Текст книги "Истина Бытия Божия"

ИСТИНА – СТОЛП И УТВЕРЖДЕНИЕ

Благословен Господь Бог господина моего Авраама, иже не остави правды своея и истины от господина моего (Быт. 24, 27).

Да утвердит Господь слово Свое, еже рече о мне, глаголя: аще сохранят сынове твои пути своя, еже ходити предо мною во истине всем сердцем своим и всею душею своею, глаголя:

не искоренится тебе муж с престола Израилева (3 Цар. 2, 4).

И рече Соломон: Ты сотворил еси с рабом твоим Давидом отцем моим милость велию, якоже ходи пред Тобою истиною и правдою и правым сердцем с Тобою, и сохранил еси ему милость великую сию, еже дати сыну его седети на престоле его, якоже днесь (3 Цар. 3, 6).

Паче же всех побеждает истина (2 Езд. 3, 12).

Не велик ли, иже сия творит; и истина велика и крепчае паче всех.

Вся земля истину призывает, и небо оную благословляет, и вся дела трясутся и трепещут (ея), и несть с нею обиды ни единыя.

Обидит вино, обидит царь, обидят жены, неправедни вси сынове человечестии, и неправедна вся дела их сицевая, и несть в них истины, и во своей неправости погибают.

Истина же пребывает и возмогает во век, и живет и обладает во век века (2 Езд. 4, 35–38).

И несть в суде ея ничтоже неправедно: и сия крепость и царство, и власть и величество всех веков: благословен Бог истины (2 Езд. 4, 40).

Праведен еси, Господи, и вся дела Твоя, и вси путие Твои милость и истина, и суд истинен и праведен Ты судиши во век (Тов. 3, 2).

Зане творящу ти истину, благопоспешества будут в делех твоих и всем творящим правду (Тов. 4, 60).

Аще обратитеся к Нему всем сердцем вашим и всею душею вашею творити пред Ним истину, тогда обратится к вам и не скрыет лица Своего от вас, и узрите, яже сотворит с вами (Тов. 13, 6).

Страх Господень чист, пребываяй в век века. Судьбы Господни истинны, оправданны вкупе (Пс. 18, 10).

Настави мя на истину Твою и научи мя, яко Ты еси Бог спас мой; и Тебе терпех весь день (Пс. 24, 5).

Вси путие Господни – милость и истина взыскающим завета Его и свидения Его (Пс. 24, 10).

В руце Твои предложу дух мой; избавил мя еси, Господи, Боже истины (Пс. 30, 6).

Господи! На небеси милость Твоя, истина Твоя до облак (Пс. 35, 6).

Ты же, Господи, не удали щедрот Твоих от мене; милость Твоя и истина Твоя выну да заступите мя (Пс. 39, 12).

Посли свет Твой и истину Твою; та мя настависта и введоста мя в гору святую Твою и в селения Твоя (Пс. 42, 3).

Посла с небесе и спасе мя; даде в поношение попирающия мя; посла Бог милость Свою и истину Свою (Пс. 56, 4).

Яко возвеличишася до небес милость Твоя и даже до облак истина Твоя (Пс. 56, 11).

Аз же молитвою моею к Тебе, Боже; время благоволения, Боже, во множестве милости Твоея услыши мя, во истине спасения Твоего (Пс. 68, 14).

Ибо аз исповемся Тебе в людех, Господи, в сосудех псаломских истину Твою, Боже, воспою Тебе в гуслех, Святый Израилев (Пс. 70, 22).

Милость и истина сретостеся, правда и мир облобызастася; истина от земли возсия, и правда с небесе приниче (Пс. 84, 11–12).

Настави мя, Господи, на путь Твой, и пойду во истине Твоей; да возвеселится сердце мое боятися имене Твоего (Пс. 85, 11).

Зане рекл еси: в век милость созиждется, на небесех уготовится истина Твоя (Пс. 88, 3).

Исповедят небеса чудеса Твоя, Господи, ибо истину Твою в церкви святых (Пс. 88, 6).

Господи, Боже сил! кто подобен Тебе, силен еси Господи, и истина Твоя окрест Тебе (Пс. 88, 9).

Правда и судьба уготование престола Твоего; милость и истина предыдете пред лицем Твоим (Пс. 88, 15).

