Текст книги "Литургия святого апостола Иакова"

Литургия святого апостола Иакова

Служение Литургии апостола Иакова было возрождено в Санкт-Петербургских духовных школах по инициативе митрополита Ленинградского и Новгородского Никодима (Ротова) и продолжено здесь же при митрополите, будущем Патриархе Алексии II.

Литургия оглашенных

Священнослужители облачаются и становятся в диаконнике. Священные книги [Евангелие, Апостол, Ветхий Завет (Библия)] полагаются на аналой в центре диаконника. Свет в алтаре погашен.

Предстоятель и сослужащие читают вполголоса молитвы, оставаясь в диаконнике:

Молитва предстоятеля о себе

Предстоятель тихо:

Оскверненнаго грехами многими, да не презриши мене, Владыко Господи Боже наш. Се бо приступих к божественному сему и пренебесному Твоему таинству, не яко сый достоин, но взирая на Твою благостыню. Глас Ти пущаю: Боже, милостив буди мне грешному: согреших на небо и пред Тобою, и несмь достоин воззрети на святую Твою сию и духовную трапезу, на нейже Единородный Твой Сын и Господь наш Иисус Христос, мною грешным и всякою скверною окалянным, тайно предлагается в жертву. Сего ради Тебе моление и благодарение приношу: ниспосли мне Духа Твоего Утешителя, укрепляющаго, утверждающаго мя к службе сей, и сподоби мя неосужденно проповедати людем возвещенный ми от Тебе глас, во Христе Иисусе Господе нашем, с Нимже благословен еси со Всесвятым и Благим и Животворящим и Единосущным Твоим Духом, ныне и присно, и во веки веков.

Клир: Аминь.

Молитва предстояния

Слава Отцу и Сыну и Святому Духу, Трóичному и Еди́ничному свету Божества, сущаго в Троице еди́ничне и разделяемаго нераздельне. Троица бо един Бог Вседержитель, Егоже славу небеса поведают, земля же Его владычество, и море Его державу, и всякая чувственная и умная тварь Его величество непрестанно проповедает. Яко тому подобает всякая слава, честь, держава, величие же и великолепие, ныне и присно, и во веки веков.

Клир: Аминь.

Молитва начинательная

Благодетелю и Царю веков, и всея твари Создателю, приими приходящую к Тебе чрез Христа Твоего Церковь Твою. Каждому полезное даруй, приведи всех к совершенству, и достойными нас соделай благодати освящения Твоего, собирая нас во святую твою соборную и апостольскую Церковь, юже стяжал еси честною кровию Единороднаго Сына Твоего, Господа же и Спаса нашего Ииуса Христа, с Нимже благословен еси и препрославлен со Всесвятым и Благим и Животворящим Твоим Духом, ныне и присно, и во веки веков.

Клир: Аминь.

Диакон: Господу помолимся.

Алтарник подает кадило.

Молитва фимиама пред входом

Боже, приемый Авелевы дары, Ноеву и Авраамову жертву, Аapoново и Захариино кадило, приими и от рук нас грешных фимиам сей в приятное благоухание – в прощение грехов наших и всех людей Твоих. Яко благословен еси, и подобает Тебе слава, Отцу и Сыну и Святому Духу, ныне и присно, и во веки веков.

Клир: Аминь.

Молитва пред пением Трисвятаго

Предстоятель гласно:

Щедрый и милостивый, долготерпеливый и многомилостивый и истинный Господи! При́зри от святаго жилища Твоего и услыши нас молящихся Тебе, и избави нас от всякаго искушения диавольскаго же и человеческаго, и не отстави от нас помощь Твою, и не наведи на нас наказания, превосходящаго силы наша. Ибо не имеем довольно сил побеждати противная. Ты же силен еси, Господи, спасати от всех противлений. Спаси нас, Боже, от бедствий мира сего по благости Твоей, яко да пришедше в чистей совести ко святому Твоему жертвеннику, блаженную и трисвятую песнь с пренебесными силами неосужденно возслем Ти, и благоприятную Ти и божественную совершив службу, сподобимся вечныя жизни.

Яко свят еси, Господи Боже наш, и во святых обитаеши и почиваеши, и Тебе славу и Трисвятую песнь возсылаем, Отцу и Сыну и Святому Духу, ныне и присно, и во веки веков.

Народ (хор): Аминь.

