Текст книги "Греческий молитвослов. Молитвы на всякое время дня, недели и года"

Крещение Господне

Крещение Господне – двунадесятый праздник, в который вспоминаются события крещения (т. е. погружения) Господа Иисуса Христа святым пророком Иоанном Предтечей в водах реки Иордан (см. Мф. 3: 13–17; Мк. 1: 9-11; Лк. 3: 21–22; Ин. 1: 29–34). Сошествие Святого Духа в виде голубя на Крещаемого и голос Бога Отца, бывший с небес, засвидетельствовали Богосыновство и помазанничество Иисуса Христа, почему праздник именуется также Богоявлением, т. е. явлением Бога миру. С этого момента начинается общественное служение Мессии; Свет Христов воссиял сидящим во тьме и тени смертной (Мф. 4: 16), откуда и третье название праздника – Просвещение. Явление Святой Троицы на реке Иордан предочистило воды для спогребения и совоскресения людей Христу в таинстве Крещения, а также освятило все мироздание через проникновение в него этих освященных вод. Поэтому всякий раз в таинстве Крещения на воду призывается благословение Иорданово, а в праздник Богоявления ежегодно торжественным чином освящается вода, используемая для освящения человека и окружающего мира.

Крещенские молитвословия исполняются с 19 по 27 января н. ст.

На вечерне стихиры Крещению Господню, глас 2

Просвети́теля нашего, просвеща́ющаго вся́каго челове́ка, ви́дев Предте́ча крести́тися прише́дша, ра́дуется душе́ю и трепе́щет, руко́ю показу́ет Его́ и глаго́лет лю́дей: Сей – Избавля́яй Изра́иля, Свобожда́яй нас от нетле́ния. О безгре́шный Христе́ Бо́же наш, сла́ва Тебе́! Изба́вителю на́шему, от раба́ креща́ему и Ду́ха прише́ствием свиде́тельствуему, ужасо́шася, зря́ще, Ангельская во́инства. Глас же с Небесе́ принесе́ся от Отца́: Сей, Его́же Предте́ча руко́ю креща́ет, Сын Мой есть возлю́бленный, о Не́мже благоволи́х. Христе́ Бо́же наш, сла́ва Тебе́!

Иорда́нския струи́ Тебе́, Исто́чника, прия́ша, и Уте́шитель в ви́де голуби́не схожда́ше. Приклоня́ет верх Приклони́вый Небеса́. Зове́т и вопие́т бре́ние Зижди́телю: что ми повелева́еши, я́же вы́ше мене́? Аз тре́бую Твоего́ Креще́ния. О безгре́шный Христе́ Бо́же наш, сла́ва Тебе́!

Спасти́ хотя́ заблу́ждшаго челове́ка, не не сподо́бился еси́[203]203
  Не счел недостойным Себя.


[Закрыть] в ра́бий зрак облещи́ся, подоба́ше бо Тебе́, Влады́це и Бо́гу, восприя́ти на́ша за ны: Тебе́ бо кре́щшуся пло́тию, Изба́вителю, оставле́ния сподо́бил еси́ нас. Те́мже вопие́м Ти: Христе́ Бо́же наш, сла́ва Тебе́!

Слава, и ныне: Приклони́л еси́ главу́ Предте́чи, сокруши́л еси́ главы́ змие́в. Прише́д в струи́, просвети́л еси́ вся́ческая: е́же сла́вити Тя, Спа́се, Просвети́теля душ на́ших.

Тропарь Крещению Господню, глас 1

Во Иорда́не креща́ющуся Тебе́, Го́споди, Тро́ическое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние [204]204
  Подтверждал непреложность словес (Отца).


[Закрыть]. Явле́йся Христе́ Бо́же и мир просвеще́й, сла́ва Тебе́!

Величание

Велича́ем Тя, Живода́вче Христе́, нас ра́ди ны́не пло́тню крести́вшагося от Иоа́нна в вода́х Иорда́нских.

Отпуст праздника

Иже во Иорда́не крести́тися изво́ливый от Иоа́нна на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере и всех святы́х, поми́луй и спаси́ нас, я́ко благ и Человеколю́бец.

На утрене канон Крещению Господню, преподобного Косьмы Маюмского, глас 2

Песнь 1

Ирмос: Глубины́ откры́л есть дно и су́шею Своя́[205]205
  Свой народ (Израиль).


[Закрыть]влече́т, в ней покры́в проти́вныя, кре́пкий во бране́х Госпо́дь, я́ко просла́вися.

Слава тебе, Боже наш, слава Тебе.

Ада́ма истле́вшаго обновля́ет струя́ми Иорда́нскими и змие́в главы́ гнездя́щихся сокруша́ет Царь веко́в Госпо́дь, я́ко просла́вися.

Слава тебе, Боже наш, слава Тебе.

Огне́м Божества́ невеще́ственным в плоть веще́-ственну оде́явся, Иорда́нскою облага́ется водо́ю воплоща́йся от Де́вы Госпо́дь, я́ко просла́вися.