Плещма Своима осенит тя, и под крыле Его надеешися; оружием обыдет тя истина Его (Пс. 90, 4).

От лица Господня; яко грядет, яко грядет судити земли. Судити вселенней в правду, и людем истиною Своею (Пс. 95, 13).

Яко благ Господь, в век милость Его, и даже до рода и рода истина Его (Пс. 99, 5).

Яко велия верху небес милость Твоя и до облак истина Твоя (Пс. 107, 5).

Дела рук Его истина и суд; верны вся заповеди Его, утверждены в век века, сотворены во истине и правоте (Пс. 110, 7–8).

Не нам, Господи, не нам, но имени Твоему даждь славу, о милости Твоей и истине Твоей (Пс. 113, 9).

Яко утвердися милость Его на нас, и истина Господня пребывает во век (Пс. 116, 2).

Вся заповеди Твоя истина; неправедно погнаша мя, помози ми (Пс. 118, 86).

В род и род истина Твоя. Основал еси землю, и пребывает (Пс. 118, 90).

Заповедал еси правду свидения Твоя, и истина зело (Пс. 118, 138).

Правда Твоя, правда во век, и закон Твой истина (Пс. 118, 142).

Близ еси Ты, Господи, и вси путие Твои истина (Пс. 118, 151).

Клятся Господь Давиду истиною, и не отвержется ея: от плода чрева твоего посажду на престоле твоем (Пс. 131, 11).

Поклонюся ко храму святому Твоему и исповемся имени Твоему о милости Твоей и истине Твоей, яко возвеличил еси над всем имя Твое святое (Пс. 137, 2).

Господи, услыши молитву мою, внуши моление мое во истине Твоей; услыши мя в правде Твоей (Пс. 142, 1).

Близ Господь всем призывающим Его, всем призывающим Его во истине (Пс. 144, 18).

Милость и истина сохранение царю, и обыдут престол его в правде (Притч. 20, 28).

Истину стяжи и не отрини мудрости и учения и разума (Притч. 23, 23).

Надеющийся нань уразумеют истину, и верни в любви пребудут Ему, яко благость и милость в преподобных Его и посещение во избранных Его (Прем. 3, 9).

Не пререкай противу истины и о ненаказании твоем срамляйся (Сир. 4, 29).

Даже до смерти подвизайся о истине, и Господь Бог поборет по тебе (Сир. 4, 32).

Птицы с подобными себе обитают, и истина к творящим ю обратится (Сир. 27, 9).

И о всех сих помолися Вышнему, да управит во истине путь твой (Сир. 37, 19).

И будет препоясан правдою о чреслех своих и истиною обвит по ребрам своим (Ис. 11, 5).

И исправится с милостию престол, и сядет на нем со истиною во скинии Давидове, судя и взыская суд и ускоряя правду (Ис. 16, 5).

Отверзите врата, да внидут людие хранящии правду и хранящии истину (Ис. 26, 2).

Трости сокрушены не сотрет и льна курящася не угасит, но во истину изнесет суд (Ис. 42, 3).

Не о тай глаголах, ни в темне месте земли: не рекох племени Иаковлю: суетнаго взыщите. Аз есмь, Аз есмь Господь глаголяй правду и возвещаяй истину (Ис. 45, 19).

Ибо Я, Господь, люблю правосудие, ненавижу грабительство с насилием, и воздам награду им по истине, и завет вечный поставлю с ними (Ис. 61, 8).

Еже благословится на земли, благословят бо Бога истиннаго: и кленущиися на земли клятися будут Богом истинным, забудут бо печаль свою первую, и не взыдет им на сердце (Ис. 65, 16).

И кленешися, живет Господь, во истине и в суде и в правде, и благословят в Нем языцы и в Нем восхвалят Бога во Иерусалиме (Иер. 4, 2).

Господь же Бог истинен есть, той Бог живый и Царь вечный, от гнева Его подвигнется земля, и не стерпят языцы прещения Его (Иер. 10, 10).

И судьбы истинны сотворил еси по всем, яже навел еси на ны и на град святый отец наших Иерусалим: яко истиною и судом навел еси сия вся на ны грех ради (Дан. 3, 28).

Якоже есть писано в законе Моисеове, вся злая сия приидоша на ны: и не помолихомся лицу Господа Бога нашего, отвратитися от неправд наших еже смыслити во всей истине Твоей (Господи) (Дан. 9, 13).

