Текст книги "Греческий молитвослов. Молитвы на всякое время дня, недели и года"

В среду на вечерне

Стихиры святым Апостолам, глас 1

Апо́столи сла́внии, Христо́вы ученицы́ Богозва́ннии, вселе́нный учи́телие, обре́тше Го́спода Бо́га, и челове́ков Хода́тая су́ща, Тому́ Боголе́пно прилепи́стеся, и я́ко Бо́га Того́, и я́ко Челове́ка Всесоверше́нна, в ми́ре Я́ве пропове́даете.

Апо́столи всему́дрии, Христо́вы ученицы́ Богозва́ннии, вселе́нныя учи́телие, ва́шими моли́твами, Боже́ственным уче́нием внима́ти укрепи́те мя́, и стезе́ю те́сною помога́йте ходи́ти ми́ всегда́, я́ко да доспе́ю в пребыва́ние ра́йское простра́ннейшее. Петра́ первопресто́льнаго воспева́ю, Па́вла, Иа́кова, Андре́я же и Фили́ппа, Сймона, Варфоломе́я же и Фому́, Матфе́я же и Иоа́нна, Ма́рка же и Луку́, благове́стия списа́вших, ли́к Богоизбра́нный, со ины́ми седмию́десятьми, я́ко Сло́ва самови́дцы и пропове́дники.

И стихиры святому и великому чудотворцу Николаю, глас 4

Ми́ром Боже́ственным Тя пома́за Боже́ственная благода́ть духо́вная, ми́ряном первопресто́льна, и ми́ром облагоуха́вша, доброде́тельми свяще́ннейшими ми́ра концы́, сла́дкоды́шущими твои́ми моли́твами, злосмра́дные прогоня́юща стра́сти всегда́. Сего́ ра́ди Тя ве́рно сла́вим, и па́мять твою́ всесвяту́ю соверша́ем, Нико́лае.

Я́ко осия́теля тя незаходи́маго и я́ко свети́льника всеми́рна, на тве́рди возсия́вша церко́вней, Нико́лае, и мир просвети́вша, и бед лю́тых мглу́ отгоня́юща, и отъе́млюща печа́лей зи́му, и тишину́ соде́лавшаго глубо́кую, по до́лгу ублажа́ем.

И сый и явля́яйся в со́ниих, Нико́лае, и́же непра́ведно иму́щия умре́ти спасл еси́, я́ко сострада́тель, я́ко благолюби́вый, я́ко изба́витель тепле́йший, я́ко предста́тель и́стинный ве́рных, и прося́щих Твоего́ заступле́ния, свяще́ннейший О́тче, а́нгелом сограждани́не, преподо́бным и проро́ком равностоя́телю.

Слава, и ныне: Богородичен: Яже Бо́га невмести́маго во чре́ве Твое́м вмести́вшая, человеколю́бна Челове́ка бы́вша; и на́ше смеше́ние из Тебе́ прии́мша и обожи́вша Я́ве, не пре́зри мене́, Всечи́стая, ны́не скорбя́ща: но уще́дри ско́ро и разли́чныя вражды́ же и вре́да лука́ваго свободи́.

Тропарь Апостолам, глас 3

Апо́столи святи́и, моли́те ми́лостиваго Бо́га, да прегреше́ний оставле́ние пода́ст душа́м на́шим.

Святителю Николаю, глас 4

Слава: Пра́вило ве́ры и о́браз кро́тости воздержа́ния учи́теля яви́ тя ста́ду твоему́ я́же веще́й и́стина[75]75
  Реальность (твоих) дел явила тебя правилом веры, образцом кротости и учителем воздержания для твоей паствы.


[Закрыть]. Сего́ ра́ди стяжа́л еси́ смире́нием высо́кая, нището́ю – бога́тая, О́тче священнонача́льниче Нико́лае, моли́ Христа́ Бо́га спасти́ся душа́м на́шим.

И ныне, Богородичен: Сло́во О́тчее – Христа́ Бо́га на́шего от Тебе́ воплоти́вшагося позна́хом, Богоро́дице Де́во, еди́на Чи́стая, еди́на Благослове́нная, Тем непреста́нно Тя воспева́юще велича́ем.

