Текст книги "Икона Пресвятой Богородицы Неупиваемая Чаша. Благодатная помощь от недуга пьянства, курения и наркомании"

Моление перед иконой

Молитва ко Пресвятой Богородице

Царице наша Преблагая, надежде наша, Пресвятая Богородице, приятелище сирых и странных Заступнице, бедствующим помоще и озлобляемых покрове. Зриши нашу напасть, зриши нашу скорбь, отовсюду искушенъми одержими есмы, и несть избавляли. Ты убо Сама помози нам, яко немощным, окорми нас, яко странны, настави нас, яко заблудших, уврачуй и спаси нас, яко ненадёжных. Не имамы бо иныя помощи, ни иного предстательство, ни утешения, токмо Тебе, о Мати всех скорбящих и обременённых. Призри на нас, грешных и во озлоблении сущих, покрый нас пречистым омофором Твоим, да избавлени будем от зол, обышедших нас, наипаче же от пианства, да восхвалим всегда пресвятое имя Твоё. Аминь.

Тропарь, глас 4

Днесь притецем, вернии, к божественному и пречудному образу Пресвятыя Богоматере, напаяющия сердца верных неупиваемою чашею небеснаго Своего милосердия и людем верным чудеса показующия, яже видяще и слышаще духовно празднуем и тепле вопием: Владычице милосердая, исцели наша недуги и страсти, молящи Сына Твоего, Христа Бога нашего, и спаси души наша.

Молитва

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея – Церкви Христовой и спасения отпадающих, братьев, и сестер, и сродник наших исцели.

О, милостивая Мати Божия, коснись сердец их и скоро возстави от падений греховных, ко спасительному воздержанию приведи их.

Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

Покрый и соблюди нас от лукавого ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечного осуждения, да покрыет нас милость Божия в нескончаемые веки веков. Аминь.

Акафист иконе Божией Матери «Неупиваемая Чаша»

Кондак 1

Избранное и дивное нам избавление даровася Твой образ честный, Владычице Богородице: яко избавльшеся явлением его от недугов душевных и телесных и скорбных обстояний, благодарственная благохваления приносим Ти, Всемилосердная Заступнице. Ты же, Владычице, Неупиваемою Чашею нами именуемая, приклонися благоутробно к нашим воздыханием и воплем сердечным и избави страждущих недугом пианства, да с верою воззовем Ти: Радуйся, Владычице, Неупиваемая Чаше, духовную нашу жажду утоляющая.

Икос 1

Ангельстии чини и праведников сонми непрестанно славят Тя, Царицу всех Богородицу, ходатайствующую о многогрешнем роде христианстем, погрязшем в беззаконних, пребывающем во гресех: даруеши бо ему во утешение и спасение милость Свою чрез многоименныя чудотворный иконы Твоя, ихже яко звезды небесныя по всей земли нашей зрим. К единому же от сих образу, Неупиваемая Чаша именуемому, припадающе, из глубины сердца взываем Ти: Радуйся, неприступнаго Божества селение; радуйся, непрестанное людей удивление. Радуйся, скорбьми немощи наша очищающая; радуйся, милость Свою чрез чудотворныя иконы Твоя нам низпосылающая. Радуйся, явлением тех скорбная сердца наша возвеселяющая; радуйся, благодарственная Богу пети научающая. Радуйся, пречудное всех к Богу примирение; радуйся, геенны вечныя избавление. Радуйся, Владычице, Неупиваемая Чаше, духовную нашу жажду утоляющая.

Кондак 2

Видящи, Пресвятая Владычице, сердечныя скорби, душевныя муки и искреннее покаяние людей, одержимых недугом, губительною болезнию пианства, благоволила еси явити богоспасаемому граду Серпухову милость Твою явлением пречуднаго образа Твоего, именуемого Неупиваемая Чаша, да еси к нему припадающий с верою и сокрушенным сердцем, получивше исцеление от тяжкого недуга своего, из глубины души вопиют: Аллилуия.

Икос 2

Разум неудобь разумеваемый трикратнаго явления преподобного Варлаама и повеления его путьшествовати в богоспасаемый град Серпухов разумети ища, человек некий, страждущий недугом пианства, отъиде во град Серпухов и обрете тамо во монастыре Владычнем икону Твою святую, Неупиваемая Чаша именуемую. Мы же, видяще таковое Твое о нас, грешных, попечение, с благоговением вопием Ти: Радуйся, чрез благочестивых людей славу чудес Твоих грешником открывающая; радуйся, Путеводительнице прозорливая, путь спасения им показующая. Радуйся, всеблагая наша Наставнице, любовию Твоею нас привлекающая; радуйся, за вся благодеяния Твоя благодарению нас научающая. Радуйся, скорбь нашу в радость претворяющая; радуйся, несумненною надеждою нас увеселяющая. Радуйся, губительныя страсти наша разрушающая; радуйся, благим намерением способствующая. Радуйся, Владычице, Неупиваемая Чаше, духовную нашу жажду утоляющая.

