Текст книги "Архиепископ Мир Ликийских Николай Чудотворец. Великий божий угодник, спаситель и заступник"

Святителю Николаю служба 6 (19)декабря

Стихологисование – пение или чтение из той или другой книги Писания по стихам, иногда попеременно с другими поющими или читающими, с припевами.

На велицей вечерни стихологисуем Блажен муж: 1-й антифон.

На Господи, воззвах, стихиры на 8, глас 2.

Подобен: Егда от древа:

В Мирех пожив чувственно, миро воистинну явился ecu, миром помазався умным, святе Николае, святителю Христов: и благоухаешилица, верою и любовию твою всеславную память совершающих присно, разрешая бед и напастей и скорбей сих, отче, к Богу твоими молитвами.

Победы тезоименит воистинну верным людем явился ecu в напастех крепок, святе Николае, святителю Христов: везде бо призываемъ быстро предварявши, любовию притекающих под кров твой: ты бо во дни и нощи верным являяся, спасаеши от напастей и обстояний.

Явился ecu Константину царю, и Авлакию во сне, и сим страх вложив, еще тем река ecu: разрешите убо вскоре, яже держите связанныя в темнице, неповинни бо суть беззаконнаго заколения. Обаче аще преслушаете мене, мольбу сотворю царю на тя, ко Господу моляся.

Велий заступник и теплый в бедах обретающымся ecu, славне, святе Николае, священнопроповедниче Христов: сущым на земли и плавающым, сущым далече и близ обретающымся, яко зело милостивнейший и молебник крепкий, темже сошедшеся вопием: молися ко Господу, яко да всякаго избавимся обстояния.

Ины стихиры, глас тойже.

Подобен: Киими похвальными:

Киими похвальными венцы увязем святителя? Плотию в Mvpex суща, и духовно всем достизающа, чисте того любящым, всех предстателя и заступника, и всех скорбных утешителя: и всех сущих в бедах прибежище, благочестия столпа, верных поборника, егоже ради шатания врагов Христос низложи, Имеяй велию милость. Дважды.

Киими песненными пении похвалим святителя? нечестия противоборца, и благочестия поборника: Церкве первостоятеля, великаго заступника же и учителя, вся злославныя посрамляюща: потребителя Ария и того пособников, егоже ради сих шатания Христос низложи, Имеяй велию милость.

Киими пророческими песнъми похвалим святителя? иже далече сущая провидяща, и отстоящая яко близ сущая пророчествующа неложно, и всю вселенную назирающа, и вся обидимыя избавляюща, во снеявлъилася царю богомудрому, и древле связанныя заколения неправедного избавлъша, и дарующа велию милость.

Слава, глас 6-й:

Святителей удобрение, и отцев славу, источника чудес и верных заступника великаго, сошедшеся, о празднолюбцы, песненными похвалами воспоим, глаголюще: радуйся, миряном хранителю, и первоседателю честный, и столпе неподвижимый. Радуйся, светилъниче всесветный, иже мхрския концы просвещая чудесы. Радуйся, скорбящих Божественная радосте, и обидимых теплый предстателю. И ныне, всеблаженне Николае, не престай моляся Христу Богу, о верою и любовию чтущих приснорадостную и всепразднственную память твою.

И ныне, предпразднства, глас тойже: Вертепе, благоукрасися, Агница бо грядет чревоносящи Христа: ясли же подъимите словом Разрешившаго от безсловеснаго деяния нас земнородных. Пастырие свиряюще свидетельствуйте чудеси страшному: и волсви от Персиды, злато и ливан и смирну Царю принесите, яко явися Господь из Девы Матере. Емуже и приникши рабски Мати поклонися, и привещаше к Держимому на объятиях Ея: како всеялся ecu мне, или како прозябл ecu во мне, Избавителю мой и Боже?

По входе прокимен дне и чтения 3:

На литии, стихира храма, и святителя, глас 2:

Правило веры и образ кротости, яви тя стаду твоему Христос Бог, святителю Николае: в Мирех убо благоухающу ти, всюду сияют светло Божественная твоя исправления, сирых и вдовиц предстателю. Темже молися непрестанно, спасти душы нашя.

Отче Николае, мироположница мощей твоих Миры обогащает, в нихже и связанныя неправедно осужденныя, во сне царю видением твоим явився, свободил ecu от смерти, и уз, и темницы, но и ныне, якоже тогда, и присно видением твоим явися, моляся о душах наисых.

