Текст книги "Mmino Wa Ngwedi (Kgokagano Ya Madi)"

Kgaolo ya 4

Envy e be e le karolo ya ba go leba lefelong la go phaka pele a lemoga gore ga a na koloi yeo a kitimelago go yona. Ka ge Jason le Chad ba sepetse ka bobedi, o tla swanelwa ke go bitša thekisi, goba a re Trevor a mo iše gae. Ge a bona koloi ya gagwe e le kwa mafelelong, a itira o kare o labile go yona ka nako yohle.

O be a sa tsebe gore ke madi a tšhabela hlogong ka seo a se nwelego bošegong bjo goba se sengwe, efela gabjale ga a sa gafa le gatee. E sego gore o nyaka go swarelana le Trevor. Seo sona aowa. Ge a mmona a tšwelela o kare o ya ka lehlakoreng la mootledi la koloi, a myemyela gomme a akanya go dula poneteng ya koloi.

Trevor o ile a nyaka go kgokološa mahlo a gagwe efela a tlogela lebati. A fofela ka thoko ga gagwe, a lebelela gohle ka lefelong la go phaka go bona ge eba go na le batho, efela ka mahlatse go be go tloga go se na motho. Seo se lokile. O be a sa nyake babogedi ka seo a bego a nyaka go mmotša. O be a sa tsebe gore a thome kae. Go be go sa swane le gore a ka thoma go di ntšha ka moka; ke be ke go botša maaka go tloga ka letšatši leo re kopanego.’

Devon a ba kgojana le tebelelo ya bona ge a le gare a batamela gomme a tla go bapela le mothaladi wa mehlare ka morago ga koloi ya Trevor. Sesi wa gagwe o tseba bokaone go ka neela motho seno sela sa gagwe. Joo, seno seo ga se sa bolokega le go bafetogi gomme Kat o se fetotše seokobatši sa mmamoratwa go batho ba selegae.

O humane motswako wo go makgolo wa bona ka morago ga lehu la gagwe. Makgolo wa bona e be e le mosadi wa dihlare tša mangau gomme matute ao gantši a be a fiwa basadi ba mangau ka letšatši la lenyalo ge ba be ba tšhošwa ke thobalano ya mathomo. Go tlaleletša, senotagi seo se tswakilego, se be tliša phalalo ye kgolo ya diferomone tša basadi.

O ile a nkgelela diferomone tša Envy pejana gomme di be di sa nyake tsošološo… o be a setše a tletše ka nyakego kudukudu. o be a ikemišeditše go mo thuša ka morago ga ga ge a tlošitše molekaninyana wo wa gagwe.

“Ga ke gafe,” Envy a mo tsebiša, o kare ga a na taba go ka tšwela pele go lwa ka seo.

“Ga o gafe?” Trevor a botšiša, a retolla hlogo ya gagwe go mo lebelela ka go nyaka go tseba. O be a tseba gore o be a enwa ka gore a bo nkgelela. Efela a nagana gore ga se a mo tlogela sebaka se setelele go ka tagwa.

“Aowa, gomme ke lemogile sengwenyana bošegong bjo.” A ithekga ka diku tša gagwe gomme a lebelela leratadima, a lemoga la mathomo gore ke kgale a bone ka mo bošego e lego bjo botse. “Re be re etšwa mmogo ka lebaka la thobalano.” A dumela ka hlogo, o kare seo se tloša tšohle, “Go be go le bose, efela ga re baratani ba nnete.”

“Eng?” lentšu la Trevor le befetšwe, ge a mo inamela, a mo gatelela koloing ka go bea diatla tša gagwe magetleng a gagwe. A mo lebelela, gomme a šikinya hlogo ya gagwe ka go nanya, “O se ntšeye gampe Envy, Ga ke nyake selo go feta ge nka robalana le wena gona fa gape gona bjale, efela seo ga se seo se lego magareng ga rena gomme o tseba seo.”

Ka nako yeo, mahlo a Devon a tšea lesedi la go makatša la phoofolo yeo e swerwego ke mabone a ka pele a koloi ye fetago. Ka go itshwara go gogolo, o ile a ithibela go ba sebata sa kotsi seo rothothago ka gare ga ditšhika tša gagwe.

