Текст книги "Наши святые врачи"

Припев: Святии чудотворцы и безсребреницы Кире и Иоанне, молите Бога о нас.

Свети́ла сия́ют два, чуде́с сия́ния, от Исто́чника еди́наго светоно́снаго, немощны́м источа́юща нетле́нную благода́ть, я́же досто́йно велича́ем.

Слава: Еди́ницу у́бо Боже́ственнаго существа́, но Ипоста́сьми Тро́ицу, непобеди́мых му́ченик дво́ица му́жески богосло́вяше: воплоще́ннаго же Сло́ва, Еди́наго Христа́ во двою́ естеству́.

И ныне: Пощади́ мя, Христе́, егда́ прии́деши суди́ти мир со сла́вою, разреши́ мглу страсте́й мои́х, мольба́ми ро́ждшия Тя и честны́х му́ченик Твои́х, я́ко Благ и Многоми́лостив.

Молитва[87]87
  Приводится по изд.: Полный православный молитвослов на всякую потребу. СПб.: Общество свт. Василия Великого, 2005.


[Закрыть]

О святы́е чудотво́рцы и врачи́ безме́здные Ки́ре и Иоа́нне, прибега́ем к вам, от боле́зней на́ших страда́я лю́то. Во дни жи́зни ва́шея пропове́довали вы, я́ко неду́г души́ тяжеле́е всех неду́гов те́ла и, егда́ душа́ греха́ми боле́знует, ча́сто и те́ло в боле́знь впада́ет. Зна́ем мы, что боле́знями от грехо́в очища́емся; умоли́те же, святы́е чудотво́рцы, Го́спода, да да́рует Он проще́ние согреше́ний нам, сла́бым и безпо́мощным, в боле́знях изможде́нным, да не поги́бнем, впа́вши в уны́ние. Ускори́те на по́мощь нам и исцели́те боле́зни на́ши, и мы в здра́вии, покая́нии дни на́ши проведя́, в ми́ре око́нчим жизнь на́шу и в день Су́дный с чи́стым се́рдцем предста́нем пред оча́ми Судии́ вселе́нной, Сердцеве́дца Бо́га. Его́же пое́м и сла́вим во ве́ки веко́в. Ами́нь.

Преподобный Агапит Печерский[88]88
  ?–1095 г., память 1/14 июня, 28 сентября / 11 октября.


[Закрыть]

Преподобный Агапит Печерский, врач безмездный, родился и вырос в Киеве. Он был современником преподобного Антония Печерского – основателя русского пустынножительства и, впоследствии, Киево-Печерской Лавры. Придя в совершенный возраст и возгоревшись желанием вести иноческую христианскую жизнь, Агапит пришел в Антониеву пещеру и был пострижен в монашество. В течение долгого времени усердный послушник был очевидцем того, как самоотверженно служил болящим и исцелял их своей молитвою сам преподобный Антоний. Замечал, несомненно, и то, как его наставник скрывает по смирению свой духовный дар, делая вид, что лечит паломников всего лишь обычными травами. Тогда, вероятно, и зародилась в отзывчивой душе Агапита мысль сделаться безмездным помощником больных.

Живя под руководством преподобного Антония среди монастырской братии, святой принял на себя бремя ухода за больными монахами. Услышав, что кого-либо в обители постиг недуг, он тут же оставлял свою келию и все дела и приходил к болящему, чтобы кормить, укладывать на постели, а порой и нести его куда-то на своих руках. Никогда ранее, вероятно, не обучавшийся врачеванию, он непрестанно молил Бога об исцелении страждущего, не оставляя упования даже тогда, когда болезнь затягивалась и разрасталась к худшему. Постепенно укрепляясь в этом подвиге, он получил от Бога дар исцелений и так же, как и преподобный Антоний, скрывал его, приписывая спасительное действие отварам трав, а не своей молитве. Молва о безвозмездном чу́дном лекаре распространилась по всей округе, и многие, обращаясь к нему с искренней верой в то, что невозможное человекам возможно Богу[89]89
  Лк. 18, 27.


