Текст книги "Греческий молитвослов. Молитвы на всякое время дня, недели и года"

Особые последования

Последование ко Святому Причащению дополненное[360]360
  Составлено на основе обычного последования с добавлениями из старопечатного Канонника. Последование может быть прочитано отдельно или в составе вечерни, повечерия и утрени. В последнем случае псалмы вечерни, повечерия или шестопсалмие утрени, тропари на вечерне и утрене и каноны на повечерии или на утрене могут быть заменены соответствующими молитвословиями ко Причащению. Молитвы ко Святому Причащению могут быть прочитаны в конце какого-либо из последований суточного круга в количестве и порядке, определяемом самим молящимся.


[Закрыть]

# Готовясь ко Причащению Святых Таин, можно прочесть апостольское и евангельское чтения: 1 Кор. 11: 23–32 и Ин. 6: 48–54.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Прииди́те, поклони́мся Царе́ви на́шему Бо́гу. (Поклон) Прииди́те, поклони́мся и припаде́м Христу́, Царе́ви на́шему Бо́гу. (Поклон)

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)

Псалом 21

Бо́же, Бо́же мой, вонми́ ми, веку́ю оста́вил мя еси́? Дале́че от спасе́ния моего́ словеса́ грехопаде́ний мои́х. Бо́же мой, воззову́ во дни, и не услы́шиши, и в нощи́, и не в безу́мие мне. Ты же во святе́м живе́ши, хвале́ Изра́илева. На Тя упова́ша отцы́ на́ши, упова́ша и изба́вил еси́ я́. К Тебе́ воззва́ша, и спасе́шася, на Тя упова́ша, и не постыде́шася. Аз же есмь червь, а не челове́к, поноше́ние челове́ков и уничиже́ние люде́й. Вси ви́дящии мя поруга́ша ми ся, глаге́лаша устна́ми, покива́ша главе́ю: упова́ на Ге́спода, да изба́вит еге́, да спасе́т еге́, я́ко хе́щет еге́. я́ко Ты еси́ исте́ргий мя из чре́ва, упова́ние мое́ от сосцу́ ма́тере моея́. К Тебе́ приве́ржен есмь от ложе́сн, от чре́ва ма́тере моея́ Бог мой еси́ Ты. Да не отсту́пиши от мене́, я́ко скорбь близ, я́ко несть помога́яй ми. Обыде́ша мя тельцы́ мне́зи, юнцы́ ту́чнии одержа́ша мя. Отверзе́ша на мя уста́ своя́, я́ко лев восхища́яй и рыка́яй. я́ко вода́ излия́хся, и разсы́пашася вся ке́сти моя́, бысть се́рдце мое́ я́ко воск, та́яй посреде́ чре́ва моего. И́зсше я́ко скуде́ль кре́пость моя́, и язы́к мой прильпе́ горта́ни моему́, и в персть сме́рти свел мя еси́. я́ко обыде́ша мя пси мне́зи, сонм лука́вых одержа́ша мя, ископа́ша ру́це мой и не́зе мой. Исчете́ша вся ке́сти моя́, ти́и же смотри́ша и презре́ша мя. Раздели́ша ри́зы моя́ себе́, и о оде́жди мое́й мета́ша жре́бий. Ты же, Ге́споди, не удали́ пе́мощь Твою́ от мене́, на заступле́ние мое́ вонми́. Изба́ви от ору́жия ду́шу мою́, и из рукй пе́сни единоре́дную мою́. Спаси́ мя от уст льве́вых и от рог единоре́ж смире́ние мое́. Пове́м и́мя Твое́ бра́тии мое́й, посреде́ це́ркве воспою́ Тя. Боя́щийся Ге́спода, восхвали́те Еге́, все се́мя Иа́ковле, просла́вите Еге́, да убойтся же от Неге́ все се́мя Изра́илево, я́ко не уничижи́, ниже́ негодова́ моли́твы ни́щаго, ниже́ отврати́ лице́ Свое́ от мене́, и егда́ воззва́х к Нему́, услы́ша мя. От Тебе́ похвала́ моя́, в це́ркви вели́цей испове́мся Тебе́, моли́твы моя́ возда́м пред боя́щимися Еге́. Ядя́т убо́зии и насы́тятся, и восхва́лят Го́спода взыска́ющии Его́, жива́ бу́дут сердца́ их в век ве́ка. Помяну́тся и обратя́тся ко Го́споду вси концы́ земли́, и покло́нятся пред Ним вся оте́чествия язы́к, я́ко Госпо́дне есть ца́рствие, и Той облада́ет язы́ки. Ядо́ша и поклони́шася вси ту́чнии земли́, пред Ним припаду́т вси низходя́щии в зе́млю, и душа́ моя́ Тому́ живе́т. И се́мя мое́ порабо́тает Ему́, возвести́т Го́сподеви род гряду́щий. И возвестя́т пра́вду Его́ лю́дей ро́ждшимся, я́же сотвори́ Госпо́дь.

Псалом 22

Госпо́дь пасе́т мя, и ничто́же мя лиши́т. На ме́сте зла́чне, та́мо всели́ мя, на воде́ поко́йне воспита́ мя. Ду́шу мою́ обрати́, наста́ви мя на стези́ пра́вды, и́мене ра́ди Своего́. Аще бо и пойду́ посреде́ се́ни сме́ртныя, не убою́ся зла, я́ко Ты со мно́ю еси́, жезл Твой и па́лица Твоя́, та мя уте́шиста. Угото́вал еси́ пре́до мно́ю трапе́зу сопроти́в стужа́ющым мне, ума́стил еси́ еле́ом главу́ мою, и ча́ша Твоя́ упоява́ющи мя, я́ко держа́вна. И ми́лость Твоя́ пожене́т мя вся дни живота́ моего́, и е́же всели́ти ми ся в дом Госпо́день, в долготу́ дний.

