Текст книги "100 молитв на быструю помощь. Самые сильные молитвы на исцеление"

Молитвы при женских недомоганиях

Молитвы преподобному Давиду Гареджийскому возносят при любых женских болезнях и недомоганиях.

День памяти 7/20 мая, четверг по Вознесении

Святой Давид Гареджийский (Иверский) был учеником Иоанна Зедазнийского. Вместе со своим учителем преподобный пришел из Антиохии в Грузию, проповедуя Слово Божье, и стал одним из основателей монашества в грузинских землях. Усердно молился святой о чадородии женщин, их здоровье и чистоте, и многие женщины получили по молитвам преподобного Давида исцеления от недугов и возможность родить долгожданного ребенка.

О всесветле, богохвальне авва Давиде, святче Божий! Ты силою благаго Законоположителя явился еси нам, кознями лукавого связанным и обуреваемым, яко наставник в покаянии и помощник в молитве. Того ради дано тебе много даров благодати и чудотворения, разрешения грехов наших и прегрешений оставление, болезней исцеление и диавольских наветов отгнание.

Темже твоею отеческою милостию в богоцарственном разумении, многотрудными молитвами и моленьми твоими, наипаче же непрестанным твоим заступлением о нас, да возставит Господь Бог ны, во грех впадшия, силою Своею непобедимою на всякаго видимаго и невидимаго врага, дабы благодаряще совершая святую память твою, желанием возжелали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь.

Священномученику Ипатию молятся об избавлении от разных недугов. Большую помощь получают от него женщины, страдающие бесплодием и различными болезнями.

День памяти 31 марта/13 апреля, 16/29 ноября

Святой Ипатий жил в III–IV вв. в Малой Азии и был епископом города Гангры, одним из участников Первого Вселенского Собора в Никее, на котором произошло обличение ереси ариан. На обратном пути на святого напали еретики-ариане, нанесли ему тяжкие раны и бросили в болото. После кончины тело мученика убийцы оставили в одной из пещер. Мощи святого Ипатия были обнаружены местным крестьянином и с почетом перенесены в Гангры. От святых мощей мученика происходили многочисленные чудеса, исцеления и изгнания бесов.

Трисолнечного Света светозарная звездо, вводящая в мир Трисолнечный Свет апостольскими твоими, богоевангельскаго проповедания священноучении, священномучениче, иерарше Христов, Богоблаженне Ипатие. Ты приял еси от Святые Троицы равноапостольную благодать, серафимскую в горечестии к Богу любовь, яко же верховнейший апостолов Петр, и херувимскую многоочитую во учении премудрость, яко же вторый Павел.

Просветивый премудрым твоим благочестия учением тьмочисленныя народы, присноусердно подражая всемирнаго Учителя, Господа Бога и Спаса нашего Иисуса Христа. Его же ради всесмиренно молю богоподражательное отеческое твое благоутробие: призри милостивно богосветлыми очима твоима на сущее недостоинство мое, яко всечадолюбивый по Бозе отец, и присноусердный нашего спасения наставниче, адамантная Православию стена и пресветлый столп, вводящий второноваго Израиля во всепросветлейший Горний Сион.

Проси же присно у Святыя Троицы всем православным христианом мира и тишины, душевного спасения и многолетняго в телеси здравия, воздуха благорастворения, земли благоплодия, неплодствующим благочадия, и в законе Господнем воспитания, и всех благих умножения. А после жития коемуждо жизни сея сподоби святыми твоими молитвами улучити христианскую кончину благу, непостыдну и мирну, со всепреподобнейшим исповеданием и со причастием Святых Бессмертных Небесных и Животворяхцих Христовых Тайн, наследие со святыми всерадостныя присносущныя жизни, в ней же купно со ангельскими чинми непрестанныя хвалы вознесем Отцу со Единородным Его Сыном и с Пресвятым, Благим и Животворящим Его Духом, и тебе, великое твое отеческое милостивое заступление, ныне и присно и во веки веков. Аминь.

Молитвы при нарушениях сна и бессоннице

Святому преподобному Иринарху молятся об избавлении от бессонницы и при нарушениях сна.

День памяти 13/26 января

Святой Иринарх (в миру Илия) жил в XVI–XVII вв. и был сыном ростовского крестьянина. В молодые годы удалившись в обитель, он проводил свою жизнь в трудах, посте, молитвах и аскезе. Около 25 лет преподобный провел в затворе, сковав себя железными цепями. Он предсказал вторжение литовцев на Русь и разрушение храмов, в годы вражеского нашествия он молился о небесном заступничестве для своего народа и благословил Дмитрия Пожарского на борьбу с захватчиками.