Envy a lebelela Trevor, ge moriri wa gagwe o wela pele magetleng a gagwe go hlama gareteine go dikologa bobotse bja sefahlego sa gagwe. “Go ka se go tšeye letšatši go hwetša mogwera wa mosetsana o mongwe.”

Trevor a šikinya hlogo ya gagwe, “Aowa. Ke nyaka wena.”

Envy a kwa phišo e phatlalala go ya tlase mpeng ya gagwe le godimo ga dirope tša gagwe, ge a gopola a mmogetše a dira tša thobalano le mosetsana yo ka boemo bjona bjo. Akgaa, go a fiša mo. O ile a mo kgorometša, a sa nyake go kwa eng goba eng mabapi le tša thobalano le yena gomme a dula gabotse, ge a dira taetšo ya gore o lokiša sekipa sa gagwe.

“Re ka se sa bonana le gatee ka gobane ga ke nyake molekani. Ke nyaka go tšwa le masogana a mantši e sego o tee. Ga senke ke dira seo go tloga sekolong se phaganego gomme ke gopola ke be ke ipshina kudu.” Go molaleng gore ke bošego bja go bolela maaka. “Ka tsela ye, go ka se be le taba ge ke mo hwetša a sawarane ke mosetsana yo mongwe.”

Tshepo ya Trevor ya gola ge a realo. Seo se bolela gore go na le monyetla wa poelano. Ge a ka dira gore a dumele gore a be yo mongwe wa masogana ao, a ka koba banna bao ka pela go feta ka mo ba tlilego.

“Envy ema,” Trevor a fologa koloi gore a eme ka thoko ga gagwe gomme a hemelana, a sepetša seatla ka meriring ya bosehla bja mohlaba ya gagwe. “O bolela nnete. Ke be ke go botša maaka… e sego ka basetsana ba bangwe.”

Envy a lebelela godimo go yena, “Nako e fetile ya go mpotša gore o ratana le ba bong bja gago.” Bjale a ba le kgopolo ya go segiša, “Le ge e le gore, ke a petšha Kriss Reed o tla rata go ba le wena. Ke nagana gore Tabby o mpoditše gore o mo swere a lebeletše marago a gago makga a mmalwa.” A bolela maaka, go no bona tebelelo ya sefahlego sa gagwe.

Trevor a rurumela ka boikgopolelo bjowe. Kriss o lokile bjalo ka mogwera, efela ga a dire dilo tšeo.

“Akgaa Envy, ke letseka la CIA gomme ke tlile mo toropong ye ka go iphihla!” a mo obelela gomme a swara letsogo la gagwe, a mo retološa gore ba lebane ge a thoma go tloga. Trevor o be a bona ka tebelelo ya sefahlego sa gagwe gore o šaletšwe ke metsotswana ye lesome gore a hlaloše.

“Ke a tseba gore ke be ke swanetše go go botša go tloga mathomong, efela ga ka swanela go botša motho… le ge e kaba moratiwa wa ka. Ke be ke šoma ditiragalong tša ka pareng ka lebaka. Ke be ke le fa bošegong bjo ka bolekodi. Ga se ke go botše gore re kopane fa ka gobane lefelo le le kotsi kudu go feta ka mo o naganago. Ke be ke sa go nyake kgauswi le fa. Ke be ke sa nyake gore o feleletše go swana le batho ba bangwe bao ba lahlegilego goba ba feleletša ba hlokofetše!” Ke fao mafelelong o boletše seo.

Envy a hemela teng ka maatla, mafelelong a kwa lelakabje la pefelo le boa. A tšea kgato a mmatamela gomme a mo lebelela ka gare ga mahlo a matalalerata a maaka. A mo kgotla kudu mo kgareng, “Ka fao, nako ye ka moka o be o ntšhomiša? O mpotša maaka? O robalana le nna gore o…”

Trevor a mo homotša ka go mo obelela gomme a mo gogela go yena. “Ke kopane le wena ka morago ga go šoma dipareng, gomme ke be ke go kganyoga ka goba ka ntle le mošomo wo.” O ile a bea dipounama tša gagwe go selaganya tša gagwe a leka go mo netefaletša ntlha ya gagwe.

