Текст книги "Молитвенный венец Богородицы. Лучшие молитвы для женщин"
![](/books_files/covers/thumbs_150/molitvennyy-venec-bogorodicy-luchshie-molitvy-dlya-zhenschin-94322.jpg)
Автор книги: Владимир Измайлов
Жанр: Религия: прочее, Религия
Возрастные ограничения: +6
сообщить о неприемлемом содержимом
Текущая страница: 1 (всего у книги 5 страниц) [доступный отрывок для чтения: 1 страниц]
Молитвенный венец Богородицы. Лучшие молитвы для женщин
Автор-составитель В.А. Измайлов
Оформление переплета Сергея Власова
© ИП Измайлов, оригинал-макет, 2014
© Оформление. ООО «Издательство «Эксмо», 2015
Вступление
Молясь Господу, Божией Матери или святым, всегда помни, что Господь дает по сердцу («даст ти Господь по сердцу твоему» – Пс. 19, 5), каково сердце, таков и дар; если молишься с верою, искренне, всем сердцем, нелицемерно, то сообразно вере твоей, степени горячности твоего сердца, подастся тебе дар от Господа. И наоборот, чем хладнее твое сердце, чем оно маловернее, лицемернее, тем бесполезнее твоя молитва, мало того, тем более она прогневляет Господа… Поэтому, призываешь ли Господа, Божию Матерь, ангелов или святых, – призывай всем сердцем; молишься ли о ком из живых или умерших, – молись о них всем сердцем, выговаривая имена их с теплотою сердечною; молишься ли о даровании себе или другому какого-либо блага духовного, или об избавлении себя или ближнего от какого-либо бедствия или от грехов и страстей, худых привычек, – молись об этом от всего сердца, желая всем сердцем себе или другому просимого блага, имея твердое намерение отстать или желая другим освободиться от грехов, страстей и греховных привычек, и дастся тебе от Господа дар по сердцу твоему.
А приступая молиться Царице Богородице, прежде молитвы будь твердо уверен, что ты не уйдешь от Нее, не получивши милости. О, если бы мы слышали и видели молитву о нас и о мире Пресвятой Девы Богоматери, ангелов и святых, мы бы ужаснулись и устыдились своей лености и небрежности в молитве, мы не только днем, но и среди ночи восстали бы на молитву и славословие Господней благости, Божия долготерпения, Божия величия, Божией премудрости и силы всемогущей!
Святой праведный Иоанн Кронштадтский
Молитва
Я, Матерь Божия, ныне с молитвою
Пред Твоим образом, ярким сиянием,
Не о спасении, не перед битвою,
Не с благодарностью иль покаянием,
Не за свою молю душу пустынную,
За душу странника в свете безродного;
Но я вручить хочу деву невинную
Теплой заступнице мира холодного.
Окружи счастием душу достойную,
Дай ей сопутников, полных внимания,
Молодость светлую, старость покойную,
Сердцу незлобному мир упования.
Срок ли приблизится часу прощальному,
В утро ли шумное, в ночь ли безгласную,
Ты восприять пошли к ложу печальному
Лучшего ангела душу прекрасную.
М.Ю. Лермонтов.1837
Главные православные молитвы
Молит Господня «Отче наш»
![](_0181.jpg)
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Яко Твое есть царство, и сила, и слава во веки. Аминь.
Иисусова молитва
Господи Иисусе Христе, Сыне Божий, помилуй мя грешнаго.
Молит Пресотой Троице
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй, Господи, помилуй, Господи, помилуй! Слава Отцу, и Сыну, и Святому Духу и ныне, и присно, и во веки веков. Аминь.
Молит Святому Духу
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны и очисти ны от всякия скверны, и спаси, Блаже, души наша.
Символ веры
Верую во единого Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятого же за ны при Понтийстем Пилате, и страдавша, и погребенна. И воскресша в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Молитва предначитательная
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Молит по окончании всякого дела
Исполнение всех благих Ты еси, Христе мой, исполни радости и веселия душу мою и спаси мя, яко един многомилостив, Господи, слава Тебе.
Молитва о живых
Спаси, Господи, и помилуй отца моего духовнаго (имя) и его святыми молитвами прости моя согрешения (поклон).
Спаси, Господи, и помилуй родители моя (имена), сродники моя по плоти, и вся ближняя рода моего, и други, и даруй им мирная Твоя и премирная благая (поклон).
Спаси, Господи, и помилуй ненавидящия и обижающия мя, и творящия ми напасти, и не остави их погибнути мене ради грешнаго (поклон).
