Текст книги "Антология хожений русских путешественников XII-XV века"

Оттоле пойти к Манганом: с полудни войти в манастырь, есть пред церковью чаша камена велика на столпе, а над чашаю теремець свинцем побит; межю столпов брусием каменым огорожена, по брусью вырезаны еуангелисты и апостоли и столпы с вырезы. А войдя во церковь пойти къ алтарю: пред олтарем на правой стороне есть ларець великь, верх ларца распятие серебрено; в том ларци иныи ларець; в 3-мь ларьци лежат страсти господни. Тот ларець златом окован. Аще кто приидет убогыи человек на поклонение страстем господним до великаго четверга и по страстех господних, пришед быет челом перед ларцем и целует в распятие и в ларець, и велико прощение бывает. А во олтаре лежит святаго Андреа глава. И выйдя ис церкви на правой стороне в притворе есть иконы две: тыи иконы писал Премудрый Лев430430
  …Премудрый Лев… – Византийский император Лев VI Мудрый (886-991), ценитель наук и искусств. Исторические предания и легенды связывали с его именем многие памятники живописи, архитектуры и скульптуры.


[Закрыть]. На одной писал цари, а на другой писал патриархи; царей писал 80 до скончания Царьграда, а патриархов писал 100. На одной написано царев 80 без 3-х, а еще трем царем быти, а на второй патриархи: было 100 и 30 без единого, а еще 13-мь быти. И си цари минут и патриархы, тогды Царю-граду скончание будет. А то бог ведаеть о твари своей. А от Андреа апостола по Львову пророчеству последний царь на Цариграде 80-ны Мануил царь, Калуянов сын431431
  …Калуянов сын… – Имеется в виду император Мануил I Комнин (1143-1180), сын императора Иоанна (Калуяна).


[Закрыть], а потом един бог весть, а патриархов шесть еще.

Есть на заду Манъган близ на восток над морем есть церковь святый Спас: сам преобразилъся на стене; тот Спас много болных исцеляет. В той же церкви лежит святый Аверкии в теле; святаго Аверкеа поднимают во всякую среду и пяток, поставляют его, больным исцеление от него бывает. Також и святою Ани знаменются крестьяне, прощениа от неа бывает.

А под Спасом есть святаа вода, межю стены граднои и морем заключена в голупции в каменом; тою водою умываются и пьют ея, исцеление от нея бывает. Туто ж близ святыа воды всъкраи моря болныи погребают ногы в песок: червие избегают из ног и изо всего тела и бывают здрави.

А от Манъган на запад к Василком идя есть церковь: святый Андреи Критьскии в теле лежит, а входяи вь церковь на правой стороне, знаменаются имь крестьане, исцеление от него бывает.

От святыа Софеи пойти на полдне къ цареву двору Костяньтинову есть на леве церков святаа Еуфимиа, идеже собор июля в 16 день бысть святых отец 40 и утвержан быст веры святою Еуфимиею; туто лежит святой Еуфимии глава златом окована. Туто ж святый Михаило лежит в теле, знаменаются им крестьяне, исцеление от них бывает.

Оттоле на царев двор на полдень: есть царьвь двор Костянтинов над морем над Великым432432
  …над морем над Великым… – Речь идет о Мраморном море.


[Закрыть]; есть на Цареве дворе узорочье: над морем высоко велми поставлен столп камен, а на том столпе 4 столъпци каменых, а на тых столпцех положен камен синего аспида, а в том камени вырезаны псы крылаты и орли крылаты камены и бораны каменыи; бораном рога збиты, да и столпы обиты; то ж били фрязове, коли владели Царимградом, и иных узорочеи много потеряли. А под стеною въскраи моря медведи камены и зубри каменыи, да была мовница Костянтинова высоко велми, близ стены, тамо же Лев царь и воду возвел, да и вода возведена была там и корыта аспидна, у него же корыта нищий приходящий мыяхутся, желобы были аспидный.

А в угли мовни тоя полож бочку древяну велику, збиту обручи железними; у нея ж 7-мь гвоздь, да какову хто хочет воду, такову же и точит; а мзды не имает ни у кого же мьющихся: на тоже постави страж в другом угли болван, аки человек камен, и лук медян в руце его и стрела медяна ж, да аще кто у кого захочет взяти мзда, то он устрелит бочку, и не будет воды от нея. А возле бочки устрой фонарь огражен стеклом латыньским, иже горяще день и нощь непрестанно. Рекоша ми неции, яко после Льва царя 300 лет бысть мовница сии, мьяхуся в ней, и не престояше вода текущий из бочки тоя, и фонарь горяще; и егда фрязи начата взимати мзду, тогда той болван и удари в бочку, и бочка раседеся и фонарь погаше; они же отроша главу болвану тому; тем же многа фрязи истеряли узорочья. А под царевым двором ины были полаты: в тых полатах есть чаша царицина святые Елены воды была полна; приходячи крестьане и фрязове взимали воду от чаши комуждо колико надобе, а воды не убывало, но всегда стоала полна, от тое воды бывало исцеление болным, а на сих летех пражна чаша стоит.

