Текст книги "Исцеление молитвами"

Слава Тебе, Боже наш, слава Тебе.

Пресвятая Богородице, спаси нас.

Святый (емуже хощеши молитися), моли Бога о нас.

В конец молебствия, благодаряще Бога, поем.

Песнь хвалебная Пресвятой Богородице

Тебе, Матерь Божию, хвалим;

Тя, Марие, Деву Богородицу, исповедуем;

Тя, превечнаго Отца Дщерь, вся земля величает.

Тебе вси ангели и архангели и вся начала смиренно служат;

Тебе вся власти, престоли, господствия и вся превышения силы небесныя повинуются.

Тебе херувими и серафима радующеся предстоят и непрестанным гласом вопиют:

Святая Богородице Мати, полны суть небеса и земля величества славы плода чрева Твоего.

Тебе преславный апостольский лик своего Творца Матерь восхваляет;

Тебе мучеников множество Богородицу величает;

Тебе преславный исповедников сонм Бога Слова храм нарицает;

Тебе господствении полцы всего девства образ проповедают;

Тебе вся небесная воинства Царицу Небесную восхваляют.

Тебе по всей вселенней Церковь святая прославляет, Матерь Божию почитающи;

Тя истиннаго Царя небеснаго Отроковицу превозносит.

Ты ecu ангелом Госпожа, Ты ecu райская дверь,

Ты лествица Царствия Небеснаго,

Ты Царя славы чертог,

Ты ковчег благочестия и благодати,

Ты ecu бездна щедрот,

Ты ecu прибежище грешных.

Ты Мати Спасителева,

Ты свобождения ради пленнаго человека, Бога восприяла ecu во чреве.

Тобою попран бысть враг;

Ты отверзла ecu верным двери Царствия Небеснаго.

Ты одесную Бога стоиши;

Ты Бога за нас молиши, Дево Марие. Иже будет судити живым и мертвым.

Тя убо просим, Заступницу пред Сыном Твоим и Богом, иже кровию Своею нас искупи, да мзду восприимем в вечной славе.

Спаси люди Твоя, Богородице, и благослови достояние Твое, яко да будем причастницы наследия Твоего;

Упаси и соблюди нас даже до века.

На всяк день, о Пресвятая, хвалити и ублажати Тя желаем сердцем и устнами. Сподоби, Премилосердая Мати, ныне и всегда от греха сохранитися нам;

Помилуй нас, Заступнице, помилуй нас.

Буди милость Твоя на нас, якоже на Тя уповахом во веки. Аминь.

По сих возложи все свои печали на Господа Бога и Его угодников и пребуди в несумненной надежде на Его неизреченную милость.

Все святые – угодники Божий, прославляя которых Господь творит любые чудеса по молитвам, к ним обращенным. Однако в народе было замечено, что чаще всего люди исцеляются от тех или иных недугов, молясь определенным святым. Эти наблюдения мы ниже и приводим.

Молитва за немощного и неспящего

Боже Великий, хвальный и Непостижимый, и Неисповедимый, создавый человека рукою Твоею, персть взем от земли и образом Твоим почтивый его, явися на рабе Твоем (имя) и даждь ему сон успокоения, сон телесный, здравия и спасения живота, и крепость душевную и телесную. Сам убо, Человеколюбие Царю, предстани и ныне наитием Святаго Твоего Духа, и посети раба Твоего (имя), даруй ему здравие, крепость и благомощие, Твоею благостию: яко от Тебе есть всяко даяние благо и всяк дар совершен. Ты бо ecu врач душ наших, и Тебе славу, и благодарение, и поклонение возсылаем со Безначальным Твоим Отцем и с Пресвятым и Благим и Животворящим Твоим Духом, ныне и присно, и во веки веков. Аминь.

О том же молятся святым семи отрокам и Ангелу Хранителю болящего.