Молитва об усопших
Помяни, Господи, души усопших раб Твоих, родителей моих (имена) и всех сродников по плоти и прости вся их согрешения вольная же и невольная, даруя им Царствие и причастие вечных Твоих благ и Твоея безконечныя и блаженныя жизни наслаждение. (Поклон.)
Подаждь, Господи, оставление грехов всем прежде отшедшим в вере и надежди воскресения отцем, братиям и сестрам нашим, и сотвори им вечную память. (Поклон.) (Повторяется трижды.)
Тропарь Кресту и молитва за Отечество
Спаси, Господи, люди Твоя, и благослови достояние Твое, победы на сопротивныя даруя, и Твое сохраняя Крестом Твоим жительство.
Песнь Пресвятой Богородице
Богородице Дево, радуйся, Благодатная Марие, Господь с Тобою: благословенна Ты в женах и благословен плод чрева Твоего, яко Спаса родила еси душ наших.
Молитвы ко Пресвятой Богородице на каждый день седмицы иеросхимонаха Нила
![](_0301.jpg)
Иеромонах Никон (в миру Николай Прихудалов, в схиме – Нил) возродил почти заброшенную Нило-Сорскую пустынь и тем прославил свое имя в летах. Начало восстановлению обители было положено в 1837 году, и всего за пять лет Никон сумел совершить очень многое – в том числе заложить в пу́стыни первый каменный храм во имя Тихвинской иконы Божией Матери. Строительство собора окончилось в 1854 году, вскоре после этого в обители возвели церковь Покрова Пресвятой Богородицы, а в 1870-х годах был завершен весь каменный ансамбль.
Молитва в понедельник
От скверных моих уст приими моление, о нескверная, чтомая и Пречистая Дево Богородице! И не возгнушайся моих словес, о радосте моя! Но призри мя и помилуй мя, о Мати Зиждителя моего! Во время жития моего не остави мене: веси бо, Владычице, яко на Тя всю мою надежду возлагаю и все упование мое о Тебе есть. Тем и во время смерти моея предстани ми, Помощнице моя, радосте и утешение мое: не остави мене тогда, Надеждо моя, не посрами мене тогда. Вем бо, вем, Дево, яко о многих гресех повинен есмь окаянный, и трепещу, помышляя час оный: но Радосте моя, яви ми тогда лице Твое, удиви на мне милость Твою, Ходатаице спасения моего, изыми мя, Владычице, от лютости бесовския и страшнаго и грознаго испытания воздушных духов: и от злобы их избави, и всю скорбь дне того на радость преложи Твоим посещением, и сподоби безбедно прейти ми от начал и властей тьмы и достигнути поклонятися на Престоле славы седящем Христу и Богу нашему, со Безначальным Его Отцем и Пресвятым Духом, во веки веков. Аминь.
Молитва во вторник
Пресвятая Владычице моя Богородице, Ангелов и Архангелов, Херувимов и Серафимов Пречестнейшая, всех святых Пресвятейшая, Дево Мати Божия! Спаси мя, смиреннаго и грешнаго раба Твоего: Ты бо веси, Всемилостивая Госпоже, яко вся мою надежду по Бозе на Тя возлагаю, и несть ми инаго прибежища спасительнаго, токмо Ты, Всеблагая, Ты моя крепость, Владычице, Ты моя сила, Ты мое Радование в скорбех, Ты мое Пристанище в искушениих, Ты мое Исправление в падениих, Ты и спасение мое всенадежное, о Мати Зиждителя и Господа моего! Помози ми, плавающему в пучине жития сего, лютее обуреваемому и бедствующему от потопления греховнаго. Даждь ми руку помощи, Помощнице моя, и избави мя от тимения глубины, да не погрязну в бездне отчаяния: буря бо грехов и страстей возста на мя, и волны беззаконий погружают мя. Но Ты, милосердная Мати, в пристанище безстрастия настави и спаси мя, безнадежных Надеждо и Ходатаице спасения моего. Аминь.
