Текст книги "Греческий молитвослов. Молитвы на всякое время дня, недели и года"

Введение во храм Пресвятой Богородицы

Двунадесятый праздник Введения во храм Пресвятой Богородицы основан на событиях, известных нам из Священного Предания. Родители Богородицы, святые Иоаким и Анна, желая исполнить обет о посвящении Богу своего долгожданного ребенка, привели трехлетнюю Марию в Иерусалимский храм, и там Она воспитывалась до времени Ее обручения праведному Иосифу. Маленькая девочка без посторонней помощи поднялась по массивным ступеням Храма и священник ввел Ее за завесу, во «святая святых» – особо священное место Храма, в котором до вавилонского пленения хранились главные свидетельства Ветхого Завета: ковчег Завета, скрижали, сосуд с манной и процветший жезл Ааронов. Христианским сознанием это событие воспринимается как знамение того, что будущий Храм Божий – Богородица оказывается святее всех святынь земного Иерусалимского храма.

Песнопения Введения исполняются с 4 по 8 декабря н. ст.

На вечерне стихиры праздника, глас 1

Днесь, ве́рнии, ликовствуим, во псалме́х и пе́снех Го́сподеви поюще и чтуще Того свяще́нную Сень, одушевле́нный Кивот, невмести́мое Слово вместившую: приводится бо Го́сподеви паче естества, плотию младе́нствующи, и святи́тель[153]153
  Первосвященник.


[Закрыть] вели́кий Заха́рия прие́млет с весе́лием Сию́ я́ко Бо́жие Жили́ще. Днесь Храм одушевле́нный святы́я сла́вы Христа́ Бо́га на́шего, еди́на в жена́х Благослове́нная Чи́стая, приво́дится в храм зако́нный жи́ти во святы́х[154]154
  В месте святости.


[Закрыть]; и ра́дуются с Не́ю Иоаки́м и Анна ду́хом, и де́вственнии ли́цы Го́сподеви пою́т, псало́мски воспева́юще и чту́ще Ма́терь Его́.

Ты проро́ков пропове́дание, апо́столов сла́ва и му́чеников похвала́, и всех земноро́дных обновле́ние, Де́во Ма́ти Бо́жия: Тобо́ю бо Бо́гу примири́хомся. Те́мже чтим Твое́ в храм Госпо́день вхожде́ние и со Ангелом вси пе́сненно, ра́дуйся, Тебе́, Пречи́стая, вопие́м, Твои́ми моли́твами спаса́емии.

Слава, и ныне, глас 8: По рождестве́ Твое́м, Богоневе́сто Влады́чице, пришла́ еси́ в храм Госпо́день воспита́тися во свята́я святы́х, я́ко освяще́нна; тогда́ и Гаврии́л по́слан бысть к Тебе́, Всенепоро́чней, пищу Тебе́ принося́. Небе́сная вся удиви́шася, зря́-ще Ду́ха Свята́го, в Тя все́льшася. Те́мже, Пречи́стая и Нескве́рная, я́же на Небеси́ и на земли́ сла́вима, Ма́ти Бо́жия, спаси́ род наш.

Тропарь праздника, глас 4

Днесь благоволе́ния Бо́жия предображе́ние[155]155
  В оригинале: преднача́тие.


[Закрыть] и челове́ков спасе́ния пропове́дание[156]156
  В оригинале: предпропове́дание.


[Закрыть]: в хра́ме Бо́жии я́сно Де́ва явля́ется и Христа́ всем предвозвеща́ет. Той и мы велегла́сно возопии́м: ра́дуйся, смотре́ния[157]157
  Домостроительства, устроения (нашего спасения).


[Закрыть] Зижди́телева исполне́ние.

Величание

Велича́ем Тя, Пресвята́я Де́во, богоизбра́нная Отрокови́це, и чтим е́же в храм Госпо́день вхожде́ние Твое́.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

На утрене канон праздника, святителя Георгия Никомидийского, глас 4

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отрыгну́ Цари́це Ма́тери, и явлю́ся све́тло торжеству́я, и воспою́ ра́дуяся Тоя́ вхожде́ние.

Пресвята́я Богоро́дице, спаси́ нас. Прему́дрости, Пречи́стая, Тя сокро́вище ве́дуще и благода́ти точа́щую исто́чник приснотеку́щий ра́зума, про́сим: Твоя́ ка́пли одожди́, Влады́чице, е́же воспева́ти Тя при́сно.

Пресвята́я Богоро́дице, спаси́ нас.

Превы́шши, Пречи́стая, небе́с бы́вши Храм и Пала́та, в храм Бо́жий возложи́лася еси́ Тому́ угото́ватися в боже́ственное жили́ще прише́ствия Его́.

Пресвята́я Богоро́дице, спаси́ нас.

Свет возсия́вши Богоро́дица благода́ти, вся просвети́ и совокупи́ пресве́тлое Ея́ украси́ти торжество́ пе́сньми: прииди́те, к Ней стеце́мся.

Слава, и ныне: Дверь сла́вная, по́мыслы непроходи́мая, две́ри отве́рзши хра́ма Бо́жия, ны́не повелева́ет нам, совше́дшим, боже́ственных Ея́ чуде́с наслади́тися.

Песнь 3

Ирмос: Твоя́ песнослбвцы, Богоро́дице, я́ко живы́й и незави́стный[158]158
  Изобильный.


[Закрыть] исто́чник, лик себе́ совоку́плыиия духо́вен утверди́ и в честно́м вхожде́нии Твое́м венце́в сла́вы сподо́би.

