Текст книги "Греческий молитвослов. Молитвы на всякое время дня, недели и года"

Молитва 4-я, святителя Иоанна Златоуста

Пречи́стаго Твоего́ Те́ла и Честны́я Твоея́ Кро́ве та́йно сподо́блься бы́ти соприча́стник, Христе́ Бо́же, воспева́ю и благословлю́, покланя́юся и сла́влю и велича́ю спасе́ния Твоя́, Го́споди, ны́не и всегда́ и во ве́ки веко́в. Ами́нь.

Молитва 5-я, преподобного Иоанна Дамаскина

Бо́же Бо́же мой, непостоя́нный[382]382
  Пред Коим невозможно устоять.


[Закрыть] и неви́димый Огню́, И́же Ангелы Своя́ огнь паля́щ соде́ловая, И́же несказа́нною любо́вию Твое́ю пре́дал ми еси́ в снедь Боже́ственную Твою́ плоть, прича́стника мя прие́мый Своего́ Божества́ ра́ди приобще́ния Пречи́стаго Твоего́ Те́ла и Честны́я Твоей Кро́ве, пройди́ все мое́ те́ло и дух, во вся моя́ ко́сти и мо́зги, грехи́ моя́ попаля́я, ду́шу мою́ просвеща́я, ум мой уясня́я, те́ло освяща́я и оби́тель сотворя́я во мне́ с благослове́нным Отце́м Свои́м, я́ко да и аз бу́ду в Тебе́ при́сно, моли́твами Пречи́стыя Твоей Ма́тере и всех святы́х Твои́х. Ами́нь.

Молитва 6-я

Те́ло Твое́ Свято́е, Го́споди Иису́се Христе́, Бо́же наш, да бу́дет ми в живо́т ве́чный, и Кровь Твоя́ Честна́я во оставле́ние грехо́в: бу́ди же ми благодаре́ние сие́ в ра́дость, здра́вие и весе́лие; в стра́шное же и второ́е прише́ствие Твое́ сподо́би мя гре́шнаго ста́ти одесну́ю сла́вы Твоей, моли́твами Пречи́стыя Твоей Ма́тере и всех святы́х.

Молитва 7-я, преподобного Симеона Метафраста, стихотворная[383]383
  Текст отредактирован в соответствии с греческим оригиналом.


[Закрыть]

Да́вый пи́щу мне плоть Твою́ во́лею, огнь сый и опаля́яй недосто́йныя, да не опали́ши мене́, Соде́телю мой; па́че же пройди́ во у́ды мо́я, во вся́ соста́вы, во утро́бу, в се́рдце. Попали́ те́рние всех мои́х прегреше́ний. Ду́шу очи́сти, освяти́ помышле́ния. Коле́на утверди́ с костьми́ вку́пе. Чувств просвети́ просту́ю пятери́цу. Всего́ мя спригвозди́ стра́ху Твоему́.

При́сно покры́й, соблюди́ же и сохра́ни мя от вся́-каго де́ла и сло́ва душетле́ннаго. Очи́сти, и омы́й, и украси́ мя; удобри́, вразуми́ и просвети́ мя. Покажи́ мя Твое́ селе́ние еди́наго Ду́ха и не ктому́ селе́ние греха́. Да я́ко Твоего́ до́му, вхо́дом причаще́ния, я́ко огня́ мене́ бежи́т всяк злоде́й, вся́ка страсть.

Моли́твенники Тебе́ приношу́ вся́ святы́я, чинонача́лия же безпло́тных, Предте́чу Твоего́, прему́дрыя Апостолы, к сим же Твою́ нескве́рную чи́стую Ма́терь, и́хже мольбы́, Благоутро́бне, приими́, Христе́ мой, и сы́ном све́та соде́лай Твоего́ служи́теля. Ты бо еди́н еси́ освяще́ние на́ших, Бла́же, душ и све́тлость; и Тебе́ лепоподо́бно, я́ко Бо́гу и Влады́це, сла́ву вси́ возсыла́ем на всяк день.

