Текст книги "Святитель Спиридон Тримифунтский"

<…> Расскажу несколько живых примеров из деяний великого Первого Вселенского Собора. Триста восемнадцать духоносных отцов присутствовали на нем. Были на этом Соборе мудрецы богословы, были и духоносные простецы, но явили они всем нам идеал единого церковного общества – Церковь Христову, где един дух, едина вера, един ум Христов. «…Да будут едино, якоже Мы едино есмы», – предвещал Христос о Церкви (Ин. 17: 22).

Святитель Афанасий Александрийский защищал истину богословскими трактатами. Силою своей живой веры защищал истину святитель Спиридон Тримифунтский. Доказывая единство трех ипостасей Божества, он взял в руки кирпич и сдавил его так, что вниз потекла вода, вверх метнулся огонь, а в руке его остался прах земной.

«Се три стихии, а плинфа (кирпич) одна, – сказал тогда святитель Божий. – Так и в Пресвятой Троице: три Лица, а Божество Едино». Просто и убедительно посрамила премудрость Божия человеческие заблуждения.

Но и дальше продолжил свою речь святитель, обращаясь к противнику. Слушайте, дорогие мои, и вы, слушайте и внимайте, к нам с вами, убогим верой, ныне обращена речь святого Божия человека из IV века. «Слушай, философ, что я буду говорить тебе: мы веруем, что Всемогущий Бог из ничего создал Своим Словом и Духом небо и землю, человека и весь видимый и невидимый мир. Слово это есть Сын Божий, Который сошел ради наших грехов на землю, родился от Девы, жил с людьми, пострадал, умер для нашего спасения и затем воскрес, искупив Своими страданиями первородный грех и совоскресил с Собою человеческий род. Мы веруем, что Он Единосущен и Равночестен со Отцем, и веруем этому без всяких лукавых измышлении, ибо тайну эту постигнуть человеческим разумом невозможно».

И услышал философ-арианин, да скорее не услышал, а почувствовал, прозрел величественную истину, заключенную в простоте безыскусного слова, и воскликнул пораженный: «Слушайте! Пока состязание со мною велось посредством доказательств, я выставлял против одних доказательств другие и своим искусством спорить отражал все, что мне представляли. Но, когда вместо доказательства от разума, из уст этого старца начала исходить какая-то особая сила, доказательства стали бессильны против нее, так как человек не может противиться Богу. Если кто-нибудь из вас может мыслить так же, как я, то да уверует во Христа и вместе со мною да последует за этим старцем, устами которого говорил Сам Бог».

Деятельным ревнителем о правде Божией был на этом Вселенском Соборе всеми нами особо любимый и чтимый святитель Николай Мирликийский. Его святая рука поднялась для заушения богохульника-еретика Ария.

Отцы Собора наказали было святителя Николая за избыток ревности, лишив его преимуществ святительского сана и заключив в темницу. Но Господь, Духом Святым присутствующий в деяниях этого Собора, тут же восстановил заключенного в его первой славе. Многие участники Собора увидели одновременно одно видение, как Сам Господь вручает святителю Николаю Святое Евангелие, а Матерь Божия возлагает на него святительский омофор.

Какова же дальнейшая судьба ересиарха и ереси его?

Долго еще болела Церковь этой болезнью. Арий, хоть и был низложен на Соборе, долготерпением и милостью Божией был еще оставлен Господом на покаяние на десять лет жизни. Но он не изменил своего зверонравия, продолжая упорствовать в ереси. Он увлек своих единомышленников отделиться от Церкви. Они создавали свои самостоятельные соборы, свое исповедание веры. Имели еретики и высоких покровителей среди властей предержащих, но уже ничто не могло вернуть ереси жизнь – она раскалывалась, и в среде ее появлялись новые секты.

Это была предсмертная агония; Церковь на Соборе отсекла неисцельно больную ветвь. Отторгнутая от Церкви, не питаясь живыми соками Божественной истины, она умирала. Умер нечестивой смертью и ее основатель Арий в 336 году, и современники, пораженные явным Божиим наказанием, явленным в его кончине, сравнивали его смерть со смертью Иуды. Видно, таков удел всех изменников истины, иуд всех времен, включая и наше.