Пресвята́я Богоро́дице, спаси́ нас. Невестокраси́тель днесь яви́ся кра́сный Де́вы храм и черто́г, прие́м одушевле́нный Черто́г Бо́жий, Чи́стую и Непоро́чную и Светле́йшую всея́ тва́ри.

Пресвята́я Богоро́дице, спаси́ нас.

Дави́д, предначина́я ликова́ние, игра́ет и ликовству́-ет с на́ми, и Цари́цу зове́т Тя укра́шену, Пречи́стая, предстоя́щу, Всечи́стая, в хра́ме Царю́ и Бо́гу.

Пресвята́я Богоро́дице, спаси́ нас.

Из нея́же преступле́ние произы́де дре́вле ро́ду челове́ческому, из тоя́ исправле́ние и нетле́ние процвете́ Богоро́дица, днесь приводи́ма в дом Бо́жий.

Слава, и ныне: Игра́ют Ангельская во́инства и всех челове́к мно́жество, и пред лице́м, Пречи́стая, предтеку́т Твои́м днесь свещено́сицы, зову́ще вели́чествия Твоя́ в до́му Бо́жии.

Песнь 4

Ирмос: Неизсле́дный Бо́жий сове́т[159]159
  Замысел.


[Закрыть] е́же от Де́вы воплоще́ния Тебе́, Вы́шняго, проро́к Авваку́м усмотря́я, зовя́ше: сла́ва си́ле Твое́й, Го́споди.

Пресвята́я Богоро́дице, спаси́ нас.

Дверь непрохо́дную Бо́жий дом прие́мля днесь, преста́ти сотвори́ вся́кой слу́жбе зако́нной: я́ко и́стинно яви́ся, зовы́й, су́щим на земли́ Истина.

Пресвята́я Богоро́дице, спаси́ нас.

Гора́ присе́нная, Юже прови́дев дре́вле Авваку́м, предпропове́да внутрь Вмести́вшуюся в нехо́дных хра́ма, доброде́тели процве́тши и покрыва́ет концы́.

Пресвята́я Богоро́дице, спаси́ нас.

Ви́дим[160]160
  Да увидим.


[Закрыть] пресла́вная, вся земля́, стра́нныя же и ди́вныя ве́щи: ка́ко Де́ва от Ангела пи́щу прие́млющи, о́бразы строе́ния но́сит[161]161
  Принимает знамения домостроительства (спасения).


[Закрыть].

Слава, и ныне: Храм и Пала́та и Не́бо одушевле́нное я́вльшися, Богоневе́сто Царе́ва, во храм зако́нный освяща́ешися[162]162
  Посвящаешься.


[Закрыть] днесь, Тому́ соблюда́ема, Пречи́стая.

Песнь 5

Ирмос: Ужасо́шася вся́ческая о честне́м вхожде́нии Твое́м: Ты бо, Неискусобра́чная Де́во, внутрь вошла́ еси́ в храм Бо́жий я́коже честне́йший Храм, всем воспева́ющим Тя мир подава́ющая.

Пресвята́я Богоро́дице, спаси́ нас.

Свяще́ние[163]163
  Святыня.


[Закрыть] сла́вное и свяще́нное возложе́ние, днесь Пречи́стая Де́ва, возложи́вшися в храм Бо́жий, Всецарю́ на́шему Бо́гу Еди́ному в жили́ще соблюда́ется, я́ко весть Сам.

Пресвята́я Богоро́дице, спаси́ нас.

Добро́ту, Пречи́стая, души́ Твоея́ зря не́когда, ве́рою Заха́рия возопи́: Ты еси́ Избавле́ние, Ты еси́ всех Ра́дость, Ты еси́ Воззва́ние на́ше, Еюже Невме́стный вмеще́н мне яви́тся.

Пресвята́я Богоро́дице, спаси́ нас.

О па́че ума́ чуде́с Твои́х, Всечи́стая! Стра́нное Твое́ рождество́ есть, стра́нен о́браз возраще́ния[164]164
  Взращивания, воспитания.


[Закрыть] Твоего́, стра́нна и пресла́вна Твоя́, Богоневе́сто, вся, и челове́ки несказа́нна.

Слава, и ныне: Све́щник многосве́тлый су́щи, Богоневе́сто, днесь возсия́ла еси́ в дому́ Госпо́дни и озаря́еши ны честны́ми дарова́нии, Чи́стая, чуде́с Твои́х, Богоро́дице всепе́тая.

Песнь 6

Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те рука́ми воспле́щим, от Нея́ ро́ждшагося Бо́га сла́вяще.

Пресвята́я Богоро́дице, спаси́ нас.

Вся́ческая Нося́й глаго́лом, моли́тву пра́ведных услы́ша. Те́мже непло́дныя разреши́в неду́г я́ко Благоутро́бен, ра́дости Вино́вную сим дарова́.

Пресвята́я Богоро́дице, спаси́ нас.

Сказа́ти хотя́ Госпо́дь язы́ком Свое́ спасе́ние, Неискусобра́чную ны́не от челове́к прия́т – примире́ния зна́мение и обновле́ния.

Пресвята́я Богоро́дице, спаси́ нас.

Яко дом су́щи благода́ти, в не́мже сокро́вища лежа́т неизрече́ннаго Бо́жия строе́ния, Всечи́стая, в хра́ме причасти́лася еси́ нетле́нныя сла́дости.

Слава, и ныне: Диади́му Тя ца́рскую прие́м, храм, Богоневе́сто, просвеща́шеся и подступа́ше лу́чшим[165]165
  Отступал перед более значимым.


