Текст книги "Антология хожений русских путешественников XII-XV века"

Преподобная же Евфросиния, видъвше совершену церковь, возрадовася душею, и бысть священие ей – велия радость всъмъ христьяномъ; и собрашася и князи и сильнии мужие, иноки и инокиня410410
  иноки и инокиня… – одно из названий в православии монахини или монаха.


[Закрыть] и простии людие, и бысть торжество велие, и праздноваша многи дни; и разыдошася кождо во свояси.

Видевши, же блаженная, яко исполнилъ есть Богъ желание сердца ея, и вшедши въ церковь, паде ницъ на землю и, вздохнувши изъ глубины души, лице свое мочащи слезами, и нача глаголати: Ты, Господи сердцевъдче, благодателю, Боже богомъ, милостивый Господи, призри на храмъ свой, яже создахъ во имя твое, якоже рече Соломонъ: Вышний не въ рукотворенныхъ церквахъ живетъ. Ты, Господи, призри на мя, на рабу твою Евфросинию, и на рабыня твоя сия, яже собрахъ имя твое, да примше иго твое легкое на выя своя, пойдутъ въ слъдъ тебе, и сотвори я овцы двора твоего и буди имъ пастухъ и дверникъ, да ни едино отъ нихъ не будетъ восхищено волкомъ-губителемъ дьяволомъ, буди имъ, Господи, оружие имъ и забрало, да не приидетъ нань зло, ни рана не подвижится къ тълесемъ нашимъ, и не погуби насъ со беззаконии нашими; на тя бо упование наше положихомъ, яко ты еси Богъ знающимъ тя и тебъ хвалу воспущаю до послъднято моего издыхания въ въки, аминь. Сестры же сице учаше, глаголющи: се собрахъ вы, яко кокошъ птенца подъ крылъ свои и въ паствину яко овца, да пасется въ заповъдяхъ Божиихъ, да и азъ веселымъ сердцемъ подвизаюся учити васъ, видящи плоды ваша трудовная, и толикъ дождь проливаю къ вамъ учениемъ, а нивы ваша во едину миру стоять, не растуще, ни поступающе горъ, а годъ приспъваетъ въ совершение и лопата на гумнъ лежитъ; но боюся, егда будетъ плевелъ въ васъ и предани будите огню негасимому; потщитеся, чада моя, убъжати сихъ всъхъ, и сотворитеся пшеница чиста и смелитеся въ жерновахъ смирениемъ и молитвами и постомъ, да хлебъ чисть принесетеся на трапезу Христову. Сице же и всегда учаще и безпрестани, яко мати чадолюбивая къ дътемъ своимъ любовь показующи.

Мы же на предлежащая возвратимся. Видъвши же преподобная Евфросиния монастырь свой украшенъ и всего благаго исполненъ, умысли создати вторую церковь каменну святъй Богородицъ. И ту свершивши, и иконами украси, и освятивши, предасть ю мнихомъ, и бысть монастырь велий. Видъвши же ближенная монастыря два устроена превелика зъло и пребогата, и рече въ себъ: слава тебъ, Владыко; благодарю тя, святый! что есмь восхотъла, подалъ еси ми и скончалъ, Господи, желание сердца моего; и паки рече: помилуй мя, Господи, и сконча прошение мое, да быхъ видъла пресвятую Богородицу Одигитрию въ сей святъй церкви. И посла слугу своего Михаила въ Царьградъ къ цареви, нарицаемому именемъ Мануилу, и къ патриарху Луцъ съ дары многоцънными, просяще отъ него иконы святыя Богородицы, еже бъ евангелистъ Лука написа 3 иконы еще при животъ святыя Богородицы, и постави едину во Иерусалимъ, а другую въ Царъградъ, а третью въ Ефесъ; она же съ прилежаниемъ прошаше Ефеския иконы святыя Богородицы. Видъвъ же царь любовь ея, и посла въ Ефесъ семьсотъ оружникъ своихъ, и шедше, принесоша икону святыя Богородицы въ Царьградъ. Патриархъ же Лука собра епископы и соборъ весь во святую Софию, и благословивъ, дасть ю слузъ преподобныя Евфросинии. Она же внесши въ церковь святыя Богородицы, постави ю вздъвши руцъ, и рече: слава тебъ, Господи, слава тебъ, и еще реку: слава тебъ, Владыко, сподобивый мя видъти въ днешний образъ матере своея. И се рекши, украси ю златомъ и камениемъ многоцъннымъ, и устави по вся вторники носити ю по святымъ церквамъ. Украси же всю землю Полотскую своима благолъпныма монастырема. И видъвши, яко Богъ просвъти монастыря ея, и вжелъ глаголющи: абы ми дойти святаго града Иерусалима и поклонитися гробу Господню и всъмъ святымъ мъстомъ, видъти и цъловати, и тамо животъ свой скончати. Видъвши же стадо божественныхъ овецъ совокуплено множество, и радовашеся имъ, яко своему спасению, и на всякъ день учаше сестры своя, старыя учаше терпънию и воздержанию, юныя же учаше душевнъй чистотъ и безстрастию тълесному, говънию образну, ступанию кротку, гласу смиренну, слову благочинну, ядению и питью безмолвну, при старъйшей молчати, мудръйшихъ послушати, къ старъйшимъ покорение, къ точнымъ и меньшимъ; любовь безъ лицемърия, мало въщати, а множае разумъти. Тако бо бяше даръ сей данъ блаженной Евфросинии отъ Бога: аще кто ея впрошае о коей вещи, она ему разръшаше чему быти, и кто ея послушаше, той добро получаше, не бо хотяше видъти кого которающася, ни князя со княземъ, ни болярина съ боляриномъ, ни отъ простыхъ кого со своимъ другомъ, но всъхъ хотяше имъти яко едину душу. Посла же по всей братьи своей, повъдающи имъ мысль свою, еже восхотъ ити во Иерусалимъ. Они же слышавше въсть сию, съ жалостию многою съехашася от всюду ко блаженнъй Евфросинии и моляху ея со слезами, дабы ихъ не оставила сирыхъ. Она же тыпаше благимъ смысломъ своимъ, яко мати дъти своя любящи.

