Текст книги "Наши святые врачи"

Припев: Святый апостоле и евангелисте Луко, моли Бога о нас.

Дея́нии украша́емь Спа́совых апо́столов, сия́ от Бо́га подви́жимь ве́рным написа́л еси́, я́коже о́браз одушевле́нный при́сно* пребыва́ющь объяви́в, священнопропове́дниче всесла́вне.

Слава: Стал еси́ у́бо, Луко́, я́коже пости́г, богонача́льниче, жела́ний кра́йнейшее, Христу́ бо предста́л еси́, подае́маго от Него́ насыща́яся богови́дения. Те́мже тя вси ублажа́ем.

И ныне: Тя, Непристу́пнаго Бо́га носи́вшую на объя́тиих, на Небесе́х пое́маго от вся́кия си́лы и Тобо́ю нам да́рующа всегда́ спасе́ние, Богома́ти, велича́ем.

Молитва[42]42
  Приводится по изд.: Молитвы ко святым угодникам Божиим. М.: Паломник, 2009.


[Закрыть]

О святы́й Луко́, Бо́гом избра́нный и Ма́терию Бо́жиею благослове́нный, пропове́дниче по всей вселе́нней Ева́нгелия Христо́ва, му́чениче и апо́столе, помо́щниче всем моли́твенно призыва́ющим тя, помози́ и нам, непотре́бным рабо́м Госпо́дним, я́ко мы по мно́гим прегреше́ниям на́шим обрета́емся во тьме и се́ни сме́ртней[43]43
  Т. е. во смертном мраке.


[Закрыть], отдале́че от Бо́га отстоя́. Чрез то, стыдо́м посра́мленные, не и́мамы дерзнове́ния Го́спода моли́ти о проще́нии, призыва́ем тя, вели́кий свети́льниче Бо́жий, я́ко пребыва́ющаго в непреходя́щем Его́ све́те, моли́ о нас Го́спода, да поми́лует нас. Умоли́ Го́спода, святы́й Луко́, да обнови́т в нас страх Госпо́день, и́же любы́* привлека́ет, а грех отгоня́ет. Я́ко мы та́ко навы́кли греши́ти на всяк день и час, и во сне, я́ко не ве́мы слов Го́спода: бди́те, я́ко не зна́ете ча́са, егда́ хочу́ приити́[44]44
  Ср.: Мф. 24, 42.


[Закрыть], Он же мо́жет на всяк час призва́ти нас из сего́ привре́меннаго живота́ в ве́чный. Пробуди́ в нас, святы́й Луко́, страх и прему́дрость, о ни́хже святы́й царь и псалмопе́вец Дави́д рече́. Да твои́ми моли́твами улучи́м покая́ния сле́зы, и́миже вси на́ши ду́ши от греха́ очи́стятся. Я́ко мы в духо́вной слепоте́ и дебе́лости* су́ще не мо́жем пла́катися своего́ мертвеца́, си́речь* сами́х себе́, мно́ги же сле́зы, пото́ки слез потре́бно да пролие́м за мно́жество соде́янных грехо́в. Помози́ нам, неразу́мным, да уразуме́ем Писа́ние, е́же ты сам списа́л еси́, я́ко и́стинным ра́зумом уразуме́ем и́стинная словеса́, да бежи́м от греха́, я́ко от огня́, и вся си́лы прило́жим, да прибли́зит ны Бог. Да уразуме́ем, я́ко грех есть смерть, Бог же живо́т. Помози́ нам, святы́й Луко́, да то уразуме́вше, очи́стимся от греха́ и пре́йдем из сме́рти в живо́т. Да бу́дет нам Бог вся во всем. И ны́не, и во ве́ки да пребу́дем близ Него́, да́бы и нам, я́ко ти с Клео́пою, егда́ путеше́ствовали во Еммау́с, се́рдце и душа́ тре́петны бы́ша от прису́тствия Его́. Отню́дуже да сни́дет на ны мир Небе́сный, к Ца́рствию Небе́сному ны руководя́щий и ра́достны ны творя́щий, да возмо́жем стре́лы лука́ваго, на всяк час в нас испуща́еми, отгна́ти. С тем же улучи́м и любы́ Бо́жию, да руководи́т нас к ве́чному Оте́честву, иде́же вся Си́лы Небе́сныя, вси святи́и, Ма́ти Бо́жия пред ни́ми, Ея́же благо́й лик в ико́не, тобо́ю напи́санной, увекове́чен еси́. О́чи серде́ц на́ших да непреста́нно взира́ют на ту ле́поту и е́ю наслажда́ются, да цари́т в нас Ца́рство Небе́сное, в не́же ча́ем моли́твами твои́ми, святы́й Луко́, пресели́тися, егда́ нас Госпо́дь призове́т, да та́мо ве́чно сла́вим Бо́га во Святе́й Тро́ице, Безнача́льнаго Отца́, Единоро́днаго Сы́на и Пресвята́го Ду́ха, во вся бесконе́чныя ве́ки. Ами́нь.