Слава, и ныне: Скве́рну омыва́яй челове́ков, сим, очи́щся во Иорда́не, и́мже восхоте́в уподо́бися, е́же бе пребы́в, су́щия во тьме просвеща́ет Госпо́дь, я́ко просла́вися[206]206
  Господь, (по Божеству своему) омывающий скверну людей, ради тех принявший очищение в Иордане, кому добровольно уподобился (став Человеком), оставаясь (при этом) Тем, Кем был (т. е. Богом), просвещает находящихся во тьме. Слава Ему за это!


[Закрыть].

Песнь 3

Ирмос: Кре́пость дая́й царе́м на́шим Госпо́дь и рог пома́занных Свои́х вознося́й, от Де́вы ражда́ется, гряде́т же ко Креще́нию. Тому́, ве́рнии, возопие́м: несть свят, я́ко Бог наш.

Слава тебе, Боже наш, слава Тебе.

Непло́дная дре́вле и безча́дная лю́те, днесь весели́ся, Христо́ва Це́рковь: водо́ю бо и Ду́хом сы́нове тебе́ роди́шася, ве́рою взыва́юще: несть свят, я́коже Бог наш.

Слава, и ныне: Ве́лиим гла́сом в пусты́ни вопие́т Предте́ча: Христу́ угото́вайте пути́ и стези́ Бо́гу на́шему пра́вы соде́лайте, ве́рою взыва́юще: несть свят, я́коже Бог наш.

Песнь 4

Ирмос: Услы́ша, Го́споди, глас Твой, его́же рекл еси́, глас вопию́щаго в пусты́ни[207]207
  (Предтеча), которого Ты назвал (через пророка Исаию) голосом вопиющего в пустыне, услышал Твой голос.


[Закрыть], егда́ возгреме́л еси́ над вода́ми мно́гими, Твоему́ свиде́тельствуяй Сы́ну, весь быв соше́дшаго Ду́ха, возопи́: Ты еси́ Христо́с, Бо́жия Му́дрость и Си́ла.

Слава тебе, Боже наш, слава Тебе.

Очища́емо со́лнце кто́ ви́де, пропове́дник вопие́т, пресве́тлое естество́м? Да [208]208
  Да как же я…


[Закрыть] Тебе́ вода́ми, Сия́ние сла́вы, Отца́ о́браз Присносу́щнаго, омы́ю и, се́но сый, Огню́ прикосну́ся Твоего́ Божества́? Ты бо еси́ Христо́с, Бо́жия Му́дрость и Си́ла.

Слава тебе, Боже наш, слава Тебе.

Яви́ боже́ственное е́же име́ благогове́ние Моисе́й, прилучи́вся Тебе́[209]209
  Встретившись с Тобою.


[Закрыть], я́ко бо из купины́ Тя возгласи́вша разуме́, а́бие отврати́ лице́. Аз же ка́ко Тя уви́жу я́сно? Или́ ка́ко ру́ку положу́ на Тя? Ты бо еси́ Христо́с, Бо́жия Му́дрость и Си́ла.

Слава, и ныне: Душе́ю смы́слен сый и сло́вом[210]210
  Разумом.


[Закрыть]почте́нный, безду́шных стыжду́ся. Аще бо крещу́ Тя, клеве́тна ми есть[211]211
  Обличит меня.


[Закрыть] огне́м дымя́щаяся гора́, побе́гшее же мо́ре надво́е, и Иорда́н сей возврати́выйся: Ты бо еси́ Христо́с, Бо́жия Му́дрость и Си́ла.

Песнь 5

Ирмос: Иису́с, живота́ Нача́льник, разреши́ти осуждение гряде́т Ада́ма первозда́ннаго, очищений же, я́ко Бог, не требуя, па́дшаго очища́ет во Иорда́не, в не́мже вражду́ убив, преиму́щ[212]212
  Превосходящий.


[Закрыть] всяк ум мир да́рует.

Слава тебе, Боже наш, слава Тебе.

Сше́дшимся без числа́ лю́дем от Иоа́нна крести́тися, сам посреде́ их ста, провозгласи же предстоя́щим: кто показа́, непокори́вии, гне́ва вам уклони́тися хотя́щаго бы́ти? Плоды достойны Христу́ сотвори́те: Предстоя́й бо ныне мир да́рует.

Слава, и ныне: Де́латель и Зижди́тель, посреде́ стоя́й я́ко еди́н всех[213]213
  (Божественный) Земледелец и Ремесленник (поэтические синонимы понятия «Творец»), стоя посреди всех как один из них.


[Закрыть], сердца́ испыту́ет, чисти́тельную же лопа́ту[214]214
  Веялку.


[Закрыть] рукою прие́м, всеми́рное гумно всему́дре разлуча́ет, неплодие паля́, благоплодным ве́чный живот да́руя.

Песнь 6

Ирмос: Глас Словесе́, свети́льник Све́та, денни́ца, Солнца Предте́ча в пусты́ни: Пока́йтеся, всем вопие́т лю́дем, и предочи́ститеся: се бо предстоя́т Христос, от тли мир избавля́яй.

