Текст книги "50 главных молитв на привлечение любимого человека в свою жизнь"

Не имамы иныя помощи, не имамы иныя надежды, разве Тебе, Пречистая Дево. Ты нам помози, на Тебе надеемся, и Тобою хвaлимся, Твои бо есмы рабы, да не постыдимся.

Не ввери мя человеческому предстaтельству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну, окаянный, всегда побеждaемь, и утешения не имам, разве Тебе, Владычице мира, уповaние и предстaтельство верных, не презри моление мое, полезно сотвори.

От Иудеи дошедше отроцы, в Вавилоне иногдa, верою Троическою плaмень пещный попрaша, поюще: отцев Боже, благословен еси.

Наше спасение якоже восхотел еси, Спaсе, устроити, во утробу Девыя вселился еси, Юже миру предстaтельницу показал еси: отец наших Боже, благословен еси.

Волителя милости, Егоже родилa еси, Мaти чистая, умоли избaвитися от прегрешений и душевных скверн верою зовущим: отец наших Боже, благословен еси.

Слава: Сокровище спасения и Источник нетления, Тя рождшую, и столп утверждения, и дверь покаяния, зовущим показал еси: отец наших Боже, благословен еси.

И ныне: Телесныя слабости и душевныя недуги, Богородительнице, любовию приступaющих к крову Твоему, Дево, исцелити сподоби, Спaса Христа нам рождшая.

Царя Небеснаго, Егоже поют вои aнгельстии, хвалите и превозносите во вся веки.

Помощи яже от Тебе требующия не презри, Дево, поющия и превозносящия Тя во веки.

Неможение души моея исцеляеши и телесныя болезни, Дево, да Тя прослaвлю, Чистая, во веки.

Слава: Исцелений богатство изливaеши верно поющим Тя, Дево, и превозносящим неизреченное Твое рождество.

И ныне: Напaстей Ты прилоги отгоняеши и страстей находы, Дево: темже Тя поем во вся веки.

Воистину Богородицу Тя исповедуем, спасеннии Тобою, Дево чистая, с безплотными лики Тя величaюще.

Тока слез моих не отвратися, Яже от всякаго лица всяку слезу отъемшаго, Дево, Христа рождшая.

Радости мое сердце исполни, Дево, Яже радости приемшая исполнение, греховную печаль потребляющи.

Пристaнище и предстaтельство к Тебе прибегaющих буди, Дево, и стена нерушимая, прибежище же и покров и веселие.

Слава: Света Твоего зарями просвети, Дево, мрак неведения отгоняющи, благоверно Богородицу Тя исповедающих.

И ныне: На месте озлобления немощи смирившагося, Дево, исцели, из нездрaвия во здрaвие претворяющи.

Высшую небес и чистшую светлостей солнечных, избaвльшую нас от клятвы, Владычицу мира песньми почтим.

От многих моих грехов немощствует тело, немощствует и душа моя; к Тебе прибегaю, Благодaтней, надеждо ненадежных, Ты ми помози.

Владычице и Мaти Избaвителя, приими моление недостойных раб Твоих, да ходaтайствуеши к Рождшемуся от Тебе; о Владычице мира, буди Ходaтаица!

Поем прилежно Тебе песнь ныне, всепетой Богородице, рaдостно: со Предтечею и всеми святыми моли, Богородице, еже ущедрити ны.

Вся aнгелов воинства, Предтече Господень, апостолов двоенадесятице, святии вси с Богородицею, сотворите молитву, во еже спастися нам.

Царице моя преблагaя, надеждо моя Богородице, приятелище сирых и странных предстaтельнице, скорбящих рaдосте, обидимых покровительнице! Зриши мою беду, зриши мою скорбь, помози ми яко немощну, окорми мя яко стрaнна. Обиду мою веси, разреши ту, яко волиши: яко не имам иныя помощи разве Тебе, ни иныя предстaтельницы, ни благия утешительницы, токмо Тебе, о Богомaти, яко да сохраниши мя и покрыеши во веки веков. Аминь.

