Текст книги "Спаси и сохрани. Молитвы от бед и недугов, на счастье и благополучие"

Молитва после исповедания грехов

Как слабому и вовсе безсильному самому по себе на дела благия, смиренно со слезами молю Тебя, Господи, Спасителю мой, помози мне утвердиться в моем намерении: жить прочее время жизни для Тебя, Возлюбленнаго Бога моего, богоугодно, а прошедшия согрешения моя прости милосердием Своим и разреши от всех моих, сказанных пред Тобою, грехов, яко благий Человеколюбец. Также смиренно молю Тебя, Пресвятая Богородице, и вас, Небесные силы и все угодники Божии, помогите мне исправить мою жизнь.

Молитва о прощении забытых грехов

Эта молитва была составлена преподобным Варсонофием Великим. Сей старец вел подвижническую жизнь, истово молился, держал строгий пост и был исполнен великого смирения и пламенной любовью ко всему сущему. Видя все это, Господь даровал ему способность исцелять людей и молитвой очищать их души от скверны греха.

Владыко Господи, поскольку и забыть свои прегрешения есть грех, то я во всем согрешил Тебе, Единому Сердцеведу; Ты и прости мне все по Твоему человеколюбию; тем-то и проявляется великолепие Славы Твоей, когда Ты не воздаешь грешникам по делам их, ибо Ты препрославлен во веки. Аминь.

Молитвы путешествующих и за путешествующих

Молитва человека, собирающегося в путь

Издревле путники обращались за помощью к Милостивой Заступнице Пресвятой Богородице, прося Ее о помощи и поддержке.

О, Пресвятая Владычице моя, Дево Богородице, Одигитрие, покровительнице и упование спасения моего! Се в путь, мне предлежащий, ныне хощу отлучитися и на время сие вручаю Тебе, Премилосердей Матери моей, душу и тело мое, вся умныя моя и вещественныя силы, всего себе вверяя в крепкое Твое смотрение и всесильную Твою помощь. О, Благая Спутнице и Защитнице моя! Усердно молю Тя, да не ползок путь мой сей будет, руководствуй мя на нем, и направи его, Всесвятая Одигитрие, якоже Сама веси, ко славе Сына Твоего, Господа моего Иисуса Христа, буди ми во всем помощнице, наипаче же в сем дальнем и многотруднем путешествии соблюди мя под державным покровом Твоим от всяких находящих бед и скорбей, от враг видимых и невидимых, и моли о мне, Госпоже моя, Сына Твоего Христа Бога нашего, да послет в помощь мне Ангела Своего мирна, верна наставника и хранителя, да якоже древле даровал есть рабу Своему Товии Рафаила, на всяком месте и во всякое время хранивша его в пути от всякаго зла; тако и мой путь благополучно управив и сохранив мя Небесною силою, здрава да возвратит мя, мирна и всецела, к жилищу моему во славу имени Своего святаго, славяща и благословяща Его во вся дни живота моего и Тебе величающа. Ныне и присно и во веки веков. Аминь.

Молитва о путешествующих

С этой молитвой обращаются к Пресвятой Богородице перед Ее иконой «Скоропослушница».

Преблагословенная Владычице, Присно-дево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественнех дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, Всещедрей Матери Человеколюбиваго Владыки: удиви на нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу во утешение и спасение, коемуждо устрояющи. Посети, Преблагая, рабы Твоя благодатию Твоею, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий, и душевнаго разслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем и Пресвятым Духом. Ныне и присно и во веки веков. Аминь.

Молитва святителю Николаю о путешествующих

Святитель Николай издревле почитался как покровитель путешественников, особенно мореплавателей. Согласно церковным преданиям, еще будучи совсем молодым, святитель Николай отправился на корабле в Александрию из родного города Миры. По дороге случилось несчастье: один моряк во время шторма упал с мачты и разбился насмерть. Николай стал истово молиться над телом несчастного, и тот воскрес. Возможно, именно с этим событием связана вера в то, что святитель Николай никогда не оставит путника без помощи и всегда поможет ему в трудный час.

