Текст книги "Святые покровители искусства"

Преподобный Иоанн Дамаскин[52]52
  Ок. 680 – ок. 780 гг., память 4/17 декабря.


[Закрыть]

Преподобный Иоанн Дамаскин – выдающийся богослов и поэтгимнограф – родился в столице Сирии, Дамаске, в знатной и благочестивой семье. Его отец, министр при дворе халифа, долго искал для сына достойного учителя и, наконец, нашел его в пленном иноке по имени Косма, которого выкупил на свободу. Наставник не только преподал отроку основы различных духовных и светских наук, но и смог привить ему навык благочестивой жизни.

После смерти отца Иоанн стал советником халифа. Исполняя свои обязанности, он хранил в сердце правильную христианскую веру и был ее защитником в эпоху иконоборчества[53]53
  Иконоборчество – религиознополитическое движение, направленное против христианского почитания икон, имело место в Византии в VIII–IX вв.


[Закрыть]. Публицистическая деятельность святого привела к тому, что по приказу императора-иконоборца Льва III Исавра[54]54
  Правил в 717–741 гг.


[Закрыть] он был оклеветан перед лицом халифа. Жестокий правитель повелел отсечь подданному правую руку, которую исцелила после горячей и слезной молитвы Иоанна Сама Пречистая Богородица. Памятуя об этом чуде, преподобный неустанно восхвалял и благодарил Божию Матерь в своих духовных гимнах.

Халиф осознал невиновность Иоанна, но тот уже не захотел оставаться при дворе. Он раздал имущество и вместе с братом Космой[55]55
  Преподобный Косма (? – ок. 787 г.) был приемным сыном родителей Иоанна Дамаскина. Впоследствии епископ Маиумский, прославлен в лике святых (память 12/25 октября).


[Закрыть] удалился в Иерусалим, где стал послушником в Лавре преподобного Саввы Освященного. Духовный наставник, старец, запретил святому публицистическую и литературную деятельность и повелел заняться плетением корзин. Он сделал это, желая воспитать в нем дух послушания и смирения, без которых невозможны ни подлинное творчество, ни монашеская жизнь. Бывший вельможа, одетый в бедные одежды, продавал на рынке монашеское рукоделие и безмолвно терпел поношения и нищету.

По прошествии некоторого времени один из братий, потеряв близкого друга, попросил Иоанна составить надгробную песнь, которая могла бы немного облегчить скорбь. Уступив просьбам ближнего, подвижник нарушил повеление старца и написал несколько тропарей. Наставник, узнав, что Иоанн поет в келии стихи собственного сочинения, изгнал его от себя и принял обратно лишь после того, как провинившийся послушник убрал своими руками все нечистоты в обители. Спустя несколько дней упомянутому старцу явилась во сне Божия Матерь и повелела открыть во благо людей талант его ученика. С тех пор никто не препятствовал Иоанну писать песни и книги.

Творчество Иоанна Дамаскина вместило в себя глубины человеческой скорби и изобразило выход из нее в Едином Всеблагом Боге. Дарование преподобного – и как публициста, и как поэта – неотделимо от его подвижнического жития. В течение многих лет, до глубокой старости, он писал стихиры[56]56
  Стихира – церковное песнопение, состоящее из стихов, написанных одним размером, и основанное первоначально на том или ином библейском сюжете.


[Закрыть], каноны и молитвы, которые легли затем в основу одной из главных богослужебных книг – Октоиха[57]57
  Октоих, или Осмогласник – богослужебная книга, разделенная на восемь частей по числу гласов (распевов) и содержащая тексты церковных служб седмичного (недельного) круга, исполняемых в систематической последовательности.


[Закрыть].

Святой мирно отошел ко Господу, прожив более ста лет, и был погребен в Лавре Саввы Освященного. Впоследствии его мощи были перенесены в Константинополь. К заступничеству преподобного Иоанна прибегают, в числе прочих, христиане гуманитарных и творческих профессий, стремящиеся, с помощью Божией, в полной мере овладеть даром слова.

Составлено по источникам:

[Память] преподобного Иоанна Дамаскина//Минея декабрь. Ч. 1. М.: Издательский Совет Русской Православной Церкви, 2008. [Краткое житие].

Житие преподобного отца нашего Иоанна Дамаскина//Димитрий Ростовский, свт. Жития святых: В 12 т. Т. 2. Месяц октябрь. [Репринтное издание]. М.: Лествица, 2004.

Игнатия, мон. Церковные песнотворцы. М.: Московское подворье СвятоТроицкой Сергиевой Лавры, 2005.

Тропа́рь

глас 8

Правосла́вия наста́вниче, / благоче́стия учи́телю и чистоты́, / вселе́нныя свети́льниче, / мона́шествующих богодохнове́нное удобре́ние, / Иоа́нне прему́дре, / уче́ньми твои́ми вся просвети́л еси́, цевни́це* духо́вная, / моли́ Христа́ Бо́га спасти́ся душа́м на́шим.

Канон[58]58
  Приводится по изданию: Минея декабрь. Ч. 1. М.: Издательский Совет Русской Православной Церкви, 2008.


[Закрыть]

глас 2

Песнь 1

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный грех потреби́ло есть; препросла́вленный Госпо́дь сла́вно бо просла́вися.

Припе́в: Преподо́бне о́тче Иоа́нне, моли́ Бо́га о нас.

