» » » онлайн чтение - страница 7

Правообладателям!

Представленный фрагмент произведения размещен по согласованию с распространителем легального контента ООО "ЛитРес" (не более 20% исходного текста). Если вы считаете, что размещение материала нарушает чьи-либо права, то сообщите нам об этом.

Читателям!

Оплатили, но не знаете что делать дальше?

  • Текст добавлен: 14 апреля 2016, 22:00


Автор книги: Ирина Пигулевская


Жанр: Религия: прочее, Религия


сообщить о неприемлемом содержимом

Текущая страница: 7 (всего у книги 16 страниц) [доступный отрывок для чтения: 11 страниц]

На утрени

Тропарь, глас 4:

Таинодерзновенне уподобился ecu мудре царя бо, обличил ecu ангелом двократы избави три мужи от смерти, тем по успении твоем сияеши чюдесы, отче наш Николае, моли Христа Бога спастися душам нашим.


Кондак, глас 4:

В мирехрождейся святителю Николае, от благаго корени боголюбиваго отца Феофана из ложесн от богонравныя утробы матере своея Ноны, проразумел ecu путь спасения, исполнися множество чюдес преподобие быв, сего ради освятися и явися велий таинник Божия благодати.


Седальны, и канон, и хвалитны из службы декабря в 6 день.

Рождество великаго святителя чудотворца Николая
На малей вечерни

На Господи, воззвах: стихиры на 4, глас 1.

Подобен: Небесных чинов:

Ныне светло празднуем святителя и чудотворца Николая преславное рождество, от праведнику бо возсия нам, от добляго Феофана и благочестивыя Нонны, великий светильник святитель Христов, просвещает наши сердца и помышления.

Ныне, святителю Николае, душа твоя пребывает в горнем Иерусалиме со святыми ангельскими силами и во славе праведных, но свыше, святителю, и нас назирай, празднующих любовию день рождения твоего.

Ныне отечество твое, святителю, град Ликия светло празднует во святем и славнем рождестве твоем, и мы с ними купно веселящеся, вопием: «Ты ecu, отче, похвала наша и утверждение».


Слава, глас 4:

Всечестное твое рождество, отче Николае, ангелов множество на небеси и человеческий род на земли, честно ублажает, яко святитель Вышняго во святем рождестве твоем пронаречен ecu, Того моли о нас, не престай молимся, яко на тя упование полагаем, святителю Николае.

И ныне.

На стиховне стихиры, глас 2.


Подобен:

Днесь ныне, земнороднии, приимите чистоты рачителя, духа божественнаго приятелище, Ликиом славу и всем земным удобрение.


Стих: Праведник яко финике.

Приидите ныне празднолюбцы светло торжествуем в честнем рождестве великого отца и таинника Христова.


Стих: Насаждени в дому Господни.

Приидите сошедшеся с Давидом вкупе возопием днесь род правых благословляется, от праведных родителей святитель Вышняго нам раждается.


Слава, глас 4:

Всемирная радость, от праведник возсия нам днесь рождество твое, святителю отче Николае, иже премногия ради твоея чистоты храм Божий одушевлен явился ecu и во святителех предивен познаваешися того молитвами Христе Боже мир мирови низпосли и душам нашим велию милость.


И ныне, Богородичен. Тропарь, глас 4:

Чудное и славное рождество твое, святителю Николае, церковь днесь православных светло празднует, ибо стоянием ногу твоею яви тя Господь и произвести бо быти светильника и учителя мирянам весь мир обогащающа и просвещающа чудесы, тем вопием ти: моли Христа Бога спастися душам нашим.


И ныне.

Тропарь, глас 2:

Днесь воссия нам, яко солнце торжество твое, отче Николае, ибо в рождестве твоем дивным стоянием ног твоих ангелы возвеселил ecu, и человеки удивил ecu, противныя же устрашил ecu, темже ныне и Христова церковь украшается яко невеста, и высоким гласом вопиет весело уяснися моя доброта прекрасно, приидите вернии, возвеселитеся и подимите спасение ваше и душевное нетление, в бедах скорого помощника, в скорбех посетителя, в мори обуреваемии тихое пристанище, алчущий питателя, слепии вождя, нищий богатство, старцы жезл, юнии наказателя и чистоте учителя, и ecu притекающий с верою приемлют исцеление душам и телом.


