Текст книги "Vavaka Mahery Vaika Miisa 500 Hanoherana Ny Fanafihana Ara-Panahy"

1 Votoatiny

Fonony

Fampidirana

Teboka iaingam-bavaka mba hamotsorana ny herin'Andriamanitra

Fiatrehana Voalohany: Vavaka ady ara-panahy mandritra ny 7 andro

Inona no tokony hataonao raha ahiahinao ho tratran'ny fanafihana ara-panahy ny tenanao?

Fizarana B

Vavaka fanapahana ozona Tohiny)

Famantarana fampitandremana amin'ny fanafihana ara-panahy

Vavaka mba hahazoana ny tari-dàlana sy fiarovan'Andriamanitra

Mampiasa ny ràn'i Jesosy ho fitaovam-piadiana

Andro faha-16: Ady ara-panahy: Teboka iaingam-bavaka

Andro faha-17: Vavaka ho an’ny fanafahana amin’ota ara-nofo, Filàna olona mitovy fananahana amin’ny tena ary Fibiriohana ara-nofo.

Andro faha-18: Vavaka fanafahan-tena

Andro faha-19: Fanafahana tanteraka amina vady fanahy

Andro faha-20: Vavaka fanafahana amin’ny fanahin’i Jezebela

Andro faha-21: Vavaka anoherana ny herin'ny aizina

Vavaka amotehana ny angaredona satanika sy demoniaka amin’ny misasaka alina.

Vavaka mampitsahatra fampahoriana

Vavaka anoherana fanahy avy any anatin'ny ranomasina

Fanafahana amina menarana

Fanafahana amina fanodinkodinana ataon’ny demony

Vavaka mamotika ny fanahin’ny fandringanana

Mifandraisa aminay

Marika

Dr. Olusola Coker

1 Vavaka 500 anoherana fanafihana ara-panahy

BookRix GmbH & Co. KG

80331 Munich

Nadikan'i Jasmin Ralison

Natontan'i Tektime

© 2021 – Dr. Olusola Coker

1 Fampidirana

Misy vavaka mahery miisa 500 anoherana ireo herin’ny aizina, hery ratsy, herin’ny mpamosavy ary ireo mpanapaka ny fahamaizinana rehetra eo amin’izao tontolo izao ity Boky ity. Araka ny voalazan’ny Efesiana 6:12 manao hoe: “Fa isika tsy mitolona amin’ny nofo aman-drà, fa amin’ny fanapahana sy amin’ny fanjakana sy amin’ny mpanjakan’izao fahamaizinana izao, dia amin’ny fanahy ratsy eny amin’ny rivotra.”

Rehefa mihevitra ny Vavaka anoherana ny herin’ny aizina isika dia mila mahatakatra fa ao anaty ady isika. Ady maro no mamorona ireo singa kely kokoa amin’ny tena zava-dehibe. Ara-pamaritana, ny ady dia mitaky fifanandrinana eo amin’olona anankiroa, eo amin’olona mifampiandany ary eo amina tafika, ary izy io dia izay karazana “fifaninanana na tolona na adihevitra maharitra ela” rehetra. Amin’ny maha-Kristiana antsika dia ao anatina ady ara-panahy amina karazany tsy voafaritra isika isan’andro. Ao anatin’ny ady lehibe dia iadiana amina toerana ifanandrinana samy hafa ny ady, noho ny antony samy hafa ary amina lentam-pahamafisana miovaova. Mitovy amin’izany ny ady ara-panahy. Tena misy ireo adintsika ara-panahy na dia tsy hitantsika ara-batana aza ny mpanafika. Izao anefa, azontsika atao ny mampianatra ny tenantsika ny fomba iadiana ireo ady ireo sy ny fomba iantraikàn’izy ireo amin’ny fiainantsika isan’andro.