Великомученик Пантелеимон[45]45
  ?–305 г., память 27 июля / 9 августа.


[Закрыть]

Святой великомученик Пантелеимон родился в Никомидии в семье знатного язычника Евсторгия. Он был назван Пантолеоном, что значит «по всему лев», так как родители желали видеть его мужественным и бесстрашным. Мать, святая Еввула, воспитывала мальчика в христианской вере, но рано окончила свою земную жизнь. Отец стремился дать отроку хорошее образование и потому определил его сперва в грамматическую школу, а затем к знаменитому в Никомидии врачу Ефросину для обучения медицине. Юноша превзошел в умениях и красноречии многих своих сверстников и был представлен императору Максимиану, что сулило ему в дальнейшем карьеру придворного врача.

Максимиан был жестоким язычником, одним из самых значительных его злодеяний было сожжение двадцати тысяч христиан в Никомидийской соборной церкви[46]46
  Память этого события 3/16 сентября, 28 декабря / 10 января.


[Закрыть]. Уцелевшие во время гонений верующие скрывались. Были среди них и священники Ермолай, Ермипп и Ермократ[47]47
  Прославлены в лике мучеников, память 26 июля / 8 августа.


[Закрыть], тайно проживавшие в то время в Никомидии. Дорога, по которой ходил Пантолеон к своему учителю, шла мимо уединенного домика пресвитера Ермолая, и тот нередко видел из окна спешащего куда-то благородного юношу. Однажды пресвитер пригласил Пантолеона войти и, расспросив того о родителях, вере и всей его жизни, стал излагать ему основы христианского учения. Умудренный Духом Святым, священник провидел, что этот молодой врач не только примет в сердце его слова, но и явится избранным сосудом благодати Божией.

Пантолеон стал приходить к духовному отцу ежедневно, укрепляясь в познании истинного Бога. Однажды, возвращаясь после занятий, он увидел на дороге мертвого ребенка, укушенного ехидной[48]48
  Ехидна – вид ядовитой змеи.


[Закрыть]. Ощутив в сердце острую боль и сострадание, юноша обратился к Богу с горячей молитвой и пообещал, что примет крещение и сделается рабом Божиим, если только оживет этот мальчик. И тут же на его глазах свершилось чудо воскрешения. Ехидну же, извивавшуюся рядом, разорвало пополам неведомой силой. С радостью и слезами, совершенно потрясенный, Пантолеон пришел к своему учителю, который тут же, в своем домике, крестил его и причастил Святых Христовых Таин.

Сделавшись христианином, святой продолжал свои обычные занятия и постепенно стал известен как хороший врач. Однажды к нему привели слепого, который до того безуспешно искал помощи у многих врачей и уже растратил на них все свое имение. Пантолеон, помолясь, коснулся пальцами глаз слепца, и тот прозрел. Он совершил это чудо в присутствии своего отца, и тот, отвергшись идолов, решил последовать за сыном и принять его веру.

После смерти родителя благодатный врач отдал все свое время страждущим, больным и убогим. Он не только безвозмездно лечил всех обращавшихся к нему, но и опекал сирот, посещал темницы, принося необходимое нуждающимся. Распространившаяся о нем молва вызвала зависть других врачей, и они донесли императору о его делах, творимых во имя Христово.

