Текст книги "Христос Воскресе! Пасхальный молитвослов"

Пасхальный молитвослов

РЕКОМЕНДОВАНО К РАСПРОСТРАНЕНИЮ ИЗДАТЕЛЬСКИМ СОВЕТОМ РУССКОЙ ПРАВОСЛАВНОЙ ЦЕРКВИ

ИС Р16-613-3189

К читателю

Богослужения и молитвословия православного церковного года подчинены строгому распорядку. Ведь в Церкви все́ совершается по Уставу, основанному на божественных догматах и канонах святых отцов.

Но есть в череде церковного годового круга одна седмица (неделя), когда как будто бы отменяются уставы и правила. Седмица, которую называют Светлой, Святой, Пасхальной. Седмица, в которую вся Вселенная празднует Воскресение распятого Господа…

Действительно, именно в Воскресении Христовом заложен краеугольный камень нашей веры и нашего спасения.

«Если Христос не воскрес, то и проповедь наша тщетна, тщетна и вера ваша», – говорил святой апостол Павел в Послании к Коринфянам.

«Христос воскресе, радость моя!» – так встречал каждого приходящего к нему в любое время года великий молитвенник за Русскую землю преподобный батюшка Серафим.

«Христос воскресе! – Воистину воскресе!» – приветствуют друг друга все православные христиане в эти святые дни.

«Христос воскресе!» – говорят читателю и издатели этого сборника, надеясь, что наша небольшая книга поможет ему в ликующей пасхальной молитве…

Светлое Христово Воскресение

Пасха

Стихира, глас 6-й

Воскресе́ние Твое́, Христе́ Спа́се, А́нгели пою́т на небесе́х, и нас на земли́ сподо́би чи́стым се́рдцем Тебе́ сла́вити.

Тропарь, глас 5-й

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

Кондак, глас 8-й

Аще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко победи́тель, Христе́ Бо́же, жена́м мироно́сицам веща́вый: ра́дуйтеся, и Твои́м апо́столом мир да́руяй, па́дшим подая́й воскресе́ние.

Воскресе́ние Христо́во ви́девше, поклони́мся Свято́му Го́споду Иису́су, Еди́ному Безгре́шному. Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те, вси ве́рнии, поклони́мся свято́му Христо́ву Воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м воскресе́ние Его́: распя́тие бопретерпе́в, сме́ртию смерть разру́ши.

Пасхальный канон

Тропарь, глас 5-й

Христо́с воскре́се из мертвых, сме́ртию сме́рть попра́в, и су́щим во гробе́х живо́т даровав. (Трижды.)

Да воскре́снет Бог, и расточа́тся врази́ Его́, и да бежа́т от Лица́ Его́ ненави́дящий Его́.

Припев: Христо́с воскре́се из ме́ртвых, сме́ртию сме́рть попра́в, и су́щим во гробе́х живо́т дарова́в.

Я́ко исчеза́ет дым, да исче́знут, я́ко та́ет воск от лица́ огня́.

Припев: Христо́с воскре́се из ме́ртвых, сме́ртию сме́рть попра́в, и су́щим во гробе́х живо́т дарова́в.

Та́ко да поги́бнут гре́шницы от Лица́ Бо́жия, а пра́ведницы да возвеселя́тся.

Припев: Христо́с воскре́се из ме́ртвых, сме́ртию сме́рть попра́в, и су́щим во гробе́х живо́т дарова́в.

Сей день, его́же сотвори́ Госпо́дь, возра́дуемся и возвесели́мся в онь.

Припев: Христо́с воскре́се из ме́ртвых, сме́ртию сме́рть попра́в, и су́щим во гробе́х живо́т дарова́в.

Слава, и ныне:

Ипако́и, глас 4-й

Предвари́вшия у́тро я́же о Ма́рии, и обре́тшия камень, отвале́н от гро́ба, слы́шаху от А́нгела: во Све́те Присносу́щнем Су́щаго с ме́ртвыми что и́щете, я́ко челове́ка? Ви́дите гро́бныя пелены́: тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий.

