Текст книги "Греческий молитвослов. Молитвы на всякое время дня, недели и года"

Благовещение Пресвятой Богородицы

Двунадесятый праздник Благовещения Пресвятой Богородицы установлен в воспоминание о возвещении архангелом Гавриилом Деве Марии будущего рождения от Нее Воплотившегося Бога Иисуса Христа (см. Лк. 1:26–38).

Благовещенские молитвословия исполняются 7 апреля по н. ст., за 9 месяцев до Рождества Христова, и в субботу 5-й недели Великого поста (Похвала Пресвятой Богородице, или Суббота акафиста, которая с древности является альтернативным подвижным празднованием Благовещения). Среди молитвословий праздника особо выделяются древнейшие песнопения в честь Божией Матери – первый в своем роде Акафист Богородице и необычный канон на утрене, сочиненный в форме диалога архангела Гавриила и Пресвятой Девы. В такой же диалогической форме сочинены и стихиры на вечерне.

На вечерне стихиры праздника, глас 6

Архангел: Совет преве́чный открывая Тебе, Отроковице, Гавриил предста, Тебе лобзая[279]279
  Приветствуя.


[Закрыть] и вещая: радуйся, Земле ненасе́янная; радуйся, Купино неопалимая; радуйся, Глубино неудобозри́мая; радуйся, Мосте, к Небесе́м преводяй, и Ле́ствице высокая, ю́же Иа́ков ви́де; ра́дуйся, боже́ственная Ста́мно ма́нны; ра́дуйся, Разреше́ние кля́твы; ра́дуйся, Ада́мово Воззва́ние: с Тобо́ю Госпо́дь.

Богородица: Явля́ешися Мне я́ко челове́к, глаго́лет нетле́нная Отрокови́ца ко Архистрати́гу, и ка́ко веща́еши глаго́лы па́че челове́ка? Со Мно́ю бо рекл еси́ Бо́гу бы́ти, и всели́тися во утро́бу Мою́. И ка́ко бу́ду, глаго́ли Ми, вмести́лище простра́нное и ме́сто свяще́ния, Херуви́мы превосходя́щаго? Да не прельсти́ши Мене́ ле́стию, не бо позна́х сла́сти, бра́ку есмь неприча́стна: ка́ко убо Отроча́ рожду́?

Архангел: Бог иде́же хо́щет, побежда́ется естества́ чин, глаго́лет безпло́тный, и я́же па́че челове́ка содева́ются, мои́м ве́руй и́стинным глаго́лом, Всесвята́я, Пренепоро́чная.

Богородица: Она́ же возопи́: бу́ди Мне ны́не по глаго́лу твоему́, и рожду́ Безпло́тнаго, плоть от Мене́ заи́мствовавшаго, я́ко да возведе́т челове́ка, я́ко един си́лен, в пе́рвое достоя́ние растворе́нием[280]280
  Посредством соединения в Себе Божества и человечества.


[Закрыть].

Слава, и ныне: По́слан бысть с Небесе́ Гаврии́л Арха́нгел благовести́ти Де́ве зача́тие; и прише́д в Назаре́т, помышля́ше в себе́, чудеси́ удивля́лся: о, ка́ко в Вы́шних Непостижи́м сый от Де́вы ражда́ется? Име́ли́ престо́л Не́бо и подно́жие зе́млю во утро́бу вмеща́ется Деви́чу! На Него́же шестокрила́тии и многоочи́тии зре́ти не мо́гут, сло́вом еди́нем от Сея́ воплоти́тися благоизво́ли. Бо́жие есть Сло́во настоя́щее. Что́ у́бо стою́ и не глаго́лю Де́ве: ра́дуйся, Благода́тная, Госпо́дь с Тобо́ю; ра́дуйся, Чи́стая Де́во; ра́дуйся, Неве́сто Неневе́стная; ра́дуйся, Ма́ти Живота́, благослове́н Плод чре́ва Твоего́!

Тропарь праздника, глас 4

Днесь спасе́ния на́шего глави́зна и е́же от ве́ка та́инства явле́ние: Сын Бо́жий Сын Де́вы быва́ет и Гаврии́л благода́ть благовеству́ет. Те́мже и мы с ним Богоро́дице возопии́м: ра́дуйся, Благода́тная, Госпо́дь с Тобо́ю.

Слава, и ныне, другой тропарь[281]281
  Из службы Субботы акафиста. Первоначально служил вводной строфой к акафисту, затем был вытеснен кондаком Богородице-Поборнице.


[Закрыть], глас 8: Повеле́нное та́йно прие́м в ра́зуме, в кро́ве Ио́сифове тща́нием пред ста́ безпло́тный [282]282
  Архангел Гавриил.


