Текст книги "400 чудотворных молитв для исцеления души и тела, защиты от бед, помощи в несчастье и утешения в печали. Молитвы стена нерушимая"

Тропарь, глас 4

Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающих. Всех нас заступи, о Госпоже Царице и Владычице, иже в напастех и скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй и вся спаси, Богородице Дево: Ты бо еси Божественный покров рабом Твоим.

Молитва

О Пресвятая Госпоже Владычице, Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе. Умоли, милосердная Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасные смерти. Даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарно воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое имя Отца, и Сына, и Святого Духа. Аминь.

Перед этой иконой молятся при потери слуха и болезнях ушей.

Тропарь, глас 4

Днесь вернии людие духовно торжествуем, прославляюще Заступницу усердную рода христианскаго и притекающе к Пречистому Ея образу, взываем сице: о, Премилостивая Владычице Богородице, подаждь нам нечаянную радость, обремененным грехи и скорбьми многими, и избави нас от всякаго зла, молящи Сына Твоего, Христа Бога нашего, спасти души наша.

Кондак, глас 6

Не имамы иныя помощи, не имамы иныя надежды, разве Тебе, Владычице, Ты нам помози, на Тебя надеемся и Тобою хвалимся, Твои бо есмы рабы, да не постыдимся.

Молитва первая

О, Пресвятая Владычице Богородице, преблагословенная Мати Христа Бога, Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем безпомощным всегда готовая помоще и верное прибежище! Тебе, о Всемилостивая, дадеся от Всевышняго благодать во еже всех заступати и избавляти от скорбей и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие, Симеоном предреченное, сердце Твое пройде: темже Убо, о Мати чадолюбивая, вонми гласу моления нашего, утеши нас в скорби сущих, яко верная радости ходатаица. Предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити: сего ради с верою сердечною и любовию припадаем к Тебе, яко Царице и Владычице: слыши дщи, и виждь, и приклони ухо Твое, услыши моление наше и избави нас от обстоящих бед и скорбей: Ты бо Радосте всех верных, яко мир и утешение подаеши.

Се зриши беду нашу и скорбь: яви нам милость Твою, посли утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния ко очищению грехов наших и утолению гнева Божия, да с чистым сердцем, совестию благою и надеждою несумненною прибегаем ко Твоему ходатайству и заступлению. Приими, Всемилостивая наша Владычице Богородице, усердное моление наше Тебе приносимое, и не отрини нас недостойных от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческия, буди нам помощница неотступная во вся дни жизни нашея, яко да под Твоим матерним покровом всегда пребудем цели и сохранени Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со безначальным Его Отцем и Святым Духом, ныне и присно и во веки веков. Аминь.

Молитва вторая

О, Пресвятая Дево, Всеблагаго Сына Мати Всеблагая, града сего покрове, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих Тебе возносимое; и якоже древле грешника, на всяк день многажды пред честною иконою Твоею молившагося, не презрела еси, но нечаянную радость покаяния тому даровала еси, и усердным к Сыну Твоему ходатайством Сего ко прощению грешника преклонила еси, тако и ныне не презри моления нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющимся, по коегождо потребе нечаянную радость дарует; да вси на небеси и на земли видят Тя, яко твердую и непостыдную Предстательницу рода христианского, и сие ведуще славят Тя и с Тобою Сына Твоего со Безначальным Его Отцем и Единосущным Его Духом, ныне и присно и во веки веков. Аминь.

При глухоте и проблемах со слухом можно читать Евангелие от Марка: 7 главу стихи 32–37.

Горячка, лихорадка. Болезни бронхов, легких и другие грудные заболевания

В Евангелии описывается, как Иисус Христос пришел в дом к апостолу Петру и нашел там больную тещу Своего ученика. Спаситель прикоснулся к руке женщины и исцелил ее.

