Текст книги "Греческий молитвослов. Молитвы на всякое время дня, недели и года"

В пятницу на вечерне

Стихиры всем святым, глас 6

Мученикам: Христо́вых страсте́й по стопа́м ходя́ все́ му́ченическое сосло́вие, кре́пко за́йде к подвиго́м мно́гим, и Того́ пред нечести́выми мучи́тели и беззако́нными цари́ Бо́га пропове́даша, и мно́ги му́ки претерпе́ша, по́чести ча́юще Небе́сныя восприя́ти. Ихже ны́не ви́дяще ра́дуются, и со все́ми ли́ки безпло́тных Си́л Го́сподеви предстоя́т.

Святителям: Ста́до Богоизбра́нное, Христа́ пе́рваго Па́стыря подо́бницы бы́сте, па́стырие всесвяще́ннии: сохрани́сте невре́дно до конца́ благоче́стия боже́ственная сокро́вища, отгна́вше ди́вия во́лки; то́же во огра́ду Небе́сную до́бре возведо́сте. Иде́же у́бо ны́не водворя́еми, помина́йте любо́вию ва́с восхваля́ющих, и Христу́ со дерзнове́нием моли́теся о душа́х на́ших.

Преподобным: Преподо́бно пожи́вше, отцы́ преподо́бнии вси́, бе́сы победи́сте, и со́вестная муче́ния страсте́й угаси́вше, разжже́ния до́блественне претерпе́сте, блаже́ннии, и ра́дуетеся ны́не с Небе́сными Си́лами: я́ко уподо́бистеся житию́ в пло́ти те́х Безпло́тных. С ни́миже моли́те Христа́ Преблага́го Бо́га, избавле́ние обрести́ паде́ний, ва́с почита́ющим.

Слава и ныне, Богородичен и об усопших: Моли́твами Ро́ждшия Тя, Христе́, му́ченик Твои́х, и апо́стол, и проро́к, и святи́телей, преподо́бных, и пра́ведных, и всех святы́х, усо́пшия рабы́ Твоя́ упоко́й.

Тропарь всем святым, глас 2

Апо́столи, му́ченицы и проро́цы, святи́телие, преподо́бнии и пра́веднии, до́бре по́двиг соверши́вший и ве́ру соблю́дший, дерзнове́ние иму́ще ко Спа́су, о нас Того́, я́ко бла́га, моли́те, спасти́ся, мо́лимся, душа́м на́шим.

Слава, об усопших: Помяни́, Го́споди, я́ко благ, рабы́ Твоя́, и ели́ка в житии́ согреши́ша, прости́: никто́же бо безгре́шен, то́кмо Ты, моги́й и преста́вленным да́та поко́й.

И ныне, Богородичен: Ма́ти Свята́я неизрече́ннаго Све́та, а́нгельскими Тя пе́сньми почита́юще, благоче́стно велича́ем.

Отпуст дня

Го́споди Иису́се Христе́, Бо́же наш, моли́тв ра́ди Пречи́стый Твоея́ Ма́тере, святы́х сла́вных и добропобе́дных му́чеников и страстоте́рпцев, и́же во святы́х оте́ц на́ших святи́телей, преподо́бных и праве́дных муже́й же и жен и всех святы́х, поми́луй и спаси́ нас, я́ко благ и Человеколю́бец.

В субботу на утрене

Канон святым мученикам, иерархам, преподобным и об усопших, творение преподобного Иосифа, глас 7

Песнь 1

Ирмос: Поспе́шествовавшему Бо́гу во Еги́пте Моисе́ови извести́ Израиля, Тому́ еди́ному пои́м: я́ко просла́вися.

Вси святи́и, моли́те Бо́га о нас.

Лик му́ченик нельсти́вых, вся пре́лести победи́в борца́, лику́ет ра́дуяся пред лице́м Созда́вшаго и́.

Вси святи́и, моли́те Бо́га о нас.

Святи́телие Христо́вы и преподо́бнии вси подви́гшиися, сла́дости сподо́бишася ве́чныя благода́тию.

Вси святи́и, моли́те Бо́га о нас.

Изба́ви нас, Христе́, от вся́кия я́рости моле́нием проро́к, и преподо́бных, и жен свяще́нных, и спаси́ ду́ши на́ша.