[Закрыть], глаго́ля Неискусобра́чней: Приклони́вый схожде́нием Небеса́, вмеща́ется неизме́нно весь в Тя, Его́же и ви́дя в ложесна́х Твои́х прие́мша ра́бий зрак, ужаса́юся зва́ти Тебе́: ра́дуйся, Неве́сто Неневе́стная.

Величание

Арха́нгельский глас вопие́м Ти, Чи́стая: ра́дуйся, Благода́тная, Госпо́дь с Тобо́ю.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стый Твоея́ Ма́тере, свята́го Архистрати́га Бо́жия Гаврии́ла и всех святы́х, поми́луй и спаси́ нас, я́ко благ и Человеколю́бец.

На повечерии Акафист Богородице [283]283
  Акафист может быть прочитан также вместо канона праздника на утрене.


[Закрыть], глас 8

Кондак Богородице-Поборнице[284]284
  Кондак Богородице-Поборнице составлен в связи с чудесным заступничеством Пресвятой Богородицы, защитившей Константинополь от нашествия персов и аваров в 626 г., и по содержанию никак не связан с 24 строфами акафиста. В греческом оригинале первые буквы строф образуют алфавитный акростих.


[Закрыть]

Избранной Воево́де победи́тельная, я́ко изба́влынеся от злых, благода́рственная воспису́ем Ти раби́ Твои́, Богоро́дице[285]285
  Вождю-Поборнице победы песнопения (и), как избавленные от бед, благодарения посвящаем Тебе, рабы Твои (в оригинале: град Твой), Богородице.


[Закрыть]. Но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

Икос 1

Ангел предста́тель с Небеса́ по́слан бысть, рещи́ Богоро́дице: Ра́дуйся! И со безпло́тным гла́сом воплоща́ема Тя зря Го́споди, ужаса́шеся и стоя́ше, зовы́й к Ней такова́я:

Ра́дуйся, Еюже ра́дость возсия́ет; ра́дуйся, Еюже кля́тва исча́знет.

Ра́дуйся, па́дшаго Ада́ма воззва́ние; ра́дуйся, слез Евиных избавла́ние.

Ра́дуйся, высото́ неудобовосходи́мая челова́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́-сиши Нося́щаго вся.

Ра́дуйся, звезда́ явля́ющая са́лнце; ра́дуйся, утра́бо Боже́ственнаго воплоще́ния.

Ра́дуйся, Еюже обновля́ется тварь; ра́дуйся, Еюже покланя́емся Творцу́.

Радуйся, Неве́сто Неневе́стная.

Кондак 1

Вйдящи Свята́я Себе́ в чистоте́, глага́лет Гаврии́лу де́рзостно: пресла́вное твоего гла́са неудобоприя́тельно души́ Мое́й явля́ется; безсе́меннаго бо зача́тия рождества́ ка́ко глага́леши, зовы́й: Аллилу́йя.

Икос 2

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну како есть роди́тися ма́щно, рцы ми? К Не́йже он рече́ со стра́хом, оба́че зовы́й си́це:

Ра́дуйся, Сове́та неизрече́ннаго таи́ннице; ра́дуйся, молча́ния прося́щих ве́ро[286]286
  Верность (в хранении) того, что требует молчания.


[Закрыть].

Ра́дуйся, чуде́с Христа́вых нача́ло; ра́дуйся, веле́ний Его глави́зно.

Ра́дуйся, ле́ствице Небе́сная, Еюже сни́де Бог; ра́дуйся, ма́ете, преводя́й су́щих от земли́ на Небо. Ра́дуйся, а́нгелов многослову́щее чу́до; ра́дуйся, беса́в многоплаче́вный стру́пе.

Ра́дуйся, Свет неизрече́нно роди́вшая; ра́дуйся, е́же ка́ко, ни еди́нагоже научи́вшая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Радуйся, Неве́сто Неневе́стная.

Кондак 2

Си́ла Вы́шняго осени́ тогда́ к зача́тию браконеиску́сную, и благопло́дная Тоя́ ложесна́, я́ко село́ показа́ сла́дкое, всем хотя́щим жа́ти спасе́ние, внегда́ пе́ти си́це: Аллилу́йя.

Икос 3

Иму́щи Богоприя́тную Де́ва утро́бу, востече́ ко Елизаве́ти; младенец же о́ноя а́бие позна́в сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

Ра́дуйся, о́трасли неувяда́емыя розго́: ра́дуйся, плода́ безсме́ртнаго стяжа́ние.

Ра́дуйся, де́лателя де́лающая Человеколю́бца; ра́дуйся, сади́теля жи́зни на́глея ро́ждшая.

Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ний.

Ра́дуйся, я́ко рай пи́щный процвета́еши; ра́дуйся, я́ко приста́нище душа́м гото́виши.

Ра́дуйся, прия́тное моли́твы кади́ло; ра́дуйся, всего́ ми́ра очищение[287]287
  Умилостивление.