Молитва первая

О святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих (имена), в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаяние излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечаснаго. Да тихое и безмолвное житие поживем в веце сем до часа, в оньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенания к тебе, но заступи нас пред Христом, твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.

Молитва вторая

О святый великий апостоле Петре! Не отвержи мя, раба твоего (имя) и стенания моего к тебе. Призри на мя, сущаго в болезнех и печалех, испроси у Христа, Учителя твоего, (содержание прошения), да непрестанно славим Его милосердие к нам, со Отцем и Святым Духом, во веки веков. Аминь.

Этот святой еще при жизни был известен как целитель горячки и лихорадки.

Тропарь, глас 4

Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превосходящую твою к Богу добродетель; и тамо обрет требище идольское, Богу освятив, в нем пребывал еси: и видев Человеколюбец Бог твой подвиг и труды, дарова тебе дар Свой, имже принесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый: предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наша.

Молитва

О возлюбленная и священная главо, преподобне и богоносне отче наш Мароне! Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея и сохранит ее от всех врагов цело и неврежденно. Буди же молебник и о нас недостойных. Ко Всеблагому Господу честнии твои руки простри, и от Него милость и щедроты испроси, ими же от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день Страшнаго Суда, с радостию предстати нам пред лицем неизреченныя славы Его, и милостивно призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко Держава его благословенна и препрославленна со безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Святитель неусыпно заботился об укреплении единства Русской Православной Церкви, ослабленного старообрядческим расколом. Для всех православных христиан он остается примером святой, аскетической, нестяжательной жизни. По его кончине, последовавшей 28 октября 1709 года, у него не нашли никакого имущества, кроме книг и рукописей. После обретения у святых мощей совершалось множество исцелений. Святому Дмитрию Ростовскому молятся при заболевании легких, бронхов и друхих грудных болезнях.

Молитва первая

О предивный и преславный чудотворче Димитрие, исцеляяй недуги человеческия! Ты неусыпно молиши Господа Бога нашего о всех грешных: молю убо тя, раб твой (имя): буди ми ходатай пред Господем и помощник на преоборение страстей ненасытныя плоти моея, и на одоление стрел сопротивника моего диавола, имиже уязвляет немощное сердце мое, и, аки гладный и лютый зверь, алчет погубити душу мою: ты святителю Христов, моя ограда, ты мое заступление и оружие: ты, великий чудотворче, во дни подвигов твоих в мире сем ревнуя о православней церкви Божией, яко истинный и добрый пастырь, неблазненно обличал еси грехи и невежествия людския, и от стези правды в ереси и расколы уклоняющияся на путь истины наставлял еси: споспешествуй и мне кратковременный путь жизни моя исправити, да непреткновенно пойду по стези заповедей Божиих и неленостно поработаю Господеви моему Иисусу Христу, яко единому Владыце моему, Искупителю и праведному Судии моему: к сим же припадая молюся ти, угодниче Божий, егда изыти души моей от бреннаго сего телесе, избави ю от темных мытарств: не имам бо добрых дел ко оправданию моему, не даждь сатане возгордитися победою над немощною душею моею: избави ю от геенны, идеже плачь и скрежет зубов, и святыми молитвами твоими сотвори мя причастника Небеснаго Царствия в Троице славимаго Бога, Отца и Сына и Святаго Духа, во веки веков. Аминь.

Молитва вторая

Архиерею Божий, святителю Христов Димитрие! Молю тя, раб Твой (имя), исходатайствуй милость у Бога и Спаса нашего Иисуса Христа, да молитвами твоими подаст ми (содержание прошения) и оставление всех согрешений моих. Аминь.

