Текст книги "Греческий молитвослов. Молитвы на всякое время дня, недели и года"

Преображение Господне

Двунадесятый праздник Преображения Господня был установлен в воспоминание преображения (т. е. изменения внешнего вида) Христа, произошедшего во уверение Божественной природы Спасителя, согласно Священному Преданию, на горе Фавор по пути из Галилеи в Иерусалим на страдания (см. Мф. 17: 1–6, Мк. 9: 2–8, Лк. 9: 28–36).

Преображенские молитвословия исполняются с 19 по 26 августа н. ст.

На вечерне стихиры праздника, глас 4

Пре́жде Креста́ Твоего́, Го́споди, гора́ небеси́ подо́-бяшеся и о́блак я́ко сень[331]331
  Как шатер.


[Закрыть] протяза́шеся, Тебе́ преобразу́ющуся, от Отца́ же свиде́тельствуему: та́мо бе Петр со Иа́ковом и Иоа́нном, я́ко хотя́ху бы́ти с Тобо́ю и во вре́мя преда́ния Твоего́, да ви́девше чудеса́ Твоя́, не устраша́тся страда́ний Твои́х, и́мже поклони́тися нам в ми́ре сподо́би, вели́кия ра́ди Твоея́ ми́лости.

Пре́жде Креста́ Твоего́, Го́споди, пойм ученики́ на го́ру высо́ку, преобразйлся еси́ пред ни́ми, луче́ю си́лы озаря́я их, отсю́ду у́бо человеколю́бием, отону́ду вла́стию [332]332
  С одной стороны, человеколюбно, но в то же время могущественно.


[Закрыть] показа́ти хотя́ воскресе́ния све́тлость [333]333
  Блистание, яркий свет.


[Закрыть], его́же и нас, Бо́же, в ми́ре сподо́би, я́ко ми́лостив и Человеколю́бец.

Гора́, я́же иногда́ мра́чна и ды́мна, ны́не же честна́ и свята́ есть, на не́йже но́зе Твои́ стоя́сте, Го́споди: преве́чное бо сокрове́нное та́инство напосле́док явле́но сотвори́ стра́шное [334]334
  Вызывающее (благоговейный) трепет.


[Закрыть] Твое́ преображе́ние Петру́, и Иоа́нну, и Иа́кову. Иже такова́ сия́ния лица́ Твоего́ не терпя́ще и све́тлости риз Твои́х, ниц на лице́ земли́ покрыва́хуся, и́же и у́жасом одержи́ми дивля́хуся, ви́дяще Моисе́я и Илию́, глаго́люща с Тобо́ю хотя́щая приключи́тися Тебе́. И глас от Отца́ свиде́тельствоваше, глаго́ля: Сей есть Сын Мой возлю́бленный, о Не́мже благоизво́лих, Того́ послу́шайте, Иже и да́рует ми́рови ве́лию ми́лость.

На горе́ высо́це преобра́жся, Спас, верхо́вныя име́я ученики́, пресла́вно облиста́л есть, показу́я, я́ко высото́ю доброде́телей облиста́вшии и Боже́ственней сла́ве сподо́бятся. Глаго́лющий же со Христо́м Моисе́й и Илия́ пока́зоваху, я́ко живы́ми и ме́ртвыми облада́ет и Иже дре́вле зако́ном и проро́ки глаго́лавый есть Бог, Ему́же и глас Оте́ч из о́блака све́тла послу́-шествоваше [335]335
  Свидетельствовал.


[Закрыть], глаго́лющий: Того́ послу́шайте, Иже Кресто́м а́да плени́вша и ме́ртвым да́рующа живо́т ве́чный.

Слава, и ныне: Прообразу́я воскресе́ние Твое́, Христе́ Бо́же, тогда́ поя́т три Твоя́ ученики́, Петра́, и Иа́кова, и Иоа́нна, на Фаво́р возше́л еси́. Тебе́ же, Спа́се, преобразу́ющуся, Фаво́рская гора́ све́том покрыва́шеся; ученицы́ Твои́, Сло́ве, поверго́ша себе́ до́лу на земли́, не терпя́ще зре́ти неви́димаго зра́ка; А́нгели служа́ху стра́хом и тре́петом, Небеса́ убоя́шася, земля́ вострепета́, ви́дяще на земли́ сла́вы Го́спода.

Тропарь праздника, глас 7

Преобрази́лся еси́ на горе́, Христе́ Бо́же, показа́вый ученико́м Твои́м сла́ву Твою́, я́коже можа́ху. Да возсия́ет и нам, гре́шным, Свет Твой присносу́щный моли́твами Богоро́дицы, Светода́вче, сла́ва Тебе́.

Величание

Велича́ем Тя, Живода́вче Христе́, и почита́ем пречи́стыя пло́ти Твоея́ пресла́вное преображе́ние.

Отпуст праздника

Иже на горе́ Фаво́рстей преобрази́выйся во сла́ве пред святы́ми Свои́ми ученики́ и Апо́столы, Го́споди Иису́се Христе́, Бо́же наш, моли́твами Пречи́стыя Своея́ Ма́тере, святы́х проро́ков Бо́жиих Моисе́я и Илии́ и всех святы́х, поми́луй и спаси́ нас, я́ко благ и Человеколю́бец.

На утрене канон Преображению, преподобного Иоанна Дамаскина, глас 8

Песнь 1

Ирмос: Во́ду проше́д, я́ко су́шу, и еги́петскаго зла избежа́в, изра́ильтянин вопия́ше: Изба́вителю и Бо́гу на́шему пойм.

Слава Тебе, Боже наш, слава Тебе.

Моисе́й, на мо́ри проро́чески ви́дев во о́блаце и столпе́ дре́вле о́гненнем сла́ву Госпо́дню, вопия́ше: Изба́вителю и Бо́гу на́шему пойм.