«Смерть грешников люта…» (Пс. 33: 22). «…Бог поругаем не бывает» (Гал. 6: 7).

Арий умер. Но не умер тот, кто вложил в ум, и сердце, и уста несчастного отступника зло. Не умер диавол – неутомимый отец лжи и всякой неправды. И по сей день он делает свое дело. Недоступное его влиянию небо с Небесной Церковью он силится уязвить на земле, преследуя Церковь земную.

Нелегко склонить людей на полное безбожие и богохульство; собственный демонский вид его отвратителен для человека. Но и этот путь опробован врагом рода человеческого не без успеха. Семьдесят лет безбожия в России, и плоды его мы пожинаем сейчас. О них много говорить не надо. Мы их видим своими глазами и чувствуем на себе.

Враг идет окольными путями, все свои силы направляя именно на разрушение истинной Церкви Божией, путем отделения христианства от Церкви. Он-то знает, что без Церкви люди все равно дойдут до безбожия, потеряют спасение, и смерть земная родит вечные муки.

Посмотрим с вами, дорогие мои, на нынешнее состояние Церкви и на духовное состояние людей нашего времени. Оценим нынешний день и скажем себе, спасается ли мир, или погибель готова ему? В Церкви ли мы Божией истинной, или дух лестчий и в нас имеет свою часть? Ведь смотрите, какое половодье настигло мир ныне. Церковь одна, другая, третья, и со счета можно сбиться. И все истинные, и каждая – самая правая.

Но как же? Ведь двух истин не бывает. И Христос свидетельствовал о Себе: «Я есмь путь и истина и жизнь» (Ин. 14: 6).

Но в какой же Церкви Христос? Или разделился Он? Какую Церковь предпочел Он теперь? Да никакую! Он создал ее однажды единую и нераздельную во дни Своего земного странствия, создал на все времена до скончания века (мира). И в ней одной Он пребывает, живый и действуяй. И другой Церкви не быть [29, с. 99–100].

Акафист святителю Спиридону

Кондак 1

Препросл́авленный от Го́спода святи́телю и чудотво́рче Спиридо́не! Ны́не всечестну́ю память твою́ пра́зднующе, я́ко мно́го мо́гущему споспе́шествовати нам о просла́вльшем тя Христе́, уми́льно вопие́м ти: изба́ви нас от вся́ких бед и зол, да с благодаре́нием зове́м ти:

Ра́дуйся, Спиридо́не, преди́вный чудотво́рче!

Икос 1

От ю́ности украше́нный все́ми доброде́тельми, житие́м свои́м А́нгелом подража́вый, ты́, святи́телю Спиридо́не, вои́стинну показа́лся еси́ дру́г Христо́в; мы́ же, зря́ще тя́, небе́снаго челове́ка и земна́го А́нгела, со благогове́нием уми́льно вопие́м ти́:

Ра́дуйся, у́ме, созерца́яй та́йны Пресвяты́я Тро́ицы; ра́дуйся, обогати́выйся Ду́ха пресве́тлым осия́нием.

Ра́дуйся, свети́льниче многосве́тлый; ра́дуйся, у́м тво́й безстра́стием просвети́вый.

Ра́дуйся, измла́да и́стинную простоту́ и безмо́лвие возлюби́вый; ра́дуйся, украше́ние целому́дрия.

Ра́дуйся, любве́ неистощи́мая струя́; ра́дуйся, я́ко страннолю́бию Авраа́ма подража́л еси́.

Ра́дуйся, я́ко все́м любвеоби́льно вхо́ды до́ма своего́ отверза́л еси́; ра́дуйся, ни́щих предста́телю.

Ра́дуйся, пред ни́мже благогове́ют лю́дие; ра́дуйся, я́ко ты́ еси́ обита́лище Пресвята́го Ду́ха.

Ра́дуйся, Спиридо́не, преди́вный чудотво́рче.