Желудок, аппендицит, грыжа, водянка

Святой великомученик Артемий был одним из выдающихся военачальников в правление святого равноапостольного царя Константина Великого (306–337), а затем – его сына и преемника, Констанция (337–361). Артемий, имел много наград за отличную службу и отвагу, был поставлен наместником Египта. В этой должности он много сделал для распространения и укрепления христианства в Египте. Императора Констанция на престоле сменил Юлиан (361–363), известный в истории как император-отступник. Желая возвратить язычество, он вел непримиримую борьбу с христианством, отправляя на смерть сотни мучеников. В Антиохии Артемий открыто обличил правителя, за что был подвергнут жестоким пыткам и брошен в темницу.

Во время молитвы, которую святой возносил ко Господу, ему явился Сам Христос в окружении Ангелов и сказал: «Мужайся, Артемий! Я с тобой и избавлю тебя от всякой боли, какую причинили тебе мучители, и уже готовлю тебе венец славы. Ибо как ты исповедал Меня пред людьми, на земле, так и Я исповедую тебя пред Отцем Моим Небесным. Итак, будь мужествен и радуйся – ты будешь со Мною в Моем Царстве». На следующий день святого вновь подвергли жесточайшим мукам, но подвижник переносил все без единого стона. Страдания не сломили волю великомученика, и тогда святой Артемий был обезглавлен (362 год). Его останки были погребены христианами.

Божественное возмездие настигло Отступника. Во время одной из битв он был смертельно ранен невидимой рукой. Юлиан, умирая, произнес: «Ты победил, Галилеянин». Мощи святого великомученика Артемия были с почестями перенесены из Антиохии в Константинополь.

Артемий во время мучений был придавлен огромным камнем, из-за чего у него вытеснились внутренности. Большинство его чудесных исцелений были избавления от болезней желудка.

Тропарь, глас 4

Истинною бо Христовою верою утверждься, страстотерпче, мучителя злочестива царя победил еси со идольским того возношением. Тем от Царя Великаго, вечно царствующаго, пресветлым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.

Кондак, глас 2

Благочестиваго и венценоснаго мученика, на враги победы вземшаго одоление, сошедшеся, достойно песньми восхвалим Артемия превеликаго в мученицех, чудес же дателя пребогатаго, молится бо Господу о всех нас.

Славник, глас 2

Разумного светильника веры, Артемия почтим. Яко обличи царя мерзкого, и кровию мучения его Церковь Бог обагри. Тем и прият исцелений благодать независтную исцеляти недуги верно приходящих к раце мощей его.

Молитва

Святый мучениче Артемие! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Святой Кир был знаменитым врачом в городе Александрии, где родился и вырос. Он был христианином и лечил всех больных безвозмездно, не только подавая помощь в телесных болезнях, но исцеляя также и душевные недуги, которые бывают причинами телесных. Во время гонения Диоклитиана святой Кир удалился в Аравийскую пустыню, где принял иночество, и продолжал и там лечить людей своей молитвой, получив от Бога дар исцелять все болезни. В то время жил один благочестивый воин Иоанн. Он узнал про Кира и стал его разыскивать. Найдя святого врача, Иоанн всей душой привязался к нему и стал его верным последователем. Через некоторое время Кир и Иоанн отправились на помощь четверым исповедницам, приговоренным к казни, это были Афанасия с тремя юными дочерьми: Феоктистой – 15 лет, Феодотией – 13 лет и Евдоксией – 11 лет. Все они были убиты за исповедание христианской веры (311 г.). Позднее мощи святых были перенесены в Рим, а оттуда в Мюнхен. После обретения у святых мощей совершалось множество исцелений. Святым молятся об исцелении болезней живота, например, желудочных заболеваний.

Тропарь, глас 5

Троичная благодать всельшися в честная сердца ваша, преблаженнии Кире и Иоанне, на духи нечистыя страшни прогонителие явистеся. И не точию явленным, но тайным недугом врачеве бысте, тем же, дерзновение имуще к Человеколюбцу Богу, непрестанною молитвою душевныя наша страсти исцелите.

Иной тропарь, глас 5

Святии славнии Кире и Иоанне, безсребреницы, мученицы и чудотворцы, милосердием своим, яко стеною необоримою, нас оградите от всех бед и от врагов видимых и невидимых сохраните непрестанною вашею молитвою ко Господу.