И ныне истину возвещу тебе: се, еще трие царие востанут в Персиде, четвертый же разбогатеет богатством великим паче всех и по одержанию богатства своего востанет на вся царства еллинская (Дан. 11, 2).

Сей же (Даниил) став среде их рече: сице ли юродиви, сынове Израилевы, не испытавше, ни истины разумевше, осудисте дщерь Израилеву (Дан. 13, 48).

Слышите слово Господне, сынове Израилевы, яко суд Господеви к живущим на земли: зане несть истины, ни милости, ни ведения Божия на земли (Ос. 4, 1).

Тако глаголет Господь: обращуся к Сиону и вселюся посреде Иерусалима, и наречется Иерусалим град истинный, и гора Господа Вседержителя гора святая (Зах. 8, 3).

И введу их (в землю их), и вселюся посреде Иерусалима, и будут ми в людие, и Аз буду им в Бога во истине и в правде (Зах. 8, 8).

Сия словеса, яже сотворите: глаголите истину кийждо искреннему своему, истину и суд мирен судите во вратех ваших (Зах. 8, 16).

Процветет же вера и победится растление, и явится истина, яже без плода бяше дни толики (3 Езд. 6, 28).

Суд же един пребудет, истина станет, и вера возможет (3 Езд. 7, 34).

Разрушися невоздержность, отсечено есть неверие, возрасте же правда, возсия истина (3 Езд. 7, 44).

Егоже повеление крепко и разсмотрение страшно, егоже зрак изсушает бездны и гнев растаявати творит горы и истина свидетельствует (3 Езд. 8, 22).

Егда бо живу, глаголати буду, и егда разумею, отвещати буду: не смотри на людий твоих грехи, но иже в тебе во истине служат (3 Езд. 8, 24).

Удалибося далече истина, и приближися лжа: уже бо тщится прийти еже видел еси видение (3 Езд. 14, 17).

Жена же убоявшися и трепещущи, ведящи, еже бысть ей, прииде и припаде к Нему и рече Ему всю истину (Мк. 5, 33).

И рече Ему книжник: добре, Учителю, воистинну рекл еси, яко един есть Бог, и несть ин разве Его (Мк. 12, 32).

В начале бе Слово, и Слово бе к Богу, и Бог бе Слово. Сей бе искони к Богу: Вся Тем быша, и без Него ничтоже бысть, еже бысть. В Том живот бе, и живот бе свет человеком: И свет во тьме светится, и тьма его не объят.

Бысть человек послан от Бога, имя ему Иоанн.

Сей прииде во свидетельство, да свидетельствует о Свете, да вси веру имут ему.

Не бе той свет, но да свидетельствует о Свете.

Бе Свет истинный, Иже просвещает всякаго человека, грядущаго в мир (Ин. 1, 1–9).

И Слово плоть бысть и вселися в ны, и видехом славу Его, славу яко Единароднаго от Отца, исполнь благодати и истины. Иоанн свидетельствует о Нем, и воззва глаголя: Сей бе, Егоже рех, Иже по мне Грядый, предо мною бысть, яко первее мене бе. И от исполнения Его мы вси прияхом и благодать возблагодать: Яко закон Моисеом дан бысть: благодать (же) и истина Иисус Христом бысть (Ин. 1, 14–17).

Виде (же) Иисус Нафанаила грядуща к Себе, и глагола о нем: се воистинну израильтянин, в немже льсти несть (Ин. 1, 47).

Творяй же истину грядет к свету, да явятся дела его, яко о Бозе суть соделана (Ин. 3, 21).

Приемый Его свидетельство верова, яко Бог истинен есть (Ин. 3, 33).

Но грядет час, и ныне есть, егда истиннии поклонницы поклонятся Отцу духом и истиною: ибо Отец таковых ищет поклоняющихся Ему. Дух (есть) Бог: и иже кланяется Ему, духом и истиною достоит кланятися (Ин. 4, 23–24).

И жняй мзду приемлет и собирает плод в живот вечный, да и сеяй вкупе радуется и жняй: О сем бо слово есть истинное, яко ин есть сеяй, и ин (есть) жняй (Ин. 4, 36–37).