Mila manontany tena isika hoe “Inona no antony tokony hiadiantsika?” Tsy hahasoa antsika ny hampianatra ady ny tenantsika raha tsy mahita antony anaovana ilay ady isika. Zavatra tena iadian-kevitra tokoa eo amin’ny fanjakan’ny azo tsapain-tànana ny ady. Ireny toetra, finoana ary faharesen-dahatra ireny dia hifindra any amin’ny fanjakan’ny ara-panahy. Na izany aza, ao amin’ny fanjakan’ny ara-panahy dia misy ady mandeha na dia eo aza ny hevitsika manokana. Na isika mpandresy, na isika misy zavatra mahazo antsika. Tonga i Jesosy ary naharesy. Efa azo any an-danitra ny fandresena amin’ny ady. Ao amin’ny Matio 28:18 dia miteny amintsika i Jesosy hoe “Efa nomena Ahy ny fahefana rehetra any an-danitra sy etỳ an-tany.” Ananantsika ankehitriny ny tombotsoa hànana fifandraisana mandrakizay amin’Andriamanitra. Maro amintsika no miditra amin’izany fanekem-pamonjena izany amin’ny alalan’ny fahasoavana. Saingy tsy mikasika ny famonjena antsika fotsiny ny Matio 28:18; momba ny fandresentsika isan’andro ihany koa izy io, izay mitambatra ho fiainana feno fandresena ao amin’i Kristy. Ny fandresena isan’andro dia azo amin’ny alalan’ny fahafantarana sy finoana ary fahatakarana ireo ady izay iaretantsika isan’andro, na tsy manao na inona na inona ianao na manao zavatra ao anatin’izany ady izany. Tianao ho azo izao dia izao ve ny zavatra rehetra tian’Andriamanitra ho anao etỳ an-tany, sa te-hiandry ho tonga any an-danitra ianao vao handray ny fandresena sy fitahiana?

Ao anatin’ity Boky ity dia ho takatrao ny Adin’ny Ady lehibe ara-panahy miaraka amina vavaka mihoatra ny 500 izay hahafahanao manohitra ireo herin’ny fahamaizinana ary ho mpandresy. Ireo vavaka ireo dia miantoka fa ho azonao indray ny fanananao sy ny fahafahana hahomby nomen’Andriamanitra anao ao anatinao. Ho azonao daholo ihany koa ny zavatra rehetra izay nesorin’ny Devoly taminao. Miatrika ireto fanamby manaraka ireto ve ianao,

miaina amina toetry ny antikristy ary manaraka ny Foto-pampianaran’izy ireo, Miaina tsy misy finoana, Fakam-panahy ara-nofo ho an’ireo tsy manambady, Herisetra ara-nofo, Fisaraham-panambadiana, Fahapoteham-piainana, Fahantrana, Tsy fisiam-pifantohana, Fifanjevoana ao an-tsaina, Filàna olona mitovy fananahana amin’ny tena, Filàna vehivavy mitovy amin’ny tena, Fiankinan-doha amin-java-mahadomelina, Tsy fananana asa, Tsy fananana tanjona mazava, Fifanjevoana ao an-tsaina, Kamo mivavaka, Tsy te-hanompo an’Andriamanitra sy ireo maro hafa.

Raha izany, boky tena tokony hovidinao ity boky ity. Raha misy atrehinao amin’ireo olana eo ambony ireo dia mila mahery setra ianao manao ireto vavaka manaraka ireto. Tsy misy olana mihoatra an’Andriamanitra.

1 Teboka iaingam-bavaka mba hamotsorana ny herin’Andriamanitra

Ataovy ireto vavaka ireto indrindra amin’ny misasakalina ary ataovy miaraka amin’ireto andinin-tsoratra masina manaraka ireto ny vavaka Salamo 35. Mialoha ny hanaovanao vavaka ady Ara-panahy mandritra ny 7 andro dia mila mamotsotra ny herin’Andriamanitra amin’ny tenanao ianao.

Andininy ao amin’ny baiboly: Salamo 62:11, Joba 26:14, Salamo 79:11

 TOMPO ô, avotsory ny herinao be voninahitra hanohitra ny fahavalo ary aparitaho izy, amin’ny anaran’i Jesosy.

 TOMPO ô, avy amin’ny tànanao no amotsorana hery sy fahatanjahana ary manapaka ireo fahavalonao Ianao, amin’ny anaran’i Jesosy.

 Avotsotra hamely ireo herin’ny aizina ny herin’ny fahatezeranao, amin’ny anaran’i Jesosy.

 Avotsotro ny herin’ny Tompo amin’izao fotoana izao, hanohitra ny demony REHETRA mifanena amiko, amin’ny anaran’i Jesosy

 Afaka tanteraka amin’ny herin’i Satana mankamin’Andriamanitra aho, amin’ny alalan’ny ran’i Jesosy Kristy.