[Закрыть], возвращались домой здоровыми.

В то время жил в Киеве знаменитый и признанный врач, армянин по происхождению и вере[90]90
  Армянская Апостольская Церковь отвергает исповедание двух естеств во Христе, являющееся неотъемлемой частью православного вероучения.


[Закрыть]. Он был настолько опытен, что по одному лишь внешнему виду мог определить и степень болезни, и оставшийся срок земной жизни пациента. Порой же просто объявлял больному день и час кончины, отказываясь уже как бы то ни было его лечить. Один из таких обреченных, знатный боярин, узнав, что жить ему осталось лишь восемь дней, отправился в монастырь к Агапиту. Святой лекарь принял его с молитвой и дал отведать трав, которыми, строго постясь, питался и сам. После этого болезнь боярина немедленно прошла. Узнав, что приговоренный «ожил», армянин, побуждаемый завистью и злобой, послал преподобному питье с подмешанным ядом. Однако, приняв его, монах остался невредимым, по слову Господа: и если что смертоносное выпьют, не повредит им[91]91
  Мк. 16, 18.


[Закрыть].

Однажды святой Агапит исцелил черниговского князя Владимира Мономаха, прислав ему вареную зелень. Благодарный князь сам пришел в монастырь и хотел видеть своего целителя, но смиренный подвижник скрылся и не принял даров. Впоследствии Мономах посылал к нему с золотом своих бояр, но преподобный строго повелел раздать все предназначенное ему нищим.

После многих трудов и подвигов, будучи уже старцем, впал в тяжкую болезнь и сам Агапит. Его решил посетить тот самый врач-армянин: осмотрев подвижника, он сказал, что жить тому осталось не более трех дней. При этом лекарь дал обет стать православным монахом, если его предсказание не исполнится. Преподобный ответил ему, что земная жизнь человека в руках Господа и Тот призовет его не ранее чем через три месяца. Святой действительно не умер ни через три дня, ни через неделю и отошел ко Господу, вопреки естественному ходу вещей, лишь спустя трехмесячный срок. Армянин же пришел к игумену Печерского монастыря, покаялся и принял постриг. Так преподобный излечил его душевный недуг и направил на путь спасения.

Мощи преподобного Агапита почивают в Антониевых (Ближних) пещерах Киево-Печерской Лавры. Церковное почитание святого совершается в течение более чем восьми веков. Память о нем запечатлена и в «светской» истории медицины: наряду с преподобным Феодосием, игуменом Печерским[92]92
  983–1073 гг., память 3/16 мая, 14/27 августа, 28 августа / 10 сентября, 2/15 сентября.


[Закрыть], преподобный Агапит считается основателем первой в Киеве и во всей Киевской Руси больницы[93]93
  Ныне на ее месте стоит Никольская церковь Киево-Печерской Лавры.


[Закрыть], а также первой лечебницы для душевнобольных[94]94
  Нынешние «келии бесноватых» в Ближних пещерах.


[Закрыть]. Совершали исцеления во имя Господа и другие Киево-Печерские подвижники: преподобный Алипий[95]95
  XII в., память 17/30 августа, 28 сентября / 11 октября.


[Закрыть], преподобный Дамиан Целебник[96]96
  ?–1071 г., память 28 сентября / 11октября, 5/18 октября.


[Закрыть]. Все они покоятся рядом с преподобным Агапитом в Ближних пещерах Лавры.

Составлено по источникам:

[Память] преподобного Агапита Печерского, врача безмездного, в Ближних пещерах почивающего // Минея июнь. Ч. 1. М.: Издательский Совет Русской Православной Церкви, 2008. [Краткое житие].

Житие преподобного отца нашего Агапита Печерского, безмездного врача // Димитрий Ростовский, свт. Жития святых: В 12 т. Т. 10. Месяц июнь. [Репринтное издание]. М.: Лествица, 2004.