Слава Тебе, Боже наш, слава Тебе.

Яко ка́меней, те́лом покры́вся обоже́нным [336]336
  Защищенный, словно скалой, обоженным Телом (Спасителя).


[Закрыть], Неви́-димаго зря, Моисе́й богови́дец взыва́ше: Изба́вителю и Бо́гу на́шему пойм.

Слава, и ныне: Ты на горе́ зако́нней [337]337
  Синайской.


[Закрыть] и на Фаво́рстей ви́ден был еси́ Моисе́ем во мра́це дре́вле, во Све́те же ны́не непристу́пнем Божества́.

Песнь 3

Ирмос: Небе́снаго кру́га Верхотво́рче Го́споди и Це́ркви Зижди́телю, Ты мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколюбие. Слава Тебе, Боже наш, слава Тебе.

Осеня́ющая сла́ва в се́ни пе́рвее и Моисе́еви бесе́дующи, Твоему́ уго́днику, о́браз бысть облиста́вшаго неизрече́нно на Фаво́ре, Влады́ко, Твоего́ преображе́ния.

Слава Тебе, Боже наш, слава Тебе.

Совзыдо́ша Ти, Сло́ве Единоро́дный Вы́шний апо́стольстии верей[338]338
  Первейшие из апостолов.


[Закрыть] на го́ру Фаво́рскую и сопредста́ша Ти Моисе́й же и Илия́, я́ко Бо́жии слуги́, Еди́не Человеколюбие.

Слава, и ныне: Бог весь сый, весь зе́млей бысть, всему́ Божеству́ смеси́в челове́чество во ипоста́си Свое́й, ю́же во двою́ существу́ Моисе́й и Илия́ же ви́деша на горе́ Фаво́ре.

Песнь 4

Ирмос: Из пло́ти Твоей лучи́ Божества́ исхожда́ху проро́ком и апо́столом. Тем нача́льницы, пою́ще, взыва́ху: сла́ва си́ле Твое́й, Го́споди.

Слава Тебе, Боже наш, слава Тебе.

Иже купину́ сохрани́вый неврежде́нну прикосну́вшуюся огню́, Моисе́ю богосия́нную плоть показа́л еси́, Влады́ко, пою́щему: сла́ва си́ле Твое́й, Го́споди.

Слава Тебе, Боже наш, слава Тебе.

Скры́ся заре́ю [339]339
  В лучах.


[Закрыть] Божества́ чу́вственное со́лнце, я́ко на горе́ Фаво́ре ви́дев Тя преобразу́ющася, Иису́се мой: сла́ва си́ле Твое́й, Го́споди.

Слава, и ныне: Огнь, не опаля́я ве́щи теле́сныя, ви́ден бысть невеще́ствен, я́коже Моисе́ю и апо́столом яви́лся еси́, Илии́ же, Влады́ко, еди́н от двою́, во дву соверше́нну естеству́[340]340
  Когда Ты явился Моисею, апостолам и Илии, Ты показал Себя нематериальным огнем, не опаляющим материю Своего тела, Владыко, (будучи) единым (лицом) из двух (природ) (и пребывая) в двух совершенных природах (Божеской и человеческой).


[Закрыть].

Песнь 5

Ирмос: Веку́ю мя отри́нул еси́ от лица́ Твоего́, Све́те незаходи́мый, и покры́ла мя есть чу́ждая тьма, окая́ннаго? Но обрати́ мя и к све́ту за́поведей Твои́х пути́ моя́ напра́ви, молю́ся.

Слава Тебе, Боже наш, слава Тебе. Вети́йствующий язы́к Твоего́ вели́чества не мо́жет веща́ти: я́ко бо Держа́й живо́т и сме́ртию Влады́й предста́вил еси́ на Фаво́рстей горе́ Моисе́я и Илию́, свиде́тельствующия Твое́ Божество́.

Слава Тебе, Боже наш, слава Тебе.

Иже рука́ми неви́димыми созда́в по о́бразу Твоему́, Христе́, челове́ка, началообра́зную Твою́ в созда́нии добро́ту показа́л еси́ не я́ко во о́бразе, но я́ко Сам сый по существу́, Бог быв и Челове́к.

Слава, и ныне: Сраствори́вся неслия́нно, угль горя́щ показа́л еси́ нам Божества́, попаля́ющ у́бо грехи́, ду́ши же просвеща́ющ, на Фаво́рстей горе́, и́мже Моисе́я со Илие́ю, ученико́в же старе́йшия удиви́л еси́.

Песнь 6

Ирмос: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся: к Тебе́ бо возопи́х и услы́ши мя, Бо́же спасе́ния моего́.

Слава Тебе, Боже наш, слава Тебе.

Яко[341]341
  Сколь.


[Закрыть] ве́лие и стра́шное узре́ся виде́ние днесь! С небесе́ у́бо чу́вственное [342]342
  Т. е. физическое солнце.


[Закрыть], от земли́ же несравне́нное облиста́ Со́лнце пра́вды мы́сленное на горе́ Фаво́рстей.

Слава Тебе, Боже наш, слава Тебе.

Пре́йде у́бо сень зако́нная изнемо́гшая, прии́де же Я́ве Христо́с Истина, Моисе́й возопи́ на Фаво́ре, ви́-дев Твое́ Божество́.

Слава, и ныне: Столп о́гненный Моисе́ови, Христа́ преобразу́ющася, о́блак же Я́ве благода́ть Ду́ха, осени́вшую на Фаво́ре, предсказа́ша явле́ннейше[343]343
  Самым очевидным образом.


[Закрыть].

Кондак Преображения, глас 7

На горе́ преобразйлся еси́, и я́коже вмеща́ху ученицы́ Твой, сла́ву Твою́, Христе́ Бо́же, ви́деша, да егда́ Тя у́зрят распина́ема, страда́ние у́бо уразуме́ют во́льное, ми́рови же пропове́дят, я́ко Ты еси́ вои́стинну Отчее сия́ние.

