Текст книги "Греческий молитвослов. Молитвы на всякое время дня, недели и года"

Вход Господень во Иерусалим

В службе этого двунадесятого праздника вспоминается торжественный и одновременно смиренный въезд Спасителя на осленке во град Иерусалим в преддверии Его спасительных страданий (см. Мф. 21:1-11).

В храм на праздник, в подражание евангельской истории, люди несут пальмовые ветви (по-славянски «вайя»), а на Руси – вербы, откуда его русское название «Вербное воскресенье».

Песнопения праздника исполняются в последнее воскресенье перед Пасхой.

На вечерне стихиры праздника, глас 6

Днесь благода́ть Свята́го Ду́ха нас собра́, и вси взе́мше крест Твой глаго́лем: благослове́н Гряды́й во имя Госпо́дне, оса́нна в вы́шних.

Име́яй престо́л Не́бо и подно́жие зе́млю, Бо́га Отца́ Сло́во и Сын соприсносу́щный, на жребя́ти безслове́снем смири́ся днесь, в Вифа́нию прише́д. Те́мже де́ти евре́йския, ве́тви рука́ми держа́ще, хва́ляху гла́сом: оса́нна в вы́шних, благослове́н гряды́й Царь Изра́илев.

Прииди́те и мы днесь, весь но́вый Изра́иль, я́же от язы́к Це́рковь, со проро́ком Заха́риею возопии́м: ра́дуйся зело́, дщи Сио́нова, пропове́дуй, дщи Иерусали́мова; я́ко се Царь твой гряде́т тебе́ кро́ток и спаса́яй, и все́дый на жребя́ о́сле, сы́на подъяре́мнича; пра́зднуй, я́же дете́й, ве́тви рука́ми держа́щи, похвали́: оса́нна в вы́шних, благослове́н гряды́й Царь Изра́илев.

Честно́е Воскресе́ние Твое́ прообразуй нам, воздви́гл еси́ уме́ршаго повеле́нием Твои́м, бездыха́ннаго Ла́заря дру́га, Бла́же, из гро́ба четверодне́вна смердя́ща; те́мже и на жребя́ возше́д обра́зно, я́коже на колесни́це носи́мь, язы́ки укротева́я, Спа́се. Сего́ ра́ди и хвале́ние прино́сит возлю́бленный Изра́иль из уст ссу́щих и младе́нец незло́бивых, зря́щих Тя, Христе́, входя́ща во святы́й гра́д пре́жде шести́ дней Па́схи.

Пре́жде шести́ дней Па́схи прии́де Иису́с во Вифа́нию, и приступи́ша к Нему́ ученицы́ Его́, глаго́люще Ему́: Го́споди, где хо́щеши угото́ваем Ти я́сти Па́сху? Он же посла́ их: иди́те в пре́днюю весь, и обря́щете челове́ка, скуде́ль воды́ нося́ща; после́дуйте ему́ и до́му влады́це рцы́те: Учи́тель глаго́лет, у тебе́ сотворю́ Па́сху со ученики́ Мои́ми.

Слава, и ныне: Днесь благода́ть Свята́го Ду́ха нас собра́, и вси взе́мше крест Твой глаго́лем: благослове́н Гряды́й во имя Госпо́дне, оса́нна в вы́шних.

Тропарь праздника, глас 1

Общее воскресе́ние пре́жде Твоея́ стра́сти уверя́я, из ме́ртвых воздви́гл еси́ Ла́заря, Христе́ Бо́же, те́мже и мы, я́ко о́троцы, побе́ды зна́мения нося́ще, Тебе́ Победи́телю сме́рти вопие́м: оса́нна в вы́шних, благослове́н Гряды́й во имя Госпо́дне.

Слава, и ныне, другой тропарь, глас 4: Спогре́бшеся Тебе́ креще́нием, Христе́ Бо́же наш, безсме́ртныя жи́зни сподо́бихомся воскресе́нием Твои́м, и воспева́ю ще зове́м: оса́нна в вы́шних, благослове́н Гряды́и́ во имя Госпо́дне.

Величание

Велича́ем Тя, Живода́вче Христе́: оса́нна в вы́шних, и мы Тебе́ вопие́м, благослове́н Гряды́и́ во имя Госпо́дне.

Отпуст праздника

Иже на жребя́ти о́сли се́сти изво́ливыи́ на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.

На утрене канон праздника, преподобного Косьмы Маюмского, глас 4

Песнь 1

Ирмос: Яви́шася исто́чницы бе́здны вла́ги неприча́стны, и откры́шася мо́ря волну́ющася основа́ния бу́рею: ма́нием бо запрети́л еси́ ему́, изря́дныя же лю́ди[301]301
  Избранный же народ.


