Текст книги "Греческий молитвослов. Молитвы на всякое время дня, недели и года"

Из молитвословий годового круга

Рождество Богородицы

Рождество Пресвятой Богородицы – первый в чреде двунадесятых, т. е. двенадцати наиболее значимых праздников годового богослужебного круга. Он посвящен первому важному событию новозаветной истории – рождению от бесплодных Иоакима и Анны, принадлежавших к роду царя Давида, Пресвятой Девы Марии – долгожданного плода их веры и усиленных молитв.

Песнопения Рождества Богородицы исполняются с 21 по 25 сентября н. ст.

На вечерне стихиры, глас 6

Днесь Иже на разу́мных Престо́лех почива́яй Бог, Престо́л свят на земли́ себе́ предугото́ва; утверди́вый му́дростию небеса́, Не́бо одушевле́нное человеколю́бием соде́ла. От непло́днаго бо ко́рене Сад Живоно́сен израсти́ нам, Ма́терь Свою́. Иже чуде́с Бог и ненаде́ющихся наде́жда, Го́споди, сла́ва Тебе́!

Сей день Госпо́день – ра́дуйтеся, лю́дие: се бо Све́та Черто́г и Кни́га Сло́ва живо́тнаго[79]79
  Слова жизни.


[Закрыть] из утро́бы произы́де. И я́же к восто́ком Дверь ро́ждшися ожида́ет вхо́да Святи́теля вели́каго, еди́на и еди́наго вводя́щи Христа́ во вселе́нную во спасе́ние душ на́ших.

Аще и боже́ственным хоте́нием све́тлый непло́дны же́ны прозябо́ша, но всех Мари́я рожде́нных боголе́пно превозсия́: я́ко от непло́дныя пресла́вно ро́ждшися ма́тере, породи́ пло́тию всех Бо́га па́че естества́ от безсе́менныя утро́бы, еди́на Дверь Единоро́днаго Сы́на Бо́жия, Юже проше́д, заключе́нну сохрани́, и вся му́дре устро́ив, я́ко весть Сам, всем челове́ком спасе́ние соде́ла.

Слава, и ныне, глас 8: Прииди́те, вси́ ве́рнии, к Де́ве теце́м: се бо ражда́ется Яже пре́жде чре́ва предви́денная, Бо́га на́шего Ма́ти, де́вства Сосу́д. Ааро́нов прозя́бший Жезл от ко́рене Иессе́ева, проро́ческое пропове́дание и пра́ведных Иоаки́ма и Анны прозяба́ние. Ражда́ется у́бо, и мир с Не́ю обновля́ется. Ражда́ется, и Це́рковь во свое́ благоле́пие украша́ется. Храм Святы́й, Божества́ Прия́телище, де́вственный Сосу́д, ца́рский Черто́г, в Не́мже пресла́вное неизрече́ннаго соедине́ния соше́дшихся во Христе́ есте́ств соверше́нное соде́яся та́инство. Ему́же покланя́ющеся, воспева́ем Де́вы Всенепоро́чныя рождество́.

Тропарь праздника, глас 4

Рождество́ Твое́, Богоро́дице Де́во, ра́дость возвести́ всей вселе́нней: из Тебе́ бо возсия́ Со́лнце пра́вды, Христо́с Бог наш, и разруши́в кля́тву, даде́ благослове́ние, и упраздни́в смерть, дарова́ нам живо́т ве́чный.

Величание

Велича́ем Тя, Пресвята́я Де́во, и чтим святы́х Твои́х роди́телей, и всесла́вное сла́вим рождество́ Твое́.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

На утрене канон праздника, преподобного Иоанна Дамаскина, глас 1

Песнь 1

Ирмос: Гряди́те, лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Пресвята́я Богоро́дице, спаси́ нас.

Гряди́те, ве́рнии, Ду́хом Боже́ственным ра́дующеся, Юже от непло́дове[80]80
  Неплодной.


[Закрыть] днесь прише́дшую челове́ков на спасе́ние, Присноде́ву Отрокови́цу пе́сньми почти́м.

Пресвята́я Богоро́дице, спаси́ нас.

Ра́дуйся, Чи́стая, Ма́ти и Рабо́ Христа́ Бо́га, Яже пе́рвому[81]81
  Райскому.


[Закрыть] Хода́таица блаже́нству: челове́ческий род Тя вси досто́йно пе́сньми сла́вим.

Слава, и ныне: Жи́зни ражда́ется днесь Мост, Имже челове́цы воззва́ние паде́ния е́же от а́да обре́тший, Христа́ Живнода́вца пе́сньми прославля́ют.

Песнь 3

Ирмос: Утверди́ нас в Тебе́, Го́споди, Дре́вом умерщвле́й грех, и страх Твой всади́ в сердца́ нас, пою́щих Тя.

Пресвята́я Богоро́дице, спаси́ нас.

Непоро́чно Бо́гу пожи́вший, всех роди́сте Спасе́ние, богому́дрии роди́теле Зижди́теля Ро́ждшия и Бо́га на́шего.

Пресвята́я Богоро́дице, спаси́ нас.

Всем жизнь источа́яй Госпо́дь от непло́дове произведе́ Де́ву, в Ню́же всели́тися изво́ли, и по рождестве́ сохрани́в нетле́нну.