Псалом 23

Госпо́дня земля́, и исполне́ние ея́, вселе́нная и вси живу́щий на ней. Той на моря́х основа́л ю́ есть, и на река́х угото́вал ю́ есть. Кто взы́дет на го́ру Госпо́дню? Или́ кто ста́нет на ме́сте святе́м Его́? Непови́нен рука́ма, и чист се́рдцем, и́же не прия́т всу́е ду́шу свою́, и не кля́тся ле́стию и́скреннему своему́. Сей прии́мет благослове́ние от Го́спода, и ми́лостыню от Бо́га, Спа́са своего́. Сей род и́щущих Го́спода, и́щущих лице́ Бо́га Иа́ковля. Возми́те врата́ кня́зи ва́ша, и возми́теся врата́ ве́чная, и вни́дет Царь сла́вы. Кто есть сей Царь сла́вы? Госпо́дь кре́пок и си́лен, Госпо́дь си́лен в бра́ни. Возми́те врата́ кня́зи ва́ша, и возми́теся врата́ ве́чная, и вни́дет Царь сла́вы. Кто есть сей Царь сла́вы? Госпо́дь сил, Той есть Царь сла́вы.

Псалом 115

Ве́ровах, те́мже возглаго́лах, а́з же смири́хся зело́. Аз же рех во изступле́нии мое́м: всяк челове́к ложь. Что возда́м Го́сподеви о всех, я́же воздаде́ ми? Ча́шу спасе́ния прииму́ и и́мя Госпо́дне призову́, моли́твы моя́ Го́сподеви возда́м пред все́ми людьми́ Его́. Честна́ пред Го́сподем смерть преподо́бных Его. О Го́споди, а́з раб Твой, а́з раб Твой, и сын рабы́ни Твоея́; растерза́л еси́ у́зы моя́. Тебе́ пожру́ же́ртву хвалы́, и во и́мя Госпо́дне призову́. Моли́твы моя́ Го́сподеви возда́м пред все́ми людьми́ Его́, во дво́рех до́му Госпо́дня, посреде́ тебе́, Иерусали́ме.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́йя, аллилу́йя, аллилу́йя, слава Тебе, Боже. (Трижды, с поклонами)

Тропари, глас 8

Беззако́ния моя́ пре́зри, Го́споди, от Де́вы рожде́йся, и се́рдце мое́ очи́сти, храм то творя́ пречи́стому Твоему́ Те́лу и Кро́ви, ниже́ отри́ни мене́ от Твоего́ лица́, без числа́ име́яй ве́лию ми́лость.

Слава: Во прича́стие святы́нь Твои́х ка́ко вни́ду, недосто́йный? Аще бо дерзну́ к Тебе́ приступи́ти с досто́йными, хито́н мя облича́ет, я́ко несть вече́рний, и осужде́ние исхода́тайствую многогре́шной души́ мое́й. Очи́сти, Го́споди, скве́рну души́ моея́, и спаси́ мя, я́ко Человеколю́бец.

И ныне, Богородичен: Мно́гая мно́жества мои́х, Богоро́дице, прегреше́ний, к Тебе́ прибего́х, Чи́стая, спасе́ния тре́буя: посети́ немощству́ющую мою́ ду́шу, и моли́ Сы́на Твоего́ и Бо́га на́шего, да́ти ми оставле́ние, я́же соде́ях лю́тых, еди́на Благослове́нная.

Канон ко Святому Причащению, по алфавиту, творение Феогностово, глас 2[361]361
  Все первые буквы тропарей составляют греческий алфавит, имя автора заключено в первых буквах строк Богородична 9-й песни. По желанию молящегося вместо алфавитного может быть прочитан другой канон ко Причащению, приводимый ниже (стр. 371).


[Закрыть]

Песнь 1

Ирмос: Гряди́те, лю́дие, пои́м песнь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, яко просла́вися.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Хлеб живота́ ве́чнующаго да бу́дет ми Те́ло Твое́ Свято́е, благоутро́бне Го́споди, и Честна́я Кровь, и неду́г многообра́зных исцеле́ние.

Не отве́ржи мене́ от лица Твоего, и Духа Твоего Свята́го не отыми́ от мене́.

Оскверне́н де́лы безме́стными окая́нный, Твоего́ Пречи́стаго Те́ла и Боже́ственныя Кро́ве недосто́ин есмь, Христе́, причаще́ния, его́же мя сподо́би. Слава, и ныне: Богородичен: Земле́ блага́я, благослове́нная Богоневе́сто, клас прозя́бшая неора́нный и спаси́тельный ми́ру, сподо́би мя сей яду́ща спасти́ся.

Песнь 3

Ирмос: На ка́мени мя ве́ры утверди́в, разшири́л еси́ уста́ моя́ на враги́ моя́. Возвесели́ бо ся дух мой, внегда́ пе́ти: несть свят, я́коже Бог наш, и несть пра́веден па́че Тебе́, Го́споди.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Сле́зныя ми пода́ждь, Христе́, ка́пли, скве́рну се́рдца моего́ очища́ющия: я́ко да благо́ю со́вестию очище́н, ве́рою прихожду́ и стра́хом, Влады́ко, ко причаще́нию Боже́ственных даро́в Твои́х.

Не отве́ржи мене́ от лица Твоего, и Духа Твоего Свята́го не отыми́ от мене́.

Во оставле́ние да бу́дет ми прегреше́ний Пречи́стое Те́ло Твое́ и Боже́ственная Кровь, Ду́ха же Свята́го обще́ние, и в жизнь ве́чную, Человеколюбие, и страсте́й и скорбе́й отчужде́ние.

