Текст книги "Наши святые врачи"

Святитель Лука исповедник, архиепископ Симферопольский[105]105
  1877–1961 гг., память 29 мая / 11 июня.


[Закрыть]

Архиепископ Лука родился 27 апреля 1877 года в Керчи. Его отец был католиком, а мать принадлежала к Православию. Будущий святитель имел талант художника, но решил поступить на медицинский факультет, желая заниматься тем, что может быть полезным для страдающих людей. По окончании его он дал себе и Богу обещание всю жизнь быть «мужицким врачом» и помогать бедным.

Молодого хирурга направили в Читу – в военно-полевой госпиталь, развернутый на время Русско-японской войны. Там он познакомился с сестрой милосердия Анной Ланской и женился на ней. Затем в течение полутора десятилетий вместе с женой и детьми жил в отдаленных и неустроенных провинциальных уголках, работал в маленьких сельских больницах. Столь скромное служение врача, блестяще знавшего хирургию, известного и уважаемого в столичном научном сообществе, могло показаться странным. Однако именно оно позволило Войно-Ясенецкому накопить колоссальный практический опыт, защитить докторскую диссертацию на тему «Регионарная анестезия» и написать, уже впоследствии, знаменитые «Очерки гнойной хирургии», не утратившие актуальности до сих пор. Мирская жизнь его при этом была крайне простой, чуждой амбиций и карьерных соображений. Он много читал, воспитывал четверых детей, которые видели его лишь в редкие свободные минуты, все же остальное время – иногда по двенадцать часов в день – принимал и оперировал. Сельчане, по многу лет не видевшие медицинской помощи и страдавшие от запущенных болезней, шли к доктору сплошным потоком со всей округи и из дальних мест. В этих обстоятельствах, порой невыносимых, скорбных, укреплялась постепенно и его вера.

В сорокалетнем возрасте оставшись вдовцом – жена Анна умерла от туберкулеза, – Валентин Феликсович всецело посвятил свою жизнь хирургии и Церкви. Он принял священный сан, а затем и монашеский постриг с именем Лука – в честь апостола и евангелиста Луки, тоже имевшего таланты художника и врача. Чуть позже был назначен епископом Туркестанским и проповедовал в храме, продолжая читать лекции студентам-медикам и делать сложнейшие операции. Обладая незаурядной волей и уникальной работоспособностью, пастырь-врач привлекал к себе и глубоко верующих, и материалистически настроенных людей.

В 1923 году, в связи с усилившимися гонениями на Церковь, Преосвященный[106]106
  Преосвященный – титул епископа.


[Закрыть] Лука был арестован. Его биография насчитывает в общей сложности четыре ареста и три продолжительные ссылки, в промежутках между которыми он лишь ненадолго возвращался к мирной жизни и архиерейскому служению. Однако долг врача святитель выполнял непрерывно – и в Енисейске, куда был сослан в первый раз, и в Архангельске, пункте назначения второй ссылки, и в Красноярском крае, где жил поневоле до 1943 года. В любом перевалочном пункте, где появлялся этот уникальный арестант, его просили прежде всего посмотреть больных. Любовь к Богу, людям и своему делу побуждала святителя даже в этих условиях проводить сложные и уникальные операции. Так, в енисейской больнице он пересадил умирающему мужчине почки теленка, после чего больному стало легче[107]107
  Это была первая, так и не зарегистрированная официально операция подобного рода в истории.


[Закрыть], а в дальнем сибирском селе Хае вернул зрение слепому старику, прооперировав его в пустой нежилой избе. Видя все это, даже представители власти порой закрывали глаза на деятельность святого Луки и позволяли ему бывать в еще не закрытых храмах и благословлять верующих.

Во время Великой Отечественной войны выдающийся хирург с полной отдачей лечил офицеров и солдат. После ее окончания жил в Тамбове, а затем, уже в преклонных летах, был назначен архиепископом Симферопольским и Крымским. Он мирно скончался в 1961 году, в день Всех святых, в земле Российской просиявших. В течение трех дней люди непрерывным потоком шли ко гробу владыки; впоследствии многие, еще до канонизации святителя, приходили к нему на кладбище и просили молитв. В 1996 году архиепископ Лука был причислен к лику святых. К раке с его мощами[108]108
  Мощи святителя Луки почивают в СвятоТроицком монастыре г. Симферополя.