Слава, и ныне: Аннин плод Мари́ю днесь, Грозд ро́ждшую Живоно́сный, я́ко Богоро́дицу воспои́м, предста́тельницу же всех и помо́щницу.

Песнь 4

Ирмос: Услы́шах, Го́споди, слух Твоего́ смотре́ния[82]82
  Слова о Твоем домостроительстве, т. е. устроении спасения.


[Закрыть], и просла́вих Тя, еди́не Человеколю́бче.

Пресвята́я Богоро́дице, спаси́ нас.

Воспева́ем Тя, Го́споди, ве́рным спаси́тельное Приста́нище пода́вшаго всем Тебе́ Ро́ждшую.

Пресвята́я Богоро́дице, спаси́ нас.

Тя, Богоневе́сто, похвалу́ всем Христо́с яви́ и держа́ву, пою́щим ве́рно Твое́ та́инство.

Слава, и ныне: Неискусобрачная Владычице, Твоими молитвами избавляеми прегрешений, благоразумно вси Тя ублажаем.

Песнь 5

Ирмос: Сеннопи́санный мрак гада́ний разорив[83]83
  Рассеявший темноту загадочных (пророчеств), отображавших (лишь) тень (грядущей реальности).


[Закрыть]и верных прибы́тием[84]84
  Наступлением.


[Закрыть] истины Богоотрокови́цею озари́в сердца́, и нас светом Твои́м, Христе, наста́ви.

Пресвята́я Богородице, спаси́ нас.

Воспови́м, людие, всех Вину су́щаго по нам бы́ти Виновнаго: Еяже образу ра́довахуся сподобляеми пророцы, явленное спасение от Тоя плодяще[85]85
  Получая от Нее плод – несомненное спасение.


[Закрыть].

Слава, и ныне: От суха прозябе́ние жезла́ иере́ево Изра́илю показа́ проразсужде́ние: и ны́не све́тлость прозябших пресла́вно све́тит от непло́дове всесла́вное Рожде́ние[86]86
  Как прорастание сухого жезла указало Израилю на предназначенного к священству (Аарона), так и теперь всеславно Произросшая от неплодной умножает светлость необъяснимо родивших (Иоакима и Анны).


[Закрыть].

Песнь 6

Ирмос: Ко Господу от ки́та Иона возопи́: Ты мя возведи́ из глубины́ а́да, молю́ся, да яко Изба́вителю во гла́се хвале́ния, и́стины же ду́хом пожру́ Тебе́.

Пресвята́я Богородице, спаси́ нас.

Ко Го́споду в ско́рби непло́дства возопи́ша Богома́тере богому́дрии роди́тели и Сию́ в ро́ды родо́в роди́ша на о́бщее спасе́ние и похвалу́.

Слава, и ныне: Прия́ша Небе́сный дар богодосто́ин Богома́тере богому́дрии роди́тели, саме́х Херуви́мов превышшее Носи́ло, Сло́ва и Зижди́теля Роди́тельницу.

Кондак, глас 4

Иоаки́м и Анна поноше́ния безча́дства и Ада́м и Ева от тли сме́ртныя свободи́стася, Пречи́стая, во святе́й рождестве́ Твое́м. То пра́зднуют и лю́дие Твой, вины́ прегреше́ний изба́влыпеся, внегда́ зва́ти Ти: непло́ды[87]87
  Неплодная.


[Закрыть] ражда́ет Богоро́дицу и Пита́тельницу жи́зни на́шея.

Песнь 7

Ирмос: Купина́ в горе́ огненеопа́льная и росоно́сная пещь халде́йская Я́ве предпису́ет Тя́, Богоневе́сто: Боже́ственный бо неве́щественный в веще́ственнем чре́ве Огнь неопа́льно прия́ла еси́. Те́мже из Тебе́ Ро́ждшемуся пое́м: благослове́н еси́, Бо́же оте́ц на́ших.

Пресвята́я Богоро́дице, спаси́ нас.

Твое́ в невеще́ственных явле́ниих законополо́жник[88]88
  Моисей.


[Закрыть] возбрани́ся разуме́ти вели́кое, Пречестна́я, та́инство, не му́дрствовати земноре́вностная обра́зно, наказу́ем[89]89
  Научаемый прообразами не мыслить по-земному.


[Закрыть] иногда́. Те́мже уди́влься чудеся́, глаго́лаше: благослове́н Бог оте́ц на́ших.

Слава, и ныне: Го́ру, и Дверь Небе́сную, и мы́сленную Тя́ Ле́ствицу боголе́пно л я́к боже́ственный пронарече́: от Тебе́ бо Ка́мень отсече́ся не рука́ми му́жескими; и Дверь, Еюже про́йде Госпо́дь[90]90
  Дверью же (предрекли пророки, поскольку) Тобою прошел Господь.


[Закрыть], Иже чуде́с Бог оте́ц на́ших.

Песнь 8

Ирмос: В пещя́ о́трочестей прообразя́л еся́ иногда́ Твою́ Ма́терь, Го́споди: о́браз бо сия́[91]91
  Т. е. отроков.


[Закрыть] из огня́ изыма́ше неопа́льно входя́щия. Юже пое́м, я́вльшуюся Тобо́ю концо́м днесь, и превозно́сим во вся во́ки.

Пресвята́я Богоро́дице, спаси́ нас.