К кому возопию, Владычице? К кому прибегну в горести моей, aще не к Тебе, Царице Небесная? Кто плач мой и воздыхaние мое приимет, aще не Ты, Пренепорочная, надеждо христиан и прибежище нам, грешным? Кто пaче Тебе в напaстех защитит? Услыши убо стенaние мое, и приклони ухо Твое ко мне, Владычице Мaти Бога моего, и не презри мене, требующаго Твоея помощи, и не отрини мене, грешнаго. Вразуми и научи мя, Царице Небесная; не отступи от мене, раба Твоего, Владычице, за роптaние мое, но буди мне Мaти и заступница. Вручaю себе милостивому покрову Твоему: приведи мя, грешнаго, к тихой и безмятежной жизни, да плaчуся о гресех моих. К кому бо прибегну повинный аз, aще не к Тебе, уповaнию и прибежищу грешных, надеждою на неизреченную милость Твою и щедроты Твоя окриляемь?

О Владычице Царице Небесная! Ты мне уповaние и прибежище, покров и заступление и помощь. Царице моя преблагaя и скорая заступнице! Покрый Твоим ходaтайством моя прегрешения, защити мене от враг видимых и невидимых; умягчи сердца злых человек, возстающих на мя.

О Мaти Господа моего Творцa! Ты еси корень девства и неувядaемый цвет чистоты. О Богородительнице! Ты подaждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избaвлюся от всякия беды и напaсти, о пренепорочная и преслaвная Божия Мaти Марие. Темже со уповaнием глаголю и вопию: радуйся, благодaтная, радуйся, обрaдованная; радуйся, преблагословенная, Господь с Тобою.

Часто можно прочитать письма людей – «я молился и через три дня/неделю/месяц/ получил то, о чем просил!» А я вот молилась три года, каждый день канон монаха Феостирикта читала, и просила Богородицу о помощи и покровительстве. Долго, да, но я верила, что все по Ее и Божьей воле будет – если суждено мне женой и матерью стать, все случится в свое время, а нет – значит, такова моя судьба, буду как-то людям служить.

И раз приснился мне сон – Богородица мне указывала на человека в военной форме, мол, вот суженый твой. Так и вышло – оказалось, все три года пока я молилась о своей судьбе, будущий муж мой в «горячей точке» служил, рассказывал мне потом, что несколько раз каким-то чудом выживал просто, как будто невидимая рука то пулю, то нож от него отводила. А потом мы с ним и встретились. Выходит, я не только о себе, но и о нем три года Матушку-Заступницу молила… Вот такие чудеса по молитве случаются.

Вероника М.,

Архангельск

Молитвы к Пресвятой Богородице о благодатной помощи в обретении любви и счастья в браке

Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков.

Аминь.

О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя.

О Пресвятая Богородице! Ты, «Всех скорбящих Радосте», услыши и мя, скорбнаго; Ты, именуемая «Утоление печали», утоли и мою печаль; Ты, «Купино Неопалимая», сохрани мир и всех нас от вредоносных огненных стрел врага; Ты, «Взыскание погибших», не попусти и мне погибнути в бездне грехов моих.

На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих.

Аминь.

Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую вовеки.

Аминь.

О Пресвятая Госпоже Владычице Богородице! Воздвигни нас, раб Божиих (имена) из глубины греховныя и избави нас от смерти внезапныя и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.

Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света – Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков.

Аминь.

Пресвятая Дево, Мати Господа, покажи на мне, убозем, и рабах Божиих (имена) древния милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшнем Суде. Ты бо еси, Госпоже, слава небесных и упование земных.

Аминь.

Царице моя преблагая, надеждо моя Богородице, приятелище сирым и странным заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо Сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся. Под Твою милость прибегаем, Богородице Дево, молении наших не презри в скорбех, но от бед избави нас, Едина чистая и благословенная.

Аминь.

Пресвятая Владычице моя Богородице, святыми Твоими и всесильными мольбами отжени от мене смиреннаго и окаяннаго раба Твоего уныние, забвение, неразумение, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен, и избави мя от многих лютых воспоминаний и предприятий, и от всех действ злых свободи мя: яко благословенна еси от всех родов, и славится пречестное имя Твое во веки веков.

Аминь.