[Закрыть], предрече́нных зря на Тебе́ сбы́тие.

Кондак праздника, глас 4

Пречи́стый Храм Спа́сов, многоце́нный Черто́г и Де́ва, свяще́нное Сокро́вище сла́вы Бо́жия, днесь вво́дится в дом Госпо́день, благода́ть совводя́щи я́же в Ду́се Боже́ственном, Юже воспева́ют Ангели Бо́жии: Сия́ есть Селе́ние небе́сное.

Песнь 7

Ирмос: Не послужи́ша тва́ри богому́дрим па́че[166]166
  Вместо.


[Закрыть] Созда́вшаго, но о́гненное преще́ние му́жески попра́вше, ра́дующеся поя́ху: препе́тый отцо́в Госпо́дь и Бог, благослове́н еси́.

Пресвята́я Богоро́дице, спаси́ нас.

Се днесь возсия́ конце́м весна́ ра́достная, просвеща́ющи на́шу ду́шу и помышле́ние и ум благода́тию! Торжество́м Богоро́дицы днесь та́инственно да учреди́мся[167]167
  Будем наслаждаться.


[Закрыть].

Пресвята́я Богоро́дице, спаси́ нас.

Да дароно́сят днесь вся́ческая Цари́це, Ма́тери Бо́жии, Не́бо и земля́, и Ангелов чи́ни, и челове́ков мно́жество, и да вопию́т: во храм вво́дится Ра́дость и Избавле́ние.

Пресвята́я Богоро́дице, спаси́ нас.

Писа́ние мимотече́ и оскуде́ зако́н, я́коже сень, и благода́ти лучи́ возсия́ша, в храм Бо́жий вше́дшей Тебе́, Де́во Ма́ти Чи́стая, во ве́ки благослове́нная.

Слава, и ныне: Повину́ся Рождеству́ Твоему́, Всечи́стая, я́ко Творцу́ и Бо́гу, Не́бо и земля́, и преиспо́дняя, и всяк язы́к земны́х испове́дает, я́ко Госпо́дь яви́ся, Спас душ на́ших.

Песнь 8[168]168
  Тропари 8-й песни сочинены в форме диалога между праведной Анной, матерью Богородицы, и священником Захарией, отцом Предтечи; первые буквы стихотворных строк образуют в греческом оригинале алфавитный акростих.


[Закрыть]

Ирмос: Слы́ши, Отрокови́це Де́во чи́стая, да рече́т у́бо Гаврии́л, сове́т Вы́шняго дре́вний и́стинный: бу́ди к прия́тию гото́ва Бо́жию: Тобо́ю бо Невмести́мый с челове́ки поживе́. Тем и ра́дуяся вопию́: благослови́те, вся дела́ Госпо́дня, Го́спода.

Пресвята́я Богоро́дице, спаси́ нас.

Анна: Пречи́стый Храм в дом Бо́жий приводя́щи Анна иногда́, вопию́щи, с ве́рою рече́ свяще́ннику:

Ча́до, от Бо́га да́нное мне, прии́м ны́не, введи́ во храм Зижди́теля твоего́, и ра́дуяся пой Ему́: благослови́те, вся дела́ Госпо́дня, Го́спода.

Пресвята́я Богоро́дице, спаси́ нас.

Захария: Рече́, ви́дев, Анне иногда́ Ду́хом Заха́рия: Жи́зни Ма́терь вво́диши и́стинную, Юже све́тло проро́цы Бо́жии Богоро́дицу пропове́даша, и ка́ко храм вмести́т Ю? Тем чудя́ся, вопию́: благослови́те, вся дела́ Госпо́дня, Го́спода.

Пресвята́я Богоро́дице, спаси́ нас.

Анна: Раба́ Бо́жия бых аз, отвеща́ Анна ему́, призыва́ющи Сего́ ве́рою и моли́твою прия́ти моея́ боле́зни Плод, по прия́тии же Рожде́нную привести́ Да́вшему Ю.

Пресвята́я Богоро́дице, спаси́ нас.

Захария: Зако́нное вои́стинну дело есть, свяще́нник рече́ ей, стра́нну же весьма́ вещь поразумева́ю, зря Приводи́мую в дом Бо́жий, пресла́вно превосходя́щую свята́я благода́тию. Тем и ра́дуяся, вопию́: благослови́те, вся дела́ Госпо́дня, Го́спода.

Пресвята́я Богоро́дице, спаси́ нас.

Анна: Возмога́ю, рече́ Анна ему́, зна́ющи, я́же глаго́-леши[169]169
  Укрепляюсь, слушая твои слова.


[Закрыть]: разуме́еши бо сия́ Ду́хом Бо́жиим, я́сно я́же Де́вы пропове́дал еси́; приими́ у́бо Пречи́стую в храм Созда́теля твоего́ и ра́дуяся пой Ему́: благослови́те, вся дела́ Госпо́дня, Го́спода.

Слава, и ныне:, Захария: Светоно́сна нам возжже́ся Свеща́, возопи́ свяще́нник, ра́дость велича́йшую светя́щи в хра́ме; ду́ши проро́ческия да сра́дуются мне, я́ко пресла́вная зря́ще, соверша́емая в дому́ Бо́жии, и да вопию́т при́сно: благослови́те, вся дела́ Госпо́дня, Го́спода.

Песнь 9[170]170
  Первые буквы стихотворных строк тропарей 9-й песни образуют в греческом оригинале обратный алфавитный акростих.


