Текст книги "Редкие молитвы"

Молитва преподобного Антония Оптинского за врагов

Ненави́дящих и оби́дящих нас, рабо́в Твои́х (имена), прости́, Го́споди Человеколю́бче: не ве́дят бо, что творя́т, и согре́й их се́рдце на любо́вь к нам, недосто́йным.

Молитва от злобных людей

Го́споди, бла́га сотвори́ раба́ Твоего́ сего́ (имя) благода́тию Твое́ю!

Молитвы о семье

Молитва новобрачных (молитва Товии)

Когда они остались в комнате вдвоем, Товия встал с постели и сказал: встань, сестра, и помолимся, чтобы Госпо́дь помиловал нас. И начал Товия говорить:

Благослове́н Ты, Бог отцо́в на́ших, и благослове́нно и́мя Твое́ свято́е и сла́вное вове́ки! Да благословля́ют тебя́ небеса́ и все творе́ния Твои́!

Ты сотвори́л Ада́ма и дал ему́ помо́щницею Е́ву, подпо́рою – жену́ его́. От них произоше́л род челове́ческий. Ты сказа́л: нехорошо́ быть челове́ку одному́, сотвори́м помо́щника, подо́бного ему́.

И ны́не, Го́споди, я беру́ сию́ сестру́ мою́ не для удовлетворе́ния по́хоти, но пои́стине как жену́: благоволи́ же поми́ловать меня́, и дай мне соста́риться с не́ю!

И она́ сказала с ним: аминь. И оба спокойно спали в эту ночь (Тов 8:5–9).

Молитва преподобного Антония Оптинского о семье

В ру́це превели́каго милосе́рдия, о Бо́же, вруча́ю ду́шу мою́ и многоболе́зненное те́ло, му́жа, от Тебе́ мне да́ннаго, и всех возлю́бленных дете́й. Ты бу́ди Помо́щником на́шим и покрови́телем во всей жи́зни на́шей, во исхо́де на́шем и по кончи́не, в ра́дости и печа́ли, в сча́стии и несча́стии, в боле́зни и здоро́вье, в жи́зни и сме́рти, во всем да бу́дет с на́ми во́ля Твоя́ свята́я, я́ко на небеси́ и на земли́. Ами́нь.

Молитва апостолу Симону Зилоту желающих вступить в брак

Святы́й сла́вный и всехва́льный апо́столе Христо́в Си́моне, сподо́бивыйся прия́ти в дом твой в Ка́не Галиле́йстей Го́спода на́шего Иису́са Христа́ и Его́ Пречи́стую Ма́терь, Влады́чицу на́шу Богоро́дицу, и очеви́дцем бы́ти пресла́внаго чудесе́ Христо́ва, на бра́це твое́м явле́ннаго, претворе́ния воды́ в вино́! Мо́лим тя с ве́рою и любо́вию: умоли́ Христа́ Го́спода претвори́ти ду́ши на́ша из грехолюби́вых в боголюби́выя; сохрани́ и соблюди́ нас моли́твами твои́ми от искуше́ний диа́вольских и паде́ний грехо́вных, и испроси́ нам свы́ше по́мощь во вре́мя уны́ния и беспомо́щия на́шего; да не преткне́мся о ка́мень собла́зна, но неукло́нно ше́ствуем спаси́тельным путе́м за́поведей Христо́вых, до́ндеже дости́гнем о́ных блаже́нных оби́телей ра́йских, иде́же ты ны́не водворя́ешися и весели́шися. Ей, апо́столе Спа́сов! Не посрами́ нас, кре́пце на тя упова́ющих, но бу́ди нам помо́щник и покрови́тель во всем житии́ на́шем и помози́ нам благоче́стно и богоуго́дно житие́ сие́ вре́менное сконча́ти, благу́ю и ми́рную христиа́нскую кончи́ну получи́ти и до́браго отве́та сподо́битися на Стра́шнем Суде́ Христо́ве; да избежа́вше мыта́рств возду́шных и вла́сти лю́таго мироде́ржца, унасле́дуем Ца́рство Небе́сное и просла́вим великоле́пое и́мя Отца́ и Сы́на и Свята́го Ду́ха, во ве́ки веко́в. Ами́нь.

