Текст книги "Греческий молитвослов. Молитвы на всякое время дня, недели и года"

Вознесение Господне

На сороковой день после Пасхи празднуется Вознесение Господне, увенчавшее земное служение Христово и предварившее ниспослание Святого Духа на Апостолов в день Пятидесятницы. Вознесение принадлежит к числу двунадесятых праздников церковного года. Вознесенские молитвословия исполняются с четверга шестой недели по Пасхе до пятницы седьмой недели по Пасхе.

На вечерне стихиры Вознесению, глас 2

Роди́лся еси́, я́ко Сам восхоте́л еси́; яви́лся еси́, я́ко Сам изво́лил еси́; пострада́л еси́ пло́тию, Бо́же наш; из ме́ртвых воскре́сл еси́, попра́в смерть; возне́слся еси́ во сла́ве, вся́ческая исполня́яй, и посла́л еси́ нам Ду́ха Боже́ственнаго, е́же воспева́ти и сла́вити Твое́ Божество́.

Восприе́млему Тебе́, Христе́, от горы́ Ма́сличныя, Си́лы зря́ще, друг дру́гу вопия́ху: Кто́ есть Сей? И глаго́лет к ним: Сей есть Держа́вный и Си́льный, Сей есть Си́льный в бра́ни, Сей есть вои́стинну Царь сла́вы. И почто́ Ему́ червле́ны ри́зы? Из Восо́ра прихо́дит, е́же есть пло́ти. Ты же Сам, я́ко Бог одесну́ю сед вели́чествия, посла́л еси́ нам Ду́ха Свята́го, да наста́вит и спасе́т ду́ши на́ша.

Возне́слся еси́ во сла́ве на горе́ Ма́сличней, Христе́ Бо́же, пред Твои́ми ученики́, и сел еси́ одесну́ю Отца́, вся́ческая исполня́яй Божество́м, и посла́л еси́ им Ду́ха Свята́го, просвеща́юща, и утвержда́юща, и освяща́юща ду́ши на́ша.

Слава, и ныне, глас 6: Взы́де Бог в воскликнове́нии, Госпо́дь во гла́се тру́бне, е́же вознести́ па́дший о́браз Ада́мов и посла́ти Ду́ха Уте́шителя, е́же освяти́ти ду́ши на́ша.

Тропарь Вознесению, глас 4

Возне́слся еси́ во сла́ве, Христе́ Бо́же наш, ра́дость сотвори́вый ученико́м обетова́нием Свята́го Ду́ха, извеще́нным им бы́вшим благослове́нием, я́ко Ты еси́ Сын Бо́жий, Изба́витель ми́ра.

Величание

Велича́ем Тя, Живода́вче Христе́, и почита́ем е́же на Небеса́ с пречи́стою Твое́ю пло́тию боже́ственное вознесе́ние.

Отпуст праздника

Иже во сла́ве вознесы́йся от нас на Не́бо и одесну́ю се́дый Бо́га и Отца́, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.

На утрене канон Вознесению, преподобного Иоанна Дамаскина, глас 5

Песнь 1

Ирмос: Спаси́телю Бо́гу, в мо́ри лю́ди немо́крыми нога́ми наста́вльшему, и фарао́на со всево́инством пото́пльшему, Тому́ Еди́ному пои́м: я́ко просла́вися.

Слава Тебе, Боже наш, слава Тебе.

Воспови́м, вси лю́дие, на ра́мех Херуви́мских возне́сшуся со сла́вою Христу́ и спосади́вшему нас одесну́ю Отца́ песнь побе́дную: я́ко просла́вися.

Слава Тебе, Боже наш, слава Тебе.

Хода́тая Бо́гу и челове́ком Христа́ ли́цы Ангельстии ви́девше с пло́тию в вы́шних, удивля́хуся, согла́сно же воспева́ху песнь побе́дную: я́ко просла́вися.

Слава Тебе, Боже наш, слава Тебе.

Явльшемуся Бо́гу на горе́ Сина́йстей и зако́н да́вшему богови́дцу Моисе́ю, от горы́ Елео́нския возне́сшемуся пло́тию, Тому́ вси воспои́м: я́ко просла́вися. Слава, и ныне: Богородичен: Пречи́стая Ма́ти Бо́жия, воплоще́ннаго от Тебе́ и от недр Роди́теля не отсту́пльшаго Бо́га непреста́нно моли́ от вся́каго обстоя́ния спасти́, я́же созда́.