[Закрыть]

Вместо песни Богородицы поются особые припевы праздника:

Ангели, вхождение Пречи́стыя зря́ще, удиви́шася: ка́ко Дева вни́де во свята́я святы́х.

Ирмос: Яко одушевле́нному Божию кивоту да ника́-коже коснется рука́ скверных, устне́ же верных Богородице немолчно, глас Ангела воспева́юще, с ра́-достию да вопию́т: истинно вы́шши всех еси́, Де́во Чистая.

Ангели, вхождение Пречи́стыя зря́ще, удиви́шася: ка́ко Дева вни́де во свята́я святы́х.

Яко пресве́тлую, Богородице Чистая, душе́вныя чистоты́ имущи доброту, благода́тию же Божиею исполня́ема с Небесе́, Светом присносущным просвеща́еши всегда́ с веселием вопию́щия: истинно вы́шши всех еси́, Де́во Чи́стая.

Ангели, вхождение Пречи́стыя зря́ще, удиви́шася: ка́ко Дева вни́де во свята́я святы́х.

Прелета́ет, Богородице Чи́стая, чудо Твое́ си́лу слове́с; те́ло бо в Тебе́ поразумева́ю па́че слова [171]171
  Сверх разумения.


[Закрыть],тече́-ния греховнаго неприя́тно[172]172
  Недоступно для греховной изменчивости.


[Закрыть]. Темже благода́рственно вопию́ Ти: и́стинно вы́шши всех еси́, Де́во Чи́стая.

Ангели и челове́цы, Девы вхождение почти́м, я́ко со сла́вою вни́де во свята́я святы́х.

Пресла́вно прообразова́ше, Чи́стая, закон Тя Скйнию и божественную Ста́мну, стра́нен Кивот, и Катапета́сму, и Жезл, Храм неразруши́мый и Дверь Бо́жию. Те́мже науча́ют Тебе́ зва́ти: и́стинно вы́шши всех еси́, Де́во Чи́стая.

Лнгели, вхожде́ние Де́вы зря́ще, удиви́шася: ка́ко богоуго́дне вни́де во свята́я святы́х.

Песнопоя́ Тебе́, провозглаша́ше Дави́д, глаго́ля Тя Дщерь Царе́ву, красото́ю доброде́телей одесну́ю предстоя́щую Бо́га ви́дев Тя упещре́ну[173]173
  Обильно украшенную.


[Закрыть]. Те́мже проро́чествуя, вопия́ше: и́стинно вы́шши всех еси́, Де́во Чи́стая.

Ангели, взыгра́йте со Святы́ми, де́вы, сликовству́йте: Богоотрокови́ца бо вни́де во свята́я святы́х.

Богоприя́тну предзря́ Соломо́н, предпропове́да Тя Одр Царе́в, живы́й Исто́чник запеча́тствован, из него́же нему́тная нам произы́де Вода́, ве́рою вопию́щим: и́стинно вы́шши всех еси́, Де́во Чи́стая.

Ангели и челове́цы, Де́ву пе́сньми да возвели́чим: боголе́пно бо вни́де во свята́я святы́х.

Подае́ши дарова́ний Твою́ тишину́, Богоро́дице, души́ мое́й, точа́щи жизнь Тебе́ чту́щим по до́лгу, Сама́ защища́ющи и покрыва́ющи, и соблюда́ющи вопи́ти Тебе́: и́стинно вы́шши всех еси́, Де́во Чи́стая.

Эксапостиларий праздника

Юже дре́вле предвозвести́ проро́ческое сосло́вие Ста́мну, и Жезл, и Скрижа́ль, и несеко́мую Го́ру, Мари́ю Богоотрокови́цу ве́рно да восхва́лим: днесь бо вво́дится во свята́я святы́х воспита́тися Го́споду.

На псалмах хвалы стихиры праздника, глас 1

Свещено́сицы де́вы, Присноде́ву све́тло провожда́юще, проро́чествуют и́стинно Ду́хом бу́дущее: Храм бо Бо́жий Богоро́дица су́щи, в храм со сла́вою де́вственною, младе́нствующи, вво́дится.

Обеща́ния свята́го и Плод благосла́вный, Богоро́дица вои́стинну яви́ся ми́ру, я́ко всех превы́шшая. Яже благоче́стно приводи́ма в храм Бо́жий, моли́тву ро́ждших исполня́ет, соблюда́ема Боже́ственным Ду́хом. Небе́сным воспита́на, Де́во, хле́бом ве́рно в хра́ме Госпо́дни, родила́ еси́ ми́ру жи́зни Хлеб, Сло́во, Ему́же, я́ко Храм избра́нный и всенепоро́чный, предобручи́-лася еси́ Ду́хом та́инственно, обручена́ Бо́гу и Отцу́. Да отве́рзется дверь богоприя́тнаго хра́ма: Храм бо всех Царя́ и Престо́л днесь со сла́вою внутрь прие́м, Иоаки́м возлага́ет, освяти́в Го́споду от Него́ избра́нную в Ма́терь Себе́.

Слава, и ныне, глас 2: Днесь в храм приво́дится Всенепоро́чная Де́ва во оби́телище Всецаря́ Бо́га и всея́ жи́зни на́шея Пита́теля; днесь Чисте́йшая Святы́ня, я́ко триле́тствующая Юница, во свята́я святы́х вво́дится; Той возопии́м, я́ко Ангел: ра́дуйся, еди́на в жена́х Благослове́нная.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

Рождество Христово

Двунадесятый праздник Рождества Христова был установлен в воспоминание рождения по плоти Господа нашего Иисуса Христа от Пресвятой Девы Марии в городе Вифлееме (Мф. 1:18–25; Лк. 2:1-20). В праздничной службе также вспоминаются события, происшедшие в течение первых лет земной жизни Богомладенца: поклонение волхвов в Вифлееме, бегство святого Семейства в Египет, убиение Иродом невинных младенцев в Вифлееме и его округе, возвращение святого Семейства из Египта и поселение в Назарете (Мф. 2:1-23).