Пресвятой Богородице перед Ее иконой «Всех скорбящих Радость»

О Пресвятая Владычице Богородице, Преблагословенная Мати Христа Бога Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем беспомощным всегда готовая по моще и верное прибежище! Тебе, о Всемилостивая, дадеся от Всевышняго благодать во еже всех заступати и избавляти от скорби и болезней, зоне Сама лютыя скорби и болезни претерпела ecu, взирающи на вольное страдание Сына Твоего возлюбленнаго и Того на кресте распинаема зрящи, егда оружие Симеоном предреченное сердце Твое пройде. Темже убо, о Мати чадолюбивая, воими гласу моления нашего, утеши нас в скорби сущих, яко верная радости Ходатаица: предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити. Сего ради с верою сердечною и любовию от души припадаем к Тебе яко Царице и Владычице, и псаломски вопити Тебе дерзаем: слыша, дщи, и виждь, и приклони ухо Твое, услыша моление наше, и избави нас от обстоящих бед и скорбей: Ты бо прошения всех верных, яко скорбящих радость, исполняеши, и душам их мир и утешение подаеши. Се зриши беду нашу и скорбь: яви нам милость Твою, поели утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния ко очищению грехов наших и утолению гнева Божия, да с чистым сердцем, совестию благою и надеждою несумненною прибегаем ко Твоему ходатайству и заступлению: приими, Всемилостивая наша Владычице Богородице, усердное моление наше Тебе приносимое, и не отрини нас недостойных от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческая, буди нам помощница неотступная во все дни жизни нашея, яко да под Твоим матерним покровом всегда пребудем цели и сохранени Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со Безначальным Его Отцем, и Святым Духом, ныне и присно, и во веки веков. Аминь.

Святому великомученику и целителю Пантелеймону

О святый великомучениче и целителю Пантелеймоне, Бога милостиваго подражателю! Призри благосердием и услыши нас грешных, пред святою твоею иконою усердие молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, люте одержима есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преуспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и Подателя всех благ, дивнаго во святых Бога нашего, Отца, и Сына, и Святаго Дyxa, во веки веков. Аминь.

Ему же молитва вторая, наедине от лица болящего читаемая

О великий угодниче Христов, страстотерпце и врачу многомилостивый, Пантелеймоне! Умилосердися надо мною грешным рабом, услыша стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи тыя елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприятии благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Святителю Спиридону-чудотворцу, епископу Тримифунтскому

* * *

Тропарь, глас 1-й

Собора Перваго показался ecu поборник и чудотворец, Богоносне Спиридоне, отче наш. Темже мертву ты во гробе возгласив, и змию в злато претворил ecu: и внегда пети тебе святыя молитвы, Ангелы, сослужащия тебе, имел ecu, священнейший. Слава Давшему тебе крепость, слава Венчавшему тя, слава Действующему тобою всем исцеления!

Кондак, глас 2-й

Любовию Христовою уязвився священнейший, ум вперив зарею Дyxa, детельным видением твоим деяние обрел ecu, Богоприятне, жертвенник Божественный быв, прося всем Божественного сияния.

Молитва

О великий и пречудный святителю Христов и чудотворче Спиридоне, Керкирскоя похволо, всея вселенныя светильниче пресветлый, теплый к Богу молитвенниче и всем, к тебе прибегающим и с верою молящимся, скоропредстательный заступниче! Ты веру православную на Никейстем Соборе посреде отцев преславно изъяснил ecu, ты единство Святыя Троицы чудесною силою показал ecu и еретиков до конца посрамил ecu Услыши нас грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял ecu людей твоих: от нашествия агарян и от глада страну твою сохранил ecu, царя от неисцельнаго недуга избавил и многия грешники к покаянию привел ecu, за святость же жития твоего Ангелы невидимо в церкви, поющая и сослужащия тебе, имел ecu. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разу мети и обличати неправедно живущая. Многим, в скудости и недостаточестве живущим, ты усердно помогал ecu, людей убогих изобильно во время глада напитал ecu, и иная многая знамения силою в тебе живущаго Дyxa Божия сотворил ecu. Сице и нас не остави, святителю Христов, поминай нас, чад своих, у престола Вседержителя, и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу, и Сыну, и Святому Дyxy, ныне и присно и во веки веков. Аминь.