[Закрыть]спасл еси́, пою́щия побе́дную песнь Тебе́, Го́споди.

Слава Тебе, Боже наш, слава Тебе.

Из уст младе́нец незло́бивых и ссу́щих хвалу́ Твои́х раб соверши́л еси́, разруши́ти супоста́та и отмсти́ти стра́стию Креста́ паде́ние дре́вняго Ада́ма, Дре́вом же воскреси́ти сего́, пою́ща побе́дную песнь Тебе́, Го́споди.

Слава, и ныне: Хвале́ние Це́рковь преподо́бных живу́щему в Сио́не, Тебе́, Христе́, прино́сит; о Тебе́ же Изра́иль, Творце́ свое́м, ра́дуется, и го́ры язы́цы противообра́знии каменосерде́чнии, от Лица́ Твоего́ возвесели́шася, пою́ще побе́дную песнь Тебе́, Го́споди.

Песнь 3

Ирмос: Точа́щий, краесеко́мый повеле́нием Твои́м, тве́рдый сса́ша ка́мень[302]302
  Пили воду, пробившуюся из твердой скалы, усеченной с краю по Твоему повелению.


[Закрыть] Изра́ильтестии лю́дие. Ка́мень же Ты еси́, Христе́, и Жизнь, на Не́мже утверди́ся Це́рковь зову́щая: оса́нна, благослове́н еси́ Гряды́й.

Слава Тебе, Боже наш, слава Тебе.

Мертвеца́ четверодне́вна повеле́нием Твои́м из ме́ртвых с тре́петом ад испусти́ Ла́заря. Воскресе́ние бо Ты, Христе́, и Жизнь, в Не́мже утверди́ся Це́рковь зову́щи: оса́нна, благослове́н еси́ Гряды́й.

Слава, и ныне: Воспо́йте, лю́дие, боголе́пно в Сио́не, и моли́тву воздади́те Христу́ во Иерусали́ме: Сам гряде́т во сла́ве со о́бластию, в Не́мже утверди́ся Це́рковь зову́щи: оса́нна, благослове́н еси́ Гряды́й.

Песнь 4

Ирмос: Христо́с грядый я́вственно, Бог наш, прии́дет и не закосни́т, от горы́ приосене́нныя ча́щи, Отрокови́цы ражда́ющия неискусому́жныя, проро́к дре́вле глаго́лет. Тем вси вопие́м: сла́ва си́ле Твое́й, Го́споди.

Слава Тебе, Боже наш, слава Тебе.

Да то́чат весе́лие кре́пкое масти́тельное, го́ры, и вси хо́лми, и древа́ дубра́вная да взыгра́ют; Христа́ хвали́те, язы́цы, и Тому́, вси лю́дие, ра́дующеся возопи́йте: сла́ва си́ле Твое́й, Го́споди.

Слава Тебе, Боже наш, слава Тебе.

Кре́постию ца́рствуяй ве́ки, Госпо́дь облече́н прии́дет, Сего́ красоты́ же и сла́вы несравне́нно есть благоле́пие в Сио́не; те́мже вси вопие́м: сла́ва си́ле Твое́й, Го́споди.

Слава, и ныне: Пя́дию изме́ривый не́бо, дла́нию же зе́млю, Госпо́дь прии́де, Сио́н бо избра́, в не́мже жи́ти и ца́рствовати изве́ли, и возлюби́ лю́ди, ве́рно вопию́щия: сла́ва си́ле Твое́й, Го́споди.

Песнь 5

Ирмос: На го́ру Сио́н взы́ди благовеству́яй, и Иерусали́му пропове́дуяй, в кре́пости вознести́ глас: пресла́вная глаго́лашася о тебе́, гра́де Бо́жий, мир на Изра́иля и спасе́ние язы́ком.

Слава Тебе, Боже наш, слава Тебе.

В вы́шних седя́й на Херуви́мех Бог и призира́яй на смире́нныя, Той гряде́т во сла́ве со о́бластию, и испо́лнятся вся́ческая боже́ственныя хвалы́ Его́. Мир на Изра́иля, и спасе́ние язы́ком.

Слава, и ныне: Сио́не Бо́жий, горе́ свята́я, и Иерусали́ме, о́крест о́чи твои́ возведи́, и виждь со́бранная ча́да твоя́ в тебе́: се бо приидо́ша издале́ча поклони́тися Царю́ твоему́. Мир на Изра́иля, и спасе́ние язы́ком.

Песнь 6

Ирмос: Возопи́ша с весе́лием пра́ведных ду́си: ны́не ми́ру заве́т но́вый завеща́ется, и кропле́нием да обновя́тся лю́дие Бо́жия Кро́ве.

Слава Тебе, Боже наш, слава Тебе.