Яже к Бо́гу на́шего примире́ния предопределе́нная Скя́ния, е́же бы́ти ны́не начина́ет, иму́щи родя́ти Сло́ва, нам дебе́льством пло́ти я́вльшася, Его́же пое́м, из не су́щих во е́же бы́ти Те́м прие́мшии, и превозно́сим во вся ве́ки.

Слава, и ныне: Непло́детва преложе́ние мирско́е благя́х разреши́ непло́дство[92]92
  Прекращение неплодства (Анны) прекратило неплодство мира к благим делам.


[Закрыть] и я́сно чу́до Христа́ показа́, к земны́м прише́дша. Его́же пое́м, из не су́щих во е́же бы́ти Тем прие́мшии, и превозно́сим во вся ве́ки.

Песнь 9

Вместо песни Богородицы поются особые припевы праздника:

Велича́й, душе́ моя́, пресла́вное рождество́ Бо́жия Ма́тере.

Ирмос: Яже пре́жде со́лнца Свети́льника, Бо́га возсия́вшаго, пло́тски к нам прише́дшаго, из боку́ Деви́чу неизрече́нно воплоти́вшая, Благослове́нная Всечи́стая, Тя Богоро́дицу велича́ем.

Велича́й, душе́ моя́, от непло́дове ро́ждшуюся Де́ву Мари́ю.

Иже непокори́вым лю́дем из ка́мене источи́в во́ду благопокори́вым же язы́ком да́рует от чресл непло́дных Плод на весе́лие нам, Тя, Богома́ти Пречи́стая, Юже досто́йно велича́ем.

Велича́й, душе́ моя́, пресла́вное рождество́ Бо́жия Ма́тере.

Суро́ваго дре́вняго Отъя́тельницу осужде́ния и прама́тере Исправле́ние, Юже ро́да к Бо́гу Вину́ присвое́ния[93]93
  Причину усвоения рода (человеческого) Богу.


[Закрыть], к Зижди́телю Мост, Тя, Богоро́дице, велича́ем.

Эксапостиларий праздника

От непло́дныя днесь Анны цвет произы́де, Богоро́дица, вся благово́ния боже́ственнаго исполня́ющи концы́ ми́ра и ра́дости всю наполня́ющи тварь; Юже пою́ще, досто́йно восхваля́ем, я́ко су́щу земноро́дных Превы́шшую.

Слава, и ныне: Ада́ме, обнови́ся, и Ева, возвели́чися, проро́цы со апо́столы лику́йте и пра́ведными: о́бщая бо ра́дость возсия́ ангелов же и челове́ков от пра́ведных днесь Иоаки́ма и Анны, Богоро́дица Мари́я.

На псалмах хвалы стихиры праздника, глас 1

О ди́внаго чудеса́![94]94
  О, невероятное чудо!


[Закрыть] Исто́чникжи́зни от непло́дныя ражда́ется, и благода́ть плодороди́ти све́тло начина́ет. Весе́лися, Иоаки́ме, Богоро́дицы быв роди́тель; несть ин, я́коже ты, земноро́дных роди́телей, богоприя́тне: Боговмести́мая[95]95
  Способная вместить Бога.


[Закрыть] бо Отрокови́ца, Бо́жие Селе́ние, Пресвята́я Гора́, Тобо́ю нам дарова́ся.

О ди́внаго чудеса́! От непло́дове Плод возсия́в манове́нием всех Соде́теля и Вседержи́теля, до́блественно мирско́е благи́х разреши́ непло́дство[96]96
  Решительно остановил неплодство мира в добрых делах.


[Закрыть]. Ма́тери, с ма́терию Богоро́дичною лику́йте, зову́ще: Обра́дованная, ра́дуйся, с Тобо́ю Госпо́дь, подая́й ми́ру Тобо́ю ве́лик» ми́лость.

Столп целому́дрия одушевле́н и све́тлое прия́телище, блиста́ющееся благода́тию, Анна благосла́вная я́вльшися, породи́ забра́ло[97]97
  Оплот.


[Закрыть] вои́стинну де́вства, боже́ственное Процвета́ние; Яже всем де́вственным и де́вства жела́ющим дарова́ние, де́вства добро́ту, Я́ве подаю́щую и да́рующую всем ве́рным ве́лик» ми́лость.

Слава, и ныне, глас 6: Сей день Госпо́день, ра́дуйтеся, лю́дие: се бо Све́та Черто́г и Кни́га Сло́ва живо́тнаго из утро́бы произы́де. И я́же к восто́ком Дверь ро́ждшися ожида́ет вхо́да Святи́теля вели́каго, еди́на и еди́наго вводя́щи Христа́ во вселе́нную во спасе́ние душ на́ших.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

Воздвижение Честного и Животворящего Креста

Всемирное воздвижение Честного и Животворящего Креста Господня – единственный из двунадесятых праздников, который посвящен не новозаветному событию, а переломному моменту церковной истории – окончанию эпохи гонений и началу эпохи христианской империи. В праздновании объединяются воспоминания о чудесном явлении Креста святому равноапостольному императору Константину Великому в 306 г.; об обретении Креста Господня в 326 г. в Иерусалиме под руководством святой равноапостольной царицы Елены, матери Константина; и об историческом факте – «всемирном воздвижении» (т. е. поднятии при великом стечении народа) Честного и Животворящего древа Креста святителем Макарием Иерусалимским на четыре стороны света: святыня была «воздвизаема», чтобы дать возможность всем собравшимся увидеть ее. Последняя тема праздника – Крест Христов, стоящий на защите христианского государства, поэтому праздничные тексты изобилуют молитвословиями за христианских царей, за христианское государство как совокупность граждан-христиан (греч. политевма, слав, жительство) и за всю империю (греч. экумена, слав, вселенная). Поскольку в связи с Крестом Господним вспоминаются спасительные страдания Христовы, день праздника является постным, но разрешаются вино и масло.