Твоя́ похвалы́ нача́ти хотя́щу ми, пода́ждь твой ны́не глас медото́чный, преподо́бне, и́мже Правосла́вную уясни́л еси́ Це́рковь пе́сньми, о́тче Иоа́нне, я́же твою́ почита́ет па́мять.

Сла́ва: Я́ко мудр и остроу́мен судия́, изря́днейше су́щих естество́ смотря́я, нестоя́щих предразсуди́л еси́ ве́чнующая: привре́менными бо измени́л еси́ пребыва́ющая, о́тче Иоа́нне, иде́же тя и ны́не Христо́с просла́ви.

И ны́не: Превы́шши яви́лася еси́, Чи́стая, вся́кия тва́ри, ви́димыя же и неви́димыя, Присноде́во: Зижди́теля* бо родила́ еси́, я́коже благоволи́ воплоти́тися во утро́бе Твое́й, Его́же со дерзнове́нием моли́ спасти́ пою́щия Тя.

Песнь 3

Ирмос: Процвела́ есть пусты́ня, я́ко крин*, Го́споди, язы́ческая неплодя́щая, Це́рковь прише́ствием Твои́м, в не́йже утверди́ся мое́ се́рдце.

Припев: Преподобне отче Иоанне, моли Бога о нас.

Расточи́л еси́ бога́тство, Бо́гу взаи́м дая́, те́мже тебе́ на Небесе́х угото́вася Ца́рство; но и ны́не воздая́ние, Иоа́нне, прия́л еси́ многокра́тное.

Слава: Прему́дрости тала́нт прие́м, дея́ньми украша́я, уясни́л еси́, Иоа́нне, Це́рковь Христо́ву, его́же многоусугубля́еши, и житие́ оста́вив.

И ныне: Чи́ни удиви́шася `Ангельстии, Пречи́стая, и челове́ческая устраши́шася сердца́ о Рождестве́ Твое́м. Те́мже Тя, Богоро́дицу, ве́рою чтим.

Го́споди, поми́луй. (Трижды.)

Седа́лен

глас 3

Труба́ благогла́сна освяще́на, свяще́ннейше, нам яви́лся еси́, песнопою́щи обра́зно уче́ния Го́спода и Спа́са конце́м, и твои́ми словесы́ мир просвети́л еси́, Иоа́нне преподо́бне, Христа́ Бо́га моли́ дарова́ти нам ве́лию* ми́лость.

Слава, и ныне: Боже́ственная ски́ния[59]59
  Скиния – здесь: храм, чертог.


[Закрыть] была́ еси́ Сло́ва, еди́на Пречи́стая Ма́ти Де́во, чистото́ю `Ангелы превозше́дшая; па́че всех мене́, персть* бы́вша, оскверне́на плотски́ми прегреше́ньми, очи́сти моли́тв Твои́х Боже́ственными вода́ми, подаю́щи, Чи́стая, ве́лию ми́лость.

Песнь 4

Ирмос: Прише́л еси́ от Де́вы не хода́тай, ни `Ангел, но Сам, Го́споди, вопло́щся, и спасл еси́ всего́ мя, челове́ка. Тем зову́ Ти: сла́ва си́ле Твое́й, Го́споди.

Припев: Преподобне отче Иоанне, моли Бога о нас.

Повеле́нию Христо́ву повину́вся, оста́вил еси́ мирску́ю красоту́, бога́тство, сла́дость, све́тлость, Его́же ра́ди, взем твой крест, после́довал еси́, Иоа́нне му́дре.

Слава: Сообнища́в обнища́вшему Христу́ челове́ческаго ра́ди спасе́ния, спросла́вился еси́, я́коже Той обеща́ся, и сца́рствуеши же присноца́рствующему, Иоа́нне.

И ныне: Тя, приста́нище спасе́ния, и сте́ну необори́му, Богоро́дице Влады́чице, вси ве́рнии ве́мы: Ты бо моли́твами Твои́ми от бед избавля́еши ду́ши на́ша.

Песнь 5

Ирмос: Хода́тай Бо́гу и челове́ком был еси́, Христе́ Бо́же: Тобо́ю бо, Влады́ко, к Светонача́льнику, Отцу́ Твоему́, от но́щи неве́дения приведе́ние и́мамы.

Припев: Преподобне отче Иоанне, моли Бога о нас.

Стра́хом Христо́вым, о́тче, утвержда́емь к Боже́ственней жи́зни, плотско́е мудрова́ние все покори́л еси́ ду́ху, твоя́, Иоа́нне, чу́вства очища́я.

Слава: Очи́стив вся́кия скве́рны те́ло, и ум, и ду́шу тщали́во*, богому́дре, зарю́ прия́л еси́ трисо́лнечную, Иоа́нне, све́тлыми тя богатя́щую дарова́нии.

И ныне: Моли́ Твоего́ Сы́на и Го́спода, Де́во Чи́стая, плене́нным избавле́ние от проти́внаго обстоя́ния, на Тя наде́ющимся, ми́рное дарова́ти.

Песнь 6

Ирмос: Во глубине́ грехо́вней содержи́мь есмь, Спа́се, и в пучи́не жите́йстей обурева́емь, но, я́коже Ио́ну от зве́ря, и мене́ от страсте́й возведи́ и спаси́ мя.

Припев: Преподобне отче Иоанне, моли Бога о нас.