Молитва в среду
Богородице, Ты еси упование мое, Ты ми еси стена и благонадежное пристанище и спасительное прибежище, утомляемому страстей нахождение. Спаси мя от всех враг моих, гонящих душу мою и ловящих ю различными искушении: на пути бо сем, по нему же хожду, многия сети скрыша ми; многия соблазны, многия неудобства, многия прелести, многия немощи, душевныя и телесныя, уловляют мя в падения греховныя. И уже аз, окаянный, впадох в сети вражия, и связан, и держим есмь ими: и что сотворю, отчаянный аз, недоумею. Аще бо восхощу покаятися, нечувствием и ожесточением одержим есмь; аще же плакати понуждаюся, не имам сокрушения сердечнаго и слез ни поне единыя капли. Увы окаянству моему! Увы бедности моея! Увы лишению моему! К кому убо прибегну прочее, повинный аз? Токмо к Тебе, благоутробная Мати Господа и Спаса нашего, ненадежных надеждо, стено и покрове к Тебе притекающих! Не отрини убо мене блуднаго, не возгнушайся мене сквернаго: Тебе бо едину в жизни моей стяжах утеху, Дево Марие Богородице, и к Тебе единей во всякой нужде прибегаю со дерзновением: не остави убо мене в жизни сей и во время смерти моея, предстани в помощь, Помощнице моя, да узрят Ти вси врази мои и постыдятся, Тобою побежденнии, Владычице, Ходатаице спасения моего. Аминь.
Молитва в четверг
Кто Тебе по достоянию ублажати можете, Пресвятая Дево; какия уста воспети Твое величие, всяк смысл превосходящее, возмогут; вся Преславная о Тебе соделанная таинства, Богородице, выше смысла и слова суть! Красоте девства Твоего и пресветлей чистоте Твоей удивишася Херувими и ужасошася Серафими: чудесе же Рождества Твоего нетленнаго ни человеческий, ни ангельский язык изрещи не может. От Тебе бо безлетный Единородный Сыне Божий, Бог Слово, неизреченно воплощся, родиса и с человеки поживе, и Тя, яко Матерь Свою, зело возвеличи. Царицу Тя вся твари показа, нам же известное спасения пристанище. Тем вси, под кров Твой притекающи, различными скорбями и болезнями одержимыя, богатое утешение и исцеление приемлют и Тобою от бед спасаются; Ты бо еси воистину Мати всех скорбящих и обремененных, печальных радость, вольных целительница, юных хранительница, старости жезл, праведных похвала, грешных спасения надежда и к покаянию путеводительница: всем бо всегда предстательством Твоим помогаешь Ты, и мне помози, отчаянному, деяний моих ради. Заступнице усердная рода христианского, заступи мя, да не до конца погибну во гресех, ибо не имам инаго прибежища и покрова, разве Тебе, Владычице Мати живота: не остави убо мене и не презри мя, но, имиже сама веси судьбами, спаси мя, яко благословенна еси во веки веков. Аминь.
Молитва в пятницу
Тебе предаю в защищение живот мой и по Бозе всю надежду спасения моего на Тя возлагаю, Владычице Дево Богородице. Молю же Тя, раб Твой: не презри мя, многия грехи сотворшего, но виждь скорбь мою о сем и недоумение и подаждь ми ослабу и утешение, да не до конца погибну, окаянный. Простри десницу Твою, Чистая, изыми мя от тимения дел моих, и постави на чистую пажить Заповедей Христа, Царя и Бога моего, да творю я присно, Тобою укрепляем, от грехов моих лютых изыми мя, Владычице, и покаяние спасительное мне низпосли, ко Твоему Сыну и Богу Матерним Твоим ходатайством. Свет неизреченный возсиявшая, просвети мою тьму душевную, от грехов ей прибывшую. Радосте моя, избави мя от обышедших мя невидимых врагов: греси бо мои нози и тяжцы суть, врази мои люти зело, смерть близ, совесть моя мя обличает, геенна огненная устрашает, червь неусыпаемый, скрежет зубовный, тартара тьма кромешная в трепет мя приводит, ибо ожидают мя прияти злых дел моих ради. Увы мне! Что сотворю тогда и к кому прибегну, да спасена будет душа моя. К Тебе единей, сладкая Марие Богородице, горесть смерти уповающим на Тя услаждающая и взыскающих к Тебе от лютыя геенны избавляющая. Ты и мне помози, Всеблагая, не имущему иныя помощи, токмо Тебе, всепетая. Спаси мя от ужасов смертнаго часа, и от лютости бесовския избави мя: спаси мя от властей духов злобных на мытарствах воздушных по смерти; яви, молюся Ти, яви ми тогда пресветлое лицо Твое, Владычице, и не остави мя безпомощнаго. О Милосердия Мати!
Преклонися на милость ко мне, лишенному милости от дел рук моих, и умоли, Егоже родила еси плотию, Христа, Спасителя и Бога нашего, нас ради на кресте пречистую кровь Свою излившаго, да и аз причастник буду заслуг Его крестных пред Отцем Его Богом, и их ради получу грехов прощение и вечное спасение, и прославлю неизреченное милосердие Твое, Богородице, и Твое милостивое предстательство в безконечныя веки. Аминь.
