Текст книги "Молитвенник"

Ектения просительная

Д. Исполним вечернюю молитву нашу Господеви.

Л. Господи, помилуй.

Д. Заступи, спаси…

Л. Вечера всего совершенна… (стр. 41).

Возглас: Яко благ и человеколюбец Бог еси, и Тебе славу воссылаем, Отцу и Сыну и Святому Духу, ныне и присно и во веки веков.

Л. Аминь.

Св. Мир всем.

Л. И духови твоему.

Д. Главы ваша Господеви приклоним.

Л. Тебе, Господи.

После молитвы главопреклонения, возглас:

Св. Буди держава Царствия Твоего благословенна и препрославлена, Отца и Сына, и Святаго Духа, ныне и присно и во веки веков.

Л. Аминь.

Если будет Лития, исходим в претвор при пении стихир, где диакон (или священник), покадив, читает ектению:

Спаси, Боже, люди Твоя…

Возглас: Услыши ны, Боже, Спасителю наш, упование всех концов земли и сущих в мори далече; и милостив, милостив буди, Владыко, о гресех наших и помилуй ны. Милостив бо и Человеколюбец Бог еси, и Тебе славу воссылаем…

Св. Мир всем.

Л. И духови твоему.

Д. Главы наша Госиодеви приклоним.

Л. Тебе, Господи.

И всем приклоншим главы, молится священник велегласно: Владыко многомилостиве…

Затем входит в храм при пении стихир стиховных.

Если нет литии, то по возгласе: «Буди держава» поем стихиры стиховны. Затем:

Молитва св. Симеона Богоприимца

Ныне отпущаеши раба Твоего, Владыко, по глаголу Твоему с миром; яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.

Трисвятое. По Отче наш возглашает священник: «Яко Твое есть Царство…». И если есть лития, поем тропарь праздника, священник же, после каждения, благословляет хлебы, пшеницу, вино и елей: Господи Иисусе Христе… Если нет литии, поем отпустительный тропарь, или обычно: Богородице Дево, радуйся (трижды). Затем:

Буди имя Господне благословенно от ныне и до века (трижды).

Священник, благословляя народ:

Св. Благословение Господне на вас, Того благодатию и человеколюбием, всегда, ныне и присно и во веки веков.

Л. Аминь.

Если пост, то по Отче наш поем стихиры:

Богородице Дево, радуйся (и поклон).

Слава: Крестителю Христов, всех нас помяни, да избавимся от беззаконий наших: Тебе бо дадеся благодать молитися за ны (и поклон).

И ныне: Молите за ны, святии Апостоли, святии вси, да избавимся от бед и скорбей; вас бо теплыя предстатели ко Спасу стяжахом (и поклон).

Под Твое благоутробие прибегаем, Богородице, моления наша не презри во обстоянии, но от бед избави ны, едина Чистая, едина Благословенная (без поклона).

Утреня[18]18
  Когда утреня бывает отдельно и не соединяется с вечерней, она обычно начинается возгласом «Благословен Бог наш». Следуют псалмы, во время коих бывает каждение; затем краткая ектения: «Помилуй нас Боже». После – «аминь» – лик поет: «Именем Господним благослови, отче». Священник (с кадилом в руках) возглашает: «Слава Святей и Единосущней…».


[Закрыть]

Слава в вышних Богу, и на земли мир, в человецех благоволение (трижды).

Господи, устне мои отверзеши, и уста моя возвестят хвалу Твою (дважды).

И читается шестопсалмие. Священник же перед св. дверьми читает утренние молитвы тайно.

Ектения Великая

Миром Господу помолимся (см. стр. 27).

Посем поем по гласу тропаря:

Бог Господь и явися нам, благословен грядый во имя Господне.

И поем тропарь гласа или праздника[19]19
  Когда поется аллилуиа и в великую четыредесятницу, по великой ектении не поем «Бог Господь» и тропарь, но «аллилуиа» и троичны.


[Закрыть].

Затем обычное стихословие и малые ектении.

Полиелей

Хвалите имя Господне, хвалите раби Господа. Аллилуиа (трижды).