Отче Николае, аще и Мирская страна молчит, но мгр весь, иже тобою просвещенный, мира же благоухании и чудес множествы, взывает благохвалъными песнъми: и спасшийся тобою осуждении, с сущими в Мирех и мы, поюще вопием: моли спастися душам нашым.

Глас 4. Отче Николае, Пресвятаго Духа миропоположница сый, яко в мирех благоухаеши Божественными ароматы: Христовым бо апостолом подобник быв, вселенную обходиши словесы чудес твоих: темже и дальним яко близ, во сне являяся от смерти избавлявши, иже неправедным судом умрети имущыя, спасая преславно от бед многих призывающыя тя. Темже и нас от находящых лютых свободи твоими молитвами, присно восхваляющих тя.

Глас 8. Доблестей твоих преподобие отче плод просветил есть верных сердца: кто бо слыша безмерное твое смирение, терпению не удивися, еже к нищым кротости, к скорбящым утешению; вся Боголепно научил ecu святителю Николае, и ныне неувядаемым венцем увязлся ecu, молися о душах наших.

На хвалу потека ecu Господню, Николае, во временней жизни, и Той тя прослави на Небесней и истинней жизни, темже дерзновение стяжавше к Нему, моли спасти душы нашя.

Слава, глас 6:

Благий рабе верный, делателю винограда Христова, ты и тяготу дневную понесл ecu, ты и данный тебе талант возрастил ecu, и по тебе пришедшым не завидел ecu. Темже врата Небесная отверзошася тебе, вниди в радость Господа твоего, и моли о нас, святе Николае.

И ныне, глас тойже:

Сионе торжествуй, Иерусалиме веселися, граде Христа Бога, подими Зиждителя в вертепе и яслех вмещаемаго: отерзите ми врата, и вшед в ня узрю яко Младенца пеленами повиваемаго, дланию же Содержащаго тваръ: Его же поют Ангели непрестанным гласом, Жизнодавца Господа, спасающаго род наш.

На стиховне стихиры, глас 5:

Подобен: Радуйся:

Радуйся, священная главо, чистый добродетелей доме, Божественнейшаго священства правило, пастырю великий, светилъниче светлейший, иже победы нося имя, и молящымся милостивый преклонителъ, приницаяй к немощных прошениям, избавителю готовейший, хранителю спасительный, всем верою чтущым преславную память твою, Христа моли, преблаженне, низпослати мгру велию милость.

Стих: Честна пред Господем смерть преподобных Его.

Радуйся священный уме, Троицы чистое обиталище, столпе Церковный, верных утверждение, побеждаемым помощь, звездо, яже сиянъми богоприятных твоих молитв, разоряя напастей же и скорбей тьму всегда, святителю Николае, пристанище тихое, в неже притекающе треволненъми жития одержимии спасаются: Христа моли, душам нашим дати велию милость.

Стих: Священницы Твои облекутся в правду, и преподобнии Твои возрадуются.

Радуйся, ревности Божественныя исполнивыйся, наведения зла избавлъ неправедно хотящыя умрети, предстанием страшным и сна запрещенъми, источниче источаяй в Мирех, Николае, миро богатно, и душы напояющее, смрады же страстей отгоняющее, мечъ, прелести плевелы посекающий, лопата, развевающая Ариева плевелъная учения, Христа моли низпослати душам нашым велию милость.

Слава, глас 6.

Человече Божий и верный рабе, слуго Господень, муже желаний, сосуде избранный, столпе и утверждение Церкве, Царствия наследниче, не премолчи вопия за ны ко Господу.

И ныне, глас тойже.

Безневестная Дево, откуду пришла ecu; ктородивый Тя; кто и мати Твоя; како Зиждителя носиши на руку; како не растлилася ecu утробою; О великих преславных на Тебе страшных таинств, на земли совершаемых зрим Всесвятая: и преуготовляем достойный Тебе долг, от земли вертеп, и от Небес просим подати звезду, и волсви же приходят от востоков земли к западом видети человеческое Спасение, во яслех пеленами повиваемое.

На благословении хлебов, тропарь, глас 4:

Правило веры и образ кротости, воздержания учителя яви тя стаду твоему, яже вещей истина. Сего ради стяжал ecu смирением высокая, нищетою богатая: отче священноначалъниче Николае, моли Христа Бога, спастися душам нашим, дважды, и Богородице Дево: единожды.