И поемТрисвятоетрижды или многажды, пока cвященнослужители исходят из диаконника вдоль южного нефа в западный притвор, неся СВЕЧИ, КАДИЛО и священные КНИГИ.

Став в центре западного притвора предстоятель читает молитву входа.

Молитва входа

Боже Вседержителю, Великоимените Господи, давый нам вход во Святое Святых пришествием Единороднаго Твоего Сына, Господа же и Бога, и Спаса нашего Иисуса Христа, молим и просим Твою благостыню, ибо в страхе и трепете пребываем, хотяще предстати святому Твоему жертвеннику: ниспосли на нас, Боже, благодать Твою благую, и очисти наша души и телеса и духи, и обрати помыслы наши ко благочестию, да в чистой совести принесем Тебе дары, даяния, плоды, во истребление согрешений наших и во умилостивление за вся люди Твоя. Благодатию и щедротами, человеколюбием Единороднаго Твоего Сына, с Нимже благословен еси во веки веков.

Народ (хор): Аминь.

И входим в храм (в центральную часть, перед солеей; свет в алтаре погашен), продолжая петь:

Слава, и ныне: Святый Безсмертный, помилуй нас!

Диакон: C силою!

И поем все вместе, громко:

Святый Боже, Святый Крепкий, Святый Безсмертный, помилуй нас!

По окончании Трисвятого предстоятель: Мир всем.

Народ: И духови твоему.

Чтение Пророчества

Чтец: Чтение пророчества Исаиина (или иной книги).

Диакон: Вонмем!

Чтение слушают все сидя.

После чтения встаем и поемАллилуиа.

Предстоятель:

Молитва перед чтением Евангелия

Благодарим Тебя, Господи, что Ты явил нам свет из мрака, и открыл духовные очи наши к уразумению дивных дел Твоих, и отверз уста наши для исповедания грехов наших и научения заповедям Твоим. Ты же и ныне, Владыко, прими молитву нашу, грешных и убогих слуг Твоих, и не презри моления нашего, но ради величия Твоего сохрани нас и собравшихся с нами для молитвы, и возжги в наших и их сердцах сияние божественных слов Евангелия Христа Твоего.

Ты бо еси благовестие и просвещение, спас и страж душ и телес наших, Боже, и Единородный Твой Сын, и Дух Твой Всесвятый, ныне и присно, и во веки веков.

Народ: Аминь.

Чтение Евангелия

Диакон: Прости, услышим святаго Евангелия.

Предстоятель: Мир всем.

Народ: И духови твоему.

Диакон: Чтение Святаго Евангелия от…

Другой диакон (или пресвитер, если диакон один): Вонмем святому чтению.

И читает диакон Евангелие. Все слушают стоя.

После чтения поем:

Слава Тебе, Господи, слава Тебе!

Чтение Апостола

Чтец: Чтение Послания святаго апостола Павла ко Ефесеем (или иной книги апостольской).

Диакон: Вонмем.

И читается Апостол. Все слушают сидя.

Проповедь

По окончании проповеди поем:

Слава Тебе, Господи, слава Тебе!

Свещеносцы отверзают святые врата, священнослужители входят в алтарь, неся книги. Свещеносцы вносят свечи в алтарь, зажигают свет в алтаре.

Сугубая ектения

Диакон: Рцем вси: Господи, помилуй.

Народ: Господи, помилуй (единожды на каждое прошение).

Господи Вседержителю, пренебесный Боже отец наших, молимтися, услыши.

О избавитися нам от всякия скорби, гнева, беды и нужды, пленения, горькия смерти и беззаконий наших, молимтися, услыши.

О предстоящих людех, ожидающих от Тебе богатыя и великия милости, молим Тя, буди благоутробен, и помилуй.

Предстоятель, благословляя народ:

Спаси, Боже, люди Твоя, и благослови достояние Твое!

Народ: Господи, помилуй.

Диакон: Призри на мир Твой милостию и щедротами.

Народ: Господи, помилуй.

Вознеси рог христиан, силою честнаго и животворящаго Креста, молитвою Пресвятыя, Благословенныя Владычицы нашея Богородицы, Предтечи, апостолов и всех святых Твоих, молим Тя, многомилостиве Господи, услыши нас, молящихся Тебе, и помилуй.

Народ: Господи, помилуй трижды.

