Текст книги "Антология хожений русских путешественников XII-XV века"

ХОЖЕНИЕ АРХИМАНДРИТА АГРЕФЕНИЯ ОБИТЕЛИ ПРЕСВЯТЫЯ БОГОРОДИЦА

Есть же поут от Роускыя земли западный от Москвы и от Тфери до Смоленьска 490, от Смоленьска до Меньска пол 4-ста, от Великого же Новагорода до Лоукь 300 версть, от Лоукъ до Вътепьска пол 3-яста, от Вътепьска до Дрютскаго пол 3-аста, от Дрютьська до Слоучка 90, от Слоучка до Бълагорода 500, от Бълагорода до Царяград, море 500, от Царяград до Араклия 60 версть, от Иараклия до Мраморя 40, от Мраморя до Калиполя 60, от Калиполя до оустья 40, от оустыя до Лимна 60, от Лимна от Колина 100 до Святыя, от Лимна до Митилина 100 на восток, от Митилина до Стихиа 100. В том острови ражается мастикая, а промежи Милина и Стихья, на въсточнии страны, на брегоу, зовется Фотья, тоу варят стипси, а по нашемоу квасы. От Стихья до Родоса 300. На ливои же роуци на брезъ, Ефесъ, от Ефеса до Полатья… а от Полатья Латарьская гора, за Латрасом Мелась, оттоуда Епретья тоу доспъвають темьянь черный, оттоудоу Мирьиискыя, оттоудоу Анатолиная град, оттоудоу Алагья, оттоудоу Коурикъ, оттодоу Тарсокиликийский, далъ Онтихия. И тоу обидохом на пути остров Патемь в немьже писа Святый Иоаннъ Богослов еуангелие. От Родоса до Кипра 300. Въ Кипри островъ крестъ благоразумнаго разбойника, и тоу ражается много сахара. И тоу пръплыхом поучиноу Киликийскую и Паньфилийськоую. От Кипра до Яфы 60, от Яфы до Рамля 7 верьсть, от Рамля до Иерусалима день, от Иерусалима до Газы 3 дни, от Газа до Егупта 12 дний, от Егупта до Александриия 6 дний, а до Синайскыя горы 15 дний, от Газы до Синайскыя горы 15 дний; дотолъ ходят православнии христиане, а далъ ходу нът христианом православнымъ. От Яфы пристанища до Рамля 10 версть по соухоу, равно. Рамле село велико, торьгъ в немъ силень, ест в нем церковь Святый Георгий, Сирьян христианъ много ест. От Рамля и трие поуте къ Ерусалимоу, первый на Ханоутоу, вторый на Иверьскый монастырь, третьии на жритъ Святый Георгий да на Печало.

О Иерусалимъ град. Пойти от Рамля къ Иерусалимоу, равно, ест 5 версть, а потом пойти в горы, всего день ходу. Иерусалима отдалеча не видити, гора Елеонская и то блъз. Град же Иерусалимъ стоит в горах, на прислони к востокоу, прямо горы Елеоньстии. Гора ж Елеоньская въдити от вышнаг края Иерусалима из монастыря Святаго архангела Михаила, равно сь Иерусалимъ, смирена мало, в три соломяна.

Галелея възнесене. По ней же орють, съють пшеницю и ячмен промежоу масличья и мигдалов. Сионская же гора вьмисти сь Иерусалимом, мало по выше Иерусалима от домоу Давидова.

О церкви Святаго Въскресения. Церковь Святое Въскресение въ Иерусалиме, на третьей части града Иерусалима от горы великия, в два верьха: единь над гробом Божьим не покрыть, а дроугий над престолом Святыя трапезы покрыть с трулом. Звоникъ церковной Святое Въскресение. Двери же двои с полоудни, едины зазиздани, а дроугими входять, а третьи были горъ на Голгофоу, по листвици ити, зазиздани. Вшед же въ церковь, прямо двери, есть ж мисто озидано равно с помостом, на нем же Христа положиша, снем с креста. И тоу горят 8 кадиль безпрестани, есть от Святаго распятя то саженей мисто 10. Распятье ж Господне на правой роуци вшед в церковь. От того Святаго миста, на Гольгофоу же от помоста церковьна, по горъ, 18 степеней до Христова распятя, гдъ былъ честный крестъ въдроужен. Голгофа ж мисто камен самородный, просичень кроугло, пяди едины и тътъ камень разьсъдеся въ распитии Христови пяди ошоую роукы Христови и долоу пройде до земли, рекшыи до главы праотца нашего Адама, дроузии же глаголють: кровью Христовою освятися лобъ Адамов. Под распятьемъ Христовымъ долоу церковь Иверьская и слоужба, горъ же над распятие сильно съ златомъ, церковь же та вся моусеию подписана, той ж завъдають и слоужать Армянин треклятии. Отъ распятья же сшед долоу до гроба Божья къ пръдвериемъ, ест же сажени 23.

