Текст книги "Греческий молитвослов. Молитвы на всякое время дня, недели и года"

77. Да прии́дут мне щедро́ты Твоя́, и жив бу́ду, я́ко зако́н Твой поуче́ние мое́ есть.

Ужасни́ся, Не́бо, и ты, земле́, внуши́ глаго́лы: Бог, Иже над все́ми, пе́рвее сни́де, и ны́не второ́е на зе́млю ра́ди Ма́тере.

78. Да постыдя́тся го́рдии, я́ко непра́ведно беззако́нноваша на мя, аз же поглумлю́ся в за́поведех Твои́х.

Прему́дрость дом свой от земли́ преста́вивши в Дом свой Пренебе́сный, испо́лни ны́не сла́вы боже́ственныя.

79. Да обратя́т мя боя́щийся Тебе́ и ве́дящии свиде́ния Твоя́.

Не от не́ба сни́де Богоневе́стная Де́ва, но на Небеса́ взы́де, я́ко ро́ждшая Небе́снаго Царя́.

80. Бу́ди се́рдце мое́ непоро́чно во оправда́ниих Твои́х, я́ко да не постыжу́ся.

Ны́не прохо́дно бысть не́бо и челове́ком; прииди́те у́бо вси христоно́снии, взы́щем с Ма́терию Бо́жиею.

81. Исчеза́ет во спасе́ние Твое́ душа́ моя́, на словеса́ Твоя́ улова́х.

В зе́млю пони́кла еси́, неора́нная Земле́ Госпо́дня, Клас Живота́ израсти́вшая, и во стране́ произни́кла еси́ Небе́сней.

82. Исчезо́ша о́чи мои́ в сло́во Твое́, глаго́люще: когда́ уте́шиши мя?

Со́лнце, ви́девшее пре́жде заше́дшее Со́лнце пра́вды, ви́дит ны́не и Луну́ заше́дшую, Де́ву и Ма́терь Све́та.

83. Зане́ бых я́ко мех на сла́не, оправда́ний Твои́х не забы́х.

Гроб несве́тлый покры́ приосене́нную и светоно́сную Го́ру Госпо́дню, покры́вшую Небеса́ доброде́телию.

84. Коли́ко есть дней раба́ Твоего́? Когда́ сотвори́ши ми от гоня́щих мя суд?

Аще и преста́вилася еси́ от земли́ к Небе́сным, Де́во, оба́че вся земля́ сора́дуется и сла́вит преставле́ние Твое́.

85. Пове́даша мне законопресту́пницы глумле́ния, но не я́ко зако́н Твой, Го́споди.

Аще и в Небеси́ заключи́ся нетле́нное те́ло Твое́, Де́во, оба́че благода́ть Твоя́ излия́ся, и исполня́ет все лице́ земли́.

86. Вся за́поведи Твоя́ и́стина, непра́ведно погна́-ша мя, помози́ ми.

В пе́снех к Бо́гу, моли́твах и поще́ниих, Де́во, в сия́ дни упражня́ющися, ожида́ла еси́ преставле́ния Твоего́.

87. Вма́ле не сконча́ша мене́ на земли́: аз же не оста́вих за́поведей Твои́х.

Ра́дуется душа́ и лице́ све́том блиста́ет отходя́щей Тебе́ ко Го́споду, Всесвята́я Госпожа́ ве́рных.

88. По ми́лости Твое́й живи́ мя, и сохрани) свиде́ния уст Твои́х.

Се ве́рнии надгро́бную песнь соверша́ем Тебе́, Нача́тку Жи́зни на́шея, предстоя́ще гро́бу Твоему́ благоче́стно.

89. Во век, Го́споди, сло́во Твое́ пребыва́ет на Небеси́.

Любо́вию ве́рнии ны́не у́треннююще славосло́вим Тя, Влады́чице Де́во Непоро́чная, и сла́вим успе́ние Твое́.

90. В род и род и́стина Твоя́, основа́л еси́ землю, и пребыва́ет.

Помяни́ нас во Ца́рствии Небе́снем, преставле́ние Твое́ ве́рно пою́щих, Де́во Богоневе́сто.

91. Учине́нием Твои́м пребыва́ет день, я́ко вся́ческая рабо́тна Тебе́.

Ны́не си́льный, я́коже предрекла́ еси́, вели́чие Тебе́, Пречи́стая Де́во, сотвори́ не́ба и земли́ Созда́тель.

92. Яко а́ще бы не зако́н Твой поуче́ние мое́ был, тогда́ у́бо поги́бл бых во смире́нии мое́м.