А со царева двора пойти ко Игрищу на запад433433
  …пойти ко Игрищу на запад… – Ипподром византийской столицы.


[Закрыть], есть Игрище близ царева двора. То было Игрище многыми чюдесы украшено да и еще много знамении на нем еще есть: столпов 30 стоать от Великаго моря, да у всякого столпа колца железна, а верху столпов брусьем каменым переходы измощены от крайнего столпа до крайнего. А от тых столпов пойти ко Игрищу есть на левой стороне на столпе две жене каменых аки живи: тыи жены обличали, котораа жена от мужа блудить.

Оттоле поиде мало есть на левой стороне 3 змеи медяны434434
  ..3 змеи медяны… – Имеется в виду знаменитая Змеиная колонна, привезенная в Константинополь Константином I из античного храма Аполлона в Дельфах. Она является произведением древнегреческого искусства и изображает трех бронзовых змей, перевитых между собой.


[Закрыть]: тыи змии поворачиваются трижды летом коли солнце в летнюю звезду вступит, да коли на истом високосте будет.

А туто же на леве столп камен аспиден велик, поставлен на четырех ладыгах медяных; а ладыги те аки храмины велики слиты, их же сотвори Лев царь Премудрый435435
  …ид: же сотвори Лев царь Премудрый… – Имеется в виду палата Льва Премудрого, которому приписываются и другие чудесные диковины.


[Закрыть]; на том столпе 16 мужей: 8 медяных, а восмь каменых, держат в руках своих кождо метлы, бе же древо незнаемо, но бе яко воск овощале; те же мужие при Лве царе пахали улицы, по граду ходяще нощию, а в день стояху праздни. И ина бо хитра и мудра того творения: бе аки вторыи Соломон. Во дни же царства его была у него полата, в ней же солнце и месяц и звезды хождаху аки на небеси; ныне же вся та праздна, яко же рекох. А около Игрища ины столпове, на них же резаны людцы малы. А на праве есть кладезь глубок велми, а в нем вода сладка; а около Игрища вал, а с Игрища на все стороны ворота.

А с Игрища пойти в леваа ворота на запад к спасову гвоздию: есть спасово гвоздие во столпе запечатано; столп стоит с правую руку Великыа улицы, идучи от святыа Софеи к Правосудам. В том же столпе Ноева секира и 12 кош укрухов замуровано, а столп окован пятью на десять обручи железными, а верху столпа крест.

А от столпа пойти по Великой улици къ Правосудом есть на правой стороне церковь мирьскаа: в той церкви стоит икона, во всякое вьскресение да велика чюдеса створяет, болных исцеляет.

Далее пойдя по Великой улицы есть на правой руце Правосуды из черленаго мрамора, иже сотворил Лев царь Премудрый гораздно и хитро, как людие, и порты на них латиньстии, оба камены красного мрамору; и один право судил о поклепе, а другии о займу и о торговлях и об иних вещех; да аще кого кто чем поклеплет, и он пришед да всыплет ему в руку, й колько будет правых кун, толико и примет, а лишнего никако не приимет, но летят куны мимо. А торговлях та– ко же: стояти обема исцема руки вложив в рот болвану тому, и кто будет виновен, и он ошибет руки ему прочь. Но и то фрязи испортили: един перебит на полы, а другому руки и ноги перебиты и носа сражено.

Оттоле пойти по Калуанову городку к цареву далече, есть до царева городка ворота: на тых воротех писано, на одной стороне распятие, а на другой стороне Страшный суд. Та ворота пройдя к Великому морю к Перивлепту к манастырю: есть манастыръ Перивлепта хороше здан; а церковь Пречистаа Богородица; в той церкви много мощей лежит: есть великаго Предтечи рука праваа без пальца золотом окована и брада его и ото лба его кость; да святаго Николы мощи, Иакова апостола голова и Стефана Новаго челюсть, и есть мощи дву тысящь младенець и иных мощи много в ларце лежат. В той же церкви лежит Григореи поп в теле.