Молитва в субботу
Радуйся, Дево Богородице, Предстательство и пристанище убогия души моея, Надеждо сладкая спасения моего. Радуйся, всех Зиждителя во Твоих ложеснах носившая. Радуйся, Бога плотию рождшая, миру же Спасителя. Радуйся, в рождестве девство нетленно сохранившая. Радуйся, от волхвов дары приемшая, и поклонение их от Тебе рождшемуся видевшая, и пастырей преславныя о Нем словеса слышавшая. слышавшая и в сердце Твоем слагавшая! Радуйся, Отрока Иисуса, Сына Твоего и Бога, во храме среди законоучителей, обретшая радостно! Радуйся, болезни лютыя во страдании крестном, распятии и смерти Сына Твоего, пресладкаго Иисуса, испытавшая, воскресением же Его тридневным обрадованная светло! Радуйся, вознесение Сына Твоего и Бога со ученики Его во славе небесней видевшая! Радуйся, от Него низпосланнаго Духа Святаго, в горнице Сионстей в виде огненных языков низшедшаго, со ученики Господними приемшая. Радуйся, чистотою и святынею вся ангельския чины и всех святых лики превзошедшая. Радуйся, возвеличенная славою, пришествием к Тебе Сына Твоего и Бога! Радуйся, Того святым рукам душу Твою радостно предавшая. Радуйся, славно превознесенная с телом Твоим на небеса взошедшими! Радуйся, по преставлении Твоем боговидцем апостолом в третий день явившаяся. Радуйся, на небесех от Отца и Сына и Духа Святаго диадемою вечнаго царствия увенчанная. Радуйся, от всех небесных сил приснопеваемая. Радуйся, близ Престола Пресвятыя Троицы на престоле славы возседящая. Радуйся, Бога и человеков примирения виновнице! Радуйся, над всем небесным и земным Царице господствующая! Радуйся, яко ничтоже невозможно есть Твоему ходатайству. Радуйся, яко вси верно к Тебе притекающие спасаются. Радуйся, яко Тобою скорбящие утешение, болящие исцеление, бедствующие благовременную помощь получают. Молю убо Тя, обрадованная Владычице, потреби во мне печаль греховную и даждь ми радость спасения, даждь ми слезы утешительныя, умиление всегдашнее, покаяние истинное и исправление совершенное. Не возгнушайся мене, Владычице, но приими милостиво сия гласы радостныя, мною убогим Тебе приносимыя, и предстань ми в помощь во время безпомощия тела моего в час страшный оный, егда настанет срок душе моея от окаяннаго тела моего разлучитися; тогда, молю, предстани ми в помощь и избави мя, повиннаго во гресех, от наказания за них вечнаго, да не явлюся ни бесам в радование, ни пищей геенне огненной. Ей, Владычице моя, не попусти узрети души моей страшнаго и грознаго прещения и истязания демонскаго, грешником уготованнаго, но предвари и спаси мя, раба Твоего, в час оный ужасный, да славлю Тя во веки, едина Надеждо моя и Ходатаице спасения моего. Аминь.
Молитва в воскресенье
Всемилостивая Дево Богородице, Мати щедрот и человеколюбия, прелюбезная надеждо и упование мое! О, Мати пресладкаго, превожделеннаго и всяку любы превосходящаго Спасителя Иисуса Христа, человеколюбца и Бога моего, Свете помраченныя души моея! К Тебе аз многогрешный и безнадежный припадаю, Тебе молюся, Источнице милосердия, Дево Марие, яже бездну милосердия и пучину щедрот и человеколюбия рождшая; помилуй мя, помилуй мя, вопию ти болезненно, помилуй всего уязвленнаго, в лютыя разбойники впадшаго, и от одежды, в ню же облече мя Отец, увы мне, обнаженнаго, тем и лежу наг всякаго благотворения, возсмердеша и согниша раны моя от лица безумия моего. Владычице моя, Богородице, молю Тя смиренно, воззри на мя милостивым оком Твоим и не возгнушайся мене, всего помраченнаго, всего оскверненнаго, всего в тину сластей погруженнаго, люте падшаго и возстати не могущаго. Умилосердися убо на мя и даждь ми руку помощи, воздвигни мя из глубины греховныя, о Радосте моя! Избави мя от обышедших мя; просвети лице Твое на раба Твоего, спаси погибающаго, очисти оскверненнаго, возстави падшаго люте: можеши бо вся, яко сущи Мати Бога всемогущаго. Излей на мя елей милосердия Твоего, и вино умиления точити ми подаждь, Тебе бо воистину едину надежду стяжах в животе моем: не отрини убо мене, к Тебе притекающаго, но виждь скорбь мою, Дево, и души желание, и сие приими и спаси мя, Ходатаице спасения моего. Аминь.