Слава тебе, Боже наш, слава Тебе.

Рождься нетленно от Бога и Отца́, от Девы кроме скве́рны воплоща́ется Христос, Ему́же ремень, я́же от нас Слова сочта́ния[215]215
  Ремень (который надо понимать как) сочетание Слова с тем, что от нас (т. е. с человеческой природой).


[Закрыть], разреши́ти неудобь, учи́т Предте́ча, земноро́дныя от лести избавля́я.

Слава, и ныне: Огне́м крести́т коне́чным Христо́с неповину́вшихся, а не Бо́га му́дрствующих Его́, Ду́хом же обновля́ет водо́ю благода́ти разумли́выя[216]216
  Тех, кто признал.


[Закрыть]Божества́ Его́, от прегреше́ний избавля́я.

Кондак Крещению Господню, преподобного Романа Сладкопевца, глас 4

Яви́лся еси́ днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́ и яви́лся еси́, Свет Непристу́пный.

Песнь 7

Ирмос: Юноши благочести́выя, пе́щи о́гненней приобщи́вшияся, шумя́щ дух ро́сный невреди́мы сохрани́ и Бо́жия Ангела снизхожде́ние. Те́мже в пла́мени ороша́еми, благода́рственно воспева́ху: препе́тый отце́в Го́споди и Бо́же, благослове́н еси́.

Слава тебе, Боже наш, слава Тебе.

Якоже на Небеси́, с тре́петом и чу́дом[217]217
  Удивлением.


[Закрыть] предстоя́ху во Иорда́не си́лы Ангельския, смотря́юще толи́ка Бо́жия схожде́ния: я́ко Держа́й превы́шних вод соста́в, в вода́х Плотоно́сец стоя́ше, Бог отце́в на́ших.

Слава тебе, Боже наш, слава Тебе.

Облак дре́вле и мо́ре боже́ственнаго прообража́ху Креще́ния чу́до, в ни́хже дре́вний крести́шася, исходя́ще[218]218
  Из Египта.


[Закрыть] зако́ннии лю́дие. Мо́ре же бе о́браз воды́, и о́блак Ду́ха, ймиже соверша́еми[219]219
  Совершенствуемые которыми (водою и Духом).


[Закрыть]: благослове́н еси́, зове́м, Го́споди Бо́же, во ве́ки.

Слава, и ныне: Вси ве́рнии, в Не́мже соверше́ние прия́хом[220]220
  В Ком мы и приняли совершенство (т. е. Чья сила и действовала в таинстве нашего Крещения).


[Закрыть], богосло́вяще немо́лчно, со Ангелы просла́вим Отца́ и Сы́на и Ду́ха Свята́го: се бо Тро́ица, Ипоста́сьми Единосу́щная, Еди́н же Бог, Ему́же пое́м: благослове́н еси́, Го́споди Бо́же, во ве́ки.

Песнь 8

Ирмос: Та́йну пресла́вную Вавило́нская показа́ пещь, источи́вшая ро́су, я́ко струя́ми имя́ше невеще́ственный Огнь восприя́ти Иорда́н[221]221
  Ибо Иордану предстояло в свои потоки воспринять нематериальный Огонь (Христа).


[Закрыть] и объя́ти пло́тию креща́ема Зижди́теля, Его́же благословя́т лю́дие и превозно́сят во вся ве́ки.

Слава тебе, Боже наш, слава Тебе.

Отложи́ страх весь, Изба́витель Предте́чи рече́, Мне же повини́ся, я́ко Благо́му Мне приступи́, сие́ бо естество́м бых, Мои́м повеле́нием покори́ся и крести́ Мя соше́дшаго, Его́же благословя́т лю́дие и превозно́сят во вся ве́ки.

Слава тебе, Боже наш, слава Тебе.

Глаго́лы я́коже услы́ша Крести́тель Влады́чни, с тре́петом длань простира́ет, оба́че же руко́ю косну́вся верху́ Зижди́теля своего́, Кре́щшемуся вопия́ше: освяти́ мя, Ты бо еси Бог мой, Его́же благословя́т лю́дие и превозно́сят во вся ве́ки.

Слава, и ныне: Тро́ицы явле́ние во Иорда́не бысть, са́мое бо Пребоже́ственное Естество́ Оте́ц возгласи́: Сей креща́емый – Сын возлю́бленный Мой, Дух же прии́де к Подо́бному, Его́же благословя́т лю́дие и превозно́сят во вся ве́ки.

Песнь 9

Вместо песни Богородицы поются особые припевы праздника:

Велича́й, душе́ моя́, Честне́йшую Го́рних во́инств Де́ву, Пречи́стую Богоро́дицу.

Ирмос: Недоуме́ет всяк язы́к благохвали́ти по достоя́нию, изумева́ет же ум и преми́рный пе́ти Тя, Богоро́дице, оба́че Блага́я су́щи, ве́ру приими́, и́бо любо́вь ве́си боже́ственную на́шу: Ты бо христиа́н еси́ Предста́тельница, Тя велича́ем.