В той же церкви есть икона святый Спас, иже проглаголал Маврикиеве царю моляшу бо ся и глаголюшу: "Господи, отъими от мене времянную сию славу, да не лишен буду вечная ти славы!" И от– веща ему икона святый Спас: "Согрешил еси! покайся. Аще не покаишися, то на сем ли свете хощешь мучен быти или на оном?" Царь же удивися великому чюдеси и рече: "Господи, тамо да не мучен буду, зде наложи ми вся злая". И глагола ему Спас: "Отъиде отсуду и престани от грех своих, вся ти сотворю хотения твоя". И абие блаженыи царь пострижеся, восприят мнишеское житие; тако преставися, ту же и положен бысть и лежит в теле благии царь Маврикия. А от Перивлепта прийти къ Калуанову городку есть на леве манастырь, рекомыи Студия: есть в том манастыри два тела нетленных: святыа Сава и святаа Соломонида, лежат на левой стороне в куге.

Оттоле пойти к Демиду святому: есть церковь Демид святый на правой стороне пути близ Калуанова городка; в той церкви трапеза Христова: на той трапезе Христос съ ученикы вечерял; тою трапезою знаменаются крестьане.

А оттоле пойти взад на полночь ко святому Андрею: есть святый Андреи манастырь женскыи; туто лежит святый Андреи Стратилат в теле пред церковными дверми, знаменаются крестьане, исцеление от него бывает.

Туто же есть близ на полночь манастырь Андрея Уродиваго: ту– то лежит Патрикеи святый с телом и Андреа Уродиваго посох.

Туто ж близ Златых врат манастырь женскыи Евдокым святый: туто же лежит Евдокым святый в теле на левой стороне. А с другую сторону Златых врат монастырь женскыи, церковь Еуфимиа святаа: туто жь лежит святаа Еуфимиа в теле на левой стороне.

А оттоле пойти на летний запад есть манастырь женскыи: туто же лежит святаа Елизавефь, мати Иоанна Предтечи, и другое тело рабыни ея.

А оттоле пойти к Данилию святому на летний запад: есть церковь святый Данилеи; туто лежит святый Данилеи пророкь во исподней службе в рове на правой стороне, а святый Роман певець с левую руку, а святый Никыта во олтари; верху гроба Данильева два ангела каменых, аки жива, сотворени Львом царем Премудрым, яко и детища два: един у главы, а другыи в ногах, бьют челом святому Данилью; ту проходят страннии, поклоняются святому Даниилу и взимают печать на путь християне.

А от Данильа святаго на запад пойти вон из Царяграда на поле есть манастырь, рекомыи Пигиа: в том манастыри святаа вода и рыбкы святый; тою водою умываются больныи, пьют ю, исцеление бывает.

А за олтарем святаго Данилья есть церковь святаа Пречистаа: туто выходит икона святаа Богородица во всякой пяток, чюдо створяет.

А оттоле пойти ко Апостольской церкви на полночь есть церковь Апостолскаа велика велми; у той церкви две теле нетленных: святый Спиридон и святый Полуект войдя во церковь лежат с левую руку олтаря в голубци у киворех. А царя Костянтина и матери его Елены гроб съзаду олтаря межу службы; ту Иоанна Златоустаго гроб, ту столп, у коего Христа привязали, ту столп, у коего Петр плакася; знаменаются крестьяне телы святыми и гробом Костянтиновым, исцеление бывает, а с левую руку олтары стоит столпец, у коего вязан Христос.

А от Апостол пойти на летний запад к Богобогатому манастырю: есть манастырь Богобогатыи от Предтечи: туто лежит святаго Иоанна игумена рука; а войдя в манастырь по правой стороне вода от Дунаа приведена.

А оттоле пойти на полночь к Лахерне: есть манастырь Лахерна близ стены; туто же есть лежат ризы святыа Богородицы и поас в каменом ларце, окованы обручми железными, а у другой службы святый Потапеи и святаа Анастасия.

А от Лахерны пойти на восток есть монастырь Козмы и Демьяна, ту лежат Козмы и Дамьана головы златом окованы. А оттоле пойти на восток къ святой Феодосьи: есть манастырь святый Феодосьи; туто святаа Феодосиа в теле лежит; подъимают ю во всякыи понеделник и в среду и в пяток, болным поставляют и исцеление от нея бывает.

А оттоле пойти к Василком на восток: конец Василкова великого торгу есть церковь фрязкаа: туто распятие Христово в древе сотворено, изваяно в древе велми чюдно, аки живо суще: гвоздием руки и ногы пригвоздены; у кого зубы болят, имеются за ножныи гвозди, исцеление от него бывает.