Песнь 7

Ирмос: Отроцы евре́йстии в пещи́ попра́ша пла́мень дерзнове́нно и на ро́су огнь преложи́ша, вопию́ще: благослове́н еси́, Го́споди Бо́же, во ве́ки.

Слава Тебе, Боже наш, слава Тебе.

Ны́не ви́дена бы́ша апо́столом неви́димая[344]344
  Невидимое.


[Закрыть] Божества́ во пло́ти, на горе́ Фаво́рстей облиста́вша вопию́щим: благослове́н еси́, Го́споди Бо́же, во ве́ки.

Слава Тебе, Боже наш, слава Тебе.

Ужасо́шася стра́хом, уди́влынеся благоле́пию Боже́ственнаго Ца́рства на горе́ Фаво́рстей Апо́столи, вопию́ще: благослове́н еси́, Го́споди Бо́же, во ве́ки.

Слава Тебе, Боже наш, слава Тебе.

Ныне неуслышанная услышана быша: без отца бо Сын от Девы Отеческим гласом славно свидетельствуется, яко Бог и Человек Тойже во веки.

Слава, и ныне: Положением не был еси́ Вышняго, существом же Сын возлюблен прежде сый, нам прибли́жился еси́ непреложно [345]345
  Ты не стал (Сыном) Всевышнего по назначению, но, будучи по существу возлюбленным Сыном (Небесного Отца), без изменения (Божественной природы) вошел в общение с нами (через вочеловечение).


[Закрыть]: благословен еси́, вопиющим, Боже, во веки.

Песнь 8

Ирмос: Седмери́цею пещь халдейский мучитель богочести́вым нейстовно разжже́, си́лою же лу́чшею спасены сия ви́дев, Творцу́ и Изба́вителю вопияше: отроцы, благослови́те, свяще́нницы, воспойте, лю́-дие, превозноси́те во вся ве́ки.

Слава Тебе, Боже наш, слава Тебе.

Услышавше, Владыко, от Отца́ свиде́тельствуема и яко челове́ческа тверде́йша зра́ка зре́ти лица́ Твоего блиста́ния не терпяще [346]346
  И не вынося видения Твоего лица как более сурового, нежели (можно вынести) человеческому зрению.


[Закрыть], Твой ученицы на землю ниц па́даху, со стра́хом поюще: свяще́нницы, благослови́те, людие, превозноси́те Христа́ во вся ве́ки.

Слава Тебе, Боже наш, слава Тебе.

Ца́рствующим еси́ Царь прекра́сен и я́же всю́ду владя́щим Госпо́дь[347]347
  Ты – самый прекрасный Царь из всех царей и Господин из всех господствующих.


[Закрыть], си́лен[348]348
  В греческом оригинале: Владетель.


[Закрыть] блаже́н и во све́те живы́й непристу́пнем, Ему́же ученицы́ уди́вльшеся, вопия́-ху: о́троцы, благослови́те, свяще́нницы, воспо́йте, лю́дие, превозноси́те Христа́ во вся ве́ки.

Слава Тебе, Боже наш, слава Тебе.

Яко Не́бом владу́щему, и земле́ю госпо́дствующему, и над преиспо́дними о́бласть иму́щему, Христе́, предста́ша Ти: от земли́ у́бо Апо́столи, я́ко с Небесе́ же Фесви́тянин Илия́, Моисе́й же от ме́ртвых, пою́ще согла́сно: лю́дие, превозноси́те Христа́ во вся ве́ки. Слава, и ныне: Уны́ние ражда́ющия печа́ли[349]349
  Порождающие нерадение заботы.


[Закрыть] на земли́ оста́виша апо́столов избра́ннии, Человеколю́бие, я́ко Тебе́ после́доваша ко я́же от земли́ взе́млющему боже́ственному житию́. Те́мже и по достоя́нию Твоего́ Богоявле́ния улучи́вше, поя́ху: лю́дие, превозноси́те Христа́ во ве́ки.

Песнь 9

Вместо песни Богородицы поются особые припевы праздника:

Велича́й, душе́ моя́, на Фаворе преобразившагося Господа.

Ирмос: Устраши́ся всяк слух неизрече́нна Бо́жия снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва быв Челове́к. Те́мже Пречи́стую Богоро́дицу, ве́рнии, велича́ем.

Велича́й, душе́ моя́, на Фаворе преобразившагося Господа.

Да Твое́ пока́жеши Я́ве неизрече́нное второ́е сни́тие, я́ко да Вы́шний Бог яви́шися стоя́ посреде́ бого́в, Апо́столы на Фаво́ре, Моисе́я же и Илию́, неизрече́нно осия́л еси́. Те́мже вси Тя, Христе́, велича́ем.

Велича́й, душе́ моя́, на Фаворе преобразившагося Господа.

Прииди́те мне [350]350
  Т. е. автору канона.


[Закрыть] покори́теся, лю́дие, возше́дше на го́ру святу́ю пренебе́сную, невеще́ственно ста́нем во гра́де Жива́го Бо́га и у́зрим мы́сленно Божество́ невеще́ственное Отца́ и Ду́ха, в Сы́не Единоро́днем облиста́ющее.

Велича́й, душе́ моя́, на Фаворе преобразившагося Господа.

Привле́кл еси́ любо́вию мя, Спа́се, и премени́л еси́ Боже́ственным Твои́м жела́нием, но попали́ огне́м невеще́ственным грехи́ моя́ и насы́титися е́же в Тебе́ наслажде́ния сподо́би, я́ко да обоя́ игра́я велича́ю, Бла́же, прише́ствия Твоя́.

