Текст книги "Преподобный Серафим Вырицкий. Служба. Акафист. Житие."

Акафист Преподобному отцу нашему Серафиму Вырицкому

Кондак 1

Избра́нный уго́дниче Христо́в, преподо́бне о́тче Серафи́ме, ве́ры правосла́вныя свети́льниче и земли́ Росси́йския благода́тный засту́пниче, чу́дный о́браз спасе́ния нам яви́вый, де́ланием сокрове́нным Ца́рство Небе́сное стяжа́вый. К твоему́ предста́тельству ны́не притека́юще, пе́ние хвале́бное прино́сим ти, любо́вию зову́ще: Ра́дуйся, преподо́бне Серафи́ме, Вы́рицкий чудотво́рче.

Икос 1

Ангелоподо́бную красоту́ души́ име́л еси́, преподо́бне о́тче, се́рдцем пламене́я ко Го́споду сил и Тому́ Еди́ному служи́ти от ю́ности восхоте́л еси́ и послуша́ние и́стинное Творцу́ своему́ яви́л еси́. Те́мже промышле́нию Бо́жию о тебе́ дивя́щеся, с ве́рою зове́м ти:

Ра́дуйся, благочести́вых роди́телей о́троче досто́йный.

Ра́дуйся, измла́да все́ю душе́ю Го́спода возлюби́вый.

Ра́дуйся, слу́жбы церко́вныя благогове́йный ревни́телю.

Ра́дуйся, ми́ра духо́внаго благогове́йный созерца́телю.

Ра́дуйся, молитвы чи́стыя соверши́телю усе́рдный.

Ра́дуйся, се́рдцем сокруше́нным всеце́ло к Бо́гу устремле́нный.

Ра́дуйся, схи́мнику ла́врскому жела́ние се́рдца своего́ пове́давый.

Ра́дуйся, от него́ во́лю Бо́жию о себя́ позна́вый.

Ра́дуйся, преподо́бне Серафи́ме, Вы́рицкий чудотво́рче.

Кондак 2

Ви́дя Го́спода очесы́ духо́вными и на ми́лость Его́ упова́я, бра́ком зако́нным сочета́лся еси́, блаже́нне о́тче, чистоту́ душе́вную и теле́сную усе́рдно соблюда́я. Вку́пе же с супру́жницею свое́ю возраста́л еси́ во вся́кой доброде́тели, непреста́нно поя́ Го́сподеви: Аллилу́иа.

Икос 2

Ра́зум наш недоумева́ет, о́тче Серафи́ме, ка́ко возглаго́лати во словесе́х ве́ру и любо́вь твою́ ко Го́споду, николи́же усумни́лся еси́ в бла́гости Отца́ Небе́снаго и всеце́лое дове́рие к Бо́гу в души́ свое́й пита́л еси́. Сего́ ра́ди глаго́лем ти сицева́я:

Ра́дуйся, о́бразе ве́ры непоколеби́мыя.

Ра́дуйся, испо́лненный кро́тости духо́вныя.

Ра́дуйся, боя́выйся Го́спода и храни́вый за́поведи Его́.

Ра́дуйся, на всяк день поуча́выйся в пра́вде Его́.

Ра́дуйся, ду́шу свою́ в терпе́нии стяжа́вый.

Ра́дуйся, Ца́рствия Бо́жия па́че всего́ иска́вый.

Ра́дуйся, целому́дрия и воздержа́ния супру́жескаго храни́телю.

Ра́дуйся, ти́хаго нра́ва любому́дрый носи́телю.

Ра́дуйся, преподо́бне Серафи́ме, Вы́рицкий чудотво́рче.

Кондак 3

Си́лою Вы́шняго укрепля́ем, по́прище мирско́е с де́ланием вну́тренним му́дро сочета́л еси́, пра́ведне о́тче, и дела́ми милосе́рдия, Христа́ ра́ди твори́мыми, благослове́ние Бо́жие сниска́л еси́. Покры́й у́бо и нас, обнаже́нных вся́кого де́ла бла́га, любо́вию твое́ю, да восхва́лим ми́лостиваго Бо́га: Аллилу́иа.