Благословен Господь от Сиона, живый во Иерусалиме. Аллилуиа (трижды).

Исповедайтеся Господеви, яко Благ, яко в век милость Его. Аллилуиа (трижды).

Исповедайтеся Богу Небесному, яко в век милость Его. Аллилуиа (трижды).

По окончании полиелея, если есть праздник, поем величание праздника, и бывает каждение. В воскресенье же поем особые тропари воскресные:

Благословен еси, Господи, научи мя оправданием Твоим.

Ангельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свобождша.

Припев: Благословен еси, Господи…

Почто мира с милостивыми слезами, о ученицы, растворяете, блистаяйся во гробе ангел мироносицам вещаше: видите вы гроб и уразумейте: Спас бо воскресе от гроба.

Припев: Благословен еси…

Зело рано мироносицы течаху ко гробу Твоему рыдающия, но предста к ним ангел и рече: рыдания время преста, не плачите, воскресение же апостолом рцыте.

Припев: Благословен еси, Господи…

Мироносицы жены с миры пришедшия ко гробу Твоему, Спасе, рыдаху, ангел же к ним рече глаголя: что с мертвыми живаго помышляете, яко Бог бо воскресе от гроба.

Слава: Поклонимся Отцу, и Его Сынови, и Святому Духу, Святей Троице во единем существе, с серафимы зовуще: свят, свят, свят еси, Господи.

И ныне: Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни, к сей направи, из Тебе воплотивыйся Бог и человек. Аллилуиа (трижды). Слава Тебе, Боже (трижды).

Ектения малая и возглас: Яко благословися имя Твое, и прославися Царство Твое…

Затем ипакои и степенны. В праздники только первый антифон степенных четвертого гласа:

От юности моея мнози борют мя страсти; но Сам мя заступи и спаси, Спасе мой.

Ненавидящии Сиона, посрамитеся от Господа; яко трава бо огнем, будете иссохше.

Слава… и ныне…: Святым Духом всяка душа живится, и чистотою возвышается, светлеется Троическим единством, священнотайне.

Прокимен гласа или праздника

Д. Господу помолимся.

Л. Господи, помилуй.

Св. Яко свят еси, Боже наш, и во святых почиваеши, и Тебе славу воссылаем…

Д. Всякое дыхание да хвалит Господа.

Стих: Хвалите Бога во Святых Его, хвалите Его во утверждении силы Его.

Посем возглашает диакон:

И о сподобитися нам слышанию св. Евангелия, Господа Бога молим.

Л. Господи, помилуй (трижды).

Д. Премудрость, прости, услышим св. Евангелия.

Св. Мир всем.

Л. И духови твоему.

Д. От… св. Евангелия чтение.

Л. Слава Тебе, Господи, слава Тебе.

Д. Вонмем.

И священник читает Евангелие. И по окончании его:

Л. Слава Тебе, Господи, слава Тебе.

Воскресная песнь после Евангелия

Воскресение Христово видевше, поклонимся Святому Господу Иисусу, единому безгрешному. Кресту Твоему поклоняемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру, всегда благословяще Господа, поем воскресение Его: распятие бо претерпев, смертию смерть разруши.

Псалом 50-ый

Слава: Молитвами Апостолов, Милостиве, очисти множества согрешений наших.

И ныне: Молитвами Богородицы, Милостиве, очисти множества согрешений наших.

Помилуй мя, Боже, по велицей милости Твоей, и по множеству щедрот Твоих очисти беззаконие мое.

Воскрес Иисус от гроба, якоже прорече, даде нам живот вечный, и велию милость[20]20
  В великие праздники вместо «Молитвами апостолов» поем особые песнопения.


[Закрыть].

От недели Мытаря и Фарисея до пятой недели св. Четыреде-сятницы, вместо Молитвами апостолов, после 50-го пс. поем:

Слава: Покаяния отверзи ми двери, Жизнодавче, утренюет бо дух мой ко храму святому Твоему; храм носяй телесный весь осквернен: но яко щедр, очисти благоутробною Твоею милостию.