Envy a hemela teng ka letšhogo efela seo sa dumelela Trevor go tsenyeletša katlo ye e tsomegago. Ge a ekwa phišo magareng ga maoto a gagwe, ka kgatelelo yeo, a tsetla gomme le yena a mo atla, ka bogale bjo gape.

Devon a batamela go kgaola hlogo ya monna yo pele a ka latela kgopolo yeo, go bile le modumo o wa go lla gomme Trevor o be roromela gape bjalo ka motho yo a hwago dikotwane.

Trevor a wela fase ka dikhuru gomme Envy a tloga a tseba gore o sa mo kwa gabotse. “Re be re etšwa mmogo… re robala mmogo dikgwedi tše tharo gomme nako ye ka moka o be o mpotša maaka! Seo se kgonthiša ntlha ya gore ga ke nyake molekani le gatee.”

A iša lentšu la gagwe tlase ka sehebehebe sa pefelo, “Ke be ke go rata kudu ge ke nagana gore o be o sa ntshepagalele. Se tshwenyege, nka se botše motho gore o mang ka nnete, ka gobane nka se sa bolela ka leina la gago le gatee.”

Ge Trevor a laetša gore o humana maikutlo a gagwe gape dithong tša gagwe gomme a nyaka go emelela, Envy a mmontšha theisara kgato e tee go tloga sefahlegong sa gagwe ka temošo, “Gape gore lefelo le le kotsi kudu gomme o be o sa nyake gore ke be fa, gore o kgone go ba le basetsana ba bangwe, efela ekanya se?”

A batamela gomme a mo lebelela, “ke ile go thoma go šoma fa gosasa bošego. Efela gabjale ke nagana gore ke boela morago ka fale, ke tope lesogana la mathomo leo ke le bonago, gomme ke robalane le lona! Gomme wena… o se leke go mpatamela goba nka se nyake theisara ye ka gobane ka tla thaba kudu go go raga marago ao ka bonna!”

Devon a kwa a ngangega go ya godimo ka borokgong bja gagwe. Ge a bona pefelo ye nnyane e bogale ya gagwe, gwa ntšhetša ntle tlhago ya gagwe ya go buša. A kwa phišo e kitimela ka ditšhikeng tša gagwe gomme a nyaka go rora. O be a sa nyake selo ntle le go buša ka mollong ola le go mo dira gore a ineele go yena… ka tlase ga gagwe; mola a mo otlela ka maatla gore a se tsoge a gopotše Trevor.

“Bjale ka gore re na le boitsebišo bja sephiri sa gago se phuthetšwe, goreng o sa boele morago Leweng la Bomankgagane gomme o nyake go iphihla go goswa ka gobane se ga se šome.” Envy a retologa gomme a thoma go boela morago ka tlelapong.

“Akgaa!” Trevor a rora gomme a leka go ema le go mo latela.

Devon a sesefatša mahlo a gagwe go letseka leo la go ipea la CIA. Kharente ye mohlagase ya go tšwa go theisara yela e be e swanetše go mmea fase go feta fa. A tla ka morago ga monna yo a sa gononwego selo ka dinao tša setu, a mo obelela gomme a soba tšhika ya molala wa Trevor, gomme a mo swara pele a ka wela kokoriting.

A gogela letsogo la hempe ya gagwe mo go dintlha tša menwana ya gagwe gore a se tlogele mohlala, Devon a bula lebati la Trevor gomme a mo kgoromeletša ka gare, a le tswalela ka setu pele a leba mojakong wa ka thoko wa tlelapo. O be a sa befelela Trevor. O be a nyaka go mo leboga ka go senya kudu gakaalo le go tlogela Envy phihlelelong ya gagwe. Myemyelo ya sebata ya selaganya dipounameng tša gagwe ge a tsena ka tlelapong

Leswao ka pele ga moago la hlama lesedi la go se tlwaelege lefelong la go phaka. Kua tlhakeng ya Mmino wa Ngwedi, sebopego se tee se eme morumong se bogetše tšohle ka kgahlego. Baki ya gagwe ye telele e sepela moyeng o mosesane mola a hemela teng ka go tšwafa sekerete.