Кондак з

Сила Вышняго благодатию Владычицы укрепи некоего человека, страждущаго недугом пианства, егда он, нозе разслабленныя имый, иде во град Серпухов, повеление Богоматере, чрез преподобного Варлаама возвещенное, исполняя, и обрет Пречистыя Богоматере икону, абие исцеле от недуга своего душевного и телесного и из глубины души воззва Богу: Аллилуия.

Икос 3

Имуще источник неоскудный и неупиваемую чашу небесных дарований, не токмо людие града Серпухова, но и вей православний христиане от иных градов и весей к Твоему пречудному образу притекают и, пред ним получающе исцеление, припадающе, благодарственными усты вопиют Ти: Радуйся, Купеле, в нейже вся наша скорби погружаются; радуйся, Чаше, еюже радость спасения нашего восприемлем. Радуйся, немощи наша телесныя врачующая; радуйся, язвы греховныя исцеляющая. Радуйся, страсти наша силою молитв Твоих укрощающая; радуйся, коемуждо просящему по потребе его подающая. Радуйся, милостей сокровище нам открывающая; радуйся, едина Мати, милосердие нам являющая. Радуйся, Владычице, Неупиваемая Чаше, духовную нашу жажду утоляющая.

Кондак 4

Бурю внутрь имуще помышлений сумнительных, но с искренним покаянием притекающе к Твоему неизреченному милосердию, одержимии пианственною страстию получают исцеление и из глубины сердца вопиют Ти: Аллилуия.

Икос 4

Слыша Господь тяжкия скорби жен, стариц и детей, ихже сродницы обуреваеми суть пианственною страстию, дарова им Твою, Владычице, икону, у неяже еси притекающий обретают утешение и радость духовную и вопиют Ти со слезами: Радуйся, Агнице, рождшая Агнца, вземлющаго грехи мира; радуйся, Чаше, черплющая нам радость от источника безсмертия. Радуйся, скорбных матерей утешение, ненадежных надежде; радуйся, скорбящих отрадо. Радуйся, благодати явление; радуйся, веры утверждение. Радуйся, волнение страстей утишающая; радуйся, руку помощи Твоея требующим простирающая. Радуйся, Владычице, Неупиваемая Чаше, духовную нашу жажду утоляющая.

Кондак 5

Боготечную звезду, честную икону Твою показала еси нам, Владычице, юже зряще и с верою сердечною молящеся Тебе, Богородице, глаголем: исцели пианственною и всякою иною болезнию души и тела страждущих, верных же научи воспевати хвалу Богу: Аллилуия.

Икос 5

Видяще чудеса преславная и знамения пречудная, бываемая не токмо от иконы Твоея, Богомати, во граде Серпухове явленныя, но и от всех по подобию сея иконы написанных изображений, припадающе к ним смиренно, вопием Ти: Радуйся, скоропредстательная Помощнице усердно к Тебе притекающих; радуйся, благосердая Услышательнице молений наших. Радуйся, град Серпухов благословением Твоим осенившая; радуйся, и в пределах Московских славу чудес Твоих показавшая. Радуйся, серпуховская Владычице, сокровище исцелении неоскудное; радуйся, инокинь тамо благо подвизающихся всемощная покровительнице. Радуйся, ведущим брань противу мира, плоти и диавола добрая поспешнице; радуйся, и в мире благочестно живущих усердная Заступнице. Радуйся, Владычице, Неупиваемая Чаше, духовную нашу жажду утоляющая.

Кондак 6

Проповедающе чудеса Твоя, Богородительнице, от иконы Твоея, Неупиваемая Чаша именуемыя, бываемая, молим Тя, Пречистая, со слезами: избави всех нас от падений греховных, научающи воспевати Богу: Аллилуия.