[Закрыть] приезжают люди со всех концов России и других стран.

Составлено по источникам:

Лука (Войно-Ясенецкий), архиеп. «Я полюбил страдание…» [Автобиография]. М.: Изд-во сестричества им. свт. Игнатия Ставропольского, 1999.

Дамаскин (Орловский), иг. Житие священноисповедника Луки (Войно-Ясенецкого), архиепископа Симферопольского и Крымского // Реутов православный: Духовное обозрение. 2008. № 1 (13).

Покорский А. Святитель, ученый, хирург // Сретение [Православное приложение газеты «Карелия»]. 1999. № 8 (48).

Тропа́рь

глас 1

Возвести́телю пути́ спаси́тельнаго, / испове́дниче и архипа́стырю Кры́мския земли́, / и́стинный храни́телю оте́ческих преда́ний, / сто́лпе непоколеби́мый, Правосла́вия наста́вниче, / врачу́ богому́дрый святи́телю Луко́, / Христа́ Спа́са непреста́нно моли́ / ве́ру непоколеби́му правосла́вным дарова́ти, / и спасе́ние, и ве́лию* ми́лость.

Канон[109]109
  Приводится по изд.: Служба и акафист святителю Луке, исповеднику, архиепископу Крымскому. Симферополь, 1996.


[Закрыть]

глас 8

Песнь 1

Ирмо́с: Ди́вному Бо́гу вели́чия принесе́м, и великоле́пно с на́ми да воспою́т земля́ и Не́бо я́сно сла́ву Его́.

Припе́в: Святи́телю Христо́в Луко́, моли́ Бо́га о нас.

Cвяти́тельский престо́л во гра́де Симферо́поле украси́ све́тло, в не́мже пожи́в, я́ко А́нгел, святы́м житие́м и уче́нием Боже́ственным освяти́л еси́ лю́ди, да вси прино́сят вели́чия Бо́жия и пою́т сла́ву Его́.

Припев: Святителю Христов Луко, моли Бога о нас.

Вседержи́теля и Го́спода о нас моли́, святи́телю Луко́, дарова́ти нам оставле́ние прегреше́ний, да с тобо́ю ди́вному Бо́гу вели́чия принесе́м и воспое́м сла́ву Его́.

Сла́ва: Яви́лся еси́ ны́не в па́мяти твое́й Кры́мстей па́стве, испове́дниче Христо́в, столп непоколеби́мый и стено́ неруши́мая, боля́щим утеше́ние, гре́шников спору́чниче, Бо́гу вели́чия принося́ и воспева́я сла́ву Его́.

И ны́не: Тя призыва́ющим спаси́тельное еси́ приста́нище и покро́в, Богороди́тельнице Пречи́стая, те́мже от души́ призыва́ем Тя те́пле: Влады́чице, спаси́ ны и научи́ нас ди́вному Бо́гу вели́чия приноси́ти и воспева́ти сла́ву Его́.

Песнь 3

Ирмос: Уподо́би мя, Христе́, у́мно горе́ Сио́нстей, возвы́сивый и утверди́вый в наде́жди о Тебе́ и иска́павый ро́су благода́ти, Человеколю́бче.

Припев: Святителю Христов Луко, моли Бога о нас.

Источи́л еси́, святи́телю, уче́ния ре́ки благода́тныя и вся́ку ду́шу благочести́вых напои́л еси́, мно́гия исцели́л еси́ и о всех усе́рдне моли́лся, да иска́пает ро́су благода́ти Своея́ Человеколю́бец.

Припев: Святителю Христов Луко, моли Бога о нас.

Труды́ твои́ми, я́ко до́брый па́стырь, святи́телю Луко́, указа́л еси́ лю́дем путь в Ца́рство Небе́сное и за по́двиги твоя́ от Бо́га венча́н сла́вою на Небеси́, Его́же моли́, да ниспо́слет и нам ро́су благода́ти Своея́ Человеколю́бец.