Молитва апостолу Андрею Первозванному о выборе достойного супруга

Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е, сла́вим и велича́ем апо́стольския труды́ твоя́, сла́дце помина́ем твое́ благослове́нное к нам прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чтим святу́ю па́мять твою́ и ве́руем, я́ко жив Госпо́дь, жива́ же и душа́ твоя́ и с Ним во ве́ки пребыва́еши на Небеси́, иде́же и лю́биши ны то́южде любо́вию, е́юже возлюби́л еси́ нас, егда́ Ду́хом Святы́м прозре́л еси́ на́ше е́же ко Христу́ обраще́ние, и не то́чию лю́биши, но и мо́лиши о нас Бо́га, зря во Све́те Его́ вся ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст нам вся потре́бная ко спасе́нию нас гре́шных; да я́коже ты а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от нас да и́щет не свои́х си, но е́же к созида́нию бли́жняго и о го́рнем зва́нии да помышля́ет. Иму́ще же тя предста́теля и моли́твенника о нас, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом во ве́ки веко́в. Ами́нь.

Молитвы о детях

Молитвы матери о своих детях, составленные преподобным Амвросием Оптинским

Го́споди, Ты Еди́н вся ве́си, вся мо́жеши и все́м хо́щеши спасти́ся и в ра́зум И́стины приити́. Вразуми́ чад мои́х (имена) позна́нием и́стины Твое́й и во́ли Твоея́ Святы́я, укрепи́ их ходи́ти по за́поведям Твои́м и мене́ гре́шнаго поми́луй. Ами́нь.

* * *

Милосе́рдный Го́споди, Иису́се Христе́, Тебе́ вруча́ю чад моих, кото́рых Ты дарова́л мне, испо́лни моле́ние мое́. Прошу́ Тебя́, Го́споди, спаси́ их путя́ми, и́миже Ты Сам ве́си. Сохрани́ их от поро́ков, зла, го́рдости, и да не косне́тся душ их ничто́, проти́вное Тебе́. Но ве́ру, любо́вь и наде́жду на спасе́ние да́руй им, и да бу́дет свя́т и непоро́чен пред Бо́гом их жи́зненный путь. Благослови́ и́х, Го́споди, да стремя́тся они́ ка́ждую мину́ту жи́зни свое́й исполня́ти Твою́ Святу́ю во́лю, дабы́ Ты, Го́споди, мог всегда́ пребыва́ти с ни́ми Ду́хом Твои́м Святы́м. Го́споди, научи́ их моли́тися Тебе́, да́бы моли́тва была́ им опорою, отра́дою в ско́рбех и утеше́нием жи́зни их, и да́бы моли́твою их спасались и мы, их роди́тели. А́нгелы Твои́ да храня́т их всегда́. Да бу́дут ча́да мои́ чутки к го́рю бли́жних свои́х, и да испо́лнят они́ Твою́ за́поведь любви́. И е́же согреша́т они́, то сподо́би их, Го́споди, принести́ покая́ние Тебе́, и Ты по Свое́й неизрече́нной ми́лости прости́ их. Когда́ же кончится жизнь их земна́я, то возьми́ их в Свои́ Небе́сныя Оби́тели, куда́ пу́сть веду́т они́ с собо́ю и други́х рабо́в Твои́х избра́нных. Моли́твами Пречи́стыя Ма́тери Твоея́ Богоро́дицы и Присноде́вы Мари́и и святы́х Твои́х (перечисляются все святые семьи), Го́споди, поми́луй нас, я́ко препросла́влен еси́ со Безнача́льным Твои́м Отце́м и с Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Молитва святой мученице Людмиле Чешской