Слава, об усопших: Созда́вый мя от земли́ Слове, в зе́млю па́ки возврати́тися ми повеле́л еси́; упоко́й, и́же в ве́ре преста́вил еси́.

И ныне, Богородичен: Пречи́стая Ма́ти, я́же Бо́га Пресвято́е Сло́во Ро́ждшая, освяти́ вся любо́вию Тя сла́вящия.

Песнь 3

Ирмос: Небеса́ утверди́вый сло́вом, и земно́е основа́ние укрепи́вый на вода́х мно́гих, утверди́ мой ум в во́лю Твою́, Человеколю́бие.

Вси святи́и, моли́те Бо́га о нас.

Сокруша́еми ка́мением и в ров вмета́еми, сокруши́сте всю льсти́ваго си́лу, и не сокруше́нии умо́м, му́ченицы, пребы́сте.

Вси святи́и, моли́те Бо́га о нас.

Заре́ю боже́ственных уче́ний и доброде́телей луча́ми, прему́дрии святи́телие, ве́рныя просвеща́юще, и ересе́й мглу всю отгна́сте.

Вси святи́и, моли́те Бо́га о нас.

Умертви́вшеся ми́ру преподо́бнии Твой, Сло́ве, преми́рную вои́стинну жизнь насле́доваша: йхже ра́ди, Ще́дре, всех нас уще́дри.

Слава, об усопших: О преста́влынихся в ве́ре и наде́жди мо́лимся вей бла́гому Влады́це, поми́ловати их в час суда.

И ныне, Богородичен: Не истощи́в не́др о́тчих, Сло́во во не́дрех Твоих, Пречи́стая, Младе́нец держи́мь яви́ся, нача́ло от Тебе́ прие́м безнача́льный.

Песнь 4

Ирмос: Плотско́е прише́ствие Твое́, Христе́, уверя́я проро́к Авваку́м, взыва́ше: Сла́ва си́ле Твое́й Го́споди.

Вси святи́и, моли́те Бо́га о нас.

Укрепля́еми е́же ко Го́споду любо́вию му́ченицы, обнемощи́ша вра́жию си́лу: те́мже ублажа́ются.

Вси святи́и, моли́те Бо́га о нас.

Я́ко овча́та Па́стыря и а́гнцы, блаже́ннии иера́рси, слове́сному ста́ду предста́ете Боже́ственною Благода́тию.

Вси святи́и, моли́те Бо́га о нас.

Многосве́тлыя я́ко зве́зды, доброде́тели све́тлостию озаря́ете ве́рных исполне́ние, преподо́бнии отцы́ на́ши.

Слава, святым женам и пророкам: Едя́нственное торжество́ кре́пких жен и сосло́вие святы́х проро́к улучи́-ша небе́сныя бла́гости.

И ныне, Богородичен: Моля́, Его́же родила́ еся́ Сы́на, Всепе́тая, искуше́ний вся́ческих и скорбе́й изба́витися рабо́м Твоя́м.

Песнь 5

Ирмос: У́тренюет дух мой к Тебе́, Бо́же, зане́ Свет еся́, и Твоя́ повеле́ния бы́ша исцеле́ния рабо́м Твоя́м, Человеколюбие.

Вси святи́и, моли́теБо́га о нас.

О я́звах плотски́х нерадя́вше, кре́пцыи страда́льцы, и я́звы всех исцеля́ете и стра́сти, боже́ственными ва́шими я́звами.

Вси святи́и, моли́теБо́га о нас.

Прия́сте вла́сть решя́ти и вяза́ти на земля́, святя́телие Христо́вы: те́мже на́ша грехо́вные пленя́цы нерешя́-мыя разреши́те.

Вси святи́и, моли́теБо́га о нас.

Умо́м чи́стым Бо́гу соединя́вшеся ля́цы по́стничестии, проро́к, и пра́ведных, и жен честны́х лику́ют, ра́дующеся ликова́нием неразоря́мым.

Слава, об усопших: Яко еди́н сый Многоми́лостив, ве́рою, Христе́, преста́вленныя от жития́ рая́ сотвори́ жи́тели, Человеколюбие.

И ныне, Богородичен: Черто́г неразори́м я́вльшися Бо́гу, моли́ Того́, Всесвя́тая Де́во, черто́га мя мы́сленнаго жи́теля соде́лати.

