Текст книги "Святые покровители искусства"

Апостол и евангелист Лука[27]27
  I в., память 4/17 января, 22 апреля / 5 мая, 20 июня / 3 июля, 18/31 октября.


[Закрыть]

Евангелист Лука родился в Антиохии. Он получил разностороннее классическое образование: в совершенстве знал греческий язык, был врачом, владел искусством живописи. Кроме того, на родине своей, славившейся цветущим состоянием наук, будущий апостол обогатил свой ум самыми разными сведениями.

Услышав о чудесах и проповеди Иисуса Христа, Лука отправился в Палестину, где горячо воспринял спасительное учение от Самого Господа. В числе семидесяти учеников он был послан Спасителем на первую проповедь о Царствии Небесном[28]28
  См.: Лк. 10, 1–2.


[Закрыть]. Семена веры обрели в его сердце добрую почву и принесли стократный плод.

В последние дни земной жизни Спасителя святой Лука находился в Иерусалиме. В числе прочих был он, вероятно, и на Голгофе, взирая издали на Крест Христов[29]29
  См.: Лк. 23, 49.


[Закрыть]. Но вскоре скорбь его обратилась в радость, ибо воскресший Господь, в сам день Воскресения, утешил Своего ученика, явившись апостолам Луке и Клеопе по дороге в Еммаус[30]30
  См.: Лк. 24, 13–32.


[Закрыть]. Впоследствии евангелист вновь удостоился слышать от Господа разъяснение всего, что сказано о Нем в книгах Ветхого Завета, и получил дар понимания Священного Писания[31]31
  См.: Лк. 24, 45.


[Закрыть].

После Вознесения Господня святой Лука пребывал некоторое время в Иерусалиме, а потом отправился на свою родину, в Антиохию, где было уже много христиан. Затем он принял участие во втором миссионерском путешествии апостола Павла[32]32
  ?–67 г., память 29 июня / 12 июля.


[Закрыть] и стал с тех пор его постоянным спутником. После мученической кончины первоверховного апостола Лука покинул Рим и продолжил проповедь в Ахайе[33]33
  Ахайя – историческая область на юге Балканского полуострова.


[Закрыть], Ливии, Египте и Фиваиде[34]34
  Фиваида – историческое наименование Верхнего Египта.


[Закрыть]. Его земная жизнь окончилась мученически в городе Фивы[35]35
  Фивы – древний город в Верхнем Египте (вблизи современного г. Луксор).


[Закрыть] во время гонения на христиан[36]36
  По другому преданию, святой проповедовал Евангелие в Италии, Македонии и в Африке и мирно скончался в 80‑летнем возрасте.


[Закрыть].

Наследием апостола Луки стали не только Святое Евангелие и книга Деяний святых апостолов. Согласно церковному преданию, он написал также первые иконы Божией Матери с Младенцем на руках, которые видела и благословила еще в земной жизни Сама Богородица. Одна из них, именуемая ныне Владимирской, была привезена на Русь из Византии в начале XII века и вошла в число главных святынь Русской земли[37]37
  В настоящее время икона пребывает в храмемузее святителя Николая в Толмачах, при Государственной Третьяковской галерее.


[Закрыть]. Считается, что евангелист написал еще несколько образов Пресвятой Владычицы и один – первоверховных апостолов Петра и Павла. Точное число написанных им икон неизвестно; очевидно лишь, что они разошлись по всему христианскому миру в многочисленных списках. Апостол Лука считается родоначальником и покровителем иконописцев, ему молятся об обретении таланта в изобразительном искусстве.

Составлено по источникам:

[Память] святого апостола и евангелиста Луки//Минея октябрь. М.: Издательский Совет Русской Православной Церкви, 2008. [Краткое житие].

Житие святого апостола и евангелиста Луки//Димитрий Ростовский, свт. Жития святых: В 12 т. Т. 2. Месяц октябрь. [Репринтное издание]. М.: Лествица, 2004.

Евангелист Лука//Библейская энциклопедия. М.: ЛОКИДПРЕСС, 2005.

О Владимирской иконе Божией Матери//Мир иконы [Сайт]. URL: http://www.iconworld.ru/articles/?view=1

Тропа́рь

глас 5

Апо́стольских дея́ний сказа́теля / и Ева́нгелия Христо́ва све́тла списа́теля, / Луку́ препе́таго, сла́вна су́ща Христо́ве Це́ркви, / пе́сньми свяще́нными свята́го апо́стола похва́лим, / я́ко врача́ су́ща, челове́ческия не́мощи, / естества́ неду́ги и я́зи[38]38
  Т. е. язвы.


[Закрыть] душ исцеля́юща / и моля́щася непреста́нно за ду́ши на́ша.

Канон[39]39
  Приводится по изд.: Минея октябрь. М.: Издательский Совет Русской Православной Церкви, 2008.


[Закрыть]

глас 8

Песнь 1

Ирмо́с: Песнь возсле́м, лю́дие, чу́дному Бо́гу на́шему, свободи́вшему Изра́иля от рабо́ты, песнь побе́дную пою́ще и вопию́ще, пои́м Тебе́, Еди́ному Влады́це.