А от Василков пойти мало на восток есть церковь святаго Николы, и ту есть икона святаго Николы на степе, вапы устроен аки жив. И пришедшу некоему християнину, истотцу в мори и молящуся, и протежеся к нему рука святаго Николы от образа того, а в руце мешец, а в мешцы 100 златых великих фрязских от чистаго злата.

А под Василки есть пристань кораблей и перевоз к Галатом.

А от Василков пойти на восток межи стены и морем к Поручному Спасу; то есть образ святаго Спаса, иже поручал по Федоре купце, егда займовая у жидовина у Аврамия сребро и злато и истопе; тогда жидовин иде, поругатися хотя образу святаго Спаса, и в том часе изверже море суму злата и грамоту от купца и преписание святаго Спаса писана сицево: "Не поруга ми ся, о жидовине, не могу в долгу быти, ниже оставляю раба моего страждуща толико, но возьми свое, лишше ти есть 15 гривен злата". Жидовин же, видев чюдо, крестися и жена его и весь дом свои крести. Тот образ написан на городнои стене.

А от Василков пойти на зимний запад к Пондакратарю436436
  …Пондакратарю… – Буквально: Вседержитель – один из замечательных архитектурных памятников византийской столицы.


[Закрыть]: есть монастырь Пандократарь, Юстинияна царя на горе учинен велми чюдно, оздан каменем, и округ его вода, и столпове в нем камены, узорочья многа. В том манастыри доска Христова, на коей в гробу несли его, да корчага, что воду в вино притвори, да Михаило мученик без головы, да Флора и Лавра главы, Иакова Перскаго глава и слезы святии Богородици на доске.

А оттоле пойти к Подмакаристу на запад, идя къ Подрому на правой стороне: в том манастыри Игнатиа Богоноснаго глава.

А от Апостол на полдни на долу есть два манастыри женскых: один царичии монастырь, а другой царев. В царичене манастыри 3 в телех нетленных: Иоан Милостивый, Мариа Клеопова и Феодосьа девица, а в другом манастыри: Стефан Новый и Орина святаа.

И оттоле паки возвратихся во свои монастырь к святому Андрею, и паки придохом; колико бо был Царьград при великом Коньстянтине и Елены матери его, не толико еще было чюдес и узорочья. Но се моея повести конец.

Прокофьев Н.И. Русские хождения XII-XV вв. // Литература Древней Руси и XVIII в. УЗ МГПИ им. В.И. Ленина. М., 1970. Т. 363. Прил. 1. С. 235-252.

Источник посвящен описанию христианских святынь Константинополя (Царьграда). Здесь содержится подробная информация о соборе святой Софии и его реликвиях, о монастырях в предместьях византийской столицы и достопримечательностях на побережье Босфора.

СКАЗАНИЕ О СВЯТЫХ МЕСТЕХ, О КОСТЯНТИНЕГРАДЕ И О СВЯТЫХ МОЩЕХ, СПАСШИХСЯ ВО ИЕРУСАЛИМЪ, А СОБРАНЫХ КОСТЯНТИНОМ ЦАРЕМЪ

Бывшу мнъ гръшному и недостойному рабу Божию в Коньстантинеполъ, богонарицаемем Цариграде, и видевши ми пристрашнаа чюдеса, како чюда творит икона пресвятаа Богородица, подавает исцъление болящим, тако и сии святии, лъжаще в телъ, чюда сътворяют, больных исцеляют, от бъд избавляют, от гръх оцищают, и то видев, аз гръшныи раб Божий нагшсах правовърным крестьаном на послушание.

Аще кто пойдет в Констянтинополе, в нарицаемыи Царьград, на поклонение святым страстемь Господнимь и святой Софеи, первъе войдя в Царьград, пойти ко святой Софеи; пришед к ней, пойти во святую Софею в притвор полуденьными дверьми. Войдя во притвор есть ту придел, церковь святаго Михаила, а в том приделъ явис святый Михаил уноши, стражю рукоделнаго. Тако рече святый Михаил к юноши: Гдъ мастеры церкви сея, и каково имя церкви? И отвъща юноша: Мастеры отидоша на царевь двор объдати, а церкви во имя никакоже не нарицаеться. И рече святый Михаил к юноши: Иди, рьци мастером, да скоро сверьшають церковь сию во имя святаго Софея. И рече юноша к святому: Господи, страшно се есть видъние се твое; свът ризы твоея осиает мя. Господи, како имя твое нарицается? И рече святый: Имя мое Михаил. И рече юноша к святому: Господи Михаилъ, да не отиду отсюду, доколъ государие мои приидут, да не погублю рукодълиа. И рече Михаил святый к юноши: Како имя твое? И рече юноша к святому: Имя мое нарицаеться Михаил. И рече святый Михаил к юноши: Михаилъ, иди к цареви, и да повелит мастером скоро соверьшити церковь сию во имя святыя Софеи, да аз буду страж святыа Софея и рукоделиа в твое мъсто. А та– ко ми сила Христа Господа Бога моего, да не отиду отсюду, донелъж приидеш. Послаша юношу святый, и отиде и повъда цареви явление святаго Михаила. Царь, помыслив на сердци своем, посла юношю в Рим того ради, да не возвратится въспят, да будет страж святый Михаил дому святыа Софеи и Царяграда до второго пришествиа.

