Читать книгу "Сизни излайман"

Текст добавлен: 29 апреля 2024, 06:40

Автор книги: Халима Маликова

Жанр: Поэзия, Поэзия и Драматургия

сообщить о неприемлемом содержимом

Авторские права соблюдены

Текущая страница: 6 (всего у книги 6 страниц)

Скачать книгу

Шрифт:

- 100% +

ҲАМОН ШУНДАЙСАН

Севишдик, тақдирлар тушди-ю айро,
Ҳижронларга солдинг, қаро тундайсан.
Орадан ўтибди салкам қирқ йил,
Мен учун азизим ҳамон шундайсан.

Ёшликдаги севги мангу қоларкан,
Кўнгилда чарақлаб турган кундайсан.
Қанча-қанча сувлар оқиб ўтибди,
Мен учун азизим ҳамон шундайсан.

Мудом кўз ўнгимда навқирон чоғинг,
Ўша чапанисан, тезроқ кел дейсан.
Шунча йиллар ўтиб жамолинг кўрдим,
Мен учун азизим ҳамон шундайсан.

Ҳар қачон хаёлим хаёлингла банд,
Тушимда висолга имлаб ундайсан.
Яшаб ўтаяпман сенингсиз ёлғиз,
Мен учун азизим ҳамон шундайсан.

МЕН ЙИҒЛАГАН ОҚШОМЛАР

Ҳажр ўтида куйдириб,
Жоним қийнадинг бунча.
Мен сенга содиқманку
Билсанг ўла-ўлгунча.

Йилларга арзигулик
Ҳижрондаги бу онлар.
Юрагимга доғ солар
Мен йиғлаган оқшомлар.

Ҳамон кутиб азизим
Ўтмоқда умрим ёлғиз.
Сенчи, нечун бепарво
Тош юрагинг этмас жиз.

Севилмасдан яшашдан
Севилиб ўлсам майли.
Қалбимдаги жароҳат
Барчаси сен туфайли.