Текст книги "От бед и болезней. Избранные акафисты чудотворным иконам Божией Матери"

От бед и болезней
Избранные акафисты чудотворным иконам Божией Матери

© Издательство «Сатисъ», 2007

Архимандрит Кирилл (Павлов)
Не имамы иныя помощи…

Во имя Отца и Сына и Святаго Духа!

«Не имамы иныя помощи, не имамы иныя надежды, разве Тебе, Владычице. Ты нам помози, на Тебе надеемся и Тобою хвалимся, Твои бо есмы раби, да не постыдимся».

С такими молитвенными чувствами Церковь всегда обращается к Той, Которая по благодати Божией соделалась покровительницей всего мира и каждой в отдельности души христианской. И какую радость в нашей душе производят эти благодатные слова, в особенности когда душа наша бывает обременена тяжестью грехов или скорбей или расслаблена унынием или отчаянием! Тогда христианское сердце невидимо черпает для себя из этих слов ободрение, утешение и спокойствие. Сколько радости доставляют они тогда нашей душе!

В тяжелые, скорбные минуты, когда душа подвергается какому-либо греховному искушению, мы особенно нуждаемся в милости и в светлой надежде на помощь.

Согрешаем и мы, христиане, – и на нас Господь гневается и наказывает нас, как Он в древности наказывал. Болезни, преждевременные смерти, голод, войны – все это бичи Божии, которыми Господь наказывает нас с внешней стороны, видимые наказания. Постигают нас и внутренние наказания, которые касаются души нашей, когда Господь удаляется и отнимает Свою Божественную благодать, отчего происходит потемнение разума, бессилие воли в отношении к добру, невежество и неблагоговение по отношению к истинам веры и вообще ко всему священному, упорство во зле и, наконец, нераскаянность.

Когда Бог сильно прогневан на грешника, может ли кто-нибудь ходатайствовать пред Ним, утолить Его гнев и обратить на благоутробие и милость?

Но, умоляемый Пресвятой Девой, Бог внимает Ей всегда, Он – Ее Сын, Она – Его Матерь; ведь чтобы Сын исполнил прошения Матери – это не есть милость, а естественный долг.

И Господь исполняет Ее прошения: «Проси, Мати Моя, проси, чего хочешь, и Я исполню Твое желание, и пусть знает мир, Кого Ты имеешь Сыном и Кого Я имею Матерью, и таким образом прославят Тебя все роды. Проси исцеление больному, проси о помощи несчастному и бедному, проси, чтобы какой-либо город или весь, в которых благоговейно чтится имя Твое, были сохранены от голода, мора, войны, проси – и Я исполню просьбу Твою. Пусть Твоя слава прославится Моею славою. Пусть Моя слава состоит в прославлении Моей Матери».

Так вот, наши предки питали твердую и глубокую веру в небесное предстательство Богоматери и часто обращались к Ней в своих нуждах, скорбях и печалях с теплой и усердной молитвой. И Матерь Божия не оставляла тщетной их веру, но подавала скорую помощь как всему русскому православному народу, так и каждому просящему по его вере. Рассказывается, что одна благочестивая богобоязненная женщина провожала на службу своего сына, который служил моряком на Черном море и которому предстоял дальний и опасный рейс. Перед отправлением сына в дальний путь она нарочито приехала в храм, чтобы отслужить пред иконою «Знамение» молебен о здравии его и благополучии. По окончании молебна мать встала на колени пред образом и воскликнула в слезах: «Царица Небесная, Тебе поручаю сына моего, и на Тебя вся моя надежда, Ты мне его возвратишь и со дна моря». Действительно, во время плавания корабль этот был застигнут страшной бурей и подвергся совершенному крушению, так что вся команда его была поглощена волнами. В числе всех прочих был выброшен волнами за борт и сын этой богобоязненной матери. Предчувствуя смерть, он вдруг вспомнил об иконе «Знамение» и с верою призвал на помощь Матерь Божию, с верою взывая к Ней: «Царица Небесная, мать моя просила Тебя обо мне: спаси меня для нее». Вслед за тем волна так сильно ударила его, что он лишился чувств и памяти. Когда же он пришел в сознание, то увидел себя на морском берегу и возблагодарил Молитвенницу за свое спасение. Дивное чудо Божией Матери, Которая по вере и молитве матери в час безысходной гибели спасла ее сына! Это повествование также служит лишним подтверждением силы материнской молитвы, того, что действительно материнская молитва со дна моря спасает.