Святой блаженной Ксении Петербургской

О святая всеблаженная мата Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога получила ecu и под сению Всемогущаго покоишися: святая Церковь, яко благоуханный цвет, прослави тя: предстояще на месте твоего погребения, пред образом твоим святым, яко живой ти, сущей с нами, молимся ти: приими прошения наша и принеси яко престолу милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление, предстани святыми твоими молитвами пред всемилостивым Спасителем нашим о нас, недостойных и грешных, помози, святая блаженная мати Ксение, младенцы светом святаго крещения озарити и печатию дара Дyxa Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие низпосли, монашествующих подвигом добрым подвизатися удостой и от поношений огради, пастыри в крепости Дyxa Святаго утверди, народ и страну нашу в мире и безмятежии сохрани, о лишенных в предсмертный час причащения святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца, и Сына, и Святаго Дyxa, ныне и присно, и во веки веков. Аминь.

От болезней чревных

* * *

Преподобному Серафиму Саровскому, чудотворцу

О пречудный отче Серафиме, великий Саровский чудотворче, всем прибегающим к тебе скоропослушный помощнице! Во дни земнаго жития твоего никтоже от тебе тощ и неутешен отыде, но всем в сладость бысть видение лика твоего и благоуветливый глас словес твоих. К сим же дар исцелений, дар прозрения, дар немощных душ врачевания, обилен в тебе явися. Егда же призва тя Бог от земных трудов к небесному успокоению, николиже любовь твоя преста от нас, и невозможно есть исчислити чудеса твоя умножившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающая тя отреваяй, вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу до скончания века. Аминь.

При болезнях чрева молятся также святым мученикам бессребреникам Киру и Иоанну (см. ниже).

От грыжи

* * *

Великомученику Артемию

* * *

Тропарь, глас 4-й

Истинною бо Христовою верою утверждься, страстотерпче, мучителя злочестива царя, победил ecu со идольским того возношением. Тем от Царя Великаго, вечно царствующаго, пресветлым венцем победным одарен бысть, вся исцеляяй болящая и призывающая тя, Артемие великий, моли Христа Бога спасти души наша.

Кондак, глас 2-й

Благочестиваго и венценоснаго мученика, на браги победы вземшаго одоление, сошедшеся, достойно песньми восхвалим Артемия, превеликаго в мученицех, чудес же дателя пребогатаго, молиться бо Господу о всех нас.

От нарывов

* * *

Бессребреникам и мученикам Киру и Иоанну

* * *

Тропарь, глас 5-й

Святии славнии Кире и Иоанне, безсребренницы, мученицы и чудотворцы, милосердием своим, яко стеною необоримою, нас оградите от всех бед и от врагов видимых и невидимых сохраните непрестанною вашею молитвою ко Господу.

Кондак, глас 3-й

От Божественныя благодати дар чудес приемши, святии, чудодействуете непрестанно, вся наша страсти рукодейством секуще невидимым, Кире Богомудре со Иоанном славным: вы бо Божественнии врачеве есте.

От слепоты

* * *

Пресвятой Богородице перед ее иконой «Казанская»

О Пресвятая Госпоже, Владычице Богородице! Со страхом, верою и любовию припадающе пред честною и чудотворною иконою Твоею, молим Тя: не отврати лица Твоего от прибегающих к Тебе, умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет, и от неверия, ересей и раскола да избавит. Не имамы бо иныя помощи, не имамы иныя надежды, разве Тебе, Пречистая Дево: Ты ecu всесильная христиан Помощница и Заступница: избави же и всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и от внезапныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарне воспевающе величия и милости Твоя, являемыя над нами зде на земли сподобимся и Небеснаго Царствия, и тамо со всеми святыми прославим пречестное и великолепное имя Отца, и Сына, и Святаго Духа во веки веков. Аминь.