Велича́й, душе́ моя́, от Предте́чи Креще́ния Прося́ща.

Дави́де, прииди́ ду́хом к просвеще́нным: ны́не приступи́те, пой к Бо́гу, ве́рою, глаго́ля, просвети́теся! Сей ни́щий воззва́ Ада́м в паде́нии, и́бо того́ услы́ша Госпо́дь, прише́д, струя́ми Иорда́нскими тле́ннаго же обнови́.

Велича́й, душе́ моя́, во Иорда́не Прише́дшаго крести́тися.

Иса́ия: измы́йтеся, очи́ститеся, глаго́лет, лука́вствия пред Го́сподем оста́вите; жа́ждущий, на во́ду жи́ву иди́те: кропи́т бо водо́ю, обновля́я, Христо́с приступа́ющия к Нему́ ве́рою, и к животу́ нестаре́емому креща́ет Ду́хом.

Велича́й, душе́ моя́, от Оте́ческаго гла́са Свиде́-тельствованна.

Соблюда́емся [222]222
  Да сохраняемся.


[Закрыть] благода́тию, ве́рнии, и печа́тню: я́ко бо ги́бели избежа́ша, Пра́гу евре́е дре́вле окрова́влену[223]223
  Благодаря тому, что косяки (дверей) были помазаны кровью (пасхального агнца).


[Закрыть], та́ко и нам исхо́дное[224]224
  Намек на ветхозаветную пасху Исхода.


[Закрыть] боже́ственная сия́ пакибытия́ ба́ня бу́дет. Отскэ́ду и Тро́ицы у́зрим Свет Незаходи́мый.

Эксапостиларий праздника

Яви́ся Спас, Благода́ть и Истина во струя́х Иорда́нских, и су́щия во тьме и се́ни спя́щия просвети́л есть, и́бо прии́де и яви́ся Свет Непристу́пный.

На псалмах хвалы стихиры, глас 1

Свет от Све́та возсия́ ми́рови Христо́с, Спас наш, явле́йся Бог: Сему́, лю́дие, поклони́мся.

Ка́ко Тя, Христе́, раби́ Влады́ку, досто́йно почти́м? Яко в вода́х всех нас обнови́л еси́.

Ты во Иорда́не кре́щся, Спа́се наш, во́ды освяти́л еси́, дла́нию раба́ рукополага́емый и стра́сти ми́ра исцеля́яй. Ве́лие та́инство явле́ния Твоего́! Человеколюбие Го́споди, сла́ва Тебе́!

Истинный Свет яви́ся и всем просвеще́ние да́рует. Креща́ется Христо́с с на́ми; Иже вся́кия вы́шши чистоты́, влага́ет свяще́ние воде́, и душа́м сие́ очище́ние быва́ет, земно́е явля́емое и вы́ше Небе́с разумева́емое. Ба́нею спасе́ние, водо́ю же Дух, погруже́ния ра́ди, я́же к Бо́гу наш восхо́д быва́ет. Чуде́сна дела́ Твоя́, Го́споди! Сла́ва Тебе́!

Слава, глас 6: Вода́ми Иорда́нскими оде́ялся еси́, Спа́се, одея́йся све́том я́ко ри́зою, и приклони́л еси́ главу́ Предте́чи Иже не́бо изме́ривый пя́дию: да обрати́ши мир от ле́сти и спасе́ши, я́ко Человеколю́бец.

И ныне, глас 2: Днесь Христо́с на Иорда́н прии́де крести́тися, днесь Иоа́нн каса́ется верху́ Влады́чню. Си́лы Небе́сныя ужасо́шася, пресла́вное ви́дяще та́инство. Мо́ре ви́де и побеже́; Иорда́н, ви́дев, возврати́ся. Мы же, просве́щшеся, вопие́м: сла́ва яви́вшемуся Бо́гу, и на земли́ ви́денному, и просвети́вшему мир.

Отпуст праздника

Иже во Иорда́не крести́тися изво́ливый от Иоа́нна на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере и всех святы́х, поми́луй и спаси́ нас, я́ко благ и Человеколю́бец.

Сретение Господне

Двунадесятый праздник Сретения Господня («встречи Господа») установлен в воспоминание евангельских событий, сопутствовавших первому принесению Богомладенца Христа в Храм на 40-й день после Рождества. В этот день по ветхозаветному закону каждого первенца, как посвященного на служение Богу, родители должны были принести в Храм и выкупить символической жертвой. Кроме того, мать с младенцем и все с ними жившие обязаны были принести очистительную жертву. Во время исполнения этих обрядов в Иерусалимском храме произошла знаменательная встреча старца Симеона и пророчицы Анны с Богомладенцем Иисусом, в котором они Духом Святым провидели обещанного Спасителя всего мира – Христа (см. Лк. 2: 22–39). В исполнении всех обрядовых предписаний над воплотившимся Превечным Богом и Законодателем Ветхий Завет пришел к своему завершению, что символизировала и встреча двух ветхозаветных праведников с Установителем Нового Завета.