До IV века Рождество Христово праздновалось в один день с Крещением Господним – 6(19) января, будучи объединено с ним понятием Богоявления, т. е. явления Бога миру. Позже Рождество Христово в миссионерских целях было выделено в отдельный праздник и стало праздноваться 25 декабря, в один из первых дней после зимнего солнцестояния, чтобы вытеснить остатки языческого культа солнца. Об этом свидетельствует и тропарь праздника, в котором использованы пророческие образы Солнца праведности (Мал. 4:2) и Востока с высоты (прав. Захария, отец Предтечи: Лк. 1:78) применительно к Мессии-Христу.

Рождественские песнопения исполняются с 7 по 13 января н. ст.

На вечерне стихиры праздника, глас 2

Прииди́те, возра́дуемся Го́сподеви, настоя́щую та́йну сказу́юще: средосте́ние граде́жа[174]174
  Т. е. оградительная стена рая.


[Закрыть] разруши́ся, пла́менное ору́жие плещи́ дае́т[175]175
  Обращается спиной, т. е. перестает стеречь вход в рай.


[Закрыть], и Херуви́м отступа́ет от дре́ва жи́зни, и аз ра́йския пи́щи причаща́юся, от него́же произгна́н бых преслуша́ния ра́ди. Неизме́нный бо Образ Оте́чь, Образ присносу́щия Его́, зрак раба́ прие́млет, от Неискусобра́чныя Ма́тере проше́д, не преложе́ние претерпе́в[176]176
  Не испытав изменения (Божеского естества).


[Закрыть]: е́же бо бе, пребы́сть, Бог Сый и́стинен, и е́же не бе, прия́т, Челове́к быв человеколю́бия ра́ди. Тому́ возопии́м: рожде́йся от Де́вы, Бо́же, поми́луй нас.

Го́споду Иису́су ро́ждшуся от Святы́я Де́вы, просвети́шася вся́ческая: па́стырем бо свиря́ющим и волхво́м покланя́ющимся, Ангелом воспева́ющим, Ирод мятя́шеся, я́ко Бог во пло́ти яви́ся, Спас душ на́ших. Ца́рство[177]177
  Царская власть.


[Закрыть] Твое́, Христе́ Бо́же, Ца́рство всех веко́в, и Влады́чество Твое́ во вся́ком ро́де и ро́де, воплоти́выйся от Ду́ха Свята́го и от Присноде́вы Мари́и вочелове́чивыйся, свет нам возсия́, Христе́ Бо́же, Твое́ прише́ствие; Свет от Све́та, Отчее сия́ние: всю тварь просвети́л еси́, вся́кое дыха́ние хва́лит Тя. Образ сла́вы Отчия, Сый, и пре́жде Сый, и возсия́вый от Де́вы, Бо́же, поми́луй нас.

Что́ Тебе́ принесе́м, Христе́, я́ко яви́лся еси́ на земли́ я́ко Челове́к нас ра́ди? Ка́яждо бо от Тебе́ бы́вших тва́рей благодаре́ние Тебе́ прино́сит: Ангели пе́ние, небеса́ звезду́, волсви́ да́ры, па́стырие чу́до[178]178
  Изумление, восхищение.


[Закрыть], земля́ верте́п, пусты́ня я́сли, мы же Ма́терь Де́ву. Иже пре́жде век, Бо́же, поми́луй нас.

Слава, и ныне: Августу единонача́льствующу на земли́, многонача́лие челове́ков преста́[179]179
  Т. е. с тех пор как император Октавиан Август стал править единолично (монархически), у людей прекратилось многоначалие (демократия).


[Закрыть]; и Тебе́ вочелове́чшуся от Чи́стыя, многобо́жие и́долов упраздни́ся. Под еди́нем ца́рством мирски́м гра́ди бы́ша; и во еди́но влады́чество Божества́ язы́цы ве́роваша. Написа́шася лю́дие повеле́нием ке́саревым; написа́хомся ве́рнии Именем Божества́ – Тебе́, вочелове́чшагося Бо́га на́шего. Ве́лия Твоя́ ми́лость, Го́споди, сла́ва Тебе́!

Тропарь Рождеству Христову, глас 4

Рождество́ Твое́, Христе́ Бо́же наш, возсия́ ми́рови свет ра́зума: в нем бо звезда́м служа́щий[180]180
  Т. е. волхвы.


[Закрыть] звездо́ю уча́хуся Тебе́ кла́нятися Со́лнцу пра́вды, и Тебе́ ве́дети с Высоты́ Восто́ка. Го́споди, сла́ва Тебе́!

Величание Рождеству Христову

Велича́ем Тя, Живода́вче Христе́, нас ра́ди ны́не пло́тию ро́ждшагося от Безневе́стныя и Пречи́стый Де́вы Мари́и.

Отпуст праздника

Иже в верте́пе роди́выйся и во я́слех возлегай на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х пра́ведных Дави́да царя и Ио́сифа Обру́чника, святы́х неви́нно убие́нных младе́нцев Вифлее́мских и всех святы́х, поми́луй и спаси́ нас, яко благ и Человеколю́бец.

