Текст книги "Я – не колдун, я – знахарь. Лучшая книга сильного целителя. Полная версия бестселлера"

«Отче наш» – 3 раза.

«Господу помолимся. Господи помилуй».

«Боже Вседержателю, сотворивый небеса разумом, и основавый землю на тверди ея, Создателю и Содетелю всех, презри на раба Твоего (имя), изволившего в державе крепости Твоея воздвигнути дом в жилище, и зданием его воздвигнути.

Утверди его на твердом камени, и основай по Твоему божественному евангельскому гласу, его же ни ветер, ни вода, ни ино что повредити возможет: благоволи и в конец привестися, и хотящих в нем жити от всякого навета сопротивнаго свободи.

Яко Твоя держава, и Твое царство, и сила, и слава, Отца и Сына, и Святого Духа, ныне и присно, и во веки веков. Аминь».

«Отче наш» – 3 раза.

«Господу помолимся. Господи помилуй».

«Боже Спасителю наш, изволивай под сень Занхееву внити, и спасение тому, и всему дому того бывый: Сам и ныне здесь жити восхотевшие, и нами недостойными мольбы Тебе и моления приносящие, от всякого вреда соблюди невредимы, благословляяй тех здесь жилище, и ненаветен тех живот сохраняй.

Яко подобает Тебе всякая слава, честь и поклонение, со безначальным Твоим Отцом, и с Пресвятым, и благим, и животворящим Твоим Духом, ныне и присно, и во веки веков. Аминь».

«Господи Боже наш, в начале создания Твоего сотворивый небо и земле; и небо убо украсивый великими светилами, еже просвещати на земле и чудитися теми Тебе единому Содетелю и Владыце твари; землю же украсивши злаком и травою и различием семян, сеемых по роду и всю, цветы покрыв в благоукрашение, благословил еси; Сам и нынь, Владыко, презри от святого жилища Твоего на стяжание син и благослови е; сохрани е невреждено от всякого чарования и обаяния и всякого зла, оплазнства же лукавого и коварства лукавых человек; и даждь ему приносити плоды во время, исполнены благословения Твоего; и всякаго зверия и гада, червь же и мухи, и ржу, зной и варь, и безгодныя ветры, вред наносящия отжени от него.

Яко освятится и прославится пречестное и великолепное имя Твое, Отца, Сына и Святого Духа, ныне и присно, и во веки веков. Аминь».

* * *

«Отче наш» – 3 раза.

«Господу помолимся. Господи помилуй».

«Господи Боже наш Вседержателю, словом Твоим всяческая исполнивый, и возрастити повелевый земли все плоды и в своя времена давати, в радость, и в живот человекам.

Ты Сам Всеблагий Владыко, и семена сия с различными зериями, принесенныя в святую обитель сию, благослови и освяти духом Твоим Святым, и работ Твоих сих приемлящих зелия сия, с семенами, от всякия скверны очисти, и домы их всякого благовония исполни, во еже быти сим, и всем верою хранящим я, и надящимся ими в соблюдение, и избави от всех вражиих прилогов, и в отгнании всякого мечтания, от действа диавола находящего, дневного и ночного. На благословение же душам и телом, верным Твоим людем и скотом, домовом же и местом.

Яко да вси приемлющии сия зелия, восприимут себе покров души и тела.

И да будет нашему спасению врачевство. Твоея благодати таинство. Да воем либо месте возложится, или на коем употребляемо будет, во еже благословение получать.

И вся (противной силе оттуда прогнанной) десница Твоя да покрыет, в славу Пресвятого Великолепаго и всепоклоняемого имени Твоего. Ему же подобает всякая слава, честь и поклонение, со Отцем и Святым Духом, ныне и присно и во веки веков. Аминь».

«Господи Боже наш, источниче благих, повелевый земли извести плод, благоутробия ради Твоего и благости, благослови и умножи и гумно сие, и плодоношение рабов Твоих; исполни сокровище их всякого благого плода, пшеницы, вина и елея, и сохрани их от всякого искушения, со всеми сущими у них, и просвети их в познании Твоем, да благоугодии Тебе бывше, сподобятся вечных Твоих благ.

Яко благословися Твое имя, Отца, Сына и Святого Духа, ныне и присно, и во веки веков. Аминь».