Воздвиженские песнопения исполняются с 27 сентября по 4 октября н. ст.

На вечерне стихиры праздника, глас 6

Кре́ст воздвиза́емь на нем Вознесе́ннаго стра́сть пречи́стую пе́ти повелева́ет[98]98
  Побуждает.


[Закрыть] тва́ри всей: на том бо уби́в нас уби́вшаго, умерщвле́нныя оживи́л есть и удобри́, и на Небеса́х жи́ти[99]99
  Быть гражданами Небесного Царства.


[Закрыть] сподо́би, я́ко Милосе́рд, премно́жеством бла́гости. Тем ра́дующеся, вознесе́м и́мя Его́ и Того́ возвели́чим кра́йнее снизхожде́ние.

Моисе́й предобрази́ Тя, ру́ки просте́р на высоту́, и побежда́ше Амали́ка мучи́теля[100]100
  Буквально: тирана (здесь в переносном смысле: захватчика).


[Закрыть], Кре́сте Честный, ве́рных похвале́, страда́льцев утвержде́ние, апо́столов удобре́ние, пра́ведных побо́рниче, всех преподо́бных спаси́телю. Тем тя воздвиза́ема зря́щи, тварь весели́тся и торжеству́ет, сла́вящи Христа́, тобо́ю разстоя́щая собра́вшаго кра́йнею бла́гостию.

Кре́сте Пречестный, его́же обстоя́т чи́ни Ангельстии веселя́щеся, днесь воздвиза́емь, Боже́ственным манове́нием возно́сиши вся, окраде́нием сне́ди отгна́нныя и в смерть попо́лзшияся[101]101
  За хищение снеди изгнанных (из рая) и ниспадших в смерть.


[Закрыть]. Те́мже тя, сердцы́ и устна́ми ве́рнии лобыза́юще, свяще́ние[102]102
  Освящение.


[Закрыть] почерпа́ем, возноси́те, вопиюще, Христа́ преблага́го Бо́га, и Того́ покланя́йтеся Боже́ственному подно́жию.

Или стихиры, глас 5

Ра́дуйся, Живоно́сный Кре́сте, благоче́стия непобеди́мая побе́да, дверь ра́йская, ве́рных утвержде́ние, Це́ркве огражде́ние; и́мже тля разори́ся и упраздни́ся, и попра́ся сме́ртная держа́ва, и вознесо́хомся от земли к Небе́сным; ору́жие непобеди́мое, бесо́в сопротивобо́рче, сла́во му́чеников, преподо́бных я́ко вои́стинну удобре́ние, приста́нище спасе́ния, да́руяй ми́ру ве́лию ми́лость.

Ра́дуйся, Госпо́день Кре́сте, и́мже разреши́ся от кля́твы челове́чество, су́щия ра́дости зна́мение, прогоня́яй враги́ во твое́м воздви́жении, Всече́стне. Нам помо́щниче, царе́й держа́во, кре́пость пра́ведных, свяще́нников благоле́пие, вообража́емый и лю́тых избавля́яй[103]103
  Одним изображением своим избавляющий от бедствий.


[Закрыть]; же́зле си́лы, и́мже пасе́мся; ору́жие ми́ра, его́же со стра́хом обстоя́т Ангели, Христа́ Боже́ственная сла́ва, подаю́щаго ми́ру ве́лию ми́лость.

Ра́дуйся, слепы́х наста́вниче, немощны́х врачу́, воскресе́ние всех уме́рших, воздви́гнувый ны во тлю па́дшия, Кре́сте Честны́й, и́мже разруши́ся кля́тва и процвете́ нетле́ние, и земни́и обожи́хомся, и диа́-вол всеконе́чно низве́ржеся. Днесь воздвиза́ема тя ви́дяще рука́ми архиере́йскими, возно́сим Вознесе́ннаго посреде́ тебе́, и тебе́ покланя́емся, почерпа́юще бога́тно ве́лию ми́лость.

Слава, и ныне, глас 2: Прииди́те, вси язы́цы, благослове́нному Дре́ву поклони́мся, и́мже бысть ве́чная правда[104]104
  Восстановлена извечная справедливость.


[Закрыть]: пра́отца бо Ада́ма прельсти́вый дре́вом Кресто́м прельща́ется, и па́дает, низве́ржен паде́нием стра́нным, мучи́тельством одержа́-выи́ ца́рское зда́ние[105]105
  Попадается на приманку Креста тот, кто обманул с деревом Адама, и низвергается в ужасном падении тот, кто тиранически (т. е. не по праву) завладел царственными созданиями.