Будучи приведен к императору, мученик подтвердил перед ним свою христианскую веру и тут же, в ознаменование ее истинности, исцелил парализованного человека. Разъяренный властитель предал святого жесточайшим мукам. В это же время перед языческим судом предстали пресвитеры Ермолай, Ермипп и Ермократ, которым также была уготована мученическая кончина.

Великомученика Пантолеона бросали на растерзание зверям, истязали, привязав к дереву, и наконец, столкнувшись с бездейственностью издевательств, усекли мечом. Перед самой казнью Господь возвестил святому его новое имя – Пантелеимон, что значит «всемилостивый». С этим именем почитает его и Святая Православная Церковь. В честь великомученика Пантелеимона воздвигнуто множество храмов в разных странах мира. Самые древние из них – в Севастии Армянской[49]49
  Севастия Армянская – древний город на северовостоке Малой Азии. Ныне г. Сивас (Турция).


[Закрыть] и Константинополе – относятся к IV веку. Также по всему миру разошлись и частички мощей святого. Особенно много их на Святой Горе Афон. Честная глава великомученика хранится в Русском Афонском Свято-Пантелеимоновом монастыре. Сюда привозят сотни больных, которые получают исцеление по молитвам святого. Многие из них, будучи инославными, принимают после этого Святое Крещение. Икона великомученика Пантелеимона есть практически в каждом храме Русской Православной Церкви, он широко известен и почитается верующими как ходатай к Небесному Врачу – Господу Иисусу Христу – об исцелении болящих.

Составлено по источникам:

[Память] святого великомученика и целителя Пантелеимона // Минея июль. Ч. 3. М.: Издательский Совет Русской Православной Церкви, 2008. [Краткое житие].

Страдание святого великомученика Пантелеимона // Димитрий Ростовский, свт. Жития святых: В 12 т. Т. 11. Месяц июль. [Репринтное издание]. М.: Лествица, 2004.

Тропа́рь

глас 3

Страстоте́рпче святы́й и целе́бниче Пантелеи́моне, / моли́ Ми́лостиваго Бо́га, / да прегреше́ний оставле́ние / пода́ст душа́м на́шим.

Канон[50]50
  Приводится по изд.: Минея июль. Ч. 3. М.: Издательский Совет Русской Православной Церкви, 2008.


[Закрыть]

глас 2

Песнь 1

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный грех потреби́ло есть; препросла́вленный Госпо́дь сла́вно бо просла́вися.

Припе́в: Святы́й великому́чениче и целе́бниче Пантелеи́моне, моли́ Бо́га о нас.

Присту́пль усе́рдно ко Христу́, пре́жде сконча́ния, е́же о Христе́, мертвеца́ пе́рвее воздви́гл еси́. Ны́не же мя, пребога́те, умерщвле́на грехо́вным угрызе́нием, твои́ми моли́твами, о Пантелеи́моне, оживотвори́.

Припев: Святый великомучениче и целебниче Пантелеимоне, моли Бога о нас.

Возсия́, я́коже звезда́, нося́ в ю́ности ста́ростный и богому́дрый ра́зум, добро́тою же те́ла благоле́пие души́ стяжа́в, препросла́вленному Сло́ву яви́лся еси́ прекра́сен.

Припев: Святый великомучениче и целебниче Пантелеимоне, моли Бога о нас.

Умертви́вся ми́ру и во Христа́, блаже́нне, оде́явся ба́нею Креще́ния, был еси́ богоно́сен орга́н и прия́телище* де́йства Ду́ху, всем угожда́я, всех уврачу́я неду́ги.

Сла́ва: Прему́дрость сестру́ себе́ притвори́в* и прича́стник жи́зни ведо́м, от нея́ почти́лся еси́ и венце́м дарова́ний украси́лся еси́, Боже́ственныя зари́, блаже́нне, облиста́я све́тлостию.

И ны́не: Благослове́ньми, Пресвята́я Чи́стая, естество́, уда́лено преслуша́нием бы́вшее от Зижди́теля*, Христа́ ро́ждши, венча́ла еси́ и тле́ния свободи́ла еси́. Те́мже, ра́дующеся, вси ве́рнии Тя ублажа́ем.

Песнь 3

Ирмос: Процвела́ есть пусты́ня, я́ко крин*, Го́споди, язы́ческая неплодя́щая, Це́рковь прише́ствием Твои́м, в не́йже утверди́ся мое́ се́рдце.