* * *

«Отче наш» – 3 раза.

«Господи Боже наш, от пречистыя и пребогатыя длани Твоя, предлежащее пред очима Твоими, семень подаяние принесохам Владыко, и сему Тебе вручитися молимся: не бо омеяхом в бездушных земли недрах заключити сия, аще не воззрим на повеление Твоего Величества, повелевающее родити, и прозябати земли, и дати семена сеющему, и хлеб в снедь.

И ныне молимся Тебе, Боже наш, услыши ны молящиеся Тебе и отверзи нам сокровище Твое великое, и благое, и небесное: и излей благословение Твое, донельже удовлимся, по неложным Твоим обещанием.

И отжени от нас вся снедающая плод наш земной, и всякое наказание, праведно наводимое на ны грех ради наших. И богатые Твои щедроты ниспошли на вся люди Твоя, благодатию и человеколюбием Единородного Твоего Сына, с Ним же благословен еси, и с Пресвятым, и благим, и животворящим Твоим Духом, ныне и присно, и во веки веков. Аминь».

«Господи Иисусе наш, иже лоза сый истинная, и Отец Твой делатель и Тыи апостолы нарекли еси рождиями: Тако и ныне Владыко, приди на лозу сию и насади; даждь ей хранителя помощь Твою, огради входы и исходы ея Твоим промыслом; избави в от всякаго обстояния ея, от града, снега, мраза, от грозныя зимы и ветров сопения, от бури и от всякого нахождения, видимых и невидимых врагов.

Презри и посети виноград сей, его же насади десница Твоя, да воздаст вовремя плоды своя; и да сподобимся и мы Твоею благодатию обимати его, и принести Тебе от него, во еже претворитися в кровь пречистого тела Твоего.

Тебе бо подобает всяка слава, честь и поклонение со безналичным Твоим Отцом, и с пресвятыми, и благим, и животворящим Твоим Духом, ныне и присно, и во веки веков. Аминь».

* * *

«Отче наш» – 3 раза.

«Боже Спасителю наш, благоволивый лозою нарещися Единородному Твоему Сыну, Господу нашему Иисусу Христу, и плод ея безсмертия виновен показавый, Духа Твоего благодатию. Сам и ныне Владыко, и сей лозный плод благослови, и даждь всем причащающимся от него освящение, и преспеяние души.

Создавшего же нас истинныя лозы причастника сотвори выну, и невредим живот его сохрани, вечными Твоими и неотъемлимыми дарами украшаяй, благодатию, человеко-любием Единородного Твоего Сына, с Ним же благословен еси, и с Пресвятым, и благим, и животворящим Твоим Духом, ныне и присно, и во веки веков. Аминь».

«Отче наш» – 3 раза.

«Владыко Господи Боже наш, власть имеяй всякия твари, Тебе молимся, и Тебя просим, яко же благословил и умножил еси стада патриарха Иакова, благослови и стадо скотов сих раба Твоего (имя) и умножи, и укрепи и сотвори е в тысящи, и избави е от насилия диавола, и от иноплеменников, и от всякого навета врагов, и воздуха смертного, и губительного недуга: огради святыми ангелы Твоими, всякую немощь, всякую зависть, и искушение, чаровства же и волшебства, от действа находящего диавольского, отгоняя от него. Яко Твое есть царство, и сила, и слава, Отца и Сына, и Святого Духа, ныне и присно, и во веки веков. Аминь».

«Господи Боже наш, утвержяй гром, и претворяй молнию, и вся деяй ко спасению дел руку Твоею, презри Твоим человеколюбием, избави нас от всякия скорби, гнева и нужды, и настоящего прещения; возгромив еси с небесе Господи, и молнию умножил еси, и смутил еси нас.

Примирился, Благоутробе, к Тебе прибегим, и богатыя щедроты Твоя ниспошли на ны, и помилуй рабы Твоя, яко благ и человеколюбец; да не попалит нас огонь ярости Твоея, ниже де снедает нас ярость молний и громов Твоих; но обычное Твое употребивый благоутробие, укрот и гнев Твой, и в благотишие воздух преложи, и солнечными лучами належащий мрак рассеки, и мглу в тишину претвори.

Яко Бог милости, щедрот и человеколобия еси, и Тебе славу возсылаем, Отцу, Сыну и Святому Духу, ныне и присно, и во веки веков. Аминь».