Кондак 2

Ви́дяще о́стров Ки́пр и вся́ христиа́нския стра́ны нетле́нныя мо́щи твоя́, святи́телю, от ни́хже истека́ют оби́льная исцеле́ния, возра́довашася; и мы́, почита́юще тя́ я́ко преоби́льнаго исто́чника благода́ти, низпо́сланнаго свы́ше на́м, вопие́м к Верхо́вному Пода́телю Небе́сных и земны́х бла́г: Аллилу́иа.

Икос 2

Ра́зум Боже́ственный имы́й, а́ще сы́й па́стырь безслове́сных ове́ц, ты́ произволе́нием Пастыренача́льника Христа́ избра́н бы́л еси́ в па́стыря ове́ц слове́сных. Ве́рнии же, разуме́вше тя́ до́браго па́стыря, неусы́пно о ста́де свое́м пеку́щагося, воспева́ху:

Ра́дуйся, архиере́е Бо́га Вы́шняго, в хирото́нии восприя́вый оби́льно Боже́ственную благода́ть; ра́дуйся, свети́льниче многосве́тлый, горя́й и светя́й.

Ра́дуйся, ве́рный де́лателю в вертогра́де Христо́вом; ра́дуйся, па́стырю, на па́жити ве́ры и благоче́стия па́ству свою́ воспита́вый.

Ра́дуйся, сия́ньми доброде́телей твои́х ми́р просвеща́вый; ра́дуйся, Престо́лу Христо́ву Боже́ственную Же́ртву приноси́вый.

Ра́дуйся, иера́рше, разуме́нием Правосла́вия украше́нный; ра́дуйся, апо́стольскаго уче́ния испо́лненный, ве́рных струя́ми спаси́тельнаго уче́ния напая́яй.

Ра́дуйся, я́ко и му́дрых озари́л еси́; ра́дуйся, я́ко и просты́х сердца́ обнови́л еси́.

Ра́дуйся, сла́во правосла́вных и Це́ркве непоколеби́мое утвержде́ние; ра́дуйся, украше́ние отце́в, сла́во и похвало́ иере́ев благогове́йных.

Ра́дуйся, Спиридо́не, преди́вный чудотво́рче.

Кондак 3

Си́лою Вы́шняго, осени́вшею тя́, святи́телю Спиридо́не, богому́др ты́ показа́лся еси́ и, сжа́вши дла́нию гли́ну, тро́ичность Ли́ц все́м очеви́дно уясни́л еси́; те́мже лжему́дрии фило́софи, собра́вшиися на Собо́ре, ужасо́шася, ве́рнии же непостижи́маго просла́виша Бо́га, умудри́вшаго тя́ во спасе́ние, вопию́ще Ему́: Аллилу́иа.

Икос 3

Име́юще тя́ в помышле́ниих свои́х вси́ отцы́ Собо́ра про́ста, неиску́сна в кни́жнем уче́нии, моли́ша тя́, о́тче Спиридо́не, не препира́тися словесы́ с вити́ею, мня́щимся му́дру бы́ти. Ты́ же, святи́телю, ре́вностию по Бо́зе распаля́емый, ве́руя, я́ко про́поведь Христо́ва не в препре́тельных му́дрости челове́ческия словесе́х, но в явле́нии ду́ха и си́лы, прему́дре того́ обличи́в, вразуми́л и на пу́ть и́стинный наста́вил еси́. Вси́, ви́девше чу́до сие́, взыва́ху:

Ра́дуйся, све́те правосла́вныя му́дрости; ра́дуйся, я́ко глаго́лемых бы́ти му́дрых совопро́сников посрами́л еси́.

Ра́дуйся, исто́чниче, благода́тию оби́льный; ра́дуйся, непоколеби́мый сто́лпе, тве́рдо содержа́щий су́щих в ве́ре.

Ра́дуйся, омрача́яй всепа́губную е́ресь; ра́дуйся, чрез него́же попра́но бы́сть безу́мие.

Ра́дуйся, я́ко пе́рсть земна́я пропове́да твои́ма рука́ма Святу́ю Тро́ицу; ра́дуйся, я́ко из гли́ны изве́л еси́ о́гнь и во́ду во утвержде́ние догма́та Святы́я Тро́ицы.