Эксапостиларий праздника

Све́те неизме́нный, Сло́ве, Све́та Отца́ нерожде́нна, в явле́нием све́те Твое́м днесь на Фаво́ре Свет ви́дехом Отца́, Свет и Ду́ха, све́том наставля́ющаго всю тварь.

На псалмах хвалы стихиры праздника, глас 4

Пре́жде Честна́го Креста́ Твоего́ и страда́ния, пойм[351]351
  Взяв.


[Закрыть], йхже проразсуди́л еси́ от свяще́нных учени́к, на Фаво́рскую, Влады́ко, возше́л еси́ го́ру, показа́™ восхоте́в сим сла́ву Твою́; я́же и ви́девше Тя преобрази́вшася и па́че со́лнца просия́вша, ни́цы па́дше, си́ле Твое́й удиви́шася, взыва́юще: Ты безле́тен Свет еси́, Христе́, и Сия́ние Отчее, а́ще и во́лею плоть яви́лся еси́, Неизме́нне.

Иже пре́жде век Сый Бог Сло́во, Иже Све́том, я́ко ри́-зою, одева́яйся, преобразу́ющийся [352]352
  В греческом оригинале: преобразуясь.


[Закрыть] пред ученики́ Твои́ми, па́че со́лнца, Сло́ве, просия́л еси́; Моисе́й же и Илия́ Тебе́ предста́ша, ме́ртвым и живы́м Тя Го́спода пове́дающе и Твое́ сла́вяще неизрече́нное смотре́ние и ми́лость и мно́гое милосе́рдие, и́мже спасл еси́ мир, грехо́м погиба́ющий.

От Деви́ческаго о́блака Тя рожде́нна и плоть бы́вша, и на горе́ Фаво́рстей преобразу́ющася, Го́споди, и о́блаком све́тлым Тя окружа́ема, глас Роди́телев возлю́бленнаго Тя Сы́на ученико́м, предстоя́щим Тебе́, Я́ве ска́зоваше я́ко единосу́щна и единопресто́льна. Те́мже Петр удивля́яся; добро́ есть зде бы́ти, глаго́лаше, не ве́дый, е́же глаго́лаше, Благоде́телю Многоми́лостиве.

Слава, и ныне, глас 8: Поя́т Христо́с Петра́, Иа́кова и Иоа́нна на го́ру высоку́ еди́ны и преобразйся пред ни́ми, и просвети́ся лице́ Его́, я́ко со́лнце, ри́зы же Его́ бы́ша белы́, я́ко свет; и яви́шася Моисе́й и Илия́ с Ним глаго́люще, и о́блак све́тел осени́ их. И се глас из о́блака глаго́лющ: Сей есть Сын Мой возлю́бленный, о Не́мже благоволи́х, Того́ послу́шайте.

Отпуст праздника

Иже на горе́ Фаво́рстей преобрази́выйся во сла́ве пред святы́ми Свойми ученики́ и Апо́столы, Го́споди Иису́се Христе́, Бо́же наш, моли́твами Пречи́стыя Своея́ Ма́тере, святы́х проро́ков Бо́жиих Моисе́я и Илий и всех святы́х, поми́луй и спаси́ нас, я́ко благ и Человеколю́бец.

Успение Пресвятой Богородицы

Успение Пресвятой Богородицы – последний в церковном году двунадесятый праздник, установленный в воспоминание блаженной кончины («успения», т. е. засыпания смертным сном) и преставления к вечной жизни Божией Матери. Согласно церковному преданию, апостолы, проповедовавшие в различных странах, чудесным образом были собраны в Иерусалим, чтобы проститься с Богородицей и совершить Ее погребение. В нем не участвовал лишь апостол Фома; он пришел в Иерусалим на третий день после погребения Богоматери, и по его просьбе апостолы открыли гробницу, чтобы он мог проститься с Пресвятой Девой Марией. Но в гробнице находились лишь погребальные пелены – тело Богоматери чудесным образом было вознесено на Небо. Вечером этого же дня Пресвятая Дева явилась апостолам в окружении Ангелов и приветствовала их словами: «Радуйтесь, ибо Я с вами во все дни!» Эти необычайные события легли в основу особенного почитания Святой Церковью Богоматери как Царицы Неба и земли и Ходатаицы о спасении всего человеческого рода.

Успенские молитвословия исполняются с 28 августа по 5 сентября н. ст.

На вечерне стихиры праздника, глас 1

О, дивное чудо! Источник Жи́зни во гробе полагается и ле́ствица к Небеси́ гроб бывает. Весели́ся, Гефсимание, Богородичен святый доме. Возопие́м, ве́рнии, Гаврии́ла иму́ще чинонача́льника: Благода́тная, ра́дуйся, с Тобо́ю Госпо́дь, подая́й ми́рови Тобо́ю ве́лию ми́лость.

Ди́вны Твоя́ та́йны, Богоро́дице: Вы́шняго престо́л яви́лася еси́, Влады́чице, и от земли́ к Небеси́ преста́-вилася еси́ днесь. Сла́ва Твоя́ боголе́пная, богоподо́бными сия́ющи чудесы́. Де́вы, с Ма́терию Царе́вою на высоту́ вознеси́теся. Благода́тная, ра́дуйся, с Тобо́ю Госпо́дь, подая́й ми́рови Тобо́ю ве́лию ми́лость.

Твое́ сла́вят успе́ние Вла́сти и Престо́ли, Нача́ла и Госпо́дства, Си́лы и Херуви́ми, и стра́шнии Серафи́ми, ра́дуются земноро́днии, о Боже́ственней Твое́й сла́ве крася́щеся, припа́дают ца́рие со Арха́нгелы и Ангелы и воспева́ют: Благода́тная, ра́дуйся, с Тобо́ю Госпо́дь, подая́й ми́рови Тобо́ю ве́лию ми́лость.