О гробъ Божий. Гробъ же Господень такова комара, покрыта свънцем, 6 сводов, а двънадцат стольпцев тонькых бъла мраморя, по два вмисти. Самый врьхъ, около же гроба Божиа, столпов 12 ледовидна мраморя. Двери же въ гробъ Господень съ встока. Вшед вь двери, на правой роуци, два оконца, на лъвои четыре. Яковътци слоужать. Помость от дверии дъска зелена мраморя. И тоу сръди тоя комарь камены, повыше пяди, а въпръкы больши лакти, на нем же съдил ангелъ Господень, тоу горят два кадила; около его бълъ мраморъ. Пръд другими двърьми дъска черьвлена мраморя. Дроугий же двери без затворения, высотою до гроудей, человъкоу наклонився внити. Гробъ Господень, на правъ роуци, къ стинъ придиланъ, бъла мраморя, въ высотоу съ три пяди, а вь шириноу 4, а в долготу 8 пядей. Toy написань Спасъ на плащаници фряжьскы, на престолъ роука емоу правая горъ обнаженьна, пред ним стоит Фрянцашко, а около стражие спять. Toy на гробъ Божий 12 кадил горить цькляных456456
  …цькляных… – Имеются в виду стеклянные кадила.


[Закрыть]. Около ж гроба Господня, под сводомь церковным, столпов 16 великых, 8 кроуглых бъла мрамора, а 8-4-гранных заданных457457
  …зиданных… – сделанных.


[Закрыть]. Пред дверми гроба Господня 4 стольпы въ сводъ круглы въ страны и на дроугой странъ 4, по дьва вмисти на одином стольпъ, черьвлена мрамора вся и на четырех столпъх. От гроба Божия до сръди церкви иж съ троломь сажень съ 10, тоу есть камень чернь малъ, аки чаша, тоу зовется сръддоземлье. От сръд же церкви до престола, гдъ слоужить патриархъ, сажень 13. Престолъ же тый поставлен противу самого распятья Гольгофы, еже сказается краньевъ мъсто. Около престола 7 степеней, на них же 8 столповъ великих, по два врядъ, ледовидны и пестры. Над престолом объшена плащаница, на ней ж напъсань ветхыи деньми, окроугъ его 4 еуангелисты четверообразны и два серафима многоочитии. И долъ около престола оулица округла. На лъвои ж странъ гроба Господня, в дроугом сводъ, мъсто кругло, бъла мрамора и сръд его оутлина мала, на том мисти стоял Христосъ, по въскресении явися преж Пречистии своей Матери Богородици и Святый Марьи Магдалыни. Дроузи ж глаголють льжоу рекыпе: коузнець под тъмь мистом и до нынъ бъеть млатом, и приничюще слоушають, иж гвозды коваль на Христа. И от того миста, мало гори, 4 степени, въ третьемъ сводъ, церковь фроужьская, в нюже вшед, на правой роуцъ, въ стини одъланъ столпъ, черъвлена мрамора, больши лакти, к немоу ж древом задълано. К немоу же столпоу повъли Пълатъ привязати бъти Христа по плещам. Вышедше ж ис тое церкви, на лъвои роуци, слоужба и трапеза поганых Несториянъ. И пошед далече въ конець, оулица, долъ три стоупени, преторъ, по гречески филакии, а по нашемоу темница, иже рече въ святомь еуангелии: ведоша Иисуса от Канаафы въ преторъ и тоу его въпрошахоу. Toy святая трапеза Иверьская и слоужба. И вышедъ оттоудоу, на левой роуци, двъ оутлъны в камени просичены, глаголють: тоу Христосъ посажень бъ; по нашемоу глаголеться клада, а по греческому клапа. За олтарем же, за великою слоужьбою патреарыпею, соут трапеза при стънъ, на единой вдълан камень черьнъ, глаголють: на немь же Христосъ стоя побъди дъавола. На прави роуци доли, оулица просъчена, степеней 29 низоу. Въшед, на левъ роуци, столпъ великъ камень под свод, из него ж роса течеть непрестанно, дроузии же глаголють, дроугы столпъ на дроузии страны, по годищемъ точат росоу, еже ся глаголють: из соуха камени источи росоу Господь, и тоу ест святая трапеза Иверьстая. И тоу на правъ стлъпъ, на нем же съдла царица Олена, метающи злато на раскопание честнаго креста и на взыскание. И тоу ест, на деснии, оумывальница Пилатова вдълана вь стъноу камень, и слышится вь ней аки ръка шоумить, иже оумы роуци пред народомъ, глаголя: чисть есмь от кровъ праведника сего. И еще долоу 10 стопеини и съшед, мъсто идъже три кресты обретъ царица Елена, и тоу ест трапеза Иверьская, и под престлом написаны три кресты на камени, малы, единой пяди. Ест же слоужбы проклятых ереси, от присно наших православных Грецкая и Иверскых, слоужба Латыинская, на Голгофъ Арьмени, за гробом Господнимъ Яквъдти, противоу их Ариане, про правоу страноу Божья, за столпы, при стинъ Хабеши, на дроугои страны Несторане. Церковь же Святое Въскресение за всъ годъще стоит всегда замчена и запечатана, в ней ж соут 6 попов Греческых, Иверьскии и Фряжьскии, Арьменьские, Яковътьскии, Хабежьскии. Тамо оу них и воды и кильи и заходы. Оттворяють церковь когда приидоут поклоници. Годищныи же оттворъ в Лазареву соуботоу вечер, и тоу всенощное на цвъты458458
  …всенощное на цветы… – Имеется в виду Вербное воскресение.