Наш первый лекарь // Агапит Печерский. [Сайт]. URL: http://agapit.at.ua/publ/1101

Тропа́рь

глас 5

Богоно́снаго Анто́ния ревну́я смиренному́дрию, / а́ки не́киим врачевство́м зе́лием сне́дным* / исцеля́л еси́ боля́щия, преподо́бне Агапи́те, / тем и врача́ неве́рна уве́рив, / наста́вил еси́ на путь спасе́ния. / Уврачу́й и на́ша боле́зни / и моли́ся Го́сподеви о воспева́ющих тя.

Канон[97]97
  Приводится по изд.: Минея июнь. Ч. 1. М.: Издательский Совет Русской Православной Церкви, 2008.


[Закрыть]

глас 6

Песнь 1

Ирмо́с: Я́ко по су́ху, пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

Припе́в: Преподо́бне о́тче Агапи́те, моли́ Бо́га о нас.

Я́ко нема́го дре́вле прикоснове́нием устро́ил еси́ пра́во глаго́лати, си́це и мне, Христе́, мой язы́к разреши́, ум отве́рзи, да принесу́ в па́мять уго́дника Твоего́ хвале́ние, любо́вию поя́.

Припев: Преподобне отче Агапите, моли Бога о нас.

Не могу́ воспе́ти я́сно благода́ти твоея́, преподо́бне, а́ще не ты моли́твами твои́ми пода́си мне по́мощь, да просла́влю Влады́ку, да́вшего тебе́ благода́ть исцеле́ний, во хвале́нии поя́.

Припев: Преподобне отче Агапите, моли Бога о нас.

По предуве́дению воззва́н был еси́, свя́те, вслед Влады́ки своего́ ше́ствовати и, Тому́ после́дуя, вся кра́сная[98]98
  Т. е. все блага.


[Закрыть] ми́ра оста́вль, любо́вию прише́л еси́ к вели́кому Анто́нию и с ним пожи́л еси́, непреста́нное хвале́ние Бо́гу поя́.

Сла́ва: Земно́му А́нгелу и Небе́сному челове́ку после́дуя, и сам а́нгельское житие́ стяжа́л еси́, о́тче преподо́бне. Тем твоя́ исправле́ния почита́ем и прославля́ем всех Влады́ку, о тебе́ песнь Ему́ пою́ще.

И ны́не: От земны́х и Небе́сных сил сла́вимая, Присноде́во, в дне́шний день хвале́ние Тебе́ дерза́ющих приноси́ти, от всех прило́гов* сохраня́й, да вы́ну* Тя воспое́м, Обра́дованная.

Песнь 3

Ирмос: Несть свят, я́коже Ты, Го́споди, Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Припев: Преподобне отче Агапите, моли Бога о нас.

Во мно́гих ле́тех мно́жайшия проше́л еси́ труды́, Агапи́те, подвиза́яся во бде́нии и поще́нии, до́ндеже единонра́вен показа́лся еси́ наста́внику своему́ и от него́ утверди́лся еси́ на ка́мени тве́рдаго жития́.

Припев: Преподобне отче Агапите, моли Бога о нас.

Ничто́же и́но, то́кмо нищету́ име́я, обнища́вшему нас ра́ди Христу́ после́довал еси́, о́тче, и, Того́ за́поведи храня́, служи́л еси́ больны́м, посеща́я, и упокоева́я, и здра́вие тем моли́твою свое́ю подава́я.

Припев: Преподобне отче Агапите, моли Бога о нас.

С преподо́бным жи́тельствуя, стяжа́л еси́ преподо́бство, достохва́льне Агапи́те, и исцеле́ния даро́в сподо́бился еси́, я́ко моли́твою и зе́лием сне́дным здра́вие подава́л еси́ боля́щим, те́мже и врач наре́клся еси́ безме́здный.

Слава: Просла́вил еси́ Бо́га во удесе́х твои́х, преподо́бне, те́мже и Бог тя просла́ви благода́тию исцеле́ния, и́мже и на́ша неду́ги уврачу́й душе́вныя и теле́сныя, да утверди́мся на ка́мени испове́дания Бо́жия.

И ныне: Израсти́вшая живо́тное дре́во[99]99
  Т. е. Древо Жизни, под которым нужно подразумевать всем подающего жизнь Христа.


