Текст книги "Исцеление иконами"

Молитва пред иконой Божией Матери, именуемой «Страстная»

О Пресвятая Госпоже, Владычице Богородице, вышши еси всех Ангел и Архангел и всея твари честнейши. Помощница еси общимых, ненадеющихся надеяние, убогих Заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице, Владычице, милостию Твоею спаси и помилуй раб Твоих, Великаго Господина и отца нашего Святейшаго Патриарха (имя), и преосвященныя митрополиты, архиепископы и епископы, и весь священнический и иноческий чин, богохранимую страну нашу, военноначальники, градоначальники и христолюбивое воинство и доброхоты, и вся православныя христианы ризою Твоею честною защити, и умоли, Госпоже, из Тебе без Семене воплотившагося Христа Бога нашего, да препояшет нас силою своею свыше на невидимыя и видимыя враги наша. О Всемилостивая Госпоже, Владычице Богородице, воздвигни нас из глубины греховныя и избави нас от глаза, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом твоим, всем православным христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.

Молитва пред иконой Божией Матери, именуемой «Целительница»

Прими, о Всеблагословенная и Всемощная Госпоже Владычице Богородице Дево, сия молитвы, со слезами Тебе ныне приносимыя от нас, недостойных раб Твоих, ко Твоему цельбоносному Образу пение возсылающих со умилением, яко Тебе самой здесущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, общимыя от общ избавляеши, прокаженныя очищаеши и малыя дети милуеши; еще же, Госпоже Владычице Богородице, и от уз и темниц свобождаеши и всякие многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице! Не перестай молиться о нас, недостойных рабах Твоих, славящих Тя и почитающих Тя. И поклоняющихся со умилением Пречистому Образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков. Аминь.

Тропарь пред Толгской иконой Божией Матери для исцеления от болезней ног и психических заболеваний

Днесь светло сияет на Толге Образ Твой, Пречистая Дево Богородице, и, яко солнце незаходимое, всегда верным подадеся, Егоже видев на воздусе, невидимо ангелы, яко никим, держима, преосвященный епископ града Ростова Трифон тече ко явленному Светящемуся столпу огненну, и по водам, яко по суху, прейде, и моляшеся ти верно о пастве и о людех. И мы, к Тебе притекающе, зовем: Пресвятая Дево Богородице, верно Тя славящих спасай, Богохранимую Державу Российскую, и архиереев и вся российския народы от всех бед избавляй по велицей Твоей милости.

Молитва пред Новгородской иконой Божией Матери, именуемой «Знамение»

О Пресвятая и Преблагословенная Мати сладчайшаго Господа нашего Иисуса Христа! Припадаем и покланяемся Тебе пред святою чудотворною иконою Твою, вспоминающе дивное знамение Твоего заступления Великому Новуграду от нея явленное во дни ратнаго нань нашествия. Смиренно молим Тя, всесильная рода нашего Заступнице, якоже древле отцем нашим на помощь тогда ускорила еси, тако и ныне нас, немощных и грешных, Твоего матерняго заступления и благопопечения сподоби: спаси и сохрани. Владычице, под кровом милости Твоея, церковь святую утверди, град Твой (обитель Твою) и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. Ей, Госпоже всемилостивая! Умилосердися на ны, обуреваемыя грехми многими, простри ко Христу Господу богоприимныя руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благая христианския кончины и добраго ответа на Страшном Суде Его: да спаслеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепное Имя Достопоклоняемыя Троицы, Отца и Сына и Святаго Духа, и твое велие к нам милосердие во веки веков. Аминь.