Икос 3

Име́я сострада́ние, ми́лостиве о́тче, скорбя́щих укрепля́л еси́, больны́х и си́рых утеша́л еси́, те́мже и любо́вь Христо́ву стяжа́л еси́.

Приими́ и от нас благода́рственную песнь сию:

Ра́дуйся, ско́рый помо́щниче в беда́х су́щим.

Ра́дуйся, ще́дрый пода́телю прося́щим.

Ра́дуйся, хра́мов и оби́телей благотвори́телю.

Ра́дуйся, немощны́х и убо́гих попечи́телю.

Ра́дуйся, я́ко самому́ Христу́ бли́жнему послужи́вый.

Ра́дуйся, бога́тство тле́нное ни во что вмени́вый.

Ра́дуйся, земны́х пристра́стий свободи́выйся.

Ра́дуйся, ве́рою и до́брыми дела́ми утверди́выйся.

Ра́дуйся, преподо́бне Серафи́ме, Вы́рицкий чудотво́рче.

Кондак 4

Бу́ри богобо́рческия, в Росси́и воздви́гнутой, не устраши́лся еси́, богоно́сне о́тче, но по́двиг испове́дничества подъя́в, му́жеством вооружи́лся еси́ во е́же соверше́нным ученико́м Го́спода нарица́тися, и Ему́ всеце́ло себе́ преда́в, ра́достно воспева́л еси́: Аллилу́иа.

Икос 4

Слы́ша о тя́жких страда́ниях, ве́рными за и́мя Христо́во претерпева́емых, со Апо́столом вопроша́л еси́: кто ны разлучи́т от любве́ Бо́жия. Ве́мы вои́стину, о́тче, я́ко лю́бящим Бо́га вся поспе́шествуют во благо́е, мо́лим тя и нам многогре́шным душеполе́зная от Го́спода испроси́. Да согла́сно пое́м ти:

Ра́дуйся, ве́ру Правосла́вную му́жественно испове́давый.

Ра́дуйся, да́же до сме́рти за Христа́ пострада́ти возжела́вый.

Ра́дуйся, име́ние свое́ по словеси́ Госпо́дню разда́вый.

Ра́дуйся, за Возлю́бленным тобо́ю и Возлю́бльшем тя после́довавый.

Ра́дуйся, зла́то, в горни́ле искуше́ний очище́нное.

Ра́дуйся, дре́во, при исто́чницех вод живы́х насажде́нное.

Ра́дуйся, ско́рби и испыта́ния в бога́тство ду́ха обрати́вый.

Ра́дуйся, сокрове́нным по́двигом ко и́ночеству себя́ предугото́вивый.

Ра́дуйся, преподо́бне Серафи́ме, Вы́рицкий чудотво́рче.

Кондак 5

Богосве́тлую звезду́ яви́ тя Го́сподь в Ла́вре Алекса́ндро-Не́встей, преподо́бне о́тче Серафи́ме, егда́ во а́нгельстем чи́не благода́ть свяще́нства восприя́в, ду́ши мно́гих скорбя́щих и во мра́це отча́яния пребыва́ющих укрепля́л еси́ и све́том И́стины озаря́л еси́, воспева́я Го́сподеви: Аллилу́иа.

Икос 5

Ви́девше бра́тия я́ко потща́вся вседу́шно Бо́гу благоугоди́ти, не вотще́ потруди́лся еси́. Па́че же смире́ния глубину́, мир и ра́дость о Го́споде стяжа́л еси́. Те́мже и мы зря́ще духо́вное восхожде́ние твое́ от си́лы в си́лу с благогове́нием взыва́ем ти:

Ра́дуйся, плоть свою́ со страстьми́ и похотьми́ распя́вый.

Ра́дуйся, скве́рну грехо́вную покая́нием отмы́вый.

Ра́дуйся, я́ко благода́тную си́лу смире́ния позна́л еси́.

Ра́дуйся, я́ко де́ланием за́поведей Ева́нгельских ду́шу обнови́л еси́.

Ра́дуйся, и́мя Иису́са Сладча́йшаго непреста́нно призыва́вый.