Песнь 6

Ирмос: Ио́на из чре́ва а́дова вопия́ше: возведи́ от тли живо́т мо́й. Мы же Тебе́ вопие́м: Всеси́льне Спа́се, поми́луй нас.

Вси святи́и, моли́те Бо́га о нас.

Низложи́сте вра́жия возвыше́ния, возвыша́еми к Бо́гу в страда́ниих, всесла́внии ору́жницы, и гра́ждане небе́снии бы́сте.

Вси святи́и, моли́те Бо́га о нас.

Ересе́й зи́му отгоня́юще, Христо́вы и́стиннии святи́телие, к весне́ и́стинней мно́жество благочести́вых приведо́ша.

Вси святи́и, моли́те Бо́га о нас.

Кре́постию Твое́ю, Христе́, преподо́бных мно́жество, и проро́к, и жен святы́х, оправда́шася, и незаходи́маго Све́та наслажда́ются.

Слава, об усопших: Преста́вил еси́, Ще́дре, от вре́менных рабы́ Твоя́; но сия́ ве́чнаго весе́лия и живота́ и́стиннаго прича́стники сподо́би.

И ныне, Богородичен: Освяти́, всесвята́я Де́во, рабы́ Твоя́, Пресвято́е Сло́во пло́тию ро́ждшая, Его́же пое́т вся́кое дыха́ние, освяща́ющи[78]78
  Почитая за святое.


[Закрыть].

Песнь 7

Ирмос: В пещи́ су́ще халде́йстей, авраа́мстии о́троцы ликова́ху со́ А́нгелом, глаго́люще: оте́ц на́ших Бо́же, благослове́н еси́.

Вси святи́и, моли́те Бо́га о нас.

Тече́нии кро́вными страстоте́рпцы, нече́стия угаси́ша пла́мень, пою́ще: оте́ц на́ших Бо́же, благослове́н еси́.

Вси святи́и, моли́те Бо́га о нас.

Иера́рхи восхваля́ем, просвети́тели ми́ра бы́вшия, пою́ще: оте́ц на́ших Бо́же, благослове́н еси.

Вси святи́и, моли́те Бо́га о нас.

Пе́сньми да почту́тся про́рок и преподо́бных святы́й собо́р, пою́щих: оте́ц на́ших Бо́же, благослове́н еси́.

Слава, об усопших: Изба́ви гее́нны, я́же прия́л еси, Христе́ ще́дрый, ве́рныя рабы́ Твоя́, вопию́щия: отец на́ших Бо́же, благослове́н еси́.

И ныне, Богородичен: Яко Ангел честне́йшую, Богоро́дицу песносло́вим, вопию́ще: оте́ц на́ших Бо́же, благослове́н еси.

Песнь 8

Ирмос: В пещи́ о́троки подража́юще, духо́вную ро́су прие́мыши, ве́рою зове́м: благослови́те, дела́ Госпо́дня, Го́спода.

Вси святи́и, моли́те Бо́га о нас.

Хра́мы и́дольския разверго́сте, всесла́внии, и хра́мы созда́ете себе́ Ду́ху, страстоте́рпцы, хра́брски тече́ние сконча́вше.

Вси святи́и, моли́те Бо́га о нас.

Яви́стеся яко цве́ти благоуха́ннии, святи́телие, ра́зумом ду́ши ве́рных веселя́ще благоче́стия: те́мже досто́йно блажи́ми есте́.

Вси святи́и, моли́те Бо́га о нас.

Зе́млю всю проше́дше, преподо́бнии, и Бо́жии прише́льцы проро́цы бы́сте, вы́шнее соблюда́юще наслажде́ние и сла́ву при́сно пребыва́ющую.

Слава, об усопших: Яко живы́х и ме́ртвых, Сло́ве Господи, иже ве́рою усо́пшия рабы́ Твоя́, лико́м сочета́й спаса́емых всех, яко Еди́н Человеколю́бец.

И ныне, преподобным женам и Богородице: Жен всех сосло́вие, посто́м и страда́нием взыска́вших Го́спода, мо́лится непреста́нно боже́ственному лицу́ Твоему́, Пречи́стая.

Песнь 9

Ирмос: Па́че естества́ Ма́терь и по естеству́ Де́ву, еди́ну в жена́х Благослове́нную, пе́сньми ве́рнии Богоро́дицу велича́ем.

Вси святи́и, моли́те Бо́га о нас.