Молитвы пред Смоленской иконой Божией Матери, именуемой «Одигитрия» («Путеводительница»), для сохранности тела и души

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пресвятая Одигитрие Марие! Услыши ны, грешныя и недостойныя, в час сей молящыясяи к Тебе со воздыханием и слезами пред Пречистым Образом Твоим припадающыя и сице умильно глаголющыя: изведи нас от рова страстей, Одигитрие Благая, избави нас от всякия скорби и печали, огради от всякия напасти и злых клевет и от неправеднаго навета вражия. Можеши бо, о Благодатная Мати наша, не точию от всякаго зла сохранити люди Твоя, но и всяким благодеянием снабдити и спасти: разве бо тебе иныя предстательницы в бедах и обстояниях и теплыя ходатаицы о нас, грешных, к Сыну Твоему, Христу Богу нашему, не имамы. Егоже умоли, Владычице, спасти нас и Царствия Небеснаго сподобити да спасеннии Тобою славим Тя и в будущем веце, якоже спасение нашего виновницу, и превозносим Всесвятое и Великолепное Имя Отца и Сына и Святаго Духа, в Троице славимаго и поклоняемаго Бога, во веки веков. Аминь.

Царице моя Преблагая, надеждо моя, Богородице, приятелище сирых и странных предстательнице, скорбящих радосте, общимых покровительнице! Зриши мою беду, зриши мою скорбь. Помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Молитва пред Феодоровской (Костромской) иконой Божией Матери, исцеляющей от многих болезней, помогающей беременным и недавно родившим женщинам

К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя от тины грехов и беззаконий, аще не ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О чудная Владычице! Всяк притекаяй к Тебе, без Твоея всесильная помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

Молитвы святому великомученику и целителю Пантелеимону

К этому святому чаще всего обращаются при самых различных заболеваниях. При своей жизни Пантелеймон был врачом, лечил и поднимал на ноги даже самых безнадежно больных (за что впоследствии был казнен). Считается, что особенную силу Пантелеймон-целитель имеет при лечении заболеваний желудочно-кишечного тракта. Существует несколько вариантов молитв к нему.

О святый великомучениче и целителю Пантелеимоне, Бога милостиваго подражателю! Призри благосердием и услыши нас, грешных, пред святою твоею иконою усерднее молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, лютее одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и всяк житию временному и ко спасению потребная, яко да сподобившееся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков. Аминь.

К Тебе, как безмездому врачу, утешителю скорбящих, обогатителю неимущих, прибегаем мы ныне, святый Пантелеимон. Любомудрию мирскому и искусству врачебному хорошо научившись, во Христа ты уверовал и, от Него приняв дар исцелений, безмездно недугующих исцелял. Богатство все свое нищим, убогим, сиротам и вдовам раздавая, в узах томимых ты посещал, святый страдалец Христов, и врачеванием, беседою и подаянием утешал их. За веру во Христа многообразные испытав мучения, ты во главу мечем был усечен, и пред кончиною твоею, явившись, Христос наименовал тебя Пантелеймоном, то есть всемилостивым, потому что дал тебе благодать всегда миловать всех притекающих к тебе в любых обстоятельствах и скорбях. Услышь нас, с верою и любовию прибегающих к тебе, святый великомученик, ибо ты от Самого Спаса Христа всемилостивым был наречен и в жизни своей земной одному врачевание, другому милостыню, иному утешение нескудна подавал, никого не отпуская от себя необлагодетельствованным. Так и ныне, не отринь и не оставь нас, святой Пантелеймон, но внемли и поспеши на помощь нам: от всякой скорби и болезни исцели и уврачуй, от бед и напастей освободи и в сердца наши пролей утешение Божественное, чтобы, бодры будучи телом и духом, прославили мы Спаса Христа во веки. Аминь.