Поэтому, дорогие братия и сестры, от мала до велика чтите и благоговейте пред именем Пречистой Девы Марии и во всех своих нуждах телесных и душевных призывайте Ее, покровительницу жизни нашей. Ни одно из спасаемых животных не погибло в ковчеге; так не погибает никто из христиан, прибегающих под защиту Святой Девы, Которая есть Кивот освящения. Пусть будет обращен на тебя весь гнев Божий, но если Она будет ходатайствовать, то Она преложит на милость и благоутробие весь гнев Божий и негодование, ибо «много может моление Матернее ко благосердию Владыки». Поэтому Святая Церковь наша воспевает: «Никтоже притекали к Тебе посрамлен исходит, Чистая, Пресвятая Богородице, но просит милости и приемлет дар к полезному прошению».

ИКОНА БОЖИЕЙ МАТЕРИ «ИЗБАВИТЕЛЬНИЦА»

День празднования – 4/17 октября

Икона происходит из Греции, образ был написан в XVII в. Известно, что в середине XIX столетия он находился на Афоне. Чудесным заступлением Божией Матери, после крестного хода с иконой в епископстве Спарты, совершилось избавление посевов от нашествия саранчи. Отсюда и происходит название иконы. На Афоне икона находилась в монастыре вмч. Пантелеймона. В 1889 г. настоятель монастыря, архимандрит Макарий, завещал икону в благословение только что устроенной Новоафонской обители Симона Кананитского на Кавказе. Поэтому существует иконографический тип образа «Избавительница», где икону держат св. вмч. Пантелеймон и св. ап. Симон Кананит, на заднем плане – новоустроенная обитель на Кавказе. Не раз по молитве пред этой иконой Божия Матерь помогала в смертельной опасности. Празднование в честь иконы Божией Матери «Избавительница» установлено на Руси с 1888 г., в память чудесного спасения от смерти Государя Императора Александра III с Августейшим семейством.

АКАФИСТ ПРЕСВЯТОЙ БОГОРОДИЦЕ В ЧЕСТЬ ЧУДОТВОРНЫЯ ИКОНЫ ЕЯ, ИМЕНУЕМЫЯ «ИЗБАВИТЕЛЬНИЦА»

В скорбях от бед и болезней

Кондак 1

Возбрани врагом нашим озлобляти нас и от Господа нашего отлучити конечне, а нас научи пети Тебе весело: Радуйся, Избавительнице, от горя, бед и гибели спасающая нас бедствующих.

Икос 1

Ангелов множество по Твоему, Мати наша, повелению ополчаются на избавление наше грозно. Ты же приими молитву сию: Радуйся, Ангелов на спасение наше посылающая; радуйся, Царице горних чинов, небесную их помощь нам дарующая. Радуйся, Ангелом хранити нас повелевающая; радуйся, воинством Ангельским врагов наших поражающая. Радуйся, Избавительнице, от горя, бед и гибели спасающая нас бедствующих.

Кондак 2

Видят бедствующие толику и многую помощь Твою сердечно Тя призывающим, наставляются тем пети Сыну Твоему непрестанно: Аллилуиа.

Икос 2

Разумеют мнози, яко мирови дарова Тя Сын Твой Избавительницей бедствующих, темже поем Ти сице: Радуйся, бедствующих Мати; радуйся, страждущих Утешение. Радуйся, болящих Исцеление; радуйся, ненадежных Надеждо. Радуйся, Избавительнице, от горя, бед и гибели спасающая нас бедствующих.

Кондак 3

Сила Вышняго даровася Ти на помощь и спасение миру и нас, в бедах погибающих. И кто же Тобою не избавлен бысть, и кто же не поет Сыну Твоему: Аллилуиа.

Икос 3

Имуще непостижимую любовь к роду человечу, кии вздохи не прияла еси, кии слезы не отерла еси, и кого не принудила еси призывати Тя, вопиюще: Радуйся, бедствующих скорое ус – лышание; радуйся, печальных и скорбных Утешение. Радуйся, погибающих быстрое Спасение; радуйся, плененных Освобождение. Радуйся, Избавительнице, от горя, бед и гибели спасающая нас бедствующих.