Предстои́ши ны́не Божеству́ Триипоста́сному, лица́м к лицу́ зря́щи, иде́же ли́ца покрыва́ют Серафи́ми.

93. Во век не забу́ду оправда́ний Твои́х, я́ко в них оживи́л мя еси́.

Не́бо ны́не сра́дуется земле́ и сликовству́ет, челове́цы со Ангелы соедини́шася, преста́вльшейся Чи́стей на Не́бо.

94. Твой есмь аз, спаси́ мя, я́ко оправда́ний Твои́х взыска́х.

Иоаки́м ны́не сра́дуется сла́ве Дще́ри Своей и Богоотрокови́цы, неизрече́нней и боже́ственней, и́стинно.

95. Мене́ жда́ша гре́шницы погуби́ти мя, свиде́-ния Твоя́ разуме́х.

Гефсима́ния, блаже́нный и де́вственный гроб прие́мшая, ублажа́ется, честву́ема, я́ко черто́г ца́рский.

96. Вся́кия кончи́ны ви́дех коне́ц, широка́ за́поведь Твоя́ зело́.

Прииди́те, ве́рнии, свято́му гро́бу Го́спода и Всесвяты́я Его́ Ма́тере поклони́мся со стра́хом и ра́достию.

97. Коль возлюби́х зако́н Твои́, Го́споди, весь день поуче́ние мое́ есть.

Иерусали́м обы́мем вси усе́рдно и у́зрим та́инства Бо́жия, нас ра́ди соверши́вшася.

98. Па́че враг мои́х умудри́л мя еси́ за́поведию Твое́ю, я́ко в век моя́ есть.

Ангели че́стно сопровожда́ют честны́й гроб Твой, Чи́стая, све́том свяще́нным молниено́сно сия́ющий, просвеща́емый све́том Бо́жиим.

99. Па́че всех уча́щих мя разуме́х, я́ко свиде́ния Твоя́ поуче́ние мое́ есть.

Ужасо́шася вси ду́си возду́шнии о е́же на Небеса́ восхожде́нии Твое́м и вострепета́ша держа́вы Твоей, Чи́стая.

100. Па́че ста́рец разуме́х, я́ко за́поведи Твоя́ взыска́х.

Вострепета сатана, узрев свет славы Ма́тере Божия, от высоты молниеви́дно прошедший даже до ада, и плача и стеня взываше: что мне и Тебе, Ма́ти Божия?

101. От всякаго пути лука́ва возбрани́х нога́м моим, яко да сохраню словеса́ Твоя.

О бога́тства Христа́ Бога! О безмерная глубина́ любве́! И дольнейшия страны земли исполни пресла́внаго явления Матере.

102. От судеб Твоих не уклони́хся, яко Ты законоположи́л ми еси́.

Прежде нас ра́ди во ад Христос сни́де, ныне же Дева Мариа́м взыде на Не́бо в ра́дость и помощь нам.

103. Коль сладка́ горта́ни моему́ словеса́ Твоя, па́че ме́да устбм мои́м.

Схожде́нию Божию и восхожде́нию Твоему́, Де́во, покланяюся, сла́влю я и чту, яко вины входа моего в живот.

104. От за́поведей Твои́х разума́х, сего ра́ди возненави́дех всяк путь непра́вды.

Пояс честный, во свида́ние Твоего с плотию ныне к Богу преставла́ния, вруча́еши, Де́во, Фома́.

105. Свети́льник нога́ма мои́ма закон Твой и свет стезям мои́м.

Аще и ныне па́ки не приспа́ Фома́ Близна́ц, но та́йн сподобися пресла́вным воскреса́нием Христа́.

106. Кля́хся и поста́вих сохрани́ти судьбы пра́вды Твоей.

О бори́тельный и стропти́вый род евра́йский, Сына кресту́ пра́дал еси́; и ныне ру́де воздвиза́еши на Ма́терь.

107. Смири́хся до зела́, Господи, живи́ мя по словеси́ Твоему́.

Ка́ко киво́ту Киво́та Бо́га жи́ва прикосну́тися, лука́ве, дерзну́л еси́? Но пости́же суд отсече́нием.

108. Во́льная уст мои́х благоволи́ же, Го́споди, и судьба́м Твои́м научи́ мя.

До́ле Тя, Чи́стая, апо́столи обстоя́ху, горе́ же си́лы срета́ху Тебе́, я́ко Ангелов еси́ Влады́чица и сме́ртных.