Ра́дуйся, на земли́ блаже́нство бу́дущаго ве́ка вкуси́вый.

Ра́дуйся, Же́ртву безкро́вную со стра́хом и тре́петом приноси́вый.

Ра́дуйся, сло́вом му́дрым всех притека́ющих к тебе́ пита́вый.

Ра́дуйся, преподо́бне Серафи́ме, Вы́рицкий чудотво́рче.

Кондак 6

Соверше́нную любо́вь я́ко вене́ц доброде́телей и дар Свята́го Ду́ха прие́мый, не́мощи немощны́х подъя́л еси́, духоно́сне о́тче, и ко спасе́нию мно́зи ду́ши упра́вил еси́. Те́мже предста́тельством твои́м и мы гре́шнии, неду́гов многоразли́чных исцеле́вше, благода́рственно вопие́м Го́споду: Аллилу́иа.

Икос 6

Возсия́ в лице́ твое́м Пра́вда Бо́жия, и отгна́ся пре́лесть бесо́вская, егда́ Ла́вра и́га обновле́нческаго свободи́ся, и́ноци же вси возвесели́шася. Сего́ ра́ди про́сим тя, миротво́рче, раздо́ры и нестрое́ния жития́ на́шего утоли́, непра́вды разори́, да в единоду́шии глаго́лем ти:

Ра́дуйся, хра́ме нерукотво́рный Христа́ Бо́га на́шего.

Ра́дуйся, щедро́тами Ду́ха Свята́го благоле́пно укра́шенный.

Ра́дуйся, се́рдце твое́ вмести́лище ми́ра соде́лавый.

Ра́дуйся, фимиа́м моли́твы Го́споду непреста́нно возноси́вый.

Ра́дуйся, о заблу́дших зело́ душе́ю боле́зновавый.

Ра́дуйся, всем спасти́ся и в ра́зум и́стины приити́ жела́вый.

Ра́дуйся, го́рдость и зло́бу нечести́вых смире́нием и кро́тостию победи́вый.

Ра́дуйся, по за́поведи Христо́вой люби́ти враги́ своя́ учи́вый.

Ра́дуйся, преподо́бне Серафи́ме, Вы́рицкий чудотво́рче.

Кондак 7

Хотя́ Человеколю́бец Госпо́дь яви́ти в тебе́ но́вое духо́вное свети́ло, да́де тя бра́тии оби́тели во отца́ духо́внаго. Те́мже вели́кую схи́му, я́ко печа́ть соверше́нства от Бо́га прия́в, душа́ твоя́ чи́стая огне́м пла́менныя моли́твы за весь мир испо́лнися, благоче́стию и братолю́бию всех наставля́я, с тре́петом вопия́ше Бо́гу: Аллилу́иа.

Икос 7

В ди́вном проро́честве, преблаже́нне, указа́ Госпо́дь путеводи́теля и покрови́теля твоего́, преподо́бнаго Серафи́ма Саро́вскаго, его́же и́менем в схи́ме нарече́нный, ты вои́стину но́вым уте́шителем наро́ду на́шему яви́лся еси́. Сему́ благоволе́нию Бо́жию чудя́щеся, вопие́м ти:

Ра́дуйся, те́плый к Бо́гу о всех моли́твенниче.

Ра́дуйся, Преблагослове́нныя Влады́чицы Держа́вныя уго́дниче.

Ра́дуйся, а́нгелов прия́тный собесе́дниче.

Ра́дуйся, духоно́сных оте́ц сподви́жниче.

Ра́дуйся, правосла́вных благода́тное заступле́ние.

Ра́дуйся, блужда́ющих во тьме́ безбо́жия светоза́рное наставле́ние.

Ра́дуйся, гре́шников с Бо́гом и́скреннее примире́ние.

Ра́дуйся, исто́чниче ра́дости и умиле́ния.

Ра́дуйся, преподо́бне Серафи́ме, Вы́рицкий чудотво́рче.