О всесвятый Николае, угодниче Преизрядный Господень, теплый наш заступниче и везде в скорбех скорый помощниче! Помози мне грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечного мучения; да всегда прославляю Отца и Сына и Святаго Духа и твое милостивное предстательство. Ныне и присно и во веки веков. Аминь.

Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Николае, моли Христа Бога спастися душам нашим.

В Мирех, святе, священнодействитель показался еси: Христово бо, преподобне, Евангелие исполнив, положил душу твою о людех твоих и спасл еси неповинныя от смерти; сего ради освятился еси, яко великий таинник Божия благодати.

Молитва о путнике преподобным Кириллу и Марии, родителям преподобного Сергия Радонежского

Преподобных Кирилла и Марию еще при жизни почитали за праведность. Они строго блюли все церковные уставы, держали посты, помогали бедным и с радостью привечали странников. Именно поэтому к ним принято обращаться с просьбой защитить странника в пути, даровать ему помощь и поддержку.

О раби Божии, схимонаше Кирилле и схимонахине Марие, внемлите смиренному молению нашему. Аще бо временное житие ваше скончали есте, но духом от нас не отступаете, присно по заповедем Господним шествовати нас научающе и крест свой терпеливо носити нам пособствующе. Се бо вкупе со преподобным и богоносным отцем нашим Сергием, вашим возлюбленным сыном, дерзновение ко Христу Богу и ко Пречистой Его Матери стяжали есте. Темже и ныне будите молитвенницы и ходатаи о нас, недостойных рабах Божиих (имена). Будите нам заступницы крепции, да верою живуще, заступлением вашим сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа. Ныне и присно и во веки веков. Аминь.

Молитва перед выходом из дому святителя Иоанна Златоуста

Святой Иоанн был наделен даром красноречия (его проповеди с одинаковым интересом слушали и христиане, и язычники), поэтому он и получил прозвище Златоуст. Издревле считается, что святой этот помогает людям, оказавшимся в отчаянном положении, всех же прочих уберегает от бед и напастей.

Отрицаюсь тебе, сатана, гордыни твоей и служению тебе и сочетаюсь Тебе, Христе, во имя Отца и Сына и Святаго Духа. Аминь.

Молитвы, чтобы муж благополучно вернулся из дальней и долгой поездки

Эта молитва обращена к святителю Николаю Чудотворцу. Этот святой издревле почитался как помощник в любых бедах и невзгодах, и к нему обращались с просьбой о помощи в самых разных делах, вымаливая избавление от болезней и благословение семейных отношений.

О добрый наш пастырю и богомудрый наставниче, святителю Христов Николае! Услыши нас, грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко Пресвятому образу твоему припадающе, помощи просим: избави нас, угодниче Христов, от зол, находящих на нас, и укроти волны страстей и бед, возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость. Ныне и присно и во веки веков.

Или же обратитесь к святителю Николаю Чудотворцу со следующей молитвой:

О, всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю Вселенную, ты еси праведник, яко финикс процветший, насажденный во дворех Господа своего: живый в Мирех, миром благоухал еси, и миро приснотекущее благодати Божия источаеши. Твоим шествием, пресвятый отче, море освятися, егда многочудесныя твоя мощи шествоваху во град барский, от востока до запада хвалити имя Господне. О, преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед, тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство. Услыши нас, молящихся тебе и прибегающих под кров твой, яви предстательство твое о нас к Вышнему и исходатайствуй твоими богоприятными молитвами вся полезная ко спасению душ и телес наших: сохрани святую обитель сию (или храм сей), всякий град и всякую страну христианскую, и люди живущия от всякаго озлобления помощию твоею, вемы бо, вемы, яко много может молитва праведнаго, поспешествующая во благое, тебе же праведнаго по Преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем: ты нас соблюди, яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменных, и во всяких бедах и скорбех наших подаваяй нам руку помощи и отверзи двери милосердия Божия; понеже недостойны есмы зрети высоту Небесную, от множества неправд наших; связани есмы узами греховными, и николиже воли Создателя нашего сотворихом, ни сохранихом повелений Его. Тем же преклоняем колена сокрушенна и смиренна сердца нашего к Зиждителю своему, и твоего отеческаго заступления к нему просим; помози нам, угодниче Божий, да не погибнем со беззаконьми нашими, избави нас от всякаго зла, и от всякия вещи сопротивныя, управи ум наш, и укрепи сердце наше в правой вере, в ней же твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще

Отца и Сына и Святаго Духа, единаго в Троице славимаго и поклоняемаго Бога. Ныне и присно и во веки веков. Аминь.

