Текст книги "Греческий молитвослов. Молитвы на всякое время дня, недели и года"

Ей, Бо́же, единосу́щне Отцу́ и нам, Бо́жий Сло́ве, вся́ко бу́ди ми, Своему́ рабу́, и Боже́ственных Твои́х даро́в причаще́нием соеди́нися мне в еди́н дух, по я́же ко Отцу́ Твоему́ и Бо́гу, нас ра́ди недосто́йных моле́нием, я́ко плоть от пло́ти Твоея́ есмь и кость от косте́й Твои́х, и Тебе́ нося́ есмь от Боже́ственнаго креще́ния, а́ще бо и оде́жду Твою́ оскверни́х. Ты́ бо еси́ реки́й: яды́й Мою́ Плоть и пия́й Мою́ Кровь, Аз в нем пребыва́ю, и той во Мне, и Твоя́ есть сла́ва во ве́ки веко́в. Ами́нь.

Молитва 4-я, святителя Иоанна Златоуста

Го́споди Бо́же мой, вем, я́ко несмь досто́ин, ниже́ дово́лен, да под кров вни́деши хра́ма души́ моея́, зане́-же весь пуст и па́лея есть, и не ймаши во мне ме́ста досто́йна е́же главу́ подклони́ти; но я́коже с высоты́ нас ра́ди смири́л еси́ Себе́, смири́ся и ны́не смире́нию моему́; и я́коже восприя́л еси́ в верте́пе и в я́слех безслове́сных возлещи́, си́це восприими́ и в я́слех безслове́сныя моея́ души, и во оскверне́нное мое́ те́ло вни́ти. И я́коже не неудостойл еси́ вни́ти и свечеря́ти со гре́шники в дому́ Сймона прокаже́ннаго, та́ко изво́ли вни́ти и в дом смире́нныя моея́ души́, прокаже́нныя и гре́шныя; и я́коже не отри́нул еси́ подо́бную мне блудни́цу и гре́шную, прише́дшую и прикосну́вшуюся Тебе́, си́це умилосе́рдися и о мне гре́шней, приходя́щем и прикаса́ющем Ти ся; и я́коже не возгнуша́лся еси́ скве́рных ея́ уст и нечи́стых, целу́ющих Тя, ниже́ мои́х возгнуша́йся скве́рнших о́ныя уст и нечи́стших, ниже́ ме́рзких мои́х и нечи́стых усте́н, и скве́рнаго и нечи́стейшаго моего́ язы́ка. Но да бу́дет ми угль Пресвята́го Твоего́ Те́ла, и Честны́я Твоея́ Кро́ве, во освяще́ние и просвеще́ние и здра́вие смире́нней мое́й души́ и те́лу, во облегче́ние тя́жестей мно́гих мои́х согреше́ний, в соблюде́ние от вся́каго диа́вольскаго де́йства, во отгна́ние и возбране́ние зла́го моего́ и лука́ваго обы́чая, во умерщвле́ние страсте́й, в снабде́ние за́поведей Твои́х, в приложе́ние Боже́ственныя Твоея́ благода́ти, и Твоего́ Ца́рствия присвое́ние. Не бо я́ко презира́яй прихожду́ к Тебе́, Христе́ Бо́же, но я́ко дерза́я на неизрече́нную Твою́ бла́гость, и да не на мно́зе удаля́яйся обще́ния Твоего́, от мы́сленнаго во́лка звероуловле́н бу́ду. Те́мже молю́ся Тебе́: я́ко еди́н сый Свят, Влады́ко, освяти́ мою́ ду́шу и те́ло, ум и се́рдце, чревеса́ и утро́бы, и всего́ мя обнови́, и вкорени́ страх Твой во удесе́х мои́х, и освяще́ние Твое́ неотъе́млемо от мене́ сотвори́; и бу́ди ми помо́щник и засту́пник, окормля́я в ми́ре живо́т мой, сподобля́я мя и одесну́ю Тебе́ предстоя́ния со святы́ми Твои́ми, моли́твами и моле́ньми Пречи́стыя Твоея́ Ма́тере, невеще́ственных Твои́х служи́телей и пречи́стых Сил, и всех святы́х, от ве́ка Тебе́ благоугоди́вших. Ами́нь.

Молитва 5-я, святителя Иоанна Златоуста

Влады́ко Человеколю́бие Го́споди Иису́се Христе́, Бо́же мо́й, на щедро́ты Твоя́ наде́яся молю́ Тя, да не поста́виши мене́ ошу́юю Себе́ с ко́злищи прогне́вавшими Тя, ниже́ рцы ми: ами́нь глаго́лю тебе́, не вем тебе́, но да́ждь ми по бла́гости Твое́й плач всегда́ и умиле́ние, и смире́ние се́рдцу моему́, и очи́сти е́ стра́хом Твои́м, причаще́ния ра́ди пречи́стых и животворя́щих Твои́х Та́ин, я́ко да бу́дет це́рковь Твоея́ благода́ти. Аще бо и зело́ гре́шен есмь и недосто́ин, но у́бо всегда́ в две́ри Твоя́ толку́. Аще уньш есмь и лени́в и о свое́м спасе́нии небреги́й, но оба́че в путь Твой ше́ствую. Спаси́ мя ра́ди ми́лости Твоея́, я́ко благослове́н еси́, Го́споди, вся́ческим, и щедро́ты Твоя́ на всех де́лех Твои́х, и Твоя́ есть держа́ва во ве́ки. Ами́нь.