И ныне: На спасения стези настави мя, Богородице, студными бо окалях душу грехми, и в лености все житие мое иждих.

Помилуй мя, Боже, по велпцей милости Твоей, и по множеству щедрот Твоих очисти беззаконие мое.

Множества содеянных мною лютых, помышляя окаянный, трепещу страшнаго дне суднаго: но надеяся на милость благоутробия Твоего, яко Давид вопию Ти: помилуй мя, Боже, по велицей Твоей милости.

Диакон или священник:

Д. Спаси, Боже, люди Твоя…

Л. Господи, помилуй (12раз).

Возглас: Милостию и щедротами и человеколюбием Единороднаго Твоего Сына, с Ним же благословен еси, со пресвятым и благим и животворящим Твоим Духом ныне, и присно и во веки веков.

И начинаем каноны. По третьей песни малая ектения и возглас: Яко Ты еси Бог наш. По шестой песни – опять малая ектения и возглас: Ты бо еси Царь мира и Спас душ наших. По восьмой песни — Хвалим, благословим, покланяемся Господеви, поюще и превозносяще во вся веки.

Затем катавасия и бывает каждение. Диакон (или священник) возглашает: Богородицу и Матерь Света в песнех возвеличим.

Песнь Богородицы:

Величит душа моя Господа, и возрадовася дух мой о Бозе, Спасе моем.

Честнейшую херувим и славнейшую без сравнения серафим, без нетления Бога Слова рождшую, сущую Богородицу Тя величаем[21]21
  От субботы Лазаря до конца пения Цветной Триоди, также в великие Господские и Богородичные праздники, и некоторые другие дни не поется Песнь Богородицы, но только Ирмос 9-й песни и припевы.


[Закрыть].

Яко призре на смирение рабы Своея: се бо отныне ублажат мя вси роды.

Честнейшую…

Яко сотвори величие Сильный, и свято имя Его, и милость Его в роды родов боящимся Его.

Честнейшую…

Сотвори державу мышцею Своею, расточи гордыя мыслию сердца их.

Честнейшую…

Низложи сильныя со престол, и вознесе смиренныя, алчущия исполни благ и богатящияся отпусти тщи.

Честнейшую…

Восприят Израиля отрока Своего, помянути милости, якоже глагола ко отцем нашим Аврааму и семени его даже до века.

Честнейшую…

Затем девятая песнь канона. После малой ектении возглас: Яко Тя хвалят вся силы небесныя, и Тебе славу воссылаем. Если воскресенье: Свят Господь Бог наш (трижды) и ексапостиларий.

Посем начинаем:

Всякое дыхание да хвалит Господа.

Хвалите Господа с небес, хвалите Его в вышних. Тебе подобает песнь Богу.

Хвалите Его вси ангели Его, хвалите Его вся силы Его. Тебе подобает песнь Богу.

По стихирах Слава: стихира евангельская, или празднику, или святому. И ныне: Богородичен, в воскресенье же:

Преблагословенна еси, Богородице Дево, Воплощшим бо ся из Тебе ад пленися, Адам воззвася, клятва потребися, Ева свободися, смерть умертвися, и мы ожихом. Тем воспевающе вопием: благословен Христос Бог, благоволивый тако, слава Тебе.

Священник возглашает: Слава Тебе, показавшему нам свет.

Великое славословие

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя, великия ради славы Твоея. Господи, Царю Небесный, Боже

Отче Вседержителю. Господи, Сыне Единородный, Иисусе Христе и Святый Душе. Господи Боже, Агнче Божий, Сыне Отеч, вземляй грех мира, помилуй нас; вземляй грехи мира, приими молитву нашу. Седяй одесную Отца, помилуй нас. Яко Ты еси един свят, Ты еси един Господь, Иисус Христос, во славу Бога Отца. Аминь.

На всяк день благословлю Тя, и восхвалю имя Твое во веки, и в век века. Сподоби, Господи, в день сей без греха сохранитися нам. Благословен еси, Господи Боже Отец наших, и хвально и прославлено имя Твое во веки. Аминь. Буди, Господи, милость Твоя на нас, якоже уповахом на Тя.