Сретенские молитвословия исполняются с 15 по 22 февраля н. ст.

На вечерне стихиры праздника, глас 1

Глаголи, Симеоне, кого нося на руку в церкви радуешися? Кому зове́ши и вопие́ши: ныне свободи́хся, ви́дех бо Спаса моего? Сей есть от Де́вы рожде́йся;

Сей есть от Бо́га Бог Сло́во, воплоти́выйся нас ради и спасы́й челове́ка. Тому́ поклони́мся.

Приими́, Симео́не, Его́же под мра́ком Моисе́й законополага́юща прови́де в Сина́и, Младе́нца бы́вша[225]225
  Ставшего Младенцем.


[Закрыть], зако́ну повину́ющася. Сей есть зако́ном глаго́лавый, Сей есть во проро́цех рече́нный, воплоти́выйся нас ра́ди и спасы́й челове́ка. Тому́ поклони́мся. Прийдем и мы, пе́сньми боже́ственными Христа́ усря́щем и приймем Его́, Его́же спасе́ние Симео́н ви́де. Сей есть, Его́же Дави́д провозвести́, Сей есть во проро́цех глаго́лавый, воплоти́выйся нас ра́ди и зако́ном веща́вый. Тому́ поклони́мся.

Слава, и ныне, глас 6: Да отверзе́тся дверь Небе́сная днесь: Безнача́льное бо Сло́во Отчее нача́ло прии́м под ле́ты [226]226
  Во времени.


[Закрыть], не отсту́пль Своего́ Божества́, от Де́вы я́ко Младе́нец четыредесятодне́вен Ма́терию во́льне прино́сится в це́рковь зако́нную[227]227
  Ветхозаветную.


[Закрыть]; и Сего́ на ру́ки прие́млет ста́рец, отпусти́, зовы́й, раба́, Влады́ко, и́бо о́чи мой ви́деста спасе́ние Твое́[228]228
  От Тебя (происходящее).


[Закрыть]. Прише́дый в мир спасти́ род челове́чь, Го́споди, сла́ва Тебе́!

Тропарь праздника, глас 1

Ра́дуйся, Благода́тная Богоро́дице Де́во, из Тебе́ бо возсия́ Со́лнце пра́вды [229]229
  Праведности.


[Закрыть], Христо́с Бог наш, просвеща́яй су́щия во тьме́. Весели́ся и ты, ста́рче пра́ведный, прие́мый во объя́тия Свободи́теля душ на́ших, да́рующаго нам воскресе́ние.

Величание

Велича́ем Тя, Живода́вче Христе́, и чтим Пречи́стую Ма́терь Твою́, Еюже по зако́ну ны́не прине́слся еси́ в храм Госпо́день.

Отпуст праздника

Иже во объя́тиих пра́веднаго Симео́на носи́тися[230]230
  Быть носимым.


[Закрыть]изво́ливый на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х пра́ведных Ио́сифа Обру́чника, Симео́на Богоприи́мца и Анны проро́чицы и всех святы́х, поми́луй и спаси́ нас, я́ко благ и Человеколю́бец.

На утрене канон праздника, преподобного Косьмы Маюмского, глас 3

Песнь 1

Ирмос: Су́шу глубороди́тельную зе́млю со́лнце наше́-ствова иногда́[231]231
  Солнце однажды взошло над безднорожденной сушей (т. е. дном Красного моря).


[Закрыть]: я́ко стена́, бо огусте́ обапо́лы[232]232
  С обеих сторон.


[Закрыть] вода́, лю́дем пешомореходя́щим и богоуго́дно пою́щим: пои́м Го́сподеви, сла́вно бо просла́вися.

Слава Тебе, Боже наш, слава Тебе.

Да ка́плют во́ду о́блацы [233]233
  Образ живительной для пустыни влаги.


[Закрыть]: Со́лнце бо, на Облаце[234]234
  Т. е. Богородице.


[Закрыть]ле́ще носи́мо, наста́ло есть на нетле́нную руку́[235]235
  Явилось на непорочных руках (Богоматери).


[Закрыть], Христо́с в це́ркви я́ко Младе́нец. Те́мже, ве́рнии, возопии́м: пойм Го́сподеви, сла́вно бо просла́вися.

Слава Тебе, Боже наш, слава Тебе.

Крепи́теся, ру́це Симео́ни, ста́ростою осла́бленнии, лы́ста[236]236
  Голени.


[Закрыть] же претружде́нна ста́рча, правобы́стро движи́тася Христу́ на сре́тение [237]237
  Слаженно двигайтесь на встречу со Христом.


[Закрыть]; лик со Безпло́тными соста́вльше: пойм Го́сподеви, сла́вно бо просла́вися. Слава, и ныне: Ра́зумом просте́ртая Небеса́, весели́теся, и ра́дуйся, зе́мле: из Пребоже́ственных бо недр Хитре́ц[238]238
  Художник, Умелец (т. е. Творец мира).