Предстоятель:

Боже, огласивый нас божественными и спасительными Твоими словесами, просвети души нас грешных к восприятию преждечтеннаго, дабы не токмо слышателями быти духовных речений, но и творцами деяний благих, содержащими веру нелицемерну, жизнь незазорну, жительство неукорно, во Христе Иисусе Господе нашем, с Нимже благословен еси, со Всесвятым и Благим, и Животворящим Твоим Духом, ныне и присно, и во веки веков.

Народ: Аминь.

Литургия верных

Диакон: Да никто от оглашенных, да никто от непосвященных, да никто от не могýщих молитися с нами: Испытайте друг друга. Двери!

Всеобщая ектения

Диакон: Внемлем усерднее. В мире Господу помолимся.

Народ: Господи, помилуй (на каждое прошение).

Спаси, помилуй, ущедри и сохрани нас, Боже, Твоею благодатию.

О свышнем мире и Божием человеколюбии, и о спасении душ наших Господу помолимся.

Молитва предстоятеля о себе (св. Иакова)

(читается тихо во время ектении)

Призревый на нас милостию и щедротами, Владыко Господи, и даровавый дерзновение нам смиренным и грешным и недостойным рабом Твоим предстояти святому Твоему жертвеннику и приносити Тебе страшную сию и безкровную жертву о наших гресех и о людских неведениих, призри на мя, непотребнаго раба Твоего, и изглади моя прегрешения, благоутробия ради Твоего, и очисти моя уста и сердце от всякия скверны плоти и духа, и отстави от мене всякий помысл постыдный же и неразумный, и удовли мя, силою Всесвятаго Твоего Духа, в службу сию, и приими мя ради Твоея благости, приближающагося святому жертвеннику, и благоволи, Господи, приятным быти приносимым Тебе даром сим руками нашими, снисходяще моим немощем, и не отвержи мене от лица Твоего, ниже возгнушайся моего недостоинства, но помилуй мя, Боже, и по множеству щедрот Твоих презри беззакония моя, яко да неосужденно пришед пред славу Твою, сподоблюся покрова Единородного Твоего Сына и озарения Всесвятаго Твоего Духа, и не яко раб греха отвержен буду, но яко раб Твой обрету благодать и милость и оставление грехов, в сем и будущем веце. Ей, Владыко Вседержителю, Всесильне Господи, услыши моление мое: Ты бо еси вся действуяй во всех, и от Тебе вси чаем во всех помощи же и заступления, и от Единородного Твоего Сына и Животворящаго Духа, ныне и присно, и во веки веков. Аминь.

Диакон же читает ектению:

О мире всего мира и единении всех святых Божиих церквей Господу помолимся.

О спасении и заступлении святейшаго отца нашего Патриарха [имя] и преосвященнаго отца нашего митрополита [имя], всего причта и христолюбивых людей Господу помолимся.

О святей вселенстей и апостольстей Церкви, от конец до конец земли, Господу помолимся.

О граде нашем, всяком граде и стране, и о всех, в православной вере и благочестии Божием живущих в них, о мире и безмятежии их Господу помолимся.

О плодоносящих и добродеющих во святых Божиих церквáх и поминающих убогих, вдовиц, сирот, странников и в нужде сущих, и о заповедавших нам поминати их в молитвах Господу помолимся.

О престарелых и нéмощных, болящих и страждущих, и от духов нечистых стужаемых, и о скором их от Бога исцелении и спасении Господу помолимся.

О пребывающих в девстве, чистоте и подвиге, о живущих в честнóм браке, о подвизающихся в горáх, вертепах и пропастех земных, преподобных отцех и братиях Господу помолимся.

О плавающих, путешествующих, странствующих христианех, и о находящихся в пленении и изгнании, в темницах и на тяжких работах братиях наших, и о мирном возвращении каждого в дом свой с радостию Господу помолимся.

О предстоящих и молящихся с нами в час сей святый и во всякое время отцех и братиях, о тщании, труде и усердии их Господу помолимся.

И о всякой душé христианской, скорбящей и озлобленной, милости Божией и помощи требующей, и о обращении заблудших, о здравии болящих, о освобождении плененных, о упокоении прежде почивших отец и братий Господу помолимся.

О отпущении грехов и прощении согрешений наших, и о избавлении нас от всякия скорби, гнева, беды и нужды, и от нападения врагов Господу помолимся.