Святому праведному Симеону Верхотурскому

О святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй по данней ти благодати от Господа молитися о нас. Милостиво призри на нас многогрешных, аще и недостойне, обаче с верою и упованием ко святым и цельбоносным мощем твоим притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя белезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал ecu: еще избави и нас от недугов душевных и телесных и от всякая скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойный, благодарне восхваляюще тя, прославим Бога, дивнаго во святых Своих, Отца, и Сына, и Святаго Дyxa, ныне и присно, и во веки веков. Аминь.

Святому великомученику Димитрию Солунскому

Святый и славный великомучениче Христов Димитрие, скорый помощнике и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших, и о еже избавитися нам от всегубительныя язвы, труса, потопа, огня, меча и вечныя казни: моли благость Его, еже ущедрити град сей (обитель сию), и всякую страну христианскую, исходатайствуй у Царя царствующих на враги победу народу русскому и всей же державе нашей мир, тишину, твердость в вере и преуспеяние во благочестии: нам же, чтущим честную память твою, испроси благодатное укрепление на дела благая, да благоугодное Владыце нашему Христу Богу зде творяще, сподобимся молитвами твоими наследовати Царствие Небесное и тамо прославляти Его со Отцем и Святым Дyxoм во веки веков. Аминь.

Блаженному Василию, Христа ради юродивому, Московскому чудотворцу

* * *

Тропарь

Житие твое, Василие, неложное и чистота нескверна! Христа ради тело твое изнурил ecu постом и бдением, и мразом, и теплотою солнечною, и слотою, и дождевным облаком, и просветися лице твое яко солнце: и ныне приходят к тебе Российстии народи, цари же и князи, и вси людие, прославляющие святое твое успение.

Тем Христа Бога моли, да избавит ны варварскаго пленения и междоусобныя брани, и мир мирови подаст и душам нашим велию милость.

Молитва

О Великий угодниче Христов, истинный друже и верный рабе Всетворца Господа Бога, преблаженне Василие!

Услыши ны, многогрешныя, ныне вопиющая к тебе и призывающая имя твое святое, помилуй ны, припадающая днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.

Преподобной Евфросинии, княгине Полоцкой

* * *

Тропарь, глас 4-й

Подражающи дванадесятолетна дванадесятолетну Христу, учившему во Святилищи Божию славу, последовала ecu, Евфросиние: славу временную и земнаго обручника оставльши и вся мирская презревши, краснейшему паче всех Христу себе уневестила ecu, крест вземши путем ангельскаго жития шествующи и многая к Нему наставляющи, во благоухании мира в небесный чертог востекла ecu, идеже моли, Егоже возлюбила ecu, о чтущих благочестно память твою.

Молитва

О преподобная и приснопамятная, всехвальная мати Евфросиние, ангеле во плоти, богоизбранный сосуде Святаго Дyxa, Церкве Христовы похвало и украшение, монашествующих славо и утверждение, отечеству, обители твоей и всей стране помоще, покрове и защитнице! Ты есияко древо, насажденное при исходищих вод, плодами добродетелей твоих и благодатными даровании Святаго Дyxa украшенная, наставнице делом и словом, избранная, непорочная и добрая: услышаны, молящаяся тебе и призывающая имя твое: имаши бо дерзновение у Господа. Испроси нам преспеяние в жизни добродетельней: огради сердца наша верою, надеждою и любовию, и страхом Божиим. Подай нам помощь в трудех и скорбех наших: и якоже попечение имела ecu в житии твоем о обители твоей и иночествующих, тако и ныне потщися о нас благоспешити нам во всем: и обитель твою огради миром и защити от враг видимых и невидимых, да преуспевает и процветает в добродетелех.