И бъ любимъ ей брать Вячеславъ; приъха и той къ сестръ своей Евфросинии со княгинею и съ дътьми своими, и пришедъ, поклонися ей и рече: госпоже моя мати и сестро, что оставлявши мя, правителю души моей и свъти очию моею? И горько ему плачущуся, блаженная же Евфросиния повелъ ему ити къ домови, дъти же его повелъ оставити у сестры своя Евдокеи. Данъ же бысть даръ блаженнъй Евфросинии отъ Бога сице: кого зряше очима своима, то разумъяше, въ коемъ человъцъ сосудъ будетъ избранъ Богови. Тогда же преблаженная Евфросиния видъвши братаинъ свои, и рече има: хощу ваю обручити жениху безсмертному и ввести въ чертогъ царства его. Онъма же послушающема, усладися душа ею паче сота медвена словесемъ преблаженныя Евфросинии, и падше на ногу ея, глаголаста къ ней: воля Господня да будетъ и твоя святая молитва, яко хощеши, сотвори нама, госпоже. Преподобная же Евфросиния съ радостию и съ поспъшениемъ призвавши брата своего, и рече ему: азъ хощу пострищи Кираану и Ольгу, тако бо и бяста нарекла родителя ею. Смяте же ся отецъ ею о словеси семъ и рече: госпоже моя, что ми хощеши сотворити? два плача прилагавши души моей, да плачуся отхода твоего ради и сътую чаду дъля своею. Мати же ею жалобно терзашеся. Блаженная же Евфросиния, пославши, призва епископа, тогда столъ правяща святъй Софии, нарицаемаго Дионисия, и введши ю въ церковь, и повелъ острищи ею и нарече имя Кироаннъ Агафия, а Ользъ Евфимия: и благословивши и благословениемъ святый отецъ, сама же блаженная Евфросиния положивши великое устроение объма монастырема, братии и сестрамъ, и дасть держати и рядити сестръ своей Евдокеи обама манастыря, сама же, поклонившися въ церкви святаго Спаса и у святыя Богородицы, и рече: Господи сердцевидче! се оставляю домъ твой незатворенъ никомуже; ты же, Господи, не затвори отъ насъ небеснаго ти царствия. И тако поиде во Иерусалимъ, поимши съ собою брата своего Давида и сестру свою Евпраксию. Вся же братия горько плакахуся отхода ради госпожи своея, и вся граждане выидоша проводить ея; старии плакаху яко дщери, рекуще: увы, намъ, вожу старости нашея, просвъщение душъ нашихъ, подпоре немощи нашей; юнии же глаголаху: камо заходиши, свъте очию нашею? кто нашу юность укръпитъ воздержание юности нашея! не оставляй насъ сиры, но въ молитвахъ своихъ не забывай насъ. Она же целовавши всъхъ, благословивши и воззръвши на небо, рече: ты, Господи сердцевидче, ходивый со Авраамомъ, иди съ нами рабы твоими, съ Евфросиниею, съ Давидомъ и съ Евпраксиею. И тако поидоша всъ, еже суще съ нею. О дивное чудо, не бывавши ни въ коей странъ, ни во градъ, ни въ селъ! Нынъ же, вземши мужескую кръпость, премину вся грады и власти, и приимаше отъ всъхъ князей честь велику. И тако пришедше въ страны, и сръте ю царь, идый на Угры, съ великого честию, посла ю въ Царьградъ. Она же пришедши и вшедши въ великую церковь святыя Софии, и поклонися, таже и всъмъ святымъ Божиимъ церквамъ, и благословися отъ патриарха. И покупивши разноличныя фимиамы и кадильницу злату, и иде во Иерусалимъ. И пришедше во Иерусалимъ, посла слугу своего Михаила тогда сущему патриарху, глаголюще: владыко святый, сотвори милость на мнъ, повели, да отворятмися врата Христова. Онъ же повелъ прошению ея быти. Пришедши же ко вратомъ, па– де на земли, глаголющи: Господи Иисусе Христе, не вмъни ми сего въ гръхъ, занеже изволихъ по стопамъ твоимъ ходити и внидохъ въ святый градъ сий. И цъловавши врата и сущий съ нею, и вниде во градъ и иде ко гробу Господню, и пришедши, поклонися и цълова гробъ Господень и сущий съ нею, и покади гробъ Господень златою кадильницею и многоразличными фимияны, и изыде и обита у святыя Богородицы въ Русскомъ манастыри. И во вторый день иде второе ко гробу Господню и такоже сотвори, поклонися и цълова и покадивши, изыде. Въ третий же день тоже сотвори, и давши злата много и поставивши кадильницу злату на Гробъ и многоразличныя фимияны воззръвши очима своима и руцъ воздъвши на небо и со слезами воздохнувши изъ глубины сердца, глаголаше: Господи Иисусе Христе сыне Божий, рожейся отъ приснодъвы Марии спасения ради нашего, реклъ ей: просите и приимете; азъ же грешная егоже, просихъ, получилъ отъ тебе, Владыко; се же и еще прошу у тебе, милостиве, да скончаю мъсто прошения моего: приими духъ мой отъ мене во святъмъ градъ твоемъ Иерусалимъ и пресели мя въ вышний градъ твой Иерусалимъ, и покои мя на лонъ патриарха Авраама со всъми угодшими, аминь.