Кондак 4

Буря несчастий налете на ны, спаси нас погибающих, Избавительнице наша, бурю погибельную на земли укротившая и приемлющая нашу песнь: Аллилуиа.

Икос 4

Слышаша человечестии роди всю Твою к христианам дивную любовь и Твое мощное избавление от всяких наводящих на них лютых, научишася пети Тебе: Радуйся, человеческаго рода от бед Избавление; радуйся, бурь житейских Прекращение. Радуйся, уныния Прогонительнице; радуйся, радости по скорби нам Подательнице. Радуйся, Избавительнице, от горя, бед и гибели спасающая нас бедствующих.

Кондак 5

Боготечней звезде подобящаяся, мрак и темноту в греховных сердцах разгоняющей, да во свете Твоея любве узрят Господа и воспоют Ему: Аллилуиа.

Икос 5

Видеша людие российстии Твое нечаянное от многоразличных бед избавление, радостно поют Тебе сице: Радуйся, в бедах наша Помощнице; радуйся, скорбей наших отъятие. Радуйся, печалей наших отгнание; радуйся, в скорбех наших Утешение. Радуйся, Избавительнице, от горя, бед и гибели спасающая нас бедствующих.

Кондак 6

Проповедуют помощь Твою и любовь, Мати, исцеленнии, утешеннии, обрадованнии и спасеннии Тобою от бед, и поют Твоему Высокодержавному Сыну: Аллилуиа.

Икос 6

Возсиял есть нам свет спасения во мгле погибели, окружающей нас, и наставил есть пети Тебе: Радуйся, мглу грехов разгоняющая; радуйся, тьму греховную потребляющая. Радуйся, мрак души моея просвещающая; радуйся, светом радости души ободряющая. Радуйся, Избавительнице, от горя, бед и гибели спасающая нас бедствующих.

Кондак 7

Хотящим нам конечному отчаянию предатися, отовсюду бедам належащим, помыслихом же о Тебе, Избавительнице, и ободрихомся и утешихомся, поюще Сыну Твоему: Аллилуиа.

Икос 7

Новую и нежданную показа нам милость Свою, под державную руку Твою нас восприявши, и отсюда вопием Ти: Радуйся, Царице державная; радуйся, и нас под Твою державу восприявшая. Радуйся, защиту Твою нам даровавшая; радуйся, врагов наших поразившая. Радуйся, Избавительнице, от горя, бед и гибели спасающая нас бедствующих.

Кондак 8

Странное чудо на погибель обреченных и в нуждах томящихся безчисленных, внезапу спасение и избавление получают от Тебе, Вселюбящей, поюще Богу: Аллилуиа.

Икос 8

Вси сущий во мраце скорбей, вси обуреваемии несчастий бурею, приидите к доброму пристанищу и нашему поможению, покрову Девы Избавительницы, вопиюще Ей: Радуйся, радостей Источниче; радуйся, печалей прогнание. Радуйся, бед уменьшение; радуйся, всяческаго покоя Подательнице. Радуйся, Избавительнице, от горя, бед и гибели спасающая нас бедствующих.

Кондак 9

Все существо человеческое хвалит Тя, вси воспевают Тя, многоразличное избавление несущую, вместо печалей радость подающую поющим: Аллилуиа.

Икос 9

Ветия многоумнии обезумеша, видяще Твое быстрое и чудесное от бед страждущих избавление, и умолкоша нам, поющим Ти: Радуйся, чудесами мир удивившая; радуйся, чудесами нас укрепившая. Радуйся, безбожие чудесами истребившая; радуйся, врагов силою Божиею посрамившая. Радуйся, Избавительнице, от горя, бед и гибели спасающая нас бедствующих.

Кондак 10

Спасти хотя всяку душу человечу, всею любовию печешися о ней, дондеже не научиши ю пети Сыну Твоему: Аллилуиа.