Ра́дуйся, я́ко просвети́л еси́ лю́ди сла́вити Сло́во, вои́стинну Единосу́щное Пребезнача́льному Отцу́; ра́дуйся, я́ко зми́еву главу́ па́губныя а́риевы е́реси порази́л еси́.

Ра́дуйся, я́ко тобо́ю поже́рта бы́сть зло́ба; ра́дуйся, неве́рнаго мудреца́ совопро́сника к и́стинней ве́ре обрати́вый.

Ра́дуйся, Спиридо́не, преди́вный чудотво́рче.

Кондак 4

Жи́знь проводя́ в убо́жестве и нищете́, ни́щим и бе́дным бы́л еси́ пита́тель и помо́щник и, любве́ ра́ди к ни́щим, зми́я в зла́то преложи́л еси́ и да́л еси́ о́ное тре́бующему твоея́ по́мощи. Дивя́щеся о чудеси́ се́м, благода́рственно вопие́м к Бо́гу: Аллилу́иа.

Икос 4

Слы́шано бы́сть все́м и всю́ду, я́ко святи́тель Спиридо́н вои́стинну е́сть жили́ще Святы́я Тро́ицы: всели́ся бо в не́м Бо́г Оте́ц, Бо́г Сло́во и Бо́г Ду́х Святы́й. Сего́ ра́ди ты́ словесы́ и дея́ньми пропове́дал еси́ все́м христиа́ном воплоще́ннаго и́стиннаго Бо́га, вопию́щим:

Ра́дуйся, слове́с Бо́жиих таи́нниче; ра́дуйся, домострои́тельство Бо́жие о спасе́нии ми́ра уясни́вый.

Ра́дуйся, я́ко научи́л еси́ не испы́товати е́же е́сть превы́ше ра́зума и му́дрости челове́ческия; ра́дуйся, непостижи́мую де́йствующую в тебе́ си́лу Бо́жию яви́вый.

Ра́дуйся, я́ко уста́ми твои́ми провеща́ Са́м Бо́г; ра́дуйся, я́ко вси́ послу́шаху тебе́ в сла́дость.

Ра́дуйся, мглу́ идолослуже́ния разгна́вый; ра́дуйся, я́ко мно́гих к и́стинней ве́ре приве́л еси́.

Ра́дуйся, я́ко главы́ неви́димых зми́ев порази́л еси́; ра́дуйся, я́ко тобо́ю прославля́ется ве́ра христиа́нская.

Ра́дуйся, я́ко све́тло озаря́еши все́х ублажа́ющих тя́; ра́дуйся, побо́рниче христиа́нския ве́ры и Правосла́вия.

Ра́дуйся, Спиридо́не, преди́вный чудотво́рче.

Кондак 5

Боже́ственнаго Ду́ха преиспо́лнен бы́л еси́, святи́телю Спиридо́не, ра́ди доброде́тельнаго жития́ твоего́; зане́ кро́ток, ми́лостив, чи́ст се́рдцем, терпели́в, непамятозло́бив, страннолю́бец бы́л еси́: сего́ ра́ди Творе́ц и в чудесе́х пресла́вна показа́ тя́. Мы́ же, прославля́я Бо́га, просла́вльшаго тя́, вопие́м Ему́: Аллилу́иа.

Икос 5

Равноа́нгельна Спиридо́на зри́м, вели́каго чудотво́рца. Не́когда страна́ от бездо́ждия и за́сухи вельми́ пострада́: бы́сть гла́д и я́зва, и мно́гое мно́жество люде́й умро́ша, моли́твами же святи́теля сни́де с небесе́ на зе́млю до́ждь; лю́дие же, изба́вльшеся от бе́дствия, благода́рственно взыва́ху:

Ра́дуйся, вели́кому проро́ку Илии́ уподо́бивыйся; ра́дуйся, я́ко до́ждь, отъе́млющий гла́д и неду́ги, благовре́менне низве́л еси́.

Ра́дуйся, па́ки моли́твами свои́ми не́бо заключи́вый; ра́дуйся, я́ко немилосе́рдаго купца́ лише́нием име́ния наказа́л еси́.