Господи, помилуй (12 раз).

Канон, глас 1-й

Песнь 1

Воскресе́ния день, просвети́мся, лю́дие: Па́сха, Госпо́дня Па́сха! От сме́рти бо к жи́зни и от земли́ к небеси́, Христо́с Бог нас преведе́, побе́дную локация.

Припев: Христо́с воскре́се из ме́ртвых.

Очи́стим чу́вствия, и у́зрим непристу́пным све́том воскресе́ния Христа блиста́ющася, и радуйтеся! реку́ща, я́сно да услы́шим, побе́дную пою́ще.

Небеса́ у́бо досто́йно да веселя́тся, земля́ же да ра́дуется, да пра́зднует же мир, ви́димый же весь и неви́димый, Христо́с бо воста́, весе́лие ве́чное.

Богородичны[1]1
  Богородичны канона не поются в первый день Пасхи.


[Закрыть]:

Слава: Умерщвле́ния преде́л сломи́ла еси́, ве́чную жизнь ро́ждшая Христа, из гро́ба возсия́вшаго днесь, Де́во всенепоро́чная, и мир просвети́вшаго.

И ныне: Воскре́сшаго ви́девши Сы́на Твоего́ и Бо́га, радуйся со апо́столы, Богоблагодатная Чи́стая: и е́же радуйся пе́рвее, я́ко всех радости вина́ восприя́ла еси́, Богомати всенепоро́чная.

Песнь 3

Прииди́те, пи́во пие́м но́вое, не от ка́мене непло́дна чудоде́емое, но нетле́ния исто́чник, из гро́ба одожди́вша Христа́, в Не́мже утвержда́емся.

Ны́не вся испо́лнишася света, не́бо же и земля́ и преиспо́дняя. Да пра́зднует у́бо вся тварь воста́ние Христо́во, в не́мже утвержда́ется.

Вчера́ спогребо́хся Тебе́, Христе́, совоста́ю днесь воскре́сшу Тебе́, сраспина́хся Тебе́ вчера́ Сам мя спросла́ви, Спа́се, во Ца́рствии Твое́м.

Слава: На нетле́нную жизнь прихожду́ днесь бла́гостию Ро́ждшагося из Тебе́, Чи́стая, и всем конце́м Свет облиста́вшаго.

И ныне: Бо́га, Его́же родила́ еси́ пло́тию, из ме́ртвых, я́коже рече́, воста́вша ви́девши, Чи́стая, лику́й и Сего́ я́ко Бо́га, Пречи́стая, возвелича́й.

Го́споди, поми́луй. (Трижды.) Слава, и ныне:

Ипако́и, глас 4-й

Предвари́вшия у́тро я́же о Марии, и обре́тшия каме́нь, отвале́н от гро́ба, слы́шаху от А́нгела: во Све́те Присносу́щнем Су́щаго с ме́ртвыми что и́щете, я́ко человека? Ви́дите гро́бныя пелены́: тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род человеческий.

Песнь 4

На Боже́ственней стра́жи богоглаго́ливый Авваку́м да ста́нет с на́ми и пока́жет светоно́сна а́нгела, я́сно глаго́люща: днесь спасение ми́ру, я́ко воскресе Христо́с, я́ко всеси́лен.

Му́жеский у́бо пол, я́ко разверзый де́вственную утро́бу, яви́ся Христо́с: я́ко челове́к же, А́гнец нарече́ся, непоро́чен же, я́ко невку́сен скве́рны, на́ша Па́сха, и, я́ко Бог и́стинен, соверше́н рече́ся.

Я́ко единоле́тный А́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная, и па́ки из гро́ба кра́сное пра́вды нам возсия́ Со́лнце.

Богооте́ц у́бо Дави́д пред се́нным ковче́гом скака́ше, игра́я, лю́дие же Бо́жии святи́и, образо́в сбытие́ зря́ще, весели́мся боже́ственне, я́ко воскресе Христо́с, я́ко всеси́лен.