[Закрыть], от литоургия въисходят вонь. В великий ж пятокъ459459
  В великий ж пятокъ:.. – Святая Пасха.


[Закрыть] внидоут вси людие, ис торгов, съ женами и съ дътми, есть множество тысоущь, и тоу пребоудоут замчены и до велика дни до солнечнаго въсхода, и исходить вонь. В святоу же великоую соуботоу, въ плач дни, видъхом чюд пръславно и недовъдимо. По обычаи же имъеть всегда патриархь исходить съ кресты около гроба Божиа и вь полоудни ради пришествие Святаго Духа. Изыде ж патриархь460460
  …патриархь… – В православии высший духовный сан, обычно глава самостоятельной автокефальной церкви.


[Закрыть], с ним митрополит461461
  …митрополит… – В ряде христианских церквей один из высших санов архиереев. Глава крупной епархии, подчинен патриарху.


[Закрыть] Германь от Егупьта и Марко Епископъ462462
  …епископъ… – Архиерей, начальник епархии (назначается из монахов).


[Закрыть] от Дамаска, бывы преж игумень в лавьры Святаго Савы и игоумен Стефань Святаго Савы съ всим собором, обыдоша Господень гробъ дващи, и въ третьи еще не обыдоша всег, явися вьрьхоу гроба Божиа дым тонок под малым кивотом, и другое явися, аки от кадилъ, и въ третьи изыде дым великъ от лъвыя страны окьны, и потомь отмькноуша гроб и внииде патриархъ, и за ним Арменьи епископъ, зане наполнися огня божественнаго комара плъна и загоръшас вся кадила зане быша вся загашена от великого четверьтька, и омовена, и свътилна оуготована. И въжже патриархъ свъщи от святаго огня, от патриарха же вся церковь запалят свъщи, и быст въпль страшень въ всей церкви от огня. По маль час оугасиша кождои свои свъщи, себъ на благословенье, и останоут по обычаю. По семь же патриархь начинаеть литоургию великыя соуботы. Саракини же стоят оу гроба Господня и въпоущають въ гробъ Божий и изводять; тоу емлють на всяком человъци по дензъ сребьрянъ, а перьвое оу врат церковных емлють на всяком 7 златых, на калогиръх же патреархъ по два златых и на калагерицах463463
  …на калогиръх… на калагерицах… – Имеются в виду монахи и монахини.


[Закрыть]. Церкви же Святаго Въскресения, еже есть около гроба Господня, величества, стлъповъ зидания, красоты полать не мощи исповедати. Въ другой ж церкви, гдъ патриархъ всегда литоургиюсаеть, въ странъ тоя церковъ, въ жерьтовъници, идъже Христосъ явися Марии Магдалыни и рече: шед рьци оучеником моим и Петровъ Христосъ въскресе ради.

О Святъмъ Сионъ и о градъ Давидовъ. Град Давидовъ ест про– межи град Иерусалима и Святаго Сиона на самом край от запада, по выше град Иерусалима. Градокъ малъ, а кръпок, окопан рвомъ маломъ, двери же имать едины, с востока, желизны. Глаголють же: человци не входят в него, и ни в полатоу единоу; мы же въдихом и распытахом тамо живоущих калогеров, что въходят въ него человци и скоты, и винных посажают, и въ полатах дерьжать казьноу и ороужиа амиры Ерусалимскаго. И не живоут въ немъ житиемъ, аще хьто поживет годъще да умрет, а ходят всюду. Також и в домоу святых Маковеии, тоу есть пошед повьрище едино. Есть церковь святы Ияковъ брат Божи. В неиж гробъ святаго на деснии странъ. И тоу ест пред церковью два камени поставлены черьвленыи въ армари, яко может человъкъ понесьти един, их же ангелъ принесе къ Пречистъй на поклонение от Сиона. Въсхотъ Пречистая ити въ гороу Синайскую на поклонение и прииде к ней архангелъ благовъсти за три дни отхожени ея от мира, и принесе благословение от горы Синайский. И тоу церковь и гробъ държат проклятии Армени. Оттудоу мало ест другии манастырь тъхже проклятых Армен блъзоу Святаго Сиона. В них же церкви камен отвалень от гроба великъ зъло, под трапезою их, в высотоу дви пяди, а вь шириноу 5, а долгота 9. Тоуже въ их олтари, на правъ, въ стъни комарка мала аки человъкъ вънъде. Toy Христа за ланитоу оудариша пръд Ияоою, зане полъ дво наялъ Каияфа у Святаго Иона Богослова. Святии ж Сионь, мати церквамъ, что еще Святый Давидъ пророкъ съзъдал, развалилася, токмо единь сводъ олтарю стоит, и тоу ест Оуспение Пресвятыя Владычиця нашея Богородица, блъз пръднихъ дверей складена камения громада. Toy поклоняемся. Видъхом мъсто на нем же Христос стоял, сыпед съ небеси по Святоую душю Своея Матери, камень положень кроуголъ, от Пречистыя мъста 7 саженей. Блъзоу же церкви келия Пречистыя, идъже молитвоу всегда сътворяла и колинное поклонение. И тоу за олтаремъ, от лъвыа страны, былъ погребень Святыни Стефан перьвомученикъ. Оттоуда, от церкви Сионьская, аки можеть человъкъ дострилити, на лътни въсток, видъхом мъсто идъже одрь Пресвятыя хотъ евреинъ проврещи, ангелъ же роуци емоу отсече.