И сице ей глаголавши, изыде въ преже реченный манастырь святыя Богородицы, идъже бъ обитала; ту же посъщениемъ Божиимъ впаде въ недугъ и нача болъти. И лежащи на ложи своемъ, глаголаше: слава тебъ, Владыко, яко восхотъ, и сотвори намъ рабъ твоей. И тоя же ради болъзни не може ити на Иерданъ; иде брать ея Давидъ и сестра ея Евпраксия и сущий съ ними; она же, лежащи на ложи своемъ, хваляше Бога, глаголющи: Господи, призри не рабу твою Евфросинию и помилуй мя. И приидоша бывши на Иерданъ принесоша ей воды отъ Иордана; она же съ радостию воставши и приемши и пивши, и облияся по всему тълу своему, и возлегши на ложи, и рече: благословенъ Богъ, просвъщая, всякаго человъка, грядущаго въ миръ! въ въки молюся человеколюбивому Богу, ревнующи Петрову покаянию, еже въ отвержении не отчаявше себъ, но плакася горко; Господи, приимый того покаяние, приими и мене недостойную рабу твою Евфросинию, молящуся на супротивника своего диавола, да не возглаголетъ ми на страшнемъ судъ ничтоже предъ тобою, Господи, онъ злый рабъ; вступивъ бо ногама своима но змиевую его главу, и супротивихся дерзости его окаянной, надъющися на твое человъколюбие, Господи. И услыша Богъ молитву ея, и посла ангела своего къ ней, глаголющи: блаженна ты еси въ женахъ, благословенъ трудъ твой; се уже отверзоша ти ся двери породныя, и вси ангели собрашася, держаще свъщи, чающе твоего срътения; а даръ, егоже просиши у Бога, дасть ти ся. И се рекъ ангелъ, отыде отъ нея.

Блаженная же Евфросиния возрадовася душою и вскоре посла въ лавру Святаго Саввы, глаголющи: се уже приспъ время, даже мя Богъ покоить, и приимете мя, абыхъ легла въ церкви святаго Саввы. Отвъща же ту сущий иноцы, глаголюще: имъемъ запрещение отъ святаго Саввы, еже жены не приимати никоеяже; но се ти есть монастырь святыя Богородицы Феодосиевъ общий, въ немъже лежать святыя жены мати святаго Саввы и мати святаго Феодосия и мати святую безмезднику Козмы и Дамияна, именемъ Феодотия, и инии мнози святии; ту ти подобаетъ лещи. Пришедши же посланному отъ нея, и возвъсти Евфросинии. Она же о всемъ похвали Бога, и пославши купи гробъ въ комаръ святыя Богородицы. Лежаше же въ болезни своей 24 дни, и познася при скончании, и рече: призовите ми пресвитера, да ми дасть причащение святыхъ таинъ, ужо бо зватай близь предстоитъ, ждый повелъния владычня. И прииде пресвитеръ, несый причащение. Она же вставши, поклонися трижды, и приемши пречистое тъло и честную кровь Христову, и возлеже на одръ своемъ, и предасть душу свою въ руцъ Бога жива, мъсяца мая въ 24 иде въ покой небесный. Давидъ же и Евпраксия и съ прочими спряташа тъло ея честно.