Молитва 8-я, ко Пресвятой Богородице

Пресвята́я Влады́чице Богоро́дице, све́те помраче́нныя моея́ души́, наде́ждо, покро́ве, прибе́жище, утеше́ние, ра́дование мое́, благодарю́ Тя, я́ко сподо́била мя еси́ недосто́йнаго, прича́стника бы́ти Пречи́стаго Те́ла и Честны́я Кро́ве Сы́на Твоего́. Но ро́ждшая и́стинный Свет, просвети́ мо́я у́мныя о́чи се́рдца; я́же Исто́чник безсме́ртия ро́ждшая, оживотвори́ мя умерщвле́ннаго грехо́м; я́же ми́-лостиваго Бо́га любоблагоутро́бная Ма́ти, поми́луй мя, и да́ждь ми умиле́ние и сокруше́ние в се́рдце мое́м, и смире́ние в мы́слех мои́х, и воззва́ние в плене́ниих помышле́ний мои́х; и сподо́би мя до после́дняго издыха́ния, неосужде́нно приима́ти пречи́стых Та́ин освяще́ние, во исцеле́ние ду́ши же и те́ла. И пода́ждь ми сле́зы покая́ния и испове́дания, во е́же пе́ти и сла́вити Тя во вся́ дни живота́ моего́, я́ко благослове́нна и препросла́вленна еси́ во ве́ки. Ами́нь.

Молитва 9-я, святителя Германа Константинопольского, ко Пресвятой Богородице

О Преблаже́нная Госпоже́ Де́во, Влады́чице Богоро́дице, умоли́ Сы́на Своего́ изба́витися нам от вся́-каго зла. Тобо́ю бо, Госпоже́, Сы́на Бо́жия позна́хом и сподо́бихомся прича́стницы бы́ти Честны́й и Пречи́стый Кро́ве Его́ и Пло́ти, ча́юще дойти́ Твои́ми молитвами ве́чныя жи́зни, сла́вяще Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Песнь праведного Симеона Богоприимца

Ны́не отпуща́еши раба́ Твоего́, Влады́ко, по глаго́лу Твоему́ с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков и сла́ву люде́й Твои́х Изра́иля.

Молитвы Святой Троице

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва Господня

О́тче наш, И́же еси́ на Небесе́х, да святи́тся и́мя Твое́, да прии́дет ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство и си́ла и сла́ва во ве́ки. Ами́нь.

# Здесь исполняется тропарь седмичный, праздника или настоящие тропари:

Если Литургия Златоустова, тропарь святителю Иоанну Златоусту, глас 8:

Уст твои́х, я́коже све́тлость огня́, возсия́вши благода́ть, вселе́нную просвети́; не сребролю́бия ми́рови сокро́вища сниска́, высоту́ нам смиренному́дрия показа́, но твои́ми словесы́ наказу́я, О́тче Иоа́нне Златоу́сте, моли́ Сло́ва Христа́ Бо́га спасти́ся душа́м на́шим.

Слава, кондак святителю, глас 6: От Небе́с прия́л еси́ Боже́ственную благода́ть, и твои́ми устна́ма вся́ учи́ши покланя́тися в Тро́ице Единому Бо́гу, Иоа́нне Златоу́сте, всеблаже́нне преподо́бие, досто́йно хва́лим тя: еси́ бо наста́вник, я́ко боже́ственная явля́я.

И ныне, Богородичен: Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву, и потщи́ся на умоле́ние, предста́тельствующи при́сно, Богоро́дице, чту́щих Тя.

Если Литургия Василиева, тропарь святителю Василию Великому, глас 1:

Во всю зе́млю изы́де веща́ние твое́, я́ко прие́мшую сло́во твое́, и́мже боголе́пно научи́л еси́, естество́ су́щих уясни́л еси́, челове́ческия обы́чаи украси́л еси́, ца́рское свяще́ние, О́тче преподо́бие, моли́ Христа́ Бо́га, спасти́ся душа́м на́шим.

Слава, кондак святителю, глас 4: Яви́лся еси́ основа́ние непоколеби́мое Це́ркве, подая́ всем некрадо́мое госпо́дство челове́ком, запечатле́л твои́ми веле́ньми, небоявле́нне Васи́лие преподо́бие.