Свяще́нных му́ченик, и проро́к, и пра́ведных, от ве́ка до́бре жи́вших, моли́твами их, Христе́, ду́ши на́ша поми́луй.

Вси святи́и, моли́те Бо́га о нас.

Яко служи́тели Влады́це, священнотаи́нницы я́вльшеся, совокупи́стеся слуга́м небе́сным: с ни́миже о нас моле́ния принеси́те.

Вси святи́и, моли́те Бо́га о нас.

С жена́ми блаже́нное сконча́вшия тече́ние, почти́м по́стническия ли́ки святы́я: яко да тех моли́твами улучи́м свяще́ние.

Слава, об усопших: Ея́же сподо́бишася сла́вы святы́х всех ликостоя́ния, Христе́, преста́вленныя сподо́би причасти́тися, православно́ Тебе́ послужи́вшия.

И ныне, Богородичен: Грехолюби́в сый, суди́ща стра́шнаго трепе́щу Ро́ждшагося из Тебе́, Чи́стая, в не́мже мя, яко Блага́я, неосужде́на соблюди́.

Эксапостиларий всем святым и об усопших

Иже и ме́ртвыми и живы́ми облада́яй я́ко Бог и святы́ми Твои́ми всю зе́млю просвети́вый, Соде́телю всех, пою́щия Тя спаса́й.

Слава, и ныне: Богородичен: Мы о Тебе́ хва́лимся, Богоро́дице, и к Бо́гу Тя и́мамы предста́тельство: простри́ ру́ку Твою́ необори́мую, и сокру́ши враги́ на́ша, Твои́м низпосли́ рабо́м по́мощь от свята́го.

Отпуст дня

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и добропобе́дных му́чеников и страстоте́рпцев, я́же во святы́х оте́ц на́ших святи́телей, преподо́бных и праве́дных муже́й же и жен и всех святы́х, поми́луй и спаси́ нас, я́ко благ и Человеколю́бец.

В субботу на вечерне

Стихиры Воскресению Христову, глас 6

Побе́ду име́я, Христе́, ю́же на а́да, на Крест возше́л еси́: да во тьме сме́рти седя́щия воскреси́ши с Собо́ю, И́же в ме́ртвых свобо́дь, источа́яй живо́т от Своего́ све́та, всеси́льне Спа́се, поми́луй нас.

Днесь Христо́с смерть попра́в, я́коже рече́, воскре́се, и ра́дование ми́рови дарова́, да вси взыва́юще, песнь та́ко рцем: Исто́чниче жи́зни, непристу́пный Све́те, всеси́льне Спа́се, поми́луй нас.

Тебе́, Го́споди, Су́щаго по всей тва́ри, гре́шнии ка́мо бежи́м? На Небеси́ Сам живе́ши; во а́де попра́л еси́ смерть; во глубины́ морскйя, та́мо рука́ Твоя́, Влады́ко. К Тебе́ прибега́ем, Тебе́ припа́дающе мо́лимся: Воскресы́й из ме́ртвых, поми́луй нас.

Слава, и ныне: Богородичен догматик: Кто́ Тебе́ не ублажи́т, Пресвята́я Де́во! Кто́ ли не воспое́т Твоего́ Пречи́стаго Рождества́! Безле́тно бо от Отца́ возсия́вый Сын Единоро́дный, То́йже от Тебе́, Чи́стыя, про́йде, неизрече́нно вопло́щся, естество́м Бог сый, и естество́м быв Челове́к нас ра́ди, не во двою́ лицу́ разделя́емый, но во двою́ естеству́ несли́тно познава́емый. Того́ моли́, Чи́стая, Всеблаже́нная, поми́ловатися душа́м на́шим.

Тропарь Воскресению Христову, глас 6

Ангельския Си́лы на гро́бе Твое́м, и стрегу́щии омертве́ша; и стои́те Мари́я во гро́бе, и́щущи пречи́стаго Те́ла Твоего́. Плени́л еси́ ад, не искуси́вся от него́; сре́тил еси́ Де́ву, да́руяй живо́т. Воскресы́й из ме́ртвых, Го́споди, сла́ва Тебе́.