Святая мученица Людмила – первая христианская княгиня Чехии. После ранней кончины супруга, князя Боривоя, Людмила вела строгую благочестивую жизнь, воспитывая в христианской вере своего сына Вратислава и внука Вацлава (Вячеслава). Жена Вратислава, Драгомира, хотя и притворялась христианкой, была верна языческим богам. Всем сердцем она ненавидела свекровь. Людмила, стремясь укрыться от гнева невестки, уехала из города, но нанятые невесткой убийцы настигли ее и задушили. Святая Людмила известна как покровительница и заступница бабушек, матерей, детей и внуков.

О, свята́я уго́днице Христо́ва, му́ченице княги́ня Людми́ло, первоуго́днице че́шския страны́ и сто́льнаго гра́да Пра́ги украше́ние, те́плая о нас пред Бо́гом моли́твеннице, се мы, многогре́шнии, смире́нно припа́дая, мо́лим тя, не попусти́ нам поги́бнути в ти́не грехо́в на́ших, но вознеси́ о нас моле́ние ко Го́споду, да поми́лует нас и да́рует нам покая́ние. О, преблага́я ма́ти Людми́ло, не забу́ди присеща́ти чад твои́х, а́ще бо и преста́вилася еси́ от нас в небе́сныя оби́тели. Вку́пе ж и со святы́м му́чеником и вну́ком твои́м Вячесла́вом, егда́ подрасте́ о́трок Вячесла́в, оте́ц его́, твой же сын, по обы́чаю того́ вре́мени испроси́ епи́скопа и иере́ев со всем при́чтом церко́вным призва́ть на него́ благослове́ние Бо́жие. Епи́скоп, отслужи́в в Це́ркви Пресвяты́я Богоро́дицы, поста́ви о́трока на ступе́ни хра́ма и благослови́ его́ та́ко: Го́споди Бо́же Иису́се Христе́, благослови́ сего́ о́трока, я́коже благослови́л еси́ пра́ведных Твои́х, Авраа́ма, Исаа́ка и Иа́кова, и венча́й его́, я́коже венча́л еси́ правове́рных царе́й, равноапо́стольных Константи́на и Еле́ну.

Та́ко же и ты, свята́я прама́терь его́, испроси́ и нам гре́шным Бо́жие благослове́ние на ча́да на́ша и на всех нас, да и мы многогре́шнии возблагодари́м Го́спода за подая́ние Его́ благода́ти. Да ку́пно с тобо́ю просла́вим Отца́, и Сы́на, и Свята́го Ду́ха и твое́ вели́кое заступле́ние о нас во ве́ки веко́в. Ами́нь.

Молитва за детей и крестников архимандрита Иоанна (Крестьянкина)

Сладча́йший Иису́се! Бо́же се́рдца моего́! Ты да́ровал мне дете́й по пло́ти, они́ Твои́ по душе́. И мою́ и их ду́ши искупи́л Ты Свое́ю неоцене́нною Кро́вию. Ра́ди Кро́ви Твоея́ Боже́ственныя умоля́ю Тебя́, сладча́йший мой Спаси́тель, благода́тью Твое́ю прикосни́сь се́рдца дете́й мои́х (имена) и кре́стников мои́х (имена), огради́ их стра́хом Твои́м Боже́ственным, удержи́ их от дурны́х накло́нностей и привы́чек, напра́вь их на све́тлый путь жи́зни, и́стины и добра́. Укра́сь жизнь их всем до́брым и спаси́тельным, устро́й судьбу́ их я́ко же Ты Сам хо́чеши, и спаси́ ду́ши их и́ми же ве́си судьба́ми! Го́споди, Бо́же отце́в на́ших! Де́тям мои́м (имена) и кре́стникам (имена) дай се́рдце пра́вое, что́бы соблюда́ть за́поведи Твои́, открове́ния Твои́ и уста́вы Твои́. И исполня́ть все это! Ами́нь.

