спасет Отечество наше от всех козней и наветов вражиих: да дарует нам победу над врагами, да исполнит вся благая желания наша: да оградит державу нашу мудрыми и верными деятелями, да сохранит в судящих и начальствующих правду и милость: да даст духовным пастырем непорочность жития и ревность о спасении пасомых, всем же людем усердие в исполнении своих обязанностей, взаимную любовь и единомыслие, стремление ко благу Отечества и Святыя Церкве: да распространит свет спасительныя веры в царстве нашем во всех концах его: да обратит к правоверию неверующих: да упразднит вся ереси и расколы, да, тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.

Молитвы при зубной боли

Особую помощь по молитвам священномученику Антипе получают люди, страдающие от зубной боли.

День памяти 11/24 апреля

Святой Антипа жил в I в., был учеником святого апостола Иоанна Богослова и епископом Церкви в Пергаме. Языческие жрецы бросили святого в раскаленный жертвенник, но смерть мученика, по воле Господней, стала спокойной, как сон. Неповрежденное тело священномученика Антипы было с почестями погребено его учениками, и от его гроба стали происходить многочисленные чудеса и исцеления.

Архиерею Божий, священномучениче Христов, Антипо преблаженне, иже апостолом сопрестольник, и святителем слава, ты еси, архиерею, церковное светило и утверждение веры, пред противными богоборцы дерзновенно Христа исповедал еси, и принеслся еси яко кадило благовонно, и яко агнец незлобив и мученик праведен, в вол медян разжжен ввержен, святителю, и молитвы благодарственныя в нем Богу и Отцу возсылая, яко солнце возсиял еси, и мучением своим томителя велиара до конца сокруши. Сего ради Христос тя прослави на небеси, и на земли всю вселенную осияваеши данною ти благодатию, страждущим от неутешимыя зубныя болезни цельбы подаеши, непрестанно призывающим тя с верою. И ныне, усльши мя, грешнаго и недостойнаго раба Твоего (имя), в час сей с верою призывающаго тя, яко и молебное пение приносити ходатая и молебника к Богу тя предлагаю.