Слава, и ныне: Богородичен: Благослове́нную нареки́й Твою́ Ма́терь, прише́л еси́ на страсть во́льным хоте́нием, возсии́в на Кресте́, взыска́ти хоти́ Ада́ма, глаго́ля а́нгелом: сра́дуйтеся Мне, я́ко обре́теся поги́бшая дра́хма. Вся му́дре устро́ивый, Бо́же наш, сла́ва Тебе́!

Отпуст дня

Воскресы́й из ме́ртвых, Го́споди Иису́се Христе́, Бо́же наш, моли́тв ра́ди Пречи́стыя Твоеи́ Ма́тере, святы́х сла́вных и всехва́льных апо́стол, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

В воскресенье на утрене

Перед каноном поется песнь Воскресению Христову, глас 6:

Воскресе́ние Христо́во ви́девше, поклони́мся Свято́му Го́споду Иису́су, еди́ному Безгре́шному. Кресту́ Твоему́ покланя́емся, Христе́, и свято́е воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те, вси ве́рнии, поклони́мся свято́му Христо́ву воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м воскресе́ние Его́: распя́тие бо претерпе́в, сме́ртию смерть разруши́.

Канон Воскресению Христову, глас 6

Песнь 1

Ирмос: я́ко по су́ху пешеше́ствовав Изра́иль, по бездне стопа́ми, гони́теля фарао́на ви́дя потопля́ема, Бо́гу побе́дную песнь пойм, вопия́ше.

Сла́ва, Го́споди, свято́му Воскресе́нию Твоему́. Распросте́ртыма дла́ньма на Кресте́, оте́ческаго испо́лнил еси́ благоволе́ния, благи́й Иису́се, вся́ческая; те́мже побе́дную песнь Тебе́ вси пойм.

Сла́ва, Го́споди, свято́му Воскресе́нию Твоему́. Стра́хом к Тебе́, я́ко рабы́ня, смерть повеле́на приступи́ Влады́це живота́, то́ю подаю́щему нам безконе́чный живо́т и воскресе́ние.

Слава, и ныне: Богородичен: Своего́ прие́мши Соде́теля, я́ко Сам восхоте́, от безсе́меннаго Твоего́ чре́ва, па́че ума́ воплоща́ема, Чи́стая, тва́рей вои́стинну яви́лася еси́, Влады́чица.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог ве́рных Твои́х, Бли́же, и утверди́вый нас на ки́мени испове́дания Твоего́.

Сла́ва, Го́споди, свято́му Воскресе́нию Твоему́. Бо́га распина́ема пло́тик» зря́щи тварь, растаява́шеся стра́хом; но содержи́тельною дла́нию нас ра́ди Распя́таго, кре́пко держи́ма бе.

Сла́ва, Го́споди, свято́му Воскресе́нию Твоему́. Сме́ртию смерть разоре́на лежи́т окая́нная без дыха́ния: Живота́ бо не терпя́щи боже́ственнаго прираже́ния, умерщвля́ется кре́пкий, и да́руется всем воскресе́ние.

Слава, и ныне: Богородичен: Боже́ственнаго рождества́ Твоего́, Чи́стая, вся́кий естества́ чин превосхо́дит чу́до: Бо́га бо преесте́ственне зачала́ еси́ во чре́ве, и ро́ждши пребыва́еши при́сно Де́ва.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыви́ющи, от смы́сла чи́ста о Го́споде пра́зднующи.

Сла́ва, Го́споди, свято́му Воскресе́нию Твоему́. Дре́во процвело́ есть, Христе́, и́стинныя жи́зни: Крест бо водрузи́ся, и напое́н быв кро́вию и водо́ю от нетле́ннаго Твоего́ ребра́, живо́т нам прозябе́.

Сла́ва, Го́споди, свято́му Воскресе́нию Твоему́.

Не ктому́ змий мне лбжне обоже́ние подлага́ет: Христо́с бо богоде́латель челове́ческаго естества́, ны́не невозбра́нно стезю́ живота́ мне отве́рзе.

Слава, и ныне: Богородичен: я́ко вои́стинну неизвеща́нна и непостижи́ма, я́же Твоего́ боголе́пнаго, Богоро́дице, суть рождества́, су́щим на земли́ и на Небеси́, Присноде́во, та́инства.

Песнь 5

Ирмос: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Сла́ва, Го́споди, свято́му Воскресе́нию Твоему́.