Икос 10

Стеною, мир христианский хранящей и всяку душу от врагов ограждающей, явися икона Твоя, Избавительнице, в мире православием и чудесами прославися, Тебе людем Божиим воспевающим: Радуйся, Наставнице наша, святую гору Афонскую в жребий Себе избравшая; радуйся, Избавительнице наша, Твоим благословением Новый Афон благословившая. Радуйся, Веселие наше, знамение союза неразрывнаго уделов Своих земных иконою Твоею явившая; радуйся, вечная Радосте наша, чудесным попечением к юной Ново-Афонской обители благоволившая. Радуйся, Избавительнице, от горя, бед и гибели спасающая нас бедствующих.

Кондак 11

Пение непрестанное приносят Ти Тобою избавленнии и Тобою паки радость обретшие, и Божественному Сыну Твоему поют радостно: Аллилуиа.

Икос 11

Светосияющим светом лучезарным во мраце греха явися нам Твоя икона, Избавительнице, наставляющая нас пети Тебе: Радуйся, от глада нас избавляющая; радуйся, вредоносящее естество от растительного мира отгоняющая. Радуйся, посевы и леса, и вся растущая от погибели спасающая; радуйся, земледельцев скорбящих утешение и труда их благословение. Радуйся, Избавительнице, от горя, бед и гибели спасающая нас бедствующих.

Кондак 12

Благодать, от иконы Твоея, Избавительнице, текущая, исцелений струи обильно подающая и сердца веселием оживляющая, побуждает всех волею пети Тебе, Мати, и Сыну Твоему и Богу: Аллилуиа.

Икос 12

Воспеваем исцеления, воспеваем наипаче воскрешение Анастасия отрока и воспевающе поем: Радуйся, мертвых воскрешающая; радуйся, умершая сердца оживляющая; радуйся, от смерти и вечнаго огня изымающая. Радуйся, посмертное наше Упование и Защито. Радуйся, Избавительнице, от горя, бед и гибели спасающая нас бедствующих.

Кондак 13

О Всепетая и Вселюбимая наша Мати, умилосердися и ныне и помилуй, в лютых и безысходных сущих нас скорбех избавляющи, научи нас сердечно воспевати Богу, прощающему нас: Аллилуиа.

(Этот кондак читается трижды, затем икос 1 и кондак 1.)

МОЛИТВА ПРЕСВЯТОЙ богородице

О Мати Божия, Помощь и Защито наша, егда попросим, буди Избавительнице наша, на Тя бо уповая всегда вседушно Тя призываем: умилосердися и помози, пожалей и избави, приклони ухо Твое и наша скорбныя и слезныя молитвы приими, и, якоже хощеши, успокой и обрадуй нас, любящих Твоего Безначальнаго Сына и Бога нашего. Аминь.

ИКОНА БОЖИЕЙ МАТЕРИ «ЦЕЛИТЕЛЬНИЦА»

День празднования – 18 сентября / 1 октября

Образ происходит из Грузии, из Цилканского монастыря, был написан в IV в. в эпоху равноапостольной Нины, просветительницы Грузии. Находился в Алексееве ком женском монастыре. Получил свое название от чудесного исцеления, поданного тяжело больному благочестивому клирику при явлении ему Пресвятой Богородицы. Пред иконой «Целительница» молятся об исцелении от различных недугов.

АКАФИСТ ПРЕСВЯТОЙ БОГОРОДИЦЕ В ЧЕСТЬ ИКОНЫ ЕЯ «ЦЕЛИТЕЛЬНИЦА»

Кондак 1

Избранной от всех родов Пресвятей Деве Богородице, явившейся иногда клирику болящу во еже исцелити его от болезни лютыя, похвальныя приносим пения; Ты же, Всемилостивая Владычице, яко имущая держву непобедимую, от всяких бед и скорбей и болезней свободи ны зовущия Ти: Радуйся, Благодатная, Целительнице душ и телес наших.

Икос 1

Архангел Гавриил, возвещая Пресвятей Деве Марии безсеменное зачатие от Нея Сына Божия, рече: Радуйся, Благодатная, Господь с Тобою, благословенна Ты в женах, мы же грешнии гласу Архангелову подражати дерзающе с верою, любовию и благоговением вопием пения сицевая: Радуйся, от начала веков во главу нашего спасения предызбранная; радуйся, многообразие от пророков предвозвещенная. Радуйся, Невесто Неневестная, заченшая Сына от Духа Святаго; радуйся, Мати в рождестве и по рождестве пребывшая Дево. Радуйся, одеющего светом яко ризою пеленами повившая; радуйся, млеком питавшая горняя и дольняя благодатию

Своею питающаго. Радуйся, на руку Твоею носившая Вседержителя; радуйся, о Промыслителе всея твари попечение имевшая. Радуйся, паче всех от Него превознесенная; радуйся, Честнейшая и Славнейшая без сравнения всех Небесных сил. Радуйся, Благодатная, Целительнице душ и телес наших.