Молитва 6-я, преподобного Иоанна Дамаскина

Влады́ко Го́споди Иису́се Христе́, Бо́же наш, еди́не име́яй власть челове́ком оставля́ти грехй, я́ко благ и Человеколю́бец пре́зри моя́ вся в ве́дении и не в ве́дении прегреше́ния, и сподо́би мя неосужде́нно причасти́тися Боже́ственных, и пресла́вных, и пречи́стых, и животворя́щих Твои́х Та́ин, не в тя́жесть, ни в му́ку, ни в приложе́ние грехо́в, но во очище́ние, и освяще́ние, и обруче́ние бу́дущаго живота́ и Ца́рствия, в сте́ну и по́мощь, и в возраже́ние сопроти́вных, во истребле́ние мно́гих мои́х согреше́ний. Ты бо еси́ Бог ми́лости, и щедро́т, и человеколю́бия, и Тебе́ сла́ву возсыла́ем, со Отце́м и Святы́м Ду́хом, ны́не и при́сно и во ве́ки веко́в. Ами́нь.

Молитва 7-я, святителя Василия Великого

Вем, Го́споди, я́ко недосто́йне причаща́юся Пречи́стаго Твоего́ Те́ла и Честны́я Твоея́ Кро́ве, и пови́нен есмь, и суд себе́ ям и пию́, не разсужда́я Те́ла и Кро́ве Тебе́, Христа́ и Бо́га моего́, но на щедро́ты Твоя́ дерза́я прихожду́ к Тебе́ ре́кшему: яды́й Мою плоть, и пия́й Мою́ кровь, во Мне пребыва́ет, и Аз в нем. Умилосе́рдися у́бо, Го́споди, и не обличи́ мя гре́шнаго, но сотвори́ со мно́ю по ми́лости Твое́й; и да бу́дут ми свята́я сия́ во исцеле́ние, и очище́ние, и просвеще́ние, и сохране́ние, и спасе́ние, и во освяще́ние души́ и те́ла; во отгна́ние вся́каго мечта́ния, и лука́ваго дея́ния, и де́йства диа́вольскаго, мы́сленне во удесе́х мои́х де́йствуемаго, в дерзнове́ние и любо́вь, я́же к Тебе́; во исправле́ние жития́ и утвержде́ние, в возраще́ние доброде́тели и соверше́нства; во исполне́ние за́поведей, в Ду́ха Свята́го обще́ние, в напу́тие живота́ ве́чнаго, во отве́т благоприя́тен на Стра́шней Суди́щи Твое́м: не в суд или́ во осужде́ние.

Молитва 8-я, святителя Иоанна Златоуста

Бо́же, осла́би, оста́ви, прости́ ми согреше́ния моя́, ели́ка Ти согреши́х, а́ще сло́вом, а́ще де́лом, а́ще помышле́нием, во́лею или́ нево́лею, ра́зумом или́ неразу́мием, вся ми прости́, я́ко благ и Человеколю́бец, и моли́твами Пречи́стыя Твоея́ Ма́тере, у́мных Твои́х служи́телей и святы́х Сил, и всех святы́х, от ве́ка Тебе́ благоугоди́вших, неосужде́нно благоволи́ прия́ти ми свято́е и Пречи́стое Твое́ Те́ло и Честну́ю Кровь, во исцеле́ние души́ же и те́ла, и во очище́ние лука́вых мои́х помышле́ний. Яко Твое́ есть ца́рство и си́ла и сла́ва, со Отце́м и Святы́м Ду́хом, ны́не и при́сно и во ве́ки веко́в. Ами́нь.

Молитва 9-я, святителя Иоанна Златоуста

Ве́рую, Го́споди, и испове́дую, я́ко Ты́ еси́ вои́стинну Христо́с, Сын Бо́га живо́го, прише́дый в мир гре́шныя спасти́, от ни́хже пе́рвый есмь о́з. Еще́ ве́рую, я́ко сие́ есть самое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя, и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причасти́тися пречи́стых Твои́х Та́инств, во оставле́ние грехо́в и в жизнь ве́чную. Ами́нь.

Молитва 10-я, святителя Иоанна Златоуста

Не́смь дово́лен, Влады́ко Го́споди, да вни́деши под кров души́ моея́; но поне́же хо́щеши Ты, я́ко Человеколю́бец, жи́ти во мне, дерза́я приступа́ю; повелева́еши, да отве́рзу две́ри, я́же Ты еди́н созда́л еси́, и вни́деши со человеколю́бием я́коже еси́, вни́деши и просвеща́еши помраче́нный мой по́мысл. Ве́рую, я́ко сие́ сотвори́ши: не бо блудни́цу, со слеза́ми прише́дшую к Тебе́, отгна́л еси́; ниже́ мытаря́ отве́ргл еси́ пока́явшася; ниже́ разбо́йника, позна́вша Ца́рство Твое́, отгна́л еси́; ниже́ гони́теля пока́явшася оста́вил еси́, е́же бе: но от покая́ния Тебе́ прише́дшия вся в ли́це Твои́х друго́в вчини́л еси́, Еди́н сый благослове́нный всегда́, ны́не и в безконе́чныя ве́ки. Ами́нь.