 Mahery ao amin’ny Tompo sy amin’ny herin’ny faherezany aho.

 Ry herin’ny aizina eto an-tanàna ampanekeo ny Tomponay ny herinareo, amin’ny anaran’i Jesosy.

 TOMPO ô, mba asehoy ny herinao mahatahotra, mba hahatonga ny olona hino; mahagaga ahy ny herinao.

 TOMPO ô, avotsory hanasitrana sy hanafaka ny herinao, amin’ny anaran’i Jesosy.

 TOMPO ô, avotsory ny feonao mahery, amin’ny anaran’i Jesosy.

 TOMPO ô, avotsotra amin’ny alalan’ireo apostolinao sy mpaminaninao ny herinao lehibe, amin’ny anaran’i Jesosy.

1 Fiatrehana Voalohany: Vavaka ady ara-panahy mandritra ny 7 andro

Andininy ao amin’ny Baiboly: 2 Korintiana 10:3-4, Zakaria 4:6

Andro voalohany Tompo ô rakofako amin’ny ran’i Jesosy ny tenako, ny ankohonako, ny asako, ny mpiara-miasa amiko.

 Avotsotro ny afon’Andriamanitra hamotika sy handevona ny ozona rehetra nalefa hamely ahy, amin’ny alalan’ny Ràn’i Jesosy.

 Atifitro miverina any amin’izay nandefa azy ny zana-tsipìka ratsy rehetra nalefa tatỳ amiko sy ny tokantranoko, amin’ny Anaran’i Jesosy.

 Avotsotro ny Afon’Andriamanitra, ny Ràn’i Jesosy ary potehiko ny herin’ny famosaviana, fahafatesana, fahapotehana, aretina, fanaintainana, rojom-bavaka; emboka manitra sy ny fandrehetana labozia.

 Foanako ny ozona rehetra nalefana hery ratsy tatỳ amiko sy ny ankohonako, amin’ny anaran’i Jesosy.

 Tapahiko sy dorako ny tady volafotsy sy tsipi-pifandraisana tsy hita mason’ireo hery ratsy tsy avy amin’Andriamanitra, amin’ny anaran’i Jesosy. Hidìko tanteraka ao amin’izy ireo ny herin’izy ireo amin’izao fotoana izao, mba tsy hahafahan’izy ireo mampiasa izany hamelezana na iza na iza ary ho potika ny asan’izy ireo amin’izao fotoana izao, amin’ny anaran’i Jesosy.

 Ambarako fa potika amin’ny anaran’i Jesosy ny ozona tsy fantatra rehetra eo amin’ny fiainako.

 Ambarako fa maty izao dia izao ny ozon’ny famosaviana rehetra eo amin’ny anjarako.

 Ambarako fa potika izao dia izao amin’ny anaran’i Jesosy ny fanekena ratsy rehetra nataon’ny tanàna misy ahy ka miantraika amin’ny fandrosoako.

 Ambarako fa maty izao dia izao amin’ny anaran’i Jesosy ny famosaviana sy faneken’ny fanahy mahazatra anoherana ny fiainam-panambadiako, ampy izay.

Andro Faharoa

Andininy ao amin’ny Baiboly: Filipiana 1:27-30

 Aoka ho tampina ary tsy hahita intsony ny maso manara-maso rehetra, amin’ny anaran’i Jesosy.

 Aoka ny fiainako amin’ity taona ity hahita karazana hosotra izay hahatonga ahy ho lehibe kokoa noho ny razambeko.

 Aoka tsy hamokatra amin’ny anaran’i Jesosy ny hetsika ara-panahy rehetra ataon’ny aizina anoherana ny fiainako.

 Aoka ilay hery izay nanafaka an’i Jakoba tamin’i Labana hanafaka ny voninahitro amin’ny faharavana hafa.

 Tompo ô avotsory amiko Ilay hery hahavitako ity taona ity mora foana.

 Tompo ô amin’ity taona ity ny fiainako dia tsy ho toy ilay bibilava menarana izay tsy miaina mba hahita ny fifalian’ny taranaka ateraka velively.