Слава: Егда́ во́лею Бо́жиею изгна́ние в Сиби́рь, и темни́цы, и мно́гия ско́рби наидо́ша на тя, тогда́ терпе́нием мужему́дренно вся победи́л еси́, испове́дав Христа́ и моля́ Его́, да источи́т на вся ро́су благода́ти Своея́, я́ко Человеколю́бец.

И ныне: Люби́ти у́бо Тя, Пречи́стая Богома́ти, и пе́снию прославля́ти Тебе́ науча́ет нас вели́кий Арха́нгел и зва́ти, Богоневе́сто, е́же ра́дуйся, я́ко Госпо́дь с Тобо́ю: ра́дуйся, Ра́досте А́нгелов и всех челове́ков.

Го́споди, поми́луй. (Трижды.)

Седа́лен

глас 8

Ко Го́споду име́я о́чи серде́чныя, святи́тель яви́лся еси́ богоподо́бен и Кры́мскую па́ству пресла́вно упа́сл еси́, отгоня́я полки́ безбо́жных па́лицею слове́с Боже́ственных, те́мже по кончи́не благода́ть досто́йно насле́довал еси́, святи́телю блаже́нне. Сего́ ра́ди вопие́м ти: моли́ Христа́ Бо́га грехо́в оставле́ние дарова́ти чту́щим всечестну́ю па́мять твою́.

Слава, и ныне: Тя приста́нище, и сте́ну, и прибе́жище, и наде́жду, и покро́в, и заступле́ние те́плое обре́тше ве́рнии, к Тебе́ притека́ем и вопие́м приле́жно, и зове́м ве́рно: поми́луй, Богоро́дице, упова́ющих на Тя и от прегреше́ний изба́ви.

Песнь 4

Ирмос: Всел еси́ на ко́ни, апо́столы Твоя́, Го́споди, и прия́л еси́ рука́ма Твои́ма узды́ их, и спасе́ние бысть ежде́ние Твое́ ве́рно пою́щим: сла́ва си́ле Твое́й, Го́споди.

Припев: Святителю Христов Луко, моли Бога о нас.

Ю́же стяжа́л еси́ честно́ю Твое́ю Кро́вию, Це́ркве Твоея́, Христе́, ча́да утверди́ и напра́ви на путь ми́ра, та́ко воздыха́л еси́ к Сы́ну Бо́жию, святи́телю о́тче наш Луко́, преподо́бнеи свои́ ру́це о па́стве воздева́яй.

Припев: Святителю Христов Луко, моли Бога о нас.

Любы́ николи́же отпа́дает, глаго́лет Боже́ственный Дух уста́ми апо́стола Па́вла. В твои́х денноно́щных труде́х исцеле́ний неду́жных любо́вь твоя́ извести́ся, уго́дниче Христо́в, и сию́ яви́л еси́ в милосе́рдии, непреста́нно вдов пита́я, и си́рых, и немощны́х.

Слава: Уче́ньми, му́дре святи́телю, ста́до твое́ утверди́л еси́ в ве́ре и доброде́ланием твои́м Це́ркви был испове́дник и учи́тель, Луко́.

И ныне: Кре́пость на́ша Ты еси́, Пречи́стая Богома́ти, Твои́ми бо мольба́ми и святи́теля Луки́ изба́вихомся вси от страсте́й, и бед, и обстоя́ний*, и неду́гов многообра́зных, Спа́су Христу́ зову́ще: сла́ва си́ле Твое́й, Го́споди.

Песнь 5

Ирмос: Повеле́ния Твоя́ просвеще́нием, Христе́ Бо́же, я́ко Благ, показа́л еси́, зане́, Светода́вче, от но́щи у́тренююще*, сла́ву возсыла́ем.

Припев: Святителю Христов Луко, моли Бога о нас.

Еди́ницу несозда́нную богосло́вил еси́, Тро́ицу Святу́ю Бо́га на́шего, и челове́ческаго естества́ соста́в в ду́се, души́ и телеси́ свяще́нными богосло́вии твои́ми научи́л еси́.

Припев: Святителю Христов Луко, моли Бога о нас.