[Закрыть]; Кро́вию Бо́жиего яд зми́ев отмыва́ется; и кля́тва разруши́ся осужде́ния пра́ведным судо́м Пра́веднаго, непра́ведным судо́м Пра́веднику осужде́ну бывшу: Дре́вом бо подоба́ше дре́во исцели́ти и стра́стию Безстра́стнаго, я́же на Дре́ве, разреши́ти стра́сти осужде́ннаго. Но сла́ва, Христе́ Царю́, е́же о нас Твоему́ му́дрому смотре́нию, и́мже спасл еси́ всех, я́ко благ и Человеколю́бец.

Тропарь праздника, глас 1

Спаси́, Го́споди, лю́ди Твоя́, и благослови́ достоя́ние Твое́, побе́ды благове́рным прави́телем на сопроти́вныя да́руя, и Твое́ сохраня́я Кресто́м Твои́м жи́тельство.

Величание

Велича́ем Тя, Живода́вче Христе́, и чтим Крест Твои́ святьш, и́мже нас спасл еси́ от рабо́ты вра́жия.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, си́лою Честна́го и Животвори́щаго Креста́, святы́х равноапо́стольных царе́й Константи́на и Еле́ны, святи́теля Мака́рия, епи́скопа Иерусали́мскаго, и всех святы́х, поми́луй и спаси́ нас, я́ко благ и Человеколю́бец.

На утрене канон праздника, преподобного Косьмы Маюмского, глас 8

Песнь 1

Ирмос: Крест начерта́в Моисе́й впря́мо, жезло́м Чермно́е пресече́ Изра́илю пешеходя́щу, то́ же обра́тно фарао́новым колесни́цам уда́рив совокупи́, вопреки́ написа́в непобеди́мое Ору́жие[106]106
  Изображая Крест (вертикальным движением), Моисей рассек посохом Красное (море) для идущего пешком Израильского народа, и это же (море) он соединил обратно над колесницами Фараона хлопком (ладоней), изображая (по горизонтали) непобедимое Оружие (ср. Исх. 14).


[Закрыть]. Тем Христу́ пои́м, Бо́гу на́шему, я́ко просла́вися.

Слава, Господи, Кресту Твоему Честно́му.

Образ дре́вле Моисе́й пречи́стыя стра́сти в себе́ само́м прообрази́, свяще́нных среде́ стоя́: Крест же вообрази́в, просте́ртыми побе́ду дла́ньми воздви́-же, держа́ву погуби́в Амали́ка всегуби́теля[107]107
  Моисей некогда явил собою прообраз пречистого страдания (Христова), стоя (как жертвенный агнец) посреди двух священников (Аарона и Ора), а изобразив распростертыми руками Крест, он воздвиг символ победы (греч. трофей), уничтожив военные силы непобедимых Амаликитян (ср. Исх. 17).


[Закрыть]. Тем Христу́ пои́м, Бо́гу на́шему, я́ко просла́вися.

Слава, Господи, Кресту Твоему Честно́му.

Возложи́ Моисе́й на столпе́ врачевство́, тлетвори́-ваго избавле́ние и ядови́таго угрызе́ния; и дре́ву, о́бразу Креста́, по земли́ пресмыка́ющагося зми́я привяза́, лука́вный в сем обличи́в вред. Тем Христу́ пойм, Бо́гу на́шему, я́ко просла́вися.

Слава, и ныне:, явлению Креста царю Константину: Показа́ не́бо Креста́ побе́ду благоче́стия держа́телю и царю́ богому́дру, враго́в в не́мже злосе́рдых низложи́ся свире́пство, лесть[108]108
  Заблуждение (язычества).


[Закрыть] же превра́тися и ве́ра распростре́ся земны́м конце́м боже́ственная. Тем Христу́ пойм, Бо́гу на́шему, я́ко просла́вися.

Песнь 3

Ирмос: Жезл во о́браз та́йны прие́млется, прозябе́нием бо предразсужда́ет свяще́нника[109]109
  Аарона.


[Закрыть]; неплодя́щей же пре́жде це́ркви[110]110
  Для некогда бесплодного собрания (язычников).


[Закрыть] ны́не процвете́ дре́во Креста́ в держа́ву и утвержде́ние.

Слава, Господи, Кресту Твоему Честно́му.

Яко испусти́ ударя́емь во́ду краесеко́мый непокори́вым лю́дей и жестосе́рдым, богозва́нныя проявля́ше Це́ркве та́инство[111]111
  Т. е. сверхъестественное изведение Моисеем воды из скалы прообразовало таинственное рождение Церкви из языческого мира.


[Закрыть], ея́же Крест держа́ва и утвержде́ние.

Слава, и ныне: Ребром пречистым копием прободенным, Вода с Кровию истече́, обновляющая Завет и омыва́тельная греха: верных бо Крест похвала, и царей держава и утверждение.

Песнь 4

Ирмос: Услы́шах, Господи, смотрения[112]112
  Домостроительства, устройства (нашего спасения).


[Закрыть] Твоего та́инство, разума́х дела́ Твоя и просла́вих Твое́ Божество.

Слава, Господи, Кресту Твоему Честному.

Горькородныя преложи дра́вом Моиса́й источники в пустыни дре́вле, Крестом ко благоча́стию языков проявляя преложа́ние.

Слава, Господи, Кресту Твоему Честному.

Глубине́́ вне́дривый секу́щую, издаде́ Иорда́н дре́́ву, Крестом и Креще́нием сече́́ние ле́́сти зна́менуя[113]113
  Иордан, скрыв во глубине лезвие топора, возвратил его (в ответ на брошенный в воду) деревянный (сук) (ср. 4 Цар. 6: 6–7), символизируя отсечение (языческого) заблуждения Крестом и Крещением.