Ра́дуйся, я́ко тре́бующим пи́щу оби́льно дарова́л еси́; ра́дуйся, я́ко любоблагоутро́бие Бо́га к лю́дем подвиза́еши.

Ра́дуйся, взе́мляй не́мощи немощны́х; ра́дуйся, богоблагода́тный челове́ком помо́щниче.

Ра́дуйся, боля́щим здра́вие подава́яй; ра́дуйся, его́же трепе́щут де́мони.

Ра́дуйся, безчи́сленных чуде́с исто́чниче.

Ра́дуйся, Спиридо́не, преди́вный чудотво́рче.

Кондак 6

Заве́са ветхозаве́тной ски́нии закрыва́ше во Свята́я Святы́х ковче́г, ма́нну и скрижа́ли. И хра́м тво́й, святи́телю Спиридо́не, име́ет ра́ку твою́, я́ко ковче́г, святы́я мо́щи твоя́, я́ко ма́нну, се́рдце твое́, я́ко скрижа́ли Боже́ственныя благода́ти, на ни́хже зри́м начерта́нную пе́снь: Аллилу́иа.

Икос 6

Наро́д Ки́пра не́когда за умноже́ние беззако́ний наказа́ Госпо́дь безпло́дием земли́, егда́ же прии́де к свято́му Спиридо́ну зна́емый земледе́лец, прося́ по́мощи, даде́ ему́ святы́й зла́то; мину́вшу же бе́дствию, земледе́лец о́ный возврати́ па́ки зла́то. И – о чудесе́! – зла́то зми́й бы́сть. Прославля́юще Бо́га, ди́внаго во святы́х Свои́х, вопие́м:

Ра́дуйся, я́ко Моисе́ю, чуде́сно преложи́вшему же́зл в зми́я, подража́л еси́; ра́дуйся, человеколюби́вый па́стырю, избавля́яй от бе́д слове́сныя о́вцы ста́да своего́.

Ра́дуйся, оби́льно все́х все́ми бла́гами обогаща́яй; ра́дуйся, я́ко Илия́, бе́дных пита́вый.

Ра́дуйся, немилосе́рдых к милосе́рдию обраща́яй; ра́дуйся, достоподража́емый приме́р любве́ для челове́ков, в ми́ре живу́щих.

Ра́дуйся, ве́рных и неве́рных в беда́х утеше́ние; ра́дуйся, дре́во сенноли́ственное, гра́д и страну́ осеня́ющее.

Ра́дуйся, сла́во и похвало́ керки́рян; ра́дуйся, над вла́гою и су́шею, зно́ем и хла́дом благода́тию Бо́жиею влады́чествуяй.

Ра́дуйся, уста́вы земли́ моли́твою пременя́яй; ра́дуйся, бу́дущая, я́ко настоя́щая, прови́девый.

Ра́дуйся, Спиридо́не, преди́вный чудотво́рче.

Кондак 7

Хода́тай пред Го́сподем за все́х яви́лся еси́, святи́телю Спиридо́не: сего́ ра́ди и мы́ прибега́ем под кро́в тво́й, и́щуще спасе́ния, вси́ бо помо́щника тебе́ и́мамы во все́х ну́ждах, во вре́мя гла́да, смертоно́сныя я́звы и во вся́ годи́ны бе́д и искуше́ний. Сего́ ра́ди благода́рственно вопие́м Бо́гу: Аллилу́иа.

Икос 7

Но́вое чу́до ви́дим и боголе́пное: егда́ ты́, о́тче, ше́ствовал изба́вити непови́нно осужде́ннаго на сме́рть, бу́рный пото́к прегради́ пу́ть тебе́; ты́ же и́менем Всемогу́щаго Бо́га повеле́л ему́ ста́ти и преше́л еси́ со спу́тники чрез реку́, я́ко по су́ху. Сла́ва о се́м чудеси́ распространи́ся всю́ду, и вси́ просла́виша Бо́га, вопию́ще к тебе́:

Ра́дуйся, я́ко иногда́ Иису́с Нави́н чрез Иорда́н реку́ по су́ху преше́дый; ра́дуйся, ре́чная устремле́ния гла́сом свои́м укроти́вый.