Святы Сионъ, гробъ Давидовъ, Пречистыя келъя. Видъхом въ Святъм Сиони горнъцоу идъж Христосъ вчерю таиноую снъдъ съ своими оученики. И тоу Духъ Святый сниде на Святыя оученики и апостолы. По ней ж того есть кълиа, под горницею Святаго Духа, въ неиж Христосъ по осми дни явис оучеником своим, и тоу и Фома осяза ребра Господня и оувърися. Toy въдъхом гроб царя Давида, долоу, блъз Святого Сиона, на правъ. Святый же Сионъ завъдаютъ Фроузи мнихи.

О Святыхъ Святая. Святаа Святых церковь мала, о послъ великое церкви, что зидаль Соломонь, вся разорена. Послеж царица Елена създала малоу церковь. Около ея помость бъль мраморен, аки езеро маслеци, от горы Елеоньския. Мы же невьходихомъ, ни въ двери оулиць не поущають, нас зовут невърьными. Въ церкви же той ничто же ест, развъ повъдают колыбка Христова, да три камени Соломанова зидания, а иное ничто. Овьчая ж копьно коупиль о Святая Святых ест съ двожды стрълити, к полоунощи. И тоу блъз полата Святыхъ праведникъ Богоотецъ Иакима и Анны. И ест на улици, среди град Ерусалима, два камени бълы, въдъланы въ свод сръди оулици, иж Христос рече: аще сии оумолчат, камение се възопъет. И тоу ест полаты Пилатовы и Каияоово дворище. И ест полата богатого. И тоу есть полата Соломанова странъ Святая Святых. И есть стльпъ, предъ Святым Въскресениемъ на оулици, червьлень, оу того стлъпа исповъдалася Святая Мариа Егуптанина къ Святъ иконъ Пречистой и коупъ тръ хлъбы и поиде за Иорданъ. Есть же манастырь Святаго архангела Михаила. От гроба Божиия, на лътнии запад, блъзоу, поставлень на мисти, на нем же ангелъ Господень оубъ от полька Асоурьска 100 тысоущь и 80. Есть же монастыревь Иверьскых и Сирьянскых 15. Видъхомъ врата въ стенъ града Иерусалима. Прямо горъ Елеоньстии двоя желъзныи о нихъ же пророкь рече: боудоут затворенна, ими же никтож не имать пройти сквозъхъ яко Господь Богъ Израилевь проидъ и боудоуть затворена до скончанья.

О Гепсимани. Вышед из града Иерусалима, к востокоу, пойти долоу к потокоу Къдрьскомоу. И тоу есть на левъ церковь была Святый Стефан, идъже его камением побъша. И мало пошед до самого потока Сафатова, Гепсиманья, еще коупил Иоаким, родитель Святыя Богородица, полата четверооугольна прямо горъ Елеоньстии Святаго Възнесения Господня, двери имоущи с полоудни. Вшед же въ двери, долу стоупеней 50 без двоу. Toy на ливъ лежить святы и праведный Иоаким и Анна. Сшед же с лъствици, велико роздълано, гробъ же Пречистыя Богоматери озидана комара464464
  …комара… – Комната.


[Закрыть] четверогранна, двери имоущи без затвора от запада, а другии с полоунощи. Вшед вноутрь, гробъ Пречистый придълань к стъни, на полдни главою, въ высотоу 3 пяди, а в ширину 3, а в долготоу 8. Доска верьхняя бъла мрамора, а над главою дъска ледовъдна, по страны 3 кроугы непроходны въ гробъ, кандилъ же горит 9 безпрестани. За Святым же гробомъ Святыя трапезо и над ней же патриархъ литоургиюсаетъ, и тоу ест гори прозорь маль. Предъ Святым же гробом, на правъ, трапеза Иверьская къ стъни придълана. Ест же служба и Арменьская и Яковидьская и Хабежская.