О благоприятной погоде, о дождях тихих, о росах благотворных, о изобилии плодов, о совершенном плодородии и о венце лета Господу помолимся.

Дабы услышанному и благоприятному быти молению нашему пред Богом, и дабы ниспослал Он нам богатыя милости и щедроты Господу помолимся.

День весь совершен, свят, мирен и безгрешен прейти, вси у Господа просим.

Народ: Подай, Господи (на каждое прошение).

Ангела мирна, верна наставника, хранителя душ и телес наших у Господа просим.

Прощения и оставления грехов и прегрешений наших у Господа просим.

Добрых и полезных душам нашим, и мира мирови у Господа просим.

Прочее время живота нашего в мире и здравии скончати нам у Господа просим.

Христианския кончины живота нашего, неболезненны и непостыдны, и добраго ответа на страшнем и трепетнем судищи Христове просим.

Пресвятую, Пречистую, Преславную, Благословенную Владычицу нашу Богородицу и Приснодеву Марию, святых и блаженных Иоанна, славнаго Пророка, Предтечу и Крестителя, Стефана перводиакона и первомученика, Моисеа, Аарона, Илию, Елисея, Самуила, Давида, Даниила пророки, и вся святыя и праведныя помянем, яко да молитвами и молениями их вси помиловани будем.

Народ: Господи, помилуй трижды.

Предстоятель гласно: Владыко Животворче и Податель благ, давый человекам блаженную надежду жизни вечныя – Господа нашего Иисуса Христа! Сподоби нас, Благий, во освящении совершити и сию Божественную службу Тебе, в наслаждение будущаго блаженства.

И раскрывают антиминс, возглашая:

Яко да под державою Твоею всегда храними и ко свету Истины путеводими, Тебе славу и благодарение возсылаем Отцу и Сыну и Святому Духу, ныне и присно, и во веки веков.

Народ: Аминь.

И входят диаконы в алтарь малыми дверьми.

Великий вход

Алтарник подает кадило.

Хор: Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Господь господствующих приходит заклатися и датися в снедь верным.

Во время пения предстоятель совершает каждение трапезы, алтаря и людей по обычаю.

По каждении целует иерей святую трапезу, и поклонившись народу, отходит с диаконом в предложение. Здесь пресвитеры умывают РУКИ. И приготовляют ХЛЕБ, полагая на ДИСКОС. В ПОТИР вливают ВИНО, смешанное с ВОДОЙ. И подает предстоятель диакону дискос. Иерей же берет потир, и так творят ВХОД в преднесении свечей и кадила.

Достигнув амвона, станут священнослужители, несущие святые дары, на нижней его ступени.

Предстоятель читает молитву предложения лицом к народу.

Молитва предложения

Боже, Боже наш, Небесный хлеб пищу всему миру, Господа нашего Иисуса Христа пославый Спаса и Избавителя и Благодетеля, благословяща и освящающа нас, Сам благослови и предложение сие и приими его (и поворачивается к востоку) в пренебесный Твой жертвенник. Помяни, яко Благ и Человеколюбец, принесших, и ихже ради принесоша, и нас неосужденными сохрани во священнодействии Божественных Твоих Таин. Яко святися и прославися всечестное и великолепое Имя Твое, Отца и Сына и Святаго Духа, ныне и присно, и во веки веков.

Народ: Аминь.

Священнослужители входят в алтарь.

И продолжают певцы Херувимскую песнь:

Предходят же сему лицы ангельстии со всяким началом и властию, многоочитии херувимы, и шестокрилатии серафими, лица закрывающе, и вопиюще песнь: аллилуиа, аллилуиа, аллилуиа.

Алтарник подает кадило.

Предстоятель кадит предложенные Дары c молитвой (во время пения «Предходят же сему…»):

Молитва фимиама

Владыко Вседержителю, Царю славы, вéдый вся прежде бытия их, Сам прииди к нам, во святый час сей призывающим Тя, и избави нас от постыдных грехов, очисти наш ум и помышления от нечистых похотей и мирския прелести и всякаго диавольскаго действа, и приими от рук нас грешных фимиам сей, якоже приял еси приношение Авелево, и Ноево, и Аароново, и Самуилово, и всех святых Твоих, избавляя нас от всякаго деяния лукаваго и спасая, дабы нам всегда благоугождати, и покланятися, и славити Тебе, Отца, и Единороднаго Твоего Сына, и Духа Твоего Всесвятаго, ныне и присно, и во веки веков. Аминь.