Отпуст дня

Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х сла́вных и всехва́льных Апо́стол, святи́теля и чудотво́рца Никола́я, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

В четверг на утрене

Канон святым славным и всехвальным Апостолам, творение Феофаново, глас 6

Песнь 1

Ирмос: Яко по су́ху пешеше́ствовав Израи́ль, по бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

Святи́и Апо́столи, моли́те Бо́га о нас.

Свет бы́вше ми́ру, богоглаго́ливии, све́тлыми блиста́ньми озари́те нас, и страсте́й изба́вите но́щи и мглы искуше́ний, богоблаже́ннии.

Святи́и Апо́столи, моли́те Бо́га о нас.

Кня́зи честны́я по всей земли́ Дух вас че́стно поста́ви, Госпо́дни ученицы́; те́мже возду́шнаго кня́зя победи́вше, ве́рныя избавля́ете.

Святи́и Апо́столи, моли́те Бо́га о нас.

От огня́ невеще́ственнаго, я́ко светоза́рное разже́гшеся у́глие, веще́ственная моя, прему́дрии, стра́сти попали́те, к све́ту безстра́стия и живота́ наставля́юще мя.

Слава, и ныне: Богородичен: Апо́стол моли́твами, проро́к и му́ченик, и Ро́ждшия Тя Чи́стыя, Го́споди Иису́се, все́х Царю́, уще́дри лю́ди, согреши́вшия Ти.

Песнь 3

Ирмос: Несть свя́т, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Святи́и Апо́столи, моли́те Бо́га о нас. Боже́ственный дух ва́ша язы́ки извари́в наше́ствием стра́шным, сокруше́нныя челове́ки к животу́ обновля́ет ва́ми, сла́внии Апо́столи.

Святи́м Апо́столи, моли́те Бо́га о нас.

В ра́зуме согреша́яй, ко́е обра́щу поми́лование, Сло́ве, в де́нь су́дный; сего́ ра́ди вопи́ю Ти: Твои́х ра́ди учени́к уще́дри мя, самоосужде́ннаго.

Святи́м Апо́столи, моли́те Бо́га о нас. Уподо́бльшиися Христо́вым спаси́тельным страсте́й, души́ моея́ стра́сти ле́тныя и лю́тыя исцели́те, вра́чеве су́ще, сла́внии Апо́столи.

Слава, и ныне: Богородичен: Согреши́вшаго мя, Христе́, Богоро́дицы ра́ди и Твои́х Апо́стол, обрати́в яко Бог, поми́луй, и огня́ ве́чнаго, Спа́се, свободи́.

Песнь 4

Ирмос: Христо́с моя си́ла, Бог и Госпо́дь, честна́я Це́рковь боголе́пно пое́т взыва́ющи, от смы́сла чи́ста о Го́споде пра́зднующи.

Святи́м Апо́столи, моли́те Бо́га о нас. Приста́нища благоути́шная, приста́нища небу́рная, к ти́хому мя приста́нищу доведи́те, прегреше́ний лю́тых треволне́нием обурева́ема.

Святи́м Апо́столи, моли́те Бо́га о нас.

Душе́ моя́, воздохни́, душе́ моя́, прослези́ся; смире́нное се́рдце мое́ благо́му отню́дь прилепи́ся, я́ко да бу́дущаго тя пла́мене и му́ки изба́вит Бог.

Святи́и Апо́столи, моли́те Бо́га о нас.

Спа́са Го́спода моли́те, спаси́телие су́ще челове́ков, всеблаже́ннии Апо́столи; да нас спасе́т от искуше́ний злых я́ко Человеколю́бец.

Слава, и ныне: Богородичен: Де́во Пречи́стая, Де́во Непоро́чная, со Апо́столы о нас мольбу́ сотвори́, я́ко да изба́вимся лю́тых искуше́ний и бед.

Песнь 5

Ирмос: Бо́жиим све́том Тво́им, Блаже, у́тренюющих Ти ду́ши любо́вию озари́, молю́ся Тя ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща.

Святи́м Апо́столи, моли́те Бо́га о нас.