Припе́в: Святы́й апо́столе и евангели́сте Луко́, моли́ Бо́га о нас.

Колесни́ца Бо́жия пресве́тлая был еси́, Всесвято́е нося́ и́мя пред челове́ки, Луко́ всече́стне, колесни́цы и триста́ты[40]40
  Триста́ты – египетские воиныколесничники.


[Закрыть] пре́лести погружа́я кре́пко.

Припев: Святый апостоле и евангелисте Луко, моли Бога о нас.

Струю́ прии́м жи́зни, зно́ем изсыха́емый безбо́жия напои́л еси́ мир, Луко́ всеблаже́нне, ту́чами богоразу́мия, из чре́ва твоего́ изска́чущими.

Сла́ва: Блиста́нием Ду́ха, Луко́, и жития́ чистото́ю озаря́емь, я́ко мо́лния, треблаже́нне, богода́нно сия́л еси́ всей вселе́нней, просвеща́я ве́рных сердца́.

И ны́не: Ра́дуйся, всесвяты́й хра́ме, руно́ Богоро́сное, запеча́танный исто́чниче безсме́ртныя Струи́: ста́до Твое́, Влады́чице, сохраня́й от всех ра́тных неплени́мо.

Песнь 3

Ирмос: Несть свят, я́ко Госпо́дь, и несть пра́веден, я́ко Бог наш, Его́же пое́т вся тварь: несть пра́веден, па́че Тебе́, Го́споди.

Припев: Святый апостоле и евангелисте Луко, моли Бога о нас.

Возсия́в, я́ко со́лнце, пропове́данием, Це́ркве украси́л еси́, Луко́, утвержде́ние, пре́лести мглу теплото́ю ве́ры иста́ив, всеблаже́нне.

Припев: Святый апостоле и евангелисте Луко, моли Бога о нас.

Скрижа́ли изсе́кл еси́ боголе́пныя от ка́мене, пребога́те, Бо́жия воплоще́ния, оско́рд* име́я боже́ственный язы́к твой и уста́ богодухнове́нная.

Слава: Во о́блак всесве́тлый входя́й и о́блаком покрыва́емь, прия́л еси́, прему́дре, Но́вый Зако́н, пе́рстом Ду́ха пи́санный на се́рдцы твое́м.

И ныне: Несть непоро́чны, я́ко Ты, Влады́чице, и несть пречи́сты, па́че Тебе́, Всенепоро́чная: во чре́ве бо Бо́га Сло́ва вмести́ла еси́, Еди́наго Многоми́лостиваго.

Го́споди, поми́луй. (Трижды.)

Седа́лен

глас 8

Я́ко соше́ственник Па́влов яви́вся, разли́чныя беды́ терпели́вне претерпе́л еси́, всехва́льне Госпо́день апо́столе, и тече́ние страда́нием соверши́в ве́ры, с ним в вы́шних весели́шися, блаже́нне. Тем и ми́ру Христо́во Ева́нгелие пропове́дав, просвети́л еси́ подсо́лнечную[41]41
  Имеется в виду, вероятно, Ближний Восток.


[Закрыть] всю, Луко́ всече́стне. Моли́ Христа́ Бо́га грехо́в оставле́ние пода́ти пра́зднующим любо́вию святу́ю па́мять твою́.

Слава, и ныне: Со́лнца о́блаче разу́мнаго, Боже́ственнаго Све́та свети́льниче златокова́нный, Нескве́рная, Небла́зная, Всенепоро́чная Влады́чице, омраче́нную ду́шу мою́ ослепле́нием страсте́й безстра́стия заре́ю просвети́, молю́ся, и оскверне́нное мое́ се́рдце омы́й пото́ки умиле́ния, покая́ния же слеза́ми, и от тиме́ния* мя очи́сти дел мои́х, да любо́вию зову́ Ти: Богоро́дице Присноде́во, моли́ Христа́ Бо́га прегреше́ний оставле́ние пода́ти ми, Тебе́ бо име́ю наде́жду, раб Твой.

Песнь 4

Ирмос: Из горы́ приосене́нныя, Сло́ве, проро́к, еди́ныя Богоро́дицы, хотя́ща воплоти́тися, богови́дно усмотри́ и со стра́хом славосло́вяше си́лу Твою́.

Припев: Святый апостоле и евангелисте Луко, моли Бога о нас.

Мо́ре язы́ков* смути́л еси́, богому́дре, конь быв Всецаря́, сла́ное* неве́рствие со́лию Боже́ственною ослажда́я, присносла́вне.

Припев: Святый апостоле и евангелисте Луко, моли Бога о нас.

Лук Христо́с напря́г, пусти́ стрелу́ тя, Луко́, све́тло обощре́ну, луча́ми сия́юща благоче́стия и просвеща́юща на́ша ду́ши.

Слава: Стра́сти душ ку́пно* и теле́с твои́х певце́в уврачи́, всеблаже́нне, та́инственным рукоде́ланием, греха́ гни́лость изре́зуя, всему́дре.

И ныне: Неве́сто Бо́жия, Мари́е Богороди́тельнице, изба́ви мя лю́тых прегреше́ний и бед и к тишины́ приста́нищу и спасе́ния Твои́ми моли́твами напра́ви.