[Закрыть].

Слава, Господи, Кресту Твоему Честному.

Свяще́нно ополча́ются четвероча́стнии людие, предходя́ще обра́зней[114]114
  Прообразовательной, ветхозаветной.


[Закрыть] свиде́тельства скинии, крестообра́зными чи́нми прославля́емии[115]115
  Разделенный на четыре части народ (Израильский) занимает сакральную позицию вокруг прообразовательной скинии свидетельства, прославляясь крестообразным построением (12 родов Израилевых, разделенные на четыре группы, должны были стоять станом на четыре стороны света от скинии, образуя собою крест. Чис. 2: 1-34).


[Закрыть].

Слава, и ныне:, явлению Креста царю Константину: Чу́дно простира́емь, со́лнечныя лучи испущ́аше Кре́ст, и пове́даша Небеса́ сла́ву Бо́га на́шего.

Песнь 5

Ирмос: О треблаже́нное Дре́во, на не́мже распя́ся Христос, Царь и Господь! Имже паде́ дре́вом прельсти́вый, прельсти́вся от Бога на тебе́ пригвозди́вшагося пло́тию[116]116
  Чрез которое (древо Креста) пал тот, кто прельстил (Адама и Еву) посредством древа (познания добра и зла), попавшись на приманку – пригвожденного на тебе (древе Креста) плотию Бога. (Святоотеческая мысль о Божественной уловке для диавола, не разумевшего, что Распятый на Кресте воскреснет силою Своего Божества.)


[Закрыть], подаю́щаго мир душа́м на́шим.

Слава, Господи, Кресту Твоему Честному.

Тебе́, приснопе́тое Дре́во, на не́мже простре́ся Христос, Еде́м хранящее обраща́ющееся [117]117
  Оборачивающееся.


[Закрыть] оружие, Кре́сте, устыде́ся: стра́шный же Херуви́м уступи́ на тебе́ пригвожде́нному Христу, подающему мир душа́м на́шим.

Слава, Господи, Кресту Твоему Честному.

Подзе́мных силы проти́вныя Креста́ страша́тся начерта́ема зна́мения на воздусе, по немуже ходят; небе́сных же и земнородных род коле́на преклоняет Христу, подающему мир душа́м на́шим.

Слава, и ныне: Зарями нетле́нными явлься боже́ственный Крест омраче́нным языком, заблужде́нным в пре́лести, боже́ственный свет облиста́в, усвояет на нем пригвожде́нному Христу, подающему мир душа́м на́шим.

Песнь 6

Ирмос: Во́днаго зверя во утробе дла́ни Иона крестовидно распросте́р, спасительную страсть прообража́ше яве. Тем тридне́вен изше́д, преми́рное[118]118
  Превышающее законы этого мира.


[Закрыть] воскресение прописа́ше[119]119
  Прообразовал.


[Закрыть] плотию пригвожде́ннаго Христа́ Бога, и тридне́вным воскресением мир просве́щшаго. Слава,

Господи, Кресту Твоему Честному.

Ста́ростою преклони́вся и недугом отягче́н, испра́вися Иа́ков ру́це премени́в, де́йствие являя жизноноснаго Креста́[120]120
  Согбенный старостью и удрученный болезнью, Иаков выпрямился, как только сменил руки (благословляя сыновей Иосифовых), давая узреть действие животворного Креста.


[Закрыть]: и́бо ве́тхость закбннаго сено́внаго писа́ния новописа́ на сем плотию пригвозди́выйся Бог, и душегуби́тельный неду́г ле́сти[121]121
  Заблуждения (язычества).


[Закрыть] отгна́.

Слава, и ныне: На юныя возложив дла́ни божественный Изра́иль крестовидно главы, являше, яко старейшая сла́ва, законослужи́тели людие; те́мже подмне́вся та́ко испрельсти́тися, не измени́ жизноно́снаго образа: превзыду́т бо людие Христовы Божии новоутвержде́ннии, вопияше, Крестом огражда́еми[122]122
  Божественный Израиль (Иаков), крестообразно возложив руки на юные головы, дал понять, что тот народ, кто слывет старшим (т. е. иудеи), останется в рабстве у закона; почему, заподозренный (Иосифом) в ошибке, он не стал менять живоносного образа (Креста): ибо, возопил (он), новоутвержденный народ Христа Бога (т. е. христиане), ограждаясь Крестом, получит превосходство (над первым).


[Закрыть].

Кондак, глас 4

Вознесыйся на Крест волею, тезоименитому Твоему новому жительству[123]123
  Твоему новому государству, носящему Твое имя (т. е. христианской Византийской империи).


[Закрыть] щедроты Твоя даруй, Христе Боже. Возвесели силою Твоею благове́рныя правители наша[124]124
  В греческом оригинале: ве́рныя цари на́ша.


[Закрыть], победы дая им на сопостаты, пособие имущим[125]125
  В оригинале: да и́мут пособие Твое́ (т. е. в качестве военной помощи от Тебя да имеют).


[Закрыть] Твое́ оружие мира, непобедимую побе́ду[126]126
  Трофей, памятник победе, победный знак.


[Закрыть].