После смерти святого старца от его гроба и вериг совершилось множество исцелений недужных и одержимых бесом.

Яко мученика добропроизвольна и преподобных удобрение, звезду Ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.

О преподобне отче Иринарше! Се мы молим тя усердно: буди ходатай наш присный, испроси нам от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушения врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Преподобному молятся об избавлении от бессонницы.

День памяти 16 февраля/29 февраля (1 марта)

Святой Маруф жил в IV–V вв. и был епископом города Тигрита, расположенного на границе Византии и Персии. Будучи человеком большой учености и благочестия, преподобный стал автором произведений о святых мучениках, а также «Толкования на Евангелие», описаний деяний Вселенского Собора в Никее и других книг. Его стараниями в Персии вновь было разрешено свободное исповедание христианства, восстановлены разрушенные при шахе Шапуре христианские храмы и обращены в истинную веру многие персы-язычники.

Чистотою душевною Божественно вооружився, и непристанныя молитвы яко копие вручив крепко, пробол еси бесовская ополчения Маруфе, моли непрестанно о всех нас.

О священная главо, преподобне отче, преблаженне авво Маруфе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих, моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися.

Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Молитвы при параличе

Преподобному Иакову Железноборовскому молятся для избавления от паралича и болезней ног.

День памяти 11/24 апреля, 5/18 мая

Святой Иаков жил в XIV–XV вв. и был сыном костромского боярина. В юном возрасте принял он постриг от Преподобного Сергия Радонежского и на несколько лет поселился в Троицком монастыре. Позже он удалися в лесную чащу неподалеку от места Железный Борок и проводил там жизнь в уединении и молитве. Несмотря на то, что преподобный Иаков страдал от тяжелого недуга, поразившего его ноги, он два раза добирался пешком до Москвы. После кончины святого от его нетленных мощей происходили чудеса и исцеления.

Небеснаго желая, земная возненавидел еси и, взем крест свой, последовал еси Христу и от Него прием дарования чудес, исцеляти недужныя; но яко имея дерзновение ко Святей Троице, испроси православным здравие и спасение, на враги же победу, и не забуди, посещая чад своих, припадающих к целебному гробу твоему, Иакове преподобие, отче наш.

Сердечная очи, досточудне, ко Господу вперив и телесныя страсти исторгая, неболезненную жизнь в болезнех восприял еси, преподобне, болезням же лютым даеши исцеление просящим с верою у тебе, темже молим тя, досточудне, исцели наша болезни душевныя и телесныя, да зовем ти: радуйся, Иакове Богомудре, отче наш.

О преподобне и богомудре отче наш Иакове! Вемы, яко с лики ангельскими и всеми святыми предстоиши присно престолу Господа Вседержителя и велие имаши к Нему дерзновение молитися о всех, с верою и умиленными слезами в помощь тя призывающих. Не премолчи убо, вопия за ны недостойныя ко Господу Богу, да отвратит гнев Свой, праведно за беззакония наша на ны движимый, и да избавимся всяких скорбей, бед же и напастей, и злых обстояний, и благочестно поживем в нынешнем веце, ходяще в заповедех и оправданиих Господних непорочно. О преблаженне и боголюбезне отче наш Иакове! Умоли Господа, да не оскудеют в обители твоей истиннии ревнители иноческаго жития и подражатели святому и богоугодному житию твоему: сохрани предстательством твоим к Богу обитель и страну сию от огня, глада, меча, нашествия иноплеменных и от всякаго зла, и всем с верою и любовию притекающим в твою обитель испроси у Господа Бога грехов прощение, телесем здравие, исправление греховнаго жития и вечное спасение: да с тобою и всеми святыми сподобимся прославляти в Троице славимаго Бога, Отца и Сына и Святаго Духа, во веки веков. Аминь.

Ублажаем тя, Преподобне отче наш Иакове, и чтим святую память твою, наставниче монахов и собеседниче ангелов.

Преподобному Никите Столпнику молятся при параличе, а также при нарушении подвижности рук и ног.

День памяти 24 мая/6 июня

Преподобный Никита жил в XII в. в городе Переяславле-Залесском и был сборщиком налогов и податей, известным своей жестокостью. Беспощадно обирая местных жителей, Никита присваивал себе огромные суммы казенных денег. Но Господь в милосердии своем призывал грешника к покаянию, посылая ему страшные видения. Раскаявшись, Никита отправился в монастырь и принял постриг.