Приими́, Изра́илю, Бо́жие Ца́рство, и пребыва́яй во тьме свет да у́зрит вели́кий, и кропле́нием да обновя́тся лю́дие Боже́ственныя Кро́ве.

Слава, и ныне: Разреше́ны своя́ ю́зники, Сио́не, испусти́, и от ро́ва неве́дения безво́дна изведи́, и кропле́нием да обновя́тся лю́дие Боже́ственныя Кро́ве.

Кондак праздника, преподобного Романа Сладкопевца, глас 6

На престо́ле на Небеси́, на жребя́ти на земли́ носи́мый, Христе́ Бо́же, Ангелов хвале́ние и дете́й воспева́ние прия́л еси́, зову́щих Ти: благослове́н еси́, Гряды́й Ада́ма воззва́ти.

Песнь 7

Ирмос: Спасы́й во огни́ авраа́мския Твоя́ о́троки и халде́и уби́в, я́же пра́вда пра́ведно уловля́ше, препе́тый Го́споди Бо́же оте́ц на́ших, благослове́н еси́.

Слава Тебе, Боже наш, слава Тебе.

Покланя́ющеся лю́дие и со ученики́ ра́дующеся, с ва́ием оса́нна Сы́ну Дави́дову зовя́ху: препе́тый Го́споди Бо́же оте́ц, благослове́н еси́.

Слава Тебе, Боже наш, слава Тебе.

Неискусозло́бное мно́жество, еще́ младе́нствующее естество́, боголе́пно Тя, Царю́ Изра́ильтеский и Ангельский, воспе́т: препе́тый Го́споди Бо́же оте́ц, благослове́н еси́.

Слава, и ныне: С ва́ием Тя, Христе́, ве́твьми похваля́ху мно́жества: благослове́н прише́дый Царь веко́в. Вопия́ху же: препе́тый Го́споди Бо́же оте́ц, благослове́н еси́.

Песнь 8

Ирмос: Весели́ся, Иерусали́ме; торжеству́йте, лю́бящим Сио́на: ца́рствуяй бо во ве́ки Госпо́дь Сил прии́де, да благогове́ет вся земля́ от Лица́ Его́ и да вопие́т: благослови́те, вся дела́ Госпо́дня, Го́спода. Слава Тебе, Боже наш, слава Тебе.

На жребя́ мла́до всед Царь твой, Сио́не, предста́ Христо́с: безслове́сную бо йдольскую пре́лесть разруши́-ти, и неудержа́нное стремле́ние уста́вити всех язы́к прии́де, во е́же пе́ти: вся дела́, по́йте Го́спода.

Слава Тебе, Боже наш, слава Тебе.

Бог Твой, ра́дуйся, Сио́не, зело́, воцари́ся во ве́ки Христо́с. Сей, я́коже пи́сано есть, кро́ткий и спаса́яй, пра́ведный Изба́витель наш, прии́де на жребя́ти ко́нское свире́пство уби́ти враго́в, не вопию́щих: благослови́те, вся дела́ Госпо́дня, Го́спода.

Слава, и ныне: Оскудева́ет Боже́ственных огражде́ний законопресту́пное со́нмище непокори́вых, поне́же дом моли́твы Бо́жия верте́п сотвори́ша разбо́йническ, от се́рдца Изба́вителя отри́нувше, Ему́же вопие́м: благослови́те, вся дела́ Госпо́дня, Го́спода.

Песнь 9

Песнь Богородицы не исполняется.

Ирмос: Бог Госпо́дь, и яви́ся нам, соста́вите пра́здник, и веселя́щеся прииди́те, возвели́чим Христа́, с ва́йями и ве́твьми пе́сньми зову́ще: благослове́н Гряды́й во имя Го́спода Спа́са на́шего.

Слава Тебе, Боже наш, слава Тебе.

Язы́цы, веку́ю шата́етеся? Пйсменницы и свяще́нницы, почто́ тще́тным поучи́стеся: кто Сей, ре́кше, Ему́же де́ти с ва́ием и ве́твьми пе́сньми зову́т: благослове́н Гряды́й во имя Го́спода Спа́са на́шего?

Слава Тебе, Боже наш, слава Тебе.

Сей Бог наш, Ему́же никто́же подо́бен, пра́ведный всяк путь изобре́т, даде́ возлю́бленному Изра́илю. По сих же и с челове́ки поживе́ я́влься: благослове́н Гряды́й во имя Го́спода Спа́са на́шего.

Слава, и ныне: Собла́зны стези́ что́ близ вас положи́сте непокори́вии? Но́ги ва́ша ско́ры Кровь излия́ти Влады́чню. Но воскре́снет вся́ко спасти́ зову́щия: благослове́н Гряды́й во имя Го́спода Спа́са на́шего.