Икос 6

Возсияла еси в светлости Божественный славы, Дево Богородице, на Младенца Предвечнаго Господа нашего Иисуса Христа зрящая, Иже в сосуде аки в неупиваемой чаше предстоит, якоже Тя видим, изображенную на иконе Твоей, Неупиваемая Чаша таинственно нареченной, от неяже избавление пианственныя болезни притекающим с верою даруеши, во еже пети Тебе гласы немолчными сице: Радуйся, о Нейже радуется и торжествует Ангельский собор и человеческий род; радуйся, Еяже слава превосходит похвалы земныя и небёсныя. Радуйся, таинственным изображением Сына в сосуде тайну Божёственныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам указующая. Радуйся, Чашею Жизни и безсмертия ко вратам Вёчныя Жизни нас приводящая; радуйся, источником нетления и радости жаждущия души напаяющая. Радуйся, неисчетною благостынею не оставляющая презреннейших и отверженнейших; радуйся, от рова погибели сердоболием, Твоим исхищающая ненадёжных. Радуйся, Владычице, Неупиваемая Чаше, духовную нашу жажду утоляющая.

Кондак 7

Хотя некий человек возблагодарити Тя, Владычице, за исцеление от пианственнаго недуга, украси Твою пречудную, Богомати, икону, во граде Серпухове пребывающую, из глубины сердца воспевая Богу: Аллилуия.

Икос 7

Новое чудо видим, Владычице, от иконы Твоея святыя: страждущий бо пианственным недугом некий раб Божии Стефан, прибегая к Твоему Матернему предстательству, от тяжкаго недуга своего избавися и, благодаря Тя, благолепными дарами икону Твою украси, и, припадая к ней, со слезами возопи Тебе тако: Радуйся, живоносный источнике исцелении; радуйся, чаше небесная божественных даровании. Радуйся, реко исцелении приснотекущая; радуйся, море, всех наших страстей потопление. Радуйся, благодарственная приношения не отвергающая; радуйся, сердца благочестивых людей возвеселяющая. Радуйся, крепкия веры Подательнице; радуйся, всех благих деянии Исполнительнице. Радуйся, Владычице, Неупиваемая Чаше, духовную нашу жажду утоляющая.

Кондак 8

Странно и сумнительно неверующим слышати, како икона Твоя святая «Неупиваемая Чаша» божественных исцелении источает чудеса. Мы же, верующе словеси Твоему, Владычице, реченному к первописаннои иконе: «С тобою Моя благодать и сила», – веруем, яко от сея иконы Твоея благодать Твоя выну истекает. Темже, благоговейно покланяющеся, лобызаем ю, вопиюще Богу: Аллилуия.

Икос 8

Всё упование людие, страждущий болёзнию пианства, на Тя, Владычице, возлагают, прекланяешися бо немощем и страстем нашим. Кто бо нас, грешных, изведёт из рова погибели и нищеты духовныя и телесныя, аще не Ты, Владычице! Сего ради прекланяем колена пред Твоим пречудным образом и вопием Ти тако: Радуйся, по молитве грешных людей, призывающих Тя в помощь свою, небесную благодать низпосылающая; Радуйся, глубину милосердия Твоего грешным показующая. Радуйся, доблести и веры богатство неистощимое; радуйся, духа уныния и боязни отгнание. Радуйся, отчаявшихся и ненадёжных ободряющая; радуйся, удручённым болёзнию пианстваруку помощи простирающая. Радуйся, терпеливых страдальцев дарми благодатными утешающая; радуйся, суетныя радости мира сего презирати нас научающая. Радуйся, Владычице, Неупиваемая Чаше, духовную нашу жажду утоляющая.

Кондак 9

Всякое естество ангельское удивися делу Твоего милосердия, Господи, яко даровал еси грешному роду человеческому Заступницу и Помощницу, к нашим немощем преклоняющуюся, от недуга пианства свобождающую, верныя же научающую пёти Ти: Аллилуия.

Икос 9

Вития человечестии недоумеют хвалити, славная Владычице, Твоея иконы праздник, ниже от скверных устен наших приносимый Тебе похвалы достойны суть, обаче неисчетная благодеяния, иконою Твоею являемая, видевше, душею и сердцем радующеся, Ти глаголем: Радуйся, яко от лика Твоего чудеса деются; радуйся, отвергающих Тя посрамление. Радуйся, от всякого зла прибегающих к Тебе избавляющая; радуйся, кротким сиянием Твоим мрак грехов и страстей наших разгоняющая. Радуйся, свеще неугасимая, веры огнь воспламеняющая; радуйся, Благодатная, яко Тобою с нами Бог. Радуйся, доброго ответа нам пред Судиёю Праведным усердная Ходатаице; радуйся, души православных любовию к Тебе и Сыну Твоему исполняющая. Радуйся, Владычице, Неупиваемая Чаше, духовную нашу жажду утоляющая.