Киимъ убо языкомъ, братие, достоитъ ми похвалити свътозарную память, преблаженныя невъсты Христовы Евфросинии? Бяше бо помощница обидимымъ, скорбящимъ утъшение, нагимъ одъние, больнымъ посъщение, и съ проста реши, всъмъ всяка бысть. Евфросиния убо сердце свое напаяше Божия премудрости; Евфросиния неувядающий цвътъ райскаго сада; Евфросиния небопарный орелъ, попарившия отъ запада до востока, яко луча солнечный просвътившия землю Полотскую. Тъмъже хвалится Селунь о святъмъ Димитрии, а Вышгородъ мученикома Борисомъ и Глъбомъ. Азъ же хвалюся: блаженъ се и ты, градъ Полотский, такову лъторасль возрастивый, преподобную Евфросинию. Блажени людие, живущи во градъ томъ; блажени родители твои; блажена утроба, отъ неяже изыде преподобная госпожа Евфросиния, блажено рождество ея; блажено воспитание ея; блаженъ и возрастъ ея, Евфросиния достохвальныя; блаженъ трудъ твой и подвизи, яже къ Богу; блаженъ и манастырь твой; блажены и живущий въ манастыръ святаго Спаса и святыя Богородицы; блажени и людие, послуживший тебъ. Но, о преблаженная невъста Христа Бога нашего, молися къ Богу, о стадъ твоемъ, еже еси совокупила о Христъ, яко Тому подобаетъ всяка слава, честь и поклонение со Отцемъ и со Святымъ Духомъ нынъ и присно и во въки въковъ, аминь.

Памятники старинной русской литературы, издаваемые графомъ Григорием Кушелевым-Безбородко. СПб., 1862. Вып. 4. С. 172-179. В основу этого издания положена рукопись XVI в. Троицкой Лавры, л. 206-225.

Публ.: Сапунов А. Древности Спасо-Евфросиниевскаго девичьего монастыря в Полоцке. Полоцк, 1885. С. 2-5, 9-12; Он же. Витебская старина. Материалы для истории Полоцкой епархии. Витебск, 1888. Т. 5. С. 12-15; Преподобная Евфросиния Полоцкая. Минск, 1997. С. 56-57; Назаренко A.B. Древняя Русь на международных путях. М., 2001. С. 632-634.

Речь идет о святой Евфросинии Полоцкой – известной просветительнице Северо-Западной Руси, внучке Всеслава Брячиславича Полоцкого – героя "Слова о полку Игореве", совершившей в 70-е годы ХП в. паломничество в Иерусалим.

В Житийном сообщении о Евфросинии (житие ее – в макарьевских ЧетьихМинеях, изданных в Москве в 1829 г.), уцелевшем только в обработке XV-XVIII вв., рассказывается, что происходила она из знатной семьи, в детстве носила княжеское имя Предслава, но еще ребенком испытала на себе жестокость не утихавшей междоусобной борьбы киевских и полоцких князей.

Сын Владимира Мономаха Мстислав сослал полоцких князей – сыновей Всеслава – вместе с их семьями в Византию на кораблях.

Княжна Предслава – старшая дочь полоцкого князя Георгия Всеславича – с юных лет посвятила себя учению, отреклась от мирской жизни, тайно постриглась в монахини и удалилась, вопреки воле родителей, в монастырь, приняв имя Евфросиния. Вместе с сестрой она поселилась в Софии Полоцкой – главном соборе города – и занялась переписыванием книг. Впоследствии, по благословению епископа Исайи, в двух верстах от Полоцка, на месте, где погребались полоцкие епископы, Евфросиния основала женский Спасо-Евфросиньин, или Спасский-на-Сельце монастырь. Вероятно, именно в этой обители она получила звание игумений. В число своих помощниц она приняла в обитель родную сестру Гориславу, постриженную в инокини с именем Евдокии; двоюродную сестру Звениславу, двух дочерей брата своего Вячеслава, Киринию и Ольгу.

Управляла преподобная Евфросиния основанной ею обителью до глубокой старости и, исполняя давнее свое обещание, совершила паломничество в Константинополь (Царьград), где ее принимал патриарх, а затем в Иерусалим – поклониться Гробу Господню (возможно, под впечатлением от широко известного на Руси "Хожения игумена Даниила" по святым местам Палестины).

ХОЖЕНИЕ В ЦАРЬГРАД ДОБРЫНИ ЯДРЕЙКОВИЧА

Книга паломникъ зъ богомъ починаемъ

Сказание мъстъ святыхъ во Царьградъ

Благослови отче!

Се азъ недостойный, многогръшныи Антонеи, архиепискоггъ Новогородскый, Божиимъ милосердиемъ и помощию святыя Софии, иже глагалется Премудрость. Присносущное Слово, прийдохомъ во Царьградъ.

Преже поклонихомся святъи Софъи и пресвятаго Гроба Господня двъ досцъ цъловахомъ и печати гробныя и икону пресвятыя Богородицы, держащую Христа; въ того Христа жидовинъ ударилъ ножемъ въ гортань, и изошла кровь.