 Tompo ô, misaotra anao aho ny amin’ny hoavy be voninahitry ny fiainako sy ny olona amin’ireo sary ireo.

 Aoka ho faty amin’ny anaran’i Jesosy ny fanahy rehetra miasa ao amin’ny maizina manohitra ny ankohonako.

 Ataoko malemy amin’ny anaran’i Jesosy ny ezaka faharatsiana rehetra akendry ny anjarako.

 Aoka ho rava amin’ny anaran’i Jesosy ny herin’ny alina rehetra izay manodinkodina ny anjaran’ny olona amin’ny alalan’ny nofy.

Andro Fahatelo:

Andininy ao amin’ny Baiboly: Efesiana 6:13

 Aoka ho voasambotra amin’ny anaran’i Jesosy ny fanapahana sy hery rehetra manao iraka mikasika ny anjarako.

 Tompo ô, afaho amin’ny fanodinkodinana ara-pamosaviana rehetra voavolavola hisintona ahy hidina aho, amin’ny anaran’i Jesosy.

 Ry herin’ny fahoriana, tsy atolotra hofidìnao ny fiainako, mianjerà ary matesa amin’ny anaran’i Jesosy.

 Aoka ho rava amin’ny anaran’i Jesosy ny fitaovam-piadian’ny fanafihana satanika rehetra narotsaka hanohitra ny fiainako.

 Atsangako ny saina anoherana ny fanafihana rehetra ataon’ny mpanapaka ny fahamaizinana eo amin’ny fiainako amin’ny anaran’i Jesosy.

 Atsangako ny saina anoherana ny fanafihana rehetra ataon’ny faharatsiana ara-panahy anoherana ny fiainako, amin’ny anaran’i Jesosy.

 Aoka ho voasambotra amin’ny anaran’i Jesosy ny iraky ny faharatsiana rehetra manao iraka mikasika ny fiainako.

 Laviko manomboka anio ny fanodinkodinana sy asa ara-panahy rehetra ao amin’ny nofiko, amin’ny anaran’i Jesosy.

 Ny zana-tsipìka rehetra natifitra ny anjarako, aoka hiverina amin’izay nandefa azy amin’ny anaran’i Jesosy.

 Ray ô, Arovy amin’ny endrika fanafihana ara-panahy rehetra amin’ny ràn’ny anaran’i Jesosy ny ankohonako, amin’ny anaran’i Jesosy.

Andro Fahefatra

Andininy ao amin’ny Baiboly: Hebreo 3:13

 Tompo ô tafiho ny mpanafika ara-panahy rehetra izay manafika ny anjarako, amin’ny anaran’i Jesosy.

 Ray ô, amin’ny alalan’ny afon’ny Fanahy Masina, ataovy tsy azo tafihina ny fiainako, amin’ny anaran’i Jesosy.

 Aoka ho tapaka amin’ny anaran’i Jesosy ny ozona fantatra sy tsy fantatra rehetra miasa ao amin’ny maizina manohitra ny anjarako.

 Aoka ho faty amin’ny anaran’i Jesosy izay mahery rehetra mampihatra ny ozona amin’ny fiainako.

 Aoka ho tapaka amin’ny anaran’i Jesosy ny ozona talohan’ny niforonako tao an-kibo izay mampahory ny anjarako.

 Aoka ho tapaka sy hiverina amin’izay nandefa azy ny ozona rehetra avy amina ozona mipetraka ho azy avy amin’ny ray aman-dreny manohitra ny anjarako, amin’ny anaran’i Jesosy.

 Aoka ho hita ary ho faty amin’ny anaran’i Jesosy ny hery izay mampihatra ozona tsy fantatra anoherana ny anjarako.

 Aoka ho tapaka amin’ny anaran’i Jesosy ny ozona rehetra izay mampijanona ahy amina fatotra mandrakizay.

 Aoka ho tapaka amin’ny anaran’i Jesosy ny ozona miafin’ny fianakaviana nolovako.

 Aoka ho hita ary ho tapaka amin’ny anaran’i Jesosy ny ozona rehetra taorian’ny niforonako tao an-kibo mahatonga ahy ho irery.

Andro Fahadimy

Andininy ao amin’ny Baiboly: 1 Korintiana 16:13

 Aoka hiongotra sy ho tapaka amin’ny anaran’i Jesosy izay fanaraha-mason’ny ozona rehetra ao amin’ny fototro.