Вместо эксапостилария

Свят Госпо́дь Бог наш.

Слава: я́ко свят Госпо́дь Бог наш.

И ныне: Над все́ми людьми́ Бог наш.

На псалмах хвалы стихиры праздника, глас 4

Мно́жество наро́да, Го́споди, постила́ху по пути́ ри́зы своя́; друзйи же ре́заху ве́тви от древе́с и ноша́ху. Предыду́щий же и после́дующий зовя́ху, глаго́люще: оса́нна Сы́ну Дави́дову, благослове́н еси́, Прише́дый и па́ки Гряды́й во имя Госпо́дне.

Хотя́щу Тебе́ вни́ти во святы́й град, Го́споди, ве́тви садо́в лю́дие ноша́ху, Тебе́ пою́ще всех Влады́ку; и зря́ще Тя на жребя́ти седя́ща, я́коже на Херуви́мех зря́ху. Сего́ ра́ди си́це вопия́ху: оса́нна в вы́шних, благослове́н еси́ Прише́дый и па́ки Гряды́й во Имя Госпо́дне.

Изыди́те, язы́цы, изыди́те и лю́дие, и ви́дите днесь Царя́ Небе́снаго, я́ко на престо́ле высо́це, на жребя́ти ху́де во Иерусали́м входя́ща. Ро́де иуде́йский неве́рный и прелюбоде́йный, прииди́ и виждь, Его́же ви́де Иса́ия во пло́ти нас ра́ди прийти́ иму́ща: ка́ко уневеща́ет Себе́ я́ко целому́дренный но́вый Сио́н, и отлага́ет осужде́нную со́нмицу; я́ко в нетле́нном же бра́це и нескве́рном нескве́рнии стеко́шася благохва́ляще неискусозло́бнии де́ти. С ни́миже и мы пою́ще возопие́м песнь Ангельскую: оса́нна в вы́шних Иму́щему ве́лию ми́лость.

Общее воскресе́ние, пре́жде во́льныя стра́сти Твоея́, во увере́ние всех предпоказа́вый, Христе́ Бо́же, Ла́заря у́бо в Вифа́нии держа́вною си́лою Твое́ю четверодне́вна ме́ртва воскреси́л еси́; слепце́м же е́же ви́дети, я́ко Светода́вец, дарова́л еси́, Спа́се, и во святы́й град со ученики́ Твои́ми вшел еси́, седя́ на жребя́ти о́сли, проро́ческая исполня́яй пропове́дания, я́коже на Херуви́мех носи́мый, и де́ти евре́йстии с ве́твьми и ва́иями предсрета́ху Тя; Те́мже и мы, ве́тви ма́сличныя нося́ще и ва́йя, благода́рственно Тебе́ вопие́м: оса́нна в вы́шних, благослове́н Гряды́й во имя Госпо́дне.

Слава, и ныне, глас 6: Пре́жде шести́ дней Па́схи прии́де Иису́с в Вифа́нию, и приступи́ша к Нему́ ученицы́ Его́, глаго́люще Ему́: Го́споди, где хо́щеши угото́ваем Ти я́сти Па́сху? Он же посла́ их: иди́те в пре́днюю весь, и обря́щете челове́ка, скуде́ль воды́ носи́ща; после́дуйте ему́ и до́му влады́це рцы́те: Учи́тель глаго́лет, у тебе́ сотворю́ Па́сху со ученики́ Мои́ми.

Отпуст праздника

Иже на жреби́ти е́сли се́сти изво́ливый на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стый Твоеи́ Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.

Светлое Христово Воскресение – Пасха

Воскресение Христа из мертвых – новозаветная Пасха – центральное событие в деле нашего спасения, совершенном Христом. Праздник Светлого Христова Воскресения – переходящий и каждый год попадает на разные даты, исчисляемые в совмещении древнееврейского лунного и юлианского солнечного календарей. В этот день все православные христиане участвуют в храмовом богослужении по особому пасхальному чину.

Ниже приводятся избранные пасхальные молитвословия для исполнения их дома (в случае невозможности быть в храме) или в молитвенном собрании верующих в отсутствие священника. Они же могут читаться в течение 39 дней пасхального периода вплоть до отдания этого праздника, бывающего в среду накануне Вознесения Господня.

Приводится также последование Пасхальных часов, заменяющих обычные последования полунощницы, повечерия и часов.

На вечерне Великой Субботы стихиры Воскресению, глас 1

Вече́рния наша молитвы приими́, Святый Господи, и подаждь нам оставление грехов, яко един еси́ явле́й в ми́ре воскресе́ние.

Обыди́те, лю́дие, Сио́н, и обыми́те его́, и дади́те сла́ву в нем Воскре́сшему из ме́ртвых: я́ко Той есть Бог наш, избавля́й нас от беззако́ний на́ших.