А кровь же Господню, изшедшую изъ ыконы цъловали есмя во олтари маломъ. Во святъи же Софии во олтари кровь и млеко святаго Пантелъимона, во единой въти не смятшися и глава его; и глава Кондрата апостола и инъхъ святыхъ мощи, и глава Ермолы и Стратоника и Германова рука411411
  …кровь и млеко святаго Пантелъимона… глава Кондрата апостола… глава Ермолы и Стратоника и Германова рука… – Речь идет о святых для христиан реликвиях, которые хранились в храме Святой Софии.


[Закрыть], еюже ставятся патриарси и икона Спасова, юже послалъ святый Гермонъ чрезъ море безъ корабля посолствомъ въ Римъ; и блюдома въ мори, на неиже Христосъ вечерялъ со ученики своими въ великий четвертокъ; и пелены Христовы и дароносивыя сосуты златы, иже принесоша Христу съ дары волсви; и блюдо велико злато, служебное, Олгы Рускои412412
  …блюдо велико злато, служебное, Олгы Рускои… – Имеется в виду золотое блюдо, преподнесенное византийским императором Константином Багрянородным новообращенной княгине Ольге.


[Закрыть], когда взяла дань, ходивши ко Царюграду.

Городокъ малъ есть Цариградъ на Испиганьскои странъ по странъ жидовъ.

Во блюде же Олжинъ камень драгии, на томъ же камени написанъ Христосъ; и отъ того Христа емлютъ печати людие на все добро: у того же блюда все по верхови жемчюгомъ учинено. Ту же есть во олтаръ телъга сребряна Константина и Елены и иныхъ служебныхъ, золотыхъ блюдъ съ камениемъ драгимъ и зъ жемчюгомъ и сребряныхъ множество разноличныхъ, яже износятъ на службу во всяку недълю и въ Господьския праздники. Ту же есть во олтари вода, и приведена по трубамъ исъ колодязеи.

И въ ней двери олътяря малаго стоить кресть мърныи: колико былъ Христосъ возвышенъ плотию на земли; и за тъмъ крестомъ лежить Аньна, иже давала дворъ свои святъи Софъи (на немъ же и поставленъ малый олтарь), и того ради положена бысть ту.

И отъ того же олтаря недалече Мироносица поютъ; и стоить предъ ними икона велика пречисты Богородицы, держащи Христа; и шли слезы отъ очию ея на очи Христа Бога нашего; и даютъ воду, иже во олтари, на помазание всъмъ человъкомъ.

И оттоль на той жъ странъ церкви есть святаго апостола Петра, а въ ней лежитъ святая Феофанида, иже ключь деръжала святъи Софъи; тыя же ключя цълуютъ; ту же есть во церкви коверъ свята– го Николы виситъ; ту же висятъ Петровыхь веригъ желъзо, вновано въ золотую икону; на праздник же Петровыхь веригъ цълуетъ патриархъ и вся люди.

А оттолъ же во другой церкви лежить преднии амъбонъ хрусталенъ, егоже избилъ верхъ святъи Софъи падся.

Отъ Мироносицъ же близъ во святъи Софии есть гробъ малъ дътища святаго Анъфиногена. Понеже посла Богъ по душу аггела, служащу святому Анфиногену со дътищемъ во церкви, и пришедъ аггелъ Господень во церковь, ста и глаголя Анфиногену: Се мя Богъ послалъ по душу отрочища сего, да ю восприиму. И глагола святый Анфиногенъ аггелу: Пожди, дондеже сконьчаю со дътищемъ святую службу сию Богу твоему и моему, Творцу небеси и земли, пославшему Сынъ свой къ намъ недостойнымъ и многогръшнымъ на очищение гръховъ и на спасение душъ нашихъ и на пождание обращающимся отъ гръховъ и кающимся ко Господеви. И той глаголалъ смиреныи слыша аггелъ Господень отъ Анфиногена, восприимъ послушание, и ста службъ его жды, дондеже скончаетъ жерътву. И совершивъ Анфиногенъ службу со дътище и емъ за руку дътища и поклонився аггелу Господню и давъ его; аггелъ же Господень приимъ душу дътища и иде къ Богу радуяся и веселяся, и славу возда Богу о спасении души отрочати. И инъхъ же гробовъ во святъи Софии нъсть, развъе того. И у того гроба есть кандило: па– лося съ масломъ на мраморъ и не разбилося; тоже мъсто огорожено есть древомъ, да на не человъцы не ступятъ.

И оттолъ же столпъ есть, идучи ко дверемъ, святаго Григория чюдотворца, обить досками мъдными: у того столпа явился святый Григории; и народъ цълующе и трутся перьсмьми и плещама около столпа на исцълъние болъзнемъ; и ту стоить икона святаго Григория; и ту же у столпа на память его празднуетъ патриархъ, положивъ мощи его.