Слава, и ныне, Богородичен:

Вся паче смысла, вся преславная твоя Богородице таинства, чистоте запечатленной, и девству храниму, Мати позналася ecu неложна, Богарождши истиннаго, того моли спастися душам нашим.

На велицей вечерни

Стихиры, глас 2.

Подобен: Киими похвалными венцы:

Киими похвальными венцы, венчаем святителя в чудеснем рождестве его, плотию бо в Мирех суща, духовно же всех достизающа, и всю вселенную озаряюща, иже чисте того любящих, всем предстателя и заступника, и всем скорбным утешителя, благочестия столпа, верным поборника, его же ради шатания врагов Христос низложи, имеяй велию милость.

Киими песнъми похвалим святителя в честнем рождестве его, нечестию сопротивоборца и благочестию поборника, Церкви первостоятеля, великаго защитника и учителя, и теплаго пособника, злославныя посрамляюща, потребителя Ариева, его же ради сего шатание Христос низложи, имея велию милость.

Киими духовными пенми и песнъми восхвалим святителя во славнем торжестве его, далече бо сущая провидяща и отстоящая яко близ суща, и в рождестве своем стояние честных ног пророчествующа неложно, еже всей вселенней хотящи быти назирателя, и обидимым избавителя, царем окормителя, и связанным разрешителя, и от неправедных смерти свободителя и всем дарующа верным велию милость.


Слава, глас 6:

Святителем удобрение и отцем славу, источника чудес неисчерпаемого и верным заступника великаго, сошедшеся, о празднолюбцы, цветы добродетелей вземше, песненными похвалами воспоем, глаголюще: радуйся, в Мирех Ликийский рожденный и всему миру вожделенный, верным хранителю и наместниче честный и столпе непоколебимый. Радуйся, светилъниче всесветный, иже мирския концы просвещая чудесы. Радуйся, печальным божественное радование и обидимым теплый поборниче. И ныне, всеблаженне Николае, не престай моляся Христу Богу о чтущих верою и любовию присно радостную и всепразднественную память рождества твоего.


И ныне: Кто тебе не ублажит, преподобие.


Чтения святительская.


На литии стихиры, глас 2:

Отче Николае, аще и Мирская страна израсти тя, но мир весь, иже тобою просвещенный мирными благоухании и чудес множеством, взывает похвальными песнъми. И спасшийся тобою неосуждени, с сущими в Мирех, и мы поюще вопием: моли спастися душам нашим.


Глас 4:

Отче Николае, закона судьбами, яко сад при водах насажден быстъ и в дому Божий преславно процвел ecu и всех верных чудесы предивными возвеселил ecu, тем же и ныне прииди, отче, посреде нас невидимо и озари нас от Бога данною ти благодатию во светлем сем торжестве, в честнем твоем рождестве, богоносе Николае.


Глас 8:

Доблестей твоих, преподобие отче, плоды просветил ecu верных сердца чудесными блистании. Кто бо слыша о сем не удивится, яко во святем рождестве твоем стоянием ног твоих предивен и непреклонен явился ecu, досточудне Николае. Тем же и нас поющих и хвалящих тя присно избави от враг видимых и невидимых твоими к Богу молитвами и спаси души наша.


Глас той же:

На хвалу потекл ecu Господню, Николае, во временней жизни, и Той тя прослави на небесней истинней жизни. Тем же дерзновение стяжав к Нему, моли спасти души наша.


Слава, глас 6:

Днесь верных собори сошедшеся, воспоем вкупе согласно предивнаго отца святителя Николая торжество, зачатие бо его честно, и рождество его свято, и во младенчестве его дивная всем явишася, темже вопием ему: сосуде святоизбранный, столпе и утвержение Церкви, Царствию наследнице, непремолчи вопити о нас ко Господу.