Жене же глаголаху, яко не ктому за твою беседу веруем: сами бо слышахом и вемы, яко Сей есть воистинну Спас миру, Христос (Ин. 4, 42).

Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца. Аще Аз свидетельствую о Мне, свидетельство Мое несть истинно: Ин есть свидетельствуяй о Мне, и вем яко истинно есть свидетельство, еже свидетель ствует о Мне. Вы посласте ко Иоанну, и свидетельствова о истине (Ин. 5, 30–33).

Человецы же видевше знамение, еже сотвори Иисус, глаголаху, яко Сей есть воистинну Пророк Грядый в мир (Ин. 6, 14).

Рече бо им Иисус: аминь, аминь глаголю вам, не Моисей даде вам хлеб с небесе, но Отец Мой дает вам хлеб истинный с небесе (Ин. 6, 32).

Плоть бо Моя истинно есть брашно, и Кровь Моя истинно есть пиво. Ядый Мою Плоть и пияй Мою Кровь, во Мне пребывает, и Аз в нем (Ин. 6, 55–56).

Глаголяй от себе, славы своея ищет: а ищай славы Пославшаго Его Сей истинен есть, и несть неправды в Нем (Ин. 7, 18).

Воззва убо в церкви уча Иисус и глаголя: и Мене весте, и весте, откуду есмь: и о Себе не приидох, но есть истинен Пославый Мя, Егоже вы не весте (Ин. 7, 28).

Мнози же от народа слышавше слово, глаголаху: Сей есть воистину пророк (Ин. 7,40).

Реша убо Ему фарисее: Ты о Себе Сам свидетельствуеши: свидетельство Твое несть истинно.

Отвеща Иисус и рече им: аще Аз свидетельствую о Себе, истинно есть свидетельство Мое, яко вем, откуду приидох и камо иду: вы же не весте, откуду прихожду, и камо гряду (Ин. 8, 13–14).

И аще сужду Аз, суд Мой истинен есть: яко един несмь, но Аз и пославый Мя Отец: И в законе же вашем писано есть, яко двою человеку свидетельство истинно есть (Ин. 8, 16–17).

Многа имам о вас глаголати и судити: но Пославый Мя истинен есть, и Аз, яже слышах от Него, сия глаголю в мире (Ин. 8, 26).

Глаголаше убо Иисус к веровавшим Ему иудеом: аще вы пребудете во словеси Моем, воистинну ученицы Мои будете, и уразумеете истину, и истина освободит вы (Ин. 8, 31–32).

Аще убо Сын вы свободит, воистинну свободни будете (Ин. 8, 36).

Ныне же ищете Мене убити, Человека, Иже истину вам глаголах, юже слышах от Бога: сего Авраам несть сотворил (Ин. 8, 40).

Вы отца (вашего) диавола есте и похоти отца вашего хощете творити: он человекоубийца бе искони и во истине не стоит, яко несть истины в нем: егда глаголет лжу, от своих глаголет, яко ложь есть и отец лжи: Аз же зане истину глаголю, не веруете Мне: Кто от вас обличает Мя о гресе? аще ли истину глаголю, почто вы не веруете Мне (Ин. 8, 44–46).

И мнози приидоша к Нему, и глаголаху, яко Иоанн убо знамения не сотвори ни единаго: вся же, елика рече Иоанн о Сем, истинна бяху. И мнози вероваша в Него ту (Ин. 11, 41–42).

Глагола ему Иисус: Аз есмь путь и истина и живот: никтоже приидет ко Отцу, токмо Мною (Ин. 14, 6).

Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает, и в вас будет (Ин. 14, 17).

Аз есмь лоза истинная, и Отец Мой делатель есть (Ин. 15, 1).

Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетельствует о Мне (Ин. 15, 26).

Но Аз истину вам глаголю: уне есть вам, да Аз иду: аще бо не иду Аз, Утешитель не приидет к вам: аще (ли) же иду, послю Его к вам (Ин. 16, 7).

Егда же приидет Он, Дух истины, наставит вы на всяку истину: не от Себе бо глаголати имать, но елика аще услышит, глаголати имать, и грядущая возвестит вам (Ин. 16, 13).

Се же есть живот вечный, да знают Тебе единаго истиннаго Бога, и Егоже послал еси Иисус Христа (Ин. 17, 3).