Умо́м чи́стым и писа́нии духо́вными назида́л еси́, богоглаго́ливе Луко́, о́браз был еси́ всей богода́нной па́стве твое́й, сло́вом и житие́м, любо́вию, ве́рою и чистото́ю.

Слава: Смотре́нием Бо́жиим и святи́тельским благослове́нием руко́ю мое́ю приноси́мое тебе́ и твои́м трудо́м похвале́ние, святи́телю Луко́, не отри́ни, но приими́ и моли́ Христа́ Бо́га, да изба́вит мя шу́ияго[110]110
  Т. е. с левой стороны, с грешниками.


[Закрыть] стоя́ния и сподо́бит Небе́снаго Ца́рствия Своего́.

И ныне: Еди́на Чи́стая, Богороди́тельнице, не пре́зри моле́ний раб Твои́х, приими́ сия́ моли́твы ра́ди уго́дника Твоего́ святи́теля Луки́ и принеси́ ко Престо́лу Сы́на Твоего́, да спасе́т ду́ши на́ша.

Песнь 6

Ирмос: Отве́ргл мя еси́ во глубины́ се́рдца морска́го, и ви́дех чудеса́ Твоя́, Го́споди.

Припев: Святителю Христов Луко, моли Бога о нас.

Ри́зную ху́дость име́л еси́, пребога́те, вся бо своя́ неиму́щим раздава́я, сироты́ и вдо́выя пита́я, рачи́тель* же Ми́лостиваго Спаси́теля Христа́ быв.

Припев: Святителю Христов Луко, моли Бога о нас.

Духо́вныя жи́зни всем лю́дем страны́ на́шея учи́тель был, благоче́стием украша́яся, горды́ню посе́кл еси́, блаже́нне, духо́вным мече́м, па́стыри назира́я и утвержда́я.

Слава: На па́жити* Боже́ственней тружда́яся, архиере́й сый*, архипа́стырем на́шим в моли́твах посо́бствуй, да пра́во пра́вят сло́во и́стины, Це́рковь Правосла́вную огради́, страну́ на́шу сохрани́, ве́ру в нас умно́жи, да сла́вим Христа́ во ве́ки.

И ныне: Отрокови́це Богоизбра́нная, восхваля́ем Тя вси и ве́рно мо́лимся, Де́во Мари́е: моле́ние на́ше приими́ и проше́ния испо́лни.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конда́к

глас 1

Я́коже звезда́ всесве́тлая, доброде́тельми сия́ющи, был еси́, святи́телю, ду́шу же равноа́нгельну сотвори́л, сего́ ра́ди святи́тельства са́ном поче́тся, во изгна́нии же от безбо́жных мно́го пострада́л, и непоколеби́м ве́рою пребы́в, враче́бною му́дростию мно́гия исцели́л еси́. Темже́ ны́не честно́е те́ло твое́ от земле́нных недр обрете́нное ди́вно Госпо́дь просла́ви, да вси ве́рнии вопие́м ти: ра́дуйся, о́тче святи́телю Луко́, земли́ Кры́мстей похвало́ и утвержде́ние.

И́кос

Испове́дании свяще́нными подо́бствовав, се́ятель был еси́ духо́вных доброде́телей, нече́стия же яви́лся искорени́телю, святи́телю Луко́ прехва́льне, я́ко архипа́стырь и учи́тель жизнь соверши́в, к Небеси́ восте́кл еси́ и вене́ц неувяда́емый от Го́спода прия́л. Сего́ ра́ди вопие́м ти: ра́дуйся, о́тче святи́телю Луко́, земли́ Кры́мстей похвало́ и утвержде́ние.

Песнь 7

Ирмос: В нача́ле зе́млю основа́вый и Небеса́ сло́вом утверди́вый, благослове́н еси́ во ве́ки, Го́споди, Бо́же оте́ц на́ших.

Припев: Святителю Христов Луко, моли Бога о нас.

Еле́ем[111]111
  Елей – оливковое масло, употребляемое в богослужебных обрядах.


[Закрыть] любве́ твоея́ пома́зал еси́ лю́ди, и́го Христо́во на ра́мо* взем, после́довал еси́ стопа́м Его́, святи́тельски потруди́ся, сло́во Бо́жие возвести́, да прославля́ют ве́рная ча́да Сотво́ршаго вся, поя́ Го́сподеви: благослове́н еси́ во ве́ки, Бо́же оте́ц на́ших.