Прииди́те, лю́дие, воспои́м и поклони́мся Христу́, сла́вяще Его́ из ме́ртвых воскресе́ние, я́ко Той есть Бог наш, от ле́сти вра́жия мир избавля́й.

Стра́стию Твое́ю, Христе́, от страсте́й свободи́хомся и воскресе́нием Твои́м из истле́ния изба́вихомся: Го́споди, сла́ва Тебе́.

И стихиры Победе Христа над адом, глас 8

Днесь ад стеня́ вопие́т: у́не мне бя́ше[303]303
  Лучше мне было бы.


[Закрыть], а́ще бых от Мари́и Рождша́гося не прия́л, прише́д бо на мя, держа́ву мою́ разруши́, врата́ ме́дная сокруши́; ду́ши, я́же содержа́х пре́жде, Бог сый, воскреси́. Сла́ва, Го́споди, Кресту́ Твоему́ и Воскресе́нию Твоему́!

Днесь ад стеня́ вопие́т: разруши́ся моя́ власть, прия́х Ме́ртваго я́ко еди́наго от уме́рших. Сего́ же держа́ти отню́д не могу́, но погубля́ю[304]304
  Теряю, утрачиваю обладание.


[Закрыть] с Ним, ймиже ца́рствовах; а́з име́х мертвецы́ от ве́ка, но Сей се всех воздвиза́ет. Сла́ва, Го́споди, Кресту́ Твоему́ и Воскресе́нию Твоему́!

Днесь ад стеня́ вопие́т: поже́рта моя́ бы́сть держа́ва, Па́стырь распя́тся и Ада́ма воскреси́. Имиже ца́рствовах, лиши́хся, и я́же пожро́х возмоги́й, всех изблева́х; истощи́ гро́бы Распныйся, изнемога́ет сме́ртная держа́ва. Сла́ва, Го́споди, Кресту́ Твоему́ и Воскресе́нию Твоему́!

Слава, и ныне: Богородичен догматик, глас 1: Всеми́рную Сла́ву, от челове́к прозя́бшую и Влады́ку ро́ждшую, Небе́сную Дверь воспои́м Мари́ю Де́ву, безпло́тных Песнь и ве́рных Удобре́ние. Сия́ бо яви́ся Не́бо и Храм Божества́; Сия́ прегражде́ние вражды́ разруши́вши, мир введе́ и Ца́рствие отве́рзе. Сию́ у́бо иму́ще ве́ры утвержде́ние, Побо́рника и́мамы из Нея́ ро́ждшагося Го́спода. Дерза́йте у́бо, дерза́йте, лю́дие Бо́жии: и́бо Той победя́т враги́ я́ко Всеси́лен.

Тропарь Святой Пасхи, глас 5

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

Стих 1: Да воскре́снет Бог, и расточа́тся вразй Его́. Тропарь.

Стих 2: я́ко исчеза́ет дым, да исче́знут. Тропарь.

Стих 3: Та́ко да поги́бнут гре́шницы от лица́ Бо́жия, а пра́ведницы да возвеселя́тся. Тропарь.

Стих 4: Сей день, его́же сотвори́ Госпо́дь, возра́дуемся и возвесели́мся вонь[305]305
  В него (т. е. в этот день).


[Закрыть]. Тропарь.

Слава: Тропарь.

И ныне: Тропарь.

Отпуст Святой Пасхи

Воскресы́й из ме́ртвых, сме́ртию сме́рть попра́вый и су́щим во гробе́х живо́т дарова́вый, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол, святы́х пра́ведных Ио́сифа Аримафе́йскаго и Никоди́ма, святы́х жен Мироно́сиц и всех святы́х, поми́-луй и спаси́ нас, я́ко благ и Человеколю́бец.

На утрене канон Воскресению Христову, преподобного Иоанна Дамаскина, глас 1

Песнь 1

Ирмос: Воскре́сения день, просвети́мся, лю́дие: Па́сха, Госпо́дня Па́сха! От сме́рти бо к жи́зни и от земли́ к Небеса́, Христо́с Бог нас преведе́[306]306
  Перевел (так объясняется смысл древнееврейского слова «пасха» в Синаксаре праздника).


[Закрыть], побе́дную пою́щия.

Христо́с воскре́се из ме́ртвых.

Очи́стим чу́вствия и у́зрим непристу́пным све́том воскресе́ния Христа́ блиста́ющася, и «ра́дуйтеся» реку́ща я́сно да услы́шим, побе́дную пою́ще.

Христо́с воскре́се из ме́ртвых.

Небеса́ у́бо досто́йно да веселя́тся, земля́ же да ра́дуется, да пра́зднует же мир, ви́димый же весь и неви́димый: Христо́с бо воста́, Весе́лие ве́чное.