Песнь 7

Ирмос: Безу́мное веле́ние мучителя[127]127
  Тирана (Навуходоносора).


[Закрыть] злочести́ваго люди поколеба́[128]128
  Подавило (целые) народы.


[Закрыть], ды́шущее преще́ние и злохуле́ние богоме́рзкое[129]129
  Дышащее угрозой и богомерзкою хулою.


[Закрыть]; оба́че три отроки не устраши ярость зве́рская, ни огнь снеда́яй, но противоглаша́ющу росоносному ду́ху[130]130
  Но при противоположно (ярости и пожирающему пламени) звучащем влагоносном веянии.


[Закрыть], со огне́м су́ще пояху: препе́тый отце́в и нас Боже, благослове́н еси́.

Слава, Господи, Кресту Твоему Честному.

От дре́ва вкуси́в, пе́рвый в челове́цех в тле́ние всели́ся: отверже́нием бо жи́зни безче́стнейшим осуди́вся, всему́ роду, телотле́нен не́кий яко вред, неду́га преподаде́[131]131
  Ибо осужденный на бесчестнейшее лишение жизни, он, словно некое растлевающее (все) тело повреждение, сообщил свою болезнь всему (человеческому) роду.


[Закрыть]. Но обре́тше земноро́днии воззва́ние кре́стным Дре́вом, зове́м: препе́тый отце́в и нас Бо́же, благослове́н еси́.

Слава, Господи, Кресту Твоему Честно́му.

Разреши́ повеле́ние Бо́жие преслуша́ние[132]132
  Преслушание разрушило Божию заповедь.


[Закрыть], и дре́во принесе́ смерть челове́ком, е́же неблаговре́менно прича́стно бы́вшее; во утвержде́ние же зело́ честно́го отту́ду жи́зни дре́во возбраня́емо бе, е́же разбо́йнику злоуме́ршу отве́рзе, благоразумно зову́щу, препе́тый отце́в и нас, Бо́же, благослове́н еси́.

Слава, и ныне: Жезла́ объе́млет край Ио́сифова, бу́дущая зря, Изра́иль, ца́рствия держа́вное я́ко возыму́ществит пресла́вный Крест, проявля́я[133]133
  Иаков (Израиль), провидя будущее, целует верх жезла Иосифова, (этим) предуказуя, что в Кресте (Христовом) будет заключена сила (православного) царства.


[Закрыть]: сей бо царе́й победоно́сная похвала́ и свет ве́рою зову́щим: препе́тый отце́в и нас Бо́же, благослове́н еси́.

Песнь 8

Ирмос: Благослови́те, о́троцы, Тро́ицы равночи́сленнии, Соде́теля Отца́ Бо́га, по́йте снизше́дшее Сло́во и огнь в ро́су претво́ршее, и превозноси́те всем жизнь подава́ющаго Ду́ха Всесвя́таго во ве́ки.

Слава, Господи, Кресту Твоему Честно́му.

Воздвиза́ему Дре́ву, окропле́ну Кро́вию вопло́щшагося Сло́ва Бо́га, по́йте, Небе́сныя си́лы, земны́х воззвание празднующе; людие, поклони́теся Христову Кресту, и́мже ми́ру востание во веки.

Слава, Господи, Кресту Твоему Честному.

Земнороднии дланьми стройтелие благодати[134]134
  Т. е. епископы.


[Закрыть], Крест, на не́мже стояше Христос Бог, возноси́те священноле́пно, и копие́, Божия Слова Те́ло пробо́дшее, да ви́дят язы́цы вси спасе́ние Божие, славяще во ве́ки.

Слава, и ныне: Боже́ственным судом предызбраннии, весели́теся, христианстии ве́рнии ца́рие; хвали́теся победоносным оружием, прие́мше от Бога Крест Честный: в сем бо коле́на[135]135
  Племена.


[Закрыть], браней де́рзости и́щуще, разсыпаются во ве́ки.

Песнь 9

Вместо песни Богородицы поются особые припевы праздника:

Велича́й, душе моя, Пречестны́й Крест Господень.

Ирмос: Та́ин еси́, Богородице, рай[136]136
  Богородица, Ты – та́инственный (т. е. духовно созерцаемый) сад.


[Закрыть], невозде́ланно[137]137
  Т. е. без земледельческой обработки – образ бессемейного зачатия Христова.


[Закрыть]возраставший Христа́, Имже кре́стное живоно́сное на земли́ насади́ся Дре́во. Тем ны́не возноси́мым[138]138
  Посредством сего, ныне возносимого (Креста).


[Закрыть], покланя́ющеся Ему́, Тя велича́ем.

Велича́й, душе моя, Пречестны́й Крест Господень.

Да возра́дуются древа́ дубра́вная вся, освяти́вшуся естеству́ их от Негоже изнача́ла насади́шася, Христа́, распросте́ршася на Древе[139]139
  Приняв освящение своей природы от Того, Кто изначально их насадил, – от Христа, распростершегося на Древе (крестном).


[Закрыть]. Тем ныне возносимым, покланяемся Ему и величаем.

Велича́й, душе моя, Пречестны́й Крест Господень.

Священен воста́ рог богомудрым Главы всех, Крест: и́мже грешных мысленно стира́ются роги вси. Тем ныне возносимым, покланяемся Ему и велича́ем.

Велича́й, душе моя, Животворящаго Креста Господня воздвижение.