* * *

«Отче наш» – 3 раза.

«Паки Тебе Господи человеколюбца Владыки, намять наказания, паки рабов неключимых прощения, моления ведущих, яко елико превосходит множество грехов, толико вящши и того превосходиши, непамятозлобным Твоим благоутробием.

Тем же и молимся Тебе: отврати ярость Твою от нас, яко да не в век прогневаешися на нас, но в милости Твоей оживиши ны щедротами Твоими, Господи Боже наш, утвержяй гром, и претворяй молнию, и все деяй ко спасению дел руку Твоею, призри Твоим Челевеколюбием, и избави нас от всякия скорби, гнева и нужды, и настоящего прощения; возгремел бо еси с небесе Господи, и молнию умножил еси, и смутил еси нас.

Примирися Благоутробие, к Тебе прибегаем, и богатые щедроты Твоя низпосли на ны, и помилуй рабы Твоя, яко благ и Человеколюбец: да не попалит нас огнь ярости Твоея, ниже да снедает нас ироть молний и громов Твоих. Но обычное Твое употребивый, укроти гнев Твой, и в благоотишие воздух преложи, и солнечными лучами надлежащий мрак рассеки, и мглу в тишину преврати.

Яко Бог милости, щедрот и человеколюбия еси, и Тебе славу возсылаем Отцу и Сыну, и Святому Духу, ныне и лрисно, и во веки веков, Аминь».

«Владыко Господи Боже наш, послушавый Илию Оесвитянина ревности ради к Тебе, и во время посылаемому дождю удержатися повеливый, тоже пали молитвою его дождь плодоносный ей дарованый; сам Владыко всех от самого Твоего благоутробия умоляем, дождь волен даждь наследию Твоему; и согрешившая нами презрев, дожди Твоя ниспошли на требующая и просящая места; возвесели лице земли, нищих ради людей Твоих, и младенцев, и скотов, и иных всех: зане к Тебе чають, еже дати пищу им во благое время.

Ты бо еси Бог наш, Бог, ежи миловати и спасати, к Тебе славу возсылаем, Отцу, Сину и Святому Духу, ныне и присно, и во Веки веков. Аминь».

* * *

«Отче наш» – 3 раза.

«Со умилением все колена преклоньше, Господу помолимся.

Владыко Господи Боже наш, древле ревнителя Илию пророка Твоего мольбу послушавый, и иже на время дождь удержати изволивый: и ныне Человеколюбче Творче, и Милостивый Господи, презри на нас смиренных и недостойных рабов Твоих смиренных мольбы, и яко щедр презри наша прегрешения, и умолен быв от самого Твоего Человеколюбия, подаждь ведро достоянию Твоему, и солнце просвети на требующия и просящия от Тебе милости: возвесели лице земли нищих ради людей Твоих, младенец же и скот и иных всех животных, их же насыщаеши Твоим благоволением, и даеши пищу им во благо время.

Ей, Господи Боже наш, не отрини вотще мольбу нашу, ниже посрами нас от чаяния нашего, но пощади нас по милости Твоей, и посети щедротами Твоими; исчезают бо всуе дни наши, и оскудевает в болезни живот наш.

Не погуби убо нас беззаконий ради наших, ими же негодований и ярость Твою на себе привлекохом: но сотвори с нами по тихости Твоей, не по множеству милости Твоея.

Се бо душею сокрушенною, и духом смиренным пред Тобою припадаем, и яко раби непотребни, паче же большия казни достойни, в покаянии умиленно Тебе вопием: согрешихом, и беззаконовахом, и прегрешихом во всем, заповеди Твоя преступающе, и сего ради вся, яже наводиши на ны, истиною и судом наводиши.

Но не до конца тленяю, граду же и погибели предаждь нас, ниже да потопить нас буря водная. Но во гневе милости помяни, и гуне щедрот Твоих ради умилостивися, и Твое создание и дело рук Твоих яко благо помилуй, и от всякого зла мора избави.

Твое бо есть, еже миловати и спасати нас, Боже наш, и Тебе славу возсылаем, Отцу и Сыну, и Святому Духу, ныне и присно, и во веки веков. Аминь».

«Отче наш» – 3 раза.