От пъщери еж глаголется врътоград. Видъхом пещероу, идъже Христа яша и связваша, блъз Святаго гроба Гепсимании ест же сажени болъ 10, в горъ Елеоньстъй, прямо Святаго възнесения. Вшед в ню, в долготоу сажени 6, а ширина 4, стлъпы же въ ней 3 исьсъчены, тое же горы, гдъ Христос съдъ съ своимъ оученик. Егда же приидоша нань со ороужи и съ дреколми, тогда Христосъ въста о ных и оуступи ж къ западу тояж пещеры и оукрыися въ стънъ, и донынъ знати мъсто. Они же съ свъщами смотръша Иисус съ оученики и не оратишас. Иисус же прииде, рече им: кого ищете? Ониж ръша: Иисуса Назарянина. Рече: Аз есмь, и тоу Иоуда лобза его и оттоуда въдоша Его въ Ерусолимь, якож рече въ Святомъ Еуангелии; изыдъ Иисусъ обонъ полъ потока Кедарьска, идъже бъ верьтоград, в он же внидесъ и сам и оученици Его. Вьрьхоуж пещеры тоя просичено аки творило. Оттоуду же як камени верьжение, по выше, на поути, камень великь, на немьже Христосъ молился своемоу Отцоу, и быст потъ Его яко капля кровъ каплюще на земли. И тоу есть мъсто пониж, церковь была, идъж Христос научи ученики Своя: Отче нашь иже на небеси. Видъхом же мало по ниж, при томь же потоцъ, при горъ Елеоньстъй, гроб Ровоамов сына Соломанова и подалъ гроб Соломанов, вьдълань въ едином камени изсъчен в гори.

О Елеони. Елеон же гора мала, въ три вьрьхы якож и наказахом преж. Пойти же на ню от Гепсимании, от долоу къ высокоу. Вшед же на ню, вес град Иерусалимь видъти, Святая Святых и Сионъ и дом Давидовъ. На мистъ же Святаго Възнесениа…

Вшед же въ церковь, комара велика, прямо двъри, въпреки вьноутра 10 сажень, окроугъ ея 8 сажень, 16 столповъ и еще другаа ограда. Въ малоиж той комарьци стопа Христова въписася в камени, и тоу поклоняются Святъи стопъ ногоу Христовоу. Вышед вонъ изъ церкве, на правой странъ, подлъ церковь двъри, вшед внютрь степени 20 долоу. И вышед тоу ест гроб Святыя Пелагии, а камень червлень въ поясъ, к ньомоуже исповъдаются. И ест проход ко главъ гроба тъсень, и обходъть гроб дрози по тъсноу, а дроузи и слобо, и тоу ест келия Святыя. За олтаремъ же Святаго Възнесения, съ двожды стрълити, хоти Аврамь заклати сына своего Исака, еж зовется Алкафросъ и тоу завъдают Сорокини, а Христьян не поущаю въходити въ церковь, обратиша въ мезгыть.

О Галилеи. Галелъя гора, сторонь Възнесения, дроугый хольмъ, отъ запада якож до Алкафроса. Выпед на ню въти Иорьдан ръка и Содомьское море. Гдъ Христос явъся оучеником Своим по въскресении, тоу была церковь велика, нынъ же вся разьвалилась до основания. Toy покланяются Християни. И оттодоу поуть долоу къ Гепьсимании, на немь же апостолы почаваша на камени, идоуще по въскресении на гороу Гелелискоую, и до сего дни знати вь камени съдъние их. О Силуниаме. Видъхом Силуамь, идъже Христосъ повъли слъпомоу умытися; ест долоу блъзъ потока Кедрьского, промежъ Иерусалима Святаго Сиона, просичена гора болъ сажени въ шириноу, а въ высотоу 2, а в долготоуж аки стрълити, отдоу вода слатка исходить, и тоу озъданъ царемъ Саломаном вода, въ долготоу 5 сажень, а вь шириноу 2, 8 стлъповъ, два въпръди и два вьзаду и тоу омывахомся. Напаяютьж от града скопив водоу, и отпоущають на зелия. О Вифлеемъ. Вифлиомъ есть град село от Иерусалима, на полоудни, версть 7. Идя же к нему, на полоупоути, ест монастырь Святаго Ильи пророка. По далеж стлъпъ, разьвалился, мало ся его оста, на том стлъпи старьцю ангелъ принесе ключи всего града Иерусалима и гроба Божиа и повели въдати Саракиномъ и начаша дьржати Иерусалимъ. И тоу на поути гробъ Рахилинь матери Ософовы. По далеже ест нива, на неиж оревъть грахь камень и до нынъ, и камень на немъ опичи Святая Богородица. Въ Вифлеомъ же церковь была велика и под нею стерьна о всей церкви. Нынъ же единь притворь остася над Святымъ верьтепомъ, покрыть свеньцемъ, и стъны и помостъ от ледовъдьна мрамора, хътри устроена. Стлъповъ ими от пръдних дверей до олтаря по обою странам 44, красныхъ, и великых, въ олтариж 6. Подъ Святою трапезою Святый вьрьтепь и ясли, долоу стопении 5 до вьратъ. Вышед же въ врата 10 стопенеии и до Святыхъ яслии 3. И тамо над Рождеством Христовым ясли же 5 пядей, а преко 3, и двоя двери, едины с полоунощи, а другии кь полодни. Пещераж вьрьтепь на дви страны ест по пяти сажен, а въ преки с полторы. В коньци пещеры иже Христа омывьше воду изолияли. Страны же объ церкви и олтаря златою мусиею подпъсань, врьхже клъткы древомъ сведень. Блъзь жрьтовника стерьна кладенець, въ неиж водъ зрится образ звъзды, по неиж влъсвъ приидоша на поклонение рождешемоуся Царю Христоу, то– уж церковь завъдають Фроузъ. Оу Святыя же трапезы над верьтпом еспопь христианский и патриархь литоургиюсаеть на праздникь, и дроузии ересници по своим престолом. От Виолеемьскыя же церкви Святаго Рождества на встокъ, с маль перестрил, была церковь Святаго Николы, развалилася; под нею же пещера, от лъвыя страны подъ церковь, в нюж въшед, ест Святая трапеза. Въ той пещери крылася Святая Богородица съ Христомъ, когда Ирод послав в Виолеемъ, повели избавите вся младенца от двою лътоу и ниже. И тоу Христосъ плюноу млеком, Пречистая ж оутрьши верьж на стеноу. До сего дни Христиани емлют на исциление, на благословение тоу прьсть млечьноу. И тоу и ангелъ явися Иосифови: въставъ пойми отроча, его матерь и бъжи въ Египеть.