О Великий Христов угодниче и преславный целебниче великомучениче Пантелеимоне. Душою на небеси Престолу Божию предстояй и трипостныя Его славы наслаждайся, телом же и ликом святым на земли в божественных храмах почивай и данною ти свыше благодатию различныя источай чудеса. Призри милостивым твоим оком на предстоящия люди и честней Твоей иконе умилью молящийся и просяще от Тебе целебныя помощи и заступления, простри ко Господу Богу нашему теплыя свои молитвы и испроси душам нашим отставления согрешений. Себе мы за беззакония наша не смеюща вознести очей наших к высоте небесной, ниже вознести глас молебный к Его в Божестве непреступней славе, сердцем сокрушенным и духом смиренным Тебе ходатая милостиво ко Владычице и молитвенника за ны грешныя призываем. Яко Ты принял еси благодать от него недуги отгоняти и страсти исцеляти, Тебе убо просим не презри нас недостойных молящихся Тебе и Твоея помощи требующих; буди нам в печалех утешителе, в недугах лютых страждущим врач, напутствующим скорый покровитель, очесам негодующим прозрение датель, с сущим и младенцам, в скорбях готовейший предстатель и исцелитель, исходатайствуй всем, вся ко спасению полезная яко да Твоими ко Господу Богу молитвами благодать и милость прославим всех благих источника и Дароподателя Бога Единого в Троице Святой Славимого Отца и Сына и Святого Духа ныне и присно и во веки веков. Аминь.

О великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Прими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Молитвы святому пророку, Крестителю Господнему Иоанну Предтече

У Захарии и Елисаветы – родителей Иоанна Предтеча – очень долгое время не было детей. Когда оба они уже достигли преклонного возраста, архангел Гавриил предсказал Захарии, что вскоре у него родится сын, которого следует наречь Иоанном. Так и случилось. Иоанн, когда повзрослел, стал проповедником и сторонником христианской веры, провозвестником грядущего скорого пришествия на землю Спасителя. Именно он крестил Иисуса Христа.

Иоанн Креститель принял мученическую смерть. В те времена правил Царь Ирод, который задумал жениться на Иродиаде, жене своего брата Филиппа. Но Иоанн говорил, что этого быть не должно. Иродиада разозлилась и стала просить Ирода убить Иоанна. Но тот побоялся, поскольку среди народа Иоанн считался пророком и очень уважался. Тогда Иродиада подговорила свою дочь станцевать перед Иродом и заставить его пообещать исполнить ее желание. Попросила же она принести ей на блюде голову Иоанна Крестителя, которую затем отнесла своей матери.

С тех пор святому Иоанну Предтече принято молиться при различных заболеваниях головы, нарушениях работы головного мозга, а также при вегетососудистой дистонии.

Крестителю Христов, проповедниче покаяния, кающагося не презри мене, но совокупляяся с вои небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего: аз бо есмь вертеп злых дел, отнюдь не имеяй конца греховному обычаю; пригвожден бо есмь ум мой земным вещем: что сотворю, не вем. И к кому прибегну, да спасена будет душа моя? Токмо к Тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия: Егоже моги за грешную мою душу, да поне отныне, в первый надесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый (во благодати) мучениче, постников и пустынников наставниче, чистоте учителю и ближний друже Христов, Тя молю, к Тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.

Как твое чудесное усекнование почтим, Иоанн святый, какими слезами восплачем, какие песни воспоем, не постигаем умом и изнемогает язык. Ирод беззаконный отсек всесвятую главу твою, Предтеча Господень Иоанн, на земле, Бог же Вседержитель на небесах венчал тебя бессмертием и даровал тебе царство свое. Велик ты перед Богом и многое можешь попросить у Него. Поэтому, припадая, молим тебя, Креститель Христов: услышь страждущих головною болью, облегчи и утеши недуг их, и утоли скорбь их, освобождая от боли и исцеляя их, да прославят они о тебе Бога во веки веков. Аминь.

Молитва преподобному Сампсону Странноприимцу, исцеляющему от многих болезней

Еще в молодости святой Сампсон обучился медицине и прослыл очень хорошим лекарем, неутомимым, бескорыстным, отмеченным Господней благодатью. Именно к нему, следуя увиденному после молитв сновидению, обратился тяжело заболевший в то время византийский правитель Юстиниан. Великий врач смог его вылечить, но от многочисленных даров отказался, попросив Юстиниана лишь построить и содержать гостиницу-больницу, в которой Сампсон смог бы принимать и лечить странников и больных – странноприимницу, что Юстиниан срадостью и сделал.