«Господи Боже наш Вседержателю и всесильне, творяй вся, и претворяй точию еже хотети: иже в непроходных проход обретаяй чеизреченою и непостижимою мудростыо: иже от сухого на мене подавый тещи потоком и жаждущие люди твоя насытивый.

Сам и ныне Владыко всех, услыши моление нас, недостойных рабов Твоих, и даруй нам воду на сем месте, сладкую же вкусную, довольну убо к потребе, невредительную же ко приятию.

Яко да и в сем славим Пресвятое и Великолепное имя Твое, Отца и Сына, и Святого Духа, ныне и присно, и во веки веков. Аминь».

* * *

«Владыко Господи Боже наш, древле ревнителя Илью пророка Твоего мольбу послушавый, и еже на время дождь удержати изволивый: и ныне человеколюбивый Творче и милостивый Господи, презри и на нас, смиренных и недостойных рабов Твоих, и, яко щедр, презри наша прегрешения, и умолен быв от самого Твоего человеколюбия, подать ведро достоянию Твоему, и солнце просвети на требующыя и просящыя от Тебя милости; возвесели лицо земли, нищих ради людей Твоих, младенец же и скот и иных всех животных, их же насыщаеши Твоим благоволением, и даеши пищу им и во благое время.

Ей, Господи Боже наш, не отрини вотще мольбу нашу, ниже посрами нас от чаяния нашего, но пощади нас по милости Твоей, и посети щедротами Твоими; исчезают бо всуе дни наши, и оскудевает в болезни живот наш; не погуби убо нас, беззаконий наших, ими же негодование и ярость Твою на себе привлекохом; не сотвори с нами по тихости Твоей, и по множеству милости Твоея, се бо душею сокрушенною, и духом смиренным пред Тобою припадаем, и яко рабы непотребни, паче же большия казни достойни, в покаянии умиленно тебе вопием: согрешихом, и беззаконовахом, заповеди Твоя преступающе, и сего ради вся, яже наводиши на ны, истиною и судом наводиши; но не до конца тлению гладу же и погибели предать нас, ниже да потопить нас буря водяная.

Но во гневе милости помяни, и туне щедрот Твоих ради умилостивися, и Твое создание и дело рук Твоих яко благ помилуй, и от всякого зла скоро избави. Аминь».

«Боже чудес, иже великая и чудны соделавый, древнего Израиля Моисеем свободивый горкия работы фараоновы, рукою Твоею десною сего наставить, и первее убо птицами оными в сытость напытавый многочисленныя люди в пустыне зело сухой, потом одождивый ману яко же воду от источника присно текущего; иже неисекомый камень источники вод отождити устроивый, и всех удовлетворивый пролитием воды жаждою изнуряемых: сице и ныне нас напитай обычным Твоим человеколюбием и благостию, подаю нам потребная, покажи и в нас великая Твоя и чудесная, и напитай нас в сытость благословением Твоея благослови: вся бо возможна Тебе, не невозможно же Тебе ничтоже.

Ей, Господи Боже наш, напитывай тмами люди малыми хлебы в пустыни, напитай и нас ныне неизреченым Твоим благоутробием, и не презри моления нас, грешных и недостойных рабов Твоих. Да прославится пресвятое имя Твое, Отца, Сына и Святого Духа, ныне и присно, и во веки веков. Аминь».

«О Пресвятая Владычице моя, Дева Благородице, Одигитрие, покровительнице и упование спасения моего!

Сев путь, ныне хощу отлучитися и на время сие вручаю Тебе, премилосердной Матери моей, душу и тело мое, все умения мои и нещественныя силы, всего себе вверяю я в крепкое Твое смотрение и всеобильную Твою помощь.

О благая спутнице и защитнице моя! Усердно молю Тя, да не ползок путь мой сей будеть, руководствуй мя на немъ, и направи его, Всесвятая Одигитрие, скоке Сама веси, ко славе Сына Твоего, Господа моего Иисуса Христа.