О граде и Скоуделиици. Село Скоуделнице ест близь града Иерусалима, за долом на объни, и год егож копиша циною Христовою въ погребение странным. Пещеры ископаны въ гороу мнозъ, и тоу есть церковь Святый Аноуфръи, патриархь же литоургиюсаеть на его праздник. Село въ той пещери, горъ потока плачевнаго. И въ тъхъ пещерах видъхом множество преставлешихся костей мертвых и телес.

О гради и о доме Захарени. Иже рече въ Святъмъ Еуангелии: въ время он воставши Мариамь, иде в горняя съ тщаньем; въ град Иоудовъ и в дом Захариинь и целова Иелисавефь. Ест же поуть от Иерусалима на сред запада съ 7 верьсть. Идоущи же к немоу от Иерусалима, на поути, съ двъ верьсть, ест келиа сред поути камена, развалена, глаголють же: в том мъстъ спалъ Авъмелехъ лът 62. И тоу ест монастырь Иверьскы на правъ съ два перестръла великий, церков вь неиж, под Святою трапезою, оутлина на 4 грани, тоу усечено честное древо животворящаго Креста Господня, пръходят върнии и поклоняются. Дом же Ииоудовъ семи горах долоу, аки град кроугло, живоут в ней Саракини. При единой же от горъ тъх, съ востока, церковъ велика Рождество Святаго Иоана Предтечи поуста, въ ней же блъзъ, за стъною Святыя трапезы, долоу 5 ступеней и служба, на деснии, тоу родися Святый Ионъ Предтеча, тоу приходът патръархъ на Святое Рождество Предтечи и литоргиюсаеть. Не доходя же подгориа, на горъ есть полата четверооугольная, двери имуще с полоудни, ту сръте Иелисаветь прися младенець радощами въ чревъ ея и возпъ матерними оусты: откоуду мнъ се, прииде Мати Господа моего, и рече Мариа: Величит душе моя Господа и прочаа. Есть от домоу Захариина, от тоя церкви Святаго Иона, въ друзъи горъ, вода Святая, Пречистое, идет из горы по каменномоу желобоу, та бо была вода прямо дъйствовала чюда за виньныя. Когда же напоиша Осифа Оброучьника и Пречистоую и изыдоша цили, тогда благослови Пречистаа тоу воду на благословение и на исциление всъм почерьпающим и пиющимь от него и до сего дни. И тоу ест подалъ, в третьей гори, монастыр завъдают треклятии Армени. Ест же въ церьквъ их, близь трапеза, на правъ, и растоупъся гора и опят стоупъся аки воскъ съ 2 лакьти; егда начя Ирод избивати младеньци и Елисавет погыти Святаго Иона Предтечю и побъже пръд воины и приидъ к горъ рече: горо приими матерь с чадом, и растоупися гора, пройде Иелисавет под землю до Авраамова домоу и изыдъ оставь там Святаго Иоана Предтечю и а сама възьвратися. Святаго Иоана Предтечю ангелъ веде за Иордань въ поустыню, еж есть день ходоу под землею.