109. Душа́ моя́ в руку́ Твое́ю вы́ну, и зако́на Твоего́ не забы́х.

Плач свяще́нный соверша́юще Тебе́, Де́во, взыва́ху: ка́ко Тя, Бо́жию Пала́ту, покры́ем земле́ю мертволе́пно?

110. Положи́ша гре́шницы сеть мне, и от за́поведей Твои́х не заблуди́х.

Ка́ко Тя гро́бу предади́м, Чи́стая, Сы́на и Сло́ва Рай слове́сный, па́че ума́ и сло́ва.

111. Насле́довах свида́ния Твоя́ во век, я́ко ра́дование се́рдца моего́ суть.

Словесы́ боже́ственными богопропове́дники утеша́я, мно́жество ско́рби разреши́ла еси́, возглаго́лавши Ма́терним о́бразом к ним, Богома́ти.

112. Приклони́х се́рдце мое́, сотвори́ти оправда́ния Твоя́ в век за воздая́ние.

Ча́да Го́спода и Сы́на Моего́! Ра́дости отше́ствия Моего́ к Бо́гу не претворя́йте в плач слеза́ми ва́шими.

113. Законопресту́пныя возненави́дех, зако́н же Твой возлюби́х.

Хода́таица к Бо́гу се отхожду́ превы́ше ми́ра, с ва́ми же есмь в ми́ре при́сно со Го́сподем, я́коже обеща́лся есть.

114. Помо́щник мой и Засту́пник мой еси́ Ты, на словеса́ Твоя́ улова́х.

Ужаса́емся прикосну́тися всесвято́му и богоприе́мному те́лу Твоему́, Чи́стая, раби́ Твои́, и погребсти́ Ма́терь Живота́.

115. Уклони́теся от мене́ лука́внующии, и испыта́ю за́поведи Бо́га моего́.

Ки́я оде́жды, кйя пелены́, Де́во, и ми́ры, кйя же надгро́бныя пе́сни погребе́нию Твоему́ принесе́м, Чи́стая?

116. Заступи́ мя по словеси́ Твоему́, и жив бу́ду, и не посрами́ мене́ от ча́яния моего́.

Ца́рие зе́мстии и бога́тии лю́дстии мо́лятся лицу́ Твоему́, Де́во, я́ко Дще́ри Царя́ Небе́снаго.

117. Помозй ми, и спасу́ся, и поучу́ся во оправда́-ниих Твои́х вы́ну.

Бог в Ма́тери почи́ на земли́ я́ко Младе́нец, ны́не же на Не́бе почи́ет и всели́тся Ма́ти в Бо́зе.

118. Уничижи́л еси́ вся отступа́ющия от оправда́ний Твои́х, я́ко непра́ведно помышле́ние их.

Ны́не Мариа́м весели́тся, всенепоро́чное те́ло Го́спода обоже́нное зря́щи на престо́ле Божии.

119. Преступа́ющия непщева́х вся гре́шныя земли́, сего́ ра́ди возлюби́х свида́ния Твоя́.

Ны́не услы́шала еси́ та́мо неизрече́нныя глаго́лы, Де́во, и безве́стная и та́йная прему́дрости яви́ Тебе́ Бог.

120. Пригвозди́ стра́ху Твоему́ пло́ти моя́, от суде́б бо Твои́х убоя́хся.

Взя́тся от земли́ Пресла́вный Град Госпо́день, о не́мже пресла́вная глаго́лашася, и введе́ся в Дом Божий.

121. Сотвори́х суд и пра́вду, не преда́ждь мене́ оби́дящим мя.

Взя́тся от земли́ Земля́ неоскверне́нная и де́вственная, из Нея́же созда́ся Но́вый Ада́м, пра́отца Ада́ма Созда́тель.

122. Восприими́ раба́ Твоего́ во бла́го, да не оклевета́ют мене́ го́рдии.

Не́бо ны́не Колесни́цу Бо́жию, тьмочи́сленно святу́ю, прие́млет со тьма́ми Ангелов пресла́вно.

123. Очи мой исчезо́сте во спасе́ние Твое́ и в сло́во пра́вды Твоей.

Днесь от земли́ чи́стый и всесвяте́йший Образ новоле́пно возно́сится та́мо, иде́же Первообра́зное быва́ет.

124. Сотвори́ с рабо́м Твои́м по ми́лости Твое́й, и оправда́нием Твои́м научи́ мя.

Благосодела́нный Образ, Красоту́ земли́ преизоби́льную, ны́не боголе́пно прелага́ет Бог на Небо.