Просвети́вся Ду́ха благода́тию, Боже́ственных и челове́ческих зна́нием веще́й я́сно обогати́вся, тре́бующим, Иоа́нне, незави́стно препо́дал еси́.

Слава: Подо́бне лико́м Небе́сным, му́дре, Це́рковь правосла́вно украси́л еси́, ликостоя́нныя пе́сни приглаша́я Тро́ице боговеща́нныя.

И ныне: Неискусому́жно, Де́во, родила́ еси́ и ве́чнуеши Де́ва, явля́ющи и́стиннаго Божества́, Сы́на и Бо́га Твоего́, о́бразы.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 4

Песнопи́сца и честна́го богоглаго́льника, Це́ркве наказа́теля* и учи́теля и враго́в сопротивоборца́ Иоа́нна воспои́м: ору́жие бо взем – Крест Госпо́день, всю отрази́ ересе́й пре́лесть и я́ко те́плый предста́тель к Бо́гу всем подае́т прегреше́ний проще́ние.

И́кос

Церко́вному наста́внику, и учи́телю, и жерцу́[60]60
  Т. е. священнослужителю.


[Закрыть], я́ко таи́ннику неизглаго́ланных возопие́м согла́сно: и́же к Бо́гу твои́ми моли́твами отве́рзи уста́ на́ша и сподо́би глаго́лати словеса́ уче́ний твои́х, ты бо Тро́ице яви́лся еси́ соприча́стник, я́ко друго́е со́лнце облиста́я в ми́ре, чудесы́ и уче́нии просия́в, я́ко Моисе́й, в зако́не Госпо́дни поуча́яся всегда́, сло́вом и де́лом был еси́ свети́льник и моля́ непреста́нно всем пода́ти прегреше́ний проще́ние.

Песнь 7

Ирмос: Богопроти́вное веле́ние беззако́ннующаго мучи́теля высо́к пла́мень вознесло́ есть, Христо́с же простре́ богочести́вым отроко́м ро́су духо́вную, Сый* благослове́н и препросла́влен.

Припев: Преподобне отче Иоанне, моли Бога о нас.

Ре́вностию разжига́емь, богобо́рных ересе́й вся́кое злоу́мие возрази́л еси́ све́тлыми писа́нии, убели́в всем я́сно дре́вле се́янная, му́дрыми, о Иоа́нне, напи́санныя то́нко.

Слава: Те́пле обличи́л еси́ злоиме́нных ученико́в Ма́нента[61]61
  Ма́нент – один из ярых приверженцев манихейской ереси, в основе которой лежит учение о равенстве и взаимной обусловленности добра и зла.


[Закрыть] ху́льное нече́стие, разврати́ти покуси́вшееся Це́рковь Христо́ву, словесы́ и догма́ты твои́ми, о Иоа́нне, я́же счини́л еси́.

И ныне: Святы́х святе́йшую поразумева́ем Тя, я́ко еди́ну ро́ждшую Бо́га непреме́ннаго, Де́во Нескве́рная, Ма́ти Безневе́стная: всем бо источи́ла еси́ ве́рным нетле́ние Боже́ственным Рождество́м Твои́м.

Песнь 8

Ирмос: Пещь иногда́ о́гненная в Вавило́не де́йства разделя́ше Бо́жиим веле́нием, халде́и опаля́ющая, ве́рныя же ороша́ющая, пою́щия: благослови́те вся дела́ Госпо́дня, Го́спода.

Припев: Преподобне отче Иоанне, моли Бога о нас.

Обличи́л еси́ я́ве, треблаже́нне Иоа́нне, Несто́риево разделе́ние[62]62
  Несторий – в 428–431 гг. Патриарх Константинопольский, родоначальник ереси несторианства, резко разграничивающей человеческую и Божественную природу в Иисусе Христе.


[Закрыть], Севи́рово слия́ние[63]63
  Севир – в 512–518 гг. Патриарх Антиохийский, основатель ереси северианства, признающей только одну природу в Иисусе Христе.


[Закрыть], единово́льное пребезу́мие, ве́ру же единоде́йственну сия́ние Правосла́вия всем облиста́в конце́м.

Слава: Все́я враг пле́велы[64]64
  Пле́велы – ядовитые сорняки.


[Закрыть] обы́чно ерети́ческия в Це́ркви Христо́ве, сего́ поклоне́ния отмета́тися во ико́нах честны́х, но обре́те не дре́млюща тя, всеблаже́нне Иоа́нне, вся́кое се́мя зло́е искореня́юща.

И ныне: Ты от Отца́ неразлу́чнаго, во чре́ве богому́жно пожи́вшаго, безсе́менно зачала́ еси́ и несказа́нно родила́ еси́, Богороди́тельнице Пречи́стая: те́мже Тя, спасе́ние всех нас, испове́даем.

Песнь 9

Ирмос: Безнача́льна Роди́теля Сын, Бог и Госпо́дь, вопло́щся от Де́вы, нам яви́ся омраче́нная просвети́ти, собра́ти расточе́нная. Тем Всепе́тую Богоро́дицу велича́ем.

Припев: Преподобне отче Иоанне, моли Бога о нас.

Научи́л еси́ вся церко́вныя пе́ти сы́ны правосла́вно Еди́ницу в Тро́ице Честну́ю, воплоще́ние же Сло́ва Боже́ственное богосло́вити я́ве, Иоа́нне, уясня́я неудобопости́жная мно́гим во Свяще́нных Писа́ниих.