И ныне, Богородичен, глас 6: Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву, и потщи́ся на умоле́ние, предста́тельствующи при́сно, Богоро́дице, чту́щих Тя.

Если Литургия Преждеосвященных Даров, тропарь святителю Григорию Собеседнику[384]384
  Святитель Григорий Великий (540–604), Папа Римский, автор «Собеседований (диалогов) о жизни италийских отцов и о бессмертии души». По-славянски искаженно именуется Двоесловом.


[Закрыть] глас 4:

И́же от Бо́га свы́ше Боже́ственную благода́ть восприе́м, сла́вне Григо́рие, и Того́ си́лою укрепля́емь, ева́нгельски ше́ствовати изво́лил еси́, отону́дуже у Христа́ возме́здие трудо́в прия́л еси́, всеблаже́нне: Его́же моли́, да спасе́т ду́ши на́ша.

Слава, кондак святителю, глас 3: Подобонача́льник показа́лся еси́ Нача́льника па́стырем Христа́, и́ноков чреды́, О́тче Григо́рие, ко огра́де Небе́сней наставля́я, и отту́ду научи́л еси́ ста́до Христо́во за́поведем Его́: ны́не же с ни́ми ра́дуешися, и лику́еши в Небе́сных кро́вех.

И ныне, Богородичен, глас 6: Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву, и потщи́ся на умоле́ние, предста́тельствующи при́сно, Богоро́дице, чту́щих Тя.

Го́споди, поми́луй. (12 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без нетле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды)

Отпуст

Го́споди Иису́се Христе́, Бо́же наш, моли́твами Пречи́стыя Твоей Ма́тере и и́же во святы́х отец на́ших Васи́лия Вели́каго, и Иоа́нна Златоу́стаго, и Кири́лла, архиепи́скопа Алекса́ндрийскаго, и Софро́ния, патриа́рха Иерусали́мскаго, и Ге́рмана, патриа́рха Царегра́дскаго, и преподо́бных и богоно́сных отец на́ших Иоа́нна Дамаски́на, Симеона Метафраста, Симео́на Но́ваго Богосло́ва, и преподо́бныя ма́тере на́шея Ма́рии Еги́птяныни, и преподо́бнаго отца́ на́шего Ону́фрия Вели́каго, и всех святы́х, поми́луй и спаси́ нас, я́ко благ и Человеколю́бец.

После Причащения да пребывает каждый в чистоте, воздержании и немногословии, чтобы достойно сохранить в себе принятого Христа.

Последование о болящем[385]385
  ⁵⁸⁵ Приводится по старопечатному Каноннику. Молитвословия могут быть исполнены в составе различных последований суточного круга на своем месте. В Каноннике в составе молитвословий о болящем указано евангельское чтение Ин. 5:47–54, которое можно прочесть после 6-й песни канона либо по окончании последования.


[Закрыть]

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Молитвы Святой Троице

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва Господня

О́тче наш, И́же еси́ на Небесе́х, да святи́тся и́мя Твое́, да прии́дет ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введя́ нас во искуше́ние, но изба́ви нас от лука́ваго. Яко Твое́ есть ца́рство и ся́ла и сла́ва во ве́ки. Ами́нь.

Тропари за болящего, глас 6

Помя́луй нас, Го́споди, помя́луй нас, вся́каго бо отве́та недоуме́юще, сию́ Ти моля́тву, я́ко Влады́це, гре́шнии прино́сим: помя́луй нас.

Слава: Го́споди, помя́луй нас, на Тя бо упова́хом; не прогне́вайся на ны́ зело́, ниже́ помяня́ беззако́ний на́ших, но пря́зри и ны́не я́ко благоутро́бен, и изба́ви ны от враг на́ших. Ты́ бо еся́ Бог наш, и мы лю́дие Твоя́, вси дела́ руку́ Твое́ю, и я́мя Твое́ призыва́ем. И ныне: Милосе́рдия две́ри отве́рзи нам, благослове́нная Богоро́дице, наде́ющийся на Тя да не погя́бнем, но да изба́вимся Тобо́ю от бед: Ты бо еся́ спасе́ние ро́да христиа́нскаго.