[Закрыть] проше́д Христо́с, Ма́терию Де́вою Бо́гу Отцу́ прино́сится Младе́нец, Иже пре́жде всех: сла́вно бо просла́вися.

Песнь 3

Ирмос: Утвержде́ние на Тя наде́ющихся, утверди́, Го́споди, Це́рковь, Юже стяжа́л еси́ честно́ю Твое́ю Кро́вию. Слава Тебе, Боже наш, слава Тебе.

Перворожде́н из Отца́ пре́жде век, перворожде́н Младе́нец из Де́вы нетле́нныя, Ада́му руку́ простира́я, яви́ся.

Слава Тебе, Боже наш, слава Тебе.

Младоу́мна бы́вша пре́лестию первозда́ннаго па́ки исправля́яй[239]239
  Дабы снова исправить первозданного (Адама), в результате (диавольского) обмана оказавшегося младенцем по разуму.


[Закрыть], Бог Сло́во младе́нствовав яви́ся.

Слава, и ныне: Земли исчадие, паки поте́кшее в ню, Божества сообразное естество Зиждитель яко непреложне младе́нствовав яви[240]240
  Из земли исшедшую природу (и) вновь в нее возвратившуюся Создатель показал (способной быть) сообразной (природе) Божественной, став Младенцем (по человечеству), но не изменившись (по Божеству).


[Закрыть].

Песнь 4

Ирмос: Покрыла есть Небеса́ добродетель Твоя, Христе: из Кивота бо проше́д святы́ни Твоея[241]241
  Из Ковчега (т. е. места пребывания) Твоей святости (о Богородице).


[Закрыть], нетле́нныя Ма́тере, в хра́ме сла́вы Твоея явился еси́ яко Младенец руконоси́м, и исполнишася вся Твоего хваления.

Слава Тебе, Боже наш, слава Тебе.

Ра́дуйся, Симеоне, неизрече́нных тайнниче, Богородица вопияше, Его́же от Свята́го дре́вле извести́ся тебе́ Духа, младе́нствовавшаго[242]242
  Ставшего младенцем.


[Закрыть] Слова Христа́ на руки приими́, зовы́й Ему: исполнишася вся Твоего хвале́ния.

Слава Тебе, Боже наш, слава Тебе.

На Негоже упова́л еси́, Симеоне, возраст де́тищный, ра́дуяся подыми́ Христа́[243]243
  С радостью встречай Христа, младенческий возраст Которого ты надеялся (застать).


[Закрыть], Изра́иля боже́ственнаго[244]244
  Т. е. нового Израиля – христиан.


[Закрыть] Утеше́ние, закона Творца́ и Влады́ку, исполняющего закона чин, зовы́й Ему: исполнишася вся Твоего хвале́ния.

Слава, и ныне: Ви́дя Симео́н Сло́во Безнача́льное с пло́тию, я́ко на престо́ле Херуви́мстем, Де́вою носи́маго, Вино́внаго е́же бы́ти вся́ческих [245]245
  Причину бытия всего.


[Закрыть], я́ко Младе́нцу, дивя́ся вопия́ше Ему́: испо́лнишася вся Твоего́ хвале́ния.

Песнь 5

Ирмос: Яко ви́де Иса́ия обра́зно [246]246
  Когда увидел Исаия в (пророческом) образе.


[Закрыть] на престо́ле превознесе́на Бо́га, от Ангел сла́вы дориноси́ма[247]247
  Сопровождаемого (словно) телохранителями.


[Закрыть], о окая́нный, вопия́ше, аз: прови́дех бо воплоща́ема Бо́га, Све́та невече́рня и ми́ром влады́чествующа[248]248
  Употребляющего в своем царствовании только мирные средства.


[Закрыть]. Слава Тебе, Боже наш, слава Тебе.

Разуме́в боже́ственный старец проявле́нную дре́вле проро́ку сла́ву, рука́ми Сло́во зря Ма́терними держи́мо, ра́дуйся, вопия́ше, Чи́стая: я́ко престо́л, бо держи́ши Бо́га, Све́та невече́рня и ми́ром влады́чествующа.

Слава Тебе, Боже наш, слава Тебе.

Покло́нься ста́рец и стопа́м боже́ственне прикосну́вся Неискусобра́чныя и Богома́тере, Огнь, рече́, но́сиши, Чи́стая; Младе́нца бою́ся объя́ти Бо́га, Све́та невече́рня и ми́ром влады́чествующа.

Слава, и ныне: Очища́ется Иса́ия, от Серафи́ма у́гль прие́м, ста́рец вопия́ше Богома́тери, Ты, я́коже клеща́ми, рука́ми просвеща́еши мя, пода́вши Его́же но́сиши, Све́та невече́рня и ми́ром влады́чествующа.

Песнь 6

Ирмос: Возопи́ к Тебе, видев ста́рец очи́ма спасение, еже лю́дем прии́де от Бога: Христе, Ты Бог мой.