Слава: Святы́х чи́ны песносло́вив, преподо́бне, Чи́стую Богоро́дицу, Христо́ва Предте́чу, та́же апо́столы, проро́ки с по́стники и му́дрыя учи́тели, пра́ведники и му́ченики, в тех ны́не водворя́ешися ски́ниих.

И ныне: Черто́г была́ еси́ и́же па́че ума́ воплоще́ния Сло́ва, Де́во Богороди́тельнице, оде́яна сла́вою доброде́телей и испещре́на. Тем Тя, Всенепоро́чная, Богоро́дицу возвеща́ем.

Молитва[65]65
  Молитва общая преподобному//Молитвы ко святым угодникам Божиим. М.: Паломник, 2009.


[Закрыть]

О свяще́нная главо́, преподо́бне о́тче, преблаже́нне а́вво Иоа́нне! Не забу́ди убо́гих твои́х до конца́, но помина́й нас всегда́ во святы́х твои́х и благоприя́тных моли́твах к Бо́гу. Помяни́ ста́до твое́, е́же сам упа́сл еси́, и не забу́ди посеща́ти чад твои́х. Моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́, не премолчи́ за ны ко Го́споду, и не пре́зри нас, ве́рою и любо́вию чту́щих тя. Помина́й нас, недосто́йных, у Престо́ла Вседержи́телева и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши. Не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. Ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств[66]66
  Мыта́рства – испытания душ умерших, по отшествии от тела возносимых на поклонение к Богу.


[Закрыть] же го́рьких, бесо́в, возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и с Пресвяты́м и Благи́м, и Животворя́щим Его́ Ду́хом, ны́не и при́сно*, и во ве́ки веко́в. Ами́нь.

Святитель Иоанн Златоуст[67]67
  Ок. 347–407 гг., память 27 января / 9 февраля, 30 января / 12 февраля, 14/27 сентября, 13/26 ноября.


[Закрыть]

Архиепископ Константинопольский Иоанн Златоуст родился в Антиохии, в христианской семье военачальника. Еще в раннем детстве он потерял отца, и мать, Анфуса, решила не выходить более замуж и всецело посвятить себя воспитанию сына. Она не только привила мальчику христианскую веру, но и наставила его на путь получения хорошего светского образования. Юный Иоанн обучался у знаменитых софистов на родине, а затем в Афинах и стал, достигнув зрелого возраста, мудрым философом и красноречивым оратором.

Будущий святитель еще в юности обратился к углубленному изучению Священного Писания и молитвенному созерцанию. Он принял крещение в двадцатилетнем возрасте, спустя три года был поставлен во чтеца, а после смерти матери принял иночество, которое называл «истинной философией». Вскоре Иоанна сочли достойным кандидатом для епископской кафедры, однако он по смирению уклонился от архиерейского сана. Дар слова, проповеди, учительства, которым обладал подвижник, был не оставлен в небрежении, а лишь сокрыт до времени.

Четыре года провел святой в трудах пустынножительства, упражняясь в подвигах и посте и занимаясь написанием книг. Затем, по состоянию здоровья, вынужден был возвратиться в Антиохию. Там он был рукоположен во диакона. В диаконском сане будущий святитель прослужил пять лет, имея послушание посещать больных и неимущих. Это служение поставило его в среду действительной жизни, открыло перед ним изнаночную сторону мирского благополучия – мир обездоленных. Душа Иоанна была, таким образом, подвергнута двойному испытанию: иноческий подвиг в пустыне научил ее вниманию, созерцанию, должность диакона стала школой самоотвержения и любви. Все это подготавливало ее к высшему пастырскому служению, в котором и должен был раскрыться проповеднический талант.

Святой Иоанн был рукоположен во пресвитера[68]68
  Пресвитер – то же, что священник.


[Закрыть] в возрасте тридцати девяти лет и получил обязанность проповедовать слово Божие перед народом. Молва о нем быстро разнеслась по всей Антиохии: пришедшие послушать нового пастыря горожане поражались необычайной жизненности его речей, убедительности примеров, одинаково понятных и образованному патрицию[69]69
  Патриций – представитель родовой знати, высшего сословия.


[Закрыть], и простому земледельцу. Это было совершенно иное, отличное от языческого, искусство слова: напыщенная речь эллинских ораторов восхищала остроумными словооборотами, но не затрагивала души́. Святитель же, со властью духовной обличавший пороки и внушавший вслед за тем поистине сладостную надежду на милосердие Божие, столь потрясал сердца слушателей, что получил от них именование «Златоуст».

В течение двенадцати лет святой, обычно дважды в неделю, произносил перед большой толпой собравшихся свои вдохновенные проповеди. Слово рождалось у него непосредственно: слушая пастыря, люди видели в его речах себя. Златоуст нередко заключал свою речь призывом к покаянию, и христиане деятельно откликались на него. Ревнуя о наилучшем усвоении прихожанами Священного Писания, святой Иоанн написал толкования на некоторые книги Библии и множество отдельных бесед и поучений на праздники.

Слава проповедника росла, и в 397 году он был вызван из Антиохии, возведен в сан архиепископа и поставлен на Константинопольскую кафедру. В столице святой архипастырь занимался делами благотворительности, воспитанием миссионеров, совершенствованием православного богослужения. В результате придворных интриг он был изгнан властями из Константинополя и сослан в одну из отдаленных и бедных деревень Малой Армении[70]70
  Малая Армения – историческая область в верховьях р. Евфрат.