Кондак 2

Видяще Пресвятая Владычица усердие и благоговение клирика Викентия, на всяк день преклоняющаго колена пред честным Твоим образом и Архангельское приветствие Тебе приносящего, приняла еси таковое его благоугождение и даровала еси ему во дни болезни внезапное и дивное со одра восстание. Темже и мы преклоняем колена душ и телес наших пред цельбоносным Твоим образом, Госпоже наша Богородице, и поминающе чудное явление болящему клирику, вопием Сыну Твоему и Богу нашему: Аллилуиа.

Икос 2

Разумев чудесное исцеление от тяжкого недуга, клирик Викентий, восста с убогого ложа своего, иде в церковь и тамо песньми хвалебными прославил Тя, Целительницу всех болящих, приими убо и от нас, Мати Божия, сии благохваления: Радуйся, от врат смертных неисцельно болящих к жизни возвращающая; радуйся, сострадания к страждущим преисполненная. Радуйся, пораженных различными недуги чудесно исцеляющая; радуйся, во всяких скорбех и печалех небесную отраду в сердца наша изливающая. Радуйся, любовию к Богу и ближним нас воодушевляющая; радуйся, от растлевающих душу и тело соблазнов мира сего сохраняющая. Радуйся, скорая Услышательница усердно Тебе молящихся; радуйся, источающая великия милости и щедроты любящим Тя. Радуйся, уповающим на Тя вся потребная в животе сем дарующая; радуйся, ублажающих Тя в грозный час смерти не оставляющая. Радуйся, Благодатная, Целительнице душ и телес наших.

Кондак 3

Силою данною от Тебе, Госпоже Царице и Владычице, святая икона Твоя источает неоскудно исцеления страждущим от недуг многоразличных и несумненною верою к Ней притекающих, Богу же вопиющих: Аллилуиа.

ИкосЗ

Имущи премногую любовь к роду христианскому и Матернее о нем попечение всем просящим у Тебе помощи и заступления, всякое благое прошение скоро исполняеши; сего ради Тебе, Всемощней Заступнице и скорой Помощнице нашей, приносим похвалы сия: Радуйся, скорбящих Утешение; радуйся, безнадежных Надеждо.

Радуйся, труждающих Помощь и Укрепление; радуйся, нищих Одеяние. Радуйся, алчущих Питательнице; радуйся, обидимых и гонимых Заступление. Радуйся, обидящих Устрашительнице; радуйся, в христианской вере Наставнице. Радуйся, Взыскание погибших; радуйся, Споручнице спасения грешных. Радуйся, от лукавых бесов мощное Защищение. Радуйся, Благодатная, Целительнице душ и телес наших.

Кондак 4

Бури страстей и похотей искушений бесовских избави нас, Премилосердная Богородице, укрепи и сохрани в нас до конца жизни нашея веру православную и преданность святей Церкви, да возможем невозбранно пети Господу Богу: Аллилуиа.

Икос 4

Слыша Господь на Небеси Твоя о нас моления, Преблагая Владычице, исполняет скоро всякое прошение Твое, ведуще таковое Матернее дерзновение к Сыну Твоему Иисусу Христу, вси к Тебе прибегаем и усердно молим Тя, предстательствуй за нас, многогрешных рабов Твоих, пред Всемогущим Создателем нашим, да не погубит нас со беззаконьми нашими, но да подаст нам оставление прегрешений, вопиющих Тебе из глубины души: Радуйся, Предстательнице пред Богом мир от бед спасающая; радуйся, Сына Твоего на милость к нам недостойным преклоняющая. Радуйся, от запал ения огненнаго росою молитв Твоих избавляющая; радуйся, удары молнии и грома от главы нашея отводящая. Радуйся, юродивую мудрость века сего посрамляющая; радуйся, пути спасения заблудшим показующая. Радуйся, грешным к Богу дерзновение дарующая; радуйся, изнемогающим в напастех, скорбех и искушениях скоро помогающая. Радуйся, в посте и молитве и Богомыслии пребывающим присно спребывающая; радуйся, блага земная, суетная и скоро преходящая презирати нас научающая. Радуйся, к небесным и вечным сокровищам умы и сердца наша возводящая. Радуйся, Благодатная, Целительнице душ и телес наших.