Слава Тебе, Боже наш, слава Тебе.

Сиону Ты ка́мень возложи́лся еси́: непокори́вым претыка́ние и собла́зна ка́мень, неруши́мое верных спасение[249]249
  А для верных – непоколебимое спасение.


[Закрыть].

Слава Тебе, Боже наш, слава Тебе.

Известие нося начерта́ние Иже прежде век Тя Израсти́вшаго, земных за милосердие ныне не́мощию обложи́ся [250]250
  Несомненно нося (в Себе) образ Родившего Тебя прежде веков, Ты по милосердию Своему ныне облекся немощной (природой) смертных.


[Закрыть].

Слава, и ныне: Сыну Вышняго, Сыну Девы, Богу, Отроча́ти бывшему, поклоньшася[251]251
  Симеона.


[Закрыть] Тебе ныне отпусти́ с ми́ром.

Кондак праздника, глас 1

Утробу Деви́чу освяти́вый Рождеством Твои́м и руце Симеоне благослови́вый, якоже подоба́ше[252]252
  Как оно того заслуживало.


[Закрыть], предвари́в и ныне спасл еси́ нас, Христе Боже [253]253
  И ныне Ты нас избавил с опережением, т. е. не дожидаясь большого бедствия (согласно историку Феофану, в 542 г. в Константинополе праздник Сретения Господня был перенесен на 2 февраля в связи с избавлением от эпидемии холеры. Ранее Сретение отмечалось 14 февраля, на 40-й день после праздника Богоявления, соединявшего в себе воспоминания о Рождестве и Крещении Господних).


[Закрыть]: но умири́ во бра́нех жи́тельство[254]254
  Даруй государству мир между (непрестанных) войн.


[Закрыть] и укрепи́ цари́[255]255
  Имеются в виду византийские императоры – современники перенесения празднования Сретения на 2 февраля ст. ст.


[Закрыть], и́хже возлюби́л еси́, еди́не Человеколюбие.

Песнь 7

Ирмос: Тебе́, во огни́ ороси́вшаго о́троки богосло́-вившия[256]256
  Поведавших о (Троичном) Боге (имеется в виду – своим числом).


[Закрыть] и в Де́ву Нетле́нну Все́льшагося, Бо́га Сло́ва пои́м, благоче́стно понэ́ще: благослове́н Бог оте́ц на́ших.

Слава Тебе, Боже наш, слава Тебе.

Ада́му извести́ти хотя́й, иду́, во а́де живу́щу, и Еве принести́ благове́стие, Симео́н вопия́ше, со Проро́ки лику́я: благослове́н Бог оте́ц на́ших.

Слава Тебе, Боже наш, слава Тебе.

Ро́да зе́мна избавля́яй Бог да́же до а́да прии́дет: пле́нным же пода́ст всем оставле́ние и прозре́ние слепы́м, я́ко и немы́м вопи́ти: благослове́н Бог оте́ц на́ших.

Слава, и ныне: И Твое́ се́рдце, Нетле́нная, ору́жие про́йдет, Симео́н Богоро́дице провозгласи́, на Кресте́ зря́щи[257]257
  Когда Ты увидишь.


[Закрыть] Твоего́ Сы́на, Ему́же вопие́м: благослове́н Бог оте́ц на́ших.

Песнь 8

Ирмос: Нестерпимому огню́ соедини́вшеся богоче́-стия предстоя́щим [258]258
  В правоверии первейший.


[Закрыть] ю́ноши, пла́менем же невре́-ждени, боже́ственную песнь поя́ху: благословите, вся дела́ Господня, Господа и превозносите во вся ве́ки.

Слава Тебе, Боже наш, слава Тебе.

Лю́дие Изра́илевы[259]259
  Народ Израилев.


[Закрыть],твою́ сла́ву, Еммануйла, зря́ще, Отроча́ из Де́вы, пред лице́м боже́ственнаго ковче́га[260]260
  В переносном смысле: о Богородице или о Иерусалимском храме.


[Закрыть] ныне ликуйте[261]261
  Буквально: пляшите (намек на царя Давида).


[Закрыть]: благослови́те, вся дела́ Господня, Господа и превозносите во вся ве́ки.

Слава Тебе, Боже наш, слава Тебе.

Се, Симеон вопия́ше, пререка́емое зна́мение Сей будет, Бог сый и Отроча́: Сему, ве́рнии, возопии́м: благослови́те, вся дела́ Господня, Господа и превозносите во вся ве́ки.

Слава, и ныне: Живот сый [262]262
  Будучи Жизнью.


[Закрыть], Сей будет падение непокори́вым, младе́нствовав Бог Слово, я́ко воста́ние[263]263
  Как (и) восстановление.


[Закрыть] всем верою пою́щим: благослови́те, вся дела́ Господня, Господа и превозносите во вся ве́ки.

Песнь 9

Вместо песни Богородицы поются особые припевы праздника:

Богородице Де́во, упова́ние Христиа́ном, покры́й, соблюди и спаси́ на Тя упова́ющих.