И толъ же утвердивъ и на степени, написанъ образъ Спасовъ413413
  …написанъ образъ Спасовъ… – Чудесный интерьер собора Святой Софии дополняли иконы, с которыми были связаны легенды. В данном случае речь идет об образе Спаса с недописанным мизинцем, который обладал способностью слышать и видеть, а также вмешиваться в ход событий и восстанавливать справедливость.


[Закрыть] великъ мусиею; и у правыя руки не написалъ палца, а весь написавъ, реклъ писецъ зря на нь: Господи, како еси живъ былъ, како же тя есмь написалъ. И гласъ отъ образа глаголя: А когда Мя еси видълъ? И тогда писецъ онемъвъ и умре. И той перъстъ не писанъ, но скованъ сребрянъ и позлащенъ.

На странъ же дверий стоить икона велика, а на ней написанъ царь Корлъи414414
  …царь Корлъи… – Как полагают византинисты, имеется в виду Лев Премудрый.


[Закрыть] о софосъ, и у него камень драгии въ челъ и свътитъ въ нощи по святъи Софъи. Той же царь Корлъи вземъ грамоту во гробъ у святаго пророка Данила и переписалъ ю философьски, кому же быти царемъ во Царъградъ, дондеже и стоить Царьградъ.

У царьскихъ дверей иже есть мъдянъ романистъ, рекше наровъ, въ нюже замычютъ и заключиваютъ зайския двери; ту же народъ накладывают, у врать мужъ и женъ, да аще кто будетъ ядъ змииныи снълъ или отравление каково, то не можеть его выняти изо ръта, дондеже вся злоба изыдетъ слинами изо устъ.

У олтяря же великаго на лъвои странъ мъсто, идъже глаголалъ аггелъ Господень ко отрочищу: "Не иду отъ места сего, дондеже стоить святая София". На томъ же мъстъ три иконы поставлены, а на нихъ написано три аггелы и множество ту народа Бога молятъ. И оттолъ близь мъсто, идъже миро священное варятъ иконами ветхими, иже не знати святыхъ, и тъмъ же миромъ дъти крестятъ. На той же на лъвои странъ горъ у терема великаго сошита пазуха златомъ, злата же вышло 4 капи. Въ велицъмъ же теремъ кандиль 80 всъ сребляни, и на праздники Господьския новыя измъняютъ, а и инъхъ кондилъ по всей церкви много, а вся сребряныя; яблоковъ златыхъ множество.

Во олтари же великомъ надъ святою трапезою великою на средъ ея подъ катапезмою повъшенъ Коньстянтиновъ вънецъ и у него же повъшенъ кресть: подъ крестомъ голубь златъ; и иныхъ царей въчны висятъ окрестъ катапетазмы. Та жъ катапезма вся сотворена отъ злата и сребра, а столпия олтарьныя и амъбонъ – все сребряно. А у катапезмы повъшены вънцы малы, 30 ихъ, въ память всъмъ християномъ и въ незабытии Июдиныхъ ради 30 сребреникъ, на ниже Господа Бога предаде. Тъмъ же речено бысть: Ядыи мои хлъбъ возвеличилъ есть на Мя лесть. Да разумъвше вси християне блюдутся Июдинаго злаго и неправеднаго сребролюбьства. Прежние же святители служаху завъсою паволочитою, повъсивше катапезму. Чего же ради та бысть? Видъния ради женьска и всего народа, да не мутнымъ умомъ и сердцемъ Богу вышнему, Творцу небеси и земли, службу вослютъ; потомъ же еретицы паки вземше тъло Господне и кровь, не въдущу никомуже завъсы ради, выплевавше воступаху ногами; ту же ересь увъдъвше святии отцы Духомъ, привязавше завъсы ты ко столпомъ катапезмы и къ патриарху и къ митрополиту и къ епископу, и приставиша протодьякона, да зритъ, да безъ ереси праведно служить Богу. Тъмже завъса въ Распятие Господне раздрася до долу безакония ради жидовьскаго и тма бысть по всей земли: гроги отверзошася и мертвыхъ телеса восташа, да бы, видъвше чюдо то, познали Сына Божия; зависти же ради и гордости не покоришася, ни покаяшася, ни поклонишася Сыну Божию каменносердыи родъ Еврейский, да тъмъ чюдомъ обличени будутъ во страшное судище не токмо жидове, но и вси невърнии, занеже видять чюдо то бывшее о Сынъ Божий и не въруютъ въ онь: Христосъ бо, великое милосердие имъя на жидъхъ, той чюдо сотвори, да бывше видъвше и слышавше, познали Сына Божия и покаялися о безаконнъмъ своемъ убийствъ. Жидове же познаша о чюдиси Сына Божия, но ни покоришася, ни покаяшася зависти ради и гордости; про зависть бо и про гордость аггели съ небеси свержени быша и претваришася въ бъси. Что бо ради печаловашеся Исусъ, идя ко кресту? Слыши бо, что рече во евагтелии Христосъ: яко прискоръбна есть душа Моя до смерти. Се же рече Господь, яко печалую не зане умрети хощу, но зане Израильти свои быша, и ти хотятъ Мя распяти, и того ради отврещися имъ царствия Божия.