Слава, и ныне: Богородичен Хле́ба живо́тнаго Трапе́за Пресвята́я, свы́ше ми́лости ра́ди сше́дшаго, и ми́рови но́вый живо́т даю́щаго, и мене́ ны́не сподо́би недосто́йнаго, со стра́хом вкуси́ти сего́, и жи́ву бы́ти.

Песнь 4

Ирмос: Прише́л еси́ от Де́вы, не хода́тай, ни А́нгел, но Сам, Го́споди, вопло́щся, и спасл еси́ всего́ мя челове́ка. Тем зову́ Ти: сла́ва си́ле Твое́й, Го́споди.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Восхоте́л еси́, нас ра́ди воплощся, Многоми́лостиве, закла́н бы́ти я́ко овча́, грех ра́ди челове́ческих: те́мже молю́ Тя, и моя́ очи́сти согреше́ния.

Не отве́ржи мене́ от лица Твоего, и Духа Твоего Свято́го не отыми́ от мене́.

Исцели́ души́ моея́ я́звы, Го́споди, и всего́ освяти́: и сподо́би, Влады́ко, я́ко да причащу́ся та́йныя Твоея́ Боже́ственныя ве́чери, окая́нный.

Слава, и ныне: Богородичен Уми́лостиви и мне Су́-щаго от утро́бы Твоея́, Влады́чице, и соблюди́ мя нескве́рна раба́ Твоего́ и непоро́чна, я́ко да прие́м у́мнаго би́сера, освящу́ся.

Песнь 5

Ирмос: Све́та пода́телю и веко́в Тво́рче, Го́споди, во све́те Твои́х повеле́ний наста́ви нас; ра́зве бо Тебе́ ино́го бо́га не зна́ем.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Якоже предре́кл еси́, Христе́, да бу́дет у́бо худо́му рабу́ Твоему́, и во мне пребу́ди, я́коже обеща́лся еси́: се́ бо Те́ло Твое́ я́м Боже́ственное, и пию́ Кровь Твою́.

Не отве́ржи мене́ от лица Твоего, и Духа Твоего Свято́го не отыми́ от мене́.

Сло́ве Бо́жий и Бо́же, угль Те́ла Твоего́ да бу́дет мне помраче́нному в просвеще́ние, и очище́ние оскверне́нной души́ мое́й Кровь Твоя́.

Слава, и ныне: Богородичен: Мари́е, Ма́ти Бо́жия, благоуха́ния честно́е селе́ние, Твои́ми моли́твами сосу́д мя избра́нный соде́лай, я́ко да освяще́ний причащу́ся Сы́на Твоего́.

Песнь 6

Ирмос: В бе́здне грехо́вней валя́лся, неизсле́дную милосе́рдия Твоего́ призыва́ю бе́здну: от тли, Бо́же, мя возведи́.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Ум, ду́шу и се́рдце освяти́, Спа́се, и те́ло мое́, и сподо́би неосужде́нно, Влады́ко, к стра́шным Та́йнам приступи́ти.

Не отве́ржи мене́ от лица Твоего, и Духа Твоего Свято́го не отыми́ от мене́.

Да бы́х устрани́лся от страсте́й, и Твоея́ благода́ти име́л бы приложе́ние, живота́ же утвержде́ние, причаще́нием Святы́х, Христе́, Та́ин Твои́х.

Слава, и ныне: Богородичен: Бо́жие, Бо́же, Сло́во Свято́е, всего́ мя освяти́, ны́не приходя́щаго к Боже́ственным Твои́м Та́йнам, Святы́я Ма́тере Твоея́ мольба́ми.

Кондак, глас 2

Хлеб, Христе́, взя́ти не пре́зри мя, Те́ло Твое́, и Боже́ственную Твою́ ны́не Кровь, пречи́стых, Влады́ко, и стра́шных Твои́х Та́ин причасти́тися окая́ннаго, да не бу́дет ми в суд, да бу́дет же ми в живо́т ве́чный и безсме́ртный.

Песнь 7

Ирмос: Те́лу злато́му прему́дрыя де́ти не послужи́ша, и в пла́мень са́ми поидо́ша, и бо́ги их обруга́ша, среди́ пла́мене возопи́ша, и ороси́ я Ангел: услы́шася уже́ уст ва́ших моли́тва.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Исто́чник благи́х, причаще́ние, Христе́, безсме́ртных Твои́х ны́не Та́инств да бу́дет ми свет, и живо́т, и безстра́стие, и к преспе́янию же и умноже́нию доброде́тели Боже́ственнейшия хода́тайственно, еди́не Бла́же, я́ко да сла́влю Тя.

Не отве́ржи мене́ от лица Твоего, и Духа Твоего Свято́го не отыми́ от мене́.

Да изба́влюся от страсте́й, и враго́в, и ну́жды, и вся́-кия ско́рби, тре́петом и любо́вию со благогове́нием, Человеколюбие, приступа́яй ны́не к Твои́м безсме́ртным и Боже́ственным Та́йнам, и пе́ти Тебе́ сподо́би: благослове́н еси́, Го́споди Бо́же оте́ц на́ших.

Слава, и ныне: Богородичен: Спа́са Христа́ ро́ждшая па́че ума́, Богоблагода́тная, молю́ Тя ны́не, раб Твой, Чи́стую нечи́стый: хотя́щаго мя ны́не к пречи́стым Та́йнам приступи́ти, очи́сти всего́ от скве́рны плоти́ и ду́ха.

Песнь 8

Ирмос: В пещь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте, дела́, я́ко Го́спода, и превозноси́те во вся ве́ки.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Небе́сных, и стра́шных, и святы́х Твои́х, Христе́, ны́не Та́ин, и Боже́ственныя Твоея́ и та́йныя ве́чери о́бщника бы́ти и мене́ сподо́би отча́яннаго, Бо́же Спа́се мой.