Припев: Святителю Христов Луко, моли Бога о нас.

Па́стырь до́брый слове́сному ста́ду твоему́, святи́телю Луко́, был еси́, ду́шу твою́ за о́вцы положи́ти гото́вый: те́мже и яви́лся еси́ оби́димым засту́пник непреобори́мый, пра́вды же ревни́тель неустраши́мый, си́льных ми́ра сего́ с любо́вию облича́я и пасо́мых свои́х оте́чески вразумля́я и наставля́я, да ве́рно воспева́ют Го́спода, Бо́га оте́ц на́ших.

Слава: Ра́довахуся лю́дие гра́да Симферо́поля, зря́ще тебе́ све́тлостию са́на святи́тельскаго облече́на и престо́лу благода́ти Бо́жией предстоя́ща, усе́рдно о па́стве моля́щася. Апо́столу же ве́рно после́дуя, всем вся был еси́, да вся ко Христу́ приведе́ши и ку́пно* со все́ми вопие́ши: благослове́н еси́ во ве́ки, Го́споди, Бо́же оте́ц на́ших.

И ныне: Ра́дости Пода́тельнице, Богороди́тельнице Пречи́стая, ве́рою сла́вящия и от души́ пою́щия Тя, ра́дости неизрече́нныя испо́лни и Све́та невече́рняго сподо́би, Де́во Богоблагода́тная, Влады́чице.

Песнь 8

Ирмос: Покрыва́яй вода́ми превы́спренняя* Своя́, полага́яй мо́рю преде́л песо́к и содержа́й вся, Тя пое́т со́лнце, Тя хва́лит луна́, Тебе́ прино́сит песнь вся тварь, я́ко Соде́телю всех во ве́ки.

Припев: Святителю Христов Луко, моли Бога о нас.

И́мя твое́, святи́телю Луко́, я́коже благоуха́ние ра́я Бо́жия по лицу́ всея́ земли́ на́шея обноси́тся, услажда́я сердца́ ве́рных и призыва́я в ра́дости духо́вней воспева́ти Соде́теля всех во ве́ки.

Припев: Святителю Христов Луко, моли Бога о нас.

Ны́не ни в зерца́лех, ни в гада́ниих до́брых, лице́м же к лицу́ Христа́ Го́спода зри́ши, вопия́ ра́достно тя просла́вльшему Соде́телю всех во ве́ки.

Слава: О, иера́рше богому́дре, свяще́нное сконча́л еси́ тече́ние, свяще́ннейшую жизнь твою́ свяще́ннейше соверши́в, ра́дуяся и воспева́я освяща́ющаго Соде́теля всех Бо́га во ве́ки.

И ныне: Хожда́ше путе́м Боже́ственных за́поведей Сы́на Твоего́, Богома́ти, и Тя Засту́пницу и Предста́тельницу име́я, вси ро́ди челове́честии Твои́м Рождество́м от пра́отча паде́ния востаю́т и от кля́твы прама́терния избавля́ются.

Песнь 9

Ирмос: Благослове́н Госпо́дь Бог Изра́илев, воздви́гнувый рог спасе́ния нам, в дому́ Дави́да о́трока Своего́, я́ко посети́ нас Восто́к с высоты́ и напра́вил ны есть на путь ми́рен.

Припев: Святителю Христов Луко, моли Бога о нас.

Ева́нгелие Христо́во пропове́дав, му́дре святи́телю, де́ло Бо́жие на земли́ соверши́в и прия́тия Святы́х Та́ин Христо́вых сподо́бивыйся, о Бо́зе почи́л еси́.

Припев: Святителю Христов Луко, моли Бога о нас.

Ны́не с вы́шними во́инствы моли́, уго́дниче Христо́в, Человеколю́бца дарова́ти притека́ющим к предста́тельству твоему́ оставле́ние грехо́в и жития́ исправле́ние.