Молитвы при телесных и душевных недугах

Молитва болящего, составленная преподобным Гавриилом Седмиезерским

Пресвята́я Богоро́дице Де́во, жи́ва су́щая и по сме́рти спаса́ющая при́сно насле́дие Твое́, услы́ши воздыха́ние души́ мое́й, призыва́ющей Тебя́ на по́мощь!

Сни́ди с небесе́, прииди́ и косни́ся ума́ и се́рдца моего́, откро́й зре́ние души́ моея́, да узрю́ Тя, Госпоже́ моя́, и Сы́на Твоего́, Созда́теля, Христа́ и Бо́га моего́, и уразуме́ю, что есть во́ля Его́ и чего́ лиша́юся аз. Ей, Госпоже́ моя́, потщи́ся по́мощью Твое́ю и моли́ Сы́на Твоего́, да присе́тит мя благода́тию Свое́ю, да уза́ми любви́ Его́ прико́ванный у ног Его́ пребу́ду вове́ки, а́ще в ра́нах и боле́зни, а́ще неду́гующий и рассла́бленный те́лом, но у ног Его́.

К Тебе́ взыва́ю, Го́споди Иису́се! Ты моя́ сла́дость, жизнь, здра́вие, ра́дость па́че ми́ра сего́ ра́дости, весь соста́в жи́зни моея́. Ты еси́ свет па́че вся́кого све́та. Ви́жу недви́жное от боле́зни те́ло мое́, чу́вствую расслабле́ние всех чле́нов мои́х, бо́ли в костя́х мои́х. Но, о све́те мой, как услажда́ют меня́ лучи́ све́та Твоего́, па́дающие на ра́ны мои́! Согре́тый теплото́ю их, забыва́ю все и у ног Твои́х слеза́ми мои́ми омыва́ю грехи́ мои́, возвыша́юся, светле́юся.

Сие́ еди́но прошу́ у Тебя́, Иису́се мой, – не отврати́ лица́ Твоего́ от меня́, дай мне ве́чно у ног Твои́х ра́достно опла́кивать грехи́ мои́, и́бо при виде Тебя́, Го́споди, покая́ние и сле́зы для меня́ услади́тельнее ра́достей всего́ ми́ра.

О, све́те, ра́дость моя́, сла́дость моя́, Иису́се! Не отри́ни же меня́ от ног Твои́х, Иису́се мой, но по моли́тве мое́й со мной при́сно бу́ди, да живя́ Тобо́ю, сла́влю Тя со Отце́м и Ду́хом вове́ки. Моли́твами Богоро́дицы и всех святы́х Твои́х услы́ши мя, Го́споди. Ами́нь.

Молитвы святителя Тихона Задонского об умиротворении беснующейся души и об укрощении страстей

Поми́луй мя Го́споди, Сы́не Бо́жий: душа́ моя́ зле бесну́ется. Го́споди, помози́ ми. Даждь ми, да насы́щуся и аз, я́ко пес от крупи́ц, па́дающих от трапе́зы рабо́в Твои́х. Ами́нь.

* * *

Поми́луй мя, Го́споди, Сы́не Бо́жий, Сы́не Дави́дов по пло́ти, я́коже поми́ловал еси́ ханане́ю: душа́ моя́ зле бесну́ется гне́вом, я́ростию, по́хотию зло́ю и про́чими па́губными страстьми́. Го́споди! Помози́ мне, вопию́ Тебе́, не на земли́ ходя́щему, но одесну́ю Отца́ на небесе́х седя́щему. Ей, Го́споди! Даждь мне се́рдце ве́рою и любо́вию после́довати Твоему́ смире́нию, бла́гости, кро́тости и долготерпе́нию, да и в ве́чном Твое́м Ца́рствии сподо́блюся причаща́тися трапе́зы рабо́в Твои́х, и́хже избра́л еси́. Ами́нь.