[Закрыть].

Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.

Ра́дуйся, Неве́сто Неневе́стная.

Кондак 3

Бу́рю внутрь име́я помышле́ний сумни́тельных, целому́дренный Ио́сиф смяте́ся, к Тебе́ зря небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́йя.

Икос 4

Слы́шаша па́стырие а́нгелов пою́щих плотско́е Христо́во прише́ствие, и те́кше я́ко к па́стырю, ви́дят Сего́ я́ко а́гнца непоро́чна, во чре́ве Мари́ине упа́сшася, Юже пою́ще ре́ша:

Ра́дуйся, Агнца и Па́стыря Ма́ти; ра́дуйся, дво́ре слове́сных ове́ц.

Ра́дуйся, неви́димых враго́в муче́ние; ра́дуйся, ра́йских дверей отверзе́ние.

Ра́дуйся, я́ко Небе́сная сра́дуются земны́м; ра́дуйся, я́ко земна́я сликовству́ют Небе́сным.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте.

Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние.

Ра́дуйся, Еюже обнажи́ся ад; ра́дуйся, Еюже облеко́-хомся сла́вою.

Ра́дуйся, Неве́сто Неневе́стная.

Кондак 4

Боготе́чную звезду́ узре́вше волсви́, тоя́ после́доваша зари́; и я́ко свети́льник держа́ще ю, то́ю испыта́ху кре́пкаго Царя́; и дости́гше Непостижи́маго, возра́довашася Ему́ вопию́ще: Аллилу́йя.

Икос 5

Ви́деша о́троцы халде́йстии на руку́ деви́чу Созда́вшаго рука́ма челове́ки, и Влады́ку разумева́юще Его́, е́ще и ра́бий прия́т зрак, потща́шася дарми́ послужи́ти Ему́, и возопи́ти Благослове́нней:

Ра́дуйся, Звезды́ незаходи́мыя Ма́ти; ра́дуйся, заре́ та́инственнаго дне.

Ра́дуйся, пре́лести пещь угаси́вшая; ра́дуйся, Тро́ицы тайнники просвеща́ющая.

Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода Человеколю́бца показа́вшая Христа́.

Ра́дуйся, ва́рварскаго избавля́ющая служе́ния; ра́дуйся, тиме́ния[288]288
  Болота.


[Закрыть] изыма́ющая дел.

Ра́дуйся, огня́ поклоне́ние угаси́вшая; ра́дуйся, пла́-мене страсте́й изменя́ющая.

Ра́дуйся, ве́рных наста́внице целому́дрия; ра́дуйся, всех родо́в весе́лие.

Радуйся, Неве́сто Неневе́стная.

Кондак 5

Пропове́дницы богоно́снии бы́вше волсви́, возврати́шася в Вавило́н, сконча́вше Твое́ проро́чество; и пропове́давше Тя Христа́ всем, оста́виша Ирода я́ко буесло́вяща, не ве́дуща пети: Аллилу́йя.

Икос 6

Возсия́вый во Еги́пте просвеще́ние и́стины, отгна́л еси́ лжи тьму: йдоли бо его́ Спа́се, не терпя́ще Твоея́ кре́пости, падо́ша. Сих же изба́вльшиися[289]289
  Все отказавшиеся от язычества.


[Закрыть] вопия́ху к Богоро́дице:

Ра́дуйся, исправле́ние челове́ков; ра́дуйся, низпаде́ние бесо́в.

Ра́дуйся, пре́лести держа́ву попра́вшая; ра́дуйся, йдольскую лесть обличи́вшая.

Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни. Ра́дуйся, о́гненный сто́лпе, наставля́яй су́щия во тьме; ра́дуйся, покро́ве ми́ру, ши́рший о́блака. Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице.

Ра́дуйся, земле́ обетова́ния; ра́дуйся, из Нея́же тече́т мед и мле́ко.

Ра́дуйся, Неве́сто Неневе́стная.

Кондак 6

Хотя́щу Симео́ну от ны́нешняго ве́ка преста́витися пре́лестнаго, вда́лся еси́ я́ко Младе́нец тому; но позна́лся еси́ ему́ и Бог соверше́нный. Те́мже удиви́ся Твое́й неизрече́нней прему́дрости, зовы́й: Аллилу́йя.

Икос 7

Но́вую показа́ тварь я́влься Зижди́тель, нам от Него́ бы́вшим, из безсе́менныя прозя́б утро́бы, и сохранив ю, я́коже бе, нетле́нну, да чу́до ви́дяще воспои́м Ю, вопию́ще:

Ра́дуйся, цве́те нетле́ния; ра́дуйся, ве́нче воздержа́ния. Ра́дуйся, Воскресе́ния о́браз облиста́ющая; ра́дуйся, а́нгельское житие́ явля́ющая.

Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи.

Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим. Ра́дуйся, Судий Пра́веднаго умоле́ние; ра́дуйся, мно́гих согреше́ний проще́ние.

Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая.

Ра́дуйся, Неве́сто Неневе́стная.

Кондак 7

Стра́нное рождество́ ви́девше, устрани́мся ми́ра, ум на Небеса́ прело́жше: сего́ бо ра́ди высо́кий Бог, на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́йя.

Икос 8

Весь бе в ни́жних и вы́шних ника́коже отступи́ неопи́санное Сло́во; снизхожде́ние бо Боже́ственное не прехожде́ние же ме́стное бысть, и рождество́ от Де́вы Богоприя́тныя, слы́шащия сия́:

Ра́дуйся, Бо́га невмести́маго вмести́лище; ра́дуйся, честна́го та́инства две́ри.

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

Ра́дуйся, колесни́це Пресвята́я су́щаго на Херуви́мех; ра́дуйся, селе́ние пресла́вное су́щаго на Серафи́мех. Ра́дуйся, проти́вная в то́жде[290]290
  Противоположное в одно.


[Закрыть] собра́вшая; ра́дуйся, де́вство и рождество́ сочета́вшая.

Ра́дуйся, Еюже разреши́ся преступление; ра́дуйся, Еюже отве́рзеся рай.

Ра́дуйся, ключу́ Ца́рствия Христо́ва; ра́дуйся, надежде» благ ве́чных.

Ра́дуйся, Неве́сте» Неневе́стная.

Кондак 8

Вся́кое естество́ а́нгельское удиви́ся, вели́кому Твоего́ вочелове́чения де́лу; непристу́пнаго бо я́ко Бо́га зря́ше всем присту́пнаго челове́ка, нам у́бо спребыва́юща, слы́шаща же от всех: Аллилу́йя.

Икос 9

Вети́я многовеща́нныя, я́ко ры́бы безгла́сныя, ви́дим о Тебе́ Богоро́дице; недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́? Мы же та́инству дивя́щеся, ве́рно вопие́м:

Ра́дуйся, прему́дрости Бо́жия прия́телище; ра́дуйся, промышле́ния Его́ сокро́вище.

Ра́дуйся, любому́дрыя нему́др ыя явля́ющая; ра́дуйся, хитрослове́сныя безслове́сныя облича́ющая. Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы.

Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая.

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний.

Ра́дуйся, Неве́сто Неневе́стная.

Кондак 9

Спасти́ хотя́ мир, я́же всех Украси́тель, к сему́ самообетова́н прии́де, и Па́стырь сый, я́ко Бог, нас ра́ди яви́ся по нам челове́к; подо́бным бо подо́бное призва́в, я́ко Бог слы́шит: Аллилу́йя.

Икос 10

Стена́ еси́ де́вам, Богоро́дице Де́во, и всем к Тебе́ прибега́ющим; и́бо Небеса́ и земли́ Творе́ц устро́й Тя, Пречи́стая, все́лься во утро́бе Твое́й и вся приглаша́ти Тебе́ научи́в:

Ра́дуйся, сто́лпе де́вства; ра́дуйся, дверь спасе́ния. Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости.

Ра́дуйся, Ты бо обнови́ла еси́ зача́тыя сту́дно; ра́дуйся, Ты бо нака́зала еси́ окра́денныя умом.

Ра́дуйся, тли́теля смы́слов упражня́ющая[291]291
  Упраздняющая.


[Закрыть]; ра́дуйся, Се́ятеля чистоты́ ро́ждшая.

Ра́дуйся, черте́же безсе́меннаго уневе́щения; ра́дуйся, ве́рных Го́сподеви сочета́вшая.

Ра́дуйся, до́брая младопита́тельнице де́вам; ра́дуйся, невестокраси́тельнице душ святы́х.

Радуйся, Неве́сто Неневе́стная.

Кондак 10

Пе́ние всякое побежда́ется, спростре́тися тща́щееся ко мно́жеству мно́гих щедро́т Твои́х; равночи́сленныя бо песка́ песни́ а́ще прино́сим Ти, Царю́ Святы́й, ничто́же соверша́ем досто́йно, я́же дал еси́ нам, Тебе́ вопию́щим: Аллилу́йя.

Икос 11

Светоприе́мную свешу́, су́щим во тьме я́вльшуюся, зрим Святу́ю Де́ву; невеще́ственный бо вжига́ющи огнь, наставля́ет к ра́зуму Боже́ственному вся, заре́ю ум просвеща́ющая, зва́нием же почита́емая, си́ми:

Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та.

Ра́дуйся, мо́лние, ду́ши просвеща́ющая; ра́дуйся, я́ко гром, враги́ устраша́ющая.

Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́.

Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну.

Ра́дуйся, ба́не, омыва́ющая со́весть; ра́дуйся, ча́ше, че́рплющая ра́дость.

Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия.

Ра́дуйся, Неве́сто Неневе́стная.

Кондак 11

Благода́ть да́ти восхоте́в долго́в древних, всех долго́в Реши́тель челове́ком, прии́де Собо́ю ко отше́дшим Того́ благода́ти; и раздра́в рукописа́ние, слы́шит от всех си́це: Аллилу́йя.

Икос 12

Пою́ще Твое́ рождество́, хва́лим Тя вси, я́ко одушевле́нный храм, Богоро́дице; во Твое́й бо всели́вся утро́бе, содержа́й вся руко́ю Госпо́дь, освяти́, просла́ви, научи́ вопи́ти Тебе́ всех:

Ра́дуйся, селе́ние Бо́га и Сло́ва; ра́дуйся, Свята́я Святы́х бо́льшая.

Ра́дуйся, ковче́же позлаще́нный Ду́хом; ра́дуйся, сокро́вище живота́ неистощи́мое.

Ра́дуйся, честны́й ве́нче царе́й благочести́вых; ра́дуйся, честна́я похвало́ иере́ев благогове́йных. Ра́дуйся, Це́ркве непоколеби́мый сто́лпе; ра́дуйся, ца́рствия неруши́мая стено́.

Ра́дуйся, Еюже воздви́жутся побе́ды; ра́дуйся, Еюже низпа́дают врази́.

Ра́дуйся, те́ла моего́ врачева́ние; ра́дуйся, души́ моея́ спасе́ние.

Ра́дуйся, Неве́сто Неневе́стная.

Кондак 12

О Всепе́тая Ма́ти, ро́ждшая всех святы́х святе́йшее Сло́во, ны́нешнее прие́мши приноше́ние, от вся́кия изба́ви напа́сти всех, и бу́дущия изми́ му́ки, о Тебе вопию́щих: Аллилу́йя. (Трижды)

И снова кондак Богородице-Поборнице

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице. Но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

На утрене канон Благовещения[292]292
  Канон праздника (кроме 9-й песни) сочинен в форме диалога между архангелом Гавриилом и Богородицей. Вместо канона можно прочесть акафист Богородице, приведенный выше.


[Закрыть],

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отрыгну́ Цари́це Ма́тери, и явлю́ся све́тло торжеству́я, и воспою́ ра́дуяся Тоя́ чудеса́.

Пресвятая Богородице, спаси нас.

Да пое́т Тебе́, Влады́чице, движа́ свире́ль духо́вную, Дави́д пра́отец Твой: послу́шай, Дщи, ра́дованнаго гла́са от Ангела, ра́дость бо возвеща́ет Тебе́ неизглаго́л энную.

Ангел возопи́: Вопию́ Тебе́ веселя́ся: приклони́ у́хо Твое́ и вонми́ ми, Бо́жие возвеща́ющу безсе́менное зача́тие; обрела́ бо еси́ благода́ть пред Бо́гом, ея́же никогда́же обре́те друга́я, Всечи́стая.

Богородица рече́: Да разуме́ю, Ангеле, твои́х глаго́л си́лу, ка́ко бу́дет, е́же рекл еси́, глаго́ли я́вственнейше? Ка́ко зачну́, Де́ва су́щи Отрокови́ца? Ка́ко же и Ма́ти бу́ду Зижди́теля Моего́?

Ангел возопи́: Ле́стно мя веща́ти помышля́еши[293]293
  Ты думаешь, что я тебя обманываю.


[Закрыть], я́ко мню; и ра́дуюся, зря Твое́ утвержде́ние [294]294
  Твердость.


[Закрыть]. Дерза́й, Влады́чице, Бо́гу бо хотя́щу, удо́бь сконча́ются и пресла́вная [295]295
  Легко происходит и невероятное.


[Закрыть].

Песнь 3

Ирмос: Твоя́ песносло́вцы, Богоро́дице, живы́й и незави́стный исто́чниче, лик себе́ совоку́плыпия духо́вно утверди́, в Боже́ственней Твое́й сла́ве венце́в сла́вы сподо́би.

Богородица рече́: Оскуде́ князь от Иу́ды, вре́мя наста́ про́чее, в не́же яви́тся язы́ков наде́жда, Христо́с; ты же, ка́ко Сего́ рожду́, Де́ва су́щи, скажи́?

Ангел возопи́: Ищеши от мене́ уве́дети, Де́во, о́браз зача́тия Твоего́, но той несказа́нен есть; Дух же Святы́й зижди́тельною си́лою, осени́в Тя, соверши́т. Богородица рече́: Моя́ прама́ти, прие́мши ра́зум змии́н, пи́щи боже́ственныя изгна́на бысть; те́мже и Аз бою́ся целова́ния стра́ннаго твоего́, стыдя́щися поползнове́ния.