Молитва 11-я, святителя Иоанна Златоуста

Го́споди Иису́се Христе́, Бо́же мой, осла́би, оста́ви, очи́сти и прости́ ми гре́шному, и непотре́бному, и недосто́йному рабу́ Твоему́ прегреше́ния, и согреше́ния, и грехопаде́ния моя́, ели́ка Ти от ю́ности моея́, да́же до настоя́щаго дне и часа́ согреши́х: а́ще в ра́зуме и в неразу́мии, а́ще в словесе́х или́ де́лех, или́ помышле́ниих и мы́слех, и начина́ниих, и всех мои́х чу́вствах. И моли́твами безсе́менно Ро́ждшия Тя, Пречи́стыя и Присноде́вы Мари́и, Ма́тере Твоея́, еди́ныя непосты́дныя наде́жды и предста́тельства и спасе́ния моего́, сподо́би мя неосужде́нно причасти́тися пречи́стых, безсме́ртных, животворя́щих и стра́шных Твои́х Та́инств, во оставле́ние грехо́в и в жизнь ве́чную: во освяще́ние, и просвеще́ние, кре́пость, исцеле́ние, и здра́вие души́ же и те́ла, и в потребле́ние и всесоверше́нное погубле́ние лука́вых мои́х помысло́в, и помышле́ний, и предприя́тий, и нощны́х мечта́ний, те́мных и лука́вых духо́в; я́ко Твое́ есть ца́рство, и си́ла, и сла́ва, и честь, и поклоне́ние, со Отце́м и Святы́м Твои́м Ду́хом, ны́не и при́сно и во ве́ки веко́в. Ами́нь.

Молитва 12-я, святителя Иоанна Златоуста

Влады́ко Го́споди Человеколю́бие, да не во осужде́ние ми бу́дет прича́стие святы́х Твои́х Та́ин, но во очище́ние и освяще́ние души́ и те́лу, и во обре́тение бу́дущия жи́зни и Ца́рствия, я́ко благослове́н еси́ во ве́ки. Ами́нь.

Молитва 13-я, преподобного Иоанна Дамаскина

Уя́звен есмь аз се́рдцем, и иста́я мя ре́вность Твоя́, и измени́ мя любо́вь Твоя́, Влады́ко, свя́зан есмь жела́нием Твои́м: да испо́лнюся от Твоея́ пло́ти, да насы́щуся живо́тныя и боготвори́выя Твоея́ Кро́ве, да восприиму́ Твои́х благ, да напита́юся Твоего́ Божества́, досто́ин да бу́ду усре́сти Тя гряду́ща со сла́вою на возду́шнем восхище́нии на о́блацех со все́ми избра́нными Твои́ми, я́ко да пою́, и покланя́юся, и сла́влю Тя благода́рно во испове́дании со Безнача́льным Твои́м Отце́м и с Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Молитва 14-я, преподобного Иоанна Дамаскина

На мно́жество щедро́т Твои́х взира́я и пучи́ну человеколю́бия Твоего́, Христе́ Бо́же, се ны́не дерзну́х приступи́ти, жела́ние име́я причасти́тися святы́м Твои́м и животворя́щим Та́йнам. Стра́хом и у́жасом одержи́м, бою́ся прикосну́тися за мно́жество грехо́в мои́х, да не вме́сто просвеще́ния опале́н бу́ду. Те́мже молю́тися и припа́даю, Преблаги́й и Чу́дный Царю́: прости́ согреше́ния моя́ во́льная и нево́льная, и сподо́би мя неосужде́нно прия́ти Пречи́стое Те́ло Твое́ и Честну́ю Кро́вь Твою́ в просвеще́ние, в наслажде́ние, в ра́дость и весе́лие души́ и те́лу моему́, ны́не и при́сно и во ве́ки веко́в. Ами́нь.

Молитва 15-я, преподобного Иоанна Дамаскина

Го́споди, да́ждь ми́лость ненави́дящим мя и вражду́ющим ми, и поноша́ющим ми, та́кожде и оклевета́ющим мя, да никто́же ника́коже от них мене́ ра́ди нечи́стаго зло не́како[369]369
  Какое-либо.


[Закрыть] постра́ждет ни в нынешнем, ни в бу́дущем ве́це, но очи́сти их ми́лостию Свое́ю и покры́й их благода́тию Свое́ю, Благи́й.

Молитва 16-я, преподобного Иоанна Дамаскина

Пред две́рьми хра́ма Твоего́ предстою и лютых помышле́ний не отступа́ю; но Ты, Христе́ Бо́же, мытаря́ оправди́вый, и ханане́ю поми́ловавый, и разбо́йнику рая́ две́ри отве́рзый, отве́рзи ми утро́бы человеколю́бия Твоего́, и приими́ мя приходя́ща и прикаса́ющася Тебе́, я́ко блудни́цу и кровоточи́вую: о́ва у́бо кра́я ри́зы Твоея́ косну́вшися, удо́бь исцеле́ние прия́т, о́ва же пречи́стеи Твои́ но́зе удержа́вши, разреше́ние грехо́в понесе́. Аз же, окая́нный, все Твое́ Те́ло дерза́я восприя́ти, да не опале́н бу́ду; но приими́ мя, я́коже о́ныя, и просвети́ моя́ душе́вныя чу́вства, попаля́я моя́ грехо́вныя вины́, моли́твами безсе́менно Ро́ждшия Тя и Небе́сных Сил. я́ко благослове́н еси́ во ве́ки веко́в. Ами́нь.