[Закрыть], а затем в Команы[71]71
  Команы Абхазские – город на окраине Византийской империи. Ныне с. Команы (Абхазия).


[Закрыть], где и окончил, изможденный лишениями, свой земной путь.

Посмертная слава и духовное наследие Иоанна Златоуста столь велики, что он почитается особо – в числе трех Вселенских учителей и святителей Церкви[72]72
  Наряду со святителями Василием Великим (ок. 330–379 гг., память 1 / 14 января, 30 января / 12 февраля) и Григорием Богословом (ок. 329–389 гг., память 25 января / 7 февраля, 30 января / 12 февраля).


[Закрыть]. Мы слышим его имя практически на каждой Божественной литургии. К заступничеству святителя прибегают путем усердной молитвы пастыри, проповедники, богословы. Возможно, без сомнения, обращение к нему и просто верующих мирян – в особенности тех, кто желает научиться подлинному красноречию и наилучшим образом воплотить свой литературный талант.

Составлено по источникам:

[Память] святителя Иоанна Златоустого, архиепископа Константинопольского//Минея ноябрь. Ч. 1. М.: Издательский Совет Русской Православной Церкви, 2008. [Краткое житие].

Житие святого отца нашего Иоанна Златоустого//Димитрий Ростовский, свт. Жития святых: В 12 т. Т. 3. Месяц ноябрь. [Репринтное издание]. М.: Лествица, 2004.

Лопухин А. П. Жизнь и труды святого Иоанна Златоуста. М.: АмритаРусь, 2008. [И др. издания].

Тропа́рь

глас 8

У́ст твои́х, я́коже све́тлость огня́ возсия́вши, благода́ть / вселе́нную просвети́: / не сребролю́бия ми́рови сокро́вища сниска́, / высоту́ нам смиренному́дрия показа́, / но, твои́ми словесы́ наказу́я[73]73
  Т. е. поучая, наставляя.


[Закрыть], о́тче Иоа́нне Златоу́сте, / моли́ Сло́ва Христа́ Бо́га спасти́ся душа́м на́шим.

Канон[74]74
  Приводится по изданию: Минея ноябрь. Ч. 1. М.: Издательский Совет Русской Православной Церкви, 2008.


[Закрыть]

глас 8

Песнь 1

Ирмо́с: Колесницегони́теля фарао́ня погрузи́ чудотворя́й иногда́ Моисе́йский жезл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, песнь Бо́гови воспева́юща.

Припе́в: Святи́телю о́тче Иоа́нне, моли́ Бо́га о нас.

Покая́ния быв тепле́йший пропове́дник, Златоу́сте, пока́ятися мне, о́тче, Бо́гу моли́ся от всего́ се́рдца моего́ и дре́вних прегреше́ний исцели́ти я́звы твои́м страда́тельством* умоли́.

Припев: Святителю отче Иоанне, моли Бога о нас.

Всю зарю́ Свята́го Ду́ха, о́тче, прии́м, всесве́тел яви́лся еси́ столп, предводи́телен Це́ркве, преподо́бне, све́тел же о́блак, всеблаже́нне, осеня́ющ правосла́вных собо́ры.

Сла́ва: От Христа́ рукоположе́н учи́тель, Боже́ственная уче́ния златови́дным язы́ком, мы́слию же богому́дрою бога́тно ты источи́л еси́: Бо́жия бо река́, вод испо́лнен Ду́ха, яви́лся еси́, богоявле́нне Златоу́сте.

И ны́не: Преукра́шена разли́чием благода́ти, Богора́дованная, `Отчее Сло́во, плоть бы́вшее за благоутро́бие мно́гое па́че ума́ и словесе́, Благослове́нная, родила́ еси́, пребы́вши Де́ва Нескве́рная.

Песнь 3

Ирмос: Утвержде́й в нача́ле Небеса́ ра́зумом и зе́млю на вода́х основа́вый, на ка́мени мя, Христе́, за́поведей Твои́х утверди́, я́ко несть свят, па́че Тебе́, еди́не Человеколю́бче.

Припев: Святителю отче Иоанне, моли Бога о нас.

Умо́м ты Христо́вым обога́щся, твои́м чи́стым житие́м челове́ком спасе́ния был еси́ споспе́шник и повествова́тель, де́йствитель, Златоу́сте, учи́тельства точа́ спаси́тельная, богодохнове́нне.

Припев: Святителю отче Иоанне, моли Бога о нас.

От невеще́ственных сокро́вищ Ду́ха ты обогати́вся, от исто́чников спасе́ния поче́рпл еси́ приснотеку́щий исто́чник уче́ний и напои́л еси́ все Це́ркве, преподо́бне о́тче, лице́.

Слава: Олядене́вшия* душе́вныя, Златоу́сте, ни́вы, прему́дрым земледе́ланием слове́с изчи́стил еси́, му́дре, и плодоно́сны показа́л еси́, Небе́сными ту́чами сия́ напая́я, богоприя́тне.

И ныне: Поро́ка в Тебе́ и скве́рны несть отню́д, Де́во, оби́тель же па́че яви́лася еси́ Небе́сных бла́гостей, в Тебе́ бо всели́ся доброде́телей вся святы́ня, Всенепоро́чная.