А оттолъ пойдя мало есть входы на право на полату к патриарху. А ис притвора полъзти в святую Софею на право середьними дверьми западными. А возле тых дверей на лъве есть двери Ноева ковчега и чепь желзная, юже ношаше Павел апостол; ту християном много исцление. И тыми дверьми знаменаются крестьане, исцелъние от них бывает. А над дверьми есть Спас чюдотворныи, икона высоко; тот Спас много больных исцъляет. Пред тем Спасом висело поникадило, ретяз желъзна; к той ретязи привязан стькляникь с маслом, а под стьклянином стоит стольпець камен, а на стольпъци чаша [и древо Ноева ковчега окована желъзом ковчежным]. В тую чяшу масло капало с поникодила; урвався стькляник с маслом и разби чашю на двои и стольпець каменыи разрази, а стокляник не разбися и масло ся не пролило. Тот столпец скован обручми желъзными, и чаша к нему прикована на видъние крестьаном и на исцъление больным. Оттолъ пойти к олтарю прямо к животворящему кресту: ту есть во олтари животворящий крест, на котором распяша Господа. Тутож есть на правъ в приделъ столпець камен, на коем седел Христос, с Самарянынею бесъдовал у кладезя. Далей пойдя на правую руку олтаря есть Троица святаа икона, пред иконою тряпеза Авраамля, на той трапезе покладал Авраам хлъб пред Троицею и объдал с Троицею; тою тряпезою знаменаются людие крестьане, исцъление от нее бывает. Далей пойдя в кут церкви по правую руку олтаря есть одр желъзныи, к задней стъне прислоненыи: на немже святый Георгии и святый Никыта печены. Тутож есть конец одра ларец камен на столпци: в том ларцы мощи 40 мученик и 14000 младенец; тым одром знаменаются крестьане и ларцем, исцеление от них бывает. А с лъвую руку олтаря лъжит патриарх святый Арсенеи в тъле; больным от него исцелъние бывает.

От дверей Ноева ковчега пойти мало по лъвую страну есть беседа древа Ноева ковчега и столицы каменыи иерусалимьскые; тою беседою знаменаются крестьане, исцелъние от нея бывает. Тутож есть у лъвое стороны близ стены в столпъ замурован святый Григореи Богослов. Далей пойдя мало по лъвои стороне есть теремець, а в теремци икона святаа Богородица; таа икона посылала мастеры на Киев ставити церкви Печерьскыа во имя святыа Богородица. Таяж икона плакала коли фрязове хотели выняти, и слезы еа поймали пред нею церьковникы; аки жемчюг тые слезы положены. Таа икона много больных исцеляет. Оттоле пойдя мало есть доска древа Ноева ковчега; на той досце покладают страсти Господни в Великыи Четверток: губу и трость и копие. Тогда бывает сход велик крестьян со всъх сторон. Знаменаются страстми Господними, велико исцелъние бывает больным, и приходящим бывает прощение от гръх и от бъд избавление. Далей пойдя в кут церкви на лъвои странъ вырезан Спас в камени в дорогом аспиде; тым Спасом знаменаются крестьане, исцелъние от него бывает. А Иоана Златоустаго посох прикован к стенъ при лъвои сторонъ. А войдя во церковь по правой руце кладезь.