На утрене канон Рождеству Христову, преподобного Косьмы Маюмского, глас 1

Песнь 1

Ирмос: Христо́с ражда́ется, сла́вите, Христо́с с Небе́с, сря́щите, Христо́с на земли́, возноси́теся. По́йте Го́сподеви, вся земля́, и весе́лием воспо́йте, лю́дие: я́ко просла́вися.

Слава тебе, Боже наш, слава Тебе.

Истле́вша преступле́нием по Бо́жию о́бразу бы́вшаго, всего́ тле́ния су́ща, лу́чшия отпа́дша боже́ственныя жи́зни, па́ки обновляет му́дрый Соде́тель, яко просла́вися.

Слава тебе, Боже наш, слава Тебе.

Ви́дев Зижди́тель ги́блема челове́ка, рука́ми его́же созда́, приклони́в Небеса́, схо́дит; сего́ же от Де́вы боже́ственныя Чи́стыя всего́ осуществу́ет[181]181
  Осуществляет, т. е. наделяет истинным бытием в Себе.


[Закрыть], вои́стинну вопло́щься, я́ко просла́вися.

Слава, и ныне: Му́дрость, Сло́во и Си́ла, Сын сый Отчий и Сия́ние, Христо́с Бог, сил утаи́вся, ели́ко преми́рных и ели́ко на земли́, и вочелове́чся, обнови́л есть нас, яко просла́вися.

Песнь 3

Ирмос: Прежде век от Отца́ рожде́нному нетленно Сы́ну и в последняя от Девы воплоще́нному безсе́-менно Христу́ Богу возопии́м: вознесы́й рог наш, свят еси́, Господи.

Слава тебе, Боже наш, слава Тебе.

Иже дохнове́ния прича́щся лу́чшаго Ада́м пе́рстный и к тле́нию поползся же́нскою ле́стию, Христа́ от Жены́ видя, вопие́т: Иже мене́ ра́ди по мне быв, свят еси́, Господи.

Слава тебе, Боже наш, слава Тебе.

Сообра́зен бре́нному худому соста́ву, Христе́, быв, и прича́стием плоти горшия пода́в Боже́ственнаго естества́[182]182
  Через Свою причастность низшей (по сравнению с Божеством) плоти, передав (ей нечто) от Божественной природы.


[Закрыть], зе́млен быв, и пребы́в Бог, и возвы́сивый рог наш, свят еси́, Господи.

Слава, и ныне: Вифлее́ме, весели́ся, князе́й Иу́довых сый царь: Изра́иля бо пасы́й, на ра́мехХеруви́мских, из тебе́ пройде Христос яве, и вознесы́й рог наш, над все́ми воцари́ся.

Песнь 4

Ирмос: Жезл из кбрене Иессе́ева и цвет от него, Христе́, от Де́вы прозябл еси́, из горы́ Хва́льный приосене́нныя ча́щи[183]183
  Из горы, покрытой густым лесом (прообраз Богородицы из Авв. 3: 3 по чтению Семидесяти толковников).


[Закрыть], прише́л еси́, воплбщся от Неискусому́жныя, Невеще́ственный и Боже: сла́ва си́ле Твое́й, Господи.

Слава тебе, Боже наш, слава Тебе.

Его́же дре́вле прорече́ Иа́ков язы́ков ожида́ние, Христа́, от коле́на Иу́дова возсия́л еси́, и си́лу Дама́скову, Самари́йскую же коры́сть прише́л еси́ испроврещи́[184]184
  Изъять (ср. Ис. 8: 4).


[Закрыть], лесть пременя́я в ва́ру богола́пну: сла́ва си́ле Твоа́й, Го́споди.

Слава тебе, Боже наш, слава Тебе.

Волхва́ дре́вле Валаа́ма слова́с ученики́ му́дрыя звездоблюсти́тели ра́дости испо́лнил еси́, Звезда́ от Иа́кова возсия́в, Влады́ко, язы́ков нача́ток вводи́мыя прия́л же еси́ Я́ве[185]185
  Воссияв словно звезда от Иакова, Владыка, Ты наполнил радостью премудрых звездочетов (волхвов), последователей учений древнего волхва Валаама, и их же очевидным образом принял в Свое сообщество как начаток (языческих) народов.


[Закрыть], да́ры Теба́ прия́тны принося́щия.

Слава, и ныне: Яко на руно́, во пра́во Да́вы сшел еси́ дождь, Христа́, и я́ко ка́пли, на за́млю ка́плющия. Ефио́пия и Фарси́с, и Арави́тстии о́строви же, Сава́, Ми́дов всю за́млю держа́щий, припадо́ша Теба́, Спа́се: сла́ва си́ле Твоа́й, Го́споди.

Песнь 5

Ирмос: Бог сый ми́ра, Оте́ц щедро́т, Вели́каго Сове́та Твоего́ Ангела[186]186
  В прямом смысле Вестника (т. е. Христа).


[Закрыть], мир подава́юща, посла́л еси́ нам: тем богоразу́мия к све́ту наста́влыиеся, от но́щи у́тренююще, славосло́вим Тя, Человеколюбие.

Слава тебе, Боже наш, слава Тебе.

В раба́х Ка́саревым повела́нием написа́тися поко́рься, и нас, рабы́ су́щия врага́ и греха́, свободи́л еси́, Христе́; весь же по нам обнища́в, и пе́рстнаго от самаго́ едине́ния и обще́ния богосоде́лал еси́.