Путь вводя́щий в живо́т, зело́ тесне́йшим ше́ствием искуше́ний и скорбе́й, учени́цы Сло́ва Я́ве ходи́вший, стезю́ души́ моея́ угля́дите.

Святи́м Апо́столи, моли́те Бо́га о нас. Свети́льницы Боже́ственнаго Восто́ка, изба́вите мя от тьмы́ страсте́й, и сласте́й помраче́ния, и напа́стей, и обстоя́ний, и бу́ри, и бед, Христо́ви Апо́столи.

Святи́м Апо́столи, моли́те Бо́га о нас.

Сви́тцы Сло́ва богозра́чнии, в кни́зе мя живо́тней написа́тися моли́те, Апо́столи, грехо́в мои́х зло́е растерза́юще писа́ние моли́твами ва́шими.

Слава, и ныне: Богородичен: Спасе́ние мое́ и упова́ние, спаси́ мя упова́ющаго на Тя, всех упова́ние непосты́дное, я́же к Сы́ну Твоему́ мольба́ми, и Боже́ственных учени́к, Отрокови́це Еди́на Всепе́тая.

Песнь 6

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Святи́и Апо́столи, моли́те Бо́га о нас.

Яко скрижа́ли Богопи́санная Ду́ха, Я́ве честна́я законоположе́ния сла́внии, в душа́х име́ете нело́жно: ймиже в писа́ниих упраздня́ете зако́н, мир спа́сше.

Святи́и Апо́столи, моли́те Бо́га о нас.

Душе́, согреша́ющи, обы́чаем же злым умовре́дно работа́ющи, обраще́нием обратя́ся, и Го́сподеви ще́дрому возопя́й: Апо́стол ра́ди, Сло́ве, спася́ мя.

Святи́и Апо́столи, моли́те Бо́га о нас.

Овца́м десны́м сочета́й мя, во ужа́сном и стра́шном прише́ствии Твое́м, избра́нным Твои́м, моли́твами боже́ственных пропове́дник Твои́х, закла́выйся за всех, А́гнче Незло́бивый.

Слава, и ныне: Богородичен: Лик мо́лит Тя безпло́тных слуг, Сы́не Бо́жий Пребезнача́льне, мо́лит Тя собо́р ученико́в с Ро́ждшею Тя, лю́дем Твои́м пода́ждь ми́лости Твоя́.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Святи́и Апо́столи, моли́те Бо́га о нас.

У́дицею сло́ва Апо́столи, извле́кше всех из глубины́ пре́лести, приведо́сте к закля́вшемуся Сло́ву нас ра́ди, пою́ще ему́: благослове́н еси Бог оте́ц на́ших.

Святи́и Апо́столи, моли́те Бо́га о нас.

Я́вльшемуся ве́щию теле́сною, Апостоли, нехода́-тайственне бесе́довавше, просвети́стеся светода́тельными блиста́ньми Его́. Те́мже мя просвети́те вопию́ща: благослове́н Бог отец на́ших.

Святи́и Апо́столи, моли́те Бо́га о нас.

Па́стыря До́браго умоли́те, боже́ственнии ученицы́, в гора́х мя заблу́ждшаго преступле́ния взыска́ти и спасти́ вопию́щаго приле́жно: благослове́н Бог оте́ц на́ших.

Слава, и ныне: Богородичен: Со проро́ки, апо́столы же и му́ченики, Де́во, Его́же родила́ еси́, моли́ земны́х мя изба́вити зол и прича́стника Небе́сных благ бы́ти мя сподо́би, Влады́чице.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́; вся бо твори́ши, Христе́, то́кмо е́же хоте́ти. Тя превозно́сим во вся ве́ки.

Святи́и Апо́столи, моли́те Бо́га о нас.

Моли́тв серпо́м очи́стите пле́велы вся мы́сли моей, боже́ственнии де́латели Спа́совы, Апо́столи; я́ко да спаси́тельнаго пло́да принесу́ клас.

Святи́и Апо́столи, моли́те Бо́га о нас. Олядене́вшая сердца́ обнови́сте ра́лом сло́ва и, все́-явше уче́ние честно́е, клас стори́чествующ спа́сшихся пожа́сте, Богови́дцы.