Песнь 3

Ирмос: Си́лою Креста́ Твоего́, Христе́, утверди́ мое́ помышле́ние, во е́же пе́ти и сла́вити спаси́тельное Твое́ вознесе́ние.

Слава Тебе, Боже наш, слава Тебе.

Возше́л еси́,Жизнода́вче Христе́, ко Отцу́, и возне́сл еси́ род наш, Человеколюбие, неизрече́нным благоутро́бием Твои́м.

Слава Тебе, Боже наш, слава Тебе.

Чйни Ангельстии, Спа́се, челове́ческое естество́ ви́-девше совосходя́щее Тебе́, непреста́нно удивля́еми воспева́ху Тя.

Слава Тебе, Боже наш, слава Тебе.

Ужаса́хуся А́нгельстии ли́цы, Христе́, зря́ще Тя с телесе́м возне́сшася, и воспева́ху свято́е Твое́ вознесе́ние.

Слава Тебе, Боже наш, слава Тебе.

Естество́ челове́ческое, Христе́, тле́нием па́дшее, возста́вил еси́, и восхо́дом Твои́м возне́сл еси́, и с Собо́ю нас просла́вил еси́.

Слава, и ныне: Богородичен: Моли непреста́нно, Чи́стая, Произше́дшаго от ложе́сн Твои́х изба́витися пре́лести диа́воли пою́щим Тя Ма́терь Бо́жию.

Песнь 4

Ирмос: Услы́шах слух си́лы Креста́, я́ко рай отве́рзеся им, и возопи́х: сла́ва си́ле Твое́й, Го́споди!

Слава Тебе, Боже наш, слава Тебе.

Возне́слся еси́ во сла́ве, А́нгелов Царю́, Уте́шителя нам от Отца́ посла́в. Те́мже вопие́м: сла́ва, Христе́, вознесе́нию Твоему́!

Слава Тебе, Боже наш, слава Тебе.

Яко взы́де Спас ко Отцу́ с пло́тик», удиви́шася Ему́ А́нгельская во́инства и возопи́ша: сла́ва, Христе́, вознесе́нию Твоему́!

Слава Тебе, Боже наш, слава Тебе.

А́нгельския си́лы го́рнейшим вопия́ху: врата́ возьми́те [313]313
  Откройте.


[Закрыть] Христу́ на́шему Царю́, Его́же воспева́ем вку́пе со Отце́м и Ду́хом.

Слава, и ныне: Богородичен: Де́ва роди́ и ма́терняя не позна́: но Ма́ти у́бо есть, Де́вою же пребы́сть. Юже воспева́юще: ра́дуйся, Богоро́дице, взыва́ем.

Песнь 5

Ирмос: Утренююще вопие́м Ти: Го́споди, спаси́ ны: Ты бо еси́ Бог наш, ра́зве бо Тебе́ ино́го не зна́ем. Слава Тебе, Боже наш, слава Тебе.

Испо́лнив весе́лия вся́ческая, Ми́лостиве, к Го́рним си́лам с пло́тию прише́л еси́.

Ангельския си́лы взе́млема Тебе́ ви́девше: «врата́, – взыва́ху, – Царю́ на́шему возьми́те».

Слава Тебе, Боже наш, слава Тебе.

Апо́столи, ви́девше возвыша́ема Спа́са, с тре́петом взыва́ху Царю́ на́шему: сла́ва Тебе́!

Слава, и ныне: Богородичен: Де́ву по рождестве́ пое́м Тя, Богоро́дице, Ты бо Бо́га Сло́ва пло́тию ми́-рови родила́ еси́.

Песнь 6

Ирмос: Обы́де мя бе́здна, гроб мне кит бысть, аз же возопи́х к Тебе́ Человеколю́бцу, и спасе́ мя десни́ца Твоя́, Го́споди.

Слава Тебе, Боже наш, слава Тебе.

Взыгра́шася Апо́столи, зря́ще на высоту́ днесь Зижди́теля взе́млема, упова́нием Ду́ха, и стра́хом зовя́ху: слава восхо́ду Твоему́!

Слава Тебе, Боже наш, слава Тебе.

Предста́ша Ангели, вопию́ще, Христе́, ученико́м Твои́м: и́мже о́бразом ви́десте Христа́ восходя́ща с пло́тию, па́ки прии́дет пра́ведный всех Судия́.