Не отве́ржи мене́ от лица Твоего, и Духа Твоего Свята́го не отыми́ от мене́.

Под Твое́ прибе́г благоутро́бие, Бла́же, со стра́хом зову́ Ти: во мне пребу́ди, Спа́се, и а́з, я́коже рекл еси́, в Тебе́; се бо дерза́я на ми́лость Твою́, ям Те́ло Твое́, и пию́ Кровь Твою́.

Слава, и ныне: Трепе́щу, прие́мля огнь, да не опалю́ся я́ко воск и я́ко трава́; О́ле страшнаго та́инства! О́ле благоутро́бия Бо́жия! Ка́ко Боже́ственнаго Те́ла и Кро́ве бре́ние причаща́юся, и нетле́нен сотворя́юся?

Песнь 9

Ирмос: Безнача́льна Роди́теля Сын, Бог и Госпо́дь, вопло́щся от Де́вы нам яви́ся, омраче́нная просветите, собра́та расточе́нная: тем всепе́тую Богоро́дицу велича́ем.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Христо́с есть, вкуси́те и ви́дите: Госпо́дь нас ра́ди, по нам бо дре́вле бы́вый, еди́ною Себе́ прине́с, я́ко приноше́ние Отцу́ Своему́ при́сно закаля́ется, освяща́яй причаща́ющияся.

Не отве́ржи мене́ от лица Твоего, и Духа Твоего Свята́го не отыми́ от мене́.

Душе́к» и те́лом да освящу́ся, Влады́ко, да просвещу́ся, да спасу́ся, да бу́ду дом Твой причаще́нием свяще́нных Та́ин, живу́щаго Тя име́я в себе́ со Отце́м и Ду́хом, Благоде́телю Многоми́лостиве.

Возда́ждь ми ра́дость спасе́ния Твоего́, и Ду́хом Влады́чним утверди́ мя.

Якоже огнь да бу́дет ми, и я́ко свет, Те́ло Твое́ и Кровь, Спа́се мой, пречестна́я, опаля́я грехо́вное вещество́, сжига́я же страсте́й те́рние, и всего́ мя просвеща́я, покланя́тися Божеству́ Твоему́.

Слава, и ныне: Богородичен: Бог воплоти́ся от чи́стых крове́й Твои́х; те́мже вся́кий род пое́т Тя, Влады́чице, у́мная же мно́жества сла́вят, я́ко Тобо́ю Я́ве узре́ша все́ми Влады́чествующаго, осуществова́вшагося челове́чеством.

Другой канон ко Святому Причащению, преподобного Симеона Нового Богослова, глас 2[362]362
  Канон приводится по старопечатному Каноннику. Может быть прочитан вместо алфавитного канона, приведенного выше.


[Закрыть]

Песнь 1

Ирмос: Гряди́те, лю́дие, пое́м пе́снь Христу́ Бо́гу, разде́льшему мо́ре и прове́дшу лю́ди, я́же испусти́ из рабо́ты Еги́петския, я́ко просла́вися.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Ви́ждь, душе́, Христа́ закала́ема на Боже́ственней трапе́зе, и не бесе́дуй, окая́нная, приле́жно со́ дру́ги свои́ми, Бога бо прогне́ваеши, многогре́шная.

Не отве́ржи мене́ от лица́ Твоего́, и Ду́ха Твоего́ Свято́го не отыми́ от мене́.

На Небесе́х а́нгели со стра́хом предстоя́т, ты же, окая́нная, без стра́ха стои́ши глумя́щися, ви́дящи Спа́са Христа́ закала́ема.

Слава: Ка́я душа́ ви́дящи или́ кий челове́к зря ны́не соверша́емых, Христа́ закала́ема, иере́я служа́ща со стра́хом, и не сла́вит Раздробля́емаго?

И ныне, Богородичен:. Сло́во О́тчее всели́ся во утро́бу Твою́, Де́во Мари́е Чи́стая, нас обнови́ Воплоти́выйся во́лею и Боже́ственныя Пло́ти причащэ́тися сподо́би.

Песнь 3

Ирмос: Утверди́ нас Собо́ю, Го́споди, Дре́вом умерщвле́й прегреше́ния, и страх Твой всади́ в сердца́ на́ша, я́ко Человеколю́бец.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Сподо́би на́с Те́ла Твоего́ причасти́тися, Спа́се, не осужде́нно и Кро́ве Твоея́ Честны́я, и сла́вити Твою́ благосты́ню.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Вразуми́ нас в стра́се Твое́м, Спа́се на́ш, и боже́ственную святу́ю слу́жбу со стра́хом мно́гим принести́ Тебе́ сподо́би.

Слава: Пропове́дник вопие́т, повелева́я нам всегда́ в дом Бо́жий приходи́ти. Не облени́мся у́бо, но потеце́м ны́не, я́ко вре́мя есть.

И ныне, Богородичен: Обожи́ла еси́ нас Боже́ственным Ти зача́тием, Де́во, Бо́га бо прия́ла еси́ во чре́ве заче́нши, Его́же пло́ть ку́пно снеда́ем.

Го́споди, поми́луй. (Трижды)

Седален, глас 2

Во све́тлостех Святы́х Твои́х ка́ко вни́ду, недосто́йный? Аще бо дерзну́ совни́ти в черто́г, оде́жда мя облича́ет, я́ко несть бра́чна, и, свя́зан, изве́ржен бу́ду от Ангелов. Очи́сти, Го́споди, скве́рну души́ моея́, и спаси́ мя, я́ко Человеколю́бец.

Слава, и ныне: Богородичен: Бо́жию естеству́ о́бщницы бы́хом Тобо́ю, Богоро́дице Присноде́во, Бо́га бо вопло́щшася родила́ еси́ нам. Темже Тя по до́лгу пою́ще, непреста́нно велича́ем.