Святи́и Апо́столи, моли́те Бо́га о нас.

Вра́жию зло́бу успи́вше, усну́ли есте́ сном пра́ведных подо́бным, неусы́пнии о нас моли́твенницы бы́вше, ученицы́ Сло́ва, во вся ве́ки.

Слава, и ныне: Богородичен: Огня́ негаси́маго изба́-ви мя, Го́споди, проро́к, и му́ченик, и апо́стол Твои́х, и во утро́бу вмести́вшия Тя неизрече́нно, Де́вы неискусому́жныя, Ще́дре, моли́твами.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельския взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́й Тя ублажа́ем. Святи́и Апо́столи, моли́те Бо́га о нас.

Бо́га челове́ком приобщи́вшася, и ме́ртвенное совокупле́нием без сравне́ния обожи́вшаго, во всем ми́ре пропове́давше, всех безбо́жныя пре́лести свободи́сте: те́мже ублажа́еми есте́ при́сно, боже́ствении Апо́столи.

Святи́и Апо́столи, моли́те Бо́га о нас.

Христо́ву стра́сть изобрази́вше, Апо́столи, страстьми́ телесе́ разли́чными, пло́ти моея́ стра́сти умертви́те, и изнемо́гшую, и бе́дствующую, и умерщвле́ную мою́ ду́шу оживотвори́те.

Святи́и Апо́столи, моли́те Бо́га о нас.

Путь бу́ди ми наставля́ющий мя к незаблу́дному пути́ за́поведей Твои́х, Человеколю́бче, в про́пасть грехо́вную впа́дшему, и заблужда́ющу, и укло́ншуся к путе́м лукавым, и бе́дствующу.

Слава, и ныне: Богородичен: Ли́ки Ангел и Арха́нгел же, Вла́сти и Си́лы, Нача́ла, Госпо́дьствия, Херуви́ми и Серафи́ми и Пре́столи, Христе́, собо́р Апо́стол, с Ро́ждшею Тя, мо́лятся Тебе́: Еди́не Царю́, спаси́ рабы́ Твоя.

Эксапостиларий четверга

Апостолам: Во всю подсо́лнечную те́кше, пропове́даете Христо́во от Де́вы свято́е воплоще́ние вои́стинну, от пре́лести обраща́юще язы́ки и просвеща́юще, и вся науча́юще Тро́ицу почита́ти Святу́ю, Апо́столи Спа́совы.

Слава, святителю Николаю: Вели́каго началопа́стыря и иера́рха вси, председа́теля мирлики́йскаго Никола́я хва́лим: мно́ги бо му́жи спасе́, непра́ведно умре́ти иму́щия, царю́ явля́ется со Авла́вием во сне, реша́ непра́ведное изрече́ние[76]76
  Отменяя несправедливый приговор.


[Закрыть].

И ныне, Богородичен: Мари́е чисте́йшая, злата́я кади́льнице, невмести́маго Божества́ прия́телище бы́вшая, в не́мже Оте́ц благоволи́, Сын же всели́ся и Дух Святы́й, осени́в Тя, Отрокови́це, показа́ Богоро́дицу.

Отпуст дня

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол, святи́теля и чудотво́рца Никола́я, святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

В четверг на вечерне

Стихиры Кресту Господню, глас 5

Вся́ древа́ дубра́вная да возра́дуются, Дре́во ви́дяще всечестно́е, стра́стию Влады́чнею обра́дованно[77]77
  Облагодатствованное.


[Закрыть], благода́ть облистава́ющее я́ко пла́мень огня́, источа́ющее я́коже во́ды дарова́ния все́м, ду́ши просвеща́ющее и помышле́ния, неду́ги очища́ющее и стра́сти отгоня́ющее неви́димыя, язы́ки иноплеме́нныя побежда́ющее Я́ве, побе́ды подаю́щее всегда́ ве́рным, благослове́ние и ве́лию ми́лость.