О Пресвятая Богородице! Призри с благосердием на моления нас, грешных и смиренных рабов Твоих, и умоли Бога Сына Твоего, да ниспослет нам и всем, притекающим к Тебе, здравие душевное и телесное и вся, яже к вечной и временной жизни потребная, да простит нам всякое согрешение вольное и невольное: да избавит нас от всяких скорбей и болезней, и напастей и всякаго злаго состояния. Ей, Царице наша преблагая, надежде наша несокрушимая и Заступнице необоримая! Не отврати лица Твоего от нас, за множество прегрешений наших: но простри нам руце матерняго милосердия Твоего, и сотвори с нами знамение во благо. Яви нам богатую помощь Твою и благопоспеши во всяком деле благом: от всякаго же начинания греховнаго и помышления лукаваго отврати нас, да выну славим Пречестное имя Твое и поклоняемся честному образу Твоему, и величаем Бога Отца, и Единароднаго Сына Его, Господа нашего Иисуса Христа, и Святаго Духа, со всеми святыми, во веки веков.

Аминь.

Это особая молитва – прошение к Пресвятой Богородице о счастливом браке и покровительстве семейному очагу. Ее возносят в память о присутствии Матери Божьей вместе с Сыном на свадьбе в Кане Галилейской, во время которой Иисус, благословляя свершающийся брак, сотворил свое первое чудо – обратил воду в вино.

О Владычице моя Преблагословенная, Защитнице рода человеческаго, прибежище и спасение притекающих к Тебе, вем, воистину вем, яко зело согреших и прогневах Тя, Премилостивая Госпоже, Рожденнаго плотию от Тебе Бога Преблагаго. Но имам многия образы тех, иже прежде мене прогневаша Его благоутробие: мытари, блудницы и прочия грешники, имже дадеся прощение грехов их покаяния ради и исповедания.

Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием к Твоему благоутробию, о Всемилостивая Владычице, да подаси ми руку помощи и испросиши у Сына Твоего и Бога тяжким моим грехом прощения. Верую и исповедую, яко Той, Егоже родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делом его.

Верую же паки и исповедую Тебе быти Истинную Богородицу, милосердия Источник, Утешение плачущих, Взыскание погибших, сильну и непристающую к Нему Ходатаицу, зело любящую род христианский и Споручницу моего покаяния: воистину бо несть человеком иныя помощи и покрова, разве Тебе, о Госпоже Премилостивая, и никтоже, уповая на Тя, постыдется, и Тобою, умоляя Бога, никтоже оставлен есть.

Того ради молю Твою неисчетную благость: отверзи двери милосердия Твоего мне заблудшему и падшему в тимении глубины, не возгнушайся мене, сквернаго, не призри грешнаго моления моего, не остави мене, окаяннаго, егоже в гибель злобный враг похитил есть, но умоли о мне Рожденнаго от Тебе Милосерднаго Бога, да простит великия моя грехи и избавит мя от пагубы моея, яко да и из со всеми, получившими прощение, воспою и прославлю безмерное милосердие Рожденнаго от Тебе Бога и Твое непостыдное на мне заступление в жизни сей и в нескончаемом веце.

Аминь.

Молитва на Рождество Пресвятой Владычицы нашей Богородицы и Приснодевы Марии 8/21 сентября

День, в который в Галилее в небольшом городе Назарете родилась Пречистая Дева Мария, празднуется христианской церковью как день всеобщей радости и возрождения, ведь через нее было явлено миру величайшее чудо – рождение на земле Сына Божьего.

Этот день стал началом времени исполнения древнейших предсказаний об избавлении рода человеческого от грехов и спасении его от нечистого.

Каждый год, празднуя этот день и вознося молитвы к Пресвятой Богородицы, мы прославляем ее и просим о неустанной помощи и заступничестве.

Рождество Твое, Богородице Дево, радость возвести всей вселенней: из Тебе бо возсия Солнце правды Христос Бог наш, и разрушив клятву, даде благословение, и упразднив смерть, дарова нам живот вечный.

Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.

Величай, душе моя, преславное рождество Божия Матере.

Чужде матерем девство, и странно девам деторождение: на Тебе, Богородице, обоя устроишася. Тем Тя вся племена земная непрестанно величаем.

Величаем Тя, Пресвятая Дево, и чтим святых Твоих родителей, и всеславное славим рождество Твое.