Песнь 4

Ирмос: Прише́ствовал от Де́вы не хода́тай, ни Ангел, но Ты Сам Го́споди вопло́щся, и спасе́ всего́ мя челове́ка. Тем вопию́ Ти: сла́ва си́ле Твое́й.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Ста́нем у́бо вси со стра́хом и тре́петом, о́чи серде́чней горе́ иму́ще и ко Спасу вопию́ще: утверди́ нас и вразуми́, Бо́же ще́дрый, в стра́се Твое́м.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Царь всех происхо́дит, освяща́я всех нас вхо́дом Свои́м, я́ко милосе́рд. Ты же ви́дящи Его́, о душе́ моя́, не восхлаща́ешися [363]363
  Не обуздываешься.


[Закрыть] стра́хом, глаго́лющи неподо́бная.

Слава: Горе́ име́ем сердца́, до́льняя возненави́девше, ид е́же и житие́ на́ше есть. Вси до́лжни есмы́ та́ко жи́ти, а не я́ко змия́ пополза́тися по земли́.

И ныне, Богородичен: Лоза́, я́же Гро́зд Боже́ственый прозя́бши без Се́мене, Ты бысть, Де́во Ма́ти богоневе́стная, и ду́ши возвесели́ла еси́, благоче́стно Богоро́дицу Тя́ испове́дающих.

Песнь 5

Ирмос: Све́та Пода́телю и веко́м Тво́рче Го́споди, во све́те Твои́х повеле́ний наста́ви нас: ра́зве бо Тебе́ ино́го Бо́га не зна́ем.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Свяще́нник, бра́тие, вы́ю преклоня́ет за ны моли́тися, мы же стоя́ще прелага́емся умо́м ктерно́вным жите́йским печа́лем.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Преоскверне́нну ду́шу мою́ и устне́ мой имы́й нечи́сте, Го́споди, ны́не же ка́ко сме́ю приближа́тися к Тебе́ и прия́ти Те́ло Твое́, но Ты яви́ мя досто́йна. Слава: Рцы, о челове́че, Бйсер пресве́тлый прия́ти хотя́, стойши при́сно и смее́шися, и твори́ши я́же на гнев Бо́га подвиза́ют, и ка́ко хо́щеши к Нему́ приступи́ти?

И ныне, Богородичен: В пло́тнем чре́ве естество́м Безпло́тнаго понесла́ еси́, па́че естества́ от Тебе́ вопло́щшася, Пренепоро́чная. И Боже́ственныя Его́ пло́ти на́с причаща́тися сподо́би.

Песнь 6

Ирмос: В бе́здне грехо́вней одержи́мь, неизсле́дную милосе́рдия Твоего́ призыва́ю бе́здну: от тли, Бо́же, мя возведи́.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Царю́ сме́ртному и власте́й со стра́хом предстои́м, зде же бра́тие стоя́ще не бои́мся, ви́дяще все́ми Владу́щаго.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Сон и прах еси́, о челове́че, трава́ и сень: что у́бо возно́сишися? Но во гроб прини́кнув, виждь своего́ о́браза красоту́ и пла́чися.

Слава: Со стра́хом и тре́петом присту́пим вси к Боже́ственным Та́йнам Христо́вым: и́стое и Свято́е Те́ло Его́ прии́мем, и́стую и Святу́ю и Честну́ю Его́ Кровь.

И ныне, Богородичен: Сень Свята́я Ты яви́ся, Влады́чице Пренепоро́чная: в Тебе́ бо вопло́щся Бог и яви́ся, я́коже и плоть Свою́ ми́рови дал есть.

Кондак, глас 6

Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

Икос

Огнь и свет бу́ди ми, Спа́се, прия́тие пречи́стых и животворя́щих Твои́х Та́ин, пожига́я грехо́вный пле́вел и просвеща́я всего́ ко и́стинному богосло́вию. Не изда́м бо святы́ни вра́жией льсти, ни Тебе́ дам целова́ния ле́стна, но я́ко блудни́ца припа́даю Ти, и я́ко разбо́йник испове́дуяся вопию́ Ти: помяни́ мя, Го́споди, во Ца́рствии Твое́м.

Песнь 7

Ирмос: Богопроти́вное веле́ние беззако́ннующа мучи́теля высо́к пла́мень вознесло́ есть. Христо́с же просте́р богочести́вым де́тем хлад духо́вный, сый благослове́н и препросла́влен.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Стоя́ще и воспева́юще Го́сподеви, с ве́рою поуча́тися и вопи́ти весь день пра́вду Твою́, Го́споди, оста́вльше же лжу ны́не всю, обрета́емся не творя́ще, я́же пое́м.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Рцы, о челове́че, я́же обеща́ся к Бо́гу, испове́дав в дому́ святы́ни. Того́ ра́ди убо́йся, ка́ко не сохрани́. Или́ мни́шися, окая́нне, тле́нну челове́ку сия́ испове́дав?

Слава: Душе́ моя́ окая́нная, душе́ стра́стная, ужасни́ся, зря́щи та́инства пресла́вная, и воздыха́ющи прослези́ся, в пе́рси бию́щи, зову́щи и глаго́лющи: Бо́же, очи́сти мя, я́коже и блу́днаго.

И ныне, Богородичен: Прия́ла еси́ во утро́бе Свое́й, Ма́ти Де́во, Сло́во Собезнача́льное О́тчее, и воплоти́ся я́коже Сам изво́ли. Вся ны сподо́би, Влады́чице, Пло́ти Его́ причаща́тися, Богора́дованная.