Кондак 8

Странно́ и неудобоприя́тельно су́етному ми́ру слы́шати, ка́ко моли́твами твои́ми, чудотво́рче, бога́тство милосе́рдия Бо́жия излива́ется на всех с ве́рою притека́ющих к твоему́ небе́сному покрови́тельству. Мы же, сла́вяще Тро́ицу Святу́ю, дарова́вшую ти благода́ть сию́, ра́достно восклица́ем: Аллилу́иа.

Икос 8

Всего́ себе́ на служе́ние Бо́гу и лю́дем преда́л еси́, ди́вный о́тче, ча́дом свои́м запове́дал еси́ о го́рнем всегда́ помышля́ти и моли́тву Иису́сову усе́рдно твори́ти, е́юже вся́кий грех в душе́ посека́ется и дух челове́ка с Ду́хом Бо́жиим соединя́ется. Под твое́ пречу́дное благослове́ние прибега́юще, с любо́вию велича́ем тя:

Ра́дуйся, го́рняго Иерусали́ма жи́телю.

Ра́дуйся, неизрече́нныя сла́вы Спаси́теля ми́ра зри́телю.

Ра́дуйся, моли́твы на́ша к стопа́м Вседержи́теля и Богоро́дицы принося́й.

Ра́дуйся, я́коже оте́ц чадолюби́вый прося́щим поле́зная подава́яй.

Ра́дуйся, ве́рный Це́ркви Христо́вы служи́телю.

Ра́дуйся, неизцели́мых боле́зней духо́вный врачева́телю.

Ра́дуйся, гряду́щих време́н чуде́сное предзре́ние.

Ра́дуйся, настоя́щих обстоя́ний ско́рое избавле́ние.

Ра́дуйся, преподо́бне Серафи́ме, Вы́рицкий чудотво́рче.

Кондак 9

Все си́лы небе́сныя удиви́шася смире́нию и терпе́нию твоему́, свя́тче, мучи́тельным бо тя неду́гом зря́ще пораже́ннаго, оба́че промысли́тельно от рук гони́телей из Ла́вры восхище́ннаго. Лю́дие же ве́рнии ви́девше тя чу́дно под кро́вом Богоро́дицы в Вы́рицкой ве́си храни́маго, воспева́ху Человеколю́бцу Го́споду: Аллилу́иа.

Икос 9

Вити́йство челове́ческое умолка́ет пред вели́чием по́двигов твои́х, преподо́бне, ка́ко убо́ ста́рец пло́тию не́мощен сый, мно́гия труды́ подъя́л еси́. Те́мже си́ле Бо́жией в немо́щех соверша́емой дивя́щеся, взыва́ем ти:

Ра́дуйся, дре́вних пусты́нников иску́сный подража́телю.

Ра́дуйся, по́стническаго жития́ изря́дный люби́телю.

Ра́дуйся, моли́твенных бде́ний усе́рдный ревни́телю.

Ра́дуйся, теле́сных не́мощей чу́дный победи́телю.

Ра́дуйся, и́стинным смире́нием доброде́тели своя́ сокры́вавый.

Ра́дуйся, пла́чем плоды́ Бо́жия благода́ти умно́живый.

Ра́дуйся, еле́й ра́дости трезве́нием сохрани́вый.

Ра́дуйся, Христу́ Бо́гу житие́м твои́м благоугоди́вый.

Ра́дуйся, преподо́бне Серафи́ме, Вы́рицкий чудотво́рче.

Кондак 10

Спасти́ Русь святу́ю от наше́ствия иноплеме́нник Го́спода умоля́л еси́, боголю́бче ди́вный: «Иису́се Христе́, Сы́не Бо́жий, поми́луй страну́ на́шу и мир Твой». Та́ко со умиле́нием серде́чным к Бо́гу взыва́я, подо́бне ста́рцу Саро́вскому, но́вый по́двиг моли́твеннаго стоя́ния на ка́мени подъя́л еси́. Те́мже тя укрепи́вшаго Го́спода сла́вим, побе́дную песнь Ему́ пою́ще: Аллилу́иа.