Ангел возопи́: Бо́жий предста́тель по́слан есмь боже́ственный, пове́дати Тебе́ сове́т; что мене́ бои́шися, Всенепоро́чная, па́че Тебе́ боя́щагося? Что благогове́еши мне, Влады́чице, Тебе́ че́стно благогове́ющему?

Песнь 4

Ирмос: Седя́й в сла́ве на престо́ле Божества́, во о́блаце ле́ще прии́де Иису́с Пребоже́ственный нетле́нною дла́нию, и спасе́ зову́щия: сла́ва, Христе́, си́ле Твое́й.

Богородица рече́: Свяще́нную не́кую Де́ву ражда́ющую слы́шах проро́ка дре́вле Еммануи́ла проре́кша; хощу́же разуме́ти, ка́ко Божества́ растворе́ние естество́ челове́ческое претерпи́т?

Ангел возопи́: Яви́ла есть купина́ неопа́льна пребы́вши, прие́мши пла́мень, Обра́дованная Всепе́тая, на Тебе́ та́инства пресла́вное: по рождестве́ бо пребу́деши Чи́стая Присноде́ва.

Богородица рече́: Освеща́ем сия́нием Бо́га Вседержи́теля, и́стины пропове́дниче, глаго́ли, Гаврии́ле, и́стиннейшая: ка́ко нетле́ние бы́вши чистоте́ Мое́й, Сло́ва рожду́ с пло́тию Безпло́тнаго?

Ангел возопи́: Со стра́хом Тебе́, я́ко раб Госпоже́ предстою́, с боя́знию, Отрокови́це, ны́не смотри́ти стыжду́ся Тебе́; я́ко бо дождь на руно́ сни́дет на Тя Сло́во Отчее, я́ко благоволи́.

Песнь 5

Ирмос: Ужасо́шася вся́ческая о Боже́ственней сла́ве Твое́й: Ты бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ безле́тнаго Сы́на, всем воспева́ющим Тя мир подава́ющая.

Богородица рече́: Разуме́ти не могу́ Твои́х слове́с изве́стия: чудеса́ бо бы́ша мно́жицею, Боже́ственною си́лою чудоде́йствуема, зна́мения и о́бразы зако́ннии; роди́ же де́ва неискусому́жне никогда́же.

Ангел возопи́: Диви́т, Всенепоро́чная, и стра́нно бо чу́до Твое́, Еди́на бо Ты всех Царя́ прии́меши во утро́бе воплоща́ема; и Тя прообразу́ют проро́ческая рече́ния и гада́ния, зако́ннии о́бразы.

Богородица рече́: Все́ми Невмести́мый и все́ми Неви́димый, ка́ко Сей мо́жет во чре́ве Деви́че всели́тися, е́же Сам созда́, ка́ко же и зачну́ Бо́га Сло́ва, собезнача́льна Отцу́ и Ду́ху?

Ангел возопи́: К Твоему́ пра́отцу Дави́ду обеща́ся посади́ти от плода́ Твоего́ чре́ва на престо́ле ца́рства его́, Иа́ковлю Тя Добро́ту Еди́ну избра́ в слове́сное селе́ние.

Песнь 6

Ирмос: Возопи́, преобразуя погребе́ние тридне́вное, проро́к Ио́на, в ки́те моля́ся: от тли изба́ви мя, Иису́се, Царю́ сил.

Богородица рече́: Глаго́л твои́х, Гаврии́ле, глас ра́дованен прие́мши, весе́лия Боже́ственнаго испо́лнихся: ра́дость бо пове́даеши и весе́лие возвеща́еши безконе́чное.

Ангел возопи́: Тебе́ даде́ся ра́дость, Богома́ти, божественная; Тебе́ е́же, ра́дуйся, вся тварь вопие́т, Богоневе́сто: Ты бо Еди́на Ма́ти Сы́на Бо́жия пронарече́ся, Чи́стая.

Богородица рече́: Евы Мно́ю ны́не да упраздни́тся осужде́ние, да возда́стся Мно́ю долг днесь; Мно́ю заи́мствование дре́внее да да́стся преиспо́лнено.

Ангел возопи́: Обеща́ся Бог Авраа́му пра́отцу благослови́тися в се́мене его́ язы́ком, Чи́стая: Тобо́ю же коне́ц обеща́ние прие́млет днесь.

Песнь 7

Ирмос: Не послужи́ша тва́ри богому́дрии па́че Созда́вшаго, но о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бог, благослове́н еси́.

Богородица рече́: Свет невеще́ственный пове́дая в веще́ственне телеси́ совокупля́ем за милосе́рдие мно́гое, све́тлое благове́щение, боже́ственная пропове́дания ны́не взыва́еши Ми: благослове́н, Всечи́-стая, Плод Твоего́ чре́ва.