И ныне, Богородичен: Творец и Избавитель мой…

На стиховне стихиры, глас 5:

Подобен: Радуйся:

Радуйся, явивыйся деннице пресветлая, пребезначалънаго света Владыки. Радуйся, заре тайнаго света, иерархе Христов Николае, предвари и подвигни пречистыя твоя молитвы о нас ко Господу, празднующих верою память рождества твоего, во еже избавити нас от всякия напасти и лютыя наша болезни исцелити. Отче, тебе бо заступника имамы и умильно с верою вопием ти: молися о нас Христу Богу даровати нам велию милость.


Стих: Праведник яко финике процветет.

Радуйся, главо преосвященная и Богу вожделенная, и от праведных родителей якоже вторый Самуил в дар Богу возложенный, и явился ecu честное добродетелей жилище, бодреное правило непорочнаго священства пастырю добрый и пресветлый, превеликий светилъниче, иже победоподобное носяй имя, требующих милостивно прошения исполнявши, приклонялся к молитвам молящихся. Граде спасенный и одушевленный, притичующим к тебе избавителю готовейший, всем верою поющим твое преславное торжество, даруй нам велию милость.


Стих: Насаждени в дому Господни.

Радуйся, честный грозде зрелаго плода, от праведнику ныне явился ecu яко пресветлая заря, и всем нам предивен познаваешися, отче Николае, честный уме, Троицы честный сосуде. Столпе церковный, верным утешение, побеждаемым помощь, и ныне во светлем торжестве рождества твоего богоприятными твоими молитвами разори напастей и скорбей наших тьму, святителю Николае. Ты бо ecu истинный и любезный пастырь и отец наш, и мы овцы пажити твоея и в помощь тебе призываем, даруй нам велию милость.


Слава, глас 2:

Приидите, христоименитых людей собор и всех верных сословие, днесь ныне в лице ставше и светлым гласом возопием: блажен ecu Феофане, яко такову отроку быв родитель, хотящаго родити словом учения многих ко спасению. Блаженна ложесна твоя, Нонно, имаже носила ecu, и красна сосца твоя, имаже воздоила ecu хотящаго напитати душетленным гладом тающия. Блаженно отчество ваше, град Ликия, и вся окрестная его, но помолимся вама блаженная, еже молити его о нас, да испросит у Христа мира мирови и душам нашим велию милость.


И ныне, глас той же: О чудесе новаго.

На утрени

На Бог Господь: тропарь святого. Слава и ныне, Богородичен. Воскресный. По i-м стихословии седален, глаа.


Подобен: Гроб твой.

В Мирех рождъся, святителю, миром разумно духовным явися помазан, отче Николае, темже миры чудес твоих мир облагоухал ecu, миро приснотекущее проливая, иже мирными твоими благоухаемыми чудесы почитающих торжество твое и нас, раб твоих, обогати.

Слава и ныне, Богородичен:

Всем творца Бога же и Содетеля Всенепорочная, Чистая Духом Божественным, в ложеснах заченши и тления кроме родила ecu, Его же славяще, Тя воспеваем Дево, яко Палату Царя всех и миру заступление.


По 2-м стихословии седален, глас 8.

Подобен: Премудрости.

Источник чудес от Бога явился ecu, мудре Николае, темже, отче, в рождестве твоем дивен явлъся, всем бо верным, источаеиш спасеныя воды, от Бога благодать прием, темже дерзновение имея к Нему, моли о чтущих верою и любовию память рождества твоего, всеблаженне Николае.


Слава, и ныне, Богородичен:

В кал греховный впадох и нет мне постояния, люте погрузи мя буря согрешений. Но яко рождьши Слова Единаго, Человеколюбца, на мя, раба твоего, призри и избави всякого греха, и страстей душетленных, и всякаго озлобления лъстиваго врага, Богородице неискусомужная. Моли Христа Бога грехов оставление подати ми, Тя бо имам надежду, раб твой.


По полиелеи седален, глас 5:

Ныне, отче святителю Николае, отечество твое град Ликия светло радуется, и вся Вселенная день рождения твоего честно празднует. Темже и мы днесь во храме твоем, сошедшеся вкупе с ними, похвальная приносим ти, глаголюще: радуйся, отче Николае, всех покрове и заступление.