Слава: И по сме́рти, я́ко жив сый, благода́тию Бо́жиею с на́ми пребыва́еши, святи́телю Луко́, па́стырь до́брый нам явля́ешися, тве́рдо стоя́ти в правосла́вней ве́ре укрепля́я и в доброде́тельней жи́зни наставля́я.

И ныне: Е́же ра́дуйся, со Арха́нгелом зове́м Ти, Чи́стая, я́ко Царя́ Небе́снаго родила́ еси́, Де́во Богоро́дице, и мо́лим Тя: изба́ви ны, рабы́ Твоя́, ве́чныя сме́рти.

Молитва[112]112
  Приводится по изд.: Лука (Войно-Ясенецкий), свт. «Я полюбил страдание…» [Автобиография. Акафист святителю Луке]. М.: Образ, 2006.


[Закрыть]

О всеблаже́нный испове́дниче, святи́телю о́тче наш Луко́, вели́кий уго́дниче Христо́в! Со умиле́нием прикло́ньше коле́на серде́ц на́ших и припа́дая к ра́це честны́х и многоцеле́бных моще́й твои́х, я́коже ча́да отца́, мо́лим тя всеусе́рдно: услы́ши нас, гре́шных, и принеси́ моли́тву на́шу к Ми́лостивому и Человеколю́бцу Богу, Ему́же ты ны́не в ра́дости святы́х и с ли́ки А́нгел предстои́ши. Ве́руем бо, я́ко ты лю́биши ны то́ю же любо́вию, е́юже вся бли́жния возлюби́л еси́, пребыва́я на земли́.

Испроси́ у Христа́ Бо́га на́шего, да утверди́т во святе́й Свое́й Правосла́вней Це́ркви дух пра́выя ве́ры и благоче́стия; па́стырям ея́ даст святу́ю ре́вность и попече́ние о спасе́нии вве́ренных им люде́й: пра́во ве́рующия соблюда́ти, сла́быя и немощны́я в ве́ре укрепля́ти, неве́дующия наставля́ти, проти́вныя облича́ти. Всем нам пода́й дар, коему́ждо благопотре́бен, и вся, я́же к жи́зни вре́менней и к ве́чному спасе́нию поле́зная: градо́в на́ших утвержде́ние, земли́ плодоно́сие, от гла́да и па́губы избавле́ние, скорбя́щим утеше́ние, неду́гующим исцеле́ние, заблу́дшим на путь и́стины возвраще́ние, роди́телем благослове́ние, ча́дом в стра́се Госпо́днем воспита́ние и науче́ние, си́рым и убо́гим по́мощь и заступле́ние.

Пода́ждь нам всем твое́ архипа́стырское и свято́е благослове́ние, да тобо́ю осеня́еми, изба́вимся от ко́зней лука́ваго и избе́гнем вся́кия вражды́ и нестрое́ний, ересе́й и раско́лов. Да́руй нам богоуго́дно преити́ по́прище вре́менныя жи́зни, наста́ви нас на путь, веду́щий в селе́ния пра́ведных, изба́ви нас возду́шных мыта́рств и моли́ о нас Всеси́льнаго Бо́га, да в ве́чней жи́зни с тобо́ю непреста́нно сла́вим Отца́ и Сы́на и Свята́го Ду́ха, Ему́же подоба́ет вся́кая сла́ва, честь и держа́ва во ве́ки веко́в. Ами́нь.

Чин келейного чтения канонов и акафистов

Предначинательные молитвословия

Бо́же, ми́лостив бу́ди мне гре́шному. (Поклон.)

Бо́же, очи́сти мя гре́шнаго и поми́луй мя. (Поклон.)

Созда́вый мя, Го́споди, поми́луй мя. (Поклон.)

Без числа́ согреши́х, Го́споди, прости́ мя. (Поклон.)

Влады́чице моя, Пресвята́я Богоро́дице, спаси́ мя гре́шнаго. (Поклон.)

А́нгеле, храни́телю мой святы́й, от вся́кого зла сохрани́ мя. (Поклон.)

Святы́й (имя святого), моли́ Бо́га о мне. (Поклон.)

Моли́твами святы́х оте́ц на́ших, Го́споди Иису́се Христе́, Сы́не Бо́жий, поми́луй нас. Ами́нь.