[Закрыть], Того́ плодо́м нас, умерщвле́нных греха́ми, оживи́ и да́руй нам, Ма́ти Чи́стая, кре́пкое бла́гости Твоея́ испове́дание.

Го́споди, поми́луй. (Трижды.)

Седа́лен

глас 4

Я́ко ту́не* прие́мый от Бо́га дар исцеле́ния, стра́ждущим исцеле́ние ту́не подае́ши, с ве́рою к тебе́ притека́ющим. Те́мже и мы, кла́няющеся ра́це моще́й твои́х, о́тче преподо́бне, про́сим прия́ти от тебе́ неду́гом на́шим исцеле́ние.

Слава, и ныне: К Твоему́ благоутро́бию в ско́рбех притека́юще, мо́лимся, Всенепоро́чная: пода́ждь преподо́бнаго Твоего́ ра́ди нам, неду́ги одержи́мым, ско́рое исцеле́ние.

Песнь 4

Ирмос: Христо́с моя́ Си́ла, Бог и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.

Припев: Преподобне отче Агапите, моли Бога о нас.

Бу́ия* ми́ра сего́ Христо́с избра́, да прему́дрыя посрами́т, е́же и на тебе́ сбы́стся, о́тче всеблаже́нне: благода́тию бо, а не хи́тростию прему́драго посрами́л еси́ врача́. Тем тя сла́вим, о Го́споде пра́зднующе.

Припев: Преподобне отче Агапите, моли Бога о нас.

Прельсти́ся, и́же пе́рвее больны́х прельща́ше, извеща́я им день и час сме́рти, ему́же ты поноси́в, преподо́бне, боля́щаго исцели́л еси́ моли́твою и зе́лием сне́дным, рек: даждь сла́ву Бо́гу, иму́щему ключ живота́ и сме́рти.

Припев: Преподобне отче Агапите, моли Бога о нас.

За́висти стрело́ю злочести́вый армени́н уя́звен, поноша́ше ти, свя́те, и, посла́в на смерть осужде́ннаго, повеле́ пред тобо́ю умертви́ти бы́лием* смертоно́сным. Но ты сего́ моли́твою и зе́лием исцели́в, посрами́л еси́ еретика́, хотя́щаго тя посрами́ти.

Слава: Претыка́ющемуся да́нная ти благода́ть бысть паде́ние, преблаже́нне, наипа́че бо на тя вооружи́вся, злочести́вый армени́н наусти́ да́ти тебе́ отра́ву, но ты, и сме́ртно испи́в, невреди́мь был еси́, я́ко Бо́жия благода́ть сохрани́ тя к бо́льшему чудоде́йствию.

И ныне: Ра́дуйся, Сосу́де, носи́вший Ми́ро, исцели́вшее род челове́ческий, я́дом мя грехо́вным умерщвле́нна оживи́, да про́чее вре́мя цел поживу́, Тя, Де́во, восхваля́я.

Песнь 5

Ирмос: Бо́жиим Све́том Твои́м, Бла́же, у́тренюющих* Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Припев: Преподобне отче Агапите, моли Бога о нас.

От Бо́га благода́ть исцеле́ния прие́мь, исцели́л еси́ кня́зя, и́же а́ще и врачу́емь бе от армени́на, но не получа́ше отра́ды, твоего́ же зе́лия вкуси́в, от неду́га изба́вися.

Припев: Преподобне отче Агапите, моли Бога о нас.

Зри́те, и́ночествующии, и доброде́тельному терпе́нию богоно́снаго отца́ почуди́теся, ка́ко со отрече́нием ми́ра во́ли своея́ отрече́ся и не изы́де никогда́же вне врат монасты́рских, е́же ви́дяще, сему́ поревну́йте.

Припев: Преподобне отче Агапите, моли Бога о нас.

Еди́ну любо́вь ко всем име́я, а не на лице́ зря, а́ще князь, а́ще прост к тебе́ прихожда́ше, преподо́бне, всем приходя́щим подава́л еси́ исцеле́ние ту́не, еди́наго ища́ возме́здия от Бо́га.