Слава, и ныне, Богородичен:

Неискусобрачная Невесто, присно Дево, со святители непрестанно восхваляем тя, яко Тобою нам величия сотвори Сын Твой и Бог Превечный от Отца, иже в ложеснах Твоих вместитися изволивый, да от лести свободит род наш.


Степенна, глас 4. Прокимен:

Праведник яко финике процветет и яко кедр иже в Ливане умножится. Стих: Насажден в дому Господни: Евангелие от Матфея. Зачало и: Вы есте свет миру, не может град укрытися, верху горы стоя.


По 50-м псалме: стихира, глас 6. Днесь верных собори сошедшеся. Писана на литии Слава. Канон Пресвятой Богородице со ирмосом на 6. Канон великому святителю и вселенскому чудотворцу Николаю, глас 2.


Песнь 1

Ирмос: Дивно славно творяй чудеса:

Дивен и славен ecu Господи, творяй чудеса, разделивый море, и воду из камене источивый жаждущим людем, напои убо, Глаже, и мене росою Твоея благодати, да возмогу воспети угодника Твоего преславное рождество.

Дивное и славное рождество твое, святе Николае, от любве душевныя хощу похвалити, но недоумением содержим, боюся трепеща, зоне вем, яко не красна похвала во устех грешников. Но обаче дерзая на благоутробие твое, славлю святое твое рождество.

Дивна во истину и славна, святителю, память рождества твоего, яко звезда утренняя посреди облак, и яко солнце сияя на церковь вышняго, и яко дуга на облацех славы, тако сияет хвала твоя на тверди церковней, отче Николае.

Дивнаго и преславнаго святителя на преславное рождество христоименитии стекшеся, усердно соберитеся и славу Господеви воздадите, яко дарова нам такова пастыря и учителя нелестна, и путеводителя, и от бед свободителя, еретиком же посрамителя.

Богородичен:

Дивна и преестественна тайна рождества твоего, Богородице, кий слух слыша не удивится богорождению твоему, яко во утробе своей Создателя всех нетесно вместила ecu, и паки Дева пребыла ecu.


Песнь 3

Ирмос: Неплодная душе:

Неплодну имам душу аз окаянный, како тя могу похвалити, святителю. Воистину ты, отче, плод благохвалъный, душу мою плодоносну покажи, да возмогу воспети святое твое рождество.

Неплодна быста родители твоя по рождестве твоем, святителю Николае. Естеству убо поведающу, яко не могут другаго такова родити, добродетелъми же яко Авраам плодна и верна быста, того ради и мзду о вере своей от Бога тебе прилета.


Слава:

Неплодных чресл честное прозябение, святителю, слыша, кто не удивится, рождшуся бо тебе, святе. Воистину дивная о тебе яви Господь, трем бо часом неуклонно тебе стоящу на земли, идеже хотяше омытися, чудне Николае.


И ныне:

Неплодных ложесн рождение, Пресвятая Владычице, но рождъши нам Христа Плода Бессмертнаго, питающаго всяко создание и смотрящаго всю тварь, Богородителънице.


Седален по 3 песни, глас 5:

О блаженная версто и благословенное супружество прекраснаго душею Феофана и боголюбивыя Нонны, божественным бо желанием совокуплени быста, и израстивша нам прекраснаго плода, чуднаго Николая, нетокмо бо яко цвет шипка или крина при исхождении воды или стебло ливаново во дни жатвы, но истиннаго плода реку, отца сирым и вдовицам заступника, богатство нищим и болящим здравие и утешение, и сущим в богатстве окормление, старости подпор и юности обучителя, благочестия окормителя, еретиком же и бесом губителя. К немуже мы ныне возопием: отче святителю Николае, моли спастися поющим тя.