Припев: Святый великомучениче и целебниче Пантелеимоне, моли Бога о нас.

Словеса́ Ду́ха услы́шав, был еси́ я́ко земля́ до́брая и благопло́дная, прие́мый се́мя многоце́нно и роди́вый, треблаже́нне, спасе́ние душа́м.

Припев: Святый великомучениче и целебниче Пантелеимоне, моли Бога о нас.

Умертви́л еси́ мудрова́ние змии́на угрызе́ния и ду́шу оживи́л еси́, богодохнове́нно возроди́вся и Царю́ всех предстоя́.

Припев: Святый великомучениче и целебниче Пантелеимоне, моли Бога о нас.

Посрами́л еси́ безбо́жное мучи́телей повеле́ние и ко Христу́ прите́кл еси́, вме́сто всех Сего́ стяжа́в, и был еси́, богому́дре, вели́кий купе́ц.

Слава: Ма́тере твоея́ благоче́стие возлю́бль, сла́вне, о́тчее же возненави́дел еси́ безбо́жие многомяте́жное, я́ко име́я ра́зум, лу́чшее избра́л еси́.

И ныне: Нося́й Боже́ственным манове́нием всю тварь, Госпо́дь на руку́ но́сится Твое́ю, Де́во. Его́же ны́не моли́ изба́вити от бед пою́щия Тя.

Го́споди, поми́луй. (Трижды.)

Седа́лен

глас 4

До́бляго* страда́льца благоче́стия Христо́ва восхва́лим све́тло Пантелеи́мона, ве́рнии, псалмы́, и пе́нии, и пе́сньми духо́вными, и́мже мучи́тельство неви́димаго врага́ си́лою Боже́ственною попра́ся и неду́гов исцеле́ние бога́тно от Го́спода дарова́ся творя́щим ве́рно Боже́ственный и честны́й пра́здник его́.

Слава: Ермола́я му́драго, му́чениче, словеса́ послу́шал еси́ и оста́вил еси́ а́бие* худо́жество земно́е, я́ко ме́рзко, я́ко не кре́пко, я́ко губи́тельно, име́я Христо́вы стра́сти, уче́ния жи́зни в се́рдце твое́м, неисце́льно стра́ждущим здра́вие, Пантелеи́моне, да́руя. Те́мже моли́ся о творя́щих любо́вию па́мять твою́.

И ныне: Треволне́нии страстны́ми, безсо́вестный аз, обурева́емь, Чи́стая, призыва́ю Тя те́пле: да не пре́зриши мене́, окая́ннаго, поги́бнути, бе́здну милосе́рдия ро́ждши, ра́зве бо Тебе́ наде́жды не и́мам, да не враго́м у́бо обра́дование и смех, наде́явся на Тя, явлю́ся, и́бо мо́жеши, ели́ко хо́щеши, я́ко Ма́ти су́щи всех Бо́га.

Песнь 4

Ирмос: Прише́л еси́ от Де́вы не хода́тай, ни А́нгел, но Сам, Го́споди, вопло́щся, и спасл еси́ всего́ мя, челове́ка. Тем зову́ Ти: сла́ва си́ле Твое́й, Го́споди.

Припев: Святый великомучениче и целебниче Пантелеимоне, моли Бога о нас.

После́дуя Влады́це любо́вию, расточи́л еси́ бога́тство ни́щим, себе́ обнажа́я к страда́нию, е́же и проше́л еси́, ве́чныя наде́жды прови́дев.

Припев: Святый великомучениче и целебниче Пантелеимоне, моли Бога о нас.

Хвале́ния Бо́гу же́ртву прине́сл еси́, я́ве возгнуша́вся и́дольских треб, все же шата́ние[51]51
  Т. е. превозношение, горделивое мудрование.


[Закрыть] нечести́вых, страстоте́рпче, попра́л еси́.

Припев: Святый великомучениче и целебниче Пантелеимоне, моли Бога о нас.

Снеда́емым за́вистию и гне́вом бори́мым, непобори́мую си́лу сим предста́вил еси́, му́чениче, и победи́л еси́ злочести́вое томле́ние, вооружи́вся.