Молитва 17-я, преподобного Симеона Метафраста

Еди́не чи́стый и нетле́нный Го́споди, за неизрече́нную ми́лость человеколю́бия на́ше все восприе́-мый смеше́ние, от чи́стых и де́вственных крове́й па́че естества́ Ро́ждшия Тя, Ду́ха Боже́ственнаго наше́ствием, и благоволе́нием Отца́ присносу́щнаго, Христе́ Иису́се, прему́дросте Бо́жия, и ми́ре, и си́ло; Твои́м восприя́тием животворя́щая и спаси́тельная страда́ния восприе́мый, Крест, гво́здия, копие́, смерть, умертви́ моя душетле́нныя стра́сти теле́сныя. Погребе́нием Твои́м а́дова плени́вый ца́рствия, погреби́ моя́ благи́ми по́мыслы лука́вая сове́тования, и лука́вствия ду́хи разори́. Тридне́вным Твои́м и живоно́сным воскресе́нием па́дшаго пра́отца возста́вивый, возста́ви мя грехо́м попо́лзшагося, о́бразы мне покая́ния предлага́я. Пресла́вным Твои́м вознесе́нием плотско́е обожи́вый восприя́тие, и сие́ десны́м Отца́ седе́нием почты́й, сподо́би мя прича́стием святы́х Твои́х Та́ин десну́ю часть спаса́емых получи́ти. Сни́тием Уте́шителя Твоего́ Ду́ха сосу́ды че́стны свяще́нныя Твоя́ ученики́ соде́лавый, прия́телище и мене́ покажи́ Того́ прише́ствия. Хотя́й па́ки прийти́ суди́ти вселе́нней пра́вдою, благоволи́ и мне усре́сти Тя на о́блацех, Судию́ и Созда́теля моего́, со все́ми святы́ми Твои́ми: да безконе́чно славосло́влю и воспева́ю Тя, со безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Молитва 18-я, преподобного Симеона Метафраста, стихотворная

О О́тче и Сы́не и Ду́ше, Тро́ице Свята́я, Бла́госте неистощи́мая во всех теку́щая, Добро́то многорачи́-тельная, не имы́й сы́тости, ве́рою еди́ною спаси́ мя и чрез наде́жду.

О Све́те трисия́тельный, о Тро́ице Пресвята́я, Тро́ице ли́цы и Еди́нице существо́м, Исто́чниче прему́дрости и освяще́ния Пода́телю, ве́рою еди́ною спаси́ мя и чрез наде́жду.

О Огню́ чисти́тельный согреше́ний, ду́шу мою́ очи́сти от прегреше́ний, души́ моей отмы́й неве́дения, ду́шу мою́ исхи́ти от оскверне́ний, души́ мое́й удержи́ помышле́ния[370]370
  Властвуй над помышлениями.


[Закрыть], ум же воцари́ над разуме́ньми, страсте́й мя покажи́ всеси́льна царя́, у́мную свещу́ возсия́й моему́ се́рдцу, свободи́ от тьмы́ греха́, просветли́ и украси́ помраче́ннаго, о́ком воззри́ на мя ми́лостивным, очи́сти, ублажи́ потемне́ннаго.

О О́тче и Сы́не и Ду́ше, Тро́ице Свята́я, Ты ми пода́ждь а́нгела светоно́сна, уму́ споспе́шника, пе́стуна и предста́теля, души́ мое́й храни́теля и пло́ти вождя́, направля́юща мя ко спасе́нию. Ты́ мя землена́го сотвори́ освяще́нна. Ты́ мя устрани́ землены́х мудрова́ний. Ты ми изсуши́ зло́бныя пото́ки. Ты ми источи́ сле́зныя ту́чи. Бог бо еси́ ми́лостивый Благода́тель, незлоприя́тен все́м беззако́нновавшим, всепристу́пен всем согреши́вшим, долготерпели́в всем отве́ргшимся, не пра́ведным освятова́нным и не непоро́чным просве́тованным искупле́ния уста́вил еси́ спасе́ние, по́дал еси́ покая́ния о́бразы и мне, гну́сному и оскверне́нному, мне лука́вому и окая́нному, мне те́мному и скве́рному.

И́бо беззако́нновах дре́вних мно́жае, прогне́вах Тя и раздражи́х зело́, па́че песка́ морска́го согреши́х Ти, несть ви́да зло́бы зле́е, несть студа́ зло́бы лука́вее, его́же не соде́ях на вся́ко вре́мя и ме́сто, душе́ю и по́мыслом, и словесы́ и дея́ньми. Умно́жишася моея́ зло́бы ме́рзости, умно́жишася моя́ тьма́ми злоде́йства, умно́жишася мои́х прегреше́нии бремена́, желе́зы у́мными[371]371
  Мысленными цепями.


[Закрыть] сгорче́на ми есть вы́я, у́зами неизбе́жными стя́гнут есмь се́рдцем, ни возни́кнути главу́ мою́ могу́, ниже́ осла́бы есть ми в со́вести. Недосто́йне у́бо высоту́ небесную зрю, недосто́йне же челове́ческое зрю виде́ние, недосто́йне же землену́ю наступа́ю пе́рсть. Твою́ бо разжего́х я́рость в коне́ц, гнев распали́х стра́шный безме́стне, прогне́вах Тя и раздражи́х зело́, пред Тобо́ю вся́ку ме́рзость сотвори́х, ниеди́ноже восхоте́в Твои́х чисто́тных хоте́ний, ниеди́нуже возжеле́в Твои́х вожделе́нных суде́б, ниеди́ноже сохрани́х Твои́х прему́дрых повеле́ний, ниеди́нже удержа́в Твои́х держа́вных глаго́л.

И ны́не преклоня́ю Ти се́рдца моего́ коле́не, прекланя́ю и главу́ омраче́нную, прекланя́ю вы́ю оскверне́нную. Твое́й бла́гости вы́ю прекланя́ю, и Твое́й бла́гости моле́ние приношу́: согреши́х, беззако́нновах и бла́знствовах, согреши́х, непра́вдовах и преступи́х за́поведи Твоя́, согреши́х, непра́вдовах и осуди́х, согреши́х, отверго́хся и не устыде́хся.