Сампсон же прожил в своей странноприимнице до глубокой старости, излечив от различных недугов еще огромное количество людей.

Говорили, что даже после своей смерти он зорко следил, чтобы его преемники – надзиратели этой больницы четко исполняли свои обязанности и вели праведную жизнь. Кроме того, когда однажды странноприимница случайно загорелась, именно святой Сампсон, появившись, вызвал дождь и остановил пламя.

О теплый молитвинниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогу искушения многая моя малыя силы, но споспешествуй мне заступлением твоим и посреде обстояний и без управи путь мой в царство Небесное да славлю прославльшагося в тебе Господа во веки. Аминь.

Считается, что лучше всего Сампсон Странноприимец помогает людям, страдающим болезнями ног (варикозом, подагрой, артритом).

Молитвы святителю Спиридону, епископу Тримифунтскому, чудотворцу

Святитель Спиридон был пастухом, все свои доходы он раздавал нуждающимся, за что Господь наградил его даром исцеления неизлечимо больных. Даже когда Спиридона назначили епископом города Тримифунта, он не оставил своей прежней жизни.

О его чудесах известно много рассказов. Однажды он проводил богослужение в пустой (кроме диакона) церкви, и неизвестно откуда ему отвечал песнопениями прекрасный многоголосный хор.

Спиридон Тримифунтский сокрушал идолов, превращал змей в золото (чтобы проучить корыстолюбцев), воскрешал умерших, обращал в православную веру иноверцев (например, проповедника арианства на I Вселенском соборе), помогал преодолевать погодные несчастья.

Святитель Спиридон помогал всем, кому это было необходимо. Свой собранный урожай он полностью раздавал бедным, при этом желающие могли потом возвращать или же не возвращать взятое.

В настоящее время к святителю Спиридону Тримифунтскому обращаются с молитвами для исцеления от очень многих заболеваний и, кроме того, для благополучия в хозяйстве и помощи в разрешении различного рода бытовых проблем, в том числе и материальных.

О Великий и пречудный святителю Христов и чудотворче Спиридоне, Керкийская похвало, всея вселенныя светильниче пресветлый, теплый к Богумолитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретики до конца посрамил еси. Услыши, святителю Христов, нас, грешных, молящихся тебе, и сильным твоим предстательством у Господа избави нас от всякаго злаго обстояния: от глаза, потопа, огня и смертоносныя язвы. Ты бо во временней жизни своей от всех сих бедствий избавлял еси люди твоя: от нашествия Агарян и от глаза страну твою сохранил еси, царя от неисцельнаго недуга избавил еси и многия грешники к покаянию привел еси, за святость же жития твоего ангелы невидимо в церкви поющие и сослужащия тебе имел еси. Сице убо прослави тебе, вернаго раба Своего, Владыка Христос; яко и вся тайная человеческая деяния дарова тебе разумети, живущия же неправедно обличати. Многим, в скудости и недостаточестве живущим, ты усердно помогал еси, люди убогия изобильно во время глаза напитал еси, и иная многая знамения силою в тебе живущаго Духа Божия сотворил еси. Сице и нас не остави, Святителю Христов, поминай нас, чад своих, у Престола Вседержителя, и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Святому Духу, ныне и присно и во веки веков. Аминь.

О всеблаженный святителю Спиридоне, великий угодниче Христов и преславный чудотворче! Предстояй на небеси Престолу Божию, с лики ангел, призри милостивым оком на предстоящия зде люди (имярек) и просящия сильныя твоея помощи. Умоли благоутробие человеколюбца Бога, да не осудит нас по беззаконием нашим, но да сотворит с нами по милости своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая даруемая нам от щедраго Бога, но во славу Его и в прославление твоего заступления! Избави всех, верою несумненною к Богу приходящих, от всяких бед душевных и телесных, от всех томлений и диавольских наветов! Буди печальным утешитель, недугующим врач, в напастех помошник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий, и исходатайствуй всем, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, достигнем вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.