Благодарственные молитвы святого праведного Иоанна Кронштадтского за исцеление от болезней

Сла́ва Тебе́, Го́споди Иису́се Христе́, Сы́не единоро́дный безнача́льнаго Отца́, Еди́не исцеля́яй вся́кий неду́г и вся́ку я́зю в лю́дех, я́ко поми́ловал мя еси́, гре́шнаго, и изба́вил еси́ мя от боле́зни моея́, не попусти́в ей развитися и умертви́ти меня́ по грехо́м мои́м. Да́руй мне отны́не, Влады́ко, си́лу тве́рдо твори́ти во́лю Твою́ во спасе́ние души́ мое́й окая́нной и во сла́ву Твою́ со безнача́льным Твои́м Отце́м и единосу́щным Твои́м Ду́хом, ны́не и при́сно и во ве́ки веко́в. Ами́нь.

* * *

Моли́твами Богоро́дицы и всех святы́х Твои́х услы́ши мя, Го́споди. Ами́нь.

Молитвы об избавлении от страстей

Молитва ко Господу о прощении грехов

Признав свою неблагодарность и согрешения, пади со смирением пред милосердными Божиими очами и из глубины сердца взывай к Нему:

Согреши́х, Го́споди, поми́луй мя! Приими́ мя, заблу́ждшую овцу́ и сопричти́ избра́нному Твоему́ ста́ду! Дай мне се́рдце, Сердцеве́дче Бо́же, Тебе́ почита́ющее, Тебе́ боящееся, Тебе́ лю́бящее, во́ле Твое́й после́дующее! Наста́ви мя на путь твой, и пойду́ во и́стине Твое́й! При́зри на мя и поми́луй мя, по суду́ лю́бящих и́мя Твое́! Го́споди Бо́же сил! Обрати́ нас и просвети́ лице́ Твое́, и спасе́мся.

Молитва об избавлении от гордости, тщеславия и строптивости

Го́споди, научи́ раба́ Твоего́, в диа́вольскую го́рдость впа́дшаго, кро́тости и смире́нию, и отжени́ от се́рдца его́ мрак и бре́мя сатани́нской горды́ни!

Молитва от жадности и сребролюбия святого праведного Иоанна Кронштадтского

Сокро́вище на́ше нетле́нное и бога́тство неистощи́мое! Да́руй рабу́ Твоему́ сему́, сотворе́нному по о́бразу и подо́бию Твоему́, позна́ти ле́сть бога́тства, и я́ко вся земна́я – суета́, сень и со́ние. Я́ко трава́ дни вся́каго челове́ка, или́ я́ко пучи́на, и я́ко Ты, еди́н бога́тство, поко́й и ра́дость на́ша!

Ничем не озлобляйся, побеждай все любовью: всякие обиды, капризы, всякие неприятности семейные. Не знай ничего, кроме любви. Вини всегда искренно себя, признавая себя виновником неприятностей. Говори: я виноват, я грешен. Помни, что как ты немощен, так и ближний, а немощь за немощь уничтожается, и винить нечего немощных и грешных, аще они признаются в своей немощи. Диавола, сильнаго во зле, надо винити.

Молитва от зависти

Го́споди, просвети́ ум и се́рдце раба́ Твоего́ сего́ к позна́нию вели́ких, безчи́сленных и неизследи́мых даро́в Твои́х, и́хже прия́т от неисче́тных щедро́т Твои́х, во ослепле́нии бо стра́сти своея́ забы́ Тебе́ и дары́ Твои́ бога́тыя, и ни́ща себя́ бы́ти вмени́, бога́т сый бла́гами Твои́ми, и сего́ ра́ди зрит преле́стне на блага́я рабо́в Твои́х, и́миже, о пренеизглаго́ланная благосты́ня, ущедри́ши всех, коего́ждо проти́ву си́лы его́ и по наме́рению во́ли Твоея́. Отъими́, всеблаги́й Влады́ко, покрыва́ло диа́вола от о́чию се́рдца раба́ Твоего́ и да́руй ему́ серде́чное сокруше́ние и сле́зу покая́ния и благодаре́ния, да не возра́дуется враг о нем, за́живо уловленном от него́ в свою́ его́ во́лю и да не исто́ргнет его́ от руки́ Твоея́.