125. Раб Твой есмь аз, вразуми́ мя, и уве́м свида́ния Твой.

Кни́га та́инственная, в Не́йже написа́ся Божие Сло́во, в ру́це Бо́га полага́ется в написа́ние Небе́сных та́йн.

126. Время сотвори́ти Го́сподеви, разори́ша зако́н Твой.

Яко голуби́ца, уя́звленная любо́вию, Де́во, престо́л Бо́жий облета́еши, отлете́вши от гнезда́, е́же на земли́.

127. Сего́ ра́ди возлюби́х за́поведи Твой па́че зла́та и топа́зия.

Земли́ и Не́ба Всецари́це, ди́вная Мари́е, в Ца́рство введи́ сла́вящих успе́ние Твое́.

128. Сего́ ра́ди ко всем за́поведей Твои́м направли́хся, всяк путь непра́вды возненави́дех.

Успи́, Чи́стая, успе́нием Твои́м живоно́сным, утиши́ Це́ркве собла́зны и утверди́ ю́ я́ко Блага́я.

129. Ди́вна свида́ния Твой, сего́ ра́ди испыта́ й душа́ мой.

Воспева́ем ны́не успе́ние и погребе́ние Твое́, Чи́стая, и вси ве́рно ублажа́ем Тя, иску́плени от сме́рти Твои́м рожде́нием.

130. Явление словес Твоих просвеща́ет и вразумляет младенцы.

Тя, Одр честный, святы́й и богоприе́мный, на одре честно зря́щи, апостоли вопия́ху со пла́чем.

131. Уста́ моя отверзбх и привлекбх дух, я́ко за́поведей Твоих жела́х.

Наляцы́, Честна́я Присноде́вая Де́во Мари́е, и успева́й, и ца́рствуй во веки веков с Богом.

Слава, Троичен: Безнача́льне Боже, соприсносущне Слове и Душе святый, вознеси рог христиа́н, я́ко всемилостивый и благи́й.

И ныне, Богородичен: Жизнь рождшая, Всенепоро́чная Чистая Де́во, и к жизни преста́вльшаяся ныне, и́стинныя жизни сподо́би и вся ве́рныя.

Статия третья, глас 3

132. При́зри на мя, и помилуй мя, по суду́ любящих имя Твое́.

Роди вси песнь погребе́нию Твоему́ приносят, Де́во.

133. Стопы́ моя́ напра́ви по словеси́ Твоему́, и да не облада́ет мною вся́кое беззаконие.

Гряди́ се́мо, вся тварь, пе́сни исхо́дныя принесе́м Де́ве.

134. Изба́ви мя от клеветы́ челове́ческия, и сохраню за́поведи Твоя́.

Ученицы́ Христа́ моего погреба́ют тело Ма́тере Бога моего.

135. Лице Твое́ просвети́ на раба́ Твоего и научи́ мя оправда́нием Твои́м.

Ангелов и Арха́нгелов чи́ни предстоя́ще воспева́ют неви́димо.

136. Исхбдища водна́я изведа́ете а́чи мой, поне́же не сохрани́х зака́на Твоега́.

Жены честныя со апостолы вопияху плачуще.

137. Пра́веден еси́, Господи, и пра́ви суди Твой. Неискусомужная Де́во, Ма́ти Бога Вышняго, ка́ко стерпим болезнь?

138. Заповедал еси́ пра́вду свиде́ния Твоя и и́стину зело.

Твое́ ныне отше́ствие ра́дость всему миру, нам же плач скорбный.

139. Иста́яла мя есть ревность Твоя, яко забыта словеса́ Твоя вразй мой.

От Ма́терния любве́ Твоея и попече́ния Твоего да не оста́нем сиры.

140. Разжже́но слово Твое́ зело, и раб Твой возлюби́ е́.

Све́те наш, Де́во, ка́ко стерпим не зре́ти Твоего сла́дкаго ока?

141. Юне́йший аз есмь и уничиже́н, оправда́ний Твои́х не забы́х.

Ка́ко боголюбная Твоя и богословная уста́ молча́нием, увы, связа́шася?

142. Пра́вда Твоя пра́вда во век, и закон Твой и́стина.

От Ма́тере Учителя на́шего не отступим, апостоли вопияху.

143. Скорби и ну́жды обретбша мя, за́поведи Твоя поучение мое́.

На облацех па́ки предпбслем Тя, Де́во, до Небе́сных.

144. Пра́вда свиде́ния Твоя в век, вразуми́ мя, и жив бу́ду.