Песнь 5

Ирмос: У́тренююще*, вопие́м Ти: Го́споди, спаси́ ны, Ты бо еси́ Бог наш, ра́зве Тебе́ ино́го не ве́мы.

Припев: Святый апостоле и евангелисте Луко, моли Бога о нас.

Я́ко роса́ с Небе́с спа́дающи, яви́лся еси́, пре́лести зной разоря́я словесы́ твои́ми.

Припев: Святый апостоле и евангелисте Луко, моли Бога о нас.

Страх во чре́ве твое́м Боже́ственный заче́н, спасе́ние породи́л еси́ заблу́ждшим, апо́столе.

Слава: На го́ру возше́д, всеблаже́нне, доброде́телей, всем Ева́нгелие Ца́рствия пропове́дал еси́.

И ныне: Мари́е, Богоро́дице Безневе́стная, наде́жды враго́в су́етны сотвори́ и пою́щия Тя возвесели́.

Песнь 6

Ирмос: Ри́зу мне пода́ждь све́тлу, одея́йся све́том, я́ко ри́зою, Многоми́лостиве Христе́ Бо́же наш.

Припев: Святый апостоле и евангелисте Луко, моли Бога о нас.

Му́дрости ча́шу испи́в, напои́л еси́ всех позна́ния Спа́са Христа́, Луко́ всему́дре.

Припев: Святый апостоле и евангелисте Луко, моли Бога о нас.

Па́влу соисхо́дник* избра́вся, Луко́ всеблаже́нне, язы́ки улови́л еси́ мре́жею*, богоглаго́льниче, догма́тов твои́х.

Слава: `Облак, ту́чу жи́зни нам одождя́ющь, яви́лся еси́, апо́столе, от исто́чник спасе́ния истека́ющую.

И ныне: Куми́ров Разруши́тель я́ко Бог бы́вшее Рождество́ Твое́, Мари́е Богоневе́сто, покланя́емо есть со Отце́м и Ду́хом.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 2

И́стиннаго благоче́стия пропове́дника и та́ин неизрече́нных ри́тора, звезду́ церко́вную, Луку́ боже́ственнаго восхва́лим: Сло́во бо его́ избра́, с Па́влом му́дрым язы́ков учи́теля, Еди́н ве́дый серде́чная.

И́кос

Зна́нием обогати́вся го́рнейшим* от руки́ Влады́чни, вруче́н был еси́ язы́ков жребиоиму́ществу[42]42
  Жребиоимущество – часть имения, доставшаяся по жребию.


[Закрыть], всехва́льне. Тем житие́ распали́в Сло́вом, страна́м законополо́жник, Луко́, яви́лся еси́, па́че Моисе́я: пе́рстом Бо́жиим, я́ко скрижа́ли богоначерта́нныя, тобо́ю сложи́вшася Ду́хом, Боже́ственную уясни́л еси́ ве́ру. Тем и Христо́с тя просла́ви, Еди́н ве́дый серде́чная.

Песнь 7

Ирмос: `Отроцы богочести́вии в Вавило́не о́бразу злато́му не поклони́шася, но посреде́ пе́щи о́гненныя ороша́еми, песнь воспева́ху, глаго́люще: превозноси́мый отце́в и нас Бо́же, благослове́н еси́.

Припев: Святый апостоле и евангелисте Луко, моли Бога о нас.

Учени́к неизрече́нных та́ин Христа́ Бо́га ве́рен быв, Ева́нгелие Сего́ Боже́ственное пропове́дал еси́ ве́рным, всему́дре, глаго́лющим: превозноси́мый отце́в и нас Бо́же, благослове́н еси́.

Припев: Святый апостоле и евангелисте Луко, моли Бога о нас.

Утворе́нии доброде́телей укра́шен яви́лся еси́, Луко́ всеблаже́нне, Боже́ственнаго благоле́пия заря́ми просвеща́емь, и вопия́ непреста́нно Творцу́ твоему́: превозноси́мый отце́в и нас Бо́же, благослове́н еси́.

Слава: Испуща́я светоно́сныя лучи́, я́коже в нощи́ заря́ явля́емь, пре́лести тьму сия́нием слове́с твои́х, благоче́стно взыва́я, отгна́л еси́: превозноси́мый отце́в и нас Бо́же, благослове́н еси́.

И ныне: Име́я житие́, сло́вом, богови́дче, му́дрости просвеще́но, Луко́, Де́вы Рождество́ я́вственно исписа́л еси́ и ико́нами любе́зно вообрази́л еси́: `Ейже покланя́емся ве́рно, Христа́ сла́вяще.

Песнь 8

Ирмос: На горе́ святе́й просла́вльшася и в купине́* огне́м Присноде́вы Моисе́ови та́йну я́вльшаго, Го́спода по́йте и превозноси́те во вся ве́ки.

Припев: Святый апостоле и евангелисте Луко, моли Бога о нас.

Росода́тельною му́дростию слове́с твои́х и ту́чами благода́ти Боже́ственныя пре́лести пещь погаси́л еси́, ве́стник Госпо́день и священнопропове́дник, богому́дре, быв.