Икос 10

Стена́ бысть незри́мая моли́тва твоя́, уго́дниче Бо́жий, во́инству и наро́ду на́шему в годи́ну испыта́ний тя́жких. Ра́зумом духо́вным смысл попу́щенных Бо́гом скорбе́й постига́я, обрати́тися ко Христу́ отсту́пльшия лю́ди призыва́л еси́. Те́мже соблюди́ и нас от вся́кия ве́щи сопроти́вныя, вопию́щих ти таковая:

Ра́дуйся, ча́шу страда́ния со оте́чеством земны́м до конца́ испи́вый.

Ра́дуйся, о поми́ловании Росси́и Го́спода проси́вый.

Ра́дуйся, во́инству христолюби́вому даро́ванное поможе́ние.

Ра́дуйся, душ и теле́с на́ших живи́тельное ороше́ние.

Ра́дуйся, му́ченичество безкро́вное во́лею претерпе́вый.

Ра́дуйся, не́мощи естества́ челове́ческаго презре́вый.

Ра́дуйся, зе́мли Росси́йския моли́твенное огражде́ние.

Ра́дуйся, от враг ви́димых и неви́димых досточу́дное избавле́ние.

Ра́дуйся, преподо́бне Серафи́ме, Вы́рицкий чудотво́рче.

Кондак 11

Пе́ние умиле́нное прино́сим ти, преподо́бне о́тче Серафи́ме, ублажа́юще многотру́дное земно́е житие́ твое́, ты же не преста́ни моли́тися за ны ко Го́споду, да да́рует нам грехо́в оставле́ние, страсте́й одоле́ние, во вся́цей доброде́тели утвержде́ние и ми́ра дуще́внаго сохране́ние и да сподо́бит нас, недосто́йных, вку́пе с тобо́ю во Ца́рствии Небе́снем благода́рственно воспева́ти: Аллилу́иа.

Икос 11

Светоза́рнаго пропове́дника су́щим во тьме безбо́жия зрим тя, всеблаже́нне о́тче, духо́вное бо возрожде́ние России́ прови́дел еси́ и сооте́чественником тве́рдо ве́ры правосла́вныя держа́тися завеща́л еси́. Мы же, словесы́ твои́ми просвещае́ми, со умиле́нием взывае́м ти:

Ра́дуйся, сла́вы Предве́чнаго Царя́ прича́стниче.

Ра́дуйся, Боже́ственнаго Со́лнца луче́.

Ра́дуйся, милосе́рдия свети́ло, согрева́ющее ду́ши.

Ра́дуйся, наста́вниче, духо́вно пробужда́ющий умы́.

Ра́дуйся, свети́льниче, и́мже мно́зи челове́цы просвеща́ются.

Ра́дуйся, моли́твенниче, и́мже ко́зни вра́жия разруша́ются.

Ра́дуйся, чистоты́ серде́чной храни́телю.

Ра́дуйся, соверше́нства христиа́нскаго учи́телю.

Ра́дуйся, преподо́бне Серафи́ме, Вы́рицкий чудотво́рче.

Кондак 12

Блаже́нную кончи́ну твою́, богому́дре о́тче, моле́нием ака́фистным Богома́тери предвари́л еси́. Та бо я́вственне посети́вши тя, отше́ствие твое́ бли́зкое на не́бо десни́цею ука́за ти. Ки́ими похвала́ми досто́йно ублажи́м тя, избра́нниче Цари́цы Небе́сныя, ны́не со ли́ки а́нгельскими пою́ща: Аллилу́иа.

Икос 12

Пою́ще ди́внаго во святы́х свои́х Бо́га, ве́-руем, я́ко мно́го мо́жет моли́тва пра́веднаго ко благосе́рдию Влады́ки, и сего́ ра́ди про́сим тя, преподо́бне о́тче, бу́ди о нас хода́таем те́плым у Престо́ла Пресвяты́я Тро́ицы, вопию́щих ти си́це:

Ра́дуйся, пла́менным серафи́мом тезоимени́тый.

Ра́дуйся, ста́рчества восприе́мниче духоно́сный.

Ра́дуйся, ни́вы Христо́вы неуста́нный де́лателю.

Ра́дуйся, ми́ра Бо́жия усе́рдный насади́телю.

Ра́дуйся, Правосла́вныя Це́ркве но́вое украше́ние.