Жезл святый, положе́нный во гробе, Жизнь израща́ет.

145. Воззва́х всем сердцем моим, услы́ши мя, Господи, оправда́ния Твоя взыщу́.

Во гробе положи́ся ме́ртвыя от гробов Воздвигшая Рождеством Своим.

146. Воззва́х Ти, спаси мя, и сохраню свиде́ния Твоя.

Ка́мо отходиши, Ма́ти? Друг и девственник сынолепно вопияше.

147. Предвари́х в безгбдии, и воззва́х, на словеса́ Твоя упова́х.

В ра́дость Сына Твоего отходиши, Богома́ти, и весели́шися и ра́дуешися.

148. Предвари́сте очи мой ко у́тру, поучи́тися словесе́м Твои́м.

Еда́ па́ки в Ка́ну на брак ныне позвана́ еси́ со апостолы?

149. Глас мой услыши, Господи, по ми́лости Твое́й, по судьбе́ Твое́й живи́ мя.

Поими́, Де́во, к Божественному Твоему Сыну и мене ныне, твое́ ча́до.

150. Прибли́жишася гонящий мя беззаконием, от закона же Твоего удали́шася.

Преста́ви мя, Ма́ти, ныне Твои́м преставле́нием к Рождшемуся из Тебе́.

151. Близ еси́ Ты, Господи, и вси путие́ Твой и́стина.

Да сопредстои́м на Небеси́ сла́ве, якоже при Кресте́ страда́нию.

152. Испе́рва позна́х от свиде́ний Твои́х, яко во век основа́л я еси́.

Со тьма́ми умов сни́де Владыка: Гефсима́ние, весели́ся.

153. Виждь смирение мое́ и изми́ мя, я́ко закона Твоего не забы́х.

Учеников лик, весели́ся, зря Господа во славе.

154. Суди суд мой, и избави мя, словесе́ ради Твоего живи мя.

Вся земля́ да взыграет, Бога паки сходя́ща днесь зря́щи.

155. Далече от грешник спасение, я́ко оправданий Твоих не взыскаша.

Изы́щем скоро во сретение Господа, паки снизше́дшаго.

156. Щедроты Твоя́ мнбги, Господи, по судьбе Твоей живи мя.

Да услышим вси Бога, собесе́дующа ныне Матери Всенепорочней.

157. Мно́зи изгоня́щии мя и стужающии ми, от свиде́ний Твоих не уклони́хся.

О сладчайшая Мати, к сладчайшему Сыну прииди́ радуяся.

158. Ви́дех неразумевающия и истаях, я́ко словес Твои́х не сохрани́ша.

Виждь, се ныне Сын Твой прии́де во Своя́ Тебе́ прия́та.

159. Виждь, я́ко заповеди Твоя́ возлюби́х, Господи, по ми́лости Твоей живи́ мя.

Приидох, глаголет, да пред лице́м славы Отца яви́тся слава Матере Моея́.

160. Начало словес Твои́х и́стина, и во век вся судьбы́ правды Твоея́.

Славлю Твое́, Боже мой, к Сы́ну Матерь глаголет, крайнее благоутробие.

161. Кня́зи погнаша мя ту́не, и от словес Твои́х убоя́ся сердце мое́.

Славлю Тя, Сын Мой, и покланя́юся славе Твоего вели́чествия.

162. Возрадуюся аз о словесе́х Твои́х, я́ко обретаяй коры́сть многу.

Близ Отца Моего прииди́, Ближняя Моя́, от земли воставши.

163. Неправду возненави́дех и омерзйх, закон же Твой возлюби́х.

Ты Сад заключе́нный, Иде́же Древо жи́зни и безсме́ртия.

164. Седмери́цею днем хвали́х Тя о судьбах правды Твоея́.

Ты еси Источник запечатле́нный, в Немже Поток сладости всенеизрече́нныя.

165. Мир мног любящим закон Твой и несть им соблазна.

Песнословлю, Сы́не Мой, Божества Твоего Пребоже́-ственнаго державу.

166. Чаях спасе́ния Твоего, Господи, и заповеди Твоя́ возлюби́х.

Песнословлю, Боже мой, снизхожде́ние Твое́ и человеколюбие.

167. Сохрани́ душа моя́ свиде́ния Твоя́ и возлюби́ я́ зело.

Прииди́, Красная моя́, да наслаждаешися красоты́ Сы́на Твоего и Создателя.

168. Сохрани́х заповеди Твоя́ и свиде́ния Твоя́, я́ко вси путие́ мой пред Тобою, Господи.