Диаконы, взяв благословение, исходят малыми дверями и станут на солее лицом к людям.

Символ веры

Диакон: В Премудрости вонмем.

И говорит народ весь:

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша, Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И восшедшаго на небеса, и седяща одесную Отца. И паки грядущаго со славою, судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину святую, соборную и апостольскую Церковь. Исповедую едино крещение во оставление грехов. Чаю воскресения мертвых; и жизни будущаго века. Аминь.

Диакон: Станем добре. В мире Господу помолимся.

Предстоятель:

Боже и Владыко всех, достойными нас соделай часа сего, недостойных, Человеколюбче, да очистившеся от всякаго коварства и всякаго лицемерия, соединимся друг другу союзом мира и любви, укрепляемые святынею Твоего богопознания, чрез Единороднаго Твоего Сына Господа и Спаса нашего Иисуса Христа, с Нимже благословен еси, со Пресвятым, и Благим, и Животворящим Твоим Духом, ныне и присно, и во веки веков.

Народ: Аминь.

Диакон: Возлюбим друг друга лобзанием святым.

Народ: Возлюблю Тя, Господи, Крепосте моя, Господь Утверждение и Прибежище и Избавитель мой.

И все дают друг другу ЦЕЛОВАНИЕ МИРА – иереи в алтаре, диаконы на солее, народ в храме.

Диакон: Главы наша Гóсподеви приклоним.

Народ: Тебе, Господи.

Предстоятель, приклонив главу:

Молитва главопреклонная

Едине Господи и милостиве Боже, в вышних живый и на смиренныя призираяй, ниспосли благодать Твою благую нам, приклоншим выи своя пред святым Твоим жертвенником, и просящим у Тебе духовныя дары, и благослови всех нас всяким благословением духовным и неотъемлемым.

Яко хвально и поклоняемо, и препрославлено есть Всесвятое имя Твое, Отца и Сына и Святаго Духа.

Народ: Аминь.

Диакон, лицом к святым дверям и ко святей трапезе: Господи, благослови.

Предстоятель:

Господь да благословит наc, и да поспешит нам, и достойными да сотворит нас предстояния святому Своему жертвеннику и пришествия (знаменует дискос) Святаго Своего Духа (знаменует чашу), Своею благодатию и человеколюбием, всегда, ныне и присно, и во веки веков.

Народ: Аминь.

Предстоятель:

Слава в вышних Богу, и на земли мир, в человецех благоволение (дважды).

Господи устне мои отверзеши, и уста моя возвестят хвалу Твою (единожды).

Да исполнятся уста моя хваления Твоего, Господи, яко да воспою славу Твою, весь день великолепие Твое (единожды).

И вместе с сослужащими поет лицом к народу: Возвеличите Господа со мною, и вознесем имя Его вкупе.

Народ: Дух Святый найдет на тя, и Силы Вышняго осенит тя.

Предстоятель:

Боже, по многому и неизреченному человеколюбию ниспославый Единородного Твоего Сына в мир, да заблуждшее возвратит овча, не отвратися от нас грешных, вручающих Ти страшную сию и безкровную жертву: Ибо не на правды наша уповаем, но на милость Твою благую, еюже род наш соблюдаеши. И ныне молимся и просим Твою благостыню: да не будет во осуждение людем Твоим устроенное нам сие ко спасению таинство, но во оставление грехов, во обновление душ и телес, во благоугождение Тебе, Богу и Отцу.

Диакон: Станем добре, станем благочестне, станем со страхом Божиим и сокрушением. Вонмем: святое возношение в мире Богу приносити.

И входят диаконы в алтарь малыми дверями.

Народ (хор): Милость, мир, жертву хвеления.

Выйдя из святых дверей, предстоятель на солее возглашает к людям, подняв правую руку:

Любовь Бога и Отца, и благодать Господа и Бога Спаса нашего Иисуса Христа, и причастие и дар Всесвятаго Духа буди со всеми вами.

И благословляет людей.

Народ (хор): И со духом твоим.

Предстоятель, воздев руки, лицом к людем, возглашает:

Горе имеим ум и сердца.

Народ (хор): Имамы ко Господу.

Предстоятель: Благодарим Господа.

И сложив крестообразно руки свои на груди, покланяется людям, и возвращается ко святей трапезе.

Народ (хор): Достойно и праведно.