Слава: И́же ста́рца Симео́на рука́ми держи́мый, ста́рца тя глаго́лы, Пантелеи́моне, улови́ к Боже́ственному разуме́нию и ко мно́гих спасе́нию и избавле́нию.

И ныне: Ю́ныя и де́вы во след Тебе́ потеко́ша, Де́ву и Отрокови́цу Тя и Ма́терь зря́ще, еди́на бо обоя́[52]52
  Т. е. то и другое – Девство и Материнство.


[Закрыть] во еди́но собрала́ еси́ несказа́нно, Богоневе́сто.

Песнь 5

Ирмос: Просвеще́ние во тьме лежа́щих, спасе́ние отча́янных, Христе́, Спа́се мой, к Тебе́ у́тренюю*, Царю́ ми́ра, просвети́ мя сия́нием Твои́м, ино́го бо, ра́зве Тебе́, бо́га не зна́ю.

Припев: Святый великомучениче и целебниче Пантелеимоне, моли Бога о нас.

Ра́достно по́двиги подъя́л еси́ муче́ния, огражде́н си́лою Боже́ственною, и, терпе́нием тве́рдо муче́ния подъе́мля, ра́дуяся, вопия́л еси́: ино́го бо, ра́зве Тебе́, бо́га не зна́ем.

Припев: Святый великомучениче и целебниче Пантелеимоне, моли Бога о нас.

На по́двиг борьбы́ вступи́в, блаже́нне, Боже́ственною си́лою превозмо́гл еси́ безбо́жных нечести́вое тира́нство и неи́стовство идолослуже́ния, обле́кся во Христа́, Судию́ и Венча́теля по́двигов.

Припев: Святый великомучениче и целебниче Пантелеимоне, моли Бога о нас.

Ю́ношеско ты противле́ние име́я и тве́рдостию души́ возставле́ние стяжа́в, вся́ку я́зву до́блественне претерпе́л еси́, и му́жеским, блаже́нне, умо́м, благода́тию Боже́ственнаго Креста́ укрепля́емь.

Слава: Несогла́сное отри́ну веща́ние заблу́ждших, Небе́сным уче́нием страда́лец и мно́гим спасе́нию пресла́вну бысть вино́вник, Твои́м де́йством, Христе́, укрепля́емь.

И ныне: Рече́ния прему́дрых, и гада́ния вся, Препросла́вленная, и проро́к прорече́ния Тя прообража́ху проявле́нно напосле́док бы́ти Бо́жию Роди́тельницу, ины́я бо, ра́зве Тебе́, чи́стыя, не зна́ем.

Песнь 6

Ирмос: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли*, Бо́же, мя возведи́.

Припев: Святый великомучениче и целебниче Пантелеимоне, моли Бога о нас.

И́долы ле́стныя оплева́л еси́ и возноси́мую пре́лесть упраздни́л еси́, чудоде́йствуя ди́вная и творя́ исцеле́ния, богому́дре.

Припев: Святый великомучениче и целебниче Пантелеимоне, моли Бога о нас.

Вене́чник[53]53
  Т. е. удостоившийся венца.


[Закрыть] показа́лся еси́, всеизря́дне, сквозе́ бо огнь ты проше́л еси́ и во́ду, и, на колеси́ протяза́емь, пресла́вно погуби́л еси́ безу́мныя.

Слава: Мучи́телей суровство́ низложи́в, неудо́бь носи́мая бие́ния теле́сная душе́вною кре́постию, пострада́л еси́, богому́дре, благода́тию.

И ныне: Содержа́й концы́ земли́, я́ко Бог, Твои́ми рука́ми, Чи́стая, держи́тся описа́нием те́ла, И́же Боже́ственным зра́ком неопи́санный.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 5

Подража́тель сый* Ми́лостиваго и исцеле́ний благода́ть от Него́ прие́м, страстоте́рпче и му́чениче Христа́ Бо́га, моли́твами твои́ми душе́вныя на́ша неду́ги исцели́, отгоня́ при́сно* борца́ собла́зны от вопию́щих ве́рно: спаси́ ны, Го́споди.