Прииди́, Мати моя́, в радость Божественную и в Царство.

169. Да прибли́жится моление мое́ пред Тя, Господи, по словеси́ Твоему́ вразуми́ мя.

Прииди́, Мари́е, иде́же спокланяемь есть Отец, Сын И Дух.

170. Да вни́дет проше́ние мое́ пред Тя, Господи, по словеси́ Твоему́ изба́ви мя.

Что ти воздам, Богочелове́че Сыне Мой, Раба Владыце?

171. Отры́гнут устне́ мой пе́ние, егда́ научи́ши мя оправда́нием Твои́м.

Что ны́не Ти принесу́ на Небеси́, Боже Мой, а́ще не ду́шу и тело?

172 а. Провеща́ет язы́к мой словеса́ Твоя.

Сла́влю Отца́, воспева́ю Тя, Сы́на Моего, и покланяюся Ду́ху.

172 б. я́ко вся за́поведи Твоя пра́вда.

Сла́ва Тебе, Богородице, сла́ва Твоему́ рождеству́, сла́ва и успению.

173. Да бу́дет рука́ Твоя е́же спасти́ мя, яко за́поведи Твоя извблих.

Ада́м и Ева чудяхуся, зряще сла́ву Девы.

174. Возжела́х спасе́ние Твое́, Господи, и закон Твой поуче́ние мое́ есть.

Иоаки́м и Анна, блаже́ни есте́, рождше ми́рови Дщерь.

175. Жива́ бу́дет душа́ моя и восхва́лит Тя, и судьбы́ Твоя помогут мне.

Препросла́вленную, в превы́спренняя всели́вшуюся, яко Ма́терь Божию.

176. Заблуди́х, яко овча́ поги́бшее, взыщи́ раба́ Твоего, яко за́поведей Твои́х не забы́х.

Мир Церкви, людем Твоим спасе́ние да́руй Твои́м успе́нием.

Слава, Троичен: О Троице, Бо́же мой, Отче, Сы́не и Ду́ше, поми́луй мир!

И ныне, Богородичен: Вйдети Сына Твоего Ца́рство сподо́би, Де́во, Твоя́ рабы́.

На утрене канон, творение преподобного Иоанна Дамаскина, глас 4[356]356
  Вместо канона можно прочесть одну или все три статии, приведенные выше (стр. 327).


[Закрыть]

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отрыгну́ Цари́це Ма́тери, и явлю́ся све́тло торжеству́я, и воспою́ ра́дуяся Тоя́ успе́ние.

Пресвята́я Богоро́дице, спаси́ нас.

Де́вы отрокови́цы, с Мариами́ею проро́чицею песнь исхо́дную ны́не воскли́кните: Де́ва бо и еди́на Богома́ти ко прия́тию Небе́сному преставля́ется.

Слава, и ныне: Досто́йно, я́ко одушевле́нное Тя Не́бо прия́ша Небе́сная, Пречи́стая, боже́ственная селе́ния, и предста́ све́тло укра́шена я́ко Неве́ста, Всенепоро́чная, Царю́ и Бо́гу.

Песнь 3

Ирмос: Твоя́ песносло́вцы, Богоро́дице, живы́й и незави́стный исто́чниче, лик себе́ совоку́пльшия духо́вно утверди́, и в Боже́ственней па́мяти Твое́й венце́в сла́вы сподо́би.

Пресвята́я Богоро́дице, спаси́ нас.

От ме́ртвых чресл произве́дшися, естество́м подо́бна, Чи́стая, исхожде́ние разреши́, ро́ждши же су́щую Жизнь, к Жи́зни преста́вися Боже́ственней и Ипоста́сней. Слава, и ныне: Лик богосло́вов от коне́ц, свы́ше же Ангел мно́жества к Сио́ну идя́ху всеси́льным манове́нием, достодо́лжно, Влады́чице, Твоему́ погребе́нию служа́ще.

Песнь 4

Ирмос: Неизсле́дный Бо́жий Сове́т е́же от Де́вы воплоще́ния Тебе́, Вы́шняго, проро́к Авваку́м усмотря́я, зовя́ше: сла́ва си́ле Твое́й, Го́споди.

Пресвята́я Богоро́дице, спаси́ нас.

Чу́до бя́ше зре́ти Не́бо всех Царя́ одушевле́нное испражне́ния преходя́щее земна́я [357]357
  Проходящим пустоты земли.


[Закрыть]. Яко чу́дна дела́ Твоя́, сла́ва си́ле Твое́й, Го́споди.