Припев: Святый апостоле и евангелисте Луко, моли Бога о нас.

Я́ко кра́сныя[43]43
  Т. е. достойные хваления.


[Закрыть] но́ги твоя́, всеблаже́нне, мир благовеству́ющаго, всяк ум преизве́стно преиму́щь, Его́же превозно́сим и славосло́вим во ве́ки вся.

Слава: Свет ми́ра, просвеща́ти во тьме седя́щия яви́ тя Христо́с, `Отча Существа́ Сия́ние, Го́сподь Сла́вы, Его́же превозно́сим во ве́ки.

И ныне: Во утро́бе всели́вшагося Де́вы и от Нея́ стра́шно и па́че сло́ва дре́вняго Ада́ма обнови́вшаго Го́спода пое́м и славосло́вим во ве́ки.

Песнь 9

Ирмос: Тя, Неискусобра́чную Ма́терь Бо́га Вы́шняго, Тя, па́че ума́ ро́ждшую Сло́вом вои́стинну Бо́га, вы́шшую Пречи́стых Сил, немо́лчными славословле́нии велича́ем.

Припев: Святый апостоле и евангелисте Луко, моли Бога о нас.

Пропове́дник был еси́ всеми́рнаго спасе́ния ева́нгельским пропове́данием, свяще́нная же и благознамени́тая труба́, вдохнове́нием ды́шущи Ду́ха, показа́лся еси́, священноглаго́льниче всече́стне.

Припев: Святый апостоле и евангелисте Луко, моли Бога о нас.

Дея́нии украша́емь Спа́совых апо́столов, сия́ от Бо́га подви́жимь ве́рным написа́л еси́, я́коже о́браз одушевле́нный при́сно* пребыва́ющь объяви́в, священнопропове́дниче всесла́вне.

Слава: Стал еси́ у́бо, Луко́, я́коже пости́г, богонача́льниче, жела́ний кра́йнейшее, Христу́ бо предста́л еси́, подае́маго от Него́ насыщ`а́яся богови́дения. Те́мже тя вси ублажа́ем.

И ныне: Тя, Непристу́пнаго Бо́га носи́вшую на объя́тиих, на Небесе́х пое́маго от вся́кия си́лы и Тобо́ю нам да́рующа всегда́ спасе́ние, Богома́ти, велича́ем.

Молитва[44]44
  Приводится по изд.: Молитвы ко святым угодникам Божиим. М.: Паломник, 2009.


[Закрыть]

О святы́й Луко́, Бо́гом избра́нный и Ма́терию Бо́жиею благослове́нный, пропове́дниче по всей вселе́нней Ева́нгелия Христо́ва, му́чениче и апо́столе, помо́щниче всем моли́твенно призыва́ющим тя, помози́ и нам, непотре́бным рабо́м Госпо́дним, я́ко мы по мно́гим прегреше́ниям на́шим обрета́емся во тьме и се́ни сме́ртней[45]45
  Т. е. во смертном мраке.


[Закрыть], отдале́че от Бо́га отстоя́. Чрез то, стыдо́м посра́мленные, не и́мамы дерзнове́ния Го́спода моли́ти о проще́нии, призыва́ем тя, вели́кий свети́льниче Бо́жий, я́ко пребыва́ющаго в непреходя́щем Его́ све́те, моли́ о нас Го́спода, да поми́лует нас. Умоли́ Го́спода, святы́й Луко́, да обнови́т в нас страх Госпо́день, и́же любы́* привлека́ет, а грех отгоня́ет. Я́ко мы та́ко навы́кли греши́ти на всяк день и час, и во сне, я́ко не ве́мы слов Го́спода: бди́те, я́ко не зна́ете ча́са, егда́ хочу́ приити́[46]46
  Ср.: Мф. 24, 42.


[Закрыть], Он же мо́жет на всяк час призва́ти нас из сего́ привре́меннаго живота́ в ве́чный. Пробуди́ в нас, святы́й Луко́, страх и прему́дрость, о ни́хже святы́й царь и псалмопе́вец Дави́д рече́. Да твои́ми моли́твами улучи́м покая́ния сле́зы, и́миже вси на́ши ду́ши от греха́ очи́стятся. Я́ко мы в духо́вной слепоте́ и дебе́лости* су́ще не мо́жем пла́катися своего́ мертвеца́, си́речь* сами́х себе́, мно́ги же сле́зы, пото́ки слез, потре́бно да пролие́м за мно́жество соде́янных грехо́в. Помози́ нам, неразу́мным, да уразуме́ем Писа́ние, е́же ты сам списа́л еси́, я́ко и́стинным ра́зумом уразуме́ем и́стинная словеса́, да бежи́м от греха́, я́ко от огня́, и вся си́лы прило́жим, да прибли́зит ны Бог. Да уразуме́ем, я́ко грех есть смерть, Бог же живо́т. Помози́ нам, святы́й Луко́, да то уразуме́вше, очи́стимся от греха́ и пре́йдем из сме́рти в живо́т. Да бу́дет нам Бог вся во всем. И ны́не, и во ве́ки да пребу́дем близ Него́, да́бы и нам, я́ко ти с Клео́пою, егда́ путеше́ствовали во Еммау́с, се́рдце и душа́ тре́петны бы́ша от прису́тствия Его́. Отню́дуже да сни́дет на ны мир Небе́сный, к Ца́рствию Небе́сному ны руководя́щий и ра́достны ны творя́щий, да возмо́жем стре́лы лука́ваго, на всяк час в нас испуща́еми, отгна́ти. С тем же улучи́м и любы́ Бо́жию, да руководи́т нас к ве́чному Оте́честву, иде́же вся Си́лы Небе́сныя, вси святи́и, Ма́ти Бо́жия пред ни́ми, Ея́же благо́й лик в ико́не, тобо́ю напи́санной, увекове́чен еси́. `Очи серде́ц на́ших да непреста́нно взира́ют на ту ле́поту и е́ю наслажда́ются, да цари́т в нас Ца́рство Небе́сное, в не́же ча́ем моли́твами твои́ми, святы́й Луко́, пресели́тися, егда́ нас Госпо́дь призове́т, да та́мо ве́чно сла́вим Бо́га во Святе́й Тро́ице, Безнача́льнаго Отца́, Единоро́днаго Сы́на и Пресвята́го Ду́ха, во вся бесконе́чныя ве́ки. Ами́нь.