Но моле́ние творю́ Твое́й бла́гости, но мольбу́ приношу́ Твоему́ незло́бию, но молю́ Твое́ кра́йнее благоутро́бие, но молю́ и вопию́: спаси́ и очи́сти мя, оста́ви мно́жество мои́х согреше́ний, оста́ви лю́тая мои́х долго́в, оста́ви мно́гая мои́х оскверне́ний, оста́ви вся мои́х ме́рзостей, и да не сокруши́ши мя со грехи́, да не умори́ши мя со беззако́ньми, да не с по́мыслы злы́ми совосхи́тиши мя, да не сожже́ши мя с мерзостьми́, да не лиши́ши мя благ ве́чных, да не трапе́зы изве́ржеши мя безсме́ртныя, да не оттщети́ши мя спасе́ния моего́.

Креще́ния дар пода́ждь ми и па́ки – и́ноческий о́браз боже́ственный вели́кий: пе́рвый у́бо окаля́х грехи́, пе́рвый оскверни́х мерзостьми́[372]372
  Это прошение произносится монахами или готовящимися к принятию ангельского образа.


[Закрыть].

Сподо́би свяще́ннаго причаще́ния живота́ – ча́ши Кро́ве Богото́чныя, во очище́ние мои́х согреше́ний, во избавле́ние и во спасе́ние в час коне́чный го́рький и сме́ртный.

В час же тя́жкий и боле́зненный и в час те́мный и помраче́нный, спаси́ и уще́дри и очи́сти мя, ду́шу кро́тко разлучи́ от пло́ти моея́ оскверне́нныя, ду́шу те́мную покажи́ просве́товану, от лука́вых изба́ви бесо́в, рукописа́ния вся́ческая согреше́ний, списа́ния мои́х долго́в раздери́, разсы́пли во а́дову про́пасть, расто́ргни, испепели́, сожзи́ до конца́, кро́тки и све́тлы поели́ А́нгелы тогда́, отража́ющий полки́ бесо́вския, ду́шу восхища́ющия от муче́ния, ду́шу ущедря́ющия окая́нную, горе́ вознося́щия кроме́ согреше́ний, горе́ вознося́щия поклони́тися

Престо́лу огнеобра́зному, и просветова́нному, хва́-лящия ту всех спаса́емых, сподобля́ющия ра́дости святы́х.

Приими́ хода́тая бла́гость Свою́, да́ждь ми благода́ть Твою́ хода́тая изря́дна, благосты́ню, незло́бие, милосе́рдие, кра́йнее благоутро́бие.

Приими́ хода́тая втора́го превы́шшее ми́ру красова́ние, Ма́терь Де́ву Отрокови́цу, Боже́ственную ле́ствицу и жезл, одушевле́ный престо́л.

Приими́ хода́тая чин молниелу́чный, Престо́лы, Херуви́мы, Серафи́мы о́гненныя, Госпо́дствия, Си́лы и Вла́сти, Нача́ла, Арха́нгелы же и Ангелы.

Приими́ хода́тая све́тлаго и светоно́снаго Предте́чу Твоего́, освяще́ннаго пре́жде пеле́н, пропове́дника богоглаго́лива, пре́жде Влады́ки возсия́вшаго су́щим во тьме́.

Приими́ хода́таи ли́ки святы́х, ли́ки проро́к, патриа́рх, оте́ц, апо́стол же и му́ченик венцено́сных, и всех со́нмы святы́х и светоно́сных.

Приими́ хода́тая Ма́рию Еги́птяныню, челове́ка от земли́, небоше́ствена же оба́че.

Приими́ хода́тая Ону́фрия Вели́каго, я́же те́ло обна́жит, боже́ственною же оде́ждею, де́лы благи́ми, оболче́на стра́нно[373]373
  Непостижимым образом.


[Закрыть].

Бог бо еси́ милосе́рд и благоде́тель, Бог кро́ток законопресту́плыиим, Бог подая́ избавле́ние согреше́нием, Бог да́руя всем спасе́ние. Мне же покажи́ всю бла́гость Свою́, мне да излие́ши струю́ благоутро́бия Твоего́: и́бо зако́н преступи́х всех мно́жае, от ложе́сн саме́х и до ны́нешняго ми вре́мене.

Спаси́ мя чрез досто́инство и чрез наде́жду, бла́гостию и благостынею Твое́ю еди́ною, я́ко да благословлю́ Тя, и любо́вию велича́ю, я́ко да благодарю́ и пою́ Тя благоче́стно. В ве́це же бу́дущем спаса́-емь, я́ко да благослове́нна благословлю́ Влады́ку, Его́же благословя́т Небе́сныя си́лы во ве́ки вся неисче́тныя.

Молитва 19-я, преподобного Симеона Нового Богослова, стихотворная[374]374
  Текст отредактирован в соответствии с греческим оригиналом.


[Закрыть]

От скве́рных усте́н, от ме́рзкаго се́рдца, от нечи́стаго язы́ка, от души́ оскверне́ны, приими́ моле́ние, Христе́ мой, и не презре́в мои́х ни слове́с, ниже́ образо́в, ниже́ безсту́дия, даждь ми дерзнове́нно глаго́лати, я́же хощу́, Христе́ мой, па́че же и научи́ мя, что ми подоба́ет твори́ти и глаго́лати.

Согреши́х па́че блудни́цы, я́же уве́де, где обита́еши, ми́ро купи́вши, прии́де де́рзостне пома́зати Твои́ но́зе, Бо́га моего́, Влады́ки и Христа́ моего́.