И́кос

Безсре́бреника па́мять, до́бляго* страда́льца, ве́рнаго целе́бника, благоче́стно воспое́м, христолю́бцы, да прии́мем ми́лость, па́че же оскве́рншии, я́коже и аз, своя́ хра́мы, душа́м бо и те́лом, возлю́бленнии, исцеле́ния подава́ет. Потщи́мся* у́бо, ве́рная бра́тия, в сердца́х на́ших име́ти его́ кре́пость, избавля́юща от ле́сти вопию́щия: спаси́ ны, Го́споди.

Песнь 7

Ирмос: Те́лу[54]54
  Т. е. тельцу.


[Закрыть] злато́му прему́дрыя де́ти не послужи́ша, и в пла́мень са́ми поидо́ша, и бо́ги их обруга́ша, среди́ пла́мене возопи́ша, и ороси́ я А́нгел: услы́шася уже́ уст ва́ших моли́тва.

Припев: Святый великомучениче и целебниче Пантелеимоне, моли Бога о нас.

Зако́нно стражда́ и победи́в врага́, приста́нище благоути́шно су́щим в мо́ри, сла́вне, обурева́емым был еси́, свет же су́щим во тьме жития́, и пе́ти научи́л еси́: благослове́н Бог оте́ц на́ших.

Припев: Святый великомучениче и целебниче Пантелеимоне, моли Бога о нас.

Блаже́н еси́, и добро́ тебе́ есть ны́не, преблаже́нне, восприи́мшему пребога́тную и блаже́нную наде́жду твою́, угото́ванную ве́рою Го́сподеви зову́щим: благослове́н Бог оте́ц на́ших.

Слава: Святы́х ду́ши, и пра́ведных ли́цы, и Безпло́тных чи́ни А́нгельстии прия́ша слико́вника тя, блаже́нне, мече́м бо усе́чен быв во главу́, пое́ши, ра́дуяся: благослове́н Бог оте́ц на́ших.

И ныне: Ору́жие, е́же пре́жде дре́ва живо́тнаго[55]55
  Т. е. Древа Жизни, которое произрастало в Эдеме.


[Закрыть] нас отлучи́вшее, ны́не, обраща́емо, прие́млет, зна́менавшияся Кро́вию, из ребр Сы́на Твоего́ изше́дшею, Пренепоро́чная. Благослове́на еси́, Бо́га пло́тию ро́ждшая.

Песнь 8

Ирмос: В пещь о́гненную ко отроко́м евре́йским снизше́дшаго и пла́мень в ро́су прело́жшаго Бо́га по́йте дела́, я́ко Го́спода, и превозноси́те во вся ве́ки.

Припев: Святый великомучениче и целебниче Пантелеимоне, моли Бога о нас.

Благоприя́тное твоея́ хи́трости душе́вное ослепле́ние о́тчее исцеля́ет, подаю́щее свет ве́рою, преблаже́нне, притека́ющим и ко Спа́су Христу́ наставля́ющее.

Припев: Святый великомучениче и целебниче Пантелеимоне, моли Бога о нас.

За Христа́ закла́н быв, к ве́чней жи́зни премину́л* еси́ и богозва́нен яви́лся еси́ именова́нием Бо́жиим, богому́дре. Тем почита́ем тя и превозно́сим Христа́ во ве́ки.

Слава: Вити́йское* отложи́в лю́тое му́дрых глумле́ние, Христо́вым призыва́нием боле́зненных страсте́й коре́ния посека́еши, исцеля́я превознося́щия Христа́ во ве́ки.

И ныне: Безсме́ртия зарю́ ве́мы исто́чника Тя, Богоро́дице, я́ко ро́ждшую Сло́во Безсме́ртнаго Отца́, всех сме́рти избавля́ющаго, превознося́щих Его́ во ве́ки.

Песнь 9

Ирмос: Безнача́льна Роди́теля Сын, Бог и Госпо́дь, вопло́щься от Де́вы, нам яви́ся омраче́нная просвети́ти, собра́ти расточе́нная. Тем Всепе́тую Богоро́дицу велича́ем.

Припев: Велича́й, душе́ моя́, в страстоте́рпцех пресве́тлаго свети́льникa[56]56
  В некоторых канонах девятая песнь имеет особые припевы.


[Закрыть].