Во святъи же Софъи сохранени быша скрыжали Моисъова закона и киотъ, въ немъ манна.

Аллилуйя поюще на амбонъ: подьяцы держать скрыжали во Моисъовых мъсто, а переносу поютъ скопцы, а подьяцы прежде, и потомъ поеть чернець единъ; и тогда дары Господня понесутъ много поповъ и дияконовъ, бываетъ же тогда плачь и умиление и смирение велико отъ всего народа не токмо дне во святъи Софии, но и на полатахъ. Какъ же ли тогда страхъ и смирение и умиление епископи, попове и дьякони имъютъ въ той честнъи службъ? Каки ли изрядныя дароносивыя златыя сосуды, каменьемъ и жемчюгомъ украшены и сребряныя? И какъ понесутъ свътозарныи иеросалимъ и рипиди, и тогда воздыхание и плачь бываетъ людемъ о гръсъхъ. Кии умъ, и какова душа иже не помянетъ тогда о царствии небеснъмъ и о жизни безъконечной? И въ каковой же ли чти и во смирении патриархъ службу совершаетъ? Се же, братие, поминающе поревнуемъ таковой же службъ быти со страхомъ, да получимъ добрую жизнь въ сии въкъ и въ будущий.

И се же чюдо и страшно и святое явление. Во святъи Софъи во олтари великомъ за святымъ престоломъ стоить кресть златъ, выше двою человъкъ отъ земля, съ камениемъ драгимъ и жемчюгомъ учиненъ; а предъ нимъ виситъ кресть златъ полутора лохти; водлъе трехъ вътеи повъшена 3 кандила злата, а горитъ въ нихъ масло, а четвертую вътвии отъ верху повержено; та жъ кандила со крестомъ учинилъ великий царь Иустиянъ, иже святу Софию поставилъ. Та жъ 3 кандила со крестомъ Духомъ Святымъ вознесошася горъ; выше великаго креста и паки снидоста низу тихо и не угасла. То же было чюдо по заутренъи предъ почятиемъ литургии: иереомъ во олтари зрящимъ. И людие вси во церкви видъвшие со страхомъ и радостию великою рекоша: Уже насъ християнъ посътилъ Богъ милостию своею и молитвами пречистыя Богородицы и святии Софъи, Премудрости Божий, и молитвами царя Коньстянтина и матери его Елены: хощетъ ны дати Богъ жития, якоже при Коньстянтинъ было, и болъ нынъ того будетъ; приведетъ Богъ поганыя жидове во крещение и будуть християне во единой любви, не имуще рати межу собою; но токмо на тъхъ имутъ воевати, кто не восхощетъ во крещение внидти, да и волею и неволею принудить ихъ Богъ внити во крещение; обилия же всего добра на земли будетъ множество, и правда и святымъ житиемъ начнутъ жити людие, обиды же не будетъ, земля изнесеть плодъ отъ себе Божимъ повелъниемъ аки медь и млеко, добраго ради жития християньскаго. Се же чюдо свято и честно явилъ Богъ въ лъто 6708-е, при моемъ животу, мъсяца майя, на память святаго царя Константина и матери его Елены въ 21, въ день недъльныи, при царьствъ Алексъевъ и при патриарсъ Иваннъ415415
  …при патриарсъ Иваннъ… – Речь идет о патриархе Иоанне Каматире (1198-1206), который покровительствовал иконописцам.


[Закрыть], на соборъ святыхъ отецъ 318, а при посольствъ Твердятине Остромирица, иже пришелъ посольствомъ, отъ великаго князя Романа416416
  …иже пришелъ посольствомъ, отъ великаго князя Романа… – Новгородец стал свидетелем пребывания в Константинополе посольства волынского князя Романа. Византию тревожили набеги половцев, поэтому император Ангел Комнин III обратился к князю Роману с просьбой спасти христиан, которых захватили в плен варвары. Его послы вели переговоры об участии русских войск в борьбе с нашествием врагов. Князь Роман разгромил половцев, освободил пленных и с победой вернулся на Русь.


[Закрыть] со Неданомъ и со Дмажиромъ и со Дмитриомъ и съ Негваромъ посломъ.

Во святъи же Софъи у олтаря на правой странъ ту есть мороморъ багрянъ, и ту поставляютъ, престолъ златъ и на престолъ поставляютъ царя на царьство: и по странамъ того мъста есть мъсто огражено мъдию, и да на не человъцы не воступаютъ, но то мъсто цълуютъ народи: на томъ бо мъстъ молилася святая Богородица къ Сыну своему и Богу нашему за родъ християньский; то же видълъ святый попъ въ нощи, стражь нощныи. И на той же странъ поставлена икона велика святыхъ Бориса и Глъба и ту имъютъ писцы.