“Mošemane wa ka wa kgale Devon,” Kane a ngautša. “Ke nagana gore o na le kganyogo. Ga ke tsebe gore go tla hlaga eng ge le nna nka ba le kganyogo?”

A fofa thwii go tloga morumong wa tlhaka, a wela fase ka go khunama kgauswi le koloi ya motho. Merirti ya mo khupetša go swana le klouku ye telele a efoga go bonwa ke Nick yo a bego a sa le gona lebating la ka pele.

A bula lebati nako ye teletšana gore a mo ngwape ka lenala go selaganya molala wa monna. Gomme a le tswalela, ge a emišetša lerothodi la madi gomme a le latswa. A emiša ntšhi ya gagwe ya leihlo, a tshwa madi.

Ijoo modimo, mohuta wa gagwe ga se o fedišwe gabjalo?” a ngunanguna, a tseba gore ba bangwe ba ka se dire, gomme a tšwa ka pela go ya meriting. Mahlo a gagwe a sesefala ge a tsoma lefelong leo a nkgelela vamphaya ye nngwe gomme ka nako ye e be e tlwaelegile. A hemela ka teng, a hlologetše borutho bja segwera gomme a gomela tlhakeng.

Nick a ithekga ka leboto ka ntle ga mabati a magolo a lebeletše lefelo la go phaka gomme a ekwa lentšu le lengwe le le lengwe leo le fetago magareng ga Envy le Trevor. Ge buti wa gagwe a kgoromeletša monna yo mongwe ka koloing ya gagwe, Nick a dupelela go fihlela a ekwa monkgo wa o monnyane wa vamphaya. Ruri go tlile bjang gomme setlaela seo se fete kgauswi le yena?

Nick a rora ka ge a tseba gore e swanetše go ba e le Michael ka gobane monkgo ke wa vamphaya ya go hlweka. Go ena le go nkga bjalo ka lebitla, monkgo wa Michael o be o sa fapane le wa bafetogi, dikota le mobu o moswa.

Ga se divamphaya tše dintši tšeo di nago le monkgo wa go hlweka, efela buti wa gagwe Warren e be e le mogwera wa Michael lebaka le letelle ka mo mang goba mang a ka gopolago gomme Michael ka mehla o swara monkgo o tee… go se swane le divamphaya tše dingwe tšeo a kopanego natšo. O ile a ithekga gape ka setena a lebeletše Envy ge a mo feta ntle le go lemoga gore o gona fao.

Nick a hebahetša ka kgokaganong ya poledišano, “ke ile go otlela koloi ya mogwera wa rena go iša lefelong la go fapana le go ntšha moya dithaereng tša gagwe pele a tsoga. O kare batho ba bangwe ba rata go theisarwa… mohuta wo wa batho wa go kgotsofatšwa ke go kwa bohloko thobalanong.”

O be a sa emela Devon go araba seo efela a thabišwa ke lesego la go tšwa go Kat. O be a sa direle Devon fela. O be a nyaka go lebelela tešepoto le walate ya monna yo go bona seo a ikemišeditšego.

Nick a leba lefelong la go phaka, a tsena ka koloing, gomme a thoma go tsoma dinotlelo ka merabeng ya Trevor. A sa nyake go tsenya seatla sa gagwe ka merabeng ya go tia. Nick a goga dinotlelo tše lego ka gare gomme a di tsenya ka lešobeng la koloi la go dumiša koloi.

A tšea walate ya Trevor ka morabeng wa ka morago. Nick a o bula gomme a thoma go tsoma ka gare ga ona. A bona petšhe ya CIA le setšuba sa dikarata tša mekitlana. Ge a feta dikarata, Nick a lebelela ka mokotleng o mogolo gomme a hwetša mokgobjana wa tšhelete. A kwa le gannyane a se na molato, ge a tšea tšhelete yeo.