На утрени

Канон Богородицы со ирмосом на 6. И святаго два канона на 8.

Песнь 1.

Ирмос: Песнь победную поим ecu Богу, сотворшему дивныя чудеса мышцею высокою, и спасшему Израиля: яко прославися.

Премудрости бездну Роджшая, капли мудрости ми источник благодатно точащий Чистая низпосли, песнословити благодатей Твоих пучину.

Пою Тя, Всепетая, Юже воспевают ангелов чини: яко Бога Рождшую Препетаго, Егоже вся тварь воспевает, яко прославися.

Ин канон святителю, глас 2, песнь 1.

Ирмос: Во глубине постла иногда:

Венценосец престолу Христову, премудре Николае, предстоя со Ангельскими воинствы, просвещение ми даруй, озаряющее души моея омрачение, яко да восхвалю радуяся твою всеблаженне память.

Прославляяй вся Господь Того славящая, тя верным прибежище даде, напастей избавляюща притекающая к твоему крову, Николае, и призывающия тя верою и любовию, преславне.

Богородичен: Сравнитися желание ми вложив змий вселукавый, Содетелю, яко пленника восхити, Тобою же Всечистая, воззван бых, обожився истиннейше: Ты бо, о Богомати, мене Обожившаго родила ecu.

Другий канон, глас 1. Песнь 1.

Ирмос: Христос рождается.

Недоуменным, языком и устнами, похваление малое и моление принести твоему, Николае, приидох Богоподражанному преизяществу: но яко Богатодавец, Спаса и Бога Милостива подаждъ ми.

Человек сый Небесный, равноангелен на земли явился ecu, вдов защитник готовый, и утруждаемых отмстителъ, и всем скорбящым. в бедах помощник, отче Николае.

Сказует вся подсолнечная Николае треблаженне, чудеса твоих добродетелей пучину: нищий предстателя, и сироты и вдовы питателя, и слепии путевожда, ecu же поборника.

Троичен: Троицу чествую Несозданную, Отца и Сына со Духом, существо просто, Божество, естество несекомое существенне, три Ипостаси, разделяя лично и по Ипостаси.

Богородичен: Безсеменно Слово зачала ecu, Единого от Троицы Всенепорочная, и Сего плотию родила ecu, пребывши по Рождестве Дева яко и прежде: Сего яко Сына Твоего и Бога о нас присно моли.

Катавасия: Христос рождается.

Песнь 3:

Ирмос: Да утвердится сердце мое в воли Твоей Христе Боже, Иже нас ради Небо утверждей второе, и основавый на водах землю Всесилъне.

Небес Чистейшее Царево Обителище, благодатно дышущий воистинну и благовонный раю, Надежду христиан, Богородителъницу мою воспеваю.

Словом Слово породила ecu, словом все к существу приведшаго словесное естество, купно и безсловесное, безсловесия избавляющаго человеки, Всеблагословенная.

Ин.

Ирмос: Процвела есть пустыня яко крин, Господи, языческая неплодящая церковь, пришествием Твоим, в нейже утвердися мое сердце.

Николае блаженне, Владыки искренний ученик ты быв, спасаеши к тебе притекающия от лютых бед и смерти горъкия.

Очисти рабы Твоя, грехов оставление яко Благ даруя, Николаа Твоего угодника, яже к Тебе ходатайствы, Многомилостиве.

Богородичен: Утоли смущение души моея, Пречистая, и жизнь окорми, Всесвятая, Бога Рождшая, в Немже утвердися сердце мое.

Ин.

Ирмос: Прежде век:

Скрижаль в сердцы стяжав Богомудре многих добродетелей, написану безсмертным и пречистым перстом Христа Бога, Николае, паче меда и coma сладость точиши из устен твоих.

Показа благодать на тебе преславне чудеса Николае: чистое бо житие твое воистинну злата светлейши, облистает мрачныя души зарею Божественного Духа.

Живеши и по смерти, во снехяве являяся, и юношы от смерти преславно избавил ecu, вопия яве царю: не обиди мужей, суетною завистию оклеветанных.

Троичен: Милостива буди ми Всесвятая Троице Боже наш, безмерными прегрешении осквернившему житие, Отче, Сыне, и Душе Живый, соблюдающи мя отвсюду, и присно неуязвлена от скорби.