Святитель Андрей Критский[47]47
  Ок. 660–740 гг., память 4/17 июля.


[Закрыть]

Святитель Андрей, будущий архипастырь Критский, родился в середине VII века в городе Дамаске. По преданию, примерно до семилетнего возраста мальчик был немым, но однажды, после причастия Святых Христовых Таин, заговорил. Так Сам Господь отверз уста будущего проповедника покаяния.

После чудесного исцеления Андрей решил посвятить свою жизнь Богу и уже в четырнадцать лет покинул родительский дом и поступил в монастырь преподобного Саввы Освященного, расположенный на Святой Земле. Там, где ступали пречистые стопы Спасителя и Божией Матери, в Иерусалиме, был совершен его иноческий постриг и началась его духовная жизнь. Юноша имел достаточное общее образование, неплохо владел словом и был назначен вскоре секретарем при Патриархе. Исполняя столь ответственное послушание, будущий святитель освоил в эти годы и курс церковно-богословских наук. Все это, в сочетании с добродетельной жизнью, и сформировало в нем блистательный дар церковного писателя и песнотворца.

Преподобный Андрей жил и писал в период расцвета византийской церковной поэзии. Он является автором ряда так называемых трипеснцев – особого рода канонов, употребляемых на богослужениях Великого поста. Его перу принадлежат также некоторые праздничные каноны – Воскрешению Лазаря, Рождеству Иоанна Предтечи и другие. Но главным произведением духовного поэта, вошедшим не только в церковное, но и в общечеловеческое культурное наследие, стал Великий покаянный канон – творение удивительной сложной образности и глубины, исследованию которого посвящены десятки книг. С этим гимном сокрушения и надежды вступают православные христиане в Великий пост.

Преподобный критский пастырь создал столь совершенный образец искусства, будучи уже в преклонном возрасте. За его плечами были и годы служения в великом константинопольском соборе Святой Софии, куда он был определен после нескольких лет жизни в обители святого Саввы, и попечения о «сиропитательном доме» и так называемом герокомионе (приюте для престарелых), и пребывание на епископской кафедре острова Крит. И потому он не мог не стремиться выразить в каждой строке творения суть своего молитвенного опыта, написать, в каком-то смысле, свою духовную автобиографию. Покаянную автобиографию… Святой Андрей начинает свое исповедание Богу, как бы раздумывая над деяниями своими, жизнью своей – и это сразу становится для него причиной покаянных слез. Углубляясь все дальше в образы Ветхого Завета, исследуя проявления греха в жизни человечества и находя ту же самую поврежденность в своей душе, писатель удивительным образом располагает к сокрушенным мыслям и слушателя. И вместе с тем – стремится дать ему подлинную надежду в образе Церкви Христовой.

Наряду с поэтическими богослужебными произведениями наследие святителя Андрея составляют его «Слова» на праздники и на дни памяти отдельных святых. К написанию этих проповедей побуждала подвижника главным образом забота о своей пастве, а не желание какого-то особого самовыражения. И потому в литературной форме их господствует высокий слог, не отягощенный выспренностью – той, что всегда затрудняет прочтение смысла, выставляя вперед авторское «я». Вся жизнь этого святого в целом была «словесным служением», и Православная Церковь не случайно именует его «мистагогом», то есть тем, кто заботливо учит и постепенно ведет человека к проникновению в тайну. В данном случае – в тайну покаяния. Полученный от Бога и приумноженный молитвенным подвигом дар духовного созерцания сделал святителя Андрея подлинным тайнозрителем священных событий и наполнил его творения Божественной гармонией и красотой.

Составлено по источникам:

[Память] иже во святых отца нашего Андрея, архиепископа Критского, Иерусалимита//Минея июль. Ч. 1. М.: Издательский Совет Русской Православной Церкви, 2008. [Краткое житие].