Уступа́ют мне херуви́ми ны́не, и пла́менное ору́жие, Влады́ко, плещи́ мне дае́т, Тя ви́девше, Сло́ве Бо́жий, и́стиннаго Бо́га, разбо́йнику путь сотво́ршаго в рай.

Сла́ва, Го́споди, свято́му Воскресе́нию Твоему́.

Не ктому́ бою́ся, е́же в зе́млю, Влады́ко Христе́, возвраще́ния: Ты бо от земли́ мя возве́л еси́ забве́нна, благоутро́бия ра́ди мно́гаго, к высоте́ нетле́ния воскресе́нием Твои́м.

Слава, и ныне: Богородичен: И́же Богоро́дицу Тя от души́, Влады́чице ми́ра блага́я, испове́дающих спаси́: Тебе́ бо предста́тельство непобори́мое и́мамы, и́стинную Богороди́тельницу.

Песнь 6

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Сла́ва, Го́споди, свято́му Воскресе́нию Твоему́.

Распина́емь, Влады́ко, гвоздьми́ у́бо, кля́тву ю́же на нас потреби́л еси́; копие́м же пробода́емь в ребро́, ада́мово рукописа́ние растерза́в, мир свободи́л еси́.

Сла́ва, Го́споди, свято́му Воскресе́нию Твоему́.

Ада́м низведе́ся, ле́стию запя́т быв, ко а́дове про́пасти; но я́же естество́м Бог же и ми́лостив, сшел еси́ на взыска́ние, и на ра́му поне́с, совоскреси́л еси́.

Слава, и ныне: Богородичен: Пречи́стая Влады́чице, ро́ждшая челове́ком ко́рмчию Го́спода, страсте́й мои́х непостоя́нное и лю́тое утоли́ смуще́ние, и тишину́ пода́ждь се́рдцу моему́.

Кондак Воскресению Христову, глас 6

Живонача́льною дла́нию уме́ршия от мра́чных удо́лий, Жизнода́вец воскреси́в всех Христо́с Бог, воскресе́ние подаде́ челове́ческому ро́ду: есть бо всех Спаси́тель, Воскресе́ние и Живо́т, и Бог всех.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Сла́ва, Го́споди, свято́му Воскресе́нию Твоему́.

Рыда́ющее во стра́сти Твое́й со́лнце, во мрак облече́ся, и во дни по всей, Влады́ко, земли́ свет поме́рче, вопия́: благослове́н еси́, Бо́же оте́ц на́ших.

Сла́ва, Го́споди, свято́му Воскресе́нию Твоему́.

Облеко́шася, Христе́, схожде́нием Твои́м во свет преиспо́дняя, пра́отец же весе́лия испо́лнь, яви́ся ликовству́я, взыгра́ся, вопия́: благослове́н еси́, Бо́же оте́ц на́ших.

Слава, и ныне: Богородичен: Тобо́ю, Ма́ти Де́во, свет возсия́ всей вселе́нней све́тлый: Зижди́теля бо Ты всех родила́ еси́ Бо́га, Его́же проси́, Всечи́стая, нам низпосла́ти ве́рным ве́лию ми́лость.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти. Тя превозно́сим во вся ве́ки.

Сла́ва, Го́споди, свято́му Воскресе́нию Твоему́.

Иуде́йския дре́вле пророкоуби́йцы лю́ди, богоуби́йцы за́висть ны́не соде́ла, Тебе́ на Крест возне́сшия, Сло́ве Бо́жий: Его́же превозно́сим во вся ве́ки.

Сла́ва, Го́споди, свято́му Воскресе́нию Твоему́.

Небе́снаго кру́га не оста́вил еси́, и во ад соше́д, всего́ совоздви́гл еси́ лежа́щаго во гно́ищи, Христе́, челове́ка, Тя превознося́ща во вся ве́ки.

Слава, и ныне: Богородичен: От Све́та Светода́вца Сло́ва зачала́ еси́, и ро́ждши неизрече́нно Сего́, просла́вилася еси́: Дух бо в Тя, Отрокови́це, Бо́жий всели́ся. Те́мже Тя пое́м во вся ве́ки.

Песнь 9

Ирмос: Бо́га челове́ком не возмо́жно ви́дети, на Него́же не сме́ют чи́ни Ангельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́й Тя ублажа́ем.

Сла́ва, Го́споди, свято́му Воскресе́нию Твоему́.