Богородичен: Даеши Богородице надежду рабом Твоим, и в нуждах и напастех скоротечными молитвами соблюдати и помогати предстани: Ты бо ecu Похвала нам верным, Приснодево.

Седален, глас 8.

Подобен: Премудрости:

Возшед на высоту добродетелей, божественными оттуду отче озарився сиянии чюдес, пресветел воистину явился ecu мгрови пастырь, нам в напастех сый престателъ непобедимъ: темже преславно врага победив, лжу отгнал ecu и человеки спасл ecu от смерти, Николае. Моли Христа Бога, грехов оставление даровати, чтущим любовию святую память твою.

Слава, другий седален, глас тойже:

Реку исцелений обильно изливающую, и источник тя чудес неоскудный показа Николае, милости бездна: тяжкими бо недугами горце дручимии, и злоключенъми жития люте мучимии, всякия скорби целебную воистинну обретают лечбу, теплое твое защищение. Сего ради вопием ти: молися Христу Богу, прегрешений оставление даровати празднующим любовию святую память твою.

И ныне, Богородичен.

Яко Деву и Едину в женах Тя без Семене рождшую Бога плотию, ecu ублажаем роди человечестии: огнь бо вселися в Тя Божества, и яко младенца доиши Зиждителя и Господа. Тем ангельский и человеческий род достойно славим Пресвятое Рожество Твое, и согласно вопием Ти: моли Христа Бога грехов оставление даровати, покланяющымся верою Пресвятому Рождеству Твоему.

Песнь 4:

Ирмос: Духом провидя пророче Аввакуме, Словесе воплощение, проповедал ecu вопия: внегда приближитися летом, познаешися, внегда прийти времени, покажешися, слава силе Твоей, Господи.

Смерти убо вина земным Ева быстъ, советом змия: Ты же Дево Чистая, Рождшая словом Слово, безсмертия и жизни Ходатаица явилася ecu, темже достойно поем Тя.

Духом праотцы предзряще Тя, Чистая, гору, дверь, трапезу, Святый Кивот, свещник, престол жизни, стамну и одр, Божию Матерь в гаданиих Тя проявиша: ихже мы зрим сбытие.

Ин.

Ирмос: Пришел ecu от Девы, не ходатай, ни ангел, но Сам, Господи, воплощъся, и спасл ecu всего мя человека, тем зову Ти: слава силе Твоей, Господи.

Приближився чисте зарям духовным, светоносец был ecu, мгра просвещая концы, всем предстательствуя, и вся спасая верою к тебе притекающия.

Избавляя от смерти, яко явился ecu первее Николае, юноши преподобие: тако и ныне мя спаси от всякаго обстояния, и напастей и бед, всеблаженне.

Облистал ecu добродетелей сиянъми всеблаженне, подражатель всеизряднейший твоего Владыки быв, спасаеши же призываемъ, благоговением и любовию тя славящия.

Богородичен: Найде на Тя Владыка твари Воплощаешь, и спасая яко Благоутробен всего мя человека: темже вернии Богородицу Тя славим.

Ин.

Ирмос: Жезл из корене:

Именование твое едино воистинну призываемо, от всех вражиих совет скоро избавляет зовущыя тебе тепле, священне Николае: яко первее воеводы избавил ecu, спаси и нас от всякаго лютаго обстояния.

Престолу предстоя Божию, молити прилежно мудре не престай, о всех нас твоих верных рабех, чудне Николае: да огня вечнаго избавимся, и от врагов, языка лукаваго и озлобления.

Врачевания точиши всюду верою к тебе притекающым и от уз избавляеши вся. темже печаль нашу в радость преложи, твоими богоприятными молитвами, Николае пресветле, низлагая гордость врагов наших.

Троичен: Безначалънаго Божества начало Отца, и Сына чту, и Духа почитаю Всесвятаго: всяческих Вседетелъное, Единственное, Несекомое, треми характири и лицы разделяемо присно, Едино Царство Нераздельное.

Богородичен: Ты воистинну паче земных и небесных Честнейши, Едина ecu, Богородителънице: всех бо Творца во утробе зачала ecu, плотию вещною одеянна, рождши без семене. О новолепнаго зрения!

Песнь 5:

Ирмос: Светлый нам возсияй свет присносущный, утренюющым о судьбах заповедей Твоих, Владыко Человеколюбче, Христе Боже наш.