Ра́дуйся, ве́лие к Бо́гу за Русь многострада́льную дерзнове́ние.

Ра́дуйся, ро́да христиа́нскаго благомо́щное заступле́ние.

Ра́дуйся, почита́ющим тя хода́таю ве́чнаго спасе́ния.

Ра́дуйся, преподо́бне Серафи́ме, Вы́рицкий чудотво́рче.

Кондак 13

О, пресла́вный и досточу́дный уго́дниче Бо́жий Серафи́ме, Вы́рицкий чудотво́рче, приими́ усе́рдное сие́ моле́ние на́ше, с любо́вию тебе́ возноси́мое. Умоли́ Всеми́лостиваго Го́спода изба́вити нас от вся́каго зла и напа́сти, да в ны́нешнем ве́це благоче́стно поживе́м, и блаже́нства жи́зни ве́чныя моли́твами твои́ми сподо́бимся, о тебе́ благода́рственно Го́сподеви пою́ще: Аллилу́иа.

Этот кондак читается трижды, затем 1-й икос «Ангелоподобную красоту…» и 1-й конда́к «Избранный угодниче Христов…».

Молитва преподобному Серафиму Вырицкому

О, богоблаже́нный и премилосе́рдый о́тче наш Серафи́ме! Ве́дущи тя и по сме́рти я́ко жи́ва су́ща, с ве́рою припа́даем ти и вопие́м: не забу́ди убо́гих твои́х до конца́, но ми́лостивно при́зри на ста́до твое́ духо́вное и упаси́ е, до́брый па́стырю, благоприя́тными твои́ми к Бо́гу моли́твами. Испроси́ нам от Го́спода вре́мя на покая́ние и грехо́вныя жи́зни исправле́ние, ве́си бо вся не́мощи на́ша душе́вныя: не и́мамы дел ве́ры и спасе́ния, не и́мамы ре́вности ко и́стинному Богоугожде́нию, плени́хомся умо́м в поги́бельных страсте́х, растле́хом се́рдца во гну́сных по́хотех. Что у́бо ча́ем и на что наде́емся неключи́мии, разори́вше хра́мины душ на́ших. Ей, святы́й о́тче, простри́ моли́твенно ру́це твои́ ко Го́споду и умоли́ Спаси́теля ро́да челове́ческаго косну́тися благода́тию окамене́нных се́рдец на́ших, омы́ти нас слеза́ми покая́ния, возста́вити в ве́ре, укрепи́ти во благоче́стии и вся поле́зная ко спасе́нию дарова́ти. Не посрами́ упова́ния на́шего, е́же по Бо́зе и Богоро́дице на тя возлага́ем, но бу́ди нам ско́рый помо́щник, уте́шитель в ско́рбех и покрови́тель во обстоя́ниих, да сподо́бимся моли́твами твои́ми насле́довати Ца́рствие Небе́сное, иде́же вси святи́и непреста́нно сла́вят и воспева́ют пречестно́е и великоле́пное и́мя Отца́, и Сы́на, и Свята́го Ду́ха, ны́не и при́сно и во ве́ки веко́в.

Аминь.

Житие Преподобного Серафима Вырицкого

В летописи деяний современных подвижников благочестия совершенно особое место занимают подвиги преподобного Серафима Вырицкого. Благочестивейший православный мирянин, по послушанию приуготовлявший себя к монашеской жизни под руководством опытных духовных наставников в течение сорока лет; инок-исповедник, принявший монашеский постриг в годы открытых гонений и всего за шесть лет прошедший путь от послушника-пономаря до духовника крупнейшей в России обители, под окормлением которого находился целый ряд выдающихся иерархов Русской Православной Церкви; великий старец, который на деле исполнил святоотеческий завет: «Спасайся сам, и вокруг тебя спасутся тысячи», – вот основные этапы жизненного пути преподобного Серафима.

Время старческого служения вырицкого подвижника пришлось на период кровавого богоборчества, Великой Отечественной войны, послевоенной разрухи и возрождения. И все эти годы отец Серафим самой своей жизнью свидетельствовал о Христе, внеся неизмеримый вклад в сохранение Православия как основы основ существования русского народа.