Ра́дуйся, я́ко тру́дный пу́ть предприя́л еси́, дви́жимый милосе́рдием; ра́дуйся, я́ко клевету́ разруши́л еси́ и непови́ннаго от у́з темни́цы и напра́сныя сме́рти изба́вил еси́.

Ра́дуйся, жи́зни по Бо́зе благи́й поспе́шниче; ра́дуйся, непови́нно угнете́нных защи́тителю.

Ра́дуйся, уста́вов естества́ во́днаго премени́телю; ра́дуйся, я́ко судию́ вразуми́л еси́ и от уби́йства спа́сл еси́.

Ра́дуйся, и́стинное исправле́ние ду́ш; ра́дуйся, ди́вная си́ло, пото́ки удержава́ющая.

Ра́дуйся, услажда́ющий сердца́ челове́ков, к тебе́ притека́ющих; ра́дуйся, человеколю́бию Авраа́ма подража́телю.

Ра́дуйся, Спиридо́не, преди́вный чудотво́рче.

Кондак 8

Стра́нник и пришле́ц бы́л еси́ на земли́, я́коже и про́чии челове́цы. Оба́че из чре́ва ма́тере Всеве́дущий вели́каго уго́дника и чудотво́рца показа́ тя́, святи́телю Спиридо́не: бе́сы бо изгоня́еши, вся́кую боле́знь и я́зву исцеля́еши, помышле́ния люде́й зри́ши, те́мже и ди́вен во святы́х показа́лся еси́. Мы́ же, возсыла́юще моли́тву ко Благода́телю все́х Бо́гу, вопие́м Ему́: Аллилу́иа.

Икос 8

Ве́сь ми́р у́жасом мно́гим содрогну́ся, егда́ услы́ша, я́ко сме́рть, по гла́су твоему́, возвраща́ет из гробо́в мертвецы́ своя́, и возопи́:

Ра́дуйся, уме́ршую дще́рь свою́, да яви́т вруче́нное е́й сокро́вище, к жи́зни воззва́вый; ра́дуйся, ско́рбную вдови́цу, на сохране́ние зла́то вда́вшую, уте́шивый.

Ра́дуйся, уме́ршее отроча́ из ме́ртвых воскреси́вый; ра́дуйся, я́ко ма́терь его́, внеза́пно от ра́дости уме́ршую, оживи́вый.

Ра́дуйся, я́ко уподо́бился еси́ Илии́, моли́твами сы́ну саре́птския жены́ жи́знь возврати́вшему; ра́дуйся, я́ко и Елиссе́ю, возбуди́вшему от сме́рти отроча́, подража́л еси́.

Ра́дуйся, па́стырю, преи́скренне лю́бящий челове́ки; ра́дуйся, жене́ блудни́це, слеза́ми но́зе твои́ омы́вшей, грехи́ и́менем Бо́га отпусти́вый.

Ра́дуйся, святу́ю ре́вность верхо́внаго апо́стола стяжа́вый; ра́дуйся, я́ко нераска́янная гре́шница, по глаго́лу твоему́, в тя́жких боле́знех у́мре.

Ра́дуйся, земли́ плодоно́сие моли́твами твои́ми испроси́вый; ра́дуйся, непрело́жное воскресе́ния челове́ков увере́ние.

Ра́дуйся, Спиридо́не, преди́вный чудотво́рче.

Кондак 9

Ду́ха Боже́ственнаго осия́ньми озаре́н бы́л еси́, святи́телю Спиридо́не, име́л бо еси́ ду́ха прему́дрости, я́ко му́дрыми словесы́ безу́мных обуи́л еси́ и посреде́ отце́в ве́ру утверди́л еси́; ду́ха ра́зума, я́ко умы́ омраче́нныя озари́л еси́; ду́ха стра́ха Бо́жия, я́ко вы́ну де́лании богоуго́дными ду́шу очи́стил еси́. Те́мже, предста́в Престо́лу Вы́шняго, с со́нмом А́нгелов воспева́еши Ему́: Аллилу́иа.