Преста́вился еси́, ра́дуяся, к жела́нию коне́чному, иде́же всели́вся, преблаже́нне, блаже́нный коне́ц прия́ти вои́стину сподо́бился еси́, сый со Влады́кою твои́м во ве́ки безконе́чныя.

Припев: Велича́й, душе́ моя́, безсре́бреников похвалу́ и украше́ние.

Жела́ние получи́л еси́ и любве́ твоея́ исполне́ние, ка́плющей еще́ те́плей кро́ви, за Христа́ излия́вшейся, от Него́же, ра́дуяся, прия́л еси́ венцы́ по́двигов твои́х.

Припев: Велича́й, душе́ моя́, цели́теля неду́жных, по зва́нии всех ми́лующаго.

Львов уста́ и звере́й зия́ния*, я́коже Дании́л дре́вле, ты обузда́л еси́, весть бо стыде́тися, му́чениче, доброде́тели и безслове́сное естество́. Те́мже тя, пресла́вне, соше́дшеся, ублажа́ем.

Припев: Велича́й, душе́ моя́, цели́теля неду́жных, по зва́нии всех ми́лующаго.

Бога́тную бла́гость тебе́ Христо́с да́рует, сокро́вище исцеле́ний нам да́руя, и всеми́лостива изволе́нием тя пода́в вся́кому скорбя́щему, и приста́нище ти́хое, и предста́теля, и защи́тителя.

Припев: Велича́й, душе́ моя́, Чи́стую Де́ву и Еди́ну Богоро́дицу.

Я́ко руно́, Всенепоро́чная, дождь Небе́сный во утро́бе заче́нши, нам родила́ еси́ тишину́ Даю́щаго я́ко Бо́га Того́ пою́щим и Тя, Всепе́тую Богоро́дицу, пропове́дающим.

Молитва[57]57
  Приводится по изд.: Минея июль. Ч. 3. М.: Издательский Совет Русской Православной Церкви, 2008.


[Закрыть]

О вели́кий Христо́в уго́дниче и пресла́вный целе́бниче, великому́чениче Пантелеи́моне! Душе́ю на Небеси́ Престо́лу Бо́жию предстоя́й и Триипоста́сныя Его́ сла́вы наслажда́яйся, те́лом же и ли́ком святы́м на земли́ в Боже́ственных хра́мех почива́яй и да́нною ти свы́ше благода́тию разли́чная источа́яй чудеса́, при́зри ми́лостивным твои́м о́ком на предстоя́щия лю́ди и честне́й твое́й ико́не уми́льно моля́щияся и прося́щия от те́бе целе́бныя по́мощи и заступле́ния. Простри́ ко Го́споду Бо́гу на́шему те́плыя своя́ моли́твы и испроси́ душа́м на́шим оставле́ние согреше́ний. Се бо мы, за беззако́ния на́ша не сме́юще возвести́ оче́с на́ших к высоте́ Небе́сней, ниже́ вознести́ глас моле́бный к Его́ в Божестве́ непристу́пней сла́ве, се́рдцем сокруше́нным и ду́хом смире́нным тебе́, хода́тая ми́лостива ко Влады́це и моли́твенника за ны, гре́шныя, призыва́ем, я́ко ты прия́л еси́ благода́ть от Него́ неду́ги отгоня́ти и стра́сти исцеля́ти. Тебе́ у́бо про́сим: не пре́зри нас, недосто́йных, моля́щихся тебе́ и твоея́ по́мощи тре́бующих. Бу́ди нам в печа́лех уте́шитель, в неду́зех лю́тых стра́ждущим врач, напа́ствуемым ско́рый покрови́тель, очесе́м неду́гующим прозре́ния да́тель, ссу́щим[58]58
  Т. е. питающимся молоком матери.


[Закрыть] и младе́нцем в ско́рбех гото́вейший предста́тель и исцели́тель. Исхода́тайствуй всем вся, я́же ко спасе́нию поле́зная, я́ко да твои́ми ко Го́споду Бо́гу моли́твами получи́вше благода́ть и ми́лость, просла́вим всех благи́х Исто́чника и Даропода́теля, Бо́га Еди́наго, в Тро́ице Святе́й сла́вимаго, Отца́ и Сы́на и Свята́го Ду́ха ны́не, и при́сно, и во ве́ки веко́в. Ами́нь.