A lahlela walate mo tlase lebatong. Nick a obelela gomme a bula lefelo la ditlelafo. Ka gare a hwetša Beretta ya 9mm le diklipi tše pedi, mphaka wa silibera, lebotlelwana le lennyane la meetse a makgethwa, gomme seo ke oli ya rosa? Nick a hemela godimo gomme a tswalela ka fao. Tšeo e be e le tše dintši kudu.

Ge a retologela setulong, a thoma go lebelela dilo tša ka morago, a leka go hwetša gore lesogana le ke la nnete goba petšhe ya ka walateng ke ya bofora. A ipotšisa gore ke sefe seo se tla dirago gore go be gampe kudu. Ge eba ke wa bofora, gona o kotsi.

“Mosemane o monnyane, o mobe, o mobe kudu,” Kane a hebahebetša le go thumaša sekerete sa gagwe morumong. “Mmago ga se a go botše gore ga se go loke go phuruphutša ka gare ga dilo tša batho?”

Mo tlase ga gagwe, mosetsana o be a tekateka sekhutlwaneng a tagilwe kudu. O be a tekateka kudu dikwaikwaing tša gagwe gomme a wela lebotong. A ngunguna ka go se kwagale ge a bula mokotlana wa gagwe gomme a thoma go nyakana le se sengwe. A sega ge a goga dinotlelo tša koloi gomme a leba koloing ka go tekateka.

“Gabotse, botse, re na le eng fa?” Kane a hebahebetša, ge a bona Raven a etšwa ka leswiswing. “Go boa ga morwa wa lehlaswa.”

“Ntebelele ngwana o monnyane,” Raven a hebahebetša moyeng.

Mosetsana a ema gomme a lebelela gohle ka mahlo a go tomoga.

“Ntebelele,” a realo gape.

Mosetsana a lebelela ka thoko go gongwe ga koloi ya gagwe a fofa ge a bona monna wa go lebelelega seGotth a mo lebeletše gomme a lahla dinotlelo tša gagwe.

“O ntšhositše!” a realo ka lesegonyana gomme a khunama go topa dinotlelo tša gagwe. “Ke swanetse go ya gae.”

Raven ka bjako a ema ka thoko ga gagwe le dinotlelo tša gagwe di le ka seatleng sa gagwe. “Ke na le kgopolo e kaonenyana. Goreng o sa re ke otlele go ya lefelong le le bose, la go homola gomme ra nwa?” a kgopela. Mahlo a gagwe a kganya ge a wela ka tlase ga maatla a gagwe.

“Go lokile,” a hebahebetša ka go lora gomme a mo fa dinotlelo.

Raven a mo iša ka setulong sa monamedi gomme a ya ka morago ga lebili. Mosatšana ka bjako a ba godimo ga gagwe, a mo atla ka phegelelo. Raven le yena a dira bjalo, a sepetša diatla tša gagwe mokokotlong wa gagwe a nyaka gore Nick a tloge. Go se felo pelo ga gagwe gwa tliša katlego morago ga lebakanyana ge Nick a thumaša entšene ya koloi gomme a tloga lefelong la go phaka. Raven a bea mosadi yo gabotse setulong sa monamedi gomme a thumaša koloi.

“Re ile go ipshina kudu mo re yago.” a realo ka kgegeo gomme a latela Nick.

Kane a tšwa ka leswiswing a ipotšiša gore mohlokomedi wa gagwe yo monnyane o nyaka go dira eng. A lebelela ka tlelapong a tseba gore o tla hwetša seo e se kgale. Gabjale, ga se a fetše go lekola. A emišetša seatla sa gagwe sa go tempiwa go moletakgoro yo a emego lebating ge a tsena ka go Mmino wa Ngwedi laboraro bošegong bjo.

*****

Kat a bogela Envy ge a boa ka tlelapong o kare o mo thomong. Mahlo a gagwe a lebelela tlase go seatla sa mosetsana gomme a bona gore o swere theisara. Dintšhi tša mahlo a gagwe tša emelela ge Envy a e kgoromeletša morago ka morabeng wa gagwe gomme a leba ditepising go ya lebatong la go bina.

A bona Devon le yena a tsena ka lebati la ka thoko gomme a leba ditepising ka morago gagwe, Kat a leba reileng ka go nanya gomme a lebelela tlase.