Яко Кивот честная священия, и яко огнеобразный Престол свят, и яко Палата освященна Владычице, вместила ecu Бога Вседержителя.

Мати Неискусомужная в девах, Ты паки Дева в матерех, Едина Пречистая, явилася ecu: Бога бо неизреченно родила ecu естество воздающаго.

Ин.

Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо разве Тебе Бога не знаю.

Боголепным житием, треблаженне, просвещаемъ, осужденныя неправедным изречением умрети, представ, избавил ecu, Владыце Христу зовущия: иного бо разве Тебе Бога не знаем.

На Небесех присносущную славу ныне зря, и неизглаголанныя и Божественныя зари светлейшими наслаждаяся сиянии, покрый мя предстателъством твоим, преподобие, угодниче Христов всечестне.

Богородичен: Да Твой взыщеили образ, погребенный страстъми, Спасе, небесных утаився сил, воплощъся из Девы, явился ecu Тебе зовущим: иного разве Тебе Бога не знаем.

Ин.

Ирмос: Бог сый мира:

Проповедует твоя отче чудеса, ныне Мир величайша митрополия, и ликийская епархиа, и вся отечествия твоя чудодейства: имиже вся от болезней и скорбей избавлявши, богоблаженне Николае.

Питатель вдов, и отец сирот, помощник сущым в скорбех всеизряднеший, плачущым утешение, пастыръ и путевождъ блудящих Николае сый, и нас твоими молитвами от бед избави.

Преставился ecu от земли к невещественным обителем, идеже зриши доброту неизреченную Христову, и ангельским воинством собеседник явился ecu. Темже со апостолы и с мученики ликуя, прилежно Владыце всех, отче Николае, о нас молися.

Троичен: Собезначалъная Три, Единопрестолъная, Неразделънаго же Единого Божества славлю самовластная Лица яве. Имже из не сущаго приведохся во еже быти, со ангелы зовый: Свят, Свят, Свят ecu Господи.

Богородичен: Человеком Спасение всем и упование, Яже предваряющи Едина и спасающи, помози и ныне нам вопиющым Тебе Чистая, и призывающым Тя присно во обстоянии лютых: Предстательницы бо иныя разве Тебе по Бозе не имамы.

Песнь 6.

Ирмос: Пророка Иону подражая, вопию: живот мой Блаже, свободи из тли, и спаси мя, Спасе мира, зовуща: слава Тебе.

Заступление верных, и печальных радостное веселие, радостию обогати духовною рабы Твоя, желающыя заступления Твоего.

Небо словесное, Храм пречестный, святый Кивот, краснейший Божий рай, в немже древо жизни моея, да поется.

Ин.

Ирмос: В бездне греховней валяяся, неисследную милосердия Твоего призываю бездну, от тли, Боже, мя возведи.

Иже победы Николае, венец на твоем верее достойно положися: яко победитель убо изряднейший, тя призывающия спаси.

Умерщвленнамя, блаженне, прегрешенъми, и страстей треволненъми погружаема, явився спаси ко пристанищу Божественыя воли.

Богородичен: На Тя надежды возложих Мати Приснодево, спасения моего, и Тя Предстательницу полагаю жизни, тверду же и непоколебиму.

Ин.

Ирмос: Из утробы Иону.

Новый явился ecu Авраам, Николае, яко яко единородна бо ныне привел ecu сына Владыце Твоему, безкровные жертвы принося присно. Отнудуже благословился ecu яко страннолюбец Отче, и Троицы был ecu обитель божественна и непорочна.

Странна и ужасна содеваеши чудеса Николае, по всей земли, и в мори далече бедствующым скоротечными молитвами предстательствуя, немощным врачъ, и нищым питатель, победы на враги тезоименит людем верным являяся.

Оком умным провидя будущая, учений правых наполнил ecu вся концы: Единосущна Отцу Сына возвещая нам, Ариево неистовство потребил ecu, столп православныя веры, честная твоя предложив исправления.

Троичен: Чту и почитаю Троицу Нераздельную, треми Лицы разделяемую присно, соединяемую же Существом и Естеством, яко едино Начало, Отца и Сына и Духа Святаго, всеми державно Владычествующую, и вся соблюдающую, яко хощет.

Богородичен: Весь воплощъся во утробе Твоей, Пречистая, Христос Бог, без семене родися: не стерпе бо Своих рук создание зрети от лъстиваго мучимо, прииде рабозрачным образом человеческий род избавити.