Предстоятель, приклонив главу и мало простер пред собою руки ко святой трапезе молится так, творя благодарение:

Анафора

Воистинну достойно есть и праведно, лепо же и потребно Тя хвалити, Тя пети, Тебе кланятися, Тя славословити, Тя благодарити, всякия твари видимыя и невидимыя Содетеля, Сокровище вечных благ, Источника жизни и бессмертия, всяческих Бога и Владыку, Егоже поют небеса и небеса небес, и вся силы их, солнце же и луна, и весь звездный лик, земля, море, и вся яже в них, Иерусалим пренебесный, собор избрáнных, Церковь перворожденных, написанных на небесех, дуси праведных и пророков, души мучеников и апостолов, ангели, архангели, престолы, господствия, начала же и власти, и силы страшныя, херувимы многоочитии, и шестокрилатии серафими, двема крилами покрывающие лица своя, двема же ноги, и двема летающе взывают друг ко другу неусыпными усты, немолчными славословеньми:

Возгласно: Победную песнь великолепныя Твоея славы, светлым гласом поюще, вопиюще, славословяще, взывающе и глаголюще:

Народ (хор): Свят, Свят, Свят Господь Саваоф, исполнь небо и земля славы Твоея. Осанна в вышних! Благословен грядый во Имя Господне! Осанна в вышних!

Предстоятель:

Свят еси (знаменует дискос), Царю веков и всякия святыни Господи и Подателю (знаменует чашу). Свят и Единородный Твой Сын, Господь наш Иисус Христос, Имже вся сотворил еси (знаменует обоя). Свят же и Дух Твой Всесвятый, проницаяй всяческая и глубины Твоя, Бога и Отца. Свят еси, всесильне, страшне, блаже, благоутробне, наипаче сострадаяй созданию Твоему, сотворивьй от земли человека по образу Твоему и подобию, и даровавый ему наслаждение райское, преступившаго же заповедь Твою и отпадшаго, сего не презрел еси, ниже оставил еси, Блаже, но наказал его яко благоутробный Отец. Призвал его чрез Закон, назидал его чрез пророков, напоследок же Самаго Единороднаго Твоего Сына, Господа нашего Иисуса Христа ниспослал в мир, дабы, Сам пришед, Твой обновити и восставити образ.

И снизшед с небесе и воплотився от Духа Свята и Марии Святыя Приснодевы и Богородицы, пребыл среди человеков и вся устроил ко спасению рода нашего. Безгрешен, восхотев же вольную и животворящую крестную смерть прияти за нас грешных, в нощь, когда предан был, паче же сам себе предал за мира живот и спасение (берет левой рукой хлеб, немного приподняв): взяв хлеб во святыя и пречистыя и бессмертныя Своя руки, воззрев на небеса, и показав Тебе, Богу и Отцу, благодарив, благословив, освятив (знаменует хлеб и перекладывает его в правую руку), преломив, подал святым и блаженным Своим учеником и апостолом, рек:

Возгласно: Приимите, ядите, сие есть Тело Мое, еже за вы ломимое и предаéмое во оставление грехов.

И полагает хлеб на дискос.

Народ: Аминь.

Предстоятель приподнимает чашу, говоря: Такожде же после вечери, взяв чашу и растворив от вина и воды, зряще на небеса и показав Тебе, Богу и Отцу, и благодарив, освятив (знаменует чашу), исполнив Духа Свята, подаде святым и блаженным Своим учеником и апостолом, рек:

Возгласно: Пийте от нея вси, сия есть Кровь Моя Новаго Завета, яже за вы и за многи изливаемая и предаéмая во оставление грехов.

И поставляет чашу на святую трапезу.

Народ: Аминь.

Предстоятель: Сие творите в Мое воспоминание: Ибо всякий раз, егда ядите хлеб сей и чашу сию пиете, смерть Сына Человеческаго возвещаете и воскресение Его исповедуете, дондеже не приидет.

Диакон, лицом ко святей трапезе, возглашает:

Веруем и исповедуем.

Народ (хор): Смерть Твою, Господи, возвещаем и воскресение Твое исповедуем!