Яко глаголы, ихже дал еси Мне: дах им: и тии прияша и разумеша воистинну, яко от Тебе изыдох, и вероваша яко Ты Мя послал еси (Ин. 17, 8).

Не молю, да возмеши их от мира, но да соблюдеши их от неприязни: От мира не суть, якоже (и) Аз от мира несмь: Святии их во истину Твою: слово Твое истина есть. Якоже Мене послал еси в мир, и Аз послах их в мир.

И за них Аз свящу Себе, да и тии будут священи во истину (Ин. 17, 15–19).

Рече же Ему Пилат: убо Царь ли еси Ты? Отвеща Иисус: ты глаголеши, яко Царь есмь Аз: Аз на сие родихся, и на сие приидох в мир, да свидетельствую истину: (и) всяк, иже есть от истины, послушает гласа Моего.

Глагола Ему Пилат: что есть истина? И сия рек, паки изыде ко иудеом и глагола им: аз ни единыя вины обретаю в Нем (Ин. 18, 37–38).

И видевый свидетельствова, и истинно свидетельство его, и той весть, яко истину глаголет, да вы веру имете:

Быша бо сия, да сбудется Писание: кость не сокрушится от Него (Ин. 19, 35–36).

Сей есть ученик свидетельствуй о сих, иже и написа сия: и вем, яко истинно есть свидетельство его (Ин. 21, 24).

Он же: не беснуюся, рече, державный Фи сте, но истины и целомудрия глаголы вещаю (Деян. 26, 25).

Восхотев бо породи нас словом истины, во еже быти нам начаток некий созданием Его (Иак. 1, 18).

Аще же зависть горьку имате и рвение в сердцах ваших, не хвалитеся, ни лжите на истину (Иак. 3, 14).

Братие, аще кто в вас заблудит от пути истины, и обратит кто его (Иак. 5, 19).

Души ваша очистивше в послушании истины духом, в братолюбие нелицемерно, от чиста сердца друг друга любите прилежно (1 Пет. 1, 22).

Сего ради не обленюся воспоминати присно вам о сих, аще и ведите и утверждени есте в настоящей истине (2 Пет. 1, 12).

И мнози последствуют их нечистотам, ихже ради путь истинный похулится (2 Пет. 2, 2).

Аще речем, яко общение имамы с ним, и во тьме ходим, лжем и не творим истины (1 Ин. 1, 6).

Аще речем, яко греха не имамы, себе прельщаем, и истины несть в нас (1 Ин. 1, 8).

Глаголяй, яко познах его, и заповеди его не соблюдает, ложь есть, и в сем истины несть (1 Ин. 2, 4).

Не писах вам, яко не весте истины, но яко весте ю и яко всяка лжа от истины несть (1 Ин. 2, 21).

Чадца моя, не любим словом ниже языком, но делом и истиною (1 Ин. 3, 18).

И о сем разумеем, яко от истины есмы, и пред ним смиряем сердца наша (1 Ин. 3, 19).

Мы от Бога есмы: иже знает Бога, послушает нас, и иже несть от Бога, не послушает нас. О сем познаваем духа истины и духа лестча (1 Ин. 4, 6).

Сей есть пришедый водою и кровию и Духом, Иисус Христос, не водою точию, но водою и кровию: и Дух есть свидетельствуяй, яко Дух есть истины (1 Ин. 5, 6).

Открывается бо гнев Божий с небесе на всякое нечестие и неправду человеков, содержащих истину в неправде (Рим. 1, 18).

Иже премениша истину Божию во лжу и почтоша и послужиша твари паче Творца, иже есть благословен во веки, аминь (Рим. 1, 25).

А иже по рвению противляются убо истине, повинуются же неправде, ярость и гнев (Рим. 2, 8).

Наказателя безумным, учителя младенцем, имуща образ разума и истины в законе (Рим. 2, 20).

Истину глаголю о Христе, не лгу, послушествующей ми совести моей Духом Святым (Рим. 9, 1).

Глаголю же Христа Иисуса служителя бывша обрезания по истине Божией, во еже утвердити обетования отцев (Рим. 15, 8).

Темже да празднуем не в квасе ветсе, ни в квасе злобы и лукавства, но в безквасиих чистоты и истины (1 Кор. 5, 8).

Не радуется о неправде, радуется же о истине (1 Кор. 13, 6).