Слава, и ныне: Се Де́ва, я́коже дре́вле рече́, во чре́ве прие́мши, родила́ есть Бо́га вочелове́чшася, и пребыва́ет Де́ва. Ея́же ра́ди примири́вшеся Бо́гу, гре́шнии, Богоро́дицу су́щую вои́стинну ве́рою воспои́м.

Песнь 6

Ирмос: Из утро́бы Ио́ну младе́нца изблева́ морски́й зверь, Якова́ прия́т[187]187
  Кит из своей утробы, словно младенца, изблевал Иону, каким его и принял (невредимым).


[Закрыть]; в Де́ву же все́льшееся Сло́во и плоть прие́мшее, про́йде сохра́ньшее нетле́нну: его́же бо не пострада́ нетле́ния, Ро́ждшую сохрани́ неврежде́нну[188]188
  Родившую сохранил невредимой от тления, которому и Сам был непричастен.


[Закрыть].

Слава тебе, Боже наш, слава Тебе.

Прийде вопло́щься Христо́с Бог наш из чре́ва, Его́же Оте́ц пре́жде денни́цы ражда́ет; правле́ния же держа́ пречи́стых Сил, в я́слех ско́тиях возлежи́т и пелена́ми повива́ется, разреша́ет же многоплете́нныя плени́цы прегреше́ний.

Слава, и ныне:; Юно из Ада́ма отроча́ смеше́ния[189]189
  Младое дитя из Адамова естества.


[Закрыть]роди́ся Сын и ве́рным даде́ся: бу́дущаго ве́ка Сей есть Оте́ц и Нача́льник, и нарица́ется Вели́каго Сове́та Ангел. Сей кре́пок Бог есть и держа́й о́бластию всю тварь[190]190
  Владеющий всей тварью.


[Закрыть].

Кондак Рождеству Христову, преподобного Романа Сладкопевца, глас 3

Де́ва днесь Пресу́щественнаго[191]191
  Сверхсущностного.


[Закрыть] ражда́ет, и земля́ верте́п Непристу́пному прино́сит; Ангели с па́стырьми славосло́вят, волсви́ же со звездо́ю путеше́ствуют; нас бо ра́ди роди́ся Отроча́ мла́до Преве́чный Бог[192]192
  Ибо ради нас Бог, существующий прежде веков, родился как юное Дитя.


[Закрыть].

Песнь 7

Ирмос: Отроцы, благоче́стию совоспита́ни, злочести́ваго веле́ния небре́гше, о́гненнаго преще́ния не убоя́шася, но посреде́ пла́мени стоя́ще, поя́ху: отце́в Бо́же, благослове́н еси́.

Слава тебе, Боже наш, слава Тебе.

Па́стырие свиря́юще, ужа́сно светоявле́ние получи́ша: сла́ва бо Госпо́дня облиста́ их и Ангел, воспо́йте, вопия́, я́ко роди́ся Христо́с, отце́в Бог благослове́нный.

Слава тебе, Боже наш, слава Тебе.

Внеза́пу с словом Ангеловым Небе́сная во́инства, сла́ва, вопия́ху, Бо́гу в Вы́шних, на земли́ мир, в челове́цех благоволе́ние: Христо́с возсия́, отце́в Бог благослове́нный.

Слава, и ныне: Глаго́л что́ сей? реко́ша па́стырие. Прише́дше, уви́дим бы́вшее, Боже́ственнаго Христа́. Вифлее́ма же доше́дше, с Ро́ждшею покланя́хуся, воспева́юще: отце́в Бо́же, благослове́н еси́.

Песнь 8

Ирмос: Чу́да преесте́ственнаго росода́тельная изобрази́ пещь о́браз: не бо, я́же прия́т, пали́т ю́ныя, я́ко ниже́ огнь Божества́ Де́вы, в Ню́же вни́де, утро́бу. Тем воспева́юще, воспое́м: да благослови́т тварь вся Го́спода и превозно́сит во вся ве́ки.

Слава тебе, Боже наш, слава Тебе.

Влече́т Вавило́ня дщи о́троки плене́нныя Дави́довы от Сио́на к себе́, дароно́сцы же слет[193]193
  Посылает.


[Закрыть] волхвы́ де́ти, Дави́дове богоприя́тней[194]194
  Принявшей Бога.


[Закрыть] Дще́ри моля́щияся. Тем воспева́юще, воспои́м: да благослови́т тварь вся Го́спода и превозно́сит во вся ве́ки.

Слава тебе, Боже наш, слава Тебе.

Орга́ны уклони́ша плаче́вныя пе́сни, не поя́ху бо в земли́ чужде́й о́троцы Сио́новы, вавило́нскую же разреша́ет лесть всю и мусики́йския соста́вы в Вифлее́ме возсия́в Христо́с. Тем, воспева́юще, воспои́м: да благослови́т тварь вся Го́спода и превозно́сит во вся ве́ки. Слава, и ныне: Коры́сти Вавило́н ца́рства Сио́ня и плене́нное бога́тство прия́т, сокро́вища же Христо́с в Сио́н сего́ и цари́, звездо́ю наставля́я, звездоблюсти́тели влече́т. Тем, воспева́юще, воспои́м: да благослови́т тварь вся Го́спода и превозно́сит во вся ве́ки.

Песнь 9

Вместо песни Богородицы поются особые припевы праздника:

Велича́й, душе́ моя́, Честне́йшую и Сла́внейшую Го́рних во́инств Де́ву, Пречи́стую Богоро́дицу.