Ирмос: Сне́дию дре́ва роду прибы́вшая смерть Крестом упраздни́ся днесь: и́бо прама́терняя всеродная клятва разруши́ся прозябе́нием Чи́стыя Богома́тере. Юже вся си́лы Небе́сныя величают.

Велича́й, душе моя, Пречестны́й Крест Господень.

Го́рести уби́йственныя, яже от дре́ва[140]140
  Древа познания.


[Закрыть], не оста́вив, Господи, Крестом сию соверше́нно истреби́л еси́. Сего ра́ди и дре́во услади́ иногда́ горесть вод Ме́рры, прообразующее Креста́ де́йство, е́же вся си́лы Небе́сныя велича́ют.

Велича́й, душе моя, Пречестны́й Крест Господень.

Непреста́нно гружа́емыя мра́ком пра́отца, Господи, Крестом возвы́сил еси́ днесь: яко бо ле́стию весьма́ неудержа́нно естество преднизведе́ся, всербдне[141]141
  Всецело, без остатка.


[Закрыть] ны па́ки испра́ви свет Креста́ Твоего[142]142
  Непрерывно (т. е. из поколения в поколение) погружавшихся во мрак праотца Ты, Господи, поднял (из этого мрака) Крестом в сей день: ибо как наша природа слишком сильно исказилась вследствие самообмана (праотцев), так вновь (ее) всецело исправил свет Креста Твоего.


[Закрыть], его́же ве́рнии велича́ем.

Слава, и ныне:, явлению Креста царю Константину:

Да о́браз пока́жеши ми́ру покланя́емый, Го́споди, Креста во всех я́ко пресла́вный[143]143
  Как славный во всех (отношениях).


[Закрыть], на Небесе́х изобрази́л еси́ све́том безме́рным озаре́н царю́ всеору́жие непобеди́мое. Тем Тя вся си́лы Небе́сныя велича́ют.

Эксапостиларий праздника, глас 2

Крест – храни́тель всея́ вселе́нныя[144]144
  Всей (христианской) империи.


[Закрыть], Крест – красота́ Це́ркве; Крест – царе́й держа́ва; Крест – ве́рных утвержде́ние; Крест – Ангелов сла́ва и де́монов я́зва. Слава, и ныне: Крест воздвиза́ется днесь и мир освяща́ется: Иже бо со Отце́м Седя́й и Ду́хом Святы́м, на сем ру́це распросте́р, мир весь привле́кл еси́ к Твоему́, Христе́, позна́нию. Иже у́бо на Тя наде́ющияся[145]145
  Так вот надеющихся на Тебя.


[Закрыть]боже́ственныя сподо́би сла́вы.

На псалмах хвалы стихиры, глас 8

О пресла́внаго чудеса́![146]146
  О невероятное чудо!


[Закрыть] Живоно́сный сад[147]147
  Живоносным насаждением.


[Закрыть] Крест пресвяты́й, на высоту́ возноси́мь, явля́ется днесь. Славосло́вят вси концы́ земни́и; устраша́ются де́монския полки́. О каковы́й дар земны́м дарова́ся! Имже, Христе́, спаси́ ду́ши на́ша, я́ко еди́н благоутро́бен.

О пресла́внаго чудеса́! Яко грозд испо́лнен живота́, понесы́й Вы́шняго, от земли́ воздвиза́емь, Крест ви́дится днесь[148]148
  Словно полная жизни лоза, видится поднимаемый сегодня от земли Крест, понесший на себе Всевышнего (т. е. Христа Бога).


[Закрыть], и́мже вси к Бо́гу привлеко́хомся и поже́рта бысть до конца́ смерть. О Дре́во пречестно́е, и́мже восприя́хом во Еде́ме безсме́ртную пи́щу, Христа́ сла́вяще! О пресла́внаго чудеса́! Широта́ Креста́ и долгота́ небеси́ равна́ есть[149]149
  Имеется в виду явление Креста на небе, при котором четыре его луча равномерно простирались до горизонта.


[Закрыть]: я́ко боже́ственною благода́тию освяща́ет вся́ческая. О сем язы́цы ва́рварстии побежда́ются; о сем ски́птры царе́й утвержда́ются. О боже́ственныя ле́ствицы [150]150
  О божественная (богоучрежденная) лестница!


[Закрыть], е́юже восхо́дим на Небеса́, вознося́ще в пе́снех Христа́ Го́спода!

Слава, и ныне, глас 6: Днесь происхо́дит[151]151
  Износится, шествует впереди.


[Закрыть] Крест Госпо́день, и ве́рнии прие́млют того́ жела́нием[152]152
  Встречают его с нетерпением.


[Закрыть], и взе́млют исцеле́ния души́ же и те́ла и вся́кия боле́зни. Сего́ целу́им ра́достию и стра́хом: стра́хом, греха́ ра́ди, яко недосто́йни су́ще; ра́достию же, спасе́ния ра́ди, е́же подае́т ми́ру на том пригвозди́выйся Христо́с Бог, име́яй ве́лию ми́лость.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, си́лою Честна́го и Животворя́щаго Креста́, святы́х равноапо́стольных царе́й Константи́на и Еле́ны, святи́теля Мака́рия, епи́скопа Иерусали́мскаго, и всех святы́х, поми́луй и спаси́ нас, я́ко благ и Человеколю́бец.