Вениамин (Милов), еп. Церковно-литургическое назидание по Великому канону св. Андрея, архиепископа Критского//Вениамин (Милов), еп. Чтения по литургическому богословию. Брюссель: Жизнь с Богом, 1977.

Игнатия, мон. Церковные песнотворцы. М.: Московское подворье СвятоТроицкой Сергиевой Лавры, 2005.

Правдолюбов С., прот. О святителе Андрее Критском и его Великом каноне//Православие и мир. [Сайт]. URL: http://www.pravmir.ru/printer_1859.html

Тропа́рь

глас 1

Христо́ву Це́рковь цевни́цею[48]48
  Цевни́ца – струнный музыкальный инструмент, напоминающий лиру.


[Закрыть] язы́ка твоего́, / песносло́вя уми́льно, возвесели́л еси́, / богосло́вием же Препе́тыя Тро́ицы / сла́ву всем сказа́л еси́ ясно, / тем тя, я́ко тайноглаго́льника, пое́м, / Андре́е, па́стырю Кри́тский, / и велича́ем па́мять твою́, / Христа́ сла́вяще ди́внаго во святы́х Свои́х.

Ин тропарь

глас 4

Пра́вило ве́ры и о́браз кро́тости, / воздержа́ния учи́теля / яви́ тя ста́ду твоему́, / Я́же веще́й и́стина. / Сего́ ра́ди стяжа́л еси́ смире́нием высо́кая, / нището́ю бога́тая, / о́тче Андре́е, / моли́ Христа́ Бо́га / спасти́ся душа́м на́шим.

Кано́н[49]49
  Публ. по изд.: Минея июль. Ч. 1. М.: Издательский Совет Русской Православной Церкви, 2008.


[Закрыть]

глас 5

Песнь 1

Ирмо́с: Коня́ и вса́дника в мо́ре Чермно́е сокруша́яй бра́ни мы́шцею высо́кою Христо́с истрясе́, Изра́иля же спасе́, побе́дную песнь пою́ща.

Припе́в: Святи́телю Христо́в Андре́е, моли́ Бо́га о нас.

Сон от ве́ждей* оттря́с, тебе́ сама́го Влады́це доброде́телию угото́вал еси́ све́тло жили́ще, богоявле́нне преподо́бне, и Боже́ственное поко́ище.

Припев: Святителю Христов Андрее, моли Бога о нас.

Пе́нием всесли́чным* твою́ цевни́цу движа́, Христо́ву Це́рковь, песносло́вя, уясни́л еси́, Андре́е чу́дне, Свята́го Ду́ха оглаша́емь Боже́ственною благода́тию.

Сла́ва: Зако́ну богопи́санному му́дре повину́яся, теле́сныя стра́сти по́стнически умертви́л еси́, ум же возвы́сил еси́ кре́пким твои́м жела́нием, поя́ пе́сни Бо́жия, всему́дре.

И ны́не: Весь жела́ние и пречи́сто наслажде́ние, Сын и Бог Твой благи́х исполне́ние есть, Всенепоро́чная, Его́же моли́ изба́вити ве́рою ны́не к Тебе́ притека́ющия.

Песнь 3

Ирмос: Водрузи́вый на ничесо́мже зе́млю повеле́нием Твои́м и пове́сивый неодержи́мо тяготе́ющую на недви́жимем, Христе́, ка́мени за́поведей Твои́х, Це́рковь Твою́ утверди́, Еди́не Бла́же и Человеколю́бче.

Припев: Святителю Христов Андрее, моли Бога о нас.

Упра́вил еси́ доброде́телию житие́ твое́, преподо́бне, и, Боже́ственным жела́нием Бо́гу соединя́яся, орга́н яви́лся еси́ слове́сен, всю вселе́нную уясня́я пе́сньми, Боже́ственная сокро́вища почерпа́я.

Припев: Святителю Христов Андрее, моли Бога о нас.

Прему́дрости Небе́сныя был еси́ испо́лнен, душе́вная бо уста́ разшири́в, преподо́бне, всю прия́л еси́ я́ве зарю́ светоно́сную трисо́лнечныя све́тлости, я́ко священноде́йственник свяще́нен.

Слава: Утверди́в душе́вныя си́лы твоя́, преподо́бне, и плоть удержа́в воздержа́нием, был еси́ весь пресве́тлая звезда́, украша́я Це́рковь правосла́вными твои́ми уче́нии и пе́сненными пе́нии.

И ныне: Изба́вити мя стра́стнаго плене́ния ны́не молю́ Тя, Ма́ти Бо́жия Всенепоро́чная, и грехо́вныя я́звы вся очи́стити, грех Взе́млющаго ми́ра пресла́вно ро́ждшая.

Го́споди, поми́луй. (Трижды.)

Седа́лен

глас 4

Я́ко ка́мением, словесы́ твои́ми церко́вный, прему́дре, украси́в вене́ц, священноде́йственник свяще́нен, Андре́е, был еси́. Те́мже по мно́гих в житии́ труде́х прия́л еси́ нестаре́емое Ца́рство и сла́ву, в не́мже помина́ющих тя, о́тче, помина́й.