Ангел возопи́: Ра́дуйся, Влады́чице Де́во; ра́дуйся, Пречи́стая; ра́дуйся, Прия́телище Бо́жие; ра́дуйся, Све́щниче Све́та, Ада́мово Воззва́ние, Евы Избавле́ние, Горб Свята́я, прея́вственное Свяще́ние и Черто́г безсме́ртия.

Богородица рече́: Ду́шу очи́сти, те́ло освяти́, це́рковь сотвори́ Мя вмести́тельну Бо́га, Ски́нию богоукра́-шену, одушевле́н Храм наи́тием Пресвята́го Ду́ха, и Жи́зни чи́стую Ма́терь.

Ангел возопи́: Яко многосве́тлую Свещу́ и богоде́-ланен Черто́г ви́жу Тя ны́не; я́ко злат киво́т зако́на Пода́теля приими́, Богоневе́сто, благоизво́лившаго челове́ческое изба́вити Тобо́ю тле́нное существо́.

Песнь 8[296]296
  В греческом оригинале первые буквы всех строк ирмоса и тропарей образуют алфавитный акростих.


[Закрыть]

Ирмос: Слы́ши, Отрокови́це Де́во чи́стая, да рече́т у́бо Гаврии́л, сове́т Вы́шняго дре́вний и́стинный: бу́ди к прия́тию гото́ва Бо́жию: Тобо́ю бо Невмести́мый с челове́ки поживе́. Тем и ра́дуяся вопию́: благослови́те, вся дела́ Госпо́дня, Го́спода.

Богородица рече́: Ум всяк побежда́ется земны́х, отвеща́ Деви́ца, и́щущи я́же Мне веща́еши пресла́вная; слы́шах твоя́ словеса́, но бою́ся ужаса́ющися, да не ле́стию Мя, я́ко Еву, дале́че по́слеши от Бо́га. Но оба́че се вопию́: благослови́те, вся дела́ Госпо́дня, Го́спода.

Ангел возопи́: Се Тебе́ недоуме́нное разреши́ся, глаго́лет к сим Гаврии́л, до́бре бо рекла́ еси́, вещь неудобопости́жна, словесе́м Твои́х усте́н повину́ющися про́чее. Не сумни́ся я́ко ле́сти, я́коже ве́щи ве́руй; аз бо ра́дуяся вопию́: благослови́те, вся дела́ Госпо́дня, Го́спода.

Богородица рече́: Зако́н сей от Бо́га есть челове́ком, Непоро́чная а́бие глаго́лет, о́бщия любве́[297]297
  От общей (супружеской) любви.


[Закрыть] рождество́ происхо́дит, не вем супру́жника сла́сти всеконе́чно: ка́ко у́бо глаго́леши, я́ко рожду́? Бою́ся, еда́ лесть глаго́леши. Но оба́че се вопию́: благослови́те, вся дела́ Госпо́дня, Го́спода.

Ангел возопи́: Глаго́лы, я́же мне веща́еши, Чи́стая, Ангел па́ки глаго́лет, обы́чая есть рождества́ челове́ков сме́ртных; и́стинно Бо́га Тебе́ обещава́ю, па́че сло́ва же и смы́сла воплоща́ема, я́ко весть, из Тебе́. Те́мже и ра́дуяся вопию́: благослови́те, вся дела́ Госпо́дня, Го́спода.

Богородица рече́: Явля́ешися Мне и́стины веща́тель, рече́ Де́ва, ра́дости бо о́бщия прише́л еси́ благове́стник: ду́шу у́бо очи́стих с те́лом, и по глаго́лу твоему́ бу́ди Мне, да всели́тся Бог в Мя, к Нему́же вопию́ с тобо́ю: благослови́те, вся дела́ Госпо́дня, Го́спода.

Песнь 9[298]298
  В греческом оригинале первые буквы всех строк ирмоса и тропарей образуют обратный алфавитный акростих.


[Закрыть]

Вместо песни Богородицы поются особые припевы:

Благовеству́й, земле́, радость ве́лию; хвалите, Небеса, Божию славу.

Ирмос: Яко одушевле́нному Бо́жию Киво́ту да ника́-коже ко́снется рука́ скве́рных. Устне́ же ве́рных Богоро́дице немо́лчно, глас А́нгела воспева́юще, с ра́-достию да вопию́т: ра́дуйся, Благода́тная, Госпо́дь с Тобо́ю.

Благовеству́й, земле́, радость ве́лию; хвалите, Небеса, Божию славу.

Па́че смы́сла заче́нши Бо́га, естества́ обы́чая утайся, Отрокови́це: Ты бо в рождестве́ ма́терскаго избежа́ла еси́, теку́щее естество́ а́ще и бы́вши[299]299
  Ибо Ты в рождении (Дитяти) избежала материнского (закона), хотя и состоя из текучего (изменчивого, тленного) естества.