Кондак, глас 3:

Подобен: Дева днесъ:

В Мирех святе священнодействователъ показался ecu, Христово бо преподобие Евангелие исполнив, положил ecu душу твою о людех твоих, и спасл ecu неповинныя от смерти. Сего ради освятился ecu, яко великий таинник Божия благодати.

Воспоим ныне святителя песнъми, мирским людем пастыря и учителя, да молитвами его просветимся: се бо явися чист весь, нетленен духом, Христу принося жертву непорочну, чисту, Богу благоприятну: яко святитель очищен и душею и телом, темже сый истинно Церкве предстатель и поборник Сея, яко великий таинник Божия благодати.

Песнь 7:

Ирмос: Пещь Спасе ороилаилеся, отроцы же ликующе пояху: отцев Боже, благословен ecu.

Высочайший, Небо Тя одушевленное, Чертог же, Чистая, благодатно окружен, златообразную порфиру и рай показа.

Утверди ума моего вращение, помышление мятежно укрепи на недвижимом камени, Покровом Твоим, Мати Дево.

Ин.

Ирмос: Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен ecu, Боже отец наших.

Острому искушению впадох, и люте пострекаемъ, и ко вратом ада приближихся, скорбъми поражаемъ, спаси мя молитвами твоими, блаженне, и возстави поюща: благословен ecu Боже отец наших.

Незаходимаго света Невещественными лучами облистаемъ, сущия во тьме скорбей озлобленный исхити, и к просвещению веселия настави поющия: благословен ecu Боже отец наших.

Богородичен: Моли Христа, Сына Твоего и Бога, Дево Богородителънице, проданныя лютыми прегрешенъми и лестъми змииными, Кровию Его честною избавитися поющим: благословен ecu Боже отец наших.

Ин.

Ирмос: Отроцы благочестию совоспитани:

Всяких лютых недуг врачъ всеизряднейший отче Николае, явився, души моея немощь исцелив, подаждъ ми благоздравие, вопити: отцев Боже благословен ecu.

Избавив древле воеводы от смерти святе, тыя воздвигл ecu пети и славити Спаса Христа с верою теплою, иже и взываху: отцев Боже, благословен ecu.

Премудрости чаши приближився таинственно, устнами твоими отче Николае, капли одождения почерпл ecu, паче меда и coma, людем повелевая вопити: Отцев Боже, благословен ecu.

Троичен: Троице, Тя воспеваем Единице Трисиятелънейшая Единосущная, Отче, Сыне и Душе Святый: в нихже ecu крестившеся воспеваем: отцев Боже благословен ecu.

Богородичен: Яко всех тварей вышит ecu Богородице, молися Твоему Сыну и Богу, избавитися муки чествующым Тя воистинну, и славящым: отцев Боже, благословен ecu.

Песнь 8.

Ирмос: Егоже ужасаются ангели, и вся воинства, яко Творца и Господа, пойте священницы, прославите, отроцы, благословите людие, и превозносите во вся веки.

Яко одушевленный чертог, и вдохновенная червленица, хламида червленошарная всех Царя явилася ecu Дево, и Порфира, из Неяже плоть сопросия Богочеловека Слова.

Зачала ecu Пречистая, всю тварь горстию содержащаго, яко Зиждителя и Бога, неизреченно, непостижно, нас ради по нам Человека бывша, и еже бе не отступлъша.

Ин.

Ирмос: В пещь огненну ко отроком еврейским снизшедшаго, и пламень в росу преложилаго Бога, пойте, дела, яко Господа, и превозносите во вся веки.

Яко благ и сострадателен, во глубине напастей люте содержимыя свободи, блаженне Николае, от содержащих лютых разрешение подая молитвами твоими, яже ко Спасу Христу, священнотаинниче.

Тайновождъ сущих паче ума, святых служитель и Небесных сый богомудре, архиерей же верен, прегрешений оставление проси от Спаса нашего, священноявленне.

Богородичен: Изнемогает мой ныне ум, во глубину впад безчестия, яко отвсюду различными объят есмъ злыми: но Ты, Дево, исцели, безстрастия светом одевающи.

Ин.

Ирмос: Чуда преестественнаго:

Чини патриархов, и апостолов, и священномучеников собори, и пророков сословие, весь собор постнический блажат Божественное житие твое, с ними-же и мы вопием: да благословит тваръ вся Господа, и превозносит Его во веки.