Благословен еси, Господи, научи мя оправданием Твоим (трижды).

Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе.

Господи, к Тебе прибегох, научи мя творити волю Твою, яко Ты еси Бог мой, яко у Тебе источник живота, во свете Твоем узрим свет. Пробави милость Твою ведущим Тя.

Трисвятое.

Тропарь Воскресный

1, 3, 5, 7 гласа:

Днесь спасение миру бысть, поем Воскресшему из гроба, и начальнику жизни нашея: разрушив бо смертию смерть, победу даде нам и велию милость.

2, 4, 6, 8 гласа:

Воскрес из гроба, и узы растерзал еси ада, разрушил еси осуждение смерти, Господи, вся от сетей врага избавивый: явивый же Себе апостолом Твоим, послал еси я на проповедь, и теми мир Твой подал еси вселенней, едине многомилостиве.

Ектения сугубая

Помилуй нас, Боже, по велицей милости Твоей (см. стр. 36)

И ектения просительная:

Д. Исполним утреннюю молитву нашу Господеви.

Л. Господи, помилуй.

Д Заступи, спаси (см. стр. 41).

Возглас: Яко Бог милости и щедрот и человеколюбия еси…

Св. Мир всем.

Л. И духови Твоему.

Д Главы наша Господеви приклоним.

Л. Тебе, Господи.

Прочитав тайно молитву главопреклонения:

Св. Твое бо есть еже миловати и спасати ны, Боже наш, и Тебе славу воссылаем: Отцу и Сыну и Святому Духу, ныне и присно и во веки веков.

Л. Аминь.

Д Премудрость.

Л. Благослови.

Св. Сый благословен Христос Бог наш, всегда, ныне и присно и во веки веков.

Л. Аминь. Утверди, Боже, святую православную веру, православных христиан, во век века.

Св. Пресвятая Богородице, спаси нас.

Л. Честнейшую херувим и славнейшую без сравнения серафим, без нетления Бога Слова рождшую, сущую Богородицу Тя величаем.

Св. Слава Тебе, Христе Боже, упование наше, слава Тебе.

Л. Слава… и ныне… Господи, помилуй (трижды). Благослови.

Св. творит отпуст. И читается час первый.

Примечание: В обычные седмнчные дни, кроме празднества, предпразднества, попразднества и суббот – по кафизмах ектении не бывает, а сразу—50 псалом и каноны. По хвалитных Славословие малое, ектения, «Исполним утреннюю молитву нашу», стихиры на стиховне, Трисвятое, и по тропарях ектения «Помилуй нас…».

последование общего молебна

Обычное начало: Благословен Бог… Царю небесный… и прочее.

Затем: Бог Господь, и явися нам, благословен грядый во имя Господне (со стихами).

И тропарь, кому поется молебен.

Иисусу, тропарь, гл. 2. Пречистому Твоему образу поклоняемся, Благпй, просяще прощения прегрешений наших, Христе Боже: волею бо благоволил еси плотию взыти на крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.

Богородице, тропарь, гл. 4. К Богородице прилежно ныне притецем грешнии и смиреннии, и припадем в покаянии зовуще из глубины души: Владычице, помози, на ны милосердовавши: потщися, погибаем от множества прегрешений, не отврати Твоя рабы тщи, Тя бо и едину надежду имамы.

Слава… и ныне… гл. 4. Не умолчим никогда, Богородице, силы Твоя глаголати недостойнии: аще бо Ты не бы предстояла молящи, кто бы нас избавил от толиких бед; кто же бы сохранил до ныне свободны. Не отступим, Владычице, от Тебе, Твоя бо рабы спасаеши присно от всяких лютых.

По третьей песни

Спасителю: Избави от бед рабы Твоя, Многомилостиве, яко мы усердно к Тебе прибегаем, милостивому Избавителю всех Владыце Господу Иисусу.

Богородице: Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству.

Призри благосер днем, всепетая Богородице, на мое лютое телесе озлобление, и исцели души моея болезнь.

Святому: Моли Бога о нас (имя), яко мы усердно к тебе прибегаем, скорому помощнику и молитвеннику о душах наших.