Слава Тебе, Боже наш, слава Тебе.

Яко ви́деша Тя, Спа́се наш, Небе́сныя си́лы на высоту́ взе́млема с те́лом, взыва́ху, глаго́люще: вели́ко, Влады́ко, человеколю́бие Твое́!

Слава, и ныне: Богородичен: Купину́ Тя неопали́мую, и Го́ру, и Ле́ствицу одушевле́нную, и Дверь Небе́сную досто́йно сла́вим, Мари́е сла́вная, правосла́вных похвало́.

Кондак Вознесению, преподобного Романа Сладкопевца, глас 6

Еже о нас испо́лнив смотре́ние, и и́же на земли́ соедини́в Небе́сным, возне́слся еси́ во сла́ве, Христе́ Бо́же наш, ника́коже отлуча́лся, но пребыва́я неотсту́пный, и вопия́ лю́бящим Тя: Аз есмь с ва́ми, и никто́же на вы́.

Песнь 7

Ирмос: В пещи́ о́гненней песносло́вцы спасы́й о́троки, благослове́н Бог отец на́ших.

Слава Тебе, Боже наш, слава Тебе.

На о́блацех све́та вознесы́йся и спасы́й мир, благослове́н Бог отец на́ших.

Слава Тебе, Боже наш, слава Тебе.

На ра́му, Спа́се, заблу́дшее взем естество́, возне́сся, Бо́гу и Отцу́ приве́л еси́.

Слава Тебе, Боже наш, слава Тебе.

Возше́дый во пло́ти к Безпло́тному Отцу́, благослове́н Бог оте́ц на́ших.

Слава Тебе, Боже наш, слава Тебе. Умерщвле́нное на́ше грехо́м естество́ взем, Твоему́ Сво́йственному Отцу́, Спа́се, приве́л еси́.

Слава, и ныне: Богородичен: От Де́вы ро́ждься, Юже Богоро́дицу соде́лал еси́, благослове́н Бог отец на́ших.

Песнь 8

Ирмос: Из Отца́ пре́жде век рожде́ннаго Сы́на и Бо́га, и в после́дняя ле́та воплоще́ннаго от Де́вы Ма́тере, свяще́нницы, по́йте, лю́дие, превозноси́те во вся ве́ки.

Слава Тебе, Боже наш, слава Тебе.

Во двою́ существу́ возлете́вшаго Жизнода́вца Христа́ на Небеса́ со сла́вою и Отцу́ соседя́щаго, свяще́нницы, по́йте, лю́дие, превозноси́те во вся ве́ки.

Слава Тебе, Боже наш, слава Тебе.

От рабо́ты и́дольския тварь изба́вившаго, и предста́вившаго ту свобо́дну Твоему́ Отцу́, Тебе́, Спа́се, пое́м и Тебе́ превозно́сим во вся ве́ки.

Слава Тебе, Боже наш, слава Тебе.

Свои́м схожде́нием Низложи́вшаго супоста́та и Свои́м возше́ствием Возне́сшаго челове́ки, свяще́нницы, по́йте, лю́дие, превозноси́те во вся ве́ки.

Слава, и ныне: Богородичен: Херуви́мов превы́шшая яви́лася еси́, Богоро́дице Чи́стая, во чре́ве Твое́м си́ми Носи́маго носи́вшая: Его́же со безпло́тными, челове́цы, славосло́вим во вся ве́ки.

Песнь 9

Вместо песни Богородицы поются особые припевы праздника:

Велича́й, душе́ моя, возне́сшагося от земли на Небо Христа Жизнода́вца.

Ирмос: Тя па́че у́ма и словесе́ Ма́терь Бо́жию, в ле́то Безле́тнаго неизрече́нно ро́ждшую, ве́рнии единому́дренно велича́ем.

Ангел и, восхождение Владыки зря́ще, ужаса́хуся: ка́ко со сла́вою взя́тся от земли на Го́рняя.

Тебе́, Изба́вителя ми́ра Христа́ Бо́га, Апо́столи ви́дяще боже́ственно возвыша́ема, со стра́хом игра́юще велича́ху.

Велича́й, душе́ моя, возне́сшагося от земли на Небо Христа Жизнода́вца.

Твою́ обожи́вшуюся плоть зря́ще, Христе́, на высоте́, Ангели друг ко дру́гу глаго́лаху: вои́стинну Сей есть Бог наш.