Пресвята́я Богоро́дице, спаси́ нас.

Аще и непости́жный Сея́ Плод, Имже Небеса́ бы́ша, погребе́ние прия́т во́лею, я́ко мертв, ка́ко погребе́ния отве́ржется неискусобра́чно Ро́ждшая?

Слава, и ныне: В преставле́нии Твое́м, Ма́ти Бо́жия, простра́ннейшее те́ло Твое́ и богоприя́тное а́нгельская во́инства свяще́нными кри́лы тре́петом и ра́достию покрыва́ху.

Песнь 5

Ирмос: Ужасо́шася вся́ческая о честно́м успе́нии Твое́м: Ты бо, Неискусобра́чная Де́во, от земли́ преста́вилася еси́ к ве́чным оби́телей и к бесконе́чней жи́зни, всем воспева́ющим Тя спасе́ние подава́ющая.

Пресвята́я Богоро́дице, спаси́ нас.

Да возглася́т трубы́ богосло́вов днесь, язы́к же многовеща́нный челове́ческий ны́не да восхва́лит, да огласи́т же возду́х, безме́рным сия́я све́том, Ангели да пою́т Пречи́стыя Де́вы успе́ние.

Слава, и ныне: Сосу́д подоба́ше избра́нный, пе́нием Ти весь удивля́емь, Деви́це, исхо́ден, весь освяще́н Бо́гови, всем богоприя́тен, и сей и́стинно явля́емый, Богоро́дице Всепе́тая.

Песнь 6

Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Ней ро́ждшагося Бо́га сла́вяще.

Пресвята́я Богоро́дице, спаси́ нас.

Из Тебе́ Жизнь возсия́, ключи́ де́вства не руши́вши; ка́ко у́бо пречи́стое и живонача́льное Твое́ те́ло искуше́ния сме́рти бысть прича́стно?

Слава, и ныне: Жи́зни бы́вши храм, жизнь присносу́щную улучи́ла еси́: сме́ртию бо к животу́ премину́ла еси́, Яже Жизнь ро́ждши воипоста́сную.

Кондак Успения, глас 2

В моли́твах неусыпа́ющую Богоро́дицу и в предста́тельствах непрело́жное Упова́ние гроб и умерщвле́ние не удержа́ста: я́коже бо Живота́ Ма́терь к животу́ преста́ви во утро́бу Всели́выйся присноде́вственную.

Песнь 7

Ирмос: Не послужи́ша тва́ри богому́дрии паче[358]358
  Вместо.


[Закрыть] Созда́вшаго, но огненное преще́ние му́жески попра́вше, ра́дующеся поя́ху: препе́тый отце́в Господь и Бог, благослове́н еси́.

Пресвятая Богородице, спаси нас.

Юноши и девы, Де́выя же и Богоматере память чтуще, старцы и мона́си, ца́рие и судий, пойте: отец наших Господи и Боже, благослове́н еси́.

Пресвятая Богородице, спаси́ нас.

Да вострубят трубою духовною горы Небе́сныя, да радуются холми и да играют боже́ственнии апостоли: Цари́ца к Сыну проставляется, с Ним царствующи.

Слава, и ныне: Всесвяще́нное преставление боже́-ственныя Твоей и нетле́нныя Ма́тере преми́рныя Вышних сил совокупи́ чи́ны весели́тися с сущими на земли́, Тебе поющими: Боже, благослове́н еси́.

Песнь 8

Ирмос: Отроки благочести́выя в пещи́ Рождество[359]359
  Порождение (т. е. Христос).


[Закрыть]Богородичо спасло есть, тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Господа пойте, дела́, и превозноси́те во вся ве́ки.

Пресвята́я Богородице, спаси́ нас.

Па́мять Твою, Чи́стая Де́во, Нача́ла же и Вла́сти, и Си́лы, Ангели, Арха́нгели, Престоли, Господства, Херуви́ми сла́вят и стра́шнии Серафи́ми; челове́ческий же род, пое́м и превозно́сим во вся ве́ки.

Пресвята́я Богоро́дице, спаси́ нас.

Иже стра́нно всели́выйся, Богоро́дице, в чи́стое чре́во Твое́ воплоща́емь, Сей, всесвяще́нный дух Твой прие́м, у Себе́ упоко́й, яко должни́к, Сын. Те́мже Тя пое́м, Де́во, и превозно́сим во вся ве́ки.