Посем ектения: Помилуй нас, Боже…

Еще молимся о милости, жизни, мире, здравии, спасении, посещении, прощении и благопоспешении рабов Божиих (имя, за кого поется молебен).

Еще молимся за всю братию и за вся христианы.

Возглас: Яко милостив и человеколюбец Бог еси…

По шестой песни припевы, как и по 3-й.

Ектения малая: Паки и паки…

Возглас: Ты бо еси Царь мира и Спас душ наших…

Здесь можно читать акафист. Поем прокимен.

Господу помолимся.

Возглас: Яко свят еси, Боже наш, и во святых почиваеши…

Всякое дыхание да хвалит Господа.

Стих: Хвалите Бога во святых Его, хвалите Его во утверждении силы Его.

И о сподобитися нам слышанию святаго Евангелия Господа Бога молим.

Лик: Господи, помилуй (трижды).

Премудрость, прости, услышим святаго Евангелия… и прочее послед. Еванг.

По девятой песни: Достойно есть… Трисвятое. Отче наш. По тропарях ектения: Помилуй нас, Боже…

Еще молимся Господу Богу нашему, о еже услышати глас моления нас грешных, и помиловати рабов Своих (имя) и покрыта их от всякия скорби, беды, гнева и нужды, и от всякия болезни душевныя и телесныя, даровати же им здравие с долгоденствием, рцем вси: скоро услыши и милостивно помилуй.

Еще молимся, о еже сохранитися граду сему (веси сей; св. обители сей), и всякому граду и стране, от глада, губительства, труса, потопа, огня, меча, нашествия иноплеменников и междоусобныя брани: о еже милостиву и благоуветливу быти благому и человеколюбивому Богу нашему, отвратити всякий гнев на ны движимый, и избавити ны от належащаго и праведнаго Своего прещения и помиловати ны.

Еще молимся, и о еже услышати Господу Богу глас моления нас грешных, и помиловати нас.

Услыши ны, Боже, Спасителю наш, упование всех концов земли, и сущих в мори далече: и милостив, милостив буди, Владыко, о гресех наших, и помилуй ны. Милостив бо и человеколюбец Бог еси…

Затем молитва, кому поется молебен и отпуст.

Последование об усопших

После обычного начала и 90-го псалма: «Живый в помощи вышнего..»Великая заупокойная ектения «Миром Госиоду помолимся»… затем аллилуиа со стихами.

Потом

Тропарь, гл. 8

Глубиною мудрости человеколюбно вся строяй, и полезное всем иодаваяй, едине Содетелю, упокой, Господи, души раб Твоих: на Тя бо упование возложиша, Творца и Зиждителя и Бога нашего.

Слава, и ныне: Тебе и стену и пристанище имамы: и молитвенницу благоприятну к Богу, Егоже родила еси, Богородице безневестная, верных спасение.

Тропари за упокой, гл. 5

Припев: Благословен еси, Господи, научи мя оправданием Твоим.

Святых лик обрете источник жизни и дверь райскую, да обрящу и аз путь покаянием, погибшее овча аз есмь, воззови мя, Спасе, и спаси мя. Благословен еси…

Агнца Божия проповедавше, и заклани бывше якоже агнцы, и к жизни нестареемей святии и присносущней преставльшеся, Того прилежно, мученицы, молите, долгов разрешение нам даровати. Благословен еси…

В путь узкий хождшии прискорбный, вси в житии крест яко ярем вземшии, и Мне последовавши верою, приидите, насладитеся, ихже уготовах вам почестей и венцев небесных. Благословен еси…

Образ есмь неизреченныя Твоея славы, аще и язвы ношу прегрешений: ущедри Твое создание, Владыко, и очисти Твоим благоутробием, и вожделенное отечество подаждь ми, рая паки жителя мя сотворяя. Благословен еси…

Древле убо от не сущих создавый мя, и образом Твоим Божественным почтый, преступлением же заповеди паки мя возвративый в землю, от нея же взят бых, на еже по подобию возведи, древнею добротою возобразитися. Благословен еси…

Упокой, Боже, раба Твоего (или: рабу Твою; или: раб Твоих) и учини его (или: ея, или: их) в рай, идеже лицы святых, Господи, и праведницы сияют, яко светила, усопшаго раба Твоего (или: рабу Твою, или: раб Твоих) упокой: презирая его (или: ея, или: их) вся согрешения.