Кондак 10

Спасти хотящи люди многия, страждущия недугом пианства, чудную Твою, Богомати, икону нам даровала еси, сего ради одержимии сим недугом к чудотворному образу Твоему притекают и, полупивше исцеление, умильно Богу зовут: Аллилуия.

Икос 10

Стена еси и щит, Богомати, людем, пианственною болёзнию страждущим и всём усердно к Тебе притекающим и икону Твою благоговейно чтущим, ибо сию дарова нам благих податель Господь в помощь и врачевание еяже ради внушает нам пёти: Радуйся, отчаянных надежде, печали их утоляющая; Радуйся, Твоею благодатию нас недостойных осиявающая. Радуйся, нашу скверну чистотою Твоею очищающая; радуйся, брёние наше тлённое в нетление обращающая. Радуйся, неможение наше утверждающая; радуйся, облежащии нас облак страстей скоро разгоняющая. Радуйся, от уныния тяжкаго нас избавляющая; радуйся, в молитве ко Творцу всяческих нас укрепляющая. Радуйся, Владычице, Неупиваемая Чаше, духовную нашу жажду утоляющая.

Кондак 11

Пения нашего смиренного, от полноты любве и усердия Тебе приносимое, не презри, Чистая, и не отвратися отчаявшихся и страждущих недугом пианства людей, но помози им же и нам очиститися от всякия скверны греховныя, да возможем достойно и праведно пёти Богу: Аллилуия.

Икос 11

Светоприемную свещу зрим Тя, Пресвятая Дёво, и на святей иконе Твоей, посреде лика угодников Твоих, лучами благодати неизречённо блистающу, отнюдуже, во мраце грехов своих просвещеннии и на светлую стезю добродетелей наставляемии, зовём Тя почитании сими: Радуйся, заступлёнием Домники преподобныя избавляющая нас от суеты мира сего многомятежнаго; радуйся, тоя предстательством помогающая нам в борьбе с прираженьми страстей плотских. Радуйся, молитвами священномученика Харалампия мысль благую в сердце нашем полагающая; Радуйся, того ходатайством нечистую совесть просвещающая. Радуйся, молитвами Параскевы мученицы от мучительного недуга пианства страждущих избавляющая; радуйся, тоя заступлёнием страждущих к искреннему раскаянию и вразумлению призывающая. Радуйся, купно со священномучеником Антипою озлобленных всех души умягчающая; радуйся, вкупе с ним на помощь

Тя призывающих и имя Твоё славящих спасающая. Радуйся, Владычице, Неупиваемая Чаше, духовную нашу жажду утоляющая.

Кондак 12

Благодать Божия, присущая святей иконе, Неупиваемая Чаша именуемой, влечёт к ней, Владычице, всех скорбящих, плачущих, обездоленных, вдов и сирот, наипаче же всех страждущих недугом пианства, и не тщи отходят, Владычице, от неупиваемыя чаши Твоих Божественных даровании, но, неоскудно получающе цельбы от чудотворного образа Твоего, Всеблагая, благодарственно поют Богу: Аллилуия.

Икос 12

Поюще Твоя чудеса и велию милость, людей, одержимым пианственною страстию, явленная, молим Тя, Владычице: спаси и помилуй и не остави нас, ищущих Твоего предстательства и зовущих Ти: Радуйся, воистинну бедным Помощнице; радуйся, страждущих присное врачевство. Радуйся, благодушных велия радосте; радуйся, малодушных дивное ободрение. Радуйся, бед и скорбен скорая Избавительнице; радуйся, верных всемилостивая Утешительнице. Радуйся, гордых смиряющая; радуйся, смирённыя возвышающая и всём спасения желающая. Радуйся, Владычице, Неупиваемая Чаше, духовную нашу жажду утоляющая.

Кондак 13

О Премилосердая Сладчайшаго Господа нашего Иисуса Христа Мати, нынешнее услыши наше моление и избави нас от всех недугов душевных и телесных, наипаче же свободи страждущих недугом пиаиства, да благодарственно вопием Богу: Аллилуия.

Этот кондак читается трижды, затем 1-й икос «Ангельстии чини.» и 1-й кондак «Избранное и дивное».