О Вифании. Вифаниа же от Ерусалима на веток на средний, пъшет въ Святъм Еуангелии, отстоит от Иерусалима 15 стадии, а по нашемоу 3 версты, по право Елеоньскыя горы. Поуть от Гепсимании един долъ врети и през гороу въ третемь долоу от Иерусалима. Вифанья град был нынъ же рассыпался, соут дворовъ Саракиньскии. Над гробом же Святаго Лазаря, церковь была велика, развалена, третьи дълъ остася надъ гробом Святаго Лазаря. Въход же в ней съ встока, дверца мала. Въшед на правъ гроб Святаго Лазаря ледовидна мрамора, главою на полдень, одълано хитро таковым мрамором. Ест же от запада оутлъна мала, гди стоя Христосъ зовыи Лазаря: гряди вон. На том же гробъ патриархи литоургиюсает на праздник Святаго Лазаря. Дале же пред ним дверем ест мисто при стини, гди Христосъ стоя, глаголя: разръшите его, не дъйте. Отъ помоста же церковьнаго въетоупъти гори в комароу. И тоу есть мъсто, на нем же разръшиша Святаго, такова комарька: встоупити въ поясъ долоу, и итъ на колънех съ двъ сажени и встати, и тоу поклоняемся. От града же Вифаная, от домоу Симона прокаженнаго, за долом, поприще едино, есть камен, на нем же мъсти стоял Христосъ глаголя к народоу: где положиете его. От толъ же поут къ Иорьданоу.

О Иорданъ. К Иорданоу поут от Иерусалима на лътний въеток. Прошед же Вифанию, от Христова миста пойти в долъ, донелъ же ест ханоут, камен гладок и пръд нимь свод, из негож вода течет, глаголють ж тоу Марьфа и Мариа сръте Христа. Оттодоу верстоу, при поути на левъ, камен аки престол, на него же Христосъ възлег, мало почи. Оттодоу же поут ноужень. Промежи горъ еж ханоут на поути. Вьдалъ пошед, много на лъ… въ падинах, ест монастырь хитри оустроень, зовомый Хоузева, гди Святый Иоакимь постися 40 дний, пръотець Христов. Выходяж из горъ доли, пръ гори, был град Иерихонъ, все разорено, мало соут дворов арпьскых и еще стоит полата Арава блоудница. Toy благослови Иелии пророкъ воды горькия, нынъ источьники сладки. Toy ражаются мьнога овощья, яблока райская, дыни, нараньзи и сахаръ. Toy есть въ гори манастырь, был съзидань, гдъ Христосъ постился 40 дний и 40 нощи. От Ерихона же до Ордана Святаго Продрома есть верьсть 7, равьно поле. Всего же от Ерусалима до Орана день ходу. Святый ж Иоань Продром стоить монастырь, на равнъ от Иорана, с малоу полверьсты. Около ж его странно въдти горки малы пъсочны, зане коли гнъвь Божьии был над Содомом и Гомором и грады истостоноули и земля извратися. И из горы и до Ерихона и до нынъ мало трава растеть, и дръво видъти все ополъло, развъ подли Иордань и по долом. На томь же мъсти поставленъ монастырь, гдъ Христосъ стоя оучил народы, когда Святый Иоань Предтечя на Иордани крестя народ оузръ Христа на том мистъ показа перстом рече: Се агнець Божый вземляй гръхи всего мира. Иордань ж рика мала, быстра. Гдъ Христосъ крестился, противоу того на въсточной странъ была церьковь на брегоу Святая Троица, и ничтож не оста, тькьмо основание знат, и тоу възвратися въспят ръка Иордан. И повыше мало, по ширъ. И тоу омываются христьяне гдъ Христосъ крестился. И тоу по ниж горка, аки стогь, с неиж взять быст Иилья пророкъ колесницами, кони огненимъ, зовома Ермон. За Иорьданоммь же видити сказоують пещера Святаго Иоана Предтеча, и тоу блъзь въ Енони Салимъ, воды много, гдъ Святый Йонь крестилъ народ, мы ж тамож преидохом страха ради Аравии. О манастыри Святаго Герасе… Манастырь Святаго Герасима, зовомый Каламоны, емоуж лев послоужи, от Святаго Продрома на зимний запад ест съ 3 версты, равно въдити. К немоу ж идя блъз кладець на поути велик, оученик нъкто Святаго Герасима. До моря ж Съдомокаго от Святаго Продрома ест верстъ болъ пяти. От Герасимова ж монастыря версты съ три до Иорьдана и до Содомскаго моря. Иордань же рика течет в Содомское море и тоу сконъчася. Ис тогож моря исходят смола варь, соль садится при брези, съра около его. Оу Святаго ж Иоана Продрома ест роука лъвая по запястие никоего Святаго старьца, за ню же деръжа Святый Иоань Предтеча, старца ж верьгоша Сакини въ пещь съ братинами и роука его не сгоръ.