Слава, и ныне: О вы́ше ума́ чуде́с Присноде́вы же и Богома́тере! Во гроб бо все́льшися, показа́ рай. Ему́же предстоя́ще днесь, ра́дующеся пое́м: Го́спода по́йте, дела́, и превозноси́те во вся ве́ки.

Песнь 9

Вместо песни Богородицы поются особые припевы праздника:

Ро́ди вси, блажи́м Тя, еди́ну Богоро́дицу.

Ирмос: Всяк земноро́дный да взыгра́ется, Ду́хом просвеща́емь, да торжеству́ет же безпло́тных Умо́в естество́, почита́ющее свяще́нное преставле́ние Богома́тере, и да вопие́т: ра́дуйся, всеблаже́нная Богоро́дице, чи́стая Присноде́во.

Ангели, успе́ние Пречи́стыя ви́де вше, удиви́шася: ка́ко Де́вая восхо́дит от земли́ на Не́бо.

Прииди́те в Сио́н, на боже́ственную и ту́чную го́ру жива́го Бо́га, возра́дуемся, Богоро́дицу зря́ще; к зело́ бо лу́чшей и боже́ственней се́ни, я́ко Ма́терь, Сию́ во Свята́я святы́х Христо́с преста́ви.

Велича́й, душе́ моя́, от земли́ на Не́бо честно́е преставле́ние Бо́жия Ма́тере.

Прииди́те, ве́рнии, ко гро́бу присту́пим Бо́жия Ма́тере и обы́мем, сердцы́ и устна́ми, очесы́ и лицо́м чи́сто прикаса́ющеся и почерпа́юще исцеле́ний незави́стныя да́ры от исто́чника приснотеку́щаго.

Ро́ди вси, блажи́м Тя, еди́ну Богоро́дицу.

Приими́ от нас песнь исхо́дную, Ма́ти жива́го Бо́га, и светоно́сною Твое́ю и боже́ственною осени́ благода́тию, царе́м победи́тельная, христолю́бным людей мир, оставле́ние поющим и душа́м спасе́ние подающи.

Эксапостиларий праздника

Апо́столи, от коне́ц совоку́плынеся зде, в Гефсимани́йстей ве́си погреби́те те́ло Мое́. И Ты, Сы́не и Бо́же Мой, приими́ дух Мой.

На псалмах хвалы стихиры праздника, глас 4

В сла́вном успе́нии Твое́м Небеса́ ра́дуются и а́нгельская возра́довашася во́инства, вся же земля́ веселя́тся, песнь Тебе́ исхо́дную провозглаша́ющи, Ма́тери все́ми Влады́чествующаго, неискусобра́чная Пресвята́я Де́во, Яже род челове́ческий изба́вльшая прароди́тельнаго осужде́ния.

От коне́ц стеко́шася апо́столов лу́чший богонача́льным манове́нием погребсти́ Тя, и от земля́ взе́млему Тя к высоте́ зря́ще, глас Гаврия́лов ра́достию вопия́ху Тебе́: ра́дуйся, Нося́ло Божества́ всего́. Ра́дуйся, Едя́на, земна́я с Вы́шними Рождество́м Твоя́м совоку́пльшая.

Яже Живо́т ро́ждшая, к жя́зни премину́ла еся́ честны́м успе́нием Твоя́м безсме́ртней, доринося́щим

Тя Ангелом, Нача́лом и Си́лам, Апо́столом и проро́ком, и всей тва́ри, прие́мшу же нетле́нными дла́ньми Сы́ну Твоему́ непоро́чную ду́шу Твою́, Де́во Ма́ти, Богоневе́сто.

Слава, и ныне, глас 6: На безсме́ртное Твое́ успе́ние, Богоро́дице, Ма́ти Живота́, о́блацы Апо́столы по возду́ху восхища́ху и по ми́ру разсе́янныя во еди́ном ли́це предста́ша пресвято́му Твоему́ те́лу, е́же и погре́бше че́стно, глас Тебе́ Гаврии́лов пою́ще, вопия́ху: ра́дуйся, Благода́тная Де́во, Ма́ти Безневе́стная, Госпо́дь с Тобо́ю. С ни́миже, я́ко Сы́на Твоего́ и Бо́га на́шего, моли́ спасти́ся душа́м на́шим.

Отпуст праздника

Го́споди Иису́се Христе́, Бо́же наш, моли́тв ра́ди Пречи́стыя Твоея́ Ма́тере, святы́х сла́вных и всехва́льных Апо́стол и всех святы́х, поми́луй и спаси́ нас, я́ко благ и Человеколю́бец.