Якоже о́ну не отри́нул еси́, прише́дшую от се́рдца, ниже́ мене́ возгнуша́йся, Сло́ве: Твои́ же ми пода́ждь но́зе, и держа́ти, и целова́ти, и струя́ми сле́зными, я́ко многоце́нным ми́ром, сия́ де́рзостно пома́зати. Омы́й мя слеза́ми мои́ми, очи́сти мя и́ми, Сло́ве. Оста́ви и прегреше́ния моя́, и проще́ние ми пода́ждь. Ве́си зол мно́жество, ве́си и стру́пы моя́, и я́звы зри́ши моя́, но и ве́ру ве́си, и произволе́ние зри́ши, и воздыха́ние слы́шиши.

Не таи́тся Тебе́, Бо́же мой, Тво́рче мой, Изба́вителю мой, ниже́ ка́пля сле́зная, ниже́ ка́пли часть не́кая. Несоде́ланное мое́ ве́десте о́чи Твои́[375]375
  Узнали глаза Твои.


[Закрыть], в кни́зе же Твое́й и еще́ несоде́янная напи́сана Тебе́ суть. Виждь смире́ние мое́, виждь труд мой ели́к, и грехи́ вся оста́ви ми, Бо́же вся́ческих: да чи́стым се́рдцем, притре́петною мы́слию, и душе́ю сокруше́нною, нескве́рных Твои́х причащу́ся и пресвяты́х Та́ин, и́миже оживля́ется и обожа́ется всяк яды́й же и пия́й чи́стым се́рдцем.

Ты бо рекл еси́, Влады́ко мой: всяк яды́й Мою́ Плоть и пия́й Мою́ Кровь, во Мне у́бо сей пребыва́ет, в не́мже и Аз есмь.

Истинно сло́во вся́ко Влады́ки и Бо́га моего́! Боже́ственных бо причаща́яйся и боготворя́щих благода́тей, не у́бо есмь еди́н, но с Тобо́ю, Христе́ мой, Све́том трисо́лнечным, просвеща́ющим мир.

Да у́бо не еди́н пребу́ду, кроме́ Тебе́, Живода́вца, дыха́ния моего́, живота́ моего́, ра́дования моего́, спасе́ния ми́ру, сего́ ра́ди к Тебе́ приступи́х, я́коже зри́ши, со слеза́ми и душе́ю сокруше́нною, избавле́ния мои́х прегреше́ний прося́ прия́ти ми и Твои́х живода́тельных и непоро́чных Та́инств причасти́-тися неосужде́нно, да пребу́деши, я́коже рекл еси́, со мно́ю треокая́нным; да не кроме́ обре́т мя Твоей благода́ти, преле́стник восхйтит мя льсти́вне, и прельсти́в отведе́т боготворя́щих Твои́х слове́с. Сего́ ра́ди к Тебе́ припа́даю и те́пле вопию́ Ти: я́коже блу́днаго прия́л еси́ и блудни́цу прише́дшую, та́ко приими́ мя блу́днаго и скве́рнаго, Ще́дре, душе́ю сокруше́нною к Тебе́ ны́не приходя́ща.

Вем, Спа́се, я́ко ины́й, я́коже а́з, не прегреши́ Тебе́, ниже́ соде́я дея́ния, я́же а́з соде́ях. Но сие́ па́ки вем, я́ко не вели́чество прегреше́ний, ни грехо́в мно́жество превосхо́дит Бо́га моего́ мно́гое долготерпе́-ние и человеколю́бие кра́йнее; но состра́стия еле́-ем те́пле ка́ющияся и чи́стиши, и све́тлиши, и све́та твори́ши прича́стники, о́бщники Божества́ Твоего́ соде́ловаяй незави́стно, и, стра́нное и Ангелом, и челове́ческим мы́слем, бесе́дуеши им мно́гажды, я́коже друго́м Твои́м и́стинным.

Сия́ де́рзостна творя́т мя, сия́ вперя́ют мя, Христе́ мой. И дерза́я Твои́м бога́тым к нам благодея́нием, ра́дуяся вку́пе и трепе́ща, огне́ви причаща́юся трава́ сый и, стра́нно чу́до! ороша́ем неизрече́нно, я́коже и купина́ дре́вле неопа́льне горя́щи.

Те́мже благода́рною мы́слию, благода́рным же се́рдцем, благода́рными удесы́ мои́ми, души́ и те́ла моего́, покланя́юся и велича́ю и славосло́влю Тя, Бо́же мой, я́ко благослове́нна су́ща ны́не же и во ве́ки.

Молитва 20-я, ко Пречистой Богородице, святителя Германа Константинопольского, стихотворная