Икос 9

Же́зл па́стыря слове́сных ове́ц от Пастыренача́льника Го́спода Иису́са прие́мый, святы́й Спиридо́н не премени́ жития́ своего́: нестяжа́телен, кро́ток, любве́ ра́ди вся́ терпя́й, не постыде́ся пещи́ся и о ста́де безслове́сных ове́ц. Вся́ сия́ возбужда́ют на́с сла́вити Бо́га и взыва́ти тебе́:

Ра́дуйся, сла́ву ми́ра сего́ я́ко су́етную презре́вый; ра́дуйся, мзду́ мно́гу на Небесе́х стяжа́вый.

Ра́дуйся, кра́сная ми́ра сего́ в уме́ты вмени́вый; ра́дуйся, сосу́де Небе́сных бла́г.

Ра́дуйся, святе́йшая па́жите киприо́тов; ра́дуйся, я́ко тебе́ ра́ди Бо́г хи́щников ове́ц твои́х неви́димыми у́зами связа́.

Ра́дуйся, та́тем оте́ческое вразумле́ние препода́вый; ра́дуйся, по милосе́рдию твоему́ за проведе́нную без сна́ но́щь овна́ и́м дарова́вый.

Ра́дуйся, непослуша́нием ко́злища, я́ко бы ра́зум иму́щаго, купца́, утаи́вшаго це́ну его́, обличи́вый; ра́дуйся, утаи́вшаго сре́бреники твоя́ к покая́нию приведы́й.

Ра́дуйся, я́ко стра́сти корыстолю́бия увеща́нием свои́м исцели́л еси́ его́.

Ра́дуйся, Спиридо́не, преди́вный чудотво́рче.

Кондак 10

Спаса́яй ду́ши па́ствы, Бо́гом тебе́ вве́ренныя, ты́, святи́телю Спиридо́не, произволе́нием Бо́жиим, зва́н бы́л еси́ яви́ти сла́ву твою́, па́че же сла́ву И́стиннаго Бо́га, и в ины́я страны́, да всю́ду сла́вят И́мя Бо́жие, вопию́ще: Аллилу́иа.

Икос 10

Ско́рый помо́щник и засту́пник во вся́ких ну́ждах и ско́рбех, святы́й Спиридо́н, по повеле́нию царе́ву, я́коже и про́чии па́стыри, прии́де во гра́д Антиохи́ю, иде́же бе́ одержи́мый боле́знию ца́рь Константи́н; святи́тель главы́ его́ косну́ся и сотвори́ здра́ва. Сему́ чудеси́ дивя́щеся, вопие́м ти́:

Ра́дуйся, его́же в со́нном виде́нии А́нгел, я́ко цели́теля, яви́ царю́; ра́дуйся, Боже́ственныя ра́ди любве́ тру́дный пу́ть в ста́рости восприя́вый.

Ра́дуйся, царе́ву рабу́, уда́рившему тя́ в лани́ту, по за́поведи Спаси́теля, другу́ю подста́вивый; ра́дуйся, сто́лпе смире́ния.

Ра́дуйся, моли́твами свои́ми сле́зно прося́щему царю́ здра́вие дарова́вый; ра́дуйся, я́ко уничиже́нием свои́м раба́ вразуми́л еси́ и неми́лостивый нра́в его́ премени́л еси́.

Ра́дуйся, я́ко благоче́стию и милосе́рдию царя́ научи́л еси́; ра́дуйся, я́ко, ненави́дяй земна́я сокро́вища, зла́то царя́ отве́ргл еси́.

Ра́дуйся, я́ко ученика́ своего́ Трифи́ллиа от пристра́стия к земны́м бла́гам отврати́л еси́ и сосу́дом благода́ти Бо́жия соде́лал еси́; ра́дуйся, я́ко прише́дшу тебе́ в Александри́ю, и́доли падо́ша.

Ра́дуйся, ему́же и бе́си повину́ются; ра́дуйся, я́ко от идолослуже́ния мно́гих отврати́л еси́.

Ра́дуйся, Спиридо́не, преди́вный чудотво́рче.