Песнь 3

Ирмос: Приида́те, Па́во пие́м но́вое, не от ка́мене непло́дна чудоде́емое, но нетле́ния Исто́чник, из гро́ба одожда́вша Христа́, в Не́мже утвержда́емся.

Христо́с воскре́се из ме́ртвых.

Ны́не вся испо́лнишася све́та, Не́бо же и земля́ и преиспо́дняя: да пра́зднует у́бо вся тварь воста́ние Христо́во, в не́мже утвержда́ется.

Христо́с воскре́се из ме́ртвых.

Вчера́ спогреббхся Тебе́, Христе́, совостаю́ днесь воскре́сшу Тебе́, сраспина́хся Тебе́ вчера́: Сам мя спросла́ви, Спа́се, во Ца́рствии Твое́м.

Песнь 4

Ирмос: На боже́ственней стра́жи богоглаго́ливый Авваку́м да ста́нет с на́ми и пока́жет светоно́сна Ангела, я́сно глаго́люща: днесь спасе́ние ми́ру, я́ко воскре́се Христо́с я́ко Всеси́лен.

Христо́с воскре́се из ме́ртвых.

Му́жеский у́бо пол я́ко разве́рзый Де́вственную утро́бу яви́ся Христо́с; я́ко Челове́к же Агнец нарече́ся; Непоро́чен же я́ко невку́сен скве́рны, на́ша Па́сха, и я́ко Бог и́стинен соверше́н рече́ся.

Христо́с воскре́се из ме́ртвых.

Я́ко единоле́тный а́гнец, благослове́нный нам Вене́ц Христо́с во́лею за всех за́клан бысть, Па́сха чисти́тельная, и па́ки из гро́ба кра́сное пра́вды нам возсия́ Со́лнце.

Христо́с воскре́се из ме́ртвых.

Богооте́ц у́бо Дави́д пред се́нным ковче́гом скака́ше игра́я, лю́дие же Бо́жии святи́и, образо́в сбытое́ зря́ще, весели́мся боже́ственне, я́ко воскре́се Христо́с я́ко Всеси́лен.

Песнь 5

Ирмос: Утренюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим, пра́вды Со́лнце, всем Жизнь возсия́юща.

Христо́с воскре́се из ме́ртвых.

Безме́рное Твое́ благоутро́бие а́довыми у́зами содержи́мии зря́ще, к Све́ту идя́ху, Христе́, весе́лыми нога́ми, Па́сху хва́ляще ве́чную.

Христо́с воскре́се из ме́ртвых.

Присту́пим, свещено́снии, исходя́щу Христу́ из гро́ба, я́ко жениху́, и спра́зднуим любопра́зднственными чи́нми Па́сху Бо́жию спаси́тельную [307]307
  Давайте подойдем, держа в руках светильники, ко Христу, исходящему из могилы, словно жених (из чертога – Мф. 25: 6), и будем праздновать вместе с сонмами любителей праздников (монахами) спасительную Пасху Божию.


[Закрыть].

Песнь 6

Ирмос: Снизше́л еси́ в преиспо́дняя земли́ и сокруши́л еси́ вереи́ ве́чныя, содержа́щия свя́занныя, Христе́, и тридне́вен, я́ко от ки́та Ио́на, воскре́сл еси́ от гро́ба.

Христо́с воскре́се из ме́ртвых.

Сохрани́в це́ла зна́мения, Христе́, воскре́сл еси́ от гро́ба, ключи́ Де́вы не вреди́вый в рождестве́ Твое́м, и отве́рзл еси́ нам ра́йския две́ри.

Христо́с воскре́се из ме́ртвых.

Спа́се мой, живо́е же и неже́ртвенное заколе́ние я́ко Бог Сам Себе́ во́лею приво́д Отцу́, совоскреси́л еси́ всеро́днаго Ада́ма, воскре́с от гро́ба.

Кондак Святой Пасхи, преподобного Романа Сладкопевца, глас 8

Аще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́ я́ко Победи́тель, Христе́ Бо́же, жена́м Мироно́сицам веща́вый «ра́-дуйтеся» и Твои́м Апо́столом мир да́руяй, па́дшим подая́й воскресе́ние.

Песнь 7

Ирмос: Отроки от пе́щи изба́вивый, быв Челове́к, стра́ждет, я́ко сме́ртен, и стра́стию сме́ртное в нетле́ния облачи́т благоле́пие, еди́н благослове́н отце́в Бог и препросла́влен.

Христо́с воскре́се из ме́ртвых.