Го́споди, поми́луй. (Трижды.)

Седа́лен

глас 8

Неизрече́нныя му́дрости богови́дно поче́рпл еси́ бога́тство ра́зума, всем сокро́вищствовал еси́ Правосла́вия во́ды, ве́рных у́бо сердца́ боже́ственне веселя́щия, неве́рных же мне́ния досто́йно погружа́ющия: тем отобою́ду благоче́стия по́тами показа́лся еси́ непобе́дный Тро́ицы побо́рник, Иоа́нне Златоу́сте. Моли́ Христа́ Бо́га грехо́в оставле́ние дарова́ти пра́зднующим любо́вию святу́ю па́мять твою́.

Слава: Су́щую свы́ше му́дрость позна́в и благода́ть слове́с от Бо́га всем просия́л еси́, я́ко зла́то в горни́ле, и Святу́ю Тро́ицу, Еди́ницу, пропове́дал еси́, сребролю́бную лесть устрели́в словесы́ твои́ми. Те́мже и ре́вностию цари́цу обличи́в, `Ариево[75]75
  Арий – один из известнейших еретиков, основоположник арианства – учения, отвергавшего христианский догмат о единосущности Бога Отца и Бога Сына.


[Закрыть] посрами́л еси́ иноплеме́нное киче́ние, Иоа́нне Златоу́сте, моли́ Христа́ Бо́га грехо́в оставле́ние дарова́ти пра́зднующим любо́вию святу́ю па́мять твою́.

И ныне: Пла́мень гее́нский и сгоре́ние, плач, и́же в нем и рыда́ние, зело́* окая́ннейшее разлуче́ние и горча́йшее, святы́х насле́дия и собра́ния ра́достнаго, помышля́ющи, содрогни́ся, душе́ моя́, и возстени́, и писа́ния тми́нных* долго́в твои́х истреби́ти потщи́ся умиле́ния слеза́ми, Споспе́шницу непосты́дную иму́щи, Чи́стую Богома́терь: Тоя́ бо ра́ди прегреше́ний дае́тся оставле́ние Сию́ Богоро́дицу правосла́вно сла́вящим.

Песнь 4

Ирмос: Ты моя́ кре́пость, Го́споди, Ты моя́ и си́ла, Ты мой Бог, Ты мое́ ра́дование, не оста́вль не́дра `Отча и на́шу нищету́ посети́в. Тем с проро́ком Авваку́мом зову́ Ти: си́ле Твое́й сла́ва, Человеколю́бче.

Припев: Святителю отче Иоанне, моли Бога о нас.

Ина́го нам апо́столов единонра́внаго, и́же промышле́нием всех промышля́я, я́ко Благ, даде́ Христо́с тя, Небе́снаго тайново́дства пропове́дника и боже́ственнаго сказа́теля та́ин го́рних*, Иоа́нне всеблаже́нне, Златоу́сте.

Припев: Святителю отче Иоанне, моли Бога о нас.

Златоза́рнаго и златослове́снаго, почти́м Златоу́стаго Иоа́нна, вся позлати́вшаго златови́дными сия́нии уче́ния и мир язы́ком просвети́вша, зла́та светле́йшим и све́та полне́йшим, источа́ющим благода́ть Боже́ственную.

Припев: Святителю отче Иоанне, моли Бога о нас.

Весь был еси́ Бо́жие жили́ще, весь яви́лся еси́ орга́н Ду́ха, возглаша́ющ вся́кия доброде́тели богодохнове́нную песнь, и спасе́ния вину́, и добро́ту явля́я Небе́снаго Ца́рствия, Иоа́нне всеблаже́нне Златоу́сте.

Слава: Ты Бо́жие благоутро́бие пропове́дал еси́, покая́ния о́бразы излага́я, и злых отбежа́ния изя́щнейше поуча́я, преблаже́нне и всесоверше́ннейше, и о де́лех изря́дных поуче́ния источа́я, всече́стне о́тче Златоу́сте.

И ныне: По Бо́зе предста́тельницу Тя стяжа́хом, Ты бо Бо́жия Ма́ти была́ еси́ Творца́ и Соде́теля, и наш зрак* прие́мшаго, Всенепоро́чная, и сей спа́сшаго от тли* и сме́рти и сла́вою Боже́ственною просла́вившаго.

Песнь 5

Ирмос: Вску́ю* мя отри́нул еси́ от лица́ Твоего́, Све́те Незаходи́мый, и покры́ла мя есть чужда́я тьма, окая́ннаго; но обрати́ мя и к све́ту за́поведей Твои́х пути́ моя́ напра́ви, молю́ся.

Припев: Святителю отче Иоанне, моли Бога о нас.

Церко́внаго свети́льника вси тя ве́мы светови́днейшаго и душа́м спаси́тельнаго, восхища́ющаго сия́ из горта́ни смертоно́сныя и к жи́зни путеводя́ща ве́чней, о́тче приснопева́емый.

Припев: Святителю отче Иоанне, моли Бога о нас.

Разруша́еши ополче́ния ерети́чествующих, треблаже́нне, огради́вся благоче́стия ору́жии и му́жеством души́, свяще́ннейше, собира́еши же, ра́дуяся пресве́тло, правосла́вных ли́ки сою́зом Ду́ха.