Но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей пред Богом (2 Кор. 4, 2).

Да служение безпорочно будет:

Но во всем представляюще себе якоже Божия слуги, в терпении мнозе, в скорбех, в бедах, в теснотах В ранах, в темницах, в нестроениих, в трудех, во бдениих, в пощениих.

Во очищении, в разуме, в долготерпении, в благости, в Духе святе, в любви нелицемерне,

В словеси истины, в силе Божией, оружии правды десными и шуими (2 Кор. 6, 3–7).

Ничтоже бо можем на истину, но по истине (2 Кор. 13, 8).

Имже ни к часу повинухомся в покорение, да истина благовестия пребудет в вас (Гал. 2, 5).

О, несмысленнии галате, кто вы прельстил есть не покоритися истине, имже пред очима Иисус Христос преднаписана бысть в вас распят (Гал. 3, 1).

В Немже и вы, слышавше слово истины, благовествование спасения нашего, в немже и веровавше знаменастеся Духом обетования Святым (Еф. 1, 13).

Аще убо слышасте Его и о Нем научистеся, якоже есть истина о Иисусе (Еф. 4, 21).

Надобно облещися в новаго человека, созданаго по Богу в правде и в преподобии истины (Еф. 4, 24).

Темже отложше лжу, глаголите истину кийждо ко искреннему своему, зане есмы друг другу удове (Еф. 4, 25).

Плод бо духовный есть во всяцей благостыни и правде и истине (Еф. 5, 9).

Станите убо препоясани чресла ваша истиною, и оболкшеся в броня правды (Еф. 6, 14).

Сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разумеете благодать Божию во истине (Кол. 1, 6).

Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих (1 Фес. 2, 13).

И со всяким неправедным обольщением погибающих за то, что они не приняли любви истины для своего спасения (2 Фес. 2, 10).

Да суд приимут вси не веровавшии истине, но благоволившии в неправде (2 Фес. 2, 12).

Мы же до лжни есмы благодарити Бога всегда о вас, братие возлюбленная от Господа, яко избрал есть вас Бог от начала во спасение во святыни духа и веры истины (2 Фес. 2, 13).

Иже всем человеком хощет спастися и в разум истины приити (1 Тим. 2, 4).

Аще же замедлю, да увеси, како подобает в дому Божии жити, яже есть Церковь Бога жива, столп и утверждение истины (1 Тим. 3, 15).

В начале было Слово, и Слово было у Бога, и Слово было Бог

(Ин. 1, 1).

В Боге – полнота и истина, сила и всемогущество, Он – Творец неба и земли и истинный Бог, и Церковь постоянно возглашает: «Христос, истинный Бог наш, помилует и спасет нас». И каждый христианин должен знать истинное богословие, богообщение, таинства Церкви – столпа и утверждения истины, спасение и жизнь вечную.

Родоначальник рода человеческого Адам – первый человек – вошел во вселенную как царь, священник и пророк в свои чертоги, как в церковь в земном раю. По Промыслу Зиждительной Премудрости он должен был весь мир привести в обожение. Но первый человек преступил заповедь и не выполнил своего высокого предназначения. И вот потускневший образ Божий, не раскрытый ветхим Адамом, теперь воссиял Божественным бессмертием через явление Нового Адама – сшедшего с небес Богочеловека, Господа нашего Иисуса Христа, Спасителя Который даровал нам жизнь вечную, путь обожения, познание истины. Истина открывает любовь Божию и являет жизнь.

Еще в 1351 году на Соборе в Константинополе святые отцы завещали хранить истину и чистоту нравственного и догматического богословия, дабы и богословие, и философия в единстве учения и познания воспевали славу Христу Богу истинному. Ведь Сын Человеческий через воскресение соделал людей сынами Божиими.

К сожалению, были времена, когда человек в дерзостном умопомрачении попытался превратить философию в науку наук, «заменяющую» учение Христово, против чего предупреждал еще святой апостол Павел: Братие, блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе (Кол. 2, 8).

И богословы, и философы, любя Бога и человека, желая всем блаженства и нравственного созидания добра в Православии, в Церкви Христовой несут подвиг и труд христианизации разума, ибо во Христе любовь, мудрость, правда, святость, путь восхождения в обожение, в усыновление, в жизнь вечную.