Слава, и ныне: Де́во Всенепоро́чная, Я́же Пресу́щнаго Бо́га ро́ждшая, со Безпло́тными Того́ непреста́нно моли́ оставле́ние прегреше́ний и исправле́ние жития́ да́ти нам пре́жде конца́, и́же ве́рою и любо́вию пою́щим Тя по до́лгу, еди́на Всепе́тая.

Песнь 4

Ирмос: Боже́ственное Твое́ разуме́в истоща́ние прозорли́во, Авваку́м, Христе́, со тре́петом вопия́ше Тебе́: во спасе́ние люде́й Твои́х спасти́ пома́занныя Твоя́ прише́л еси́.

Припев: Святителю Христов Андрее, моли Бога о нас.

Сло́во Твое́, житие́м укра́шено, богосло́вия изве́стное пра́вило показа́лся еси́, чу́дне, Препе́тыя Тро́ицы сла́ву сказу́я я́сно.

Припев: Святителю Христов Андрее, моли Бога о нас.

Дея́нием виде́ния восхо́д показа́в, му́дре, и виде́нием объе́мся, жития́ о́бразом, Андре́е богогла́се, уподо́бился еси́.

Припев: Святителю Христов Андрее, моли Бога о нас.

Я́ко боже́ствен святи́тель, пребога́те, па́стырски побора́я, от Це́ркве отгна́л еси́ львов наше́ствия, Андре́е, му́жеству тезоимени́те.

Слава: Вели́ку похвала́м вину́, Богоро́дицу обре́т, тща́ние показа́л еси́ сугу́бо, превы́шшую похва́л хвала́ми многообра́зными почита́я, му́дре.

И ныне: Кроме́ убо совокупле́ния зачала́ еси́ нетле́нно во утро́бе, и пре́жде боле́зни родила́ еси́, и по рождестве́ Де́вою, Бо́га пло́тию ро́ждши, сохрани́лася еси́.

Песнь 5

Ирмос: Одея́йся Све́том, я́ко ри́зою, к Тебе́ у́тренюю и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен.

Припев: Святителю Христов Андрее, моли Бога о нас.

Ны́не крася́щиися твои́ми уче́нии и пе́сньми богодохнове́нными свяще́нно наслажда́ющеся, Андре́е всеблаже́нне, па́мять твою́ почита́ем.

Припев: Святителю Христов Андрее, моли Бога о нас.

Заре́ю просвеща́емь я́ве духо́вною, святы́х ликостоя́ния пресвя́то похвали́л еси́, с ни́миже ны́не ра́дуешися, Андре́е всеблаже́нне.

Слава: Ны́не не чу́вствы тле́ннаго те́ла, ни мечта́ньми зри́ши Боже́ственная, умно же, прему́дре, душе́вными де́йствы соединя́яся лу́чшим.

И ныне: Со слеза́ми припа́даю Ти, зело́ моля́ся, мои́х согреше́ний ны́не изба́витися Тобо́ю, Всенепоро́чная, и ве́чныя ра́дости сподо́битися.

Песнь 6

Ирмос: Неи́стовствующееся бу́рею душетле́нною, Влады́ко Христе́, страсте́й мо́ре укроти́ и от тли возведи́ мя, я́ко Благоутро́бен.

Припев: Святителю Христов Андрее, моли Бога о нас.

Вити́и обличи́л еси́ безбо́жныя усты́ све́тлыми, честны́х бо ико́н уясни́л ес! и вои́стинну, священнотаи́нниче, поклоне́ние.

Припев: Святителю Христов Андрее, моли Бога о нас.

Свяще́нно украси́л еси́ тво́ю, о́тче сла́вне, жи́знь: стра́стное бо смуще́ние угаси́л еси́ и к жи́зни безстра́стия прите́кл еси́.

Слава: Добро́тами слове́с твои́х и уче́нии вси ве́рнии благоче́стно наслажда́ющеся, ра́дуются, ерети́к языкобо́лия* побежда́юще.

И ныне: Весь примеша́ется ми, И́же безнача́льно возсия́в от Отца́, воплоще́нием, Пренепоро́чная, из Тебе́ бы́вшим, Богоневе́сто.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 2

Воструби́в я́сно боже́ственная сладкопе́ния, яви́лся еси́ свети́льник ми́ра светле́йший, све́том сия́я Тро́ицы, Андре́е преподо́бне. Те́мже вси́ вопие́м ти: не преста́й моля́ся о всех нас.

И́кос

Восхвали́ти твое́, о́тче, житие́, окая́нный, хощу́, ве́дый ны́не, исправле́ний твои́х ра́ди, ищу́ отту́ду, я́коже дарова́ния, похвалы́ прия́ти твои́х украше́ний и честно́му ве́рху твоему́, Андре́е, исплести́, е́же А́нгели почита́ют, зовы́й: моля́ не преста́й о всех нас.

Песнь 7

Ирмос: Превозноси́мый отце́в Госпо́дь пла́мень угаси́, о́троки ороси́, согла́сно пою́щия: Бо́же, благослове́н еси́.

Припев: Святителю Христов Андрее, моли Бога о нас.

Да све́тлость святы́х, преподо́бне, у́зриши, све́тлостию дел просвети́л еси́ житие́ твое́, зовы́й: Бо́же, благослове́н еси́.