Слава, и ныне: Богонача́льным манове́нием отвсю́-ду богоно́снии Апо́столи, о́блаки высо́це взима́еми, доше́дше пречи́стаго и живонача́льнаго Твоего́ те́ла, любе́зно лобыза́ху. Превы́шния же Небе́сныя си́лы, с свои́м Влады́кою прише́дше, богоприя́тное и пречи́стое те́ло предсыла́юще, у́жасом одержи́ми; прекра́сно же предыдя́ху и неви́димо вопия́ху превы́шним чинонача́лием: се Всецари́ца Богоотрокови́ца прии́де. Возми́те врата́ и Сию́ преми́рно подыми́те, Присносу́щнаго Ма́терь Све́та, Тоя́ бо ра́ди всеро́дное челове́-ком спасе́ние бысть. На Ню́же взира́ти не мо́жем и Той досто́йную честь возда́ти немо́щно: Тоя́ бо преизя́щное прехо́дит всяк ум. Те́мже, Пречи́стая Богоро́дице, при́сно с Живоно́сным Царе́м и Рождество́м живу́щи, моли́ся вы́ну сохрани́ти и спасти́ от вся́каго прило́га проти́внаго но́выя лю́ди Твоя́: Твое́ бо предательство стяжа́хом, во ве́ки светоявле́нно блажа́ще.

Тропарь праздника, глас 1

В рождестве́ де́вство сохрани́ла еси́, во успе́нии ми́ра не оста́вила еси́, Богоро́дице, преста́вилася еси́ к животу́, Ма́ти су́щи Живота́, и моли́твами Твои́ми избавля́еши от сме́рти ду́ши на́ша.

Величание

Велича́ем Тя, Пренепоро́чная Ма́ти Христа́ Бо́га на́шего, и всесла́вное сла́вим успе́ние Твое́.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.

На полунощнице вместе с 17-й кафизмой Похвалы Пресвятой Богородице из чина Погребения в трех частях (статиях)[353]353
  В период попразднства Успения статии можно читать целиком или по одной вместо канона праздника на утрене.


[Закрыть]

Статия первая, глас 5

Благослове́н еси́, Го́споди, научи́ мя оправда́нием Твои́м.

1. Блаже́ни непоро́чнии в путь, ходя́щий в зако́не Госпо́дни.

Жизнь во гро́бе положи́лся еси́, Христе́, и Ма́терь Живота́ полага́ется: стра́нное виде́ние а́нгелом и челове́ком.

2. Блаже́ни испыта́ющии свиде́ния Его, всем се́рдцем взы́щут Его.

Велича́ем тя, Богоро́дице Чи́стая, и чтим свято́е Твое́ успе́ние, и покланя́емся честно́му гро́бу Твоему́.

3. Не де́лающии бо беззако́ния, в путе́х Его ходи́ша.

Мариа́м, ка́ко умира́еши, Жизнь ве́рных? Ка́ко же гроб вмести́ Твое́ те́ло, вмести́вшее Невмести́маго все́ми?

4. Ты запове́дал еси́ за́поведи Твоя́ сохрани́ти зело́.

Небе́с Царя́ Бо́га ро́ждшая, в Небе́сное Ца́рство прелага́ешися, Чи́стая, ца́рски.

5. Дабы́ испра́вилися путие́ мой, сохрани́ти оправда́ния Твоя́.

От земли́ преста́вилася еси́ и от земли́ ника́коже отлучи́лася еси́, Всесвята́я Богоро́дице, избавля́я весь мир от бед.

6. Тогда́ не постыжу́ся, внегда́ призре́ти ми на вся за́поведи Твоя́.

Вся земля́ сла́вит погребе́ние Твое́, Христе́, и пое́т, Влады́ко, погреба́льная Пречи́стыя Твоея́ Ма́тери всеблагогове́йно.

7. Испове́мся Тебе́ в пра́вости се́рдца, внегда́ научи́ти ми ся судьба́м пра́вды Твоея́.

Ангели, зря́ще Тя, Чи́стая, просте́рту ме́ртву, Живо́т ми́ру возсия́вшую, соужаса́ющеся дивля́хуся.

8. Оправда́ния Твоя́ сохраню, не оста́ви мене́ до зела́.

Па́ки по́слан бысть Гаврии́л от Бо́га и Твое́ благовеству́ет изше́ствие, Пренебе́сная, Нетле́нная, Чи́стая.

9. В чесо́м испра́вит юне́йший путь свой? Внегда́ сохрани́ти словеса́ Твоя́.

В черто́г боже́ственный Тебе́, Неве́сту Бо́жию, Жени́х призыва́ет, Богоневе́сто, весели́тися при́сно боголе́пно.

10. Всем се́рдцем мои́м взыска́х Тебе́, не отри́ни мене́ от за́поведей Твои́х.

До престо́ла Бо́жия, иде́же свет Тро́ицы стра́шный и непристу́пный, дости́гла еси́ и почи́ла еси́, Де́во, и́стинно.

11. В се́рдце мое́м скрых словеса́ Твоя́, я́ко да не согрешу́ Тебе́.

Преста́вльшися от земли́, Бо́гу предста́ла еси́, Богоро́дице, от Бо́га ника́коже отлуче́на бы́вши, николи́же от утро́бы ма́тере.

12. Благослове́н еси́, Го́споди, научи́ мя оправда́нием Твои́м.

Честно́е Твое́ те́ло, Де́во, тле́ния и во гро́бе не уве́де: но с те́лом прешла́ еси́ от земли́ к Небеси́.

13. Устна́ма мои́ма возвести́х вся судьбы́ уст Твои́х.

Всесвято́е Твое́ лице́, Пречи́стая, и ме́ртвое, я́ко рай явля́шеся, благода́тию и жи́знию ды́шущее взира́ющим.

14. На пути́ свида́ний Твои́х наслади́хся, я́ко о вся́ком бога́тстве.