 Tapaka amin’ny anaran’i Jesosy ny ozona tohanan’ny fanaovana ody ratsy mahazo ny fianakaviako.

 Tapaka amin’ny anaran’i Jesosy ny ozona avy amin’ny fahazazana izay nolovako tamin’ny andro nanomezana anarana ahy.

 Tapaka amin’ny anaran’i Jesosy ny ozona miasa manohitra ny lohako mba hitondra loza ho ahy.

 Tapaka amin’ny anaran’i Jesosy ny ozon’ny fihodinkodinana fotsiny tsy ahavitan-javatra izay miasa manohitra ny fototro.

 Miverina any amin’izay nandefa azy amin’ny anaran’i Jesosy izay fankatovana rehetra nalefa tamiko tamin’ny andro nahaterahako.

 Aoka ho foana amin’ny anaran’i Jesosy izay fankalazana fomba demoniaka rehetra natao ho ahy tamin’ny fotoana nahaterahako.

 Aoka ho foana amin’ny anaran’i Jesosy ny fombafombam-pianakaviana rehetra nitondra ozona tamin’ny anjarako.

 Tapahiko amin’ny anaran’i Jesosy ny herin’ny ratsy eo amin’ny fiainako vokatry ny ozona tsy fantatra.

 Tapaka amin’ny anaran’i Jesosy ny ozona miafina rehetra mampiroborobo fahantrana eo amin’ny fiainako.

Andro Fahenina

Andininy ao amin’ny Baiboly: 2 Tantara 32:6-8

 Tapaka amin’ny anaran’i Jesosy ny ozona tsy fantatra rehetra izay mampiroborobo fihemorana sy fijanonana eo amin’ny fiainako.

 Aoka ho tapaka amin’ny anaran’i Jesosy ny teny ratsy rehetra notenenina tamin’ny fiainako noho ny fombam-pianakaviana ary miantraika amin’ny anjarako amin’izao fotoana izao

 Tapaka amin’ny anaran’i Jesosy ny ozona rehetra izay miasa tsy mijanona mba hanala baraka ahy.

 Tapaka amin’ny anaran’i Jesosy ny ozona rehetra tonga amin’ny anjarako noho ny tsy fahalalana.

 Tapaka amin’ny anaran’i Jesosy ny ozona tsy fantatra rehetra avy amina fifandraisana rava tany amin’ny lasa.

 Ny ozon’ny fahamombana sy fahafoanana miasa amin’ny fiainako, tapaka sy miverina amin’izay nandefa azy amin’ny anaran’i Jesosy amin’izao fotoana izao.

 Ny zavatra rehetra tsy nambolen’Andriamanitra tamin’ny fiainako, miongòta amin’ny anaran’i Jesosy.

 Misaora an’Andriamanitra noho ny famindrampony sy ny valin’ny vavaka ataonao amin’ny anaran’i Jesosy.

 Rakofako tsara amin’ny ràn’i Jesosy ny tenako ary mijoro hanohitra ny hery rehetra vonona hanohitra ahy aho.

 Ny iraka satanika rehetra izay mody miseho ho mpanolotsaina mba hanipazana zavatra ratsy eo amin’ny fiainako; aoka ho afa-baraka amin’ny anaran’i Jesosy.

Andro Fahafito.

Andininy ao amin’ny Baiboly: 2 Tesaloniana 3:2

Raha mpitandrina ianao dia ataovy amin-kerisetra ireto vavaka manaraka ireto

 Ny zana-tsipìka ara-panahy rehetra nivavahako hivoaka tamin’olona ka lasa ao amin’ny ankohonako amin’izao fotoana izao; aoka ho voatono amin’ny afo, amin’ny anaran’i Jesosy.

 Ny demonin’ny fatotra ara-panambadiana rehetra izay nampiasan’ny Fanahy Masina ahy havoaka tamin’ny fanambadian’olona taloha, ary mampahory ny fanambadiako amin’izao fotoana izao; aoka hivotsotra amin’ny alalan’ny afo ny fihazonanao, amin’ny anaran’i Jesosy.