Слава: Трисиятельное единаго Божества благочестно поем вопиюще: свят еси, Отче Безначальный, Собезначальный Сыне и Божественный Душе: просвети нас верою Тебе служащих, и вечнаго огня исхити.

И ныне: Радуйся, Чистая, Бога плотию рождшая во спасение всех. Еюже род человеческий обрете спасение, Тобою да обрящем рай, Богородице чистая, благословенная. Аллилуиа (трижды).

Посем ектения: Паки и паки…

Еще молимся о упокоении души усопшаго раба Божия (или: усопшия рабы Божия, или: усопших рабов Божиих) (имярек), и о еже проститися ему (ей, им) всякому прегрешению вольному же и невольному.

Яко да Господь Бог учинит душу его (ея или их), идеже праведнии упокояются.

Милости Божия, Царства небеснаго, и оставления грехов его (ея, их), у Христа бессмертнаго Царя и Бога нашего просим.

Молитва

Боже духов и всякия плоти, смерть поправый и диавола упразднивый, и живот миру Твоему даровавый; сам, Господи, упокой душуусопшаго раба Твоего (усопшия рабы Твоея, или усопших раб Твоих) (имярек) в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное им (ею, или: ими), словом, или делом, или помышлением, яко благ и человеколюбец Бог прости. Яко несть человек, иже жив будет и не согрешит. Ты бо един кроме греха, правда Твоя, правда во веки, и слово Твое истина.

Возглас: Яко Ты еси воскресение и живот и покой усопших раб Твоих…

Посем седален, гл. 5

Покой, Спасе наш с праведными рабы Твоя, и сия всели во дворы Твоя, якоже есть писано, презирая яко Благ, прегрешения их вольная и невольная, и вся яже в ведении и не в ведении, Человеколюбче.

Слава, и ныне: От Девы возсиявый миру, Христе Боже, сыны света Тою показавый, помилуй нас.

И песни канона с припевами: Упокой, Господи, души усопших раб Твоих (усопшаго раба Твоего, или усопшия рабы Твоея).

Песнь З-Я: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Пли: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Песнь 6-я: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиво.

Пли: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.

Кондак, гл. 8: Со святыми упокой, Христе, душу раба Твоего (душу рабы Твоея / души раб Твоих), идеже несть болезнь, ни печаль, ни воздыхание, но жизнь бесконечная.

Икос: Сам Един еси бессмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, создавый мя и рекий ми: яко земля еси и в землю отъидеши, таможе вся человецы пойдем, надгробное рыдание творяще песнь: аллилуиа.

Песнь 9-я: Бога человеком невозможно видети, на Него же не смеют чини Ангельстии взирати: Тобою бо Всечистая явися человеком Слово воплощенно, Егоже величающе, с небесными вой, Тя ублажаем.

Пли: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейше небес. Тем Тя Богородицу Ангелов и человек чиноначалия величают.

После шрисвяшаго поем тропари, гл. 4:

Со духи праведных скончавшихся душу раба Твоего (душу рабы Твоея / души раб Твоих) Спасе, упокой, сохраняя ю (их) во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и душу раба Твоего (душу рабы Твоея / души раб Твоих) яко един еси Человеколюбец.

Слава: Ты еси Бог, сошедый во ад и узы окованных разрешивый, Сам и душу раба Твоего (душу рабы Твоея / души раб Твоих) упокой.

И ныне: Едина чистая и непорочная Дево, Бога без Семене рождшая, моли спастися души его.

Посем ектения: Помилуй нас, Боже…

Отпуст и: Во блаженном успении вечный покой подаждь, Господи, усопшему рабу Твоему (усопшей рабе Твоей / усопшим рабом Твоим) (имярек) и сотвори ему (ей / им) вечную память.