Мно́гих и вели́ких наслади́хся даро́в, от созда́вшаго мя Бо́га, непа́мятлив же о всех сих яви́хся страстны́й и неблагода́рный аз, приложи́хся ското́м неразу́мным и уподо́бихся им. Нищ есмь доброде́телей, бога́т страстьми́. Студа́ испо́лнен, дерзнове́ния Боже́ственнаго отчужде́н. Осужде́н от Бо́га, опла́кан от а́нгел. Пору́ган и посме́ян от бесо́в, облича́емь от со́вести, и пре́жде сме́рти мертв бых, и пре́жде суда́ того́ осужде́н, и пре́жде безконе́чных мук му́чим, от отчая́ния стужа́емь. Се ны́не в Твое́ еди́но прибега́ю те́плое заступле́ние, Влады́чице, и́же тьма́ми тала́нт до́лжен, не спасо́х, но со блудни́цами О́тчее име́ние расточи́х. Поми́луй мя, о Влады́чице, блуди́вшаго па́че блудни́цы, беззако́нновавшаго па́че Манасси́и, и́же па́че бога́таго немилосе́рда бы́вша скаре́дством раба́, и́же лука́вым помысло́м прия́телище, и́же смра́дных и ме́рзских по́мысл сокро́вище храни́тельно, и́же вся́каго благодея́ния отчужде́ннаго. Поми́луй мое́ смире́ние, уще́дри мою́ не́мощь: вели́ко и́маши дерзнове́ние ко из Тебе́ ро́ждшемуся Бо́гу, я́ко никто́же ин, вся бо мо́жеши я́ко Ма́ти Бо́гу, во всем крепка́ еси́, я́ко всем Держи́-тельница тва́рем. Ни еди́ноже Тебе́ не невозмо́жно, а́ще восхо́щеши, то́чию да не пре́зриши слез мои́х. Неме́рзко Ти бу́ди воздыха́ние мое́, не отри́ни моея́ серде́чныя боле́зни, но Ма́терними Твои́ми мольба́ми е́же Блага́го Бо́га и Сы́на Твоего́ ну́дящи благоутро́бие, досто́йна мя сотвори́ окая́ннаго и недосто́йнаго раба́ Твоего́ первонача́льную восприя́ти добро́ту, страстну́ю же отложи́ти некрасоту́, свободи́тися греха́, порабо́титися пра́вде, совлещи́ся похоте́ний плотски́х сласте́й, оде́ятися во святы́ню душе́вных чисто́т, умертви́тися ми́ру, жи́ти ми доброде́тели ра́ди. В путь ше́ствующу ми сше́ствуй, в мо́ри пла́вающу ми спла́вай, при́сно побежда́ющи лю́тых свы́ше борю́щих мя бесо́в, бдя́ща мя укрепля́ющи, спя́ща мя облегча́ющи, малоду́шествующа подъе́млющи, неду́гующа исцеля́ющи, оби́дима избавля́ющи, оклевета́ема неповину́ющи [376]376
  Освобождая оклеветанного от обвинения.


[Закрыть], в сме́рти бе́дствуема ско́ро предваря́ющи и стра́шна мя ви́димым враго́м и неви́димым показа́ющи вы́ну. Да разуме́ют вси непра́ведно гоня́щий мя, чий раб есмь. Ей, Преблага́я Влады́чице, услы́ши моя́ худы́я моли́твы, и да не посрами́ши мя от ча́яния моего́, Упова́ние всем конца́м земли́. Возвре́ние [377]377
  Волнение, кипение.


[Закрыть] пло́ти моея́ угаси́ и и́же в души́ мое́й дивия́ющую [378]378
  Свирепствующую.


[Закрыть] бу́рю безвре́менныя я́рости укроти́, бу́есть и непоко́рство су́етныя моея́ ю́ности от ума́ моего́ потреби́, нощна́я мечта́ния лука́вых духо́в и дневны́х нечи́стых помышле́ний прило́г от се́рдца моего́ отжени́. Накажи́ ми язы́к глаго́лати поле́зная, научи́ ми о́чи блюсти́ праводе́телем пра́вым, но́зе мои́ тещи́ непоткнове́нно сотвори́ блаже́нным путе́м за́поведей Бо́жиих, ру́це мои́, освяти́вши, подо́бны[379]379
  Подобающие.


[Закрыть]сотвори́, да досто́йно возда́ются к Вы́шнему. Очи́сти ми уста́, да со дерзнове́нием призову́ Отца́[380]380
  Назову Отцом.


[Закрыть]стра́шнаго Бо́га и Всесвята́го. Отве́рзи ми слух, да услы́шу чу́вственно же и разу́мно сладча́йша со́та и ме́да и́же святы́х писа́ний словеса́, сотвори́™ их Тобо́ю укрепля́емь. Даждь ми вре́мя покая́ния и помысло́м обраще́ние. Внеза́пныя свободи́ сме́рти, осужде́нна мя со́вестию обнови́, к концу́ предста́ни ми в разделе́ние души́ от страстна́го моего́ те́ла нестерпи́мую о́ну легча́щи ну́жду, неизрече́нныя о́ны отъе́млющи боле́зни, неутеша́емыя утеша́ющи тесноты́, те́мных бесо́в свобожда́ющи, го́рьких словоположи́телей мыта́рств возду́шных и нача́л те́мных изыма́ющи, рукописа́ния мои́х мно́гих грехо́в раздира́ющи, Бо́гу мя вселя́ющи и и́же одесну́ю Его́ блаже́ннаго стоя́ния в Стра́шный Суд сподобля́ющи, ве́чных и непостоя́нных избавля́ющи мук, и присносу́щных и нетле́нных благ творя́щи мя насле́дника. Сие́ приношу́ Ти дерзнове́ние, Влады́чице Богоро́дице, Све́те омраче́нною ми о́чию, Утеше́ние мое́й души́, е́же с Бо́гом Упова́ние мое́ и Предста́тельнице, Его́же я́ко всегда́ с Тобо́ю благопребыва́тельна моли́ и очи́сти мя от вся́кия скве́рны теле́сныя и душе́вныя, и удосто́йни мя в настоя́щем ве́це неосужде́нно причасти́тися всесвята́го и пречи́стаго Те́ла и Кро́ве Сы́на Твоего́ и Бо́га моего́, в бу́дущем же сла́дкия Небе́сныя ве́чери и пи́щи ра́йския наслади́тися, иде́же есть всем веселя́щимся жили́ще. Сих улучи́ти благ сподо́би мя, сла́вяща великоле́пое и́мя Сы́на и Бо́га Твоего́ со Безнача́льным Его́ Отце́м и Всесвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Подходя ко Святой Чаше, произноси мысленно стихи преподобного Симеона Метафраста:

Се приступа́ю к Боже́ственному Причаще́нию.