Выйдя из святыа Софеи ис церкви полуденными дверьми есть при правой руце столп камен высок, а на столпъ царь Устиан на кони. Царь мъдян и конь мъден, дръжит в лъвои руце яблоко злато со крестомь, а правую руку поднял на полдни. А противу ему 3 цари поганый також медяны и на столпъх, колъна поклонили царю Устиану и городы свои предают ему в руцъ. Тако рекл Устиань царь: Вся земля сорочиньскаа под моею рукою. Выйдя из великаго оклада святыа Софеи из ворот полуденных есть в лъвои руцъ церковь святый Спас. В той церкви написан Спас святый на стенъ над западными дверми; того образа приела царь нечестивый разбивати. Пришед поганый и прилъзе по лъстьвици скрушити святаго Спаса. Притекши святаа Федосиа отвръже лествицю, и разбися поганый. Яша святую Федосью и закла ю козловым рогом, и тако скончася святаа Федосья и предася душю свою в руцъ Господеви. Тотж образ святый Спас, не терьпя зрети от безаконник поругаема, повелъ ангелом яти нечестива царя и привести пред ся. И емши ангели нечестиваго царя и принесоша в церковь святаго Спаса и положиша пред святым образом святаго Спаса и начаша бити нечестиваго царя, мучиша и кръпко, данележе покаяся от безаконных дел. Тож послаша и к патриарху, и пришед царь к патриарху нача поведати, како мучиша ан– гели и отрицашяся перед патриархом своих безаконных дел. И от тых времен бысть духовен. К тому Спасу на праздник весь Царьград приходит и фрязове и вси из Галаты; на праздник святаго Спаса недужным бывает прощение.

В заду олтаря Софеи на восток есть церковь святаго Николы. Таа церковь создана у Дмитреевы полаты, где посадил святый Никола, выимя из моря, святаго Дмитреа. У тоиж церкви на правъ есть икона чюдотворнаа святый Спас; ту икону поколол жидовин повыше брови левое. Коли поколол жидовин икону, тогда потекла из раны кровь и вода. Тогда видев жидовин чюдо престрашное, и ужасеся, возмя икону, вверже в кладезь, а сам отиде в дом свои скоро. Усретоша его крестьане и узръша у него нож окровавлен, въпрашаху жидовина, гдъ окровавлен бысть нож. Жидовинже не потаи чюда бываема, како поколол икону образ святаго Спаса, и како кров испусти. Крестьанеж яша жидовина и приведоша его ко царю. Царь жидовина вопроси, гдъ скры святый образ. Жидовинже рече: Онамо ввръжен бысть в кладезь. Царьже с патриархом и множьство людей идяху ко кладезю. Пришедши извлекоша икону образ святаго Спаса ис кладезя, видъша образ кровав. Кровж свята– го образа запечаташа с Христовою кровью, а икону поставиша в церкви святаго Николы. Таа икона много болных исцеляет. А пред западными дверми в великом окладе святыа Софеи придълано мъсто, гдъ воду крестят. Туто есть чаша камена дорогаго аспида; в той чаши погружают кресты, а над чашею теремец свинцем побит. Туж есть 4 кипарисы и два дяфина.

От святыа Софеи пойти на восток долу к морю есть на правъ манастыр, рекомыи Дигитриа; в том манастыри выходить икона святаа Богородица во всякий вторник на манастырь, велико чюдо створяет, болных исцеляет, а утомляет 8 человък. В тоиж церкви Семион святый в телъ; тутож есть святаа вода. А от Дегитреа, идя на полночь к Манганом, есть на праве манастырь святаго Лазаря; туже лежит Лазарь святый, друг Божий, в правом столпъ запечатан, а сестpa его Марфа по лъвои руцъ туто лежит. Тутож на правой руцъ святый Мелънтии лъжит, а в лъвом столпе Марьа Магдалыни замурована. Оттоле пойти к Манганом, есть манастырь на правъ женскыи во имя святыя Богородица; в том манастыри страстей Господных уделънно. В тоиж церкви есть икона святый Спас; таа икона ходила посольством к Риму к великому со граматою по морю и во един день из Рима из великаго со иною грамотою пришла. Тутож есть на правой сторонъ Игнатьа Богоносца голънь. Тутож близ того манастыря есть манастырь женьскыи святый Василеи; тутож лежит Василиа Кесариискаго глава на лъвои сторонъ у другой службы.

Оттолъ пойти к Манганом: с полудни войти в манастырь, есть пред церковью чаша камена велика на столпъ, а над чашаю търемець свинцем побит; межю столпов брусием каменым огорожена, по брусью вырезаны еуангелисты и апостоли и столпы с вырезы. А войдя во церковь пойти к олтарю: пред олтарем на правой сторонъ есть ларець велик, верх ларца распятие серебрено. В том ларци иныи ларець; в 3-мь ларьци лъжат страсти Господни. Тот ларець златом окован. Аще кто приидет убогыи человък на поклонение страстем Господним до Великаго Четверга и по страстех Господних, пришед быет челом перед ларцем и целует в распятие и в ларець, и велико прощение бывает. А во олтари лъжат святаго апостола Андръа глава. И выйдя ис церкви на правой сторонъ в притворе есть иконы двъ: тыи иконы писал Премудрый Лев, и на единой написани патриарси, а на друзииже цари; от своегоже царства писал до скончания Царяграда царей 80, а патриархов 100, а послъдний царь будет сын Калуян, а потом Бог въсть, а послъдний патриарх Иоанн.