Припев: Святителю Христов Андрее, моли Бога о нас.

Те́лом обложе́н, Безпло́тных чино́м поревнова́л еси́, преподо́бне, с ни́миже согла́сно, ра́дуяся, взыва́еши: Бо́же, благослове́н еси́.

Слава: Иерусали́м ны́не све́тло весели́тся, свети́льника многосве́тла ми́ру тя возсия́в, блаже́нне, поя́: Бо́же, благослове́н еси́.

И ныне: И́же пре́жде у́бо Безпло́тный воплоща́ется, Пречи́стая, за милосе́рдие безчи́сленное из ложе́сн Твои́х святы́х. Ему́же вси пое́м: Бо́же, благослове́н еси́.

Песнь 8

Ирмос: Тебе́, Вседе́телю, в пещи́ о́троцы, всеми́рный лик спле́тше, поя́ху: дела́ вся́кая, Го́спода по́йте и превозноси́те во вся́ ве́ки.

Припев: Святителю Христов Андрее, моли Бога о нас.

Но́ваго киво́та Це́рковь, отче, я́сно обвесели́л еси́, ли́ки соста́вль, взыва́я: вся дела́ Госпо́дня, Го́спода по́йте и превозноси́те во вся ве́ки.

Припев: Святителю Христов Андрее, моли Бога о нас.

Пе́ние но́вое в Це́ркви, блаже́нне, преподо́бно взыва́л еси́ Вседержи́телю: вся дела́ Госпо́дня, Го́спода по́йте и превозноси́те во вся ве́ки.

Слава: Возда́я доброде́тели боголе́пно дела́, страда́ния воспе́л еси́, Андре́е прему́дре, всех святы́х, дре́вле удивле́нных и соверше́нных Христу́ во ве́ки.

И ныне: Прииди́те, Чи́стую Богоотрокови́цу воспое́м, глаго́люще, Боже́ственными пе́сньми: ра́дуйся, Де́во, Ея́же ра́ди ра́дость даде́ся естеству́ челове́ческому, Преблагослове́нная.

Песнь 9

Ирмос: Иса́ие, лику́й, Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к и́мя Ему́, Его́же велича́юще, Де́ву ублажа́ем.

Припев: Святителю Христов Андрее, моли Бога о нас.

Глаго́л твои́х веща́ние всю обтече́ зе́млю, уче́ний же красота́ и све́тлость, Андре́е блаже́нне, те́мже Христо́с, И́же всех Царь, тя венча́л есть благоле́пия венце́м.

Припев: Святителю Христов Андрее, моли Бога о нас.

Соедине́нием лу́чшим наслажда́яся зари́ трисия́нныя, Андре́е, таи́нниче пачеесте́ственных, любо́вию творя́щих твою́ святу́ю па́мять свяще́нно ны́не моли́твами твои́ми от бед сохрани́.

Слава: Со Безпло́тными чи́нми весели́шися ны́не на Небесе́х: сих бо на земли́ житие́ неукло́нно я́ко пожи́в и пра́выя ве́ры я́влься пропове́дник изря́ден, богоглаго́ливе досточу́дне.

И ныне: Приноси́мое уста́вила еси́ сме́рти неуста́вное стремле́ние, ро́ждши пло́тски, вои́стинну па́че ума́, Жизнь ве́чную, !Ейже прирази́вся усты́, го́рький ад упраздни́ся, Пресвята́я Де́во Ма́ти.

Моли́тва[50]50
  Молитва общая святителю единому//Молитвы, читаемые на молебнах. Петроград: Синодальная типография, 1915.


[Закрыть]

О пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, святи́телю Андре́е! Предстоя́ у Престо́ла всех Царя́ и наслажда́яся Све́та Единосу́щныя Тро́ицы и херуви́мски со А́нгелы возглаша́я песнь Трисвяту́ю, вели́кое же и неизсле́дованное дерзнове́ние име́я ко Всеми́лостивому Влады́це, моли́ спасти́ся па́ствы Христо́вы лю́дем[51]51
  В тексте молитвы опущено прошение о даровании побед государю императору, т. к. оно не употребляется в современной богослужебной практике.


[Закрыть], благостоя́ние святы́х Церкве́й утверди́, архиере́и благоле́пием святи́тельства украси́, мона́шествующия к по́двигом до́браго тече́ния укрепи́, ца́рствующий град и вся гра́ды и страны́ до́бре сохрани́ и ве́ру святу́ю непоро́чно соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, сироты́ заступи́, младе́нцы возрасти́, плене́нныя возврати́, немощству́ющия исцели́, и везде́ те́пле призыва́ющая тя и с ве́рою притека́ющия к тебе́ и усе́рдно припа́дающия и моля́щияся тебе́ от вся́ких напа́стей и бед хода́тайством твои́м свободи́. Моли́ о нас всеще́драго и человеколюби́ваго Христа́ Бо́га на́шего, да и в день Стра́шнаго прише́ствия Его́ от шу́ияго стоя́ния изба́вит нас и ра́дости святы́х прича́стники сотвори́т со все́ми святы́ми во ве́ки веко́в. Ами́нь.