Молитва идущего в лес

Боже Святый и во святых почиваяй, Трисвятым гласом на Небеси от ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, Небесныя с ними сподобитися Славы, хваляще Пресвятое имя Твое, Отца и Сына и Святаго духа во веки. Аминь.

Молитва во время грозы

Господи Боже наш, утверждаяй гром, и претворяяй молнию, и вся деяй ко спасению дел руку Твоею, призри Твоим человеколюбием, избави нас от всякия скорби, гнева и нужды, и настоящего прещения: возгремел бо еси с Небесе Господи, и молнию умножил еси, и смутил еси нас. Примирися, Благоутробне, к Тебе прибегаем, и богатыя щедроты Твоя ниспосли на ны, и помилуй рабы Твоя, яко Благ и Человеколюбец: да не попалит нас огнь ярости Твоея, ниже да снедает нас ярость молнии и громов Твоих, но, обычное Твое употребивый благоутробие, укроти гнев Твой, и в благотишие воздух преложи, и солнечными лучами належащий мрак разсеки, и мглу в тишину претвори, яко Бог милости, щедрот и человеколюбия еси, и Тебе славу возсылаем Отцу и Сыну и Святому Духу. Ныне и присно и во веки веков. Аминь.

Молитва водителя

Боже Всеблагий и Всемилостивый, всех охраняяй Своею милостию и человеколюбием, смиренно молю Тя, предстательством Богородицы и всех святых, сохрани от внезапныя смерти и всякия напасти мене, грешнаго, и вверенных мне человек и помози невредимых доставлять каждого по его потребе. Боже Милостивый! Избави мене от злаго духа лихачества, нечистой силы пианства, вызывающих несчастия и внезапную смерть без покаянияю. Спаси мене, Господи, с чистой совестию дожить до глубокой старости без бремени убитых и искалеченных по моему нерадению людей, и да прославится имя Твое святое. Ныне и присно и во веки веков. Аминь.

Молитва перед отправлением в воздушное путешествие

Господи Иисусе Христе, Боже наш, стихиям повелеваяй и вся горстию содержаяй, Егоже бездны трепещут и Емуже звезды присутствуют. Вся тварь Тебе служит, вся послушают, вся Тебе повинуются. Вся можеши, сего ради вся милуеши, Преблагий Господи. Тако и ныне убо, Владыко, рабов Твоих сих (имена) моления теплыя приемля, благослови путь их и воздушное шествие, запрещая бурям же и ветром противным, и лодию воздушную целу и невредиму соблюдая. Спасительное и небурное по воздуху провождение им даруя и благое намерение совершившим им весело во здравии и в мире возвратитися изволь. Ты бо еси Спас и Избавитель и всех благих Небесных и земных Податель и Тебе славу возсылаем со Безначальным Твоим

Отцем и Пресвятым и Благим и Животворящим Твоим Духом. Ныне и присно и во веки веков. Аминь.

Молитва перед отправлением в плавание

Владыко Господи Иисусе Христе, Боже наш, вместе со святыми Своими учениками и апостолами плававший, бурный ветер утишивший и повелением Своим волны на море успокоивший! Сам, Господи, и нам сопутствуй в плавании, всякий бурный ветер утиши и будь Помощником и Заступником, ибо Ты Бог Благий и любящий человеков и Тебе славословие приносим, Отцу и Сыну и Святому Духу. Ныне и присно и во веки веков. Аминь.

Молитва на море от бури и потопления

С этой молитвой принято обращаться к преподобным Зосиме и Савватию Соловецким. Святые сами неоднократно плавали по Белому морю до Соловецких островов, поэтому и считаются покровителями всех путешествующих по воде.