Предстоятель знаменует дискос, чашу и молится, преклонив главу:

Поминающе убо и мы, грешнии, животворящия Его страдания, спасительный крест, и смерть, и погребение, и тридневное из мертвых воскресение, и на небеса восхождение и одесную Тебе, Бога и Отца седение, и второе славное, страшное Его пришествие, егда приидет со славою судити живая и мертвыя, егда хощет коемуждо воздати по делом его,

пощади ны, Господи Боже (трижды),

наипаче же по благоутробию Своему, приносим Ти, Владыко, страшную сию и бескровную жертву, моляще да не по грехом нашим, ниже по беззакониям нашим воздаси нам, но по Твоему снисхождению и неизреченному Твоему человеколюбию призрев и изгладив рукописание грехов наших Тебе молящихся, подаси нам небесная и вечная твоя дарования, ихже око не виде, и ухо не слыша, и на сердце человеческое не взыде, яже Ты уготова любящим Тя, и не ради моих грехов отринеши люди Твоя, Человеколюбче Господи.

И поет с пресвитерами, немного воздев руки: Людие бо Твои и Церковь Твоя молят Тя.

Народ отвечает: Помилуй нас, Господи Боже Отче Вседержителю.

И так трижды.

Предстоятель, преклонив главу с воздетыми руками:

Помилуй нас, Боже Вседержителю, помилуй нас, Боже Спасителю наш, помилуй нас, Боже, по велицей милости твоей, и ниспосли на ны и на предлежащия святыя дары сия Духа Твоего Всесвятаго, Господа животворящаго, сопрестольнаго Тебе, Богу и Отцу и Единородному Твоему Сыну, соцарственнаго, единосущнаго и совечнаго, и глаголавшаго Законом и Пророки и Новым Твоим Заветом, сошедшаго в виде голубине на Господа нашего Иисуса Христа, во Иордане реце и пребывающаго на Нем, сошедшаго на святыя Твоя апостолы в виде огненных язык в горнице Святаго и славнаго Сиона в день святыя Пятидесятницы, сего Духа Твоего Всесвятаго ниспосли, Владыко, на ны и на предлежащия святыя дары сия да посетив святым и благим и славным Своим наитием, освятит и сотворит хлеб убо сей Телом святым Христовым (и знаменует хлеб).

Диакон (и все): Аминь.

Предстоятель:

И чашу сию Кровию честнóю Христовою (и знаменует чашу).

Диакон (и все): Аминь.

Предстоятель обоя не знаменует, но говорит:

Да будут всем иже от них причащающимся во оставление грехов и в жизнь вечную, во освящение душ и телес, во плодоношение дел благих, во утверждение святыя Твоея Соборныя и Апостольския Церкве, юже основал еси на камени веры, да врата адова не одолеют ей, избавляя ю от всякия ереси и от соблазна делающих беззаконие, сохраняя ю даже до скончания веков (и знаменует дискос и чашу раздельне).

Предстоятель:

Приносим Ти Владыко, и о святых Твоих мéстех, ихже прославил еси Богоявлением Христа Твоего и наитием Всесвятаго Твоего Дуxa, наипаче же о святем и славнем Сионе, матери всех церквей, и о святей Твоей Соборней и Апостольстей Церкви по всей вселенной, и богатыя дары Всесвятаго Твоего Духа ныне подаждь ей, Владыко.

Народ: Подай, Господи.

Помяни, Господи, и иже в ней святыя отцы наши и епископы, иже во всей вселенней православно правящия слово Твоея истины.

Народ тихо поет: Помяни, Господи, Боже наш.

И поют все время, пока иереи читают: В первых помяни, Господи Боже наш, святейшаго отца нашего Патриарха [имя] и преосвященнаго отца нашего Митрополита [имя], старость им честную подаждь, многолетными их сохрани, пасущими народ Твой во всяком благочестии и досточестии.

Помяни, Господи, зде и повсюду честное пресвитерство, во Христе диаконство, прочее всякое служение, весь церковный чин и во Христе братство наше и весь христолюбивый народ.

Помяни, Господи, сопредстоящих нам иереев, служащих во святый час сей пред Святым Твоим жертвенником и приносящих Святую и Безкровную Твою жертву и даждь им и нам слово при отверзении уст наших, во славу и восхваление Всесвятаго имени Твоего.

Предстоятель о себе: Помяни, Господи, по множеству милости Твоея, и мене смиреннаго, и грешнаго, и недостойнаго раба Твоего, и призри на мя милостию и щедротами, и избави и свободи от гонящих мя, Господи, Господи сил, и не вниди в суд с рабом Твоим, и понеже умножися во мне грех, да преизбыточествует Твоя благодать.