Канон за болящего, глас 3

Песнь 1

Ирмос: Пределя́емо мо́ре жезло́м дре́вле Изра́иль про́йде я́ко по пусты́ни, я́ко Креста́ о́браз Я́ве претворя́ше стезю́[386]386
  Ибо прообраз Креста (жезл Моисеев) очевидно прокладывал путь.


[Закрыть]. Сего́ ра́ди воспое́м во хвале́нии чу́дному Богу на́шему, я́ко просла́вися.

Ми́лостиве Го́споди, услы́ши моли́тву раб Свои́х, моля́щихся Тебе́.

В де́нь печа́ли, наше́дшия на ны́, к Тебе́, Христе́ Спа́се, припа́дающе, Твоея́ милости про́сим: облегчи́ боле́знь раба́ Твоего́ (или: рабы́ Твоея́, рабо́в Твои́х), изорцы́ на́м я́ко и со́тнику: иди́, се́ здра́в е́сть о́трок тво́й.

Ми́лостиве Го́споди, услы́ши моли́тву раб Свои́х, моля́щихся Тебе́.

Мольбы́ и моле́ния с воздыха́нием к Тебе́ вопие́м: Сы́не Бо́жий, поми́луй на́с, воздви́гни со одра́ лежа́щаго, я́ко разсла́бленнаго, сло́вом: возьми́ одр сво́й, глаго́ля, отпуща́ют ти ся греси́ твои́.

Слава: Твоего́ Христе́ о́браза подо́бию покланя́ющеся, ве́рою целу́ем, и боля́щему здра́вия про́сим, подража́юще кровоточи́вей, я́же подо́льце риз Твои́х косну́ся и исцеле́ние неду́га прия́т.

И ныне: Пречи́стая Госпоже́ Богоро́дице, всем изве́стная помо́щница, не пре́зри нас, к Тебе́ припа́дающих, моли́ я́ко бла́га Своего́ Сы́на и Бо́га на́шего да́ти здра́вие боля́щему, да Тя с на́ми прославля́ет.

Песнь 3

Ирмос: И́же от не су́щих вся приведы́й, Сло́вом созида́ема, соверша́ема же Ду́хом, Вседержи́телю Вы́шний, в любви́ Твое́й утверди́ мене́.

Ми́лостиве Го́споди, услы́ши моли́тву раб Свои́х, моля́щихся Тебе́.

И́же от тя́жких боле́зней на земли́ пове́ржен, к Тебе́, Христе́, с на́ми вопие́т: пода́ждь здра́вие телеси́ его́, я́ко же Иезеки́и пла́кавшуся к Тебе́.

Ми́лостиве Го́споди, услы́ши моли́тву раб Свои́х, моля́щихся Тебе́.

При́зри, Господи, на на́ше смире́ние и не помяни́ беззако́ний на́ших, но ве́ры ра́ди боля́щаго, я́ко прокаже́ннаго, сло́вом исцели́ ему́ боле́знь, да Твое́, Христе́ Бо́же, сла́вится и́мя.

Слава: Це́рковь, ю́же еси́ освяти́л, на ту, Христе́, не да́ждь поноше́ния, но воздви́гни неви́димо в неду́зе на одре́ лежа́щаго, в не́йже Ти ся мо́лим, да не реку́т неве́рнии: где есть Бог их?

И ныне: К Твоему́ пречи́стому, Богоро́дице, о́бразу ру́це возде́юще вопие́м: услы́ши раб Твои́х моли́тву и спаси́ в боле́зни лежа́щаго, да от боле́зни воста́в, возда́ст обе́ты, я́же в печа́ли глаго́лаша уста́ его́.

Седален, глас 8

На одре́ грехо́внем лежа́ща мя и страстьми́ уя́звена, я́коже воздви́же Петро́ву те́щу и спасе́ разсла́бленнаго носи́ма со одро́м, та́ко и ныне посети́, Ми́лостиве, боля́щаго, понесы́й неду́ги ро́да на́шего. Тебе́ еди́наго све́мы терпели́ва и милосе́рда, ми́лостива врача́ душа́м и те́лом, Христа́ Бо́га на́шего, наводя́ща неду́ги, и па́ки исцеля́юща, подава́юща проще́ние ка́ющимся о согреше́ниих, еди́наго милосе́рдаго и ми́лостиваго.