Ме́сту, иде́же стоя́сте но́зе Госпо́дни, ве́рою покланя́ющеся, я́коже проро́к рече́, Христа́ славосло́вим распе́ншагося и сраспе́нша прегреше́ния на́ша, ю́же от дре́ва разори́вшаго кля́тву, и примири́вша Отцу́ отстоя́щия отню́д помышле́ньми. Ручны́я же Его́ и ножны́я гво́здия, копие́ и тро́сть, гу́бу и вене́ц облобыза́юще, досажде́ния и наруга́-ния, и и́на ели́ка подъя́т, че́стне почита́ем, и́миже спасо́хомся.

Вся́ у́ды Христу́ сраспне́м и ми́рови умертви́мся и мироде́ржцу Христу́ по стопа́м ходи́ти вожделе́вше, Того́же на ра́мех Боже́ственный Крест но́сим, отверже́нием плотска́го взыгра́ния и похоте́й злых, я́же ду́шу влеку́т ко греху́, Тому́ мня́ще предстоя́ти и зре́ти Того́ на Кресте́ пригвожде́на и ду́шу свою в ру́це Роди́телю со издыха́нием преда́вша, я́ко да всегда́ с Ним бу́дем неразлу́чни.

Стихиры Пресвятой Богородице, глас 8

О неизрече́нныя бла́гости Вопло́щшагося из Тебе́, Богоро́дице всепе́тая! Крест бо и смерть я́ко Человеколю́бец претерпе́в, да мир спасе́т, его́же созда́. Того́ моли́, и мене́ окая́ннаго и многоболе́зненнаго да изба́вит му́ки, и иде́же свет сия́ет невече́рний, всели́т мя.

Что́ зри́мое виде́ние, е́же мои́ма очи́ма ви́дится, о Влады́ко: Содержа́й всю тварь на Дре́во воздви́жен быв, и умира́еши, всем Дая́й жизнь? Богоро́дица, пла́чущися, глаго́лаше, егда́ узре́ на Кресте́ возноси́ма из Нея́ неизрече́нно возсия́вшаго Бо́га и Челове́ка.

Ста́до, е́же стяжа́, Пречи́стая, Сын Твой и Бог, окропи́вый Кро́вию, от бед изба́ви честны́ми моли́твами Твои́ми, ви́димыя и неви́димыя враги́ я́коже зве́ри отгоня́щи, и тех ли́ца безче́стия испо́лни, я́коже Дави́д дре́вле провозгласи́ песнопе́вец, Чи́стая.

Слава, и ныне:, Крестобогородичен: Тя ви́дящи пригвожда́ема на Кресте́, Иису́се, и стра́сти прие́млюща во́лею, Де́ва и Ма́ти Твоя́, Влады́ко: увы́ мне, вопия́-ше, Ча́до сла́дкое! Ра́ны непра́ведно ка́ко терпи́ши, Врачу́, исцели́вый челове́ческое неможе́ние и от тли всех изба́вивый милосе́рдием Твои́м?

Тропарь Кресту Господню, глас 1

Спаси́, Го́споди, лю́ди Твоя́, и благослови́ достоя́ние Твое́, побе́ды благове́рным прави́телем на сопроти́вныя да́руя, и Твое́ сохраня́я Кресто́м Твои́м жи́тельство.

Слава, и ныне:, Крестобогородичен: Твое́ предста́тельство иму́ще, Пречи́стая, и Твои́ми моли́твами лю́тых избавля́еми, Кресто́м Сы́на Твоего́ везде́ соблюда́еми, по до́лгу Тя вси благоче́стно велича́ем.

Отпуст дня

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, си́лою Честна́го и Животворя́щаго Креста́, предста́тельствы святы́х и пра́ведных богооте́ц Иоаки́ма и Анны и всех святы́х, поми́луй и спаси́ нас, я́ко благ и Человеколю́бец.

В пятницу на утрене

Канон Честному и Животворящему Кресту, творение Иосифово, глас 5

Песнь 1

Ирмос: Спасителю Богу, в мо́ри лю́ди немо́крыми нога́ми наста́вльшему, и фарао́на со всево́инством пото́пльшему, Тому́ Еди́ному пои́м, я́ко просла́вися.

Сла́ва, Го́споди, Кресту́ Твоему́ Честно́му. Страстоуби́йственную, Христе, хоте́нием Твои́м претерпе́л еси́ стра́сть и уби́л еси́ в раи́ дре́вле нас уби́вшаго: те́мже Твою́ сла́вим Благосты́ню.