По примеру древних столпников, преподобный выкопал себе глубокую яму и проводил в ней дни и ночи за молитвой, возложив на голову тяжелый камень.

Мученическую кончину святой принял от рук родственников, польстившихся на его кресты и вериги.

Христову мученику тезоименит был еси, преподобне, многи подвиги и труды претерпел еси Христа ради, Егоже ради вериги носил еси, блаженне: Того ныне о нас моли, Никито преподобне, душевныя наша и телесныя страсти уврачевати, верою и любовию почитающих присно память твою.

Христа ради от твоих рабов нуждную смерть претерпел еси, и венец нетления от Него восприял еси, приходящим же с верою от честнаго твоего гроба подаеши цельбы, о Никито преподобне, молитвенниче о душах наших.

О всечестная главо, преподобне отче, преблаженне Никито преподобномучениче! Не забуди нищих твоих до конца, но поминай нас всегда во святых своих и благоприятных молитвах к Богу и не забуди посещати чад своих. Моли за ны, отче благий и избранниче Христов, яко имеяй дерзновение к Небесному Царю, и не премолчи за ны ко Господу, и не презри нас, верою и любовию чтущих тя.

Поминай нас недостойных у Престола Вседержителева и не престай моляся за нас ко Христу Богу: тебе бо дана бысть благодать молитися за ны. Не мним бо тя мертва суща, аще бо и телом преставился еси от нас, но и по смерти убо жив пребываеши. Не отступай от нас духом, сохраняя и соблюдая нас от стрел вражиих и всякия прелести бесовския, заступниче и молитвенниче наш добрый.

Аще бо и мощей твоих рака пред очима нашима видима есть всегда: но святая твоя душа со ангельскими воинствы, со безплотными лики, с небесными силами у Престола Вседержителя Бога достойно веселится. Ведуще убо тя воистину и по смерти жива суща, тебе припадаем, и тебе молимся и мили ся ти деем, еже моли ти ся о нас Всесильному Богу о пользе душ наших, и испроси нам время на покаяние, и невозбранно приити от земли на Небо, и горьких мытарств, и воздушных князей, и вечныя муки избавитися нам, и Небесному Царствию наследником быти со всеми праведными, от века угодившими Ему, Господу нашему Иисусу Христу, Емуже подобает всякая слава, честь и поклонение, со Безначальным Его Отцем и Святым Духом, ныне и присно и во веки веков. Аминь.

Преподобному Александру Свирскому молятся для избавления от паралича, а также о даровании ребенка мужского пола.

День памяти 30 августа/12 сентября

Святой Александр, в миру носивший имя Аммос, жил в XV в. и был сыном пожилых благочестивых родителей, долгие годы моливших Бога о даровании им потомства. С юных лет преподобный проводил свою жизнь в посте и молитве, выражая желание служить Всевышнему. Не желая подчиниться воле родителей и вступить в брак, святой тайно покинул отчий дом и удалился в монастырь. Позже святой Александр избрал для себя уединение и поселился в маленькой хижине в лесу. Со временем на месте Свирской пустыни образовался монастырь.

От нетленных мощей святого Александра и в наши дни происходят чудеса и исцеления.

Яко многосветлая звезда днесь в странах Российских возсиял еси, отче, вселився в пустыню, Христовым стопам последовати усердно возжелел еси, и Того святое иго на рамо твое взем честный крест, умертвил еси, труды подвиг твоих, телесная взыграния. Темже вопием ти: спаси стадо твое, еже собрал еси мудре, да зовем ти: радуйся, преподобне Александре, отче наш.

От юности, богомудре, желанием духовным в пустыню вселився, единаго Христа возжелал еси усердно стопам в след ходити. Темже и ангельстии чини зряще тя удивишася, како с плотию к невидимым кознем подвизався, премудре, победил еси полки страстей воздержанием, и явился еси равноангелен на земли, Александре, преподобне. Моли Христа Бога, да спасет души наша.

О священная главо, ангеле земный и человече небесный, преподобне и богоносне отче наш Александре, изрядный угодниче Пресвятыя и Единосущныя Троицы, многия милости живущим во святей обители твоей и всем, с верою и любовию притекающим к тебе, являяй. Испроси нам вся к житию сему временному благопотребная, паче же к вечному спасению нашему нужная. Пособствуй предстательством твоим, угодниче Божий, правителем страны нашея России. И да в мире глубоце пребудет святая православная Церковь Христова. Буди всем нам, чудотворче святый, во всякой скорби и обстоянии скорый помощниче. Наипаче же в час кончины нашея явися нам, заступниче благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода в Царствие Небесное. Ей, отче, молитвенниче наш присный! Не посрами упования нашего, не презри смиренных молений наших, но присно о нас пред Престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойны есмы, в селениих райских славити величие, благодать и милость Единаго в Троице Бога, Отца и Сына и Святаго Духа во веки веков. Аминь.