Песнь 8

Ирмос: В пещь о́гненну к де́тем евре́йским Сше́дшаго и пла́мень на хлад прелбжшаго Бо́га, по́йте, вся дела́ Го́спода, и превозноси́те Его́ во ве́ки.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Отца́ взыва́еши и вопие́ши, предстоя́щи, душе́, Всеви́дцу и ника́коже исполня́ющи повеле́ние Его́ преподо́бно. Приле́жно, окая́нная, смотри́, я́же глаго́леши, да не осу́дишися.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Госпо́дь запове́дает нам и учи́т, бра́тие, Я́ве всегда́ поуча́тися и боя́тися при́сно сме́рти и с ве́рою Пречи́стое Те́ло Его́ и Кровь приима́ти во ве́ки вся. Слава: Истязу́ющему утро́бы и сердца́ и́стинно Испыта́ющему, ка́ко сме́ем глаго́лати: оста́ви нам, Бо́же, о ни́хже Ти до́лжни есмы́, иму́ще не́нависть ко все́м бра́тиям свои́м?

И ныне, Богородичен: Боже́ственный Хле́б жи́зни во чре́ве Твое́м, Богома́ти, и́стинно испече́ся, сохрани́в невре́дно ложесна́ Твоя́, Пренепоро́чная. Темже я́ко Пита́тельницу на́шу пое́м Тя во вся ве́ки.

Песнь 9

Ирмос: Безнача́льна Роди́теля Сын Бог и Госпо́дь, вопло́щся от Деви́цы на́м яви́ся, омраче́ныя просвети́™ и собра́та расточе́ныя. Тем всехва́льную Богоро́дицу велича́ем.

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Освяти́, Влады́ко, наш ум, я́ко милосе́рд, и ду́ши и телеса́ прише́ствием Твои́м ны́не: Пречи́стаго Те́ла Твоего́, Сло́ве, и Кро́ве Боже́ственныя, да Тя́ прославля́ем и непреста́нно велича́ем.

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Сподо́би мя, Го́споди, Боже́ственное Те́ло Твое́ и Честну́ю Кро́вь рука́ма и устна́ма скве́рныма прия́-ти ны́не, Спа́се мой. И что́ у́бо принесу́, Влады́ко, мно́гому долготерпе́нию Твоему́?

Слава: Освяти́, Господи, и вразуми́ и утверди́ сердца́, и́же ве́рою Божественное Те́ло Твое́, и Честну́ю Кро́вь прие́млющих со́ страхом, покажи́ исполни́тели слове́с Твои́х, и сы́ны Ца́рствия Твоего́.

И ныне, Богородичен: Бо́га безпло́тнаго во чре́ве Свое́м вме́щши, Того́ родила́ еси́ сугу́ба естество́м, и иста́явшее жа́ждею грехо́вною естество́ на́ше, Ма́ти Чи́стая, святы́ни насы́тила еси́, Влады́чице. Те́мже велича́ем Рождество́ Твое́, Всепе́тая.

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без нетле́ния Бо́га Сло́ва ро́ждшую, су́щую Богоро́дицу Тя велича́ем.

Молитвы Святой Троице

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Молитва Господня

О́тче наш, И́же еси́ на Небесе́х, да святи́тся и́мя Твое́, да прии́дет ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство и си́ла и сла́ва во ве́ки. Ами́нь.

Тропарь Великого Четверга, глас 8

Егда́ сла́внии ученицы́ на умове́нии ве́чери просвеща́хуся, тогда́ Иу́да злочести́вый сребролю́бием неду́говав омрача́шеся, и беззако́нным судия́м Тебе́ пра́веднаго Судию́ предае́т. Виждь, име́ний рачи́телю, сих ра́ди удавле́ние употреби́вша. Бежи́ несы́тыя души́, Учи́телю такова́я дерзну́вшия. Иже о всех благи́й[364]364
  Во всем благой.


[Закрыть] Го́споди, сла́ва Тебе́!

Затем: Го́споди, поми́луй, или молитву Иисусову (40 раз с поклонами), по желанию и по силе каждого.

Собрание молитв ко Святому Причащению[365]365
  Часть молитв приводится по старопечатному Каноннику. Можно прочесть все молитвы или несколько, по желанию молящегося.


[Закрыть]

Хотя́ я́сти, челове́че, Те́ло Влады́чне,

Стра́хом приступи́, да не опали́шися: огнь бо есть.

Боже́ственную же пия́ Кровь ко обще́нию,

Пе́рвее примири́ся тя опеча́лившим,

Та́же[366]366
  Затем.


[Закрыть] дерза́я, та́инственное бра́шно яждь.

Пре́жде прича́стия стра́шныя же́ртвы

Животворя́щаго Те́ла Влады́чня

Сим помоли́ся о́бразом со тре́петом:

Молитва 1-я, святителя Василия Великого

Влады́ко Го́споди Иису́се Христе́, Бо́же наш, Исто́чниче жи́зни и безсме́ртия, всея́ тва́ри ви́димый и неви́димый Соде́телю, безнача́льнаго Отца́ соприсносу́щный Сы́не и собезнача́льный, премно́гия ра́ди бла́гости в после́дния дни в плоть оболки́йся, и распны́йся, и погребы́йся за ны неблагода́рныя и злонра́вныя, и Твое́ю кро́вию обнови́вый растле́вшее грехо́м естество́ на́ше, Сам, Безсме́ртный Царю́, приими́ и мое́ гре́шнаго покая́ние, и приклони́ у́хо Твое́ мне, и услы́ши глаго́лы моя. Согреши́х бо, Го́споди, согреши́х на Не́бо и пред Тобо́ю, и несмь досто́ин воззре́ти на высоту́ сла́вы Твоея́: прогне́вах бо Твою́ бла́гость, Твоя́ за́поведи преступи́в, и не послу́шав Твои́х повеле́ний.