О преподобнии и богоноснии отцы наши Зосимо и Савватие, земнии ангелы и Небеснии человецы, ближнии друзи Христовы и угодницы Божии, слава и украшение вашея обители, необоримая стена и великое заступление северныя страны и всего православнаго отечества нашего. Мы, недостойнии и многогрешнии, с благоговейною любовию припадаем к ракам честных мощей ваших и духом сокрушенным и смиренным прилежно молим вы: молите непрестанно благоутробнаго Владыку и Господа нашего Иисуса Христа, яко имущии к Нему дерзновение велие: да не отступит от нас Его вседействующая благодать, покров же и заступление Пресвятыя Владычице нашея Богородицы от места сего, и да не оскудеют никогдаже истиннии ревнители ангельскаго жития во святей обители сей, идеже вы богоноснии отцы и начальницы, безмерными трудами и пощениями, токами слезными и всенощными бдениями, непрестанными молитвами и молениями положисте начало иноческому житию. Ей, угодницы святии, молитвенницы к Богу благоприятнейшии, теплыми вашими к Нему мольбами оградите и сохраните ны и святое селение сие ваше от труса, потопа, огня и меча, нашествия иноплеменных и смертоносныя язвы, от вражды и всяких нестроений, от всякия беды и скорби и от всякаго зла: да выну на месте сем, в мире и безмолвии, благочестно славится Пресвятое имя Господа и Бога, и обретают вечное спасение ищущии Его. О преблаженнии отцы наши Зосимо и Савватие! Услышите ны грешныя, во святей обители вашей и под кровом вашего защищения недостойно жительствующия, и благомощными вашими к Богу ходатайствы, испросите душам нашим грехов оставление, жития исправление и вечных благ восприятие в Небеснем Царствии; всем же верующим, иже на всяком месте и во всякой нужде призывают вас в помощь и заступление, и иже с благоговейною любовию притекают во обитель вашу, не престаните изливати всякую благодать и милость, сохраняюще их от всякия сопротивныя силы, от всякия напасти и от всякаго злаго обстояния, и подающе им вся потребная к душевней и телесней пользе. Наипаче же молите Премилосердаго Бога, да дарует православному народу нашему здравие, радость и спасение, на враги победу и одоление, и во всем благопоспешение; Церковь же Свою Святую да утвердит и укрепит, и все наше православное отечество в мире и тишине, в любви и единомыслии, во правоверии и благочестии да сохранит и соблюдет во веки. Аминь.

Также вы можете обратиться с молитвенным прошением к преподобному Прокопию, Христа ради юродивому, чудотворцу Устюжскому, который, согласно церковным преданиям, часто сидел на берегу и молился за путешествующих по воде людей.

Глас апостола Твоего Павла услышав глаголющ, мы юроди Христа ради, раб Твой, Христе Боже, Прокопие, юрод бысть на земле Тебе ради; темже память его почитающе, Тебе молим, Господи, спаси души наша.

Вышния красоты желая и нижния сласти телесныя точно оставил еси, нестяжанием суетнаго мира, ангельское житие преходя, скончался Прокопие, блаженне: с нимже Христа Бога моли непрестанно о всех нас.

Молитвы во время шторма

Владыко Господи Боже наш, иже ипостасным и безначальным Твоим Словом, и животворящим, и единочесным Твоим Духом от не сущих, во еже быти, всяческая привел еси, положивый морю предел песок, и поставивый горы и долы правилом, пядию измеривый небо, и горестию содержаяй землю, меры и правила, пределы и чины видимей и чувственней сей давый твари, и времен изменения и возвраты солнечныя, и растворения стихий, манием Твоим содержаяй неизреченно. Сам, Всеблагий Царю, посети Твоею руку дела, и не отыми от нас милостей твоих и щедрот Твоих, ниже разори Завет