Молитвы при болезнях крови и органов кроветворения

Святому мученику Иоанну Воину молятся при болезнях крови и органов кроветворения, а также в любых скорбях.

День памяти 30 июля/12 августа

Святой Иоанн жил в IV в. и был солдатом в войске императора Юлиана Отступника, гонителя христиан. Вместе с другими воинами Иоанн должен был преследовать исповедников истинной веры, однако он тайно оказывал им помощь, предупреждая их об опасности и освобождая схваченных. Не только христианам, но и всем, кто нуждался в помощи, помогал святой мученик – больным, нищим и скорбящим.

По приказу императора Иоанн Воин был брошен в темницу, но после смерти нечестивого правителя вышел на свободу и продолжил творить подвиги милосердного служения ближним.

По чудесному видению мощи святого Иоанна были обретены и положены в Константинополе. По молитвам у святых мощей мученика происходили чудеса и исцеления.

Блаженство Евангельское возлюбив, Богомудре Иоанне, чистоту сердца почтил еси. Темже суету мира сего пренебрегл, устремился еси зрети Бога, Иже тя прослави чудесы во врачевании различне страждущих. Сего ради молим тя: проси нам у Христа Господа всяких скорбей избавления и получения Царства Небеснаго.

Благочестиваго воина Христова, победившаго враги душевныя и телесныя богомудренно, Иоанна мученика, достодолжно песньми восхвалим, чудодействуя бо, подает обильная исцеления страждущим людем, и молится Господу Богу от всяких бед спасти правоверныя.

О мучениче Христов, Иоанне Воине! Храбрый еси во бранех врагом прогонитель и обидимым заступник, всем православным христианом скорый помощник. О великий заступниче и угодниче Христов Иоанне Воинственниче! Помилуй нас, грешных и недостойных, и заступи в бедах и в скорбех, и в печалех, и во всякой злой напасти, и от всякаго злаго и обидящаго человека: тебе бо дана бысть таковая благодать от Бога, еже молитися за ны грешныя, в бедах и напастех зле страждущия; избави убо нас от обидящих и ненавидящих, буди нам поборник крепок на вся видимыя и невидимыя враги наша.

Православным христианом и воинству во брани даруй на враги победу, яко да твоею помощию и крепким поборством посрамятся вси, творящий рабом своим злая. О, великий поборниче Иоанне Воине! Не забуди нас, всегда молящихся тебе, просящих помощи и неоскудныя милости твоея, и сподоби нас, грешных и недостойных, получити от Бога неизреченная благая, яже уготова любящим Его. Яко подобает Ему всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Молитвы при кожных заболеваниях, язвах и нарывах

Святым чудотворцам и бессребреникам Киру и Иоанну молятся об исцелении от любых болезней, особенно – от поражений кожи.

День памяти 31 января/13 февраля

Святой Кир жил в Александрии в IV в. и был искусным врачом, исцелявшим самые страшные недуги своим умением и словами святой молитвы и не бравшим от спасенных им людей никакого вознаграждения. Приходя к больным, он излагал им наставления святых апостолов и пророков о том, как сохранить себя от греховных недугов, которые бывают причинами телесных болезней. Так поучая больных, а равно, проповедуя им и Божественное учение, святой Кир многих язычников привел к познанию Бога истинного и сделал их христианами.

Прослышав о Кире, воин-христианин из Еседа Иоанн устремился к святому и присоединился к нему, во всем подражая своему добродетельному наставнику.

Схваченные по приказу градоправителя Сириана, святые Кир и Иоанн были преданы страшным пыткам и казнены.

От божественныя благодати дар чудес приемше святии, чудодействуете непрестанно вся наша страсти рукодейством секуще невидимым, Кире богомудре со Иоанном славным: вы бо божественнии врачеве есте.

Святии славнии Кире и Иоанне, безсребреницы, мученицы и чудотворцы, милосердием своим, яко стеною необоримою, нас оградите от всех бед и от врагов видимых и невидимых сохраните непрестанною вашею молитвою ко Господу.

Чудеса святых Твоих мученик, стену необориму нам даровавый Христе Боже, тех молитвами советы языков разори, царства скиптры укрепи, яко един благ и человеколюбец.