Молитва преподобного Нектария Оптинского на отгнание злых духов

Го́споди Иису́се Христе́, Сы́не Бо́жий, гряды́й суди́ти живы́х и ме́ртвых, поми́луй нас, гре́шных, прости́ грехопаде́ния всей на́шей жи́зни, и и́миже ве́си судьба́ми сокры́й нас от лица́ анти́христа в сокрове́нной пусты́не спасе́ния Твоего́.

Молитва об избавлении от страсти чревоугодия (обжорства)

Го́споди, сладча́йшее бра́шно на́ше, никогда́ же ги́блющее, но пребыва́ющее в живо́т ве́чный! Очи́сти раба́ Твоего́ сего́ (имя) от скве́рны чревообъеде́ния, всего́ плоть сотвори́вшегося и чу́ждого Ду́ху Твоему́, и да́руй ему́ позна́ть сла́дость Твоего́ животворя́щего духо́вного бра́шна, е́же есть Плоть и Кровь Твоя́ и свято́е, живо́е и де́йственное сло́во Твое́!

Молитва от пьянства

Го́споди, при́зри ми́лостиво на раба́ Твоего́, прельще́нного ле́стью чре́ва и плотско́го весе́лья. Да́руй ему́ позна́ть сла́дость воздержа́ния в посте́ и проистека́ющих от него́ плодо́в Ду́ха. Ами́нь.

Молитвы различно искушаемого и об отверзении очей духовных святителя Тихона Задонского

Го́споди! Спаси́ мя, погиба́ю. Се бо корабле́ц мой бе́дствует от искуше́ния волн, и близ потопле́ния есть. Ты, я́ко Бог милосе́рд и сострада́телен не́мощем на́шим, вла́стию Твое́ю всеси́льною запрети́ волне́нию бе́дствий, хотя́щих погрузи́ти мя и низвести́ во глубину́ зол, – и бу́дет тишина́, я́ко ве́тры и мо́ре послу́шают Тебе́. Ами́нь.

* * *

Поми́луй мя́, Го́споди, Сы́не Бо́жий. Умилосе́рдися, Иису́се, Сы́не Бо́жий. Да отве́рзутся о́чи мои́, да узрю́ свет Твой и иду́ по Тебе́.

Молитва Оптинских старцев о помощи в борьбе с грехами

Го́споди Иису́се Христе́, отжени́ от мене́ вся́кия неподо́бныя по́мыслы! Поми́луй мя, Го́споди, я́ко не́мощен есмь. Ты бо еси́ Бог мой, содержа́й ум мой, да не преодоле́ют его́ по́мыслы нечи́стыя, но в Тебе́, Творце́ мое́м, он да услажда́ется, я́ко велико́ есть и́мя Твое́ лю́бящим Тя.

Молитва преподобного Макария Оптинского об избавлении от плотской страсти

О, Ма́ти Го́спода моего́ Творца́, Ты еси́ ко́рень де́вства и неувяда́емый цвет чистоты́. О Богороди́тельнице! Ты ми помози́, немощству́ющему плотско́ю стра́стию и боле́зненну су́щу, еди́но бо с Тобо́ю Твоего́ Сы́на и Бо́га име́ю заступле́ние. Ами́нь.