Gore Envy o a gafa e be e le taba ye nnyane. O ile a feta sehlopha sa babini ba mmalwa gomme a leba gare ga lešaba. Mafelelong ge a kgotsofetše gore o ka garegare ga molete, a tswalela mahlo a gagwe le go thoma go binela mmino o sa tlwelegago wo o thakgatšago dikwi tša gagwe.

Mmino wo ba o bapalago o be o mo gopotša ka thobalano ya go fiša. Ge a nagana ka seo, tšohle di bonala di mo gopotša ka thobalano ya gagwe bošego bjo… gape le Trevor.

E be e le moratiwa wa gagwe wa lerato, e sego wa go nanya le boleta. Ge a mo kgoma, e be e le ka letšhogo la gore o tla robega, gomme Envy a ipshina ka seo. O atlile masogana a mantši kgale gomme go bona ka moka ga go yo a kgomilego dipounama tša gagwe ka boleta bja go hebahebetša. O be a hloile seo gomme a tseba gabotse gore a se tšwe le bona ka katlo ya mathomo.

Trevor o be a kgona go atla go bona ka moka, efela le bjale, o be a tla itshwara. O nyaka motho yo mongwe yo a ka se itshwarego. Bošegong bjo, o nyaka motho yo mongwe yo a sa mo tsebego gomme a ka se bego le taba ge eba o tla robega.

O ile a kwa menwana e redimoga letlalong la gagwe gape ka taletšo… mebele e mo phophola. Envy a no tswalela mahlo, a nyakana le go kgongwa mo a go kwago go feta ga ba bangwe.

Fao… diatla tše dikgolo di thedimoga ka pele ga gagwe, di mo gogela morago go mmele wa bothata. O ile a ithekga ka ona, mo gare ga molala wa gagwe. Seatla setee sa tsena ka bogodimong go swara bokatlase bja lehlakore la letswele la gagwe mola le lengwe le lebile tlase… mo mpeng ya gagwe ya papetla pele se eya tlase kudu go lepanta la letheka la sekete sa gagwe sa letlalo.

Envy a roromela gomme bogodimo bja mmele wa gagwe bo mo gateletše, bo mo gapeletša go sekamela pele go lekana go dira gore sekipa sa gagwe sa sekete se bule sekgoba gore seatla sa gagwe se kgone go tsena ka tlase ga sekete sa letlalo.

Mahlo a gagwe a bulega ge a mo swara gare ga maoto ka go tiiša, ka tshwaro ya go kgwahlišetša. Ge a lebelela ka pele gagwe ka mahlo a makalo ye kgolo, a lemoga gore ga go yo a ba lebeletšego ka gore ke leswiswi… ba le gare ba kgomana goba ba dira se sengwe.

A kwa monwana wa gagwe wa gare wo motelele o phophola phenthi ya gagwe ya go thapa magareng ga dipou tša sethong sa bosadi, a tsetla gomme a sekamela morago, a swarelela seatla sa gagwe mo se lego… mo a nyakago se eba gona. A tswalela mahlo a gagwe gape a nyaka go hlokomedišiša go seatla seo.

Ge a leka go mo inamišetša pele, a kgorometša seatla sa gagwe le go se gatelela morago, a leka go fenya thaloko ye nnyane ya bona ya yo a swerego taolo.

O be a nyaka tša thobalano goba a gafa bošego ka moka ka fao ga a tsebe gore o nyaka go lwa goba thaloko pele ga thobalano, ka fao a akanya gore o di nyaka bobedi. A swara letsogo la gagwe gore le se šuthe, a kgokološa letheka la gagwe a kwa monwana wa gagwe o leba ka molomong wa setho sa bosadi, gomme a ya fase ka lebelo, a goga seatla a se ntšha seketeng sa gagwe.

A fofela pele, a se kgone le go fihla lebotong pele a mo swara gape. A leka go retologa efela a mo gatelela kgahlanong le leboto. A swarelela diatla tša gagwe le poloko ya sintere ya go pentiwa ya go fola, a di iša ka godimo ga hlogo ya gagwe ka seatla se tee gomme a di pinyeletša fao, kgole le lebone le leso leo le lego ka godimo ga bona.