Слава, и ныне, Богородичен:

Блаженна ложесна твоя, Богородителънице Дево, яко ширши небес явлвшася, словом бо составлъшаго тварь во утробе Своей бессеменно имела ecu, и во объятиих Своих нетрудно носила ecu, тем молим Тя, Всеблаженная, еже молити от Тебе рожденнаго Христа, Бога нашего, во еже спастися поющим Тя.


Песнь 4

Ирмос: Покрыла есть небеса:

Покрыла есть яко облак любы твоя и благодать твоя, юже имаши от Бога, святителю Николае, всех призывающих имя твое святое, всюду бо неоскудно подававши и коегждо прошения исполнявши. Прииди и ныне посреди нас невидимо и посети нас, озлобленных грехми, любовию празднующих пречестное твое рождество.

Празднуется и украшается рождеством твоим, святителю, яко монисты Церковь Христова, и невески светло одевается и красуется, веселяся и вопия радостно, глаголя: приидите и видите желаемаго мною небеснаго гражданина и служителя Христова, днесь рождьшася от благоверну родителю.

Память рождества твоего, отче святителю, всем человеком быстъ веселие. Покрый нас, отче всечестне, призывающих тя с верою и празднующих честно торжество праздника твоего, святителю Николае.

Похваляему бо праведнику возвеселятся людие, якоже рече писание. Днесь ныне мы греихнии, в рождестве твоем, отче Николае, радуемся и веселимся духовне, Христа славяще, иже тебе таковую благодать даровавшаго, яко Того хваления исполнъ земля.

Богородичен:

Пресвятая Богоневесто, рождшая Христа, Правителя и Содетеля всем, немощъствующую душу мою исцели и настави мя на деяния благая, да всегда славлю Тя Преблагословенную.


Песнь 5

Ирмос: Наземли невидимый явился ecu:

На земли, отче святителю, явися верным твое святое рождество, во истину любезное торжество, якоже бо ливан в кадильнице или яко маслина износящи плод, тако нам память рождества твоего, отче милосерде Николае.

На земли днесь ныне, святителю, познан быстъ и, яко от Бога познан был ecu, прослави бо тя Господь в рождестве твоем, ибо стоянием честных ног твоих являя хотящее быти на тебе дарование.

На земли ныне церковь православных веселится, святителю Николае, и ликует с чады своими в памяти рождества своего, милосерде, и вопия глаголет: уяснися ныне доброта прекрасно и никогда же угаснет.


Богородичен:

На землю во чрево Твое, Чистая, яко дождь на руно сниде Господь и Бог наш, и от Твоих пречистых девических кровей плоть прием и чудодействова, и пострада, и взыде на небеса, с Собою возвышая праотца.


Песнь 6

Ирмос: Глубина страстей восста на мя:

Глубина страстей восста на ны и буря противных ветров, но предварив нас, отче святителю, и разори сопротиволежащий на нас совет лукавого, и лукавых человек стремления хвалящихся о злобе своей, спаси ны от ни, милосерде Николае.

Глубине богатства Божия дивитися суть должно, дела же Божий славити зело есть лепо. Памяти же святых чтити велми есть полезно. Почтим убо и мы, братие, и возлюбим возлюбленного Богом святителя Николая, како во святем младенстве его дивная о нем показа Бог. Питаше бо ся, но не тако якоже обычай детем, в среду же и пяток единою касашеся, и то к вечеру, от леваго же сосца отнюд не ссаше, прознаменуя десное жития его.

Глубиною мудрости помышляяй о всех Господь прежде противны ветров тишину уготовляет, на Ариев убо плевел огнь вжигает, сего дивного реку и преславнаго святителя Николая рождество являет, пореченном от апостола Павла, егоже преду веде Бог сего и предизбра и оправда и прослави.

Богородичен:

Глубине таинству богорождения Твоего кто не удивится Пресвятая Дево Владычице, веков бо Творец вселися в Тяи плоть от Тебе приим умну и словесну, вся человеки обожи.

Кондак, глас 2.

Подобен: В Мирех святе.

В Мирех рождъся, святе Николае, от благородна корене, яко благоплодна ветвь прозябл ecu, исполнъ бо бых божественных даров, яко солнце зорями весь мир чудесы просветил ecu, сего ради прославляем тя, яко ученика и таинника Божия благодати.