Кондак 5

Свет Небесный озари храмину болящего клирика, егда предстала еси, Преблагая Владычице, даровати ему исцеление от лютого недуга. О Пресвятая Госпоже Богородице, просвети помраченныя многими грехами души наша и подаждь исцеление болезнующим телесем нашим, да прославляя Твоя милости вопием радостно Богу: Аллилуиа.

Икос 5

Видяще Тя, Владычицу Богородицу пред огнезрачным престолом Пресвятыя Троицы стоящу и за христиан молящуюся, Небесные силы и вси святии от века Богу угодивший немолчными славословиями ублажают Тя. Мы же грешнии на земле любовию к Тебе подвизаеми дерзаем воспевати Тебе сице: Радуйся, Матернею любовию весь мир христианский объемлющая; радуйся, всех верных благая Заступнице. Радуйся, изрядная Споборнице ведущим брань противу искушений мирских и душевных; радуйся, от всякия злобы и вражды миром и любовию ограждающая. Радуйся, всех прибегающих под кров Твой приемлющая; радуйся, Наставнице целомудрия и воздержания. Радуйся, подвижников благочестия к горнему Иерусалиму Путеводительнице; радуйся, душепагубных ересей и расколов Искоренительнице. Радуйся, душеполезных знаний Подательница; радуйся, скорая в бедах и печалех Утешительница. Радуйся, Молитвенница наша пред Сыном Твоим и Богом. Радуйся, Благодатная, Целительнице душ и телес наших.

Кондак 6

Проповедует святая Православная Церковь множество чудес Твоих, великия Твоя милости, Преблагая Владычице, яко грады и веси ограждаеши, обители иноческия и жилища благочестивых рабов защищаеши, обидимых заступаеши, и вся благая и душеполезная ниспосылаеши всем прославляющим Тя и поющим Сыну Твоему: Аллилуиа.

Икос 6

Светло красуется зде, Госпоже Богородице, чудотворная Твоя икона, именуемая Целительница, прогоняющи от всех верных тьму искушений и напастей и обильно источая исцеления. Сего ради во умилении зовем Ти: Радуйся, от неисцельных болезней скорое исцеление подающая; радуйся, от всяких бед и скорбей избавляющая. Радуйся, греховныя страсти укрощающая; радуйся, колеблющихся в вере православней укрепляющая. Радуйся, утешение благодатное изливающая в сердца боголюбивыя; радуйся, надеждою небесных благ верных души услаждающая. Радуйся, в добрых делех преуспевати нам помогающая; радуйся, от видимых и невидимых враг нас защищающая. Радуйся, благодатию Твоею падших восставляющая; радуйся, страх Божий в сердца наша вселяющая. Радуйся, вся благая прошения наша скоро исполняющая. Радуйся, Благодатная, Целительнице душ и телес наших.

Кондак 7

Хотящи явити милосердие Твое неизреченное даровала еси нам, преблагая Богородице Дево, чудотворную Твою икону именуемую Целительницею, да вси притекающий к ней с верою от болезней свобождаются и всякаго утешения сподобляются, сего ради вопием о Тебе Богу: Аллилуиа.

Икос 7

Дивна и преславна дела Твоя, Пренепорочная Владычице, всем бо богатым и нищим, здравым и болящим, и с прилежною молитвою пред цельбоносною иконою притекающим вся благая по коегождо потребе и в меру веры и любве подаеши, темже и мы не таим Твоих благодеяний, но благодарственно прославляя милости Твоя глаголем Ти сице: Радуйся, глухих Слышание; радуйся, слепых Прозрение. Радуйся, немых Глаголание; радуйся, хромых Хождение. Радуйся, прокаженных Очищение; радуйся, разслабленных Укрепление. Радуйся, от злых и лукавых духов Свобождение; радуйся, по Бозе наше Прибежище и Заступление. Радуйся, от нужд, и печалей, и бед непреложное Избавление; радуйся, пристрастие к тленному богатству искореняющая. Радуйся, искати богатство нетленное на Небеси научающая. Радуйся, Благодатная, Целительнице душ и телес наших.