Ангели, восхождение Владыки зря́ще, ужаса́хуся: ка́ко со сла́вою взя́тся от земли на Го́рняя.

Тебе́ безпло́тных чи́нове, Христе́ Боже, на о́блацех взе́млема ви́дяще, взыва́ху: сла́вы Царю́ врата́ возьми́те.

Велича́й, душе́ моя, возне́сшагося от земли на Небо Христа Жизнода́вца.

Тебе́, соше́дшаго да́же до после́дних земли́, и челове́ка спа́сшаго и восхожде́нием Твои́м возвы́сившаго сего́, велича́ем.

Слава, и ныне: Богородичен: Ра́дуйся, Богоро́дице Ма́ти Христа́ Бо́га: Его́же родила́ еси́, днесь от земли́ возноси́ма со Апо́столы зря́щи, возвелича́ла еси́.

Эксапостиларий праздника

Ученико́м зря́щим Тя, возне́слся еси́, Христе́, ко Отцу́ соседя́; А́нгели предтеку́ще зовя́ху: возьми́те врата́, возьми́те: Царь бо взьще к нача́льному Све́ту сла́вы.

На псалмах хвалы стихиры праздника, глас 1

Ангельски я́же в ми́ре торжеству́им[314]314
  Да торжествуем мы, живущие в мире, по-ангельски.


[Закрыть], на престо́ле сла́вы Бо́гу носи́мому взыва́юще пе́ние: свят еси́ Отче Небе́сный, Соприсносу́щный Сло́ве, свят еси́ и Ду́ше Всесвяты́й.

Нача́льницы А́нгелов, смотря́юще, Спа́се, восхожде́ния стра́нное[315]315
  Удивительное, неизвестное дотоле (дело).


[Закрыть], недоумева́хуся друг ко дру́гу: что́ виде́ние сие́? Челове́к у́бо зра́ком ви́димый, я́коже Бог превы́ше Небе́с с пло́тию восхо́дит.

Галиле́яне зря́ще Тя вознесе́нна от Ма́сличныя горы́ с те́лом, Сло́ве, слы́шаху А́нгелов вопию́щих им: что́ стоите́ зря́ще? Сей прии́дет па́ки с пло́тию, и́мже о́бразом ви́десте.

Слава, и ныне, глас 4: Го́споди, та́инство е́же от веко́в сокрове́нное и от родо́в испо́лнив я́ко Благ, прише́л еси́ со ученики́ Твои́ми на го́ру Елео́нскую, име́я Ро́ждшую Тя Творца́ и всех Соде́теля: Той бо, в стра́сти Твое́й ма́терски па́че всех боле́зновавшей, подоба́ше и сла́вою пло́ти Твоея́ премно́гия наслади́тися ра́дости. Ея́же и мы причаща́ющеся е́же на Небеса́ восхо́дом Твои́м Влады́ко, вели́кую Твою́ ми́лость на нас бы́вшую сла́вим.

Отпуст праздника

Иже во сла́ве вознесы́йся от нас на Не́бо и одесну́ю се́дый Бо́га и Отца́, Го́споди Иису́се Христе́, Бо́же наш, моли́тв ра́ди Пречи́стыя Твоей Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.

Святая Пятидесятница Сошествие Святого Духа на Апостолов

В восьмое воскресенье по Пасхе празднуется Сошествие Святого Духа на Апостолов, произошедшее на 50-й день после Воскресения и на 10-й день после Вознесения Господня и положившее начало Христовой Церкви. Богослужение двунадесятого праздника посвящено воспоминаемому событию, а также прославлению всей Святой Троицы, поскольку сошествие Святого Духа, по обещанию Спасителя, окончательно подтвердило Его Божественное достоинство и тем самым завершило откровение Бога Троицы о Себе.

Троицкие молитвословия исполняются со дня праздника по его отдание в субботу восьмой недели по Пасхе.

На вечерне стихиры Пятидесятницы, глас 1

Пятдесятницу празднуим, и Духа пришествие, и предложение обещания, и наде́жди исполнение, и таинство елико, яко велико же и честно. Те́мже вопие́м Ти: Соде́телю всех, Господи, слава Тебе́! Языками инородных обновил еси́, Христе́, Твоя ученики, да те́ми Тя пропове́дят безсме́ртнаго Слова и Бога, подающаго душам нашим ве́лию милость.