[Закрыть].

Те́мже досто́йно слы́шиши: ра́дуйся, Благода́тная, Госпо́дь с Тобо́ю.

Благовеству́й, земле́, радость ве́лию; хвалите, Небеса, Божию славу.

Ка́ко то́чиши млеко́, Де́во Чи́стая, не мо́жет изрещи́ язы́к зе́млей: стра́нну бо естества́ показу́еши вещь, зако́ннаго рождества́ уста́в прехо́диши. Те́мже досто́йно слы́шиши: ра́дуйся, Благода́тная, Госпо́дь с Тобо́ю.

Благовеству́й, земле́, радость ве́лию; хвалите, Небеса, Божию славу.

Та́йно во свяще́нных писа́ниих глаго́лася о Тебе́, Ма́ти Вы́шняго: ле́ствицу бо дре́вле Иа́ков Тя образу́ющую ви́дев, рече́: степе́нь Бо́жия сия́. Те́мже досто́йно слы́шиши: ра́дуйся, Благода́тная, Госпо́дь с Тобо́ю.

Благовеству́й, земле́, радость ве́лию; хвалите, Небеса, Божию славу.

Чу́дное священноявле́нному Моисе́ю купина́ и о́гнь показа́ чу́до; ища́й же конца́ в прехожде́нии време́н: во Отрокови́це Чи́стей, рече́, узрю́. Ейже я́ко Богоро́дице да рече́тся: ра́дуйся, Благода́тная, Госпо́дь с Тобо́ю.

Благовеству́й, земле́, радость ве́лию; хвалите, Небеса, Божию славу.

Дании́л Тя го́ру нарече́ мы́ еденную; роди́тельницу же Бо́жию, Иса́ия; ви́дит же, я́ко руно́, Гедео́н; Дави́д же свяще́ние глаго́лет[300]300
  Называет Святыней.


[Закрыть]; дверь же Тя, ин. Гаврии́л же Тебе́ взыва́ет: ра́дуйся, Благода́тная, Госпо́дь с Тобо́ю.

Эксапостиларий праздника

Ангельских сил Архистрати́г по́слан бысть от Бо́га Вседержи́теля к Чи́стей и Де́ве благовести́ти стра́нное и неизрече́нное чу́до: зане́ Бог, я́ко Челове́к, из Нея́ младоде́йствуется без се́мене, назида́яй весь челове́ческий род; лнэ́дие, благовести́те обновле́ние ми́ра.

Слава, и ныне: Еже от ве́ка днесь познава́ется та́инство Бо́жие: Бог Сло́во Сын Де́вы Мари́и за милосе́рдие быва́ет, и ра́дость благове́щения Гаврии́л провещава́ет. С ни́мже возопие́м Ей: ра́дуйся, Ма́ти Госпо́дня.

На псалмах хвалы стихиры праздника, глас 4

Сокрове́нное та́инство и а́нгелом неве́домое, Гаврии́л уверя́ет Арха́нгел, и к Тебе́ ны́не прии́дет еди́-ней нетле́нней и до́брей Голуби́це, и ро́да на́шего Воззва́нию, и возопие́т Тебе́, Пресвята́я, е́же ра́дуйся: угото́вися сло́вом Бо́га Сло́ва Твои́ми ложесна́ми прия́ти.

Светоно́сная пала́та угото́вася Тебе́, Влады́ко, утро́ба чи́стая Богоотрокови́цы: гряди́ к сей и сни́ди, уще́дри созда́ние твое́, зави́стно брань приймшее и рабо́тою удержа́нное льсти́ваго, и добро́ту пе́рвую погуби́вшее, и Твоего́ спаси́тельнаго ча́ющее соше́ствия. Гаврийл Арха́нгел к Тебе́, Всенепоро́чная, явле́нно прии́дет и возопие́т Тебе́: ра́дуйся, кля́твы разреше́ние, па́дших воста́ние, ра́дуйся, еди́на избра́нная Бо́гу бы́вшая. Ра́дуйся, колесни́це Со́лнца сла́вы: приими́ безпло́тнаго, во утро́бе Твое́й всели́тися хотя́щаго.

Слава, и ныне: Язы́ка, его́же не ве́дяше, услы́ша Богоро́дица, глаго́лаше бо к Ней Арха́нгел благове́щения глаго́лы: отню́дуже ве́рно приймши целова́ние, зача́т Тя, Преве́чнаго Бо́га. Те́мже и мы ра́дующеся вопие́м Ти: из Нея́ воплоти́выйся непрело́жно, Бо́же, мир ми́рови да́руй и душа́м на́шим ве́лию ми́лость.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, свята́го Архистрати́га Бо́жия Гаврийла и всех святы́х, поми́луй и спаси́ нас, я́ко благ и Человеколю́бец.