Слава, глас 2: Аз гре́шный пла́чуся, на одре́ свое́м слежа́: просты́ню ми пода́ждь, Христе́ Бо́же, и от боле́зни сея́ воздви́гни мя́, и я́же есмь от ю́ности грехи́ сотвори́л, избы́ти ми, моли́твами Богоро́дицы, сих да́руй.

И ныне: Умилосе́рдися и спаси́ мя, воздви́гни мя́ от одра́ боле́зненнаго: мощь бо моя́ во мне изнемо́же, и весь неча́янием одержи́м есмь. Ма́ти Бо́жия Пречи́стая, исцели́ неду́гующа лю́те, Ты бо еси́ помо́щница Христиа́ном.

Песнь 4

Ирмос: Положи́л еси́ к нам тве́рдую любо́вь Свою́, Го́споди, единоро́днаго бо Твоего́ Сы́на нас ра́ди на смерть вдал еси́. Темже Ти вопие́м восхваля́юще: сла́ва си́ле Твое́й.

Ми́лостиве Го́споди, услы́ши моли́тву раб Свои́х, моля́щихся Тебе́.

Уже́ отча́янна лю́тым неду́гом и к сме́рти прибли́-жившася возврати́, Христе́, на живо́т и даждь пла́чущимся уте́ху, да вси прославля́ем Твоя́ свята́я чудеса.

Ми́лостиве Го́споди, услы́ши моли́тву раб Свои́х, моля́щихся Тебе́.

К Тебе́, Тво́рче, ка́емся свои́х гре́х, я́ко не хо́щеши сме́рти гре́шничи: оживи́, уздра́ви боля́щаго, да воста́в послу́жит Ти́, испове́дал с на́ми Твою́ бла́гость.

Слава: Сле́зы Манасси́ины, Ниневи́тян покая́ние, Дави́дово испове́дание прии́м, вско́ре спасл еси́. И на́ши моли́твы ны́не прими́, да́ждь здра́вие боля́щему, о немже Тя́ мо́лим.

И ныне: Пода́ждь нам Твою́ ми́лость, Госпоже́, всегда́ на Тя наде́ющимся, испроси́ здра́вие боля́щему, враче́внеи Твои́ ру́де с Предте́чею, Богоро́дице, ко Го́споду Бо́гу простира́ющи.

Песнь 5

Ирмос: На земли́ Неви́димый яви́ся и с земны́ми во́лею поживе́ Непости́жимый, и к Тебе́ у́тренююще, воспева́ем Тя, Человеколю́бие.

Ми́лостиве Го́споди, услы́ши моли́тву раб Свои́х, моля́щихся Тебе́.

Дщерь Иайрову уже́ уме́ршу я́ко Бог оживи́л еси́, и ны́не возведи́ Христе́ Бо́же от врат сме́ртных боля́щаго: Ты бо еси́ путь и живо́т всем.

Ми́лостиве Го́споди, услы́ши моли́тву раб Свои́х, моля́щихся Тебе́.

Сы́на вдови́ча оживи́в, Спа́се, и тоя́ сле́зы преложи́в на ра́дость, спаси́ от неду́га тле́ющаго раба́ Си, да и на́ша скорбь и боле́знь на ра́дость пре́йдет.

Слава: о́гненную боле́знь те́щи Петро́ве прикоснове́нием Твои́м исцели́в, и ны́не воста́ви боля́щаго раба́ Ти, да воста́в, я́ко и она́, послу́жит Ти.

И ныне: Ско́рбнии, смире́нии, гре́шнии, не иму́щий дерзнове́ния, к Тебе́, Пречи́стая Богома́ти, вопие́м: умоли́ Сы́на Своего́ Христа́, да́ти боля́щему здра́вие телеси́.