Вся подае́т Дух Святы́й: то́чит проро́чествия, свяще́нники соверша́ет, некни́жныя му́дрости научи́, ры́бари богосло́вцы показа́, весь собира́ет собо́р церко́вный. Единосу́щне и сопресто́льне Отцу́ и Сы́ну Уте́шителю, сла́ва Тебе́!

И стихиры Святой Троице, глас 2

Ви́дехом Свет и́стинный, прия́хом Ду́ха Небе́снаго, обрето́хом ве́ру и́стинную, Неразде́льней Тро́ице покланя́емся: Та́ бо нас спасла́ есть.

Во проро́цех возвести́л еси́ нам путь спасе́ния, и во апо́столех возсия́, Спа́се наш, благода́ть Ду́ха Твоего́: Ты еси́ Бог пе́рвый, Ты и по си́х, и во ве́ки Ты еси́ Бог наш.

Во дво́рех Твои́х воспою́ Тя, Спа́са ми́ра, и прекло́нь коле́на, поклоню́ся Твое́й непобеди́мей си́ле: ве́чер, и у́тро, и полу́дне, и на вся́кое вре́мя благословлю́ Тя, Го́споди.

Во дво́рех Твои́х, Го́споди, ве́рнии, коле́на душ и теле́с прекло́ньше, воспева́ем Тя, Безнача́льнаго Отца́ и Собезнача́льнаго Сы́на и Соприсносу́щнаго и Пресвята́го Ду́ха, просвеща́ющаго и освяща́ющаго ду́ши на́ша.

Тро́ицу Единосу́щную песносло́вим, Отца́ и Сы́на со Святы́м Ду́хом: та́ко бо пропове́даша вси проро́цы и апо́столи с му́ченики.

Слава, и ныне:, творение императора Льва, глас 8:

Прииди́те, лю́дие, Триипоста́сному Божеству́ поклони́мся, Сы́ну во Отце́ со Святы́м Ду́хом: Оте́ц бо безле́тно роди́ Сы́на Соприсносу́щна и Сопресто́льна, и Дух Святы́й бе во Отце́, с Сы́ном прославля́емь, Еди́на Си́ла, Еди́но Существо́, Еди́но Божество́. Ему́-же покланя́ющеся вси глаго́лем: Святы́й Бо́же, вся соде́явый Сы́ном соде́йством Свято́го Ду́ха; Святы́й Кре́пкий, Имже Отца́ позно́хом и Дух Святы́й прии́де в мир; Святы́й Безсме́ртный Уте́шительный Ду́ше, от Отца́ исходя́й и в Сы́не почива́яй: Тро́ице Свята́я, сла́ва Тебе́!

Тропарь Пятидесятницы, глас 8

Благослове́н еси́, Христе́ Бо́же наш, Иже прему́дры ловцы́ явле́й, низпосла́в им Ду́ха Свято́го, и те́ми уловле́й вселе́нную. Человеколю́бие, сла́ва Тебе́!

Величание

Велича́ем Тя, Живода́вче Христе́, и чтим Всесвята́го Ду́ха Твоего́, Его́же от Отца́ посла́л еси́ боже́ственным ученико́м Твои́м.

Отпуст праздника

Иже в виде́нии о́гненных язы́к с Небесе́ ниспосла́вый Пресвято́го Своего́ Ду́ха на святы́я Своя́ ученики́ и Апо́столы, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере и всех святы́х, поми́луй и спаси́ нас, я́ко благ и Человеколю́бец.

На утрене канон Пятидесятницы, преподобного Иоанна Дамаскина, глас 4[316]316
  Канон написан ямбическим триметром, начальные буквы всех стихотворных строк составляют акростих, написанный элегическим дистихом:
Слове, от Бога рожденный, другого Заступника – ДухаЛюдям земным Ты послал из самых Родительских недр,Дух божества приносящего словно огня языками:Знак Твоего естества и благодать для певцов.  Для удобства читателей этот канон приводится без разбития на стихотворные строки и, соответственно, без указания букв акростиха.


[Закрыть]

Песнь 1

Ирмос: Боже́ственным покрове́н медленоязы́чный мра́ком, извити́йствова богопи́санный Зако́н[317]317
  Гугнивый (Моисей), когда находился внутри божественного мрака (на горе Синай), выразил словами Закон, написанный Самим Богом.