Кондак 8

Странники и пришельцы в мире сем скорбнем и многомятежнем, вечнаго Небеснаго отечества взыскуем и Тебе всемощную Царицу Приснодеву Богородицу смиренно просим, путеводствуй нас по стезям спасительных заповедей Сына Твоего Христа Бога нашего, да избежим сетей невидимаго врага, возможем невозбранно воспевати Вседержителю Богу песнь: Аллилуиа.

Икос 8

Весь мир христианский ублажает Тя, Пренепорочную Деву, гласы хвалебными; всем верным, наипаче же болящим, утешительно есть взирати на всечестную икону Твою Целительница именуемую. О Пречудная Госпоже Богородице, приими и наша умиленная благохваления таковая: Радуйся, Радосте наша; радуйся, Доброто несказанная. Радуйся, Высото добродетелей; радуйся, Глубино смиренномудрия. Радуйся, неистощимый Источниче милостей и щедрот; радуйся, благоуханный Цвете девства и чистоты. Радуйся, веры христианския Утверждение; радуйся, нечестия Обличение. Радуйся, горних сил Похвал о; радуйся, всех праведных Славо. Радуйся, Благодатная, Целительнице душ и телес наших.

Кондак 9

Все упование на Тя возлагаем, Мати Божия, и в скорбех и болезнех ко святой иконе Твоей с благоговением и верою притекаем, чающе от нея скоро утешение и исцеление получити. О Пресвятая Царице Богородице, воззри милостивно на нас смиренных рабов Твоих и ускори исполнити вся яже на пользу нам в сей жизни и в будущей. Да прославляя Твое благоутробие воспеваем Творцу Богу: Аллилуиа.

Икос 9

Ветии многовещаннии не возмогут достойно восхвалити Тя, Пречистую Деву, Честнейшую Херувим и Славнейшую без сравнения Серафим, безсеменно рождшую Спаса душ наших. Мы же, аще и немощнии, обаче любовию к Тебе побеждаеми, отверзаем недостойныя уста своя на похвалу Тебе сицевая: Радуйся, чудес Христовых Начало; радуйся, Исполнение всех пророчеств. Радуйся, чистотою Ангелов превосшедшая; радуйся, девство и рождество в Себе чудно сочетавшая. Радуйся, в обою непорочно и свято Себе сохраныпая; радуйся, Мати Сына Божия и БогаВышняго. Радуйся, падшему человечеству отверзшая вход в Царствие Горнее; радуйся, тихое Пристанище от бурь плавающих по морю житейскому. Радуйся, Богом дарованная Отрадо страждущим; радуйся, сияющая благодатию и славою предивных знаний и чудес. Радуйся, Благодатная, Целительнице душ и телес наших.

Кондак 10

Спасти хотя весь род человеческий от беззаконий и вечныя муки, человеколюбец Господь Тя, Матерь Свою, дарова в помощь, покров и защиту верующим в Него, прославляя таковое милосердие о нас грешных благодарственным сердцем и устны вопием Ему: Аллилуиа.

Икос 10

Стена еси необоримая и Заступление крепкое, Богородице Дево, всем с молитвою к Тебе прибегающим. Темже убо и нас недостойных огради от лютых болезней и от всякаго злаго обстояния и подаждь в делех благовременную помощь и укрепление взывающим Ти: Радуйся, Заступнице наша и Похвало; радуйся, Хранительнице наша и Утверждение. Радуйся, Отрадо наша и дивное о нас попечение; радуйся, известное Прибежище наше во всех скорбных обстояниях. Радуйся, младенцев Воспитание; радуйся, юных Наставнице целомудрия. Радуйся, супругам любовь и согласие подавающая; радуйся, благоговейных старцев к мирной кончине жития приводящая. Радуйся, верных пастырей святыя Церкви укрепляющая и вразумляющая; радуйся, в иноческом образе подвизающимся Ходатаице вечнаго радования. Радуйся, в мире благочестиво живущих неоставляющая Своим заступлением. Радуйся, Благодатная, Целительнице душ и телес наших.