От нас, чад Твои́х, Ма́ти, любо́вь на́шу и песнь исхо́дную приими́, приноси́мую из глубины́ души́.

15. В за́поведех Твои́х поглумлюся [354]354
  Буду размышлять.


[Закрыть] и уразуме́ю пути́ Твоя́.

Отве́рзи, Ма́ти, честны́я Твои́ о́чи и на чад со́бранных при́зри, Твое́ успе́ние сла́вящих че́стно.

16. Во оправда́ниих Твои́х поучу́ся, не забу́ду слове́с Твои́х.

Отве́рзи уста́ и даждь нам благослове́ние, Пресвята́я Богоро́дице, преста́вльшаяся от нас коне́чне.

17. Возда́ждь рабу́ Твоему́, живи́ мя, и сохраню́ словеса́ Твоя́.

Не оста́ви нас ны́не си́рых, Мати, от земли́ на Не́бо ны́не взе́млема, сопребыва́ти иму́щая Сы́ну и Бо́гу.

18. Откры́й о́чи мои́, и уразуме́ю чудеса́ от зако́на Твоего́.

Окрест одра́ Твоего́ предстоя́ще, те́пле взыва́ем Тебе́, Де́во: поми́луй, Всесвята́я, спаси́ всех ве́рных.

19. Пришле́ц аз есмь на земли́, не скрый от мене́ за́поведи Твоя́.

Прииди́ ны́не, Анно, ста́ни с на́ми нача́льствующи во пра́зднестве Твоея́ Святы́я Дще́ре, Богома́тере.

20. Возлюби́ душа́ моя́ возжела́ти судьбы́ Твоя́ на вся́кое вре́мя.

Прииди́те, дади́м сла́ву и хвалу́ Бо́гу, призва́вшему Сию́ во Свята́я, я́ко Святу́ю святы́х бо́льшую.

21. Запрети́л еси́ го́рдым, про́кляти уклоня́ющийся от за́поведей Твои́х.

Ны́не прия́т Не́бо пресла́вно Цари́цу вселе́нныя и весели́тся, Ца́рствующую зря с Богом.

22. Отыми́ от мене́ поно́с и уничиже́ние, я́ко свиде́ний Твои́х взыска́х.

Бог сла́вы, Сын Твой, Чи́стая, со сла́вою я́ко Ма́терь прия́т Тя и посади́ одесну́ю Себе́.

23. И́бо седо́ша кня́зи, и на мя клевета́ху: раб же Твой глумля́шеся во оправда́ниих Твои́х.

Облече́нна и преукраше́нна благода́тию, ны́не предста́ла еси́ Бо́гу я́ко Цари́ца и Ма́ти Бо́жия.

24. Ибо свиде́ния Твоя́ поучение мое́ есть, и сове́ти мой оправдания Твоя́.

Ангели, Де́во, служаху на земли, Ангели и ныне на Небесе́х предстоя́т Тебе раболепно.

25. Прильпе́ земли душа моя́, живи мя по словеси́ Твоему́.

Ангельская воинства слете́вше, со страхом обстоя́ху Твое́, Честная Владычице, преставление зря́ще.

26. Пути́ моя́ возвести́х, и услышал мя еси́, научи́ мя оправданием Твои́м.

И ныне у́мныя силы мысленно с нами предстоя́ще поют, преставление славяще Твое́.

27. Путь оправданий Твои́х вразуми́ ми, и поглумлюся в чудесе́х Твои́х.

От конец приидоша ученицы Христовы послужи́ти погребению Твоему́, Владычице, и воспе́ти Твое́ успе́ние, Чистая.

28. Воздрема душа моя́ от уныния, утверди́ мя в словесе́х Твои́х.

Христос Бог, Де́во, Ангелы Своя́ и боже́ственныя апостолы посла на погребе́ние Матере сыноле́пно.

29. Путь неправды отстави от мене́ и законом Твои́м поми́луй мя.

Вся ду́ши святых праотец и пророк и праведник снидошася, исходную принося́ще песнь.

30. Путь и́стины извблих, и судьбы Твоя́ не забых.

Тебе́, Богородице Чистая, живу́щую и ныне по сме́рти, славит все множество Небе́сных и земных.

31. Прилепи́хся свиде́нием Твои́м, Господи, не посрами́ мене́.

Живе́ши и по сме́рти, Живоприе́мный Исто́чниче: от живота́ бо к Животу́ прешла́ еси́, я́ко ро́ждшая присноживо́тный Живо́т.

32. Путь за́поведей Твои́х теко́х, егда́ расшири́л еси́ се́рдце мое́.

Аще и умира́еши, Де́во, ны́не по подо́бию на́шему, но всех Цари́ца явля́ешися, я́ко заче́ншая Творца́ вся́ческих.

33. Законоположи́ мне, Го́споди, путь оправда́ний Твои́х, и взыщу́ и вы́ну.

Аще и сокрыва́ешися во гро́бе ма́лем, Де́во, но са́мое Не́бо Тебе́ отве́рзеся и на престо́л прия́т Тебе́ Бог.

34. Вразуми́ мя, и испыта́ю зако́н Твой, и сохраню́ и́ всем се́рдцем мои́м.

Из недр Отчих роди́выйся Бог и в не́дра Твоя́, Непоро́чная, вше́дый, прия́т во объя́тия Тебе́, Чи́стая.

35. Наста́ви мя на стезю́ за́поведей Твои́х, я́ко ту́ю восхоте́х.

Бог погребе́ся, и Ма́ти Бо́жия; Бог в те́мная сни́де, и Ма́ти Бо́жия.

36. Приклони́ се́рдце мое́ во свиде́ния Твоя́, а не в лихои́мство.

Сы́на, Де́во, и на Кресте́ не оста́вила еси́; сего́ ра́ди и Той не оста́ви Тя, Тебе́ ны́не предстоя́ теле́сне.