Молитва

О, святые чудотворцы и врачи безмездные Кире и Иоанне, прибегаем к вам, от болезней наших страдая люто. Во дни жизни вашея проповедовали вы, яко недуг души тяжелее всех недугов тела и, егда душа грехами болезнует, часто и тело в болезнь впадает. Знаем мы, что болезнями от грехов очищаемся, умолите же, святые чудотворцы, Господа, да дарует Он прощение согрешений нам, слабым и безпомощным, в болезнях изможденным, да не погибнем, впавши в уныние. Ускорите на помощь нам и исцелите болезни наши, и мы в здравии, покаянии дни наши проведя, в мире окончим жизнь нашу и в день Судный с чистым сердцем предстанем пред очами Судии вселенной, Сердцеведца Бога. Егоже поем и славим во веки веков. Аминь.

Преподобный Игнатий жил в Х веке в Каппадокии и с юных лет был посвящен родителями Богу. По достижении зрелого возраста он принял монашество и вскоре был хиротонисан в сан пресвитера. Затем святой Игнатий был поставлен игуменом обители Спаса, называемой «Глубокие реки», близ Константинополя. Преподобный Игнатий заботился о монастыре, украсил храмы и обнес обитель оградой. Скончался преподобный Игнатий в городе Амории в 975 году. Мощи его по прошествии долгого времени были обретены нетленными. По молитвам святого подается исцеление от водянки.

Тропарь, глас 8

В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобне Игнатие, дух твой.

Кондак, глас 2

Чистотою душевною божественно вооружився, и непрестанные молитвы, яко копие, вручив крепко, пробол еси бесовская ополчения, преподобне Игнатие, отче наш, моли непрестанно о всех нас.

Преподобный родился во Фригии (Малая Азия) в семье адвоката и получил хорошее образование. Избранник Божий переселился во Фракию (Балканы) и принял постриг в одном из монастырей. Борясь против искушения плоти, святой подвижник провел пятьдесят дней в строжайшем посте, а затем, по благословению настоятеля обители, выпил во время вечерни вино с хлебом и исцелился от страсти. Позднее святой стал игуменом Руфианской обители. Вскоре вокруг святого собралось много иноков, обитель стала духовно процветать.

За свою строгую подвижническую жизнь и самоотверженную любовь к ближним святой Ипатий удостоился от Господа дара чудотворений и исцелений. По его святым молитвам умножался хлеб в обители и исцелялись многие бесноватые, слепые, иссохшие и кровоточивые, приходившие в монастырь.

Кондак, глас 2

Чистотою душевною божественне вооружився, и непрестанныя молитвы, яко копие, вручив крепко, пробол еси бесовская ополчения, преподобне Ипатте, отче наш, моли непрестанно о всех нас.

Молитва

Прославляется Бог в совете правых, ибо возсиял пред людьми свет добродетелей святого Ипатия, прибегая к которому, из глубины сердца взываем: инок совершенный был ты, Ипатий преподобный, многими трудами к вратам небесным очищавший себе путь; в необитаемую киновию Руфима придя с учениками, ты очистил ее и в прежнее благолепие привел. Там, власяницы делая, в подвигах великих ты пребыл. Дарование получил ты от Господа, Ипатий достохвальный, различные недуги исцелять, а более всего водянку. Призри же на страждущих тяжкою болезнею этой, святый Ипатий, и умилостиви твоею благоприятною молитвою Господа, и престань немощным невидимою чудодейственною силою Божию, исцеляя их по великой милости Господней, и пусть, почувствовав облегчение в теле и бодрость духа, отвергнут они нерадение и ревностно пойдут по лестнице добродетелей, простираясь на преуспеяние в богоугодных делах, и славя Отца и Сына, и Святаго Духа, ныне и присно, и во веки веков. Аминь.