Твой, остави грехов множество наших превосхождением множества щедрот Твоих, возведи Твою тварь к единственному чину, покажи нам обычную великия сея пучины тишину, и надлежащую бурю и смятение воздуха разсеки. Заповеждь ветром временное и согласное дыхание дати. Запрети волнению морскому, да станет дух бурный, и к тишине мятежная да преложатся, яко да Твоя дела, и чудеса видят сходящии на море в кораблех и творящий делания в водах многих. Устрой е, Человеколюбче Владыко, Твоим непрекладнем человеколюбием, иже Единороднаго Твоего Сына, и Господа нашего Иисуса Христа, изволивый быти человека, и сплавати святым Твоим учеником и апостолом, и запретити бури ветров, и морским утишатися волнам повелеваяй. Сам и ныне всякий сопротивный ветр успи, и волны укроти, и бурю утоли и воздвигни нарочитая и благоключимая времена и ветры, Правитель и Помощник везде быв рабом Твоим, наставляяй я во пристанище спасения, иже Твое точию ведающе имя, и незнающе разве Тебе Бога иного, и к Твоей помощи выну призирающе, молитвами и моленьми Преблагословенныя Богородицы, боговидных ангелов и всех святых: благоволением и благостию Единороднаго Твоего Сына, с Нимже благословен еси, и с Пресвятым, и Благим, и Животворящим Твоим Духом. Ныне и присно и во веки веков. Аминь.

А вот еще одна молитва, с которой вы можете обратиться к Господу, умоляя его даровать вам спасение.

Господи Иисусе Христе Боже наш, иже нашего ради спасения изволивый плоть носити, да прославиши чудно словесное естество, неизреченным твоим благоутробием и благостию, и иже во истинном познании обращающияся из глубины греховныя простити обещаяй: егда бо к тебе воззрят рабиим образом и истинным исполнением Божественных твоих заповедей, тогда и тии со дерзновением возмогут тя Бога, милостиваго и благосердаго имети. Ныне убо остави вся беззаконьми наша, и преклони к нам ухо Твое, и услыши ны смиренныя и грешныя, якоже иногда фесвитянина Илию услышал еси, якоже глаголом единым связати небо к целомудрию непокоривых оных людей: таже тем паки обычное человеколюбие употребивый, облаком повелевый, землю всю напоил еси водою благою; сице и ныне паки моленьми того твоего угодника, и теплыми молитвами презри беззаконья наша и грехи, и приими молитвы наша, и услыши нас в час сей тепле молящихся, и разреши сухость сию земную, исповеданием и воплем людей Твоих, и низпосли на ны дождь благий, яко да насытимся воды, и земля наша даст плоды во время благопотребно в пищу нашу, и тех яве безсловесных животных. Ей Господи Боже наш, услыши ны грешныя, и недостойныя рабы твоя, и не презри моления наша, ниже да победит беззаконье наше милость Твою, но преклони, Господи, ухо Твое и услыши ны. Виждь сокрушение и умилосердися, виждь от святаго Твоего жилища, виждь воздыхание убогих. Виждь незрелый возраст младенцев, зельнейшею жаждею изнуряемый. Виждь незлобывых младенцев озлобление. Виждь утробы матернии. Виждь сосцы изсушаемыя, убиенных младенцев. Виждь состарившияся и юношы, якоже вериги в руки беззаконных изданныя и презри убо согрешения наша, яже в ведении и не в ведении, яже во уме и помышлении, и не отрини нас до конца, не бо воды единыя жаждею таем, но и тьмами иными злыми, грех наших ради, и к тебе зрим, да излиется на нас дождь зрелейший же и изобильнейший. Да и праведный Твой гнев уставши, лютаго сего пленения. Обоя убо просим, и молимся Тебе, Человеколюбче, да кладязи и села наша наполниши воды, и душевныя наша нивы в сытость напоиши, и исполниши Твоея благости: и кладязи, сиречь сердца наша веселием, и неизреченною радостию и радованием упоиши, и уставиши належащее на нас нестерпимое стремление безбожных агарян. Ты бо еси свободитель душ и телес наших, и Тебе славу возсылаем, Отцу и Сыну и Святому Духу. Ныне и присно и во веки веков. Аминь.