Ин кондак, глас з:

Яко звезда пресветлая просиял ecu, блаженне Николае. Посреди Ликии града от праведнику родился ecu, отче, и в честнем рождестве твоем чудна и славна тя показа Господь, и во святем младенстве твоем дивная явлена быша о тебе. Троицу бо проповедал ecu трех часов стоянием честных ног твоих на земли в час рождения твоего, и от сосца деснаго питашеся, от леваго же никакоже, в среду же и в пяток единою и то во время вечернее, и оттого, отче, познан был ecu воздержания нелестное правило, и яко имаши быти велий таинник Божия благодати.


Икос:

Приидите ныне с нами, братие, и купно духовне возвеселимся во святем торжестве богоноснаго отца нашего святителя Николая, и прославим преславно рождъилагося, и от утробы освященнаго, и Божественного Духа приимшаго, и святую Троицу в час рождения своего стоянием ног своих проповедавшаго, и всех человек удивлъшаго, и хваляще святое и чудное рождество его. Любовию и правостию сердечною благодарная к нему еще рцем: Радуйся от матерних ложесн Богу возложенная и от Него усвоенная и освященная главо, сокруишвый проклятому сатане главу, Радуйся предизбранный и освященный сосуде и Богу возложенный и возлюбленный. Радуйся, царем правоверным помогце и окормление, и на враги победа и одоление, и православию утверждение. Радуйся, в Духа Святаго облеченный и на благодеяние благочестивым поданный. Радуйся, нечестивых потребителю и на страх их явленный. Радуйся, бесом прогонителю и еретиком обличителю. Радуйся, яко во святем рождестве твоем дивен всем познанный яко имаши быти великий таинник Божия благодати.


Песнь 7

Ирмос: Трие отроцы в пещи:

От Троицы Бога проповедал ecu, чудне Николае, темже и почести от Него венец приял ecu, блаженне, и ныне в торжестве твоем усердно призывающих тя не забуди нас, раб своих, но свыше назирай, тя бо имам крепка молитвенника.

Скрыжалъ в сердцы своем от младенства, отче Николае, стяжав дивных добродетелей, написанну бессмертным пречистым перстом Христа Бога нашего, моли Его о нас, во еже написанным нам быти в книзе животней, святителю отче Николае досточудне.

Во святем Рождестве твоем, святителю отче, Богом познан был ecu и Бога познал ecu, и весь быстъ Божие жилище, весь явися орган духовный, возглашающ всяку добродетель богодохновенных пений спасения сказания и доброту являя Небесного Царствия, святителю Николае.

Богородичен:

С Богом Заступницу Тя стяжахом, Ты бо Божия Мати быстъ Творца и Содетеля. И наше воображение приемша Всенепорочная, и сие спасша от тли и смерти и славою божественною прославлъшаго.


Песнь 8

Ирмос: Ангелъми немолчно:

Ангелы дивятся, видяще преславная в час рождения твоего, отче Николае, человецы же радуются, приемлюще тя яко своего благодетеля и к Богу молитвенника неуклонна, всем бо явился ecu радость спасения, милосерде Николае.

Кто не почудится или кто не прославит имене твоего, отче святителю, слыша на тебе выше закона естественного бывшая знамения в рождестве твоем, и тем яви тя Господь светильника всему миру, во святем же младенстве твоем у матерних сосец показа тя изрядна и искусна, тем воистинну воздержанию нелестный учитель явился ecu, святителю Николае.

Вторый Предтеча на земли явился ecu на обличение беззакония, отче Николае. Ов бо обличи. Ирода беззаконновавшаго, ты же, отче, вся ереси далече от церкве отгнал ecu и вся соблазны и беззакония, яко хврастия, огнем ревности своея попалил ecu, верных же утвердил ecu, милосерде Николае.

Богородичен:

Дивлюся, святая Богоневесто, Владычице, таинству Богорождения Твоего, всех бо Содетелъ в Тя вселися, и все человеческое естество на небеса вознесе, прибегающих под кров Твой приими и спаси ны, Богоблагодатная Владычице.