Буди ми во всем Помощнице, наипаче же в сем дальнем и многотрудном путешествии соблюди мя под державным покровом Твоим от всяких бед и скорбей, от врагов видимых и невидимых, и моли о мне, Госпоже моя, Сына Твоего Христа, Бога нашего, де послать в помощь мне ангела Своего мирна, верна наставника и хранителя, да яко же древле даровал есть рабу Своему Тови Рафаила, на всяком месте и во всякое время его в пути от всякога зла: тако и мой путь благополучно управить и сохранить мя небесною силою, здрава да возвратить мя, мирна и всецела к жилищу моему во славу имени Своего святаго, славяща и благославяща Его во вся дни живота моего и Тебе величающа ныне и присно, и во веки веков. Аминь».

«Владыко Господи Боже наш, иже ипостасным и безначальным Твоим Словом, и живородящим, и единочестным Твоим Духом от не сущих, во еже быти, всяческая привель еси: положивый морю предел песок; и поставивый горы и долы правилом; пядию измеривый небо, и горетию содержай землю; меры и правила, пределы и чины видимый сей давый твари, и времени изменения и возврати солнечным, и растворения стихий, манием Твоим содержай неизречено.

Сам, всеблагий Царю, посети Твоею руку дела, и не отыми от нас милостей Твоих и щедрот Твоих, ниже разори завет Твой, остави грехов множество наших превосхождением множества щедрот Твоих; возведи Твою тварь к естественному чину, покажи нам обычную великую сея пучины тишины, и на лежащую бурю и смятение воздуха рассеки. Запрети волнению морскому, да станет дух бурный, и к тишине мятежная да преложатся; яко да Твоя дела, и чудеса видят, сходящие на море в кораблях и творящие делания в водах многих.

Устрой е, человеколюбче Владыко, Твоим неприкладным человеколобием; иже Единороднаго Твоего Сына и Господа нашего Иисуса Христа, изволивый быти человека, и сплавати святым Твоим учеником и Апостолом, и запрети бури ветров, и всяким морским утешатися волнам повелевай.

Сам и ныне всякий сопротивый ветер успи, и волны укроти и бурю утоли и воздвигни наречитая и благоключивая времена и ветры, правитель и помощник везде быв рабом Твоим, наставляй я во пристанище спасения, иже Твое точию ведающе имя, и незнающе разве Тебе Бога иного, и к Твоей помощи вину презирающе, молитвами и моленьями преблагословленныя Богородицы, Боговидных Ангелов и всех святых благоволением к благостию Единородного Твоего Сына, с ним же благословен еси, и с пресвятым, и благим, и животворящим Твоим Духом, ныне и присно, и во веки веков. Аминь».

«О, преславный городниче Христов Иоанне Воинственниче, храбрый еси в ратях, врагов прогонитель и обидимым заступниче и угодниче Христов, помяни нас, грешных и недостойных рабов, в бедах, скорбях и печалях, и во всяцей злей напасти, и от всякаго злаго и обидящего человека защити нас; дана бо Тебе благодать от тяга молитися за нас, грешных, зле страждущих.

Избави нас от обидящих нас, буди нам поборник крепок на вся видимыя и невидимыя враги наша, да Твоею помощию и крепким предстательством и поборством посрамятся си являющии нам злая!

О, великий поборниче, Иоанне Воинственниче, не забуди нас, грешных, молящихся Тебе и просящих Твоей помощи и неоскудныя милости, и сподоби нас, грешных и недостойных рабов, получити от Бога неизреченная блага, яже уготована любящим Его, яко подобает.

Ему всякая слава, честь и поклонение Отцу и Сыну, и Святому Духу, ныне и присно, и во веки веков. Аминь».

«Владыко человеколюбче, Царю веков, и подателю благих, разрушивший вражды средостения и мир подавший роду человеческому, даруй и ныне мир рабам Твоим; искорени в них страх Твой, и друг ко другу любовь утверди; угаси всякую распрю, отними вся разногласия, соблазны.

Яко Ты еси мир наш, и Тебе славу возсылаем, Отцу, Сыну и Святому Духу, ныне и присно, и во веки веков. Аминь».

«Господи Боже всесильный, всех уповающих на милость Твою, не оставляй, но защищай их, будучи милостив, и соблюди мя от прелест и вражия Твоим защищением, да не паду пред сопротивниками моими, и да не порадуется враг мой о мне; предстани, ми, Спаситель мой, в подвизе семь, в него же внити желаю за имя Твое святое.