Высочайший Всецарю Великодержавне, молитвами преподобнаго пастыря, жизнь умири всех Слове христиан, поборствуя православным христианом, да Тебе Христу зовем: да благословит тваръ вся Господа, и превозносит во вся веки.

Светом просвещъся неприступным отче, душы сущих в скорби озаряеили, разоряя всю мрачную тъму напастей, облистав же веселием сердца наша, имиже далечесиятелъно просвещаеми, вопием: да благословит тваръ вся Господа, и превозносит во вся веки.

Троичен: Живот и животы, и Един и Три Светы, Троицу верно воспеваем, отеческим последующе Божественным истинно учением, Отца, и Сына, и Духа Святаго, с нимиже благочествующе воспоим: да благословит тваръ вся Господа, и превозносит во вся веки.

Богородичен: Чудо страннолепно, купина образ прообрази Чистая Отроковице, горящи неопалъно древле на горе Синайстей, тайну Рождества Твоего прописующи: огнъ бо в Тя Божества вселивыйся невредну Тя соблюде, Егоже воспеваем во вся веки.

Песнь 9:

Ирмос: Живоприемный Источник приснотекущий, светоносный Светильник благодати, Храм одушевленный, Сенъ Причистую, небесе и земли пространнейшую, Богородицу вернии величаем.

Струю благодати Твоея источи ми, пламенем злоключений опаляему, и люте истаяваему, источниче благодатно точащий, Рождшая Реку благодатей: из Неяже пияй, вжаждется никогдаже.

Яко жениха Тя красный Чертог, яко Владычню палату одушевлении, яко Порфиру всезлатую, яко краснейилее обителище Христово, Владычице всех, умоляющаго Тя спаси мя.

Ин.

Ирмос: Безначальна Родителя Сын, Бог и Господь, воплощъся от Девы нам явися, помраченныя просветити, собрати расточенныя, Тем Всепетую Богородицу величаем.

Свещами благодати Богомудре просвещаемь, и светильнику благочестия яве был ecu, сущия в напастех спасаеиш, и сущия во глубине морстей избавлявши, и питаеши алчущия преславно, всеблаженне.

Иже в рай сладости ныне водворяяся, и неизреченную славу ясно зря, от Небесных круг певцы твоя назираеши, от страстей избавляя, богоносе всеблаженне.

Богородичен: Премудрость, и Силу, и Слово Ипостасное Отчее, Богомати Чистая родила ecu, от Твоих Пречистых кровей Свой Храм Приимшую, и сему по соединению соединившуюся нераздельно.

Ин.

Ирмос: Таинство странное вижу:

Ликовстуем духовно ecu празднолюбцы, небеса веселитеся, горы же и холми, церкви и дев лицы, и постников светлость, в памяти всеблаженнаго: в нейже сошедшеся, Спаса величаем.

Да поют песнъми непрестанно ecu концы, похвальными венцы верх Николаа украшающе яве, угодника Христа Бога: егоже молитвами от страстей же и бед да избавимся.

Яко достойное приими пение, Николае, малаго труда сего, якоже Христос прият вдовы два лепта: не возгнушайся окаяннаго страстъми, не гордяся бо, треблаженне, дерзнух.

Троичен: Соединяется единосущною волею Троица: разделяется жа паки лично неразделъне, соблюдающи державу присно, Отец, Сын и Дух Живый, Един Триипостасный Бог, Егоже величаем.

Богородичен: Потребися всякая печаль Рождеством Твоим, и отъят Господь рыдание и плачь, и всяку слезу от всякаго лица земнородных, Чистая Богородице Неиску собрачная: о Тебе и мы долги исполняем.

Светилен.

Подобен: Жены услышите:

Великаго архипастыря и иерарха ecu, предстоятеля Мирликийскаго Николаа восхвалим: многи бо мужы спасе неправедно умрети имущыя: и царю является со Авлавием во сне, реиля неправденый суд.

Слава: Велъми тя прослави в чудесех Господь, и жива и по конце, иерарше Николае: кто бо от любве веры токмо имя твое призовет, и не абие услышан, тепла тя предстателя обращает;

И ныне, Богородичен: Мудрость Ипостасную, и слово Пресущественное, и Врача всех Христа рождши, Дево, гноения и язвы души моея исцели лютыя и многовременныя, и сердца моего страстная помышления умертви.