Но Ты, Го́споди, незло́бив сый, долготерпели́в же и многоми́лостив, не пре́дал еси́ мя поги́бнути со беззако́ньми мои́ми, моего́ вся́чески ожида́я обраще́ния. Ты бо рекл еси́, Человеколюбие, проро́ком Твои́м: я́ко хоте́нием не хощу́ сме́рти гре́шника, но е́же обрати́тися и жи́ву бы́ти ему́. Не хо́щеши бо, Влады́ко, созда́ния Твое́ю руку́ погуби́™, ниже́ благоволи́ши о поги́бели челове́честеи́, но хо́щеши всем спасти́ся, и в ра́зум и́стины прийти́. Те́мже и а́з, а́ще и недосто́ин есмь Небеса́ и земли́, и сея́ привре́менныя жизни, всего́ себе́ повину́в греху́, и сласте́м порабо́тив, и Твои́ оскверни́в о́браз; но творе́ние и созда́ние Твое́ быв, не отчаява́ю своего́ спасе́ния окая́нный, на Твое́ же безме́рное благоутро́бие дерза́я, прихожду́. Приими́ у́бо и мене́, Человеколю́бие Господи, я́коже блудни́цу, я́ко разбо́йника, я́ко мытаря́ и я́ко блу́днаго, и возми́ мое́ тя́жкое бре́мя грехо́в, грех взе́мляи́ ми́ра, и не́мощи челове́ческия исцеля́яи́, тружда́ющияся и обремене́нныя к Себе́ призыва́яи́ и упокоева́яи́, не прише́дыи́ призва́ти пра́ведныя, но гре́шныя на покая́ние. И очи́сти мя от вся́кия скве́рны пло́ти и ду́ха, и научи́ мя соверша́ти святы́ню во стра́се Твое́м: я́ко да чи́стым све́дением со́вести моея́, святы́нь Твои́х часть прие́мля, соединю́ся свято́му Те́лу Твоему́ и Кро́ви, и име́ю Тебе́ во мне живу́ща и пребыва́юща, со Отца́м и Святы́м Твои́м Ду́хом. Ей, Го́споди Иису́се Христе́, Бо́же мои́, и да не в суд ми бу́дет прича́стие пречи́стых и животворя́щих Та́ин Твои́х, ниже́ да не́мощен бу́ду душе́ю же и те́лом, от е́же недосто́и́не тем причаща́тися, но даждь ми, да́же до коне́чнаго моего́ издыха́ния, неосужде́нно восприима́ти часть святы́нь Твои́х, в Ду́ха Свята́го обще́ние, в напу́тие живота́ ве́чнаго, и во благоприя́тен отве́т на Стра́шнем Суди́щи Твое́м: я́ко да и а́з со все́ми избра́нными Твои́ми о́бщник бу́ду нетле́нных Твои́х благ, я́же угото́вал еси́ лю́бящим Тя, Го́споди, в ни́хже препросла́влен еси́ во ве́ки. Ами́нь.

Молитва 2-я, святителя Василия Великого

Влады́ко Святы́й Пречи́стый нескве́рный, И́же не унедосто́ивый за мно́гую Ти ми́лость острасти́вшееся естество́ на́ше от греха́ без греха́ и без скве́рны восприя́ти, и очи́стив то Свято́ю Свое́ю Кро́вию, излия́вшеюся спасе́ния ра́ди созда́ния святы́х Твои́х ру́к. И́же неизрече́нное смотре́ние сверши́в не не согре́шших Ти ра́ди [367]367
  Не ради несогрешивших пред Тобою.


[Закрыть], ниже́ благоугоди́вших Ти, но ра́ди прогне́вавших Тя и отве́ргшихся, и́же гре́х ра́ди вся́каго отча́явшихся спасе́ния наде́жды [368]368
  Тех, кто из-за своих грехов потеряли всякую надежду на спасение.


[Закрыть]. Сам бо рекл еси́, Благи́й, не тре́бовати здра́вым врача́, но боле́знующим, и я́ко прише́л еси́ не спасти́ спаса́емых, но поги́бших. Ты у́бо, Благоутро́бне, и мене́ недосто́йнаго, Твои́м наде́ющася щедро́там и дерзну́вша прибли́житися к Пречи́стому Твоему́ Те́лу и Кро́ви, приими́ Твои́м благоутро́бием и утерпи́ стра́шных Твои́х Та́ин прия́ти прича́стника мое́ недосто́инство, и не гнуша́йся ниже́ прогне́вайся, ниже́ пови́нна мя предста́ви, зане́же гре́шен есмь, не чист, и недосто́и́не прихожу́. Но, о любоду́шне Го́споди, подо́вый нам гре́шным Те́ло и Кровь Свою́ во оставле́ние грехо́в, даждь ми ро́ди прича́стия их Твоего́ е́же во мне вселе́ния, непотре́бнем рабе́ Твоем, и е́же в Тебе́ пребыва́ния, блазе́м Влады́це и Спаси́теле мое́м. Сотвори́ ми сих прича́стие во облегче́ние несказа́нных тя́жестей беззако́нии́ мои́х, во избавле́ние вины́, во очище́ние души́ и те́лу: о гре́шных бо, о осужде́нных, о безотве́тных излия́л еси́ Боже́ственную и живото́чную Кровь Свою́ мно́гим ми́лованием, ю́же сподо́би мя неосужде́нно пи́ти и животво́рное Твое́ я́сти Те́ло. И да не бу́дет ми недосто́и́не яду́щу и пию́щу, Человеколю́бче, прича́стие во осужде́ние, ниже́ в тяжча́и́шии отве́т, в ме́сто е́же получи́ти оставле́ние злых мои́х, я́ко Ты све́си, вся Ве́дыи́, я́ко не де́рзостне, ниже́ я́ко не осужде́н, или́ я́ко досто́ин сыи́ со дерзнове́нием прихожду́, но со стра́хом и тре́петом, и содрога́нием се́рдца и косте́й, и са́мых мозго́в, ве́дыи́ самоосужде́на себе́ и недосто́йна, е́же и очи́ма взира́ти стра́шную Твою́ трапе́зу. Но оба́че его́же ра́ди яви́л еси́ гре́шным неизрече́нное Свое́ ми́лование разделе́нием Свято́го Твоего́ Те́ла и излия́нием Честны́я Твоея́ Кро́ве, жела́ю напита́тися душепита́тельною Твое́ю се́ю пи́щею, Христе́ Бо́же наш, и вмета́ю себе́ де́рзостне в пучи́ну ми́лости Твоея́. На Твоя́ покланя́емыя и нетле́нно твори́мыя зрю стра́сти, я́же восприя́т человеколю́бие во оставле́ние грехов на́ших, стра́хом и ра́достию содержи́м е́смь: о́вым у́бо ра́ди недосто́инства моего́, о́вою же ра́ди наде́жды согреше́нных ми проще́ния. Виждь у́бо смире́ние мое́, Го́споди, и пода́ждь ми непови́нне и неосужде́нне прия́ти Твоя́ Боже́ственныя и Боготворя́щия Та́йны во очище́ние, во спасе́ние и во оставле́ние зол мои́х, во отбежа́ние бу́дущия моея́ ка́зни и в получе́ние сла́вы, и в восприя́тие угото́ванных благ любящим Тя́ и в Тебе́ живу́щим и пребыва́ющим, моле́нием Препросла́вленныя и Пречи́стыя Твоея́ Ма́тере и всех святы́х Твои́х. Ами́нь.