[Закрыть]: ти́ну бо оттря́с очесе́ у́мнаго, ви́дит Су́щаго, и науча́ется Ду́ха ра́зуму, хваля́ боже́ственными пе́сньми.

Пресвятая Тро́ице, Боже наш, слава Тебе.

Реко́ша чи́стая и честна́я уста́: разлуче́ния вам не бу́дет, о дру́зи! Аз бо на Отчем вы́шнем престо́ле соседя́, излию́ Ду́ха, возсия́ти жела́ющим благода́ть незави́стную.

Слава, и ныне: Преде́л преше́дшее и́стиннейшее Сло́во, тихообра́зно соверша́ет се́рдце: де́ло бо сконча́в, возвесели́ дру́ги, дыха́нием ну́жным[318]318
  Сильным.


[Закрыть]и о́гненными язы́ки пода́в Ду́ха Христо́с, я́коже обеща́ся.

Песнь 3

Ирмос: Разве́рзе утро́бы неча́дствовавшия у́зы, доса́ду же неудоботерпи́му благоча́дствующия еди́на моли́тва проро́чицы дре́вле Анны, нося́щия дух сокруше́н к Си́льному и Бо́гу ра́зумов.

Пресвятая Тро́ице, Боже наш, слава Тебе. Непостижи́ма есть Богонача́льнейшая[319]319
  Т. е. Троица (или Божество).


[Закрыть]: вети́я бо изъяви́ безкни́жныя ры́бари, прему́дрыя зауша́ющия сло́вом, и от глубо́кия но́щи изыма́ющий лю́ди безчи́сленны блиста́нием Ду́ха.

Слава, и ныне: Бя́ше исхо́ден от Нерожде́нна Све́та Всеси́льный сия́ющий Свет, его́же Сы́ном Оте́ческия вла́сти, ны́не явля́ет сра́сленное озаре́ние, о́гненный глас в Сио́не язы́ком.

Песнь 4

Ирмос: Царю́ царе́й, Яковы́й от Якова́го еди́н, Сло́ве, произше́дый от Отца́ Безвино́внаго, равномо́щнаго Твоего́ Ду́ха Апо́столом и́стинно посла́л еси́, я́ко Благоде́теля, пою́щим: сла́ва держа́ве Твое́й, Го́споди!

Пресвятая Тро́ице, Боже наш, слава Тебе.

Ба́ню боже́ственную пакибытия́ сло́вом раствори́в, ссложе́нное естество́, дождоточи́ши ми струю́ от нетленнопрободе́ннаго Твоего́ ребра́, о Бо́жий Сло́ве, запечатле́л теплото́ю Ду́ха.

Пресвятая Тро́ице, Боже наш, слава Тебе. Преклоня́ют вся Уте́шителю коле́на, Сы́ну же Отчу, Отцу́ сра́сленному: в Ли́цех бо ви́деша трегу́бых Существо́ и́стинное, неприкоснове́нное, безде́тное, еди́ное: возсия́ бо свет благода́ть Ду́ха.

Слава, и ныне: Да испо́лнятся вси Богонача́льнейшим[320]320
  Т. е. Божеством.


[Закрыть] ели́цы служи́телие Трисве́тлаго Существа́: па́че естества́ бо соверша́ет я́ко Благоде́тель и огнесве́тит Христо́с во спасе́ние, всю дая́ благода́ть Ду́ха.

Песнь 5

Ирмос: Реши́тельное очи́щение грехо́в – огнедохнове́нную приими́те Ду́ха ро́су, о ча́да светообра́зная церко́вная: ны́не от Сио́на бо изы́де зако́н – языкоогнеобра́зная Ду́ха благода́ть.

Пресвятая Тро́ице, Боже наш, слава Тебе.

Якоже благоволи́ самовла́стно, необлада́нный исхо́дит Дух от Отца́, умудря́я в язы́цех апо́столы, печатле́я живоно́сное сло́во, Отчеси́льный, Сообра́зный, Его́же Спас рече́.

Слава, и ныне: Да исцели́т у́бо смы́слы от греха́, и се устроя́ше апо́столов Бог Сло́во всенача́льное пречи́стый дом, в не́мже единомо́щнаго же и ссу́щественнаго ны́не вселя́ется Ду́ха свет.

Песнь 6

Ирмос: Очище́ние[321]321
  Умилостивление.