Слава: Испо́лнены, я́коже фиа́лы, Боже́ственных арома́т лани́ты* твоя́ и вселе́нную у́мными благово́нии веселя́т мирова́рным тайново́дством разуме́ний и добро́тою слове́с твои́х, всему́дре.

И ныне: Я́ко Бо́га заче́нши, Соде́теля же, и Зижди́теля*, и Го́спода, ро́ди Тя вси челове́честии, Чи́стая, убла́жают, и Безтеле́сных разу́мная чинонача́лия я́ко Ма́терь Бо́жию Тя сла́вят.

Песнь 6

Ирмос: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся: к Тебе́ бо возопи́х, и услы́ши мя, Бо́же спасе́ния моего́.

Припев: Святителю отче Иоанне, моли Бога о нас.

Му́дростию духо́вною мир весь обогати́л еси́, словесе́ раздава́тель быв бога́тый: бога́та бо свы́ше, иера́рше, благода́ть излия́ся твои́м устна́м.

Припев: Святителю отче Иоанне, моли Бога о нас.

Во всю, я́ко мо́лния, зе́млю изы́де веща́ние твое́, и си́ла же твои́х глаго́л, Златоу́сте, я́ко труба́ велегла́сная, вселе́нныя вся огласи́ концы́.

Слава: Свы́ше во истка́нную ри́зу оде́явся, всеблаже́нне, доброде́телей и слове́с красото́ю обложи́вся, и́стины яви́л еси́ сла́вное утвержде́ние.

И ныне: Вседержи́тельною си́лою нося́й вся́ческая, в немощну́ю плоть из Тебе́ оде́явся, Де́во Пренепоро́чная, на благодея́ние челове́ков Человеколю́бец.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 6

От Небе́с прия́л еси́ Боже́ственную благода́ть и твои́ми устна́ми вся учи́ши покланя́тися в Тро́ице Еди́ному Бо́гу, Иоа́нне Златоу́сте, всеблаже́нне преподо́бне, досто́йно хва́лим тя: еси́ бо наста́вник, я́ко Боже́ственная явля́я.

И́кос

Всех Творцу́ преклоня́ю коле́на, Преве́чному Сло́ву ру́ки простира́ю, сло́ва ища́ дарова́ние, да воспою́ преподо́бнаго, его́же Сам возвели́чи, глаго́лет бо проро́ком Живы́й во ве́ки: просла́влю ве́рою сла́вящия Мя. И́же у́бо в дре́вних Самуи́ла[76]76
  Имеется в виду пророк Самуил, обладавший даром слова и воодушевивший весь израильский народ проповедью о покаянии (см.: 1 Цар. 7, 3–9).


[Закрыть] возвы́сивый, просла́ви ны́не иера́рха: тала́нт бо, ему́же вве́рися, до́бре ку́пльствовав, Царю́ принесе́, тем и превозвы́шши его́ Пресу́щественный. Сего́ благода́ти прошу́, недосто́йный аз, сло́во прия́ти ми, да возмогу́ благоче́стно воспе́ти того́: конце́й бо той есть наста́вник, я́ко Боже́ственная явля́я.

Песнь 7

Ирмос: Бо́жия снизхожде́ния огнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице, лику́юще, поя́ху: благослове́н еси́, Бо́же оте́ц на́ших.

Припев: Святителю отче Иоанне, моли Бога о нас.

Бла́гости бе́здну и благоутро́бия навы́к Бо́жия, пору́чник яви́лся еси́ спасе́ния ка́ющимся те́пле и вседу́шно Го́споду зову́щим: благослове́н Бог оте́ц на́ших.

Припев: Святителю отче Иоанне, моли Бога о нас.

Управля́еши, Златоу́сте, уче́нии твои́ми вся́кую мысль, и душе́вныя врачу́еши не́мощи, я́ко сострада́тельнейший, и благотеку́щим спое́ши, веселя́ся: благослове́н Бог оте́ц на́ших.

Слава: Возвы́сился еси́, быв избра́н, преподо́бен, незло́бив, свяще́нник Высоча́йшаго, пра́вдою оде́ян све́тло и весе́лием, зовы́й, всебога́те: благослове́н Бог оте́ц на́ших.

И ныне: Зачала́ еси́, Пречи́стая, Су́щаго над все́ми Бо́га и Го́спода, благоволи́вшаго спасти́ челове́ческий род от тле́ния и сме́рти. Его́же, досто́йно пою́ще, зове́м: благослове́н Бог оте́ц на́ших.

Песнь 8

Ирмос: Седмери́цею пещь халде́йский мучи́тель богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

Припев: Святителю отче Иоанне, моли Бога о нас.

И́же разу́мно словесе́м твои́м бесе́дующе, Златоу́сте, богосло́вия честно́му у́чимся, и всепло́дствуем благи́х поле́зное, и зло́бы отбега́ем вреда́: о́бщий бо строи́тель спасе́ния был еси́, вопия́: превозноси́те Христа́ во ве́ки.

Припев: Святителю отче Иоанне, моли Бога о нас.

За ны моли́ Влады́ку, Златоу́сте, сострада́тельнейшее дерзнове́ние име́я и ми́лостивною и человеколю́бною твое́ю, о́тче, любо́вию: тя бо ко Спа́су предлага́ем, ве́рнии, хода́тая же, и предста́теля, и тепле́йша моли́твенника, богому́дре иера́рше, всеблаже́нне Иоа́нне.