37. Отврати́ о́чи мои́, е́же не ви́дети суеты́, в пути́ Твое́м живи́ мя.

Гроб Сы́на прославля́вши Ма́терски и Той, Де́во, Твое́ свято́е успе́ние воспрославля́ет боже́ственне.

38. Поста́ви рабу́ Твоему́ сло́во Твое́ в страх Твой.

Восхвали́ша Тебе́ вси Ангели Бо́жии, егда́ вы́ше Небе́с возшла́ еси́, и па́дше поклони́шася че́стно.

39. Отыми́ поноше́ние мое́, е́же непщева́х, я́ко судьбы́ Твоя́ бла́ги.

К престо́лу прише́дши Всевы́шняго Бо́га, па́дши, ра́бски поклони́лася еси́ и предста́ла еси́ зря́щи Бо́га.

40. Се возжела́х за́поведи Твоя́, в пра́вде Твое́й живи́ мя.

О ра́дости неизрече́нныя! О че́сти безме́рныя! Мариа́м со Иису́сом, Сы́ном Свои́м, ца́рствует на Небеси́ и на земли́.

41. И да прии́дет на мя ми́лость Твоя́ Го́споди, спасе́ние Твое́ по словеси́ Твоему́.

Богоро́дице Де́во, преста́вльшися от земли́, су́щих на земли́ не оста́ви, сохраня́ющи покланя́ющихся преставле́нию Твоему́.

42. И отвеща́ю поноша́ющим ми сло́во, я́ко улова́х на словеса́ Твоя́.

От Небесе́ Ма́ти, иде́же ны́не обита́еши, призре́вши на зе́млю, бу́ди благоутро́бна и поми́луй мир, Блага́я.

43. И не отыми́ от уст мои́х словесе́ и́стинна до зела́, я́ко на судьбы́ Твоя́ упова́х.

Апо́столи, Богородице Чи́стая, егда́ пресвято́е те́ло Твое́ ви́деша, припа́дше, поклони́шася че́стно.

44. И сохраню зако́н Твой вы́ну, в век и в век ве́ка. Исхо́дныя псалмы́ и пе́ния и пе́сни, лик соста́влыне, поя́ху Тебе́, чудя́щеся сла́ве Твое́й, Чи́стая.

45. И хожда́х в широте́, я́ко за́поведи Твоя́ взыска́х. Боголе́пным, Де́во, Твои́м та́мо сия́нием озаря́еми, ра́довахуся и мня́ху Сы́на Твоего́ зре́ти.

46. И глаго́лах о свиде́ниих Твои́х пред цари́, и не стыдя́хся.

Живонача́льному Твоему́ те́лу кйими рука́ми ны́не прикосне́мся, Всенепоро́чная, глаго́лаху, Сло́ва Пита́тельнице Чи́стая.

47. И поуча́хся в за́поведех Твои́х, я́же возлюби́х зело́.

Ки́я словеса́, Де́во, Тебе́ изрече́м ны́не? Ки́я пе́сни, Препе́тая Влады́чице, принесе́м успе́нию Твоему́?

48. И воздвиго́х ру́це мои́ к за́поведей Твои́м, я́же возлюби́х, и глумля́хся во оправда́ниих Твои́х.

Мариа́м Де́во, прия́тное Бо́гу Имя и Существо́, ка́ко умерла́ еси́, обожи́вшая естество́ сме́ртных?

49. Помяни́ словеса́ Твоя́ рабу́ Твоему́, и́хже упова́ние дал ми еси́.

Ка́ко ви́дена была́ еси́ бездыха́нна, вся́кое дыха́ние Даю́щаго неизрече́нно ро́ждшая? О сбытия́, Де́во, но́ваго!

50. То мя уте́ши во смире́нии мое́м, я́ко сло́во Твое́ живи́ мя.

Преше́дшая естества́ уста́вы, ка́ко подклоня́ешися уста́вам естества́, Влады́чице, и сме́рти, я́коже мы, иску́с прия́ла еси́?

51. Го́рдии законопреступова́ху до зела́, от зако́на же Твоего́ не уклони́хся.

Рождество́м Твои́м, Де́во, гро́зное сме́рти устремле́ние останови́вшая, ка́ко ны́не наше́ствию сме́рти уступа́еши?

52. Помяну́х судьбы́ Твоя́ от ве́ка, Го́споди, и уте́-шихся.

Огнено́сная Купина́, ка́ко клещами сме́рти объя́та была́ еси́, Богоневе́сто, носи́вшая Огнь Божества.

53. Печа́ль прия́т мя от гре́шник, оставля́ющих зако́н Твой.

Почи́ла еси́, Де́во, а не умерла́ ны́не, и в лу́чшем животе́ и безсме́ртнем пробу́ждшися, обрела́ся еси́ во пло́ти.

54. Пе́та бя́ху мне оправда́ния Твоя́, на ме́сте прише́льствия моего́.

Боже́ственный Киво́т Заве́та с на́ми Божия в ски́нии ди́вней, в доме Божии всели́ся.

55. Помяну́х в нощи́ и́мя Твое́, Го́споди, и сохрани́х зако́н Твой.

Злата́я Ста́мна, в ней же Ма́нна Небе́сная соблюде́ся, преложи́ся от земли́ Богоотрокови́ца Мариа́м к Бо́гу.

56. Сей бысть мне, я́ко оправда́ний Твои́х взыска́х.

Бо́га и Сло́ва крило́, на крило́ Небе́сное восхо́дит па́че сло́ва Богоневе́ста Чи́стая.

57. Часть моя́ еси́, Го́споди: рех сохрани́™ зако́н Твой.

Ева́нгельский многоце́нный Би́сер усокро́виществовася ны́не в та́йная Сокро́вища Бо́жия.

58. Помоли́хся лицу́ Твоему́ всем се́рдцем мои́м: поми́луй мя по словеси́ Твоему́.