Ты мя укрепи и утверди, и подажъ силу стати мужественно за Тя до крови и поломити душу мою любве Твоей ради, якоже и Ты, возлюбив нас, положил еси на крест душу Свою за нас».

* * *

«Спаситель мой! Ты положил за нас душу Свою, дабы спасти нас; Ты заповедал и нам положить души свои за други наши и за ближних наших. Радостно иду я исполнити святую волю Твою и положити жизнь свою за Царя и отечество. Вооружи мя крепостию и мужеством на одоление врагов наших, и даруй ми умрети с твердой верою и надеждою вечной блаженной жизни во царствии Твоем.

Мати Божия! Сохрани мя под покровом Твоим. Аминь».

* * *

«Да воскреснет Бог и расточатся врази Его, и да бежать от лица Его ненавидящие Его. Яко исчезает дым, да исчезнут, яко тает воск от лица огня, тако да погибнут грешницы от лица Божия, а праведницы да возвеселятся.

Господь Бог благословен, поспешит нам Бог спасений наших. Дивен Бог во Святых Своих, Бог Израилев, Тот даст силу и державу людям своим. Аминь».

«Милосердный, милостивый Боже наш, возлюбленный Отче! Ты по милостивой воле Твоей Твоему Божественному промыслу поставил нас в состояние святого брака, чтобы мы по установленному Твоему были в нем. Мы утешаемся благословением Твоим, изреченным в слове Твоем, которое говорит: обретший жену, обрел благо и получил благословение от Господа.

Господи Боже! Соделай, чтобы мы всю жизнь жили друг с другом в божественном страхе Твоем, потому, что блажен муж, боящийся Господа, крепко к заповедям его. Сильно будет семя его на земле, род праведных благословится.

Соделай, чтобы более всего любили слово Твое, охотно слушали и изучали его, чтобы нам быть как древу, посаженному при истоках вод, которое плод свой приносит в свое время и которого лист не вянет, быть как муку, которое во всем, что он делает, успевает.

Соделай также, чтобы жили мы в мире и согласии, чтобы в брачном состоянии нашем любили целомудрие и честность, и не поступали противу их, чтобы во доме нашем обитало спокойствие и мы сохранили честное имя.

Даруй нам благодать воспитать детей наших в страхе и наказании к божественной славе Твоей, чтобы Ты из уст их возмог устроить Себе хвалу. Даруй им послушание сердца, да благо им будет и долголетни будут на земле.

Даруй нам также хлеб насущный и благослови питание наше.

Огради дом и наследие наше, как у святого Иова, чтобы злой враг и его орудие не могли нанести им вреда. Охраняй дом наш, имение и стяжание наше от огня и воды, от града и бури, от воров и разбойников, т. к. все, что мы имеем, Ты дал нам. Потому благоволи и сохранить его могуществом Твоим, ибо если Ты не созидаешь дом, то напрасно трудятся строящие его, если Ты, Господи, не сохраняешь града, то напрасно не спит страж, возлюбленным Твоим посылаешь Ты благо во время сна их.

Даруй нам также, Господи Боже, добрых, верных и послушных слуг, и сохрани нас от неверных служителей, потому, что Ты все учреждаешь и всем правишь и владычествуешь над всем: награждаешь всякую верность и любовь к Тебе, и наказываешь всякую неверность. И когда Ты, Господи Боже, восхочешь наслать на нас страдания и скорбь, то дай нам терпение, чтобы мы послушно покорялись отеческому наказанию Твоему, и поступи милостиво с нами.

Да благо поспешается Тобою Господи, шествие наше, и да будут угодны Тебе пути наши. Если же мы падем, то не отрини нас, поддержи и снова возстави нас. Облегчи нам скорби наши и утешь нас, и не оставь нас в нуждах наших.

Даруй нам, чтоб не предпочитали временного вечному, потому, что мы ничего не принесли с собою в мир, ничего не вынесем из него. Не попусти нам прилепляться к сребелюбию, этому корню всех злополучий, но да стараемся успевать в вере и любви и достигать вечной жизни, к которой мы призваны.

Бог Отец да благословит и сохранит нас.

Бог Дух Святой да обратит к нам лице Свое и да даст нам мир.

Бог Сын да просветит нас лицем Своим и да помилует нас.

Святая Троица да сохраняет вход и исход наш отныне и во веки веков. Аминь».