Есть по заду Манъган близ на восток над морем есть церковь; святый Спас сам преобразился на стене. Тот Спас много болных исцеляет. В тоиж церкви лежит святый Аверкии в телъ; святаго Аверкеа поднимают во всякую среду и в пяток, поставляют его, больным исцеление от него бывает. Також и святою Ани знаменаются крестьяне, прощение от неа бывает. А под Спасом есть святаа вода, межю стены граднои и морем заключена в голупци в каменом; тою водою умываются и пьють ея, исцелъние от нея бывает. Тутож близ святыа воды вскраи моря болныи погребают ногы в песок; червие избъгают из ног и изо всего тъла, и бывают здрави. А от Манъган на запад к Василком идя есть церковь: святый Андръи Критьскии в телъ лежит, а входяи в церковь на правой сторонъ, знаменаются имь крестьане, исцеление от него бывает.

От святыа Софеи пойти на полдне к цареву двору Костянтинову есть на лъве церковь святаа Еуфимиа; туто лежит святой Еуфимьи голова златом окована; тутож святый Михаиле лежит в телъ, знаменаются ими крестьяне, исцеление от них бывает. Оттолъ на царевь двор на полдень, есть царьвь двор Костянтинов над морем над великым. Есть на царевъ дворе узорочье: над морем высоко вельми поставлен столп камен, а на том стольпъ 4 столъпци каменых, а на тых столпцъх положен камен, а в том камени вырезаны псы крылаты и орли камены и бораны каменыи. Бораном рога збиты, да и столпы обиты; тож били фрязове, коли владъли Царимградом, и иных узорочеи много потравили. А под стъною въскраи моря медведи камены и збури каменыи. Да была мовница Костянтинова высока велми, да и вода возведена была там и корыта аспидна, желобы были аспидный; да уже все потеряно. А под царевым двором ины были полаты. В тых полатах есть чаша, воды была полна; приходячи крестьане и фрязове взимали воду от чаши, а воды не убывало, но всегда стоала полна, от тое воды бывало исцелъние болным, а на сих лътех пражна чаша стоит. А со царева двора пойти к игрищу на запад; есть игрище близ царева двора. То было игрище многыми чюдесы украшено да и еще много знамении. На нем еще есть столпов 30 стоать от великого моря, да у всякого столпа колца железна, а верху столпов брусьем каменым переходы измощены от крайнего столпа до крайнего. А от тых столпов пойти по игрищу есть на лъвои сторонъ на столпъ двъ женъ каменых; тыи жены обличали, котораа жена от мужа блудить. Оттолъ пойдя мало есть на лъвоиж сторонъ 3 змии мъдяны; тыи змии поворочаются 3-жды лтом. А тутже есть на лъвои сторонъ столп аспиден велик, поставлън на стулъх на меденых, а стула мъдянаа поставлъна на великом камении. А поднимало столп 16 человъкь; на том столпъ вырезаны людцы малы. Естьже на правой сторонъ кладязь. А около игрища вал, а на вси стороны ворота. А с ыгрища пойти в лъваа ворота на запад к Спасову гвоздик». Есть Спасово гвоздие во столпъ запечатано; столп стоит с правую руку Великыа Улицы, идучи от святыа Софеи к Правосудом. В томже столпъ Ноева сокира и 12 кош укрухов замуровано, а столп обит пятьюнадесять обручи желъзными, а верху столпа крест.