Смотре́ния Бо́га Вопло́щшагося сокраще́нный есть о́браз сие́ са́мое та́инство, преставле́ние Твое́ к Бо́гу.

59. Помы́слих пути́ Твоя́ и возвратах но́зе мои́ во свиде́ния Твоя́.

Ви́дяще Тя, Де́во, Ма́терь Бо́жию, мне́хом ви́дети Бо́га при́сно: ка́ко же ны́не стерпи́м отлуче́ние?

60. Угото́вихся и не смути́хся сохрани́™ за́поведи Твоя́.

Тебе́, стяжа́вшую Ду́ха Бо́жия, в Тебе́, Богоневе́-сто, все́льшагося, бездыха́нну ви́дя, и наш дух оскудева́ет.

61. У́жа грешник обяза́шася мне, и закона Твоего не забы́х.

Богородице Де́во, Радосте наша, Богородице, Пропове́дание наше, Богородице, ка́ко отхбдиши от нас?

62. Полу́нощи воста́х испове́датися Тебе́ о судьба́х пра́вды Твоея.

Ка́мо отхбдиши, Де́во? Ка́мо преставляешися ныне? Превыше небе́с возлете́ла еси́, оста́влыни на земли́ птенцы.

63. Прича́стник аз есмь всем боящимся Тебе и хранящим за́поведи Твоя.

Дави́де богобтче, буди с на́ми ныне, во исходе Ма́тери Бога на́шего и в благознамени́тый день пра́здника.

64. Милости Твоея, Господи, испблнь земля; оправда́нием Твоим научи мя.

Возопи́й и ныне ко Ангелом Божиим: возми́те врата́, прияти Ма́терь Божию боголе́пно.

65. Бла́гость сотворил еси́ с рабом Твоим, Господи, по словеси́ Твоему́.

Кра́сный добротою Царь Небе́сный ныне доброты Ма́тере вожделе́ и призва́ Ю в Небеса́.

66. Бла́гости и наказа́нию и ра́зуму научи́ мя, яко за́поведем Твои́м ве́ровах.

Аще и прие́млеши погребе́ние, Де́во, яко сме́ртная, но яко Ма́ти Божия востае́ши Ду́хом Божиим вседе́-тельным.

67. Прежде да́же не смири́ти ми ся, аз прегреши́х, сего ра́ди слово Твое́ сохрани́х.

Богоприе́мное те́ло а́ще и во гроб вселяется, но во гробе пребыти не навыче, востае́т же си́лою Боже́ственною.

68. Благ еси́ Ты, Го́споди, и бла́гостию Твое́ю научи́ мя оправда́нием Твои́м.

Погребе́ние Твое́, Богоро́дице, Ле́ствице Не́бесная, Тебе́ ле́ствица бысть, е́юже возшла́ еси к Бо́гу, су́щему верху́ ей.

69. Умно́жися на мя непра́вда го́рдых, аз же всем се́рдцем мои́м испыта́ю за́поведи Твоя́.

Светоно́сный Све́щник незаходи́маго Све́та под земле́ю вма́ле сокрыва́ется, но полага́ется све́тло на высоте́.

70. Усыри́ся, я́ко млеко́, се́рдце их, аз же зако́ну Твоему́ поучи́хся.

Бы́вши еди́ножды от Бо́га проклята́ земля, освяти́ся погребе́нием Бо́га на́шего, и ны́не па́ки погребе́нием Твоим, Мати.

71. Бла́го мне, я́ко смири́л мя еси́, я́ко да научу́ся оправда́нием Твои́м.

С Небесе́ паде́ бе́дне безпло́тный [355]355
  Денница.


[Закрыть] дре́вле; превы́ше небе́с чу́дно быва́ет ны́не плотоно́сная Де́ва Мариа́м.

72. Благ мне зако́н уст Твои́х, па́че ты́сящ зла́та и сребра́.

Твое́, Чи́стая, вели́чие и сла́ва вни́де пред Лице́ сла́вы Го́спода, преста́вльгейся Тебе́ от земли́.

Слава, Троичен: Воспева́ем Сло́ве, Тебе́ всех Бо́га, со Отце́м и Святы́м Твои́м Ду́хом и сла́вим Боже́ственный зрак Твой.

И ныне, Богородичен: Блажи́м Тя, вси ро́ди, Богоро́дице Присноде́во Влады́чице, и сла́вим успе́ние Твое́.

Статия вторая, глас 5

Досто́йно есть велича́ти Тя, Жизнода́вца, возвели́чившаго живоно́сное преставле́ние Ма́тере Твоей Чи́стыя.

73. Ру́це Твой сотвори́сте мя и созда́ете мя; вразуми́ мя, и научу́ся за́поведей Твои́м.

Досто́йно есть велича́ти Тя, Богоро́дице, ду́шу боже́ственную и непоро́чную в ру́це Бо́га положи́вшую.

74. Боя́щийся Тебе́ у́зрят мя и возвеселя́тся, я́ко на словеса́ Твоя́ упова́х.

О чудесе́ но́ваго! Дверь в две́ри, Не́бо в не́бо ны́не и́дет, и Престо́л Бо́жий на престо́л Божий.

75. Разума́х Го́споди, я́ко пра́вда судьбы́ Твоя́, и вои́стинну смири́л мя еси́.

Ста и удиви́ся все мно́жество Ангелов, зря́щи Христа́ Бо́га Непристу́пнаго, приступа́юща к Ма́тери, честь Ей воздаю́ща.

76. Бу́ди же ми́лость Твоя́, да уте́шит мя, по словеси́ Твоему́ рабу́ Твоему́.

Ужасе́ся, Бо́га тре́петно зря́щи низходя́щаго па́ки, и ду́шу на ру́це прие́млющаго, и возше́дшаго во сла́ве Боже́ственней.