Молитвы святых ко Пресвятой Богородице
![](_0501.jpg)
Молитва преподобного Сергия Радонежского
Пречистая Мати Христа моего, Ходатаице и Заступнице, крепкая помощнице роду человеческому! Буди нам, недостойным, ходатаице, присно молящися к Сыну Своему и Богу нашему, яко да призрит на святое место сие, еже возложено есть в похвалу и честь святому Имени вовеки. Тебе бо, Мати сладкаго ми Христа, ходатаицу предлагаем и молитвенницу, яко много дерзновение к Нему стяжавше раби Твои, яко всем спасенному упокоению и пристанищу.
Явление Матери Божией преподобному Сергию Радонежскому
Однажды, глубокой ночью, преподобный Сергий совершал келейное правило и перед иконой Богоматери пел Акафист, что он делал ежедневно… Когда он окончил молитву, его душа ощутила приближение небесного явления, и он сказал своему келейнику преподобному Михею: «Бодрствуй, чадо: мы будем сейчас иметь чудесное посещение». И сразу послышался голос: «Се, Пречистая грядет!»… Старец встал, вышел в сени, и здесь осиял его свет ярче солнечного. Он узрел Преблагословенную Деву, сопровождаемую апостолами Петром и Иоанном Богословом… Не в силах вынести этого чудного сияния и неизреченной славы Матери Света, преподобный Сергий пал ниц. Но благая Матерь прикоснулась к нему и сказала: «Не бойся, избранник Мой. Услышана молитва твоя об учениках твоих. Не скорби больше и об обители твоей. Отныне она будет иметь изобилие во всем – не только при жизни твоей, но и после того, как ты отойдешь к Богу. Я не оставлю этого места и всегда буду хранить его…»
Троицкий патерик
Молитва преподобного Серафима Саровского
Всемилостивая Владычице моя, Пресвятая Госпоже, Всепречистая Дево, Богородице Марие, Мати Божия, несумненная и единственная моя Надежда, не гнушайся мене, не отвергай мене, не остави мене, не отступи от мене; заступись, попроси, услыши; виждь, Госпоже, помози, прости, прости, Пречистая!
Первое явление Матери Божией преподобному Серафиму Саровскому
Преподобный Серафим Саровский впервые узрел Матерь Божию еще десятилетним мальчиком – в то время он тяжко заболел, и Пресвятая Дева, явившись во сне, обещала даровать ему исцеление. На следующий день в городе был крестный ход с иконой Божией Матери «Знамение». Когда шествие приблизилось к дому, где жила семья Мошниных – родители преподобного Серафима, – внезапно грянул ливень, и священник, желая переждать непогоду, попросил разрешения внести святую икону под кров. Мать Прохора – в то время Серафим носил земное имя – умолила пронести над мальчиком чудотворный образ, и с той минуты болезнь начала отступать.
Молитва преподобного Ефрема Сирина
Пресвятая Владычица Богородица, Единая чистейшая душою и телом, Единая превысшая всякой чистоты, целомудрия и девства, Единая всецело соделавшаяся обителью всецелой благодати Всесвятаго Духа, самые невещественные силы несравненно превзошедшая чистотою и святынею души и тела, призри на меня, мерзкого, нечистого, душу и тело очернившего скверною страстной и сластолюбивой жизнью моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующего надо мною злого и гнусного навыка к нечистым предрассудкам и страстям, останови всякий действующий во мне грех, омраченному и окаянному уму моему даруй трезвение и рассудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, Единую Матерь истинного Света, Христа Бога нашего, потому что Тебя одну с Ним и о Нем благословляет и славит всякая невидимая и видимая тварь и ныне, и присно, и во веки веков. Аминь.
Внимание! Это не конец книги.
Если начало книги вам понравилось, то полную версию можно приобрести у нашего партнёра - распространителя легального контента. Поддержите автора!Правообладателям!
Данное произведение размещено по согласованию с ООО "ЛитРес" (20% исходного текста). Если размещение книги нарушает чьи-либо права, то сообщите об этом.Читателям!
Оплатили, но не знаете что делать дальше?