Ирмос: Та́инство стра́нное ви́жу и пресла́вное: Не́бо верте́п, престо́л Херуви́мский Де́ву, я́сли вмести́лище, в ни́хже возлеже́ невмести́мый Христо́с Бог, Его́же воспева́юще, велича́ем.

Велича́й, душе́ моя́, от Де́вы Бо́га пло́тию ро́ждшагося.

Изря́дное[195]195
  Из ряда выходящее.


[Закрыть] тече́ние зря́ще волсви́ необы́чныя но́выя звезды́ новосия́ющия, Небеса́ просвеща́ющия, Христа́ Царя́ зна́менуют[196]196
  Подтвердили.


[Закрыть], на земли́ ро́ждшагося в Вифлее́ме на спасе́ние на́ше.

Велича́й, душе́ моя́, в верте́пе ро́ждшагося Царя́.

Новорожде́нное, волхво́м глаго́лющим, Отроча́ Царь, Его́же звезда́ яви́, где́ есть? Тому́ бо поклони́тися приидо́хом, яря́ся Ирод смуща́шеся[197]197
  Волновался.


[Закрыть], Христа́ уби́ти богобо́рец шата́яся[198]198
  Замышляя.


[Закрыть].

Велича́й, душе́ моя́, от волхво́в Бо́га покланя́емаго.

Испыта́ Ирод вре́мя звезды́, ея́же вожде́нием волсви́ в Вифлее́ме покланя́хуся Христу́ с да́ры; е́юже ко оте́честву наставля́еми, лю́таго детоуби́йцу оста́-виша пору́гана.

Эксапостиларий праздника

Посети́л ны есть свы́ше Спас наш, Восто́к восто́ков, и су́щии во тьме и се́ни обрето́хом и́стину, и́бо от Де́вы роди́ся Госпо́дь.

На псалмах хвалы стихиры Рождеству Христову, глас 4

Весели́теся, пра́веднии, Небеса́, ра́дуйтеся, взыгра́йте, го́ры, Христу́ ро́ждшуся! Де́ва седи́т, Херуви́мов подо́бящися, нося́щи в не́дрех Бо́га Сло́ва воплоще́нна; па́стырие рожде́нному дивя́тся; волсви́ Влады́це да́ры прино́сят; Ангели, воспева́юще, глаго́лют: непостижи́ме Го́споди, сла́ва Тебе́!

Богоро́дице Де́во, ро́ждшая Спа́са, упраздня́ла еси́ пе́рвую кля́тву Евину, я́ко Ма́ти была́ еси́ благоволе́ния Отча, нося́щи в не́дрех Бо́жие Сло́во воплоще́нное. Не терпя́т та́йна испыта́ния![199]199
  Это таинство не поддается исследованию.


[Закрыть] Ве́рою едя́ною сию́ вси сла́вим, зову́ще с Тобо́ю и глаго́люще: неизрече́нне Го́споди, сла́ва Тебе́!

Приидя́те воспоя́м Ма́терь Спа́сову, по рождестве́ па́ки я́влыпуюся Де́ву: ра́дуйся, Гра́де одушевле́нный Царя́ и Бо́га, в не́мже Христо́с пожя́в, спасе́ние соде́ла. С Гаврия́лом воспое́м, с па́стырьми просла́вим, зову́ще: Богоро́дице, моля́ из Тебе́ Воплоще́ннаго спастя́ся нам.

Отец благоизво́ли, Сло́во плоть бысть и Де́ва родя́ Бо́га вочелове́чшася: звезда́ возвеща́ет, волсви́ покланя́ются, па́стырие чудя́тся и тварь ра́дуется.

Слава, глас 6: Егда́ вре́мя е́же на зе́млю прише́ствия Твоего́, пе́рвое написа́ние[200]200
  Перепись.


[Закрыть] вселе́нней бысть, тогда́ восхоте́л еся́ челове́ков написа́ти имена́, ве́рующих рождеству́ Твоему́. Сего́ ра́ди таково́е повеле́ние от ке́саря возглася́ся: ве́чнаго бо Твоего́ Ца́рствия безнача́льное рождество́м Твои́м обнови́ся[201]201
  Потому и было провозглашено кесарем это повеление (о переписи), что Твое рождение возобновило (в истории) действие Твоей вечной царской власти, безначальной (по своей природе).


[Закрыть]. Тем Тебе́ прино́сим и мы па́че име́ннаго данносло́вия[202]202
  Сверх имущественной подати.


[Закрыть] правосла́внаго бога́тство богосло́вия, я́ко Бо́гу и Спа́су душ на́ших.

И ныне, глас 2: Днесь Христо́с в Вифлее́ме ражда́ется от Де́вы; днесь Безнача́льный начина́ется и Сло́во воплоща́ется; си́лы Небе́сныя ра́дуются и земля́ с челове́ки веселя́тся; волсви́ Влады́це да́ры прино́сят, па́стырие Рожде́нному дивя́тся. Мы же непреста́нно вопие́м: сла́ва в вы́шних Бо́гу, и на земля́ мир, в челове́цех благоволе́ние.

Отпуст праздника

Иже в верте́пе родя́выйся и во я́слех возлегя́й на́шего ра́ди спасе́ния, Го́споди Иису́се Христе́, Бо́же наш, моля́тв ра́ди Пречя́стыя Твоея́ Ма́тере, святы́х пра́ведных Давя́да царя́ и Ио́сифа Обру́чника, святы́х невя́нно убие́нных младе́нцев Вифлее́мских и всех святы́х, помя́луй и спася́ нас, я́ко благ и Человеколю́бец.