[Закрыть] нам, Христе́, и Спасе́ние, Влады́ко, возсия́л еси́ от Де́вы, да я́ко проро́ка от зве́ря морско́го пе́рсей Ио́ну, от тли исхити́ши всего́ Ада́ма всеро́дна па́дшаго.

Пресвятая Тро́ице, Боже наш, слава Тебе.

Истинный нам пра́вый во утро́бах ве́чно прии́мшим Дух да обнови́ши, отчеисхо́дно всегда́ совокупле́нный, вещества́ ненави́стнаго пали́тельный скверн, ка́ла же смы́слов чисти́тельный, Вседержи́телю.

Слава, и ныне: Жела́тельное достоя́ние апо́столом, Сио́няном ча́ющим Твоего́ прише́ствия, позна́ние, Ду́ше, Отчерожде́нна Сло́ва, речь жесто́кую язы́ческих ласка́тельств ско́ро показа́в [322]322
  Скоро обнаружив грубость обольщений язычества.


[Закрыть], огнедохнове́нно утвержда́вши.

Кондак Пятидесятницы, преподобного Романа Сладкопевца, глас 8

Егда́ снизше́д язы́ки слия́[323]323
  Смешал наречия (при вавилонском столпотворении).


[Закрыть], разделя́ше язы́ки[324]324
  Народы.


[Закрыть]Вы́шний; егда́ же о́гненныя язы́ки раздая́ше, в соедине́ние вся призва́: и согла́сно сла́вим Всесвята́го Ду́ха.

Песнь 7

Ирмос: Согла́сная возшуме́ орга́нская песнь почита́ти златосотворе́нный безду́шии́ истука́н; Уте́шителева же светоно́сная благода́ть почеству́ет е́же вопи́ти: Тро́ице Еди́ная, Равноси́льная, Безнача́льная, благослове́нна еси́.

Пресвятая Тро́ице, Боже наш, слава Тебе.

Гла́са пророковеща́тельнаго не разуме́вше, глаго́лаху безу́мнии виносотворе́нное пия́нство, ре́чи я́ко стра́нны слы́шаша апо́столов; благочести́вии же Тебе́ вопием божественно: Новоде́телю всех, благословен еси́.

Пресвятая Троице, Боже наш, слава Тебе.

Божественное учение возгреме́, ви́дяй виде́ния боже́ственный Иоиль Богонача́льнейшаго, и́мже [325]325
  Т. е. следующими словами.


[Закрыть], излию́, ре́кшу я́коже Слову, Духа моего свозопию́щим: Естество тривещанное Све́тлое, благослове́н еси́. Слава, и ныне: В троичен у́бо раздели́ часов благодать[326]326
  Хотя и в третий из часов дня наделил благодатью.


[Закрыть], яко да яви́т три Ипостаси почитати в простоте́ власти; но во еди́ном ныне дней господском, Сын, Оте́ц и Дух благослове́н еси́.

Песнь 8

Ирмос: Разрешает у́зы и орошает пламень трисве́тлый Богонача́лия образ [327]327
  Три отрока как прообраз Троичного Бога.


[Закрыть]: пою́т отроцы, благослови́т же еди́наго Спа́са и Вседе́теля я́ко Благоде́теля сотворе́нная вся́ческая тварь.

Пресвятая Троице, Боже наш, слава Тебе. Па́мять Христос человекоспаси́тельных слове́с, я́же от Отца́ слышав, Апостолом рече́, Дух устроя́ет, языкоо́гненным виде́нием посажда́я, Благослове́нна усвое́нная учуже́нная же пое́т Тя тварь[328]328
  Садясь в виде огненных языков, Дух устрояет воспоминание о человекоспасительных словах, которые, услышав от Отца, Христос сказал апостолам, а усвоенное (Себе заново Богом) отчуждившееся (ранее от Него) творение воспевает Тебя, Благословенного.


[Закрыть]. Пресвятая Троице, Боже наш, слава Тебе.

Спаси́тельно самовлады́чный Еди́н, Свет самосия́-тельный и пода́тельный све́та сый, прише́л еси́, исполня́я апо́столы честны́й я́ко верх[329]329
  В греческом оригинале: словно драгоценным веянием.


[Закрыть]; Твои́м рабо́м насыти́тельный же Дух подава́еши[330]330
  В греческом оригинале: подай же Твоим слугам Духа неотступного.


[Закрыть].