Devon a inamela pele gabotse go mo phophola ka bohlatse bja gagwe bja go kotofala ka thatafalo ka lebaka la go tsogelwa mo maragong a gagwe, Ge a tsetla le go ikgoromeletša lebotong gore a kgone go iphorohla ka santhago go thatafalo ya gagwe ya go tia bjalo ka tšhipi, a rora.

Ge a mo obelela ka pele ka nako ye, a swara bokagare bja serope sa gagwe gomme a bula maoto a gagwe. A dira gore legoswi la gagwe le lebe godimo, a ba le seo a se tsomago gape.

Ge a kgoromoletša lešela la go thapa ka thoko, a lemoga gore ga a na meriri gomme a rora ka kgahlego. A tsenya menwana ya gagwe magareng ga dipou go ya ka gare ga go thapa le go fiša mo go mo emetšego. A e sepetša ka gare ga mehlodi ya gagwe, a bea dintlha tša menwana ya gagwe mo go sebetšana gomme a tlaiša sephuthelwana seo se sennyane sa megalatšhika seo se bego se šetše se ruruga ka nyakego.

“Ijoo modimo wa ka,” Envy a tsetla, ge ba sepela ka morethetho magareng ga bona. Ke mang yo a nyakago thobalano mola ba na le se?

Devon ka bjako a mmefelela. Lebaka le ka moka a mo kgoma, o be a tseba gore ga se a be le nako ya go bona gore ke yena… efela o fa, ka monaganong wa gagwe le motho yo a sa mo tsebego le gatee. Ge nkabe a se fa, o be a tla dira seo le motho yo mongwe?

Dikgopolo tša gagwe tša fifala ka seo a swanetšego go se dira go tlwaetša phaga ye ya bogale ye nnyane. Ke wa gagwe.

A sepetša dipounama tša gagwe ka thoko ga molala wa gagwe, Devon a tloša moriri wa gagwe o motelele tseleng ya gagwe go fihla a fihlelela lefelo la magareng ga lehlakore le bokamorago bja molala wa gagwe. A gogela letlalo ka molomong wa gagwe, a mo nyanya ge a tsenya menwana ya gagwe go botebong bja bokagare bja gagwe, a dira gore mogogorupa wa gagwe o šome maleatlana a ona go sebetšana seo se dirago gore a tloge a mo tlhologela ka nyakego.

Dikhuru tša Envy tša nyaka go lahlegelwa ke taolo ge a ekwa a etla mo menwaneng ya gagwe ka maphoto a morethetho a go fiša. Tsela yeo a bego a nyanya molala wa gagwe go ile gwa oketša kwagalo yeo ge a etla go yena.

Ka go sepetša monwana wa gagwe go selaganya sephuthelwana sa megalatšhika ya go kwa kudu, a tla gape gomme ka nako ye, a kwa meno a gagwe a mo loma letlalong leo a bego a le nyanya ka molomo wa gagwe. Kgopolo e be e swanetše go mo tšhoša efela o be a timetše kudu ka kwagalong ya dikwi ya diokaseme tše pedi ka go latelelana.

Devon a leseletša ka bjako letlalo leo a le swailego gomme a gogela moya ka teng wa pefelo yeo e bego e mo hlasetše. Tebelelo ya gagwe ya leba tlase ka go nanya go leswao la thobalano leo a mo filego lona gomme a rora ge a lebelela lefelo leo gore ke la gagwe. Ga senke a be le tumo ya go swaya mang goba mang, efela gabjale ka ge a mo swaile, a kwa pefelo ya gagwe e bobama.

Envy a kwa ge a ntšha monwana wa gagwe ka go nanya go yena. A sa ithekgile ka leboto, a lebelela tlase gomme a latela seatla sa gagwe ge se etšwa ka seketeng. A retologa, le go lebelela ka kgahlego ge a se iša dipounameng tša gagwe gomme a nyanya mehlodi ya gagwe monwaneng wa gagwe.