Как-то считается, что Богородицу о помощи чаще всего женщины просят. А я вот мужчина – ну и что? Я вот считаю, что о семье и браке Матерь Божью и мужчина и женщина может просить. Вот и я просил – просто и незамысловато, молился от всего сердца, все молитвы Богородице читал, которые знал. Каждый день к ней с надеждой обращался – и во время службы в храме, и дома, и верил, что она мне верный путь укажет. Так и вышло – как-то отправляли меня в командировку в другой город, я ехать не хотел, да и была возможность отказаться. Но что-то внутри меня подсказывало – надо ехать, надо. Долго молился перед сном, просил помочь мне определиться с решением, и утром встал с твердым убеждением – еду. И правильно сделал – в дороге мы с чудесной женщиной познакомились, всю ночь проговорили и поняли, что и дальше разговаривать хотим.

Сейчас вот к свадьбе готовимся.

Спасибо Матери Божьей за помощь и покровительство!

Иван Д.,

Москва

Молитвы перед святыми образами Матери Божьей

Для обретения семейного счастья, согласия между супругами и защиты от всякого зла. Молитва перед иконой «Казанская»

Празднование 8/21 июля и 22 октября/4 ноября Казанский образ Пресвятой Богородицы – один из самых почитаемых в Русской Православной Церкви. Эту икону по традиции помещают над кроватками детей, ей чаще всего благословляют молодых перед венчанием. Это икона – одно из свидетельств о том покровительстве, которое оказывает Богородица Русской земле и русскому народу.

Свое название икона получила по месту ее чудесного обретения – городу Казани. Жившая там в XVI веке девочка Матреша увидела чудесный сон, в котором Богородица велела ей искать святой образ на пепелище. Икону – светлую, как будто только что вышедшую из-под кисти иконописца, действительно нашли на указанном месте, и торжественно отнесли в храм. Чудеса и исцеления происходили по молитвам у чудотворного образа (и у его списков в Москве и Петербурге) на протяжении нескольких веков, но самое главное, что за все время пребывание святого образа в Казани Российскому государству ни разу не угрожала серьезная опасность с Востока.

В начале XX века икона из храма пропала, но ее многочисленные списки и по сей день являют чудеса.

Почти в каждом городе есть храм, посвященный этому чудотворному образу, крупнейшие из них – Казанский собор в Москве на Красной площади и Казанский собор в Санкт-Петербурге на Невском проспекте.

Перед Казанской иконой Матери Божьей молятся об исцелении, защите от враждебных сил, и особенно – об обретении счастья в браке.

Я, раба Божия Татьяна, со чадами Ольгой и Ириной в июле 2005 г. просили Богородицу о том, чтобы моя дочь Ирина вышла замуж. Сейчас я приехала отблагодарить ее. В ноябре 2005 г. мои дети Сергей и Ирина венчались в храме Казанской Божией Матери в Серафимовиче.

Бе….. Татьяна,

г. Фролово

с сайта Помощь Божья от чудотворных икон

и молитв ИСТОРИИ ПРАВОСЛАВНЫХ

http://chudopomolitve.ortox.ru/ikona_bogorodicy_kazanskaja/view/id/3032

Икона Божьей Матери
«Казанская»

Заступнице усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже, Царице и Владычице, иже в напастех и в скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред Пречистым Твоим образом со слезами, и невозвратно надежду имущих на Тя избавления всех зол. Всем полезная даруй и вся спаси, Богородице Дево: Ты бо еси Божественный покров рабом Твоим.

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы; ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

О Пречистая Владычице Богородице, Царице небеси и земли, вышшая ангел и архангел и всея твари честнейшая, чистая Дево Марие, миру благая помощнице и всем людем утверждение и во всяких нуждах избавление! Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия пречистому и цельбоносному образу Твоему, и помощи и заступления Твоего просящия. О Всемилостивая и Премилосердая Дево Богородице чтимая! Воззри, Госпоже, на люди Твоя: мы бо, грешнии, не имамы иныя помощи, разве Тебе и от Тебя рождшагося Христа Бога нашего. Ты еси заступница и предстательница наша, Ты еси обидимым защищение. Скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение. Сего ради, о Богомати, к Тебе прибегаем и на Твой пречистый образ с превечным на руку Твоею держимым младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.