Песнь 9

Ирмос: Благословен Господь Бог Израилев:

Благословен ecu Боже о всех, яже твориши, идеже бо хощеши, тамо побеждается естества чин, якоже и ныне в рождестве святителя Твоего выше закона естественного верным твоим дивная и пречудная явил ecu, того молитвами, Христе, направи на путь мира.

Благословенна тя Богом, всем, отче Николае, благослови убо и мене поющаго святое рождество твое, и руку ми помощи простри, и приведи к тихому пристанищу покаяния, яко да всегда славлю тя, отче Николае.

Аще и много беззаконновах аз окаянный, не отступаю надежди, покрова твоего, отче Николае, всегда прибегаю и на тя надежду мою полагаю. Тем в нынешнем настоящем торжестве во святем твоем рождестве радостно вопию ти: ты мя, отче, избави от всякия скорби, и бед, и печалей, елика бо хощеши и можеши.

Блаженне и богоносе Николае, виждъ тесноту души моея, како враг мой подвиже на мя бранъ на всяк день и не может истощити тула стрел моих, но присно ураняет мя и почити ми не даст. Аз же изнемогох, но ты, отче, сокруши козни его молитвами своими, яко да прием помощь твою святую, непрестанно славлю тя.


Богородичен:

Никтоже прибегали под кров надежди Твоея, Пресвятая Богоневесто, тощ исходит, но всяк просяй приемлет скорую Твою помощь, юже и мне подаждъ, Отроковице, поющему пресвятое Твое рождество.


Светилен:

Воистину шлем и оружие на диавола непобедимое ты ecu, отче Николае, от Бога явлен ecu. Христианом же поможение и утверждение, иерархом удобрение, в бедах же притекающим к тебе скорая помощь и заступление, святителю Господень, (дважды)


Слава, и ныне:

Облаче превыщий небес, радуйся, искапающий нам каплю душеспасительную. Богородице, Ты Всеблагая, подаждъ от Бога царем нашим победы на враги и междоусобия бурю утиши, елика бо хощеши, вся можеши, яко мати Господня.


На хвалите стихиры на 4, глас 4:

Подобен: Дал ecu знамение:

Дар благоприятен, от родительных рук Богу возложенный, и от Него усвоенный, и на пользу верным поданный, святителю Николае, темже в тебе упокойся, благодать Пресвятаго Духа, славне, беззлобием возрастивши тя и мудростию украсивши.

Днесь память рождества твоего, святителю отче Николае, яко солнце нам Богоносия возсия лучи богатых дарований, просвещавши чтущих тя и верою блажащих мглу же лютых отгоняющи, и прошения верным исполнявши, тем тя, досточудне, почитаем.

Божественную благодать от Бога приял ecu, святителю Николае, юже прием свыше, и нас назирай, празднующих любовию честное твое рождество, и подаждъ от Бога церквам единомыслие, и царем нашим победы на враги, и миру умирение, и земли нашей благоплодие, и душам нашим велию милость.


Слава, глас 2:

От корене благаго благий прозябе плод, иже от младенчества освященный, и якоже Самуил в дар Богу возложенный, отче святителю Николае, Божиею бо благодатию паче, нежели млеком воспитанный, тем и на гору добродетелей взыде, преочищенну душу стяжав, и разум имея присно к Богу, небесное быстъ жилище Духа, Христова обитель явися. Того, блаженне, моли о нас, еже спастися душам нашим.

И ныне, Богородичен: глас той же: Яко плодовита маслина Дева. Таже славословие великое и omnycm.

Страницы книги >> Предыдущая | 1 2 3 4 5 6 7 8 9 10 11 | Следующая

Правообладателям!

Представленный фрагмент произведения размещен по согласованию с распространителем легального контента ООО "ЛитРес" (не более 20% исходного текста). Если вы считаете, что размещение материала нарушает чьи-либо права, то сообщите нам об этом.

Читателям!

Оплатили, но не знаете что делать дальше?


  • 0 Оценок: 0
Популярные книги за неделю

Рекомендации