Помяни, Господи, и святый Твой жертвенник окружающия диаконы, подаждь им жительство непорочно, чисто служение их сохрани, и на степени лучшия возведи.

Помяни, Господи, град наш и всякий град и страну, и в православной вере и благочестии живущия в них и подаждь им мир и безмятежие.

Помяни, Господи, богохранимую страну нашу и вся верныя люди ея. Подаждь им помощь с небесе, устрой их советы, яко да мирное и тихое житие поживем во всяком благочестии и досточестии.

Помяни, Господи, плавающия, путешествующия, странствующия христианы, во узах и темницех, в пленении и изгнании, в рудах и мучениях, и в горьких работах сущия отцы и братию нашу, мирное возвращение каждого в дом свой.

Помяни, Господи, в старости и немощи сущих, болящих, дряхлых и от духов нечистых стужаемых, от Тебе, Бога, скорое исцеление и спасение чающих.

Помяни, Господи, всякую душу христианскую, скорбящую и умученную, милости и помощи от Тебе, Бoгa, требующую.

Помяни, Господи, в девстве и соблюдении и подвизе пребывающих, и в горах и вертепех и пропастех земных подвизающихся, отцы и братию наша, и все по местом православных соборы, и зде во Христе собор наш.

Помяни, Господи, всех во благое, всех помилуй, Владыко, всех нас примири. Умири множество людей Твоих. Истреби соблазны, упраздни брани. Умири разделения церквей. Ересей востания скоро утоли. Твой мир и Твою любовь подаждь нам, Боже, Спасителю наш, упование всех концев земли.

Подаждь нам, Господи, благорастворение воздýхов, дожди мирныя, рóсы благия, плодов изобилие, совершенное плодородие, и венец лета благости Твоея. Ибо очи всех на Тя уповают и Ты даеши пищу им во благовремении, отверзаеши Ты руку Твою, и исполняеши всяко животно благоволения.

Помяни, Господи, плодоносивших и плодоносящих во святых Божиих церквах и поминающих убогия, и заповедывавших нам поминати их в молитвах.

Еще сподоби помянути, Господи, и всех принесших приношения сия в днешний день на святый Твой жертвенник, и всех, о ком каждый принес и кого мы помянули и вмале прочли.

Помяни, Господи, и родители наша, сродники и други.

(Здесь каждый из предстоящих поминает, кого хочет помянуть).

Сих всех помяни, Господи, кого мы помянули, и кого не помянули, православных. Воздаждь им вместо земных небесная, вместо тленных нетленная, вместо временных вечная, по обетованию Христа Твоего, ибо у Тебя – жизни и смерти власть.

Еще помянути сподоби, Владыко, от века Тебе благоугодивших по родам, святыя отцы, патриархи, пророки, апостолы, мученики, исповедники, учители, преподобныя, и всякий дух праведный в вере скончавшийся.

Здесь прекращают петь. Предстоятель читает в тишине:

Помяни, Господи, архангельский глас глаголющий: «Радуйся, Благодатная, Господь с Тобою, благословенна Ты в женах, и благословен плод чрева Твоего, яко Спаса родила еси душ наших».

Возгласно: Изрядно о Пресвятей и Преблагословенней Пречистей Владычице нашей Богородице и Приснодеве Марии.

И вновь народ: Помяни, Господи, Боже наш.

Предстоятель:

Святаго Иоанна славнаго пророка, Предтечу и Крестителя, святыя апостолы, святыя пророки и патриархи, и праведныя, святыя мученики и исповедники. Помяни, Господи Боже, святыя отцы наша и архиепископы и всякую плоть, юже помянухом и юже не помянухом. Тамо их упокой, во стране живых, во Царствии Твоем, в наслаждении рая в недрех Авраама, и Исаака, и Иакова святых отец наших, отнюдуже отбежит болезнь, печаль и воздыхание, идеже присещает свет Лица Твоего и просвещает непрестанно. Скончание же живота нашего христианское и благоугодное, и безгрешное в мире устрой, Господи, собирая нас под ноги избрáнных Твоих, егда хощеши и како хощеши, едине токмо без стыда и прегрешений, ради Единороднаго Твоего Сына, Господа же и Бога и Спаса нашего Иисуса Христа, Той бо един есть безгрешен явивыйся на земли.