Слава: Прие́мь князь тобо́ю исцеле́ние, всеблаже́нне, уразуме́, я́ко и́стинен раб Бо́жий еси́, и ви́дети тя жела́ше, те́мже прии́де к тебе́ с дары́. Ты же, еди́наго име́я Бо́га, ничто́же от тех даро́в восхоте́л еси́ прия́ти.

И ныне: Хва́лим Тя, Пречи́стая Де́во, я́ко отверза́еши нам две́ри ми́лости Твоея́ и подае́ши всем незави́стный* исто́чник исцеле́ния, от я́да грехо́внаго избавля́ющий.

Песнь 6

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли* живо́т мой, Многоми́лостиве.

Припев: Преподобне отче Агапите, моли Бога о нас.

Вся тле́нная ми́ра сего́ оста́вив, принесе́нное зла́то изве́ргл еси́, блаже́нне, пред враты́ ке́ллии своея́, изверга́я вку́пе любоиме́ннаго врага́ и стира́я душегу́бную того́ главу́.

Припев: Преподобне отче Агапите, моли Бога о нас.

Еди́н би́сер стяжа́в многоце́нный – Иису́са, вся во уме́ты[100]100
  Умет – грубая солома, выбрасываемая после сбора пшеницы.


[Закрыть] вмени́л еси́, свя́те, и тем купи́л еси́ себе́ селе́ние в Небе́сных, е́же и мы получи́ти моли́мся твои́ми, о́тче, моли́твами.

Припев: Преподобне отче Агапите, моли Бога о нас.

Мно́гими ле́ты постя́ся, изнемо́гл еси́ те́лом, преподо́бне, но ду́хом пребы́л еси́ кре́пок, а́ки столп, вся наноси́мая терпя́ и благодаря́ Бо́га, к Нему́ взыва́л еси́: возведи́ от тли живо́т мой, Многоми́лостиве.

Слава: Те́лом боле́знуя, ду́хом бра́лся[101]101
  Т. е. боролся.


[Закрыть] еси́ с злочести́вым армени́ном, и́же по трие́х днех смерть тебе́ провозвеща́ше, сего́ ты, блаже́нне, одоле́л еси́, по трие́х ме́сяцех отше́ствие свое́ к Бо́гу возвеща́я.

И ныне: К Твоему́ приста́нищу прибега́ем, Богоневе́стная Де́во, носи́ми жите́йских страсте́й волна́ми, я́же Ты укроти́, да воспое́м Тебе́: ра́дуйся, приста́нище жите́йских пла́ваний.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 6

Врач сый* изря́ден, чу́дне, явля́я несумне́нную твою́ ве́ру, облича́я же армени́ново неве́рие и приводя́ его́ к благоче́стию, себе́, близ сме́рти бы́вшу, испроси́л еси́ от Бо́га продолже́ние живота́ и, сим чу́дом того́ уве́рив, приве́л еси́ Христо́ви, Ему́же в весе́лии предстоя́, моли́ся о нас, преподо́бне.

И́кос[102]102
  Служба общая преподобному // Минея общая. М.: Издательский Совет Русской Православной Церкви, 2002.


[Закрыть]

Возлюби́в, преподо́бне, Христо́вы Боже́ственныя за́поведи, и возненави́дев ми́ра сего́ наслажде́ние, прише́л еси́ усе́рдно к Тому́, и был еси́ свети́льник, просвеща́я концы́ блиста́нием духо́вным; тем припа́дая молю́ тя: просвети́ мои́ о́чи душе́внии воспе́ти твоя́ по́двиги, поще́ние, и бде́ние, и сле́зы, боле́зни и изможде́ние те́ла, блаже́нныя ра́ди бу́дущия жи́зни, ея́же ны́не наслажда́ешися, моли́ непреста́нно о всех нас.

Песнь 7

Ирмос: Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших.

Припев: Преподобне отче Агапите, моли Бога о нас.