Песнь 6

Ирмос: Бе́здна после́дняя грехо́в обы́де мя, и исчеза́ет дух мой. Но просте́р, Влады́ко, высо́кую Твою́ мы́шцу, я́ко Петра́ мя, Упра́вителю, спаси́.

Ми́лостиве Го́споди, услы́ши моли́тву раб Свои́х, моля́щихся Тебе́.

Бе́здну милосе́рдия и ми́лости име́я, Христе́ Боже, внуши́ моле́ния раб Твои́х, Ты бо еси́ Петро́м Тави́фу воскреси́в. Ты и ны́не в боле́зни лежа́щаго воздви́гни, послу́шав церко́вных моли́твенник.

Ми́лостиве Го́споди, услы́ши моли́тву раб Свои́х, моля́щихся Тебе́.

Врачу́ душа́м и те́лом на́шим, понесы́й неду́ги всего ми́ра, Христе́, и Ене́я Па́влом исцели́вый, Ты и ны́не боля́щаго исцели́, святы́х апо́стол моли́твами.

Слава: Преложи́, Христе́, на ра́дость рыда́ние о неду́жнем скорбя́щем, да Твою́ получи́вше ми́лость, вни́дут в дом Твой со обе́тными дарми́, сла́вяще Тя в Тро́ице Еди́наго Бо́га.

И ныне: Прииди́те, о дру́зи, поклони́мся, моля́щеся о боля́щем Бо́жии Ма́тери: Та бо име́ет власть неду́жныя исцеля́ти со безме́здникома вку́пе, духо́вным неви́димо пома́зающе ма́слом.

Песнь 7

Ирмос: Пе́рвее те́лу злато́му пе́рескок» че́стию³⁸⁷ де́ти не поклони́шася, трие́ пою́ще посреде́ пе́щи огня́: отце́м Бог благослове́н еси́.

Ми́лостиве Го́споди, услы́ши моли́тву раб Свои́х, моля́щихся Тебе́.

Кресту: О Кре́сте пресвяты́й Христо́в, Честно́е Дре́во живо́тное, тобо́ю смерть поги́бе и ме́ртвии воскресо́ша. И ны́не боля́щаго исцели́ и оживи́, я́коже при Еле́не уме́ршую деви́цу.

Ми́лостиве Го́споди, услы́ши моли́тву раб Свои́х, моля́щихся Тебе́.

До́лгую и лю́тую боле́знь И́овлю на гно́ищи и в че́рвех того́ моля́щася сло́вом исцели́л еси́, Го́споди. Ны́не же в це́ркви о боля́щем мо́лим Тя́, я́ко благ исцели́ неви́димо, моли́твами святы́х Твои́х.

Слава: Вси све́мы, я́ко умре́ти на́м е́сть, Тебе́ Бо́гу та́ко изво́лыиу. Но на ма́ло вре́мя, Ми́лостиве, здра́вия про́сим боля́щему: премени́ от сме́рти на живо́т, даждь скорбя́щим уте́ху.

И ныне: Посо́бствуй и помога́й на́шему сиро́тству, Богоро́дице: Ты бо ве́си вре́мя и час, когда́ умоли́ти Сы́на Своего́ и Бо́га на́шего да́та боля́щему здра́вие и проще́ние от всех грех.

Песнь 8

Ирмос: Служи́ти жи́ву Бо́гу и́же в Вавило́не де́ти претерпе́ша, о мусики́йских орга́нех неради́вше, и в пла́мени посреде́ стоя́ще, богоуго́дную песнь поя́ху: благослови́те, вся дела́ Госпо́дня, Го́спода.

Ми́лостиве Го́споди, услы́ши моли́тву раб Свои́х, моля́щихся Тебе́.

Наказу́я накажи́[387]387
  Подай хорошее вразумление.


[Закрыть], Влады́ко, боле́знию раба́ Твоего́, и ско́ро исцели́, Ми́лостиве Христе́ Бо́же, и еще́ сме́рти не преда́ждь су́дней, да Ти покая́ние возда́ст. Сам бо рекл еси́: не хощу́ сме́рти гре́шничи.

Ми́лостиве Го́споди, услы́ши моли́тву раб Свои́х, моля́щихся Тебе́.