Молитва преподобного Анатолия Оптинского (Потапова) от антихриста

Изба́ви мя, Го́споди, от обольще́ния богоме́рзкаго злохи́траго анти́христа близгряду́щаго, и укры́й мя от сете́й его́ в сокрове́нней пусты́не спасе́ния Твоего́. Даждь ми, Го́споди, кре́пость и му́жество тве́рдаго испове́дания и́мени Твоего́ Свята́го, да не отступлю́ стра́ха ра́ди диаво́льскаго, да не отреку́ся от Тебе́, Спаси́теля и Искупи́теля моего́, от святы́я Твоея́ Це́ркве. Но даждь ми, Го́споди, день и ночь плач и слезы о гресе́х моих и пощади́ мя, Го́споди, в час Стра́шнаго Суда́ Твоего́. Ами́нь.

Молитва преподобному Амвросию Оптинскому от страсти курения

Го́споди Иису́се Христе́! По моли́твам Твоего́ уго́дника, свято́го Амвро́сия, сде́лай чи́стыми мои́ ле́гкие от ды́ма, сде́лай се́рдце непрекло́нным к куре́нию и напо́лни его́ арома́том благода́ти Твое́й, что́бы ушла́ от меня́ страсть к куре́нию – туда́, отку́да появи́лась, в про́пасти а́дские. Ами́нь.

Молитва преподобного Никона Оптинского в скорби

Сла́ва Тебе́, Бо́же мой, за по́сланную мне ско́рбь, досто́йное по дело́м мои́м ны́не прие́млю. Помяни́ мя, егда́ прии́деши во Ца́рствии Твое́м, и да бу́дет на вся во́ля Твоя́ еди́на, блага́я и соверше́нная.

Обетная молитва преподобного Симеона Мироточивого

Святы́е Христо́вы предста́тели и арха́нгелы, проро́ки и апо́столы, му́ченики и иера́рхи, преподо́бные отцы́ пусты́нники и вы, мона́хи и преподо́бные же́ны, – изле́йте все моли́твы свои́ пе́ред Влады́кой всех, Го́сподом на́шим Иису́сом Христо́м. Да меня́ не осу́дит в день стра́шного и гро́зного испыта́ния, но да бу́дет мне в тот день и час ми́лостивый, споко́йный, утеши́тельный, и мне, ра́ди мо́литв Пречи́стой Свое́й Ма́тери и ва́ших святы́х, да даст перейти́ жи́зненную бу́рю, дости́гнуть ти́хого и и́стинного и не волну́ющегося приста́нища и ви́деть свет мой незаходи́мый, Го́спода и Спа́са и Бо́га моего́, царя́ Иису́са Христа́, Кото́рый в святы́не хвала́ Изра́иля. И́бо проро́к говори́т: «На Тебя́ наде́ялись на́ши отцы́ и не постыди́лись, на Тебя́ наде́ялись и спасли́сь».

Поэ́тому, о Го́споди, меня́, бе́дного, кото́рый наде́ется на ми́лость Твою́, не оста́вь, не оттолкни́ того́, кто согреши́л. Поми́луй, Спа́се, творе́ние Твое́, и́бо, отказа́вшись от красоты́ сего́ све́та, за Тобо́й потече́т, хваля́ и сла́вя свято́е и незло́бное и́мя Твое́, Отца́ и Сы́на и Свято́го Ду́ха, ны́не и при́сно и во ве́ки веко́в.