Жены́ с ми́ры богому́дрыя вслед Тебе́ теча́ху, Его́же, я́ко ме́ртва, со слеза́ми иска́ху; поклони́шася ра́дующияся Живо́му Бо́гу, и Па́сху та́йную Твои́м, Христе́, ученико́м благовести́ша.

Христо́с воскре́се из ме́ртвых.

Сме́рти пра́зднуем умерщвле́ние, а́дово разруше́ние, ино́го жития́ ве́чнаго нача́ло, и игра́юще пое́м Вино́внаго, еди́наго Благослове́ннаго отце́в Бо́га и Препросла́вленнаго.

Христо́с воскре́се из ме́ртвых.

Я́ко[308]308
  Сколь.


[Закрыть] вои́стинну свяще́нная и всепра́зднственная сия́ спаси́тельная нощь и светоза́рная, светоно́снаго дне воста́ния су́щи провозве́стница, в не́йже Безле́тный Свет из гро́ба пло́тски всем возсия́.

Песнь 8

Ирмос: Сей нарече́нный и святы́й день, еди́н суббо́т[309]309
  Т. е. недели.


[Закрыть]царь и госпо́дь, пра́здников пра́здник, и торжество́ есть торже́ств, во́ньже благослови́м Христа́ во ве́ки.

Христо́с воскре́се из ме́ртвых.

Прииди́те, но́ваго виногра́да рожде́ния, Боже́ственнаго весе́лия в наро́читом дни воскресе́ния, Ца́рствия Христо́ва приобщи́мся, пою́ще Его́ я́ко Бо́га во ве́ки.

Христо́с воскре́се из ме́ртвых.

Возведи́ о́крест о́чи твой, Сио́не, и виждь: се бо приидо́ша к тебе́, я́ко богосве́тлая свети́ла, от за́пада, и се́вера, и мо́ря, и восто́ка ча́да твоя́, в тебе́ благословя́щая Христа́ во ве́ки.

Пресвятая Троице, Боже наш, слава Тебе.

Троичен: О́тче Вседержи́телю и Сло́ве и Ду́ше, треми́ соединя́емое во Ипоста́сех Естество́, Пресу́щественне и Пребоже́ственне, в Тя крести́хомся и Тя благослови́м во вся ве́ки.

Песнь 9

Вместо песни Богородицы поются особые припевы праздника:

Вели́чит душа́ моя́ воскре́сшаго тридне́вно от гро́ба Христа́ Жизнода́вца.

Ирмос: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́; лику́й ны́не и весели́ся, Сио́не; Ты же, Чи́стая, красу́йся, Богоро́дице, о воста́нии Рождества́ Твоего́.

Христо́с но́вая Па́сха, Же́ртва жива́я, Агнец Бо́жий, взе́мляй грехи́ ми́ра.

О Боже́ственнаго, о любе́знаго, о сладча́йшаго Твоего́ гла́са! С на́ми бо нело́жно обеща́лся еси́ бы́ти до сконча́ния ве́ка, Христе́: его́же ве́рнии утвержде́ние наде́жди иму́ще, ра́дуемся.

Возбуди́л еси́, усну́в, ме́ртвыя от ве́ка, ца́рски рыка́вый, я́ко от Иу́ды лев.

О Па́сха ве́лия и свяще́ннейшая, Христе́! О Му́дросте, и Сло́ве Бо́жий, и Си́ло! Пода́вай нам и́стее Тебе́ причаща́тися в невече́рнем дни Ца́рствия Твоего́.

Эксапостиларий Святой Пасхи

Пло́тию усну́в я́ко мертв[310]310
  Как смертный.


[Закрыть], Царю́ и Го́споди, тридне́вен воскре́сл еси́, Ада́ма воздви́г от тли, и упраздни́в смерть: Па́сха нетле́ния, ми́ра Спасе́ние.

Вместо псалмов хвалы и утреннего славословия исполняются стихиры Святой Пасхи со своими стихами, глас 5:

Да воскре́снет Бог, и расточа́тся вразй Его́.

Па́сха свяще́нная нам днесь показа́ся, Па́сха но́ва свята́я, Па́сха та́инственная, Па́сха всечестна́я, Па́сха Христо́с Изба́витель, Па́сха непоро́чная, Па́сха вели́кая, Па́сха ве́рных, Па́сха, две́ри ра́йския нам отверза́ющая, Па́сха, всех освяща́ющая ве́рных.

Я́ко исчеза́ет дым, да исче́знут.

Прииди́те от виде́ния, жены́ благове́стницы, и Сио́ну рцы́те: приими́ от нас ра́дости благове́щения воскресе́ния Христо́ва; красу́йся, лику́й и ра́дуйся, Иерусали́ме, Царя́ Христа́ узре́в, из гро́ба, я́ко жениха́, происходя́ща.