Ирмос: В законе сени и писа́ний образ ви́дим[264]264
  В (ветхозаветном) законе, (являющемся) тенью и (лишь) буквой (будущего духовного закона), давайте узрим прообраз.


[Закрыть], ве́рнии: всяк му́жеский пол, ложесна́ разверза́яй, свят Богу[265]265
  Посвящен Богу.


[Закрыть]. Тем Перворожде́нное Слово, Отца́ Безнача́льна Сы́на, первородящася Ма́терию неискусому́жно, велича́ем.

Богородице Де́во, миру блага́я Помощнице, покры́й и соблюди от всякия ну́жды и печа́ли.

Иже древним новорожде́нных горличищ супру́г, двоица же бяше птенце́в, в ни́хже место [266]266
  У ветхозаветных (иудеев) были пара молодых горлиц или двоица птенцов вместо них.


[Закрыть] божественный ста́рец и целому́дренная Анна пророчица от Девы рожде́нному и Сы́ну Единородному Отчу в церковь приноси́му служа́ще велича́ху.

Богоно́се Симеоне, прииди́ подыми [267]267
  Приими.


[Закрыть] Христа́, Его́же роди Де́ва Чистая Мария.

Возда́л еси́ мне, вопияше Симеон, спасе́ния Твоего, Христе́, ра́дование; восприими́ Твоего служи́теля, се́-нию претружде́ннаго, новаго благода́ти священнопропове́дника та́йнаго[268]268
  Приими своего служителя, состарившегося под тенью (ветхозаветного закона), в качестве юного посвященного в тайну священнопроповедника благодати.


[Закрыть], во хвале́нии велича́юща.

Объе́млет рука́ми ста́рец Симеон Соде́теля закона и Влады́ку всяческих.

Священноле́пно испове́дашеся[269]269
  Свидетельствовала, славила.


[Закрыть] Анна прорица́ющи, целому́дренная и преподо́бная и ста́рица, Влады́це в це́ркви я́вственно: Богоро́дицу же пропове́дающи всем су́щим[270]270
  Присутствовавшим.


[Закрыть], велича́ше.

Эксапостиларий праздника

Ду́хом во святи́лищи[271]271
  В храме.


[Закрыть] предста́в, ста́рец на ру́ки восприя́т зако́на Влады́ку, вопия́: ны́не соу́з мя плотски́х разреши́, я́коже рекл еси́, с ми́ром, ви́дех бо очи́ма открове́ние язы́ков и Изра́илю спасе́ние.

На псалмах хвалы стихиры праздника, глас 4

Зако́н и́же в писа́нии [272]272
  Писаный, буквальный.


[Закрыть] исполня́я, Человеколю́бец в це́рковь ны́не прино́сится; и Сего́ прие́млет ста́рыми рука́ми Симео́н ста́рец: ны́не отпуща́еши мя, вопия́, ко о́ному блаже́нству, ви́дех бо Тя днесь, пло́тню ме́ртвенною[273]273
  Смертною.


[Закрыть] обложе́ннаго, живото́м госпо́дствующа и сме́ртию влады́чествующа.

Свет во открове́ние язы́ков[274]274
  К просвещению язычников.


[Закрыть] яви́лся еси́, Го́споди, на Облаце [275]275
  О Богородице.


[Закрыть] седя́ ле́ще, Со́лнце пра́вды, зако́на сено́вное исполня́я[276]276
  Завершая (через исполнение) тень (ветхозаветного) закона.


[Закрыть] и нача́ло изъявля́я но́выя благода́ти.

Тем Тя ви́дев, Симео́н взыва́ше: из истле́ния мя разреши́[277]277
  Освободи меня от тленного (т. е. земного) бытия.


[Закрыть], я́ко ви́дех Тя днесь.

Недр Роди́теля не отлу́чся Божество́м, вопло́щся, я́коже изво́лил еси́, объя́тиями держи́м Присноде́вы, на ру́ки пода́лся еси́ богоприи́мца Симео́на, руко́ю Твое́ю держа́й вся́ческая. Те́мже, ны́не отпуща́еши мя, ра́достно взыва́ше, в ми́ре раба́ Твоего́, я́ко ви́дех Тя, Влады́ко. Слава, и ныне, глас 6: На рука́х ста́рческих во дне́шний день, я́ко на колесни́це Херуви́мстей, восклони́тися[278]278
  Возлечь.


[Закрыть] благоизво́ливый, Христе́ Бо́же, и нас, пою́щих Тя, страсте́й мучи́тельства, призыва́емый, изба́ви и спаси́, я́ко Человеколю́бец.

Отпуст праздника

Иже во объя́тиих пра́веднаго Симео́на носи́тися изво́ливый на́шего ра́ди спасе́ния, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х пра́ведных Ио́сифа Обру́чника, Симео́на Богоприи́мца и Анны проро́чицы и всех святы́х, поми́луй и спаси́ нас, я́ко благ и Человеколю́бец.