Сла́ва, Го́споди, Кресту́ Твоему́ Честно́му. Воздви́глся еси́ на Кре́ст, и низпаде́ся вра́г: и па́дший воздвиго́хомся, и ра́йстии жи́тели, Христе, бы́хом, держа́ву сла́вяще Ца́рствия Твоего́.

Слава, и ныне:, Крестобогородичен: Но́во Отроча́ нам Ве́тхаго де́ньми, Чи́стая Де́во родила́ еси, обетша́вшее естество́ челове́ческое обновля́юща, Всенепоро́чная, Боже́ственною стра́стию свое́ю.

Песнь 3

Ирмос: Си́лою Креста́ Твоего́, Христе́, утверди́ мое́ помышле́ние, во е́же пе́ти и сла́вити спаси́тельное Твое́ вознесе́ние.

Сла́ва, Го́споди, Кресту́ Твоему́ Честно́му.

Увяда́еши плода́ тлю́, на Дре́во, Спа́се, воздвиза́емь, и нетле́ния исто́чники нам от ребр источа́еши, Влады́ко.

Сла́ва, Го́споди, Кресту́ Твоему́ Честно́му.

Закла́ся на Кресте́ я́коже Агнец, Пра́ги назна́менуя душ на́ших Боже́ственною Твое́ю кро́вию, Влады́ко: те́мже Тя со стра́хом сла́вим.

Слава, и ныне:, Крестобогородичен: Жи́зни на́м Хода́тай, Чи́стая, умира́я на Дре́ве яви́ся Твой Сын же и Госпо́дь, проелавля́яй пою́щия Тя.

Песнь 4

Ирмос: Услы́шах слух си́лы Креста́, я́ко рай отве́рзеся им, и возопи́х: сла́ва си́ле Твое́й, Го́споди.

Сла́ва, Го́споди, Кресту́ Твоему́ Честно́му.

Егда́ заше́л еси́ на Кресте́, пра́вды Со́лнце, Христе́, свет невече́рний возсия́л еси́ нам, пою́щим Твое́, Сло́ве, стра́шное смотре́ние.

Сла́ва, Го́споди, Кресту́ Твоему́ Честно́му. Стоя́щу Ти, Судие́, иногда́ пред суди́щем, Христе́, осуди́л еси́ непра́веднаго врага́, и распа́лся еси́ посреде́ непра́ведных, нас оправда́я.

Слава, и ныне:, Крестобогородичен: Егда́ узре́ла на Кресте́ Христа́, его́же роди́ла еси́, Чи́стая, диви́лася еси́ неизрече́нному Его́ долготерпе́нию: те́мже Тя с Ним прославла́ем.

Песнь 5

Ирмос: У́тренююще вопие́м Ти: Го́споди, спаси́ ны, Ты бо еси́ Бог наш, ра́зве бо Тебе́ ино́го не зна́ем.

Сла́ва, Го́споди, Кресту́ Твоему́ Честно́му. Ка́мение Тя на ка́мени ощути́вшее, Христе́, воздви́-жена, распадо́шася, и земли́ потрясо́шася основа́ния. Сла́ва, Го́споди, Кресту́ Твоему́ Честно́му.

Отложи́ све́тлость со́лнце, воздви́жену Тебе́ на Дре́во, Со́лнце пра́ведное Долготерпели́ве.

Слава, и ныне:, Крестобогородичен: Ви́девши на Крест воздви́жена Спа́са, рыда́ющи восклица́ше, Де́во Ма́ти Всенепоро́чная.

Песнь 6

Ирмос: Обы́де мя бе́здна, гроб мне кит бысть, аз же возопи́х к Тебе́, Человеколю́бцу, и спасе́ мя десни́ца Твоя́, Го́споди.

Сла́ва, Го́споди, Кресту́ Твоему́ Честно́му.

Крест на земли́ водружа́шеся, и паде́ние бесо́м быва́-ше; и ве́ра утвержде́ния нача́ло приима́ше, и зло́ба от среды́ отгони́ма быва́ше.