Mahlo a gagwe a tomoga ge a bona sefahlego sa Devon se širilwe ke lebone le leso ka godimo ga bona, ponagatšo ya lebone ka mahlong a gagwe a go makatša a dira gore a bonale eke a phadima ka mollo wa ka gare.

“Devon,” a hebahebetša, ge letšhogo la go makatša le hwetša tsela ya lona ka mokokotlong wa gagwe. Dikhuru tša gagwe tša tekateka gape ge a ekwa diokaseme tše dinnyane di sa bethabetha gare ga maoto a gagwe. A kwa a eya tlase ka dikgato tše mmalwa efela a ema gape thwii gomme a boela morago. Ka ge matsogo a gagwe a se sa mo kgwahlišitše, a retolla sefahlego sa gagwe a mo lebelela ka dikgopolo tše milione ka monaganong wa gagwe ka nako e tee.

Kgopolo ye nngwe le ye nngwe ya kgaotšwa ge matsogo a gagwe a eya ka morago ga gagwe le go mo kgwahlišetša ka taetšo ya gore ke wa gagwe.

“A re feleletše seo re se thomilego,” Devon a hebahebatša ka bogale, pele dipounama tša gagwe di mo fologela ka katlo ya bogale.

O be a kgona go kwa letšhogo la gagwe efela monkgo wa lerato o le bogale. O ile a bona go thakgala ka letšhogo go phadima ka mahlong a gagwe efela leswiswi leo le ba dikaneditšego e be e se selo go yena. E be e le mofetogi wa sebopego, lengau, gomme o be a kgona go bona gabotse ka leswiswing go no swana le ka leseding.

*****

Kane o be a raloša lengina la gagwe ntle le kgopolo tsebeng ya gagwe mola a lebeleletše tlase go selaganya lebato la go bina. A lebelela lešaba la mebele ye tšitlanego yeo o ka se kgonego go e bona ka mahlo a tlwaelo. Takatšo ya go ba le bona e be e le ye kgolo. E be e le ye nngwe ya mekgwa ye mekaone ya nako ye, mmino le go bina.

O be a tseba gore Michael o gona ka moagong go gongwe ka godimo gomme a lebelela godimo ka go nanya, Go se bone Michael go mo ja a phela gomme a ipotšiša gore o tla fetša neng pele a ineela go nyakego.

Le ge go le bjalo, Kane o be a se fao go ipshina, o be a le fao go hwetša sehlabelo sa gagwe le go bona ge eba a ka kgoboketša tshedimošo ya go ba swara ka go ba lebeledišiša. Ka go sepetša tebelelo ya gagwe ga boleta go selaganya lebato la tlase, a hlahla mahlo a gagwe go batho ka o tee ka o tee gomme a putsega ge a bona Devon le lekgarebe la hlogo ye hubedu le lebotse leo le bego le hlotše tlhakahlakano ka ntle.

A bogela bobedi bo šilana ntle le dihlong lebatong gomme a emiša ntšhi ya gagwe ya leihlo. Myemyelo ya tlala sefahlegong sa gagwe se sebotse ka go nanya ge a bona tlhagišo ya sefahlego sa Devon.

“Ka fao katsana ye mafelelong e hweditše molekani,” Kane a hebahebetša. “Ipshine ka yena mola o sa kgona.”

Kane a tlogela go lebelela tiragalo yeo gomme a leba pareng. Go bona Devon le molekani wa gagwe yo a mo ukamago gwa mmefediša. E be e le tatago Devon yo a ntsentšego ka tlase ga mabu mo a kgonago go kwa lentšu la ngwana… lentšu la go tlala letšhogo ge a gobatšwa. Ga se a kgone go mo kgoma… go mo rata. Ka tsela yeo Kane a e bonago, ge a ka se hwetše moratiwa wa gagwe wa semoya… gona mangau ba ka se hwetše seo le gatee.

Ge a kgotsofaditšwe ke tatelano ya dikgopolo tša gage, a emiša letsogo la gagwe go bitša morekiši wa bjala. Ge a se no otara galase ya beine ye hubedu, a thumaša sekerete gomme a se kgoga ka go nanya, a gana go se tima ge mohlokomedi wa para a mo lebelela. O emišitše go latela melao mengwaga ye lesome ya go feta.