Го́споди ми́лостиве, Твоя́ пресла́вная чудеса́ да и до нас ны́не дости́гнут: бе́сы прожени́, неду́ги погуби́, и потво́ры, и чародея́ния, и вся́кия я́зи изба́ви ны.

Слава: Запрети́вый, Христе́, морски́м ве́тром и страх учени́к на ра́дость преложи́вый, запрети́ и ны́не тя́жким боле́зней, тружда́ющим раба́ Твоего́, да вси возвесели́мся, хва́ляще Тя во ве́ки.

И ныне: Изба́ви, Богоро́дице, от обыше́дших ны печа́лей, бед же и скорбе́й, и всех разли́чных неду́г, отра́вы же и чароде́йства, и бесо́вскаго мечта́ния, и от за́висти злых челове́к, и напра́сныя сме́рти, мо́лимся.

Песнь 9

Ирмос: На Сина́йстей горе́ ви́де Тя в купине́ Моисе́й неопа́льну, Огнь Боже́ственный заче́ншу во чре́ве, Дании́л же Тя ви́де го́ру непресе́чену, жезл прозя́бший, Иса́ия взыва́ше, от ко́рене Дави́дова.

Ми́лостиве Го́споди, услы́ши моли́тву раб Свои́х, моля́щихся Тебе́.

Исто́чниче жи́зни, пода́телю, Христе́, ми́лости, не отврати́ лица́ Твоего́ от нас, облегчи́ боле́знь утруже́нному боле́знию, и воздви́гни я́ко Фадде́ом Авгаря, да при́сно Тебе́ сла́вит со Отце́м и Святы́м Духом.

Ми́лостиве Го́споди, услы́ши моли́тву раб Свои́х, моля́щихся Тебе́.

Ева́нгельскому ве́рующе гла́су, Твоего́ и́щем обе́та, Христе́: проси́те, бо рече́, и да́стся вам. Тем ны́не предстоя́ще мо́лим Тя́: воста́ви со одра́ здра́ва лю́тым пове́ржена неду́гом, да Тя с на́ми вку́пе велича́ет.

Слава: Му́чимый неду́гом вну́трь неви́димыми ра́нами, Тебе́, Христе́, с на́ми вопие́т. Не нам, Господи, ни нас ра́ди, вси бо есмы́ испо́лнени грехо́в, но Ма́терними Твои́ми и Предте́чевыми моли́твами даждь исцеле́ние боля́щему, да Тя вси возвели́чим.

И ныне: Бо́жия Ма́ти Пречи́стая, со все́ми святы́ми призыва́ем Тя́, со а́нгелы и арха́нгелы, с проро́ки и патриа́рхи, моли́ся Христу́ Богу на́шему да́ти здра́вие боля́щему, да Тя вси велича́ем.

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без нетле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды)

Отпуст

Го́споди Иису́се Христе́, Сы́не Бо́жий, моли́тв ра́ди Пречи́стыя Твоей Ма́тере, святы́х исцели́телей и безсре́бреников и все́х святы́х, поми́луй и спаси́ нас, я́ко благ и Человеколю́бец.

Молитва за болящего

Бо́же си́льный, ми́лостию строя́й вся на спасе́ние ро́ду челове́ческому, посети́ раба́ Своего́ сего́ (имярек), нарица́юща и́мя Христа́ Твоего́, исцели́ его́ от вся́каго неду́га плотско́го и душе́внаго, и отпусти́ грех, и грехо́вныя собла́зны, и вся́ку напа́сть, и вся́ко наше́ствие неприя́зненно дале́че сотвори́ от раба́ Твоего́, и воздви́гни от одра́ грехо́внаго, и устро́й его́ во святу́ю Твою́ Це́рковь здра́ва душе́к» и те́лом, и де́лы до́брыми сла́вящаго со все́ми людьми́ и́мя Христа́ Твоего́. Яко Тебе́ сла́ву возсыла́ем со безнача́льным Ти Сы́ном и со Святы́м Ду́хом, ны́не и при́сно и во ве́ки веко́в. Ами́нь.

По окончании последования можно прочесть евангельское чтение Ин. 5:47–54.