Сла́ва, Го́споди, Кресту́ Твоему́ Честно́му. Со́лнце угасе́, пло́ть Твою́ я́коже свешу́ возже́гшу Ти на Дре́ве, Го́споди: дра́хма же обрета́шеся погребе́ная мра́чными страстьми́.

Слава, и ныне:, Крестобогородичен: Ору́жие про́йде се́рдце Твое́, Де́во Всенепоро́чная, егда́ распина́ема Зижди́теля ви́дела еси́ и копие́м Боже́ственная ре́бра ископава́ема.

Песнь 7

Ирмос: В пещи́ о́гненней песносло́вцы спасы́й о́троки, благослове́н Бог оте́ц на́ших.

Сла́ва, Го́споди, Кресту́ Твоему́ Честно́му.

Да изба́вимся мы сла́стнаго греха́, же́лчи вкуси́л еси́, Христе́, Сла́досте жи́зненная.

Сла́ва, Го́споди, Кресту́ Твоему́ Честно́му.

Тебе́ на Дре́ве, Христе́, уя́звену, исцеле́ша я́звы Ада́мовы многоле́тныя.

Слава, и ныне:, Крестобогородичен: По рождестве́, Чи́стая, я́коже и пре́жде рождества́ пребыва́еши: Бог бо бе рожде́йся, да обожи́т челове́ки.

Песнь 8

Ирмос: Из Отца́ пре́жде век рожде́ннаго Сы́на и Бо́га, и в после́дняя ле́та воплоще́ннаго от Де́вы Ма́тере, свяще́нницы, по́йте, лю́дие, превозноси́те во вся ве́ки.

Сла́ва, Го́споди, Кресту́ Твоему́ Честно́му.

И́же кля́тву дре́ва Дре́вом нецели́вый, и благослове́ние источи́вый челове́ком, Преблаги́й, Тебе́, Спа́се, пое́м и Тебе́ славосло́вим во ве́ки.

Слава, и ныне:, Крестобогородичен: Невестоводи́тель тебе́, Де́во, Гаврии́л по́слан бы́сть, ра́дуйся, вопия́ше Ти, глаго́ля, светле́йшая Пала́то Всех Царя́ Христа́, в Ню́же всели́вся, обожи́ вся челове́ки.

Песнь 9

Ирмос: Тя па́че ума́ и слове́се Ма́терь Бо́жию, в ле́то безле́тнаго неизрече́нно ро́ждшую, ве́рнии единому́дренно велича́ем.

Сла́ва, Го́споди, Кресту́ Твоему́ Честно́му.

Кре́пость вра́жия и держа́ва отъя́та бы́сть, держа́вный еди́не Го́споди, на Крест вознесе́ну Ти и пе́рсты на нем окровави́вшу.

Сла́ва, Го́споди, Кресту́ Твоему́ Честно́му.

Ископа́ша, Христе́ мой, ру́це и но́зе Твои́, и ко́сти Твоя́ изочто́ша распе́ншии беззако́нницы, и же́лчи со о́цтом тебе́ напои́ша.

Слава, и ныне:, Крестобогородичен: Свет нам, Чи́стая, из Тебе́ возсия́ Иису́с, и просвети́ тва́рь всю распя́тием, и бесо́вскую тьму́ прогна́л есть.

Эксапостиларий Кресту Господню

Крест – храни́тель всея́ вселе́нныя, Крест – красота́ Це́ркве; Крест – царе́й держа́ва; Крест – ве́рных утвержде́ние; Крест – А́нгелов сла́ва и де́монов я́зва.

Слава, и ныне:, Крестобогородичен: У Креста́ предстоя́щи Тя безсе́менно Ро́ждшая, и рыда́ющи вопия́ше: увы́, сладча́йшее Ча́до, ка́ко заше́л еси́ от о́чию Мое́ю? Ка́ко в ме́ртвых вмени́лся еси́?

Отпуст дня

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, си́лою Честна́го и Животворя́щаго Креста́, предста́тельствы святы́х и пра́ведных богооте́ц Иоаки́ма и А́нны и всех святы́х, поми́луй и спаси́ нас, я́ко благ и Человеколю́бец.