И горъ на полатахъ стоить, патриархъ, коли служатъ.

Во притворъ же за великимъ олтаремъ вчинены во стенъ Гроба Господня верхъняя доска и посохъ желъзенъ; ту же и свердьлы и пилы, ими же чиненъ кресть Господень, и уже желъзно, во дверехъ, Петровы темницы, и древо, иже на шии у Христа подъ желъзомъ было; то же вчинено во икону крестомъ. Въ томъ же притворъ надъ дверьми горъ написанъ Стефанъ первомученикъ; предъ нимъ же подымаютъ кандило; и кому очи болятъ, обвиваютъ тъмъ ужемъ главу и здрави бываютъ очима. Ту же икона есть, въ ню же уразилъ жидовинъ Христа въ гортань. И ту же есть труба мъдная Ерихоньскаго взятия Исуса Навгина. И ту же есть камень мраморянъ, издолъбленъ аки кадь, кладязя Самаръска, у него же глаголалъ Христосъ къ Самаряныни: "Дай же Ми воды питии". Въсквозъ бо той камень Самаряне черпаху воду.

А оттолъ святый Аверкии417417
  …святый Аверкии… – Речь идет о святых мощах.


[Закрыть] и Григореи Великия Армении и Селивестръ лежать, и ту жъ главы Кира, Иоана, и иныхъ святыхъ мощи много во святъи Софъи.

Ту же и крестилъница водна и написанъ въ ней Христосъ во Иерданъ крестится отъ Иоана, со дъяниемъ написанъ. И какъ Иоанъ училъ народы и какъ младыя дъти металися во Иоданъ и людие, то же все Павелъ хитрый писалъ418418
  …все Павелъ хитрый писалъ… – Иконописец Павел.


[Закрыть] при моемъ животъ; и нъту таково писмени. И ту же есть древа и чинить въ нихъ патриархъ икону святаго Спаса 30 лакотъ возвышъ. И Павелъ преже Христа написалъ со драгимъ камениемъ и со жемчюгомъ: вапъи стеръ на одномъ мъстъ. У святыя же Софъи стояти той иконъ и до днесь.

И егда же заутренюю пити хотятъ у святыя Софъи, прежде поютъ предъ царьскими дверьми во притвори, и вышедъ поютъ посредъ церкви и двери отворять раиския и третьяя поютъ у олтяря. А въ недельный же день ставаетъ патриархъ на утрении и на объднъ и въ Господьския праздники, и тогда благословляетъ пъвцовъ съ полать; они же, оставлыне пъние, понихронию кличють и потомъ начнутъ пъние красное и сладкое, аки аггели, и тако поютъ до объднии; а кончявше утренюю и разболокшися, вышедъ вонъ возмутъ у патриарха благословение службы дъля литоргии; а по заутрении чтутъ Прилогъ до объдни, на омбонъ возшедше. И егда кончаютъ Прологъ, и тогда почнутъ литоргию.

А службу кончавше молитву дорную глаголетъ старъи иереи во олтари, а 2-й иереи глаголетъ молитву ту же во церкви за омбономъ; и кончавшу молитву кождо, и благословяютъ люди. Тако же порану и вечерню поютъ, а колокола не держать во святъи Софъи, но билцо мало въ руцъ держа, клеплютъ на заутрени, а на объдни и на вечерни не клеплютъ. А по инымъ церквамъ клеплютъ а на объдни и на вечерни; било же держать по агтелову учению; а въ колокола Латыни звонятъ.

И есть во Цариградъ Неусыпающии монастырь419419
  …Неусыпающии монастырь… – Славился непрерывными псалмопениями, продолжавшимися в нем круглосуточно. Чтобы служба не кончалась ни днем, ни ночью, все братство монахов делилось на смены.


[Закрыть]. По вся бо недъли по церквамъ неизменно стоять, чрезъ нощь до свъта молящи Бога и тако творятъ присно; покаялныхъ отцевъ бълцевъ не держать, но иноковъ старых, умъющихъ заучити закону Господню. Се же во царскихъ Златыхъ полатахъ: крестъ честный, вънецъ, губа, гвозди, кровь же лежаше иная, багряница, копие, трость, новой святыя Богородицы и поясъ и срачица Господня, платъ шейный и лентии и калиги Господня, глава Павълова и апостола Филиппа, тъло, Ешгмахова глава и Феодора Тирона мощи, рука Иоана Крестителя правая, и тою царя поставляютъ на царство; и посохъ желъзенъ, а на немъ крестъ Иоана Крестителя, и благословляютъ на царство; и убрусъ, на немъ же образъ Христовъ, и керемидъ двъ и лоханя Господня мороморана и другая лоханя меньшая, мраморяна же, въ ней же Христосъ умылъ нозъ ученикомъ, и креста два велика честная. Се же все во единой церкви въ малеи во святъи Богородицы.