Кондак 11

Пения и мольбы всеумиленныя наши, приносимыя пред цельбоносным Твоим образом, приими, Приснодево Богородице, и сподоби до конца жизни нашея Единому Богу воспевати: Аллилуиа.

Икос 11

Светозарне сияет чудотворная икона Твоя, Мати Божия, источая верным токи исцелений благодатных, наставляя блуждающих во тьме грехов на светлый путь добродетелей и спасения. Сего ради вопием Ти хвалебныя песни таковая: Радуйся, осенением Твоея иконы силу вражию от всех прогоняющая; радуйся, всем прибегающим в скорбех, нуждах и болезнех скорое утешение и исцеление подавающая. Радуйся, Чудо чудес, Одигитрие Владычице, на путь спасения наставляющая; радуйся, мирное устроение обуреваемым напастьми дарующая. Радуйся, чистотою Твоею чистоте жития нас научающая; радуйся, лукавых, гордых и гневливых людей вразумляющая. Радуйся, правую веру и страх Божий в нас вселяющая; радуйся, светом Христова учения тьму неверия прогоняющая. Радуйся, смущение помышлений сумнительных удаляющая; радуйся, всех духовных даров щедрая Подательница. Радуйся, Благодатная, Целительнице душ и телес наших.

Кондак 12

Благодатию и щедротами Твоими, Премилосердая Владычице, не оставляеши христиан православных, даруя скорбящим утешение, обидимым заступление, болящим и всем сущим в бедах многоразличных избавление, сего ради прославляюще Тя благодарственно вопием Богу: Аллилуиа.

Икос 12

Поюще Твоя неизреченныя милости и чудеса являемыя нам недостойным преклонением колена перед цельбоносным Твоим образом, Богородице Приснодево, молим Тя усердно, подаждь нам мир, тишину и благую кончину и не остави без Твоея помощи и заступления во втором пришествии Сына Твоего и Бога нашего всех приносящих Ти со умилением сия похвалы: Радуйся, в уныние и отчаяние впадших надеждою спасения укрепляющая; радуйся, узы греховныя разрешающая. Радуйся, праведный на нас гнев Божий на милость прелагающая; радуйся, земное житие наше добре устрояющая. Радуйся, от опасных обстояний нас избавляющая; радуйся, в час кончины всем верным скорая Помощнице. Радуйся, чтущих Тя на мытарствах воздушных заступающая; радуйся, любовь к Тебе имущая врата Райская отверзающая. Радуйся, прославляющих Тя вечнаго блаженства в Царствии Небесном сподобляющая; радуйся, не чтущих Тя перед всеми посрамляющая. Радуйся, державная Скоропомощница наша во дни тяжких испытаний. Радуйся, Благодатная, Целительнице душ и телес наших.

Кондак 13

О Всепетая Мати Сладчайшего Господа нашего Иисуса Христа, милостивно приими сие малое моление наше, избави нас от всякия напасти, болезни и внезапныя смерти и сподоби нас наследниками быти Царствия Небеснаго и со всеми святыми воспевати Сыну Твоему и Богу нашему: Аллилуиа.

(Этот кондак читается трижды, затем икос 1 и кондак 1.)

МОЛИТВА

О Пресвятая Госпоже Царице Богородице, Высшая всех Небесных сил и Святейшая всех святых. Припадаем и покланяемся Тебе пред всечестным и цельбоносным образом Твоим, воспоминающе дивное явление Твое болящему клирику Викентию и усердно молим Тя, Всесильную рода нашего Заступницу и Помощницу, якоже древле подала исцеление тому клирику, тако и ныне исцели наша души и телеса, болезнующия ранами грехов и страстей многоразличных, избави нас от всяких напастей, бед, скорбей и вечнаго осуждения. Сохрани от душепагубных учений и безверия, от льстивых и наглых нападений неведимых врагов. Подаждь нам христианскую кончину безболезненну, мирну, непостыдну, Святых Тайн причастну. Сподоби нас на нелицеприятном судите Христове стати одесную Всеправеднаго Судии и блаженный глас Его услышати: Приидите благословеннии Отца Моего, наследуйте уготованное вам Царствие от сложения мира. Аминь.