Слава: Ю́ношское противле́ние, и непрекло́нное мудрова́ние, и ца́рствующих непра́вду обличи́л еси́, те́пле предста́тельствуя оби́димыя, преподо́бне; и сиро́т, и вдов, и ни́щих оте́ц был еси́ любо́вным предложе́нием, превозноси́те, вопия́, Христа́ во ве́ки.

И ныне: Теле́сными образова́нии, и разли́чными гада́нии, и символи́ческими, и знамена́тельными предъявле́ньми, Твое́ провозвести́ша богоглаго́ливии Рождество́, преесте́ственное и чу́дное, Де́во; тем Тя, веселя́щеся, благоче́стно воспева́ем, Христа́ превознося́ще во вся ве́ки.

Песнь 9

Ирмос: Ужасе́ся о сем Не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее Небе́с. Тем Тя, Богоро́дицу, А́нгелов и челове́к чинонача́лия велича́ют.

Припев: Святителю отче Иоанне, моли Бога о нас.

И́стинно наслажда́яся, о́тче, жи́зни, о не́йже подвиза́лся еси́, ели́ко мо́щно, на земли́ житие́м преизя́ществовав Ангельским и Христо́в стяжа́в язы́к и уста́ ти́хая: спасти́ся, богоглаго́ливе, моли́ тя ве́рою изя́щне блажа́щим.

Припев: Святителю отче Иоанне, моли Бога о нас.

Словеса́ твоя́, треблаже́нне, словеса́ жи́зни, жизнь хода́тайствующая неконе́чную: тя бо исто́чника теку́ща показа́ Христо́с и реку́, пролива́ющу Боже́ственных пото́ки уче́ний, сла́дости и́стинно пото́к, оставле́ния же струю́ и покая́ния све́тла пропове́дника.

Слава: Хода́тай яви́лся еси́, священнонача́льниче, Бо́га и челове́ков пресве́тлый, ты бо свети́льник яви́лся еси́ благоче́стия богосве́тлый и Боже́ственнаго зна́ния и ми́лостыни наказа́тель*: тем тя, златосло́ве, серде́чною любо́вию ны́не досто́йно велича́ем.

И ныне: Чи́стая препросла́вленная Ма́ти Бо́жия, пою́щия Тя любо́вию спаса́й, искуше́ний молву́ разреша́ющи ми́лостивно. Я́ко бо Бо́га ро́ждши, вся, ели́ко хо́щеши, соверша́еши, успева́еши невозбра́нно и мо́жеши, Де́во. Тем Тя вси велича́ем.

Молитва[77]77
  Приводится по изданию: Молитвослов на всякую потребу и всякий день. СПб.: Сатисъ, 2003.


[Закрыть]

О святи́телю вели́кий Иоа́нне Златоу́сте! Ты мно́гая и разли́чная дарова́ния от Го́спода прия́л еси́, и, я́ко раб благи́й и ве́рный, вся да́нныя тебе́ тала́нты до́бре умно́жил еси́: сего́ ра́ди вои́стину вселе́нский учи́тель был еси́, я́ко всяк во́зраст и вся́ко зва́ние от тебе́ поуча́ется. Се бо отроко́м послуша́ния о́браз яви́лся еси́, ю́ным – целому́дрия свети́ло, муже́м – трудолю́бия наста́вник, ста́рым – незло́бия учи́тель, иноком – воздержа́ния пра́вило, моля́щимся – вождь от Бо́га вдохнове́нный, му́дрости и́щущим – ума́ просвети́тель, вити́ям доброглаго́ливым – сло́ва жива́го исто́чник неисчерпа́емый, благотворя́щим – милосе́рдия звездо́, нача́льствующим – правле́ния му́драго о́браз, пра́вды ревни́телем – дерзнове́ния вдохнови́тель, пра́вды ра́ди гони́мым – терпе́ния наста́вник: всем вся был еси́, да вся́ко не́кия спасе́ши. Над все́ми же си́ми стяжа́л еси́ любо́вь, я́же есть соу́з соверше́нства, и то́ю, я́ко си́лою Боже́ственною, вся дарова́ния в души́ твое́й воеди́но совокупи́л еси́, и ту́южде любо́вь, разделе́нная примиря́ющую, в толкова́нии слове́с апо́стольских всем ве́рным пропове́дал еси́. Мы же, гре́шнии, по еди́ному ки́йждо* свое́ дарова́ние иму́ще, едине́ния ду́ха в сою́зе ми́ра не и́мамы, но быва́ем тщесла́вни, друг дру́га раздража́юще, друг дру́гу зави́дяще: сего́ ра́ди дарова́ния на́ша разделе́нная не в мир и спасе́ние, но во вражду́ и осужде́ние нам преложи́шася. Те́мже к тебе́, святи́телю Бо́жий, припа́даем, раби́ Бо́жии (имена), раздо́ром обурева́еми, и в сокруше́нии се́рдца про́сим: моли́твами твои́ми отжени́ от серде́ц на́ших вся́ку го́рдость и за́висть, нас разделя́ющия, да во мно́зех у́дех еди́но те́ло церко́вное невозбра́нно пребу́дем, да по словеси́ твоему́ моли́твенному возлю́бим друг дру́га и единомы́слием испове́мы Отца́ и Сы́на и Свята́го Ду́ха, Тро́ицу Единосу́щную и Неразде́льную, ны́не и при́сно*, и во ве́ки веко́в. Ами́нь.