Дарова́ние имы́й свы́ше неду́ги исцеля́ти, преподо́бне, боля́ща мя небреже́нием благи́х дея́ний уврачу́й, я́коже иногда́ принесе́ннаго в неду́зе уврачева́л еси́, моли́твою пода́в тому́ здра́вие и воспе́в: благослове́н Бог оте́ц на́ших.

Припев: Преподобне отче Агапите, моли Бога о нас.

Чудоде́йствуя святы́ми, тва́ри Созда́тель внеза́пу поста́ви тя здра́ва пред злочести́вым, и́же ви́дев, удиви́ся ско́рому твоему́ от боле́зни в здра́вие премене́нию. Му́чима мя я́звами сту́дных дел, во измене́ние исправле́ния приведи́ твои́м, о́тче, свы́ше посеще́нием, да пою́: благослове́н Бог оте́ц на́ших.

Припев: Преподобне отче Агапите, моли Бога о нас.

Боле́знь твоя́ и зе́лие сне́дно прину́ди испове́сти врача́ свое́ злоче́стие, его́же укори́л еси́, я́ко дерзну́ осяза́ти святу́ю твою́ ру́ку; се дерза́ю и аз к тебе́, о́тче, приступи́ти, но молю́ тя, не отри́ни мя в ну́ждах мои́х, да пою́: благослове́н Бог оте́ц на́ших.

Слава: Трудо́в свои́х собра́в плоды́ с весе́лием, а́ки добр земледе́лец, блаже́нною кончи́ною отше́л еси́ к го́рним* прия́ти от Христа́ Бо́га дая́ние и прия́л еси́ от Него́ несконча́емую ра́дость, многочу́дне Агапи́те.

И ныне: Во Твое́ чре́во, Пренепоро́чная Де́во, все́льшееся Сло́во род челове́ческий в Небе́сных дво́рех всели́. Умоли́ Того́ от тле́ния мя сея́ жи́зни пресели́ти, иде́же пото́ком сла́дости пита́ются святи́и.

Песнь 8

Ирмос: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́, вся бо твори́ши, Христе́, то́кмо е́же хоте́ти: Тя превозно́сим во вся ве́ки.

Припев: Преподобне отче Агапите, моли Бога о нас.

Врач был еси́, о́тче преди́вен, теле́сныя боле́зни врачу́я, в жи́зни сей живы́й те́лом, по кончи́не же твое́й душе́вное врачевство́ подава́я, я́коже сие́ на армени́не яви́л еси́, души́ того́ дав цельбу́ и ко благоче́стию наказа́ние.

Припев: Преподобне отче Агапите, моли Бога о нас.

Ви́дев тя, свя́те, армени́н в виде́нии чу́дном, испове́да я́сно, я́ко свят еси́ и преподо́бен, и в ве́ру из неве́рия прело́жся, бысть и́нок твои́м направле́нием, его́же и нас не лиши́, пою́щих Го́спода во ве́ки.

Припев: Преподобне отче Агапите, моли Бога о нас.

Мно́гое имы́й дарова́ние, чудоде́йствовал еси́, исцеля́я боля́щих, ны́не же, сподо́бивыйся бо́льших дарова́ний, приложи́ пла́стырь на ра́ны души́ моея́, да, получи́в осла́бу, превозношу́ Го́спода во ве́ки.

Слава: Из пламенови́днаго све́та святы́м струи́ благода́ти подая́й, Христе́ Бо́же, паля́щия мя стра́сти угаси́ щедро́т Твои́х росо́ю, разгоня́я тьму страсте́й. Се бо преподо́бный мо́лит с на́ми Тебе́, Го́спода, превозноси́маго от всех во ве́ки.

И ныне: Просвети́вшая мир пречи́стым Рождество́м Твои́м, мрак злодея́ния моего́ разжени́, излива́я мне на благотворе́ние щедро́т Твои́х бога́тую ми́лость, да превозношу́ Тя, Ма́терь Бо́жию, во ве́ки.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́и Тя ублажа́ем.

Припев: Преподобне отче Агапите, моли Бога о нас.