Соде́телю, да не опали́ши мя приобще́нием:

Огнь бо еси́, недосто́йныя попаля́яй.

Но у́бо очи́сти мя от вся́кия скве́рны.

Боготворя́щую Кровь ужасни́ся, челове́че, зря:

Огнь бо есть, недосто́йныя попаля́яй.

Боже́ственное Те́ло и обожа́ет мя, и пита́ет: Обожа́ет дух, ум же пита́ет стра́нно.

И настоящий тропарь:

Услади́л мя еси́ любо́вию, Христе́, и измени́л мя еси́ Боже́ственным Твои́м раче́нием; но попали́ огне́м невеще́ственным грехи́ моя́, и насы́титися е́же в Тебе́ наслажде́ния сподо́би: да лику́я возвелича́ю, Бла́же, два прише́ствия Твоя́.

Затем сложив крестообразно руки на груди, со страхом причастись Телу и Крови Распятого.

Собрание молитв благодарственных по Святом Причащении[381]381
  Читаются вскоре после причащения Святых Таин в количестве и порядке, определяемом самим молящимся.


[Закрыть]

Когда же получишь доброго причащения животворных таинственных дарований, тотчас воспой, и благодари весьма, и горячо от души Богу скажи:

Слава Тебе, Боже! Слава Тебе, Боже! Слава Тебе, Боже!

Молитва 1-я

Благодарю́ Тя, Го́споди, Бо́же мой, я́ко не отри́нул мя еси́ гре́шнаго, но о́бщника мя бы́ти святы́нь Твои́х сподо́бил еси́. Благодарю́ Тя, я́ко мене́ недосто́йнаго причасти́тися Пречи́стых Твои́х и Небе́сных Даро́в сподо́бил еси́. Но Влады́ко Человеколю́бие, нас ра́ди уме́рый же и воскресы́й, и дарова́вый нам стра́шная сия́ и животворя́щая Та́инства во благодея́ние и освяще́ние душ и теле́с на́ших, да́ждь бы́ти сим и мне во исцеле́ние души́ же и те́ла, во отгна́ние вся́каго сопроти́внаго, в просвеще́ние о́чию се́рдца моего́, в мир душе́вных мои́х сил, в ве́ру непосты́дну, в любо́вь нелицеме́рну, во исполне́ние прему́дрости, в соблюде́ние за́поведей Твои́х, в приложе́ние Боже́ственныя Твоей благода́ти и Твоего́ Ца́рствия присвое́ние; да во святы́ни Твое́й те́ми сохраня́емь, Твою́ благода́ть помина́ю всегда́, и не ктому́ себе́ живу́, но Тебе́, на́шему Влады́це и Благоде́телю; и та́ко сего́ жития́ изше́д о наде́жди живота́ ве́чнаго, в присносу́щный дости́гну поко́й, иде́же пра́зднующих глас непреста́нный и безконе́чная сла́дость зря́щих Твоего́ лица́ добро́ту неизрече́нную. Ты бо еси́ и́стинное жела́ние и неизрече́нное весе́лие лю́бящих Тя, Христе́ Бо́же наш, и Тя пое́т вся́ тварь во ве́ки. Ами́нь.

Молитва 2-я, святителя Иоанна Златоуста

Благодарю́ Тя, Человеколю́бие Го́споди, я́ко мно́гия Твоей ра́ди бла́гости утерпе́ прича́стника мя бы́ти Пречи́стому Твоему́ Те́лу и Честне́й Кро́ви, и не возгнуша́ся я́ко оскверне́нна, ниже́ я́ко прия́тию святы́нь Твои́х недосто́йна неви́димою Боже́ственною си́лою отри́ну. Но благоволи́л еси́ мене́ гре́шнаго безсме́ртною Твое́ю напита́тися трапе́зою, ея́же животво́рную Твою́ благода́ть неизме́нну и неотъе́млему в смире́нной души́ мое́й соблюди́, и просвеще́ние Твое́ неугаси́мо от мене́ сотвори́, просвеща́я ми вся́ко разуме́ние и вся́ко чу́вство, неприкоснове́нна мя соблюда́я и непреткнове́нна от мра́чнаго греха́, во е́же сла́вити и благодари́-ти Тя всегда́ и по Твоему́ ходи́ти хоте́нию во вся дни живота́ моего́. Моли́твами Пречи́стыя Влады́чицы на́шея Богоро́дицы и Присноде́вы Мари́и, и безплбтных Твои́х служи́телей, и всех святы́х и́же от ве́ка Тебе́ благоугоди́вших. Ами́нь.

Молитва 3-я, святителя Василия Великого

Влады́ко Христе́ Бо́же, Царю́ веко́в и Соде́телю всех, благодарю́ Тя о всех, я́же ми по́дал благи́х, и о причаще́нии пречи́стых и животворя́щих Твои́х Та́инств. Молю́ у́бо Тя, Бла́же и Человеколю́бие: сохра́ни мя под кро́вом Твои́м, и в се́ни крилу́ Твое́ю; и да́руй ми чи́стою со́вестию, да́же до после́дняго моего́ издыха́ния, досто́йно причаща́тися святы́нь Твои́х, во оставле́ние грехо́в и в жизнь ве́чную. Ты бо еси́ хлеб живо́тный, исто́чник святы́ни, Пода́тель благи́х, и Тебе́ сла́ву возсыла́ем, со Отце́м и Святы́м Ду́хом, ны́не и при́сно и во ве́ки веко́в. Ами́нь.