Слава: Созда́вый Ада́ма, Твоего́ пра́отца, Чи́стая, зи́ждется от Тебе́, и сме́ртное жили́ще разори́ Свое́ю сме́ртию днесь, и озари́ вся боже́ственными блиста́ньми воскре́сения.

И ныне: Его́же родила́ еси́, Христа́, прекра́сно из ме́ртвых возсия́вша, Чи́стая, зря́щи, до́брая и непоро́чная в жена́х и кра́сная, днесь во спасение всех, со апо́столы ра́дующися, Того́ прославля́й.

Песнь 5

У́тренюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим пра́вды со́лнце, всем жизнь возсия́юща.

Безме́рное Твое́ благоутро́бие а́довыми у́зами содержи́мии зря́ще, к све́ту идя́ху, Христе, вес́елыми нога́ми, Па́сху хва́ляще ве́чную.

Присту́пим свещено́снии исходя́щу Христу́ из гро́ба, я́ко Жениху́ и спра́зднуим любопра́зднственными чи́нми Пасху Бо́жию спаси́тельную.

Слава: Просвеща́ется Боже́ственными луча́ми и живоно́сными воскресе́ния Сы́на Твоего́, Богома́ти Пречи́стая, и ра́дости исполня́ется благочести́вых собра́ние.

И ныне: Не разве́рзл еси́ врата́ девства в воплощении, гро́ба не разру́шил еси́ печа́тей, Царю́ созда́ния: отону́дуже воскре́сшаго Тя зря́щи, Ма́ти ра́довашеся.

Песнь 6

Снизше́л есй в преиспо́дняя земли́, и сокруши́л еси́ вереи́ ве́чныя, содержа́щия свя́занныя Христе, и тридневен, я́ко от ки́та Ио́на, воскресл еси́ от гро́ба.

Сохрани́в це́ла зна́мения, Христе́, воскре́сл еси́ от гро́ба, ключи́ Де́вы невреди́вый в рождестве́ Твое́м, и отве́рзл еси́ нам ра́йския две́ри.

Спа́се мой, живо́е же и неже́ртвенное заколе́ние, я́ко Бог, Сам Себе́ во́лею приво́д Отцу́ совоскреси́л еси́ всеро́днаго Ада́ма; воскре́с от гро́ба.

Слава: Возведе́ся дре́вле держи́мое сме́ртию и тле́нием, Воплоти́вшимся от Твоего́ пречи́стаго чрева, к нетле́нней и присносу́щней жи́зни, Богоро́дице Де́во.

И ныне: Сни́де в преиспо́дняя земли́, в ложесна́ Твоя́, Чи́стая, сше́дый, и всели́выйся, и воплоти́выйся па́че ума́ и воздви́же с Собо́ю Ада́ма, воскре́с от гро́ба.

Го́споди, поми́луй. (Трижды) Слава, и ныне:

Кондак, глас 8-й

А́ще и во гроб снизше́л есй, Безсме́ртне, но адову разру́шил еси́ си́лу, и воскресл еси́, я́ко победи́тель, Христе Бо́же, женам мироно́сицам вещавый: ра́дуйтеся! И Твои́м апо́столом мир да́руяй, падшим подая́й воскресение.

Икос

Е́же пре́жде со́лнца Со́лнце, заше́дшее иногда́ во гроб, предвари́ша ко у́тру, и́щущия я́ко дне мироно́сицы де́вы, и друга́ ко друзе́й вопия́ху: О други́ни́ прииди́те, воня́ми пома́жем Те́ло живоно́сное и погребе́ное, плоть воскреси́вшаго па́дшаго Адама, лежа́щую во гро́бе. Иде́м, потщи́мся, я́коже волсви́, и поклони́мся, и принесе́м ми́ра, я́ко да́ры, не в пелен

...

конец ознакомительного фрагмента