Страсте́й неприча́стен Ты пребы́л еси́, Сло́ве Бо́жий, пло́тию приобщи́вся страсте́м; но реши́ши от страсте́й челове́ка, страсте́м быв страсть, Спа́се наш: еди́н бо еси́ безстра́стен, и всеси́лен.

Сла́ва, Го́споди, свято́му Воскресе́нию Твоему́.

Тлю сме́ртную прие́м, тле́ния соблю́л еси́ те́ло Твое́ невку́сно, Твоя́ же животворя́щая и боже́ственная, Влады́ко, душа́ во а́де не оста́влена бысть; но я́коже от сна воскре́с, нас совоздви́гл еси́.

Слава, и ныне:, Троичен: Бо́га Отца́, Сы́на собезнача́льна, вси челове́цы устна́ми у́бо чистыми сла́вим, неизрече́нную же и пресла́вную Ду́ха Всесвята́го силу чтим: едина бо еси́ всеси́льная Троица неразлу́чная.

Эксапостиларий Воскресению

Яко Христос воскре́се, никто́же не неве́руй: яви́ся бо Мари́и, потом же ви́ден бысть на село́ иду́щима, тайнником же па́ки яви́ся возлежа́щим еди́номуна́десятим, йхже креща́ти посла́в, на Небеса́ вознесе́ся, отню́дуже и сни́де, утвержда́я пропове́дание мно́жествы зна́мений.

Слава, и ныне: Богородичен: Возсия́вшее Солнце, я́ко от черто́га жени́х, из гроба днесь, и ад плени́в, и смерть упраздни́в; Тебе Ро́ждшия моли́твами свет нам низпосли́, свет просвеща́ющ сердца́ и ду́ши, свет ходи́ти наставля́ющ на стези́ повеле́ний Твоих и на путь ми́ра.

На псалмах хвалы стихиры Воскресению, глас 6

Го́споди, ве́лие и стра́шно есть Твоего́ воскресе́ния та́инство: та́ко бо произше́л еси́ от гро́ба, я́ко жени́х от черто́га, сме́ртию смерть разруши́вый, да Ада́ма свободи́ши. Те́мже на Небеса́х Ангели ликовству́ют, и на земли́ челове́цы сла́вят, е́же на нас бы́вшее благоутро́бие Твое́, Человеколю́бче.

О пребеззако́ннии иуде́е, где суть печа́ти и сре́бреницы, я́же да́ете во́ином? Не укра́дено бысть сокро́вище, но воскре́се, я́ко си́лен: са́ми же посрами́стеся отве́ргшиися Христа́, Го́спода сла́вы, пострада́вша и погребе́нна, и воскре́сша из ме́ртвых: Тому́ поклони́мся. Запеча́тану гро́бу, ка́ко окра́дени бы́сте иуде́е, стра́жи поста́влыне и зна́мения поло́жше, две́рей заключе́нным про́йде Царь? Или́ я́ко ме́ртва предста́вите, или́ я́ко Бо́гу поклони́теся, с на́ми пою́ще: сла́ва, Го́споди, Кресту́ Твоему́ и воскресе́нию Твоему́. Живоприя́тнаго Твоего́ гро́ба, мироно́сицы жены́ рыда́юща, достиго́ша, Го́споди, и ми́ра носяща, те́ло Твое́ пречистое помазати искаху: обретоша же светоносна Ангела на ка́мени седя́ща, и к ним веща́юща, и глаго́люща: что слезите́, из ребр источи́вшаго жизнь ми́рови? Что и́щете я́ко ме́ртва во гро́бе Безсме́ртнаго? Те́кша же па́че возвести́те Того́ ученико́м, сла́внаго Его́ воскресе́ния всеми́рное ра́дование, и́мже и нас, Спа́се, просвети́вый, да́руй очище́ние и ве́лию ми́лость.

Слава, и ны́не, Богородичен: Преблагослове́нна еси́, Богоро́дице Де́во, Вопло́щшим бо ся из Тебе́ ад плени́ся, Ада́м воззва́ся, кля́тва потреби́ся, Ёва свободи́ся, смерть умертви́ся, и мы ожи́хом. Тем воспева́юще вопие́м: благослове́н Христо́с Бог, благоволи́вый та́ко, сла́ва Тебе́.

Отпуст дня

Воскресы́й из ме́ртвых, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных апо́стол, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.