А от столпа пойти по Великой Улици к Правосудом. Есть на правой сторонъ церковь мирьскаа; в той церкви стоит икона во всякое вьскресение да велика чюдеса створяет, болных исцеляет. Далъи пойдя по Великой Улицы есть на правой руцъ Правосуды ис черленаго мрамора да гораздо было створено, как люди; попортили их фрязове. Один перебит на двое, а другому рукы и ногы перебиты и носа сражено. Тыи Правосуды рассуждали, а кто кого поклъпал многым сребром, да вложат Правосудом в руку: коликож будет правых кун, толко возмут, да от поклепных кун руку сведет. Оттолъ пойти ко Калуанову городку к цареву далече, есть до царева городка ворота; на тых воротех писано на одной сторонъ распятие, а на другой сторонъ страшный суд. Та ворота пройдя пойти к великому морю к Перивлету к манастырю. Есть манастырь Перивлепта хороше здан, а церковь Пречистаа. В той церкви много мощей лъжит: есть великаго Предтечи рука праваа без пальца золотом окована и брада его и ото лба его кость. Да есть святаго Николы мощи, Иакова апостола голова и Стефана Новаго челюсть, и есть мощи 14000 младенець, и иных мощи много в ларци лежат. В тоиж церкви лъжит Григореи поп в телъ. В тоиж церкви есть икона святый Спас; таа икона проглагола Маврикию царю. Рече святый Спас Маврикию царю: Согръшил еси, покайся! Аще не покаешися, то на сем ли свъте хощъшь мучен быти или на оном? Царьже, слышав чюдо велико, покаяся от безаконных гръх.

А от Перивлъпта прийти к Калуанову городку, есть на лъве манастырь, рекомыи Студия. Есть в том манастыри два тъла нетлънных: святый Сава и святаа Соломонида лъжат на лъвои сторонъ в куте. А оттоли пойти к Дъмиду святому; есть церковь Демид святый на правой сторонъ пути близ Колуанова городка. В той церкви трапеза Христова; на той трапезе Христос с ученикы вечерял; тою трапезою знаменаются крестьане. А оттолъ пойти взад на полночь ко святому Андръю: есть святый Андръи манастырь женскыи; туто лъжит святый Андръи в телъ пред церковными дверми, знаменаются крестьане, исцелъние от него бывает. Тутоже есть близ на полночь манастырь Андръа Уродиваго; туто лъжит Патрикъи святый с тълом и Андръа Уродиваго посох. Тутож близ Златых Врат манастырь женскыи Евдокым святый; тутоже лъжит Евдокым святый в телъ на лъвои сторонь. А с другую сторону Златых Врат манастырь женьскыи, церковь Еуфимиа святаа; тутожь лъжит святаа Еуфимиа в телъ на лъвои сторонъ. А оттолъ пойти на лътнии запад есть манастырь женскыи; тутож лъжит святаа Елисавефь, мати Иоанна Предтечи, и другое тъло рабыни ея. А оттолъ пойти к Данилию святому на лътнии запад; есть церковь святый Данилъи. Туто лъжит святый Данилъи пророкъ во исподней службъ в ровъ на правой сторонъ, а святый Роман пъвець с левую руку, а святый Никыта во олтари; верху гроба Данильева два ангела каменых яко и дътища два: един у главы, а другыи в ногах, бьют челом святому Данилью. И печать взимают на путь. А от Данила святаго на запад пойти вон из Царяграда, на полъесть манастырь, рекомыи Пигиа; в том манастыри святаа вода и рыбкы святый. Тою водою умываются больныи, пьють ю, исцълъние бывает. А за олтарем святаго Данилья есть церков святаа Пречистаа; туто выходит икона святаа Богородица во всякыи пяток, чюдо створяет.

А оттодъ пойти к Апостольской церкви на полночь; есть церковь Апостолскаа велика велми. У той церкви двъ телъ нетлънных: святый Спиридон и святый Полуект войдя во церковь лъжат с лъвую руку олтаря в голубьци у киворех. А царя Костянтина и матери его Елъны гроб съзаду олтаря межу службы; ту Иоанна Златаустаго гроб, ту столп, у коего Христа привязали, ту столп, у коего Петр плакася. [У Вседержителя доска Господня и 3 корчагы]. Знаменаются крестьяне тълы святыми и гробом Костянтиновым, исцелъние бывает. А с лъвую руку олтаря стоит столпец, у коего вязан Христос. А от Апостол пойти на лътнии запад к Богобогатому манастырю; есть манастырь Богом богатый от Предтечи. Туто лъжит святаго Иоанна игумена рука; а войдя в манастырь по правой сторонъ вода от Дунаа приведена. А оттолъ пойти на полночь к Лахърне; есть манастырь Лахерна близ стены. Тутож лежит риза святыа Богородицы и поас в каменом ларцы, окованы обручми желъзньми. [В Лахерне дъвица обарена смолою]. А у другой службы святый Потапеи и святаа Анастасиа. А от Лахерны пойти на восток есть манастырь Козмы и Демьяна; туто лъжат Козмы и Дамьана головы златом окованы. А оттолъ пойти на восток к святой Феодосьи; есть манастырь святый Феодосьи. Туто святаа Федосиа в телъ лежит; подъимают ю во всякыи понедълник и в среду и в пяток, болным поставляют и исцелъние от нея бывает.