Находившийся почти двадцать лет на одре тяжелой болезни, преподобный порою принимал за день сотни посетителей, приводя ко спасению неисчислимое количество душ. Многие из деяний отца Серафима Вырицкого ознаменованы явными чудотворениями, чему имеются свидетельства очевидцев его подвигов.

Источниковой базой книги явились архивные документы. Значительная часть необходимых сведений была собрана в фондах Российского государственного исторического архива (РГИА) и Центрального государственного архива Санкт-Петербурга (ЦГА СПб). Это материалы, относящиеся к пребыванию о. Серафима в Александро-Невской Лавре.

Важные сведения удалось почерпнуть в документах архивного фонда Управления Федеральной службы безопасности Российской Федерации по Санкт-Петербургу и области (УФСБ РФ) при изучении следственных дел епископа (впоследствии – митрополита) Николая (Ярушевича), архимандрита (впоследствии – митрополита) Гурия (Егорова), протоиерея Алексия Кибардина, монахини Иоанны (Шихобаловой) и других сподвижников и духовных чад отца Серафима, пострадавших в годы гонений за веру.

Некоторые материалы удалось обнаружить в архивах Санкт-Петербургской епархии и Санкт-Петербургской Духовной Академии.

Ценные данные поступили из Государственного архива Ярославской области. Они позволили уточнить родословную отца Серафима и определить точную дату его рождения.

Документы, касающиеся общероссийской тематики, изучались по изданию «Акты Святейшего Тихона, Патриарха Московского и всея России, позднейшие документы и переписка о каноническом преемстве высшей церковной власти» и по книге протоиерея Владислава Цыпина «История Русской Церкви. 1917–1997».

Ряд интересных подборок документов по истории России и Русской Церкви был изучен в Российской национальной библиотеке, библиотеке Российской Академии Наук. Здесь, в частности, удалось собрать необходимые материалы о жизни отца Серафима в миру, а также выявить его участие в деятельности просветительских и благотворительных обществ, известных по всей России.

При работе над книгой использованы также многие публикации православных периодических изданий различных лет: Синодальных «Церковных ведомостей», «Ярославских епархиальных ведомостей», «Петроградского церковно-епархиального вестника», «Журнала Московской Патриархии», «Санкт-Петербургских епархиальных ведомостей» и других.

Повествовательную основу книги составили воспоминания родственников подвижника, которые благоговейно и бережно хранят живую память об отце Серафиме, включая годы его детства и юности. Рассказали о вырицком подвижнике и многие из ныне здравствующих его близких духовных чад, с которыми преподобный делился воспоминаниями о своей жизни в миру. Все они относятся очень ответственно и бережно к каждому слову, их рассказы лишены всякого вымысла и приукрашивания. «Я ведь отвечу за свои слова перед Господом!» – так почти все они предваряли свои рассказы. Все имена, фамилии и данные благочестивых пастырей и чад Церкви Христовой, которые любезно согласились предоставить свои свидетельства о деяниях вырицкого старца, – подлинные. Их адреса и телефоны имеются у автора книги. В нее вошли десятки живых свидетельств.

Работа по подготовке первого издания книги велась с 1994 года около пяти лет. Были исследованы архивные и библиотечные фонды, собраны живые свидетельства о жизни, подвигах и чудотворениях Вырицкого старца.

Обширное собрание духовных, исторических и документальных источников позволило приоткрыть завесу времени над житием святого преподобного Серафима Вырицкого. Есть надежда, что дальнейшие исследования принесут новые открытия.

Невозможно перечислить всех почитателей святого имени отца Серафима, с помощью которых появилась на свет эта книга. Она воистину создавалась соборно.

Неоценимую помощь в работе оказали петербургские пастыри – протоиереи Алексий Коровин († 2005), Василий Ермаков († 2008), Иоанн Миронов, Виктор Голубев, Борис Глебов, Георгий Митрофанов, Игорь Мазур, Николай Преображенский, а также насельники петербургских обителей.

Земный поклон родным батюшки Серафима, всем благодетелям и благотворителям, имена которых известны Господу. Слава Богу за все!

В. П. Филимонов