О лавръ Святого Савъ. Лавра Святаго Савы от Иерусалима на объдни год, ити к немоу долом Сафатовым, ест версть 15. На поло– вини поути, на горъ, на прави был монастырь Святаго Федосиа киновинарха, нынъ развалилася. Блъз же Святаго Савы поток тыи оучинилося падина долоу, и пошед на полъдни под манастырь, а стини оучинилися кроуты, аки лавици, и по страни по сей, а горы равны. И от того е падыны на тъх стенах изсичены, и здъ все были кильи в тъх странах, аки ластовица гнъзда, пошло и до Содомскаго моря, было калагиревь 10 тысоущ. Святаго ж монастырь прьвое былъ на ливъ поток при гори, вторыи ж долоу на прави поток на равни, третьи же и нынъ стоит, гдъ види Святый Сава стлъпъ огнень. Toy явися емоу Пречистая Богородица, и повели зъдати церковь великоу, рече: Сбериши калогирев 1000. Онь же рече: Господже моя, гдъ толико хлъбов и оръвът и дроугая потребная? Рече емоу Пречистая: Азъ хощоу хранити и печаловати. Пришед дол соухь от запада к великомоу потокоу, и тоу созъдал Святый Сава монастырь. Церкви же тоя великия остася единь олтарь и еще велико подписань красьным лазоурем. И около церквъ тоя келыи горы по листвъци, и тоу ест килиа, Святого Иоана Дамаскина. Долоу же въ потоци великом, прямо олтаря, вода мала, гдъ Святомоу Савъ показася дивним серном. Пред церковью же великою гроб Святого Савъ идъ же был столпъ огнень, и комарька над нимь 6 стлъпов; гробъ же Святаго Савы пониж колина, извъстю избълень, горьбатъ, покрыт платомъ, на немъ же написан Святый Сава о гробъ о всем. На правъ от церквъ, долоу, болница была и ныны поуста, велика, и неиж посреди стлъповъ. И далъ горъ пошед от болници двъ листвъци. Келиа Святаго Савы въ гор, церковь подпъсана отходная, в ню же песци внити, доскоу ж отними не можещи изыти долоу, узръв прямо стъна оу главы же Святаго гроба отца Савы. Мало пошед в горы но едины каменемь церковь Иверьская, зазидана с полоудни, подпъсана, велика. Преж того в той пещери изжегоша Святых моуж 40 погании варвари. Пиргъ же горъ над монастырем Святаго Савы велик, нынъ съзъдал без братии, врата ж емоу испод въ пещери входят в него. Вода ж оу них истерьна, на ливои странъ, за многими кильями, збърается дъждемь въ зъмьнее время и деръжится на все лъто, и дви истерии пониж церкви скотом. От великого же монастыря на полнощь, въ малом потоци, была церковь и манасьтыркъ поустъ, гдъ младых постръгали и до брать и тамо пребывали с великими старьци. Нынъ же оу Святаго Савы, въ монастыры, с полтретья десятка калогирев опщина. На поути, идя от жрита Святаго Георгия ест вода, идеть из горы, озъдана, зовома Святаго Георгия. Оттоуда, подалъ кь Еирусалимоу, ест село, зовомо Печало и церковь в нем Святы Георгия, в том сели все хрестияне живут, благословла его Пречистая. Отолъ идя на пути, ест дръво на немь же Авесалом власы заплетеся, гоним гнивом Божиимъ, стоит и до нынъ, его ж Авесалома стръля. Въдъти от Иерусалима межоу Вифлеома и Святаго Савы монастыря, горька мала, под нею блъз пещера, зовоут адомъ; глаголют дроуизии: тоу Христовъ сшед въ адъ, на тоу горкоу, глаголят, паде сатана с небеси. И далъ видъти село, зовется Поток, из него жь изыдоша 12 пророкъ.

О хараони, о домоу Давыдовъ, ею же зовут Саракыни Халилом. Есть от града Иерусалима поут, по правоу Въфлъема, от оутра до вечерни. Слово велико, многонародно. В пещери соугоубъ, юже купъ Авраамь ценою от сынов Еммровъ Сихема, одълань градом и двъ мезгити вь немь, и вода пръд враты из горы идет. Нас же Християнь не поущають поклонитис Святымъ гробом. Саракини тоу дълаю много стекла. О Назарете. Назаретъ град от Иерусалима на полнощь, село велико. Церковь развалилас, где Святое Благовъщение было. Въдъхом кладязь, гдъ Пречистая прииде почерьпьсти воды и тоу пръдста ангелъ рече: Радоуйся обрадованая, Господь с тобою. Комара над кладеньцем четверооуголна, имъеть четыръ столпы. Ест же под нимь, от полоудни, полце мало, на немь же маслици. От Иерусалима два дни ест добры до Назарета. Оттоуду же до моря Тиверьадскаго день. Ту поут пръдлежить от Иерусалима к Дамаскоу на Рамле. Назареть, на моръ Галелийское. Toy у моря Тиверьадьского Фаворъ гора. Toy блъз и Самария, и кладязь Ияковль, и град Си– харь. Море ж Тиверьадьское мало промежи горъ, 12 версть въпреки, сквозъ же его течет ръка Иордань. Аз же идох от Дамаска пъзы Иордань, мимо Фаворъ, Назареть, языка не зная, не въдаю что ест, послъ же увъдах въ Иерусалимъ. До Дамаска ж 8 дний, от Иерусалима же на лътнии въсток. Дамаскь ж град стоит на равни полъ под горами. От Дамаска же на лътний веток есть Свята Богородица Седеная, по нашемоу Пречистыя, икона точить мъро, есть версть 7 от Дамаска. Видъти же Фаворъ гора от Святаго Иана Продрома съ города такимь образом в три верхи, четверты ж верьхъ пред ними, велик, подалъ, аки шатеръ.