Та́ко да поги́бнут гре́шницы от лица́ Бо́жия, а пра́ведницы да возвеселя́тся.

Мироно́сицы жены́, у́тру глубоку́, предста́вит гро́бу Живода́вца, обрето́ша Ангела, на ка́мени седя́ща, и той провеща́в им, си́це глаго́лаше: что́ и́щете Жива́го с ме́ртвыми? Что́ пла́чете Нетле́ннаго во тли? Ше́дше, пропове́дите ученико́м Его́.

Сей день, его́же сотвори́ Госпо́дь, возра́дуемся и возвесели́мся вонь.

Па́сха кра́сная, Па́сха, Госпо́дня Па́сха, Па́сха всечестна́я нам возсия́. Па́сха: ра́достию друг дру́га обы́мем.

О Па́сха! Избавле́ние ско́рби, и́бо из гро́ба днесь, я́ко от черто́га, возсия́в Христо́с, жены́ ра́дости испо́лни, глаго́ля: пропове́дите апо́столом.

Слава, и ныне: Воскресе́ния день, и просвети́мся торжество́м, и друг дру́га обы́мем; рцем: бра́тие, и ненави́дящим нас прости́м вся воскресе́нием; и та́ко возопии́м: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.

Отпуст праздника

Воскресы́й из ме́ртвых, сме́ртию сме́рть попра́вый и су́щим во гробе́х живо́т дарова́вый, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол, святы́х пра́ведных Ио́сифа Аримафе́йскаго и Никоди́ма, святы́х жен Мироно́сиц и всех святы́х, поми́луй и спаси́ нас, я́ко благ и Человеколю́бец.

Пасхальные часы

На Светлой неделе, а при желании – в продолжение всего пасхального периода полунощница, повечерие и все часы заменяются пасхальными песнопениями следующего порядка.

Благослове́н Бог наш всегда́, ны́не и при́сно и во ве́ки веко́в. Ами́нь.

Тропарь Святой Пасхи, глас 5

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в. (Трижды)

Песнь Воскресению Христову, глас 6

Воскресе́ние Христо́во ви́девше, поклони́мся Свято́му Го́споду Иису́су, еди́ному Безгре́шному. Кресту́ Твоему́ покланя́емся, Христе́, и свято́е воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те, вси ве́рнии, поклони́мся свято́му Христо́ву воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м воскресе́ние Его́: распя́тие бо претерпе́в, сме́ртию смерть разруши́. (Трижды)

Ипакои Святой Пасхи, глас 4[311]311
  В московском обиходе поется на глас 8.


[Закрыть]

Предвари́вшия у́тро я́же о Мари́и[312]312
  Те, кто был с Марией.


[Закрыть] и обре́тшия ка́мень отвале́н от гро́ба, слы́шаху от Ангела: во све́те присносу́щнем Су́щаго с ме́ртвыми что́ йщете, я́ко челове́ка? Вйдите гро́бныя пелены́: тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий.

Кондак Святой Пасхи, глас 8

Аще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́ я́ко Победи́тель, Христе́ Бо́же, жена́м Мироно́сицам веща́вый «ра́дуйтеся» и Твои́м Апо́столом мир да́руяй, па́дшим подая́й воскресе́ние.

И тропари Воскресению, глас тот же

Во гро́бе пло́тски, во а́де же с душо́ю я́ко Бог, в рай же с разбо́йником, и на Престо́ле был еси́, Христо́, со Отцо́м и Ду́хом, вся исполня́яй, неопи́санный.

Слава: я́ко живоно́сец, я́ко рая́ красне́йший вои́стинну и черто́га вся́каго ца́рскаго пока́зася светле́йший, Христо́, гроб Твой, исто́чник на́шего воскресе́ния.

И ныне: Вы́шняго освященное Боже́ственное Селе́ние, ра́дуйся, Тобо́ю бо даде́ся ра́дость, Богоро́дице, зову́щим: благослове́нна Ты в жена́х еси́, Всенепоро́чная Влады́чице.

Го́споди, поми́луй. (40 раз)

Честне́йшую Херуви́м и сла́внейшую без сравне́ния Серафи́м, без нетле́ния Бо́га Сло́ва ро́ждшую, су́щую Богоро́дицу, Тя велича́ем.

Слава Отцу и Сыну и Святому Духу, и ныне и присно и во веки веков. Аминь.

Го́споди, поми́луй. (Трижды)

Отпуст праздника

Воскресы́й из ме́ртвых, сме́ртию сме́рть попра́вый и су́щим во гробе́х живо́т дарова́вый, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол, святы́х пра́ведных Ио́сифа Аримафе́йскаго и Никоди́ма, святы́х жен Мироно́сиц и всех святы́х, поми́луй и спаси́ нас, я́ко благ и Человеколю́бец.