Текст книги "Саклыйм җылы назларымны = Душа моя полна нежностью"

 
Ильки баарь кельгенде,
Бем-беяз чечеклерге
Комюле меним тувгъан якъларым.
Ишбу гузелликте
Яшап къалмакъ ичюн
Чокътан таныш ёлдан атладым.
 
 
Осьмюр чагъымда да
Къайта эдим шулай
Гульчемберлер такъып башыма.
«Къайттынъмы, къызым?» – деп,
Анам иле бабам
Чыкъар эдилер меним къаршыма.
 
 
Алтын-сары къырлар,
Сырлы терен голлер
Юрегимни келип къакътылар,
Шырын салкъын сувлы
Йырджы чешмелер
Юрегимни сарып алдылар.
 
 
Бабам юрген ёлгъа,
Анам сокъагъына
Дане-дане тамды яшларым,
Деде топрагъымда
Дерман аларакъ,
Яшын киби гурьлеп яшадым.
Чет ерлерде юрип,
Асретликлер чекип,
Сагъынып къайтсам тувгъан авулны,
Етим къалгъан эвнинъ
Мунълы пенджереси
«Къызым!» – дие мени къаршы алырмы?
 

 
Достлар кельсе, адынъ тюшмей агъызымдан:
Хатырлайым дюльбер чагъынъ, эй, мен дели,
Унуттым деп сени, янъылыш ойлай экеним –
Мен аля даа хатырлайым, гъалиба, сени.
 
 
Тувгьанларынъ кельсе, аман сени сёйлейим:
Эске алам чебер вакътынъ, эй, мен дели,
Котерип юрген къолларынънынъ джыллысын дуям
Мен аля даа ёкълап, къыдырып юрем сени.
 
 
Къызынъ иле торунынъ да осип етти,
Хатырлайым назлы чагъынъ, эй, мен дели;
Сен сёйлеген масалдаки батырдайын
Козь алдына кетирип юрем сени.
 
 
Сени корьсем, ачувым къайнай, кейфим къача –
Сенинъ бундан тюзельмеге арзунъ ёкъмы?
Манасыз бу яшайышта сен не таптынъ?
Бардынъ «йылан» къармагъыны илип къаптынъ,
Ашкъ-муаббет ислерини чыкъарып саттынъ,
Худай берген талантынъны джумарлап аттынъ, –
Тынчландымы энди гонълюнъ, эй, сен дели?!
 

 
Омюр кечкен сайын яныгъым арта
Джойгъаныма джевхер ташымны,
Келип гедже, оны хырсызлап кетти
Асретликке салып башымны.
 
 
Алтын-кумюш керек дегиль эди,
Къолларымда джевхерим олгъанда,
Накъкъаш140140
  Накъкъаш – рессам, Аллаһ.


[Закрыть] салгъан сонъсыз гузеллиги
Танъ нурыдай балкъып тургъанда.
 
 
Козьлеримде къалгьан суретчиги
Къан саркъыта терен ярадан,
Сакълап-сакълап тутар эдим шимди
Къайтарылып олса эди янъыдан…
 
 
Джевхерчигим меним, асылташым141141
  Асылташ – энъ къыйметли, энъ гузель зийнет ташы.


[Закрыть],
Эстесинъ сен, аман эстесинъ,
Ананънынъ козьяшлары аша
Ялварыджы сесимни эшитесинъ.
 
 
Манъа опьке этип ятма, бавурым
Топрачыгьынъ олсун акъ памукъ,
Откен кескин ельден сакъласын,
Ташкъын ягъмурдан къорусын, явУрым
 

 
Неге манъа бойле яшав:
Джанда умют къалмаса?
Эки ашыкъ бир алевден
Бирге сыджакъ алмаса?
 
 
Неге керек бойле яшав,
Мени сенсиз тельмирткен?
Юрегиме чексиз сагъынч,
Битмез сагьынч кириткен?
 
 
Неге манъа бойле яшав,
Бир корьмеге зар болмакъ?
Мени узюлип севсенъ де,
Башкъа яргъа яр болмакъ?
 
 
Ёкъ, шойле де яшайым мен –
Сен олгъанынъчюн, бавурым.
Азаплы бир буюк леззет
Бергендир манъа Танърым.
 

 
Ярын къайтып келирим, деп,
Кетесинъ де барасынъ.
Сенсиз артыкъ ич кетмем, деген
Ваделеринъ къайда сонъ?
 
 
Ярынынъны куте-куте,
Юкъусыз геджелер оте,
Шамданлардаки142142
  Шамдан – чыракълыкъ.


[Закрыть] шамларнынъ143143
  Шам – чыракъ, мум.


[Закрыть]
Артыкъ чокъу янып бите.
 
 
Гонъюльге кирген сувукъны
Джылытмай памукътан шаллар.
Ич олмадым, бираз даа
Къыздырып оламай шамлар.
 
 
Ярын къайтып келирим, деп,
Кетесинъ де барасынъ.
Барып парчалайыммекен
Эки шеэр арасын?
 

 
Къартлар айткъан: бир эр-йигиттен
Маймун кулюп бурнун чекмесе,
Къаршы кельген атлар урьксе,
Бакъышындан гуллер чёксе,
 
 
Шу йигитни къызлар чокъ севсин,
Чифти этсин озь аят ёлунда,
Авучында уд-уд144144
  Уд-уд (удод) – пек гузель, амма сасыкъ бир къуш.


[Закрыть] асрагьандже,
Гогерджинни тутсын къолунда.
 
 
Дюльбер йигит тек сенинъ олмаз,
Чокълар олур онынъ ёлунда…
Къойнунъда уд-уд асрагьандже,
Гогерджининъ олсун къолунъда.
 

 
Ничюн, бильмем бойле,
Гонъюль тынч дегиль,
Солкъ-солкъ этип яна юрегим.
Ят ерлерде юрип
Тельмиртесинъ мени –
Керекмей бойле юргенинъ.
 
 
Къызыкътырмай мени
Чет иль джевхерлери,
Оларнынъ ёкъ манъа кереги.
Турса эдинъ эр ань
Меним янымда,
Олып манъа яшав тереги.
 

 
Татар къызы, гузель Роза,
Бармы экен санъа тенълер145145
  Тенъ – ляйыкъ, сен киби.


[Закрыть]?
Козьлеринъе бир бакъмагъа
Арзу эте кимлер-кимлер.
 
 
     Кунь догъдымы, кишилерге
     Парлакъ нурлар даркъатасынъ.
     Гъамлы дакъкъаларда биле,
     Йылмайып лаф-сёз къатасынъ.
 
 
Сырларымны ишанып
Ялынъыз санъа айтаман.
Акъып, чешме сувы киби
Кене санъа къайтаман.
 
 
     Джаныма тынчлыкъ бере,
     Юрегиме бинъ сыхат146146
  Сыхат – сыххат, сагълыкь.


[Закрыть].
     Шифа энген сёзлеринънен
     Яшайым раат-раат.
 
 
Юзюнъ ич олмаз къаранлыкъ,
Басса да зор агъырлыкъ,
Джанынъ дюльбер, гонълюнъ саф –
Сен озюнъсинъ – сабырлыкъ.
 
 
     Исиминъ уйгъун джисминъе147147
  Джисм – кевде, инсан тени.


[Закрыть],
     Иляхий148148
  Иляхий – азиз.


[Закрыть] затсынъ, Роза.
     Бар149149
  Бар – бутюн.


[Закрыть] омюринъ кишилерге
     Эйилик ишлеп оза.
 

Къазантатар тилинден Ленияра Селимова терджиме этти.