Сла́ва Тебе́, Бо́же наш, сла́ва Тебе́.

Молитва Святому Духу[113]113
  Здесь и далее тексты молитв приводятся по изд.: Православный молитвослов. М.: Издательский Совет Русской Православной Церкви, 2003.


[Закрыть]

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Трисвятое

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды, с крестным знамением и поясным поклоном.)

Сла́ва Отцу́ и Сы́ну и Свято́му Духу и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды.)

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Молитва Господня

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй. (12 раз.)

Сла́ва Отцу́ и Сы́ну и Свято́му Духу и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему Бо́гу. (Поклон.)

Прииди́те, поклони́мся и припаде́м Христу́, Царе́ви на́шему Бо́гу. (Поклон.)

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон.)

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х; я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

Символ веры

Ве́рую во еди́наго Бо́га Отца́, Вседержи́теля, Творца́ Не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с Небе́с, и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И восше́дшаго на Небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щего, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Затем читается канон или акафист.

По завершении чтения канона:

Досто́йно есть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Го́споди, поми́луй. (Трижды.)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй нас. Ами́нь.

Тропа́рь[114]114
  Тропарь, кондак и следующая за ними молитва приводятся по изд.: Молитвослов. Псков: Литературный фонд России, 2008.


[Закрыть]

глас 4

Ско́рый в заступле́нии еди́н сый, Христе́, / ско́рое свы́ше покажи́ посеще́ние стра́ждущему рабу́ Твоему́, / и изба́ви от неду́г и го́рьких боле́зней; / и воздви́гни во е́же пе́ти Тя и сла́вити непреста́нно, / моли́твами Богоро́дицы, еди́не Человеколю́бче.

Конда́к

глас 2

На одре́ боле́зни лежа́щаго и сме́ртною ра́ною уя́звленнаго, я́коже иногда́ воздви́гл еси́, Спа́се, Петро́ву те́щу и разсла́бленнаго на одре́ носи́маго; си́це и ны́не, Милосе́рде, стра́ждущаго посети́ и исцели́: Ты бо еди́н еси́ неду́ги и боле́зни ро́да на́шего понесы́й и вся моги́й, я́ко Многоми́лостив.

Молитва 1

Влады́ко, Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия и возводя́й низве́рженныя, теле́сныя челове́ков ско́рби исправля́яй, мо́лимся Тебе́, Бо́же наш, раба́ Твоего́ (имя) немощству́юща посети́ ми́лостию Твое́ю, прости́ ему́ вся́кое согреше́ние во́льное и нево́льное. Ей, Го́споди, враче́бную Твою́ си́лу с небесе́ низпосли́, прикосни́ся телеси́, угаси́ огневи́цу, укроти́ страсть и вся́кую не́мощь тая́щуюся, бу́ди врач раба́ Твоего́ (имя), воздви́гни его́ от одра́ боле́зненнаго и от ло́жа озлобле́ния це́ла и всесоверше́нна, да́руй его́ Це́ркви Твое́й благоугожда́юща и творя́ща во́лю Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.

Молитва 2[115]115
  Канон за болящего // Молитвослов. Сергиев Посад: СвятоТроицкая Сергиева Лавра, 2005.


[Закрыть]

Бо́же си́льный, ми́лостию строя́й вся на спасе́ние ро́ду челове́ческому, посети́ раба́ Своего́ сего́ (имя), нарица́юща и́мя Христа́ Твоего́, исцели́ его́ от вся́каго неду́га плотска́го, и отпусти́ грех и грехо́вныя собла́зны, и вся́ку напа́сть, и вся́ко наше́ствие неприя́знено дале́че сотвори́ от раба́ Твоего́, и воздви́гни от одра́ грехо́внаго, и устро́й его́ во Святу́ю Твою́ Це́рковь здра́ва душе́ю и те́лом, и де́лы до́брыми сла́вящаго со все́ми людьми́ и́мя Христа́ Твоего́, я́ко Тебе́ сла́ву возсыла́ем, со Безнача́льным Ти Сы́ном и со Святы́м Ду́хом, ны́не и при́сно и во ве́ки веко́в. Ами́нь.