Богодарова́ннаго целе́бника лю́дие иму́ще, никто́же да гряде́т к су́етным враче́м, и́же име́ние и здра́вие врежда́ют, но тре́буяй с ве́рою да гряде́т к ра́це богоно́снаго отца́ и ту́не прии́мет исцеле́ние[103]103
  Данные слова канона не призывают к отказу от медицинской помощи, напоминая лишь о том, что истинное исцеление без молитвы и покаяния невозможно.


[Закрыть].

Припев: Преподобне отче Агапите, моли Бога о нас.

Мы́сленныя ура́ниша ны разбо́йницы ны́не, неисце́льныя бо иму́ще я́звы, несумне́нно к многочуде́сней припа́даем ра́це твое́й, преподо́бне, и про́сим: пода́ждь цельбу́ тре́бующим, да вси тя хва́лим и велича́ем.

Припев: Преподобне отче Агапите, моли Бога о нас.

В го́рняя душе́ю восше́д, во всесветя́щияся черто́ги, оста́вил еси́, преблаже́нне, ра́ку моще́й свои́х в пеще́ре; и́мже покланя́ющеся, про́сим: пода́ждь неду́гом на́шим исцеле́ние, да тя пе́сньми велича́ем.

Слава: По́мощи от тебе́ в не́мощех прося́щих не пре́зри, но посеще́нием твои́м даждь душе́вное вку́пе и теле́сное исцеле́ние, преблаже́нне Агапи́те, я́ко сый врач преизя́щный, да вы́ну тя велича́ем.

И ныне: По́мощи от Тебе́ тре́бующих не пре́зри, Де́во, но подава́й с ве́рою к Тебе́ притека́ющим: Ты бо еси́ исто́чник цельба́м неоску́ден, да Тя с Небе́сными си́лами при́сно* велича́ем.

Молитва[104]104
  Приводится по изд.: Молитвослов. Саратов: Издво Саратовской епархии, 2010.


[Закрыть]

О всеблаже́нне Агапи́те, земны́й А́нгеле и Небе́сный челове́че! Припа́даем к тебе́ с ве́рою и любо́вию и мо́лим ти ся приле́жно: яви́ нам, смире́нным и гре́шным, свято́е свое́ заступле́ние, се бо грех ра́ди на́ших не и́мамы свобо́ды чад Бо́жиих проси́ти о потре́бах на́ших Го́спода и Влады́ку на́шего, но тебе́ моли́твенника благоприя́тнаго к Нему́ предлага́ем и про́сим тя со усе́рдием мно́гим: испроси́ нам от бла́гости Его́ благопотре́бныя да́ры душа́м и телесе́м на́шим, ве́ру пра́ву, любо́вь ко всем нелицеме́рну, в злострада́ниих терпе́ние, тя́жкими боле́знями одержи́мым от неду́гов исцеле́ние, под бре́менем скорбе́й и напа́стей неудобоноси́мых па́дающих и жития́ своего́ отча́явшихся твои́ми моли́твами получи́ти ско́рое облегче́ние и избавле́ние. Не забу́ди, блаже́нне о́тче, и оби́тель сию́ святу́ю, при́сно тя чту́щую, но соблюди́ ю и всех живу́щих и подвиза́ющихся в ней и на поклоне́ние в ню приходя́щих невреди́мыми от искуше́ний диа́вольских и вся́каго зла. Егда́ же приспе́ет на́ше от вре́меннаго сего́ жития́ отше́ствие и к ве́чности преселе́ние, не лиши́ нас по́мощи твоея́ Небе́сныя, но моли́твами твои́ми всех нас приведи́ в приста́нище спасе́ния и насле́дники яви́ нас бы́ти всесве́тлаго Ца́рствия Христо́ва, да пое́м и сла́вим неизрече́нныя щедро́ты Человеколю́бца Бо́га, Отца́ и Сы́на и Свята́го Ду́ха, и твое́ вку́пе с преподо́бными Анто́нием и Феодо́сием оте́ческое заступле́ние во ве́ки веко́в. Ами́нь.