Слава, и ныне: Поя́ху проро́к духонасыще́нная уста́ Твое́ теле́сное, о Царю́, прише́ствие, и Духа от недр Отчих произше́дша, несозда́нна, сосоде́тельна, сопресто́льна Тебе́, посыла́еши вочелове́чения ве́рным честь.

Песнь 9

Вместо песни Богородицы поются особые припевы праздника:

Апо́столи, соше́ствие Уте́шителя зря́ще, удиви́шася: ка́ко в ви́де о́гненных язык яви́ся Дух Святый.

Ирмос: Ра́дуйся, Цари́це, матероде́вственная сла́во: вся́ка бо удобообраща́тельная благоглаго́ливая уста́ вити́йствовати не мо́гут Тебе́ пе́та досто́йно; изумева́ет же ум всяк Твое рождество́ разуме́™: те́мже Тя согла́сно сла́вим.

Апо́столи, соше́ствие Уте́шителя зря́ще, удиви́шася: ка́ко в ви́де о́гненных язык яви́ся Дух Святый.

Пе́ти подоба́ет естественножи́зненную Отрокови́цу: Еди́на бо во чре́ве скры Сло́во, цели́тельное неду́гующаго челове́ческаго естества́, Иже в десны́х страна́х ны́не седя́й Отчих посла́ благода́ть Ду́ха.

Апо́столи, соше́ствие Уте́шителя зря́ще, удиви́шася: ка́ко в ви́де о́гненных язык яви́ся Дух Святый.

Ели́цем дхну богото́чная благода́ть, светя́щеся, блиста́юще, изменя́еми стра́нным измене́нием благоле́пнейшим, равноси́льствующую Несеко́мую уве́девше, прему́дрое Трисве́тлое Существо́ сла́вим.

Эксапостиларий Пятидесятницы

Всесвяты́й Ду́ше, исходя́й из Отца́ и Сы́ном прише́дый к безкни́жным ученико́м, Тебе́ Бо́га позна́вших, спаси́ и поми́луй всех.

Слава, и ныне, Святой Троице: Свет Оте́ц, Свет Сло́во, Свет и Святы́й Дух, Иже во язы́цех о́гненных Апо́столом посла́ся: и Тем весь мир просвеща́ется Тро́ицу почита́ти Святу́ю.

На псалмах хвалы стихиры, глас 4

Пятидесятницы: Пресла́вная днесь ви́деша вси язы́цы во гра́де Дави́дове, егда́ Дух сни́де Святы́й во о́гненных язы́цех, я́коже богоглаго́ливый Лука́ повеству́ет, глаго́лет бо: со́бранным ученико́м Христо́вым, бысть шум, я́коже носи́му дыха́нию бу́рну, и испо́лни дом, иде́же бя́ху седя́ще; и вси нача́ша глаго́лати стра́нными глаго́лы, стра́нными уче́нии, стра́нными повеле́нии Святы́я Тро́ицы.

Святому Духу: Дух Святы́й бе у́бо при́сно, и есть, и бу́дет, ниже́ начина́емь, ниже́ престая́й, но при́сно Отцу́ и Сы́ну счине́н и счисля́емы Живо́т и Животворя́й; Свет и све́та Пода́тель; Самоблаги́й и Исто́чник благосты́ни; Имже Оте́ц познава́ется и Сын прославля́ется, и от всех познава́ется еди́на си́ла, еди́но счета́ние, еди́но поклоне́ние Святы́я Тро́ицы. Дух Святы́й, Свет, и Живо́т, и Живы́й Исто́чник у́мный; Дух прему́дрости, Дух ра́зума, Благи́й, Пра́вый,

Умный, Облада́яй, Очища́яй прегреше́ния; Бог и Боготворя́й; Огнь, от Огня́ происходя́й, глаго́ляй, де́яй, разделя́яй дарова́ния, Имже проро́цы вси и боже́ственнии апо́столи с му́ченики венча́шася. Стра́нное слы́шание, стра́нное виде́ние: Огнь разделя́яйся в подая́ние дарова́ний.

Слава, и ныне, глас 6: Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю: прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Отпуст праздника

Иже в виде́нии о́гненных язы́к с Небесе́ низпосла́-вый Пресвята́го Своего́ Ду́ха на святы́я Своя́ ученики́ и Апо́столы, Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере и всех святы́х, поми́луй и спаси́ нас, я́ко благ и Человеколю́бец.