Молитва 3-я, святителя Василия Великого

Влады́ко Го́споди Бо́же наш, Единоро́дный Сы́не и Сло́ве жива́го и безсме́ртнаго Отца́, да́вый Себе́ о нас же́ртву, и́хже ра́ди вочелове́чися, да сообра́зны Своего́ о́браза пока́жеши нас и присво́иши Себе́ причаще́нием животворя́щих Твои́х Та́ин: вознесу́ Тя, я́ко подъя́т мя и не́си возвесели́л враг мои́х о мне, но возве́л еси́ от а́да ду́шу мою́ и спасл мя еси́ от низходя́щих в ров. И ны́не приклони́ у́хо Твое́ ко мне, и услы́ши глаго́лы моя́, и прича́стника мя сотвори́, недосто́йнаго я́коже своему́ о́бразу, си́це и Пречистей Пло́ти Твое́й и са́мой Честне́й Твое́й Кро́ви, во оставле́ние грехо́в, в проще́ние согреше́нием, в Духа Свята́го приобще́ние, презира́я мне, бла́гости ра́ди бога́тства, вся во́льная согреше́ния и нево́льная, я́же в ве́дении мое́м бы́вшая и я́же не в ве́дении: а́ще бо и недосто́ин есмь Небесе́ и земли́, но созда́ние Твое́ есмь и де́ло пречи́стых Твои́х рук. Аще и о́браз Твой преступле́нием за́поведей Твои́х растли́х, пре́зри моя́ согреше́ния, еди́не взе́мляй грехи́ ми́ра и безгре́шный Го́споди, Тебе́ бо еди́ному согреши́х и к Тебе́ припа́даю, благо́му Бо́гу моему́, а́ще и злы́ми мои́ми де́лы при́сно прогне́ваю Тя. Не возгнуша́йся мене́, нечи́стаго се́рдцем, оскверне́на су́ща устна́ма, стра́стнаго душе́ю, но ми́лости Твое́й наде́ющася и приходя́ща. Приими́ мя, я́коже блудни́цу, и я́коже разбо́йника, и мытаря́, и прости́ ми мно́жество мно́гих злых мои́х дел, я́ко власть имы́й оставля́ти согреша́ющим согреше́ния Пречи́стых ра́ди Твои́х Та́ин приобще́ния. И у́глем у́бо Свята́го Твоего́ Телесе́ стра́стныя души́ моея́ попали́в движе́ния, очи́сти се́рдце мое́, я́коже не́когда устне́ проро́ка Твоего́ стра́шнаго ра́ди Твоего́ Серафи́ма, просвети́ же ми помышле́ния све́том весе́лия Твоего́ и всего́ свя́тости мя́ испо́лни, я́ко естество́м Свят сый, причаще́нием же Честны́я Твоея́ Кро́ве весе́лия испо́лни се́рдце мое́ и ум мой Твои́м ра́дованием, вся моя́ у́ды теле́сныя умертви́ Святы́х Твои́х Та́ин причаще́нием и вся́каго свободи́ плотска́го жела́ния наи́тием Свята́го Твоего́ Ду́ха. Ей, Бо́же, приходя́ и оби́тель творя́ со Отце́м и со Святы́м Ду́хом Твои́м во всех святы́х Твои́х, сподо́бивый от мене́ гре́шнаго и недосто́йнаго прие́млем быва́ти в приноси́мей Тебе́ безкро́вней же́ртве безме́рный ра́ди бла́гости, Ты во мне пребу́ди несумне́нне и неразлу́чне до кончи́ны живота́ моего́, и бу́ди ми Приложе́ние жи́зни от губи́теля, Свет во открове́ние сокрове́нных Твои́х Та́ин, Наста́вник в путь за́поведей Твои́х, в Ца́рство Небе́сное, ве́чное весе́лие, во исполне́ние прему́дрости, в соверше́ние сло́ва, в зре́ние слове́с Твои́х, Таи́нник Боже́ственных небе́сных веще́й, Кре́пость на бори́тели ду́хи и на е́же во мне вся́кое неподо́бное жела́ние Утоми́тель бу́ди.