Изми ны от всякая нужды и тесноты, от лютых болезней и от нечаянныя смерти, и приведи ны ко истинному покаянию при исходе из жизни сея: испроси нам у Господа Бога кончину мирну, безболезненну, непостыдну, Святых Тайн причастну: и приведи ны чрез мытарства воздушная, да не похитят нас истязателие грознии по грехом нашим, но да твоим заступлением и помощию возможем безбедно пройти истязание воздушное, и милость получити, и предстати неосужденно страшному престолу, и на страшнем судищи сподобитися одесную стати праведнаго Судии и наследовати праведных часть. Ей, госпоже, всечестная мати, преподобная Евфросиние, помози нам молитвами твоими: огради нас и заступи от всяких козней вражиих, да сподобимся прейти время жизни сея непреткновенно и спасение получити молитвами твоими Христа Господа, Егоже и сподобимся пети и словословити со Безначальным Отцем и со Святым Дyxoм во веки веков. Аминь.

Святому благоверному царевичу Димитрию

О великий и милостивый страстотерпче, царевичу княже Димитрие!

Услыша нас грешных, моление со усердием тебе приносящих, и помози нам в жизни сей, от грехов, бед и скорбей избавляя, и в будущем веце буди помощник и заступник, от мучений адовых свобождая и сподобляя купно с тобою покланятися и воспевати Всесвятую Троицу, Отца, и Сына, и Святаго Дyxa, ныне и присно, и во веки веков. Аминь.

От болезней глаз

* * *

Святому мученику архидиакону Лаврентию

О пресвятый и предивный страстотерпце Христов архидиаконе Лаврентие! Восхваляюще веру и страдания твоя, почитаем победу и венценосное прехождение твое чрез горящее углие от тьмы века сего ко свету невечернему престола величествия Божия, темже убо молим тя: якоже древле притекавшия с верою к покрову твоему чудесы твоими утвердил ecu, тако да приимеши и нас под кров твой, и в болезни и печалех наших заступник нам да будеши: и якоже от слепоты телесных очес Крискентиана преложением рук исцелил ecu, тако да исцелиши предстательством твоим у престола Божия и нашу душевную слепоту; призри наразслабление наше телесное и душевное, и укрепи нас бодренностию противу враг наших видимых и невидимых, удручающих нас напастьми. Да твоею помощию путь маловременныя жизни сея прешедше, непобеждени от бед и скорбей и всякаго лютаго обстояния, достигнем неприступныя славы величествия Божия, идеже предстоя, молишися со дерзновением за люди, прибегающая с верою к тебе и воспевающая дивнаго во святых Бога Израилева во веки веков. Аминь.

Святетелю Алексию, митрополиту Московскому и всея Руси

О пречестная и священная главо и благодати Святаго Дyxa исполненная, Спасово со Отцем обиталище, великий архиерее, теплый наш заступнице, святителю Алексие!

Предстоя у престола всех Царя и наслаждался света Единосущныя Троицы и херувимски со Ангелы возглашая песнь трисвятую, Великое же и неизследованное дерзновение имея ко всемилостивому Владыце, молися паствы твоея спасти люди, единородный ти язык: мирно и безмятежно житие наше устрой: благостояние святых церквей утверди; архиереи благолепием святительства украси; монашествующая к подвигом доброго течения укрепи; царствующий град (сей и святую обитель сию) и вся грады и страны добре сохрани, и веру святую непорочну соблюсти умоли; мир весь предстательством твоим умири, от глада и пагубы избави ны, и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, немощствующия исцели, и везде тепле призывающая тяис верою притекающая краце честных многоцелебных мощей твоих, усердно припадающая и молящася тебе, от всяких напастей и бед ходатайством твоим свободи, да зовем ти: радуйся, Богоизбранный пастырю, звездо всесветлая мысленныя тверди, тайнаго Сиона необоримый столпе, мировдохновенный цвете райский, всезлатая уста Слова, московская похвало, всея России украшение!

Моли о нас всещедраго и человеколюбивого Христа Бога нашего да и в день страшного пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.