Некоторые термины

Акафист – (в переводе с греч. «неседальное пение») – молитвословие, состоящее из 1-го кондака, который поётся, и из 12 кондаков и икосов (поровну), которые читаются. Таким образом, акафисты состоят из 25 отдельных песнопений – 13 кондаков и 12 икосов. Из них 1-й кондак и все икосы оканчиваются восклицанием «радуйся»…, а 12 кондаков припевом «аллилуия». Происхождение слова «акафист» указывает на то, что означенные песнопения исполняются молящимися стоя.

Кондак – (в переводе с греч. «домик») – краткая песнь в похвалу святого или праздника.

Икос – (в переводе с греч. «дом») – церковное песнопение, содержащее прославление святого или празднуемого события. Икосы вместе с кондаками составляют акафист. Икос и кондак сходны по содержанию и одинаковы по изложению. Разница между ними та, что кондак короче, а икос пространнее: кондак – тема, а икос – развитие её. Посему икос всегда читается после кондака, и никогда не читается один. По изъяснению Марка Эфесского, икосы получили своё название потому, что пелись в тех домах, где проводил ночи в молитве преподобный Роман Сладкопевец, первый составитель икосов.

Канон («правило, мерило, норма») – соединение многих священных песнопений (ирмосов и тропарей) в один стройный состав (нынешнюю форму приобрёл в VIII веке благодаря Иоанну Дамаскину, составителю нескольких канонов для воскресной церковной службы). Канон обыкновенно состоит из 9 частей-песен, заключающих в себе каждая по 1 ирмосу и несколько тропарей. Представляя или прозаическую или стихотворную форму, каждый канон по содержанию своему выражает суть празднуемого события и внутреннее его значение. Каноны бывают полные (из 9 песен) и неполные – состоящие из одной, двух, трёх, четырёх песен. В таком случае канон надписывается так: двупесенец, трипесенец, четверопесенец.

Тропарь («тон, лад, мелодия, трофей») – краткая песнь, в коей прославляются дела Бога или святых Его. Это слово в обширном смысле означает всякое церковное песнопение, хотя бы оно и имело другое, отличное наименование. В теснейшем смысле тропарь есть песнопение, составленное в честь праздника или святого.

Ирмос – (от греч. «связываю», «соединяю») – так называется первый тропарь в ряду других тропарей, составляющих одну какую-либо песнь канона. Ирмос есть образец, по которому составлены все прочие тропари той же песни, так что все они сходствуют с ирмосом числом предложений и слов, напевом, а иногда и содержанием и самыми оборотами речи и потому составляют с ним одно целое, для которого ирмос служит связью. Зная напев ирмоса, всегда можно правильно петь все тропари, за ним следующие; посему ирмос полагается в начале всякой песни канона, чтобы по образцу его петь прочие тропари, составляющие песнь. В древности весь канон (как ирмосы, так и тропари) пелся; в настоящее же время обычай этот сохранился только при исполнении пасхального канона, во всех прочих канонах поются только ирмосы, а тропари вычитываются. Главные мысли и даже выражения ирмосов избраны большею частью из песен ветхозаветных, прославляющих события, которые были прообразами событий нового завета.

Седален – (от греч. глагола «сидеть») – богослужебное песнопение, во время которого допускается сидеть.

В древней Церкви за богослужениями, особенно на утрени, после псалмов, которые пелись стоя, полагались перерывы для духовных размышлений о пропетых псалмах. Во время этих размышлений сидели. Из таких размышлений возникли песнопения, именуемые «седальнами». Впоследствии стали сидеть и во время чтения псалмов, а название «кафизма» (то есть «седален», «седальный») перенесли и на псалмы. В славянском Уставе слово «кафизма» оставлено для разделов Псалтири, а богослужебные песнопения названы славянским словом «седальны».

«Седален, как показывает само наименование, есть песнопение, приуроченное для сидения верующих во время его исполнения. И действительно, в монастырях, при уставном исполнении богослужения, когда оно затягивается на несколько часов, отдых после долгого стояния необходим. Поэтому седальны и являются такими моментами отдыха братии и молящихся. Исключением, правда, являются особые седальны, на которых «не седим, за еже кадити священнику святой алтарь, но стояще поем я». Это те седальны, которые поются на утрени Великого Пятка между чтениями 12 страстных Евангелий.

Как общее правило, седален предваряет собою какое-либо назидательное чтение: из толкований Священного Писания, житий святых, Пролога, Лавсаика. Часто седален исполняется после чтения какой-либо «кафисмы» Псалтири. Почему и объяснятся это имя «седален» таким образом, и отдел Псалтири, во время чтения которого сидят, называется «кафизма», а песнопение, после такого чтения псалмов и перед чтением из святых отцов, называется «кафизмой», седальном.