Молитва ежедневная иеросхимонаха Парфения Киевского

Го́споди, Иису́се Христе́, Сы́не Бо́жий, не попусти́, что́бы су́етность, самолю́бие, чу́вственность, нераде́ние, гнев госпо́дствовали на́до мно́ю и похища́ли меня́ у любви́ Твое́й. О Го́споди, Созда́тель мой, все упова́ние мое́! Не оста́ви меня́ без уде́ла во блаже́нной ве́чности; соде́лай, да и я после́дую свято́му приме́ру Твоему́. Да́руй мне сию́ чистоту́ ду́ха, сию́ простоту́ се́рдца, кото́рые де́лают нас досто́йными любви́ Твое́й. К Тебе́, о Бо́же мой, возношу́ ду́шу и се́рдце мое́, не попусти́ поги́бнуть созда́нию Твоему́, но изба́вь меня́ от велича́йшего и еди́нственного настоя́щего зла – греха́. Соде́лай, Го́споди, да переношу́ с таки́м же терпе́нием беспоко́йства и ско́рби душе́вные, с како́й ра́достью прие́млю удово́льствия серде́чные. Е́сли Ты хо́чешь, Го́споди, – мо́жешь очи́стить и освяти́ть меня́. Вот, я предаю́ себя́ Твое́й бла́гости, прося́ истреби́ть из меня́ все проти́вное Тебе́ и присоедини́ть к со́нму и́збранных Твои́х. Го́споди! Отними́ от меня́ пра́здность ду́ха, погубля́ющую вре́мя; су́етность мы́слей, меша́ющих Твоему́ прису́тствию и развлека́ющих внима́ние мое́ в моли́тве; е́сли же, моля́сь, я уклоня́юсь от Тебя́ мои́ми по́мыслами, то помоги́ мне, да́бы отвраща́я ум, не отвраща́л се́рдца от Тебя́. Испове́даю Тебе́, Го́споду Бо́гу моему́, все грехи́ моего́ беззако́ния, ны́не и пре́жде соде́янные пред Тобо́ю: отпусти́ мне их ра́ди и́мени Твоего́ свято́го и спаси́ ду́шу мою́, кото́рую Ты искупи́л драгоце́нною Кро́вию Твое́ю. Вруча́ю себя́ милосердию Твоему́, предаю́сь в волю́ Твою́, твори́ со мной по бла́гости Твое́й, а не по зло́бе и беззако́нию моему́. Научи меня́, Го́споди, располага́ть дела́ свои́ так, что́бы они́ соде́йствовали прославле́нию и́мени Твоего́ свято́го. Умилосе́рдись, Го́споди, о всех христиа́нах, услы́ши жела́ния всех вопию́щих к Тебе́, изба́ви от вся́кого зла и спаси́ рабо́в Твои́х (имена): пошли́ им отра́ду, утеше́ние в скорбя́х и ми́лость Твою́ святу́ю. Го́споди! Молю́ Тебя́ осо́бенно о тех, кото́рые меня́ чем-ли́бо оби́дели и опеча́лили, и́ли како́е-ли́бо зло сде́лали: не нака́зывай их меня́ ра́ди гре́шного, но проле́й на них бла́гость Твою́. Го́споди! Молю́ Тебя́ о всех, кото́рых я, гре́шный, опеча́лил, оби́дел и́ли соблазни́л сло́вом, де́лом, помышле́нием, ве́дением или неве́дением. Го́споди Бо́же! Отпусти́ нам грехи́ на́ши и взаи́мные оскорбле́ния; удали́, Го́споди, из серде́ц на́ших вся́кое негодова́ние, подозре́ние, гнев, злопа́мятность, ссо́ры и все, что мо́жет препя́тствовать любви́ и уменьша́ть братолю́бие. Поми́луй, Го́споди, тех, кото́рые поручи́ли мне, гре́шному и недосто́йному, моли́ться о них! Поми́луй, Го́споди, вся́кого прося́щего Твое́й по́мощи. Го́споди! Сотвори сей день днем милосе́рдия Твоего́, пода́й ка́ждому по проше́нию его́; бу́ди па́стырем заблу́дших, вожде́м и све́том неве́дущих, наста́вником нему́дрых, отцо́м си́рых, помо́щником угнете́нных, врачо́м больны́х, утеши́телем умира́ющих, и приведи́ нас всех к жела́нной це́ли – к Тебе́, Приста́нищу на́шему и блаже́нному упокое́нию. Ами́нь.