 Ny demonin’ny fahalemena rehetra eo amin’ny fiainako na ao amin’ny ankohonako vokatry ny fanaovako asa fanompoana tamin’olona nitoeran’izany; mivoaha izao dia izao amin’ny alalan’ny afo, amin’ny anaran’i Jesosy.

 Ny famosaviana an-tokantrano nampiasan’ny Fanahy Masina ny asa fanompoako havoaka, ka miantraika amiko na ny ankohonako amin’izao fotoana izao; aoka ho potika tampoka, amin’ny anaran’i Jesosy.

 Ny famosaviana an-dranomasina rehetra izay romotra amiko sy ny ankohonako vokatry ny fandravana ny asan’izy ireo tamin’ny fiainan’olona; aoka hampanginina amin’ny alalan’ny ràn’i Jesosy.

 Ny olona rehetra ao amin’ny ankohonako ampahorian’ny fanahy mahazatra izay navoaka tamin’ny alalan’ny asa fanompoako; mandraisa fanafahana avy amin’Andriamanitra, amin’ny anaran’i Jesosy.

 Ny fanahy ratsy rehetra eny amin’ny lanitra manohana ny fanoherana ahy sy ny asa fanompoako; aoka ho afa-baraka amin’ny anaran’i Jesosy.

 Ny fanahy manompo rehetra notendrena hanohitra ahy hanara-maso ny ora tsy iambenako; aoka hilatsahan’ny varatr’Andriamanitra ary hiala amiko, amin’ny anaran’i Jesosy.

 Ny fivorian’ny fanaovana ody ratsy rehetra eto an-toerana natsangana hanohitra ny asa fanompoako; aoka handray batisan’ny fahapotehana maro lafy, amin’ny anaran’i Jesosy.

 Ny hery rehetra maminavina zavatra ratsy ho ahy sy ny fanompoako, mianjerà ary levòna, amin’ny anaran’i Jesosy.

 Ny hery rehetra mampivezivezy ny anarako amin-javatra ratsy vokatry ny asa fanompoako, mianjerà ary matesa amin’izao fotoana izao, amin’ny anaran’i Jesosy.

 Ny iraka satanika rehetra izay efa ao anatin’ny vala miaraka amina tanjona hijery sy hanao tatitra momba ahy any amin’ny tontolon’ny ratsy; aoka ho hita sy ho afa-baraka, amin’ny anaran’i Jesosy.

 Aoka ho sitrana amin’ny alalan’ny ràn’i Jesosy ny loza rehetra mifandray amin’ny asa fanompoana nahazo ahy.

 Ny zavatra rehetra nalain’ny demony romotra tamin’ny fanambadiako, fiainako ara-bola ary ny fanompoako; aoka ho tafaverina avo zato heny, amin’ny anaran’i Jesosy.

 Ny demony rehetra voatendry hisakana ny fahombiazako eo amoron’ny fahatafavoahana; mialà amin’ny alalan’ny afo, amin’ny anaran’i Jesosy.

 Ny hery rehetra miteraka fahasarotana ho ahy amin’ny asa fanompoako; aoka ho voatono amin’ny afo, amin’ny anaran’i Jesosy. Ny hery rehetra miteraka tsy fahitan-tsitraka ary mamily ireo mpanampy notendren’Andriamanitra ho ahy, aoka ho potika tampoka amin’ny anaran’i Jesosy.

 Ny zana-tsipìka rehetra nalefako ka niverina tatỳ amiko, miverena amina tanjaka avo zato heny, amin’ny anaran’i Jesosy.

 Arovako amin’ny ràn’i Jesosy amina fihaonana, fiverenana mivory, fampitambarana indray ary fanampin-kery ratsy rehetra ny tenako, amin’ny anaran’i Jesosy.

 Tsy hitranga eo amin’ny fiainako fanindroany intsony ny fahoriana, amin’ny anaran’i Jesosy.

 Manomboka izao, aoka tsy hisy fanapahana, fanjakana, mpanjakan’ny fahamaizinana, fanahy ratsy eny amin’ny lanitra sy fanahy ratsy amina toerana voafaritra hampitebiteby ahy, satria mitondra ny mariky ny Zanak’ondrin’Andriamanitra ao amin’ny vatako aho.

 Tompo ô omeo ny fahendrena takina aho mba hanaovako ny zavatra mety amin’ny fotoana mety.