Текст книги "Антология хожений русских путешественников XII-XV века"

Хождение архимандрита Грефения 1370 г. / Под ред. архим. Леонида // ППС. СПб., 1896. Т. 48. Вып. 3.

Публ.: Хождение Агрефения в Палестину / Текст и археогр. примеч. Н.И. Прокофьева // Литература Древней Руси. М., 1975. Вып. 1.

Путешествие в Святую землю архимандрита смоленского Богородичного монастыря Агрефения содержит краткие сведения об островах греческого архипелага (Лесбос, Хиос, Родос, Патмос) и Кипра. Они касаются в основном их общего географического положения и христианских святынь. Подробнее описывается Палестина.

ХОЖЕНИЕ ИГНАТИЯ СМОЛЬНЯНИНА В ЦАРЬГРАД

В лето 6897 Пимин митрополит465465
  …Пимин митрополит… – Архимандрит Горицкого монастыря в Переяславле-Залесском Пимен был посвящен на митрополичью кафедру Константинопольским патриархом в 1379 г. в Софийском храме. Предпринял несколько поездок в Византию (1379, 1385, 1389), чтобы опереться на авторитет Константинопольского патриарха и укрепить свое положение. В последнюю поездку он умер в окрестностях Константинополя.


[Закрыть] всеа Руси поиде в третий ко Царюграду, с ним Михаил владыка Смоленский, да архимандрит Спаськой Сергей.

Бысть же начало ж пути тому от града Москвы апреля в 13, в великой вторник страстныа недели. И придохом в Коломну в суботу великую, а в святую неделю Пасхы поидохом к Рязани по реце по Оке, и приспехом къ граду Перевитску466466
  …къ граду Перевитску… – Населенный пункт в Рязанской области на Оке.


[Закрыть], и ту срете нас владыка Рязанскый. И приближшимся ко граду Переяславлю, и срете ны с любовию князь великий Олег Ивановичь467467
  …князь великий Олег Ивановичъ… – Великий князь рязанский (1350-1402).


[Закрыть], и прият с радостию и угости добре съ своим епископом Феогностом. И отпусти с нами боярина своего Станислава с доволною дружиною и воинством, и повеле ны проводити до реки до Дона с великим опасением разбоя деля.

Проводиша ж нас и епископи, Данил Смоленский и Сава Сарский.

Путь Доном рекою до моря, а морем до Царяграда

В неделю Фомину468468
  в неделю Фомину… – Первое воскресение после Пасхи.


[Закрыть] проводиша с нами три стругы да насад на колесах, в четверток же спустиша суды на реку на Дон, и во 2 день приидохом до Чюр Михайловых, тако нарицаемо место, некогда бо и град бяше был. И ту утешение вземше и о господи целование створше, и с жалостию и со умилением проводиша ны, и от того места возвратишася въсвояси.

В неделю же святых Мироносиц жен оттуда же с митрополитом вси влезъше в суды, поидохом рекою Доном, тужаше и скорбяще о путном шестьвии. Бяше бо пустыня зело не бе бо видети ни села, ни человека, токмо звери, лоси же и медведи и прочая зверя. Въ 2 же день речнаго плаваниа минухом две реце, Мечю и Сосну469469
  …Меню и Сосну… – Реки, притоки Дона.


[Закрыть], а в 3 день Острую Луку, а в 4 Кривыи бор. В 6 день приспехом до устьа Воронежа470470
  …устьа Воронежа… – Устье р. Воронеж, приток Дона.


[Закрыть]. На утриа же на неделю на святаго Николы память приеде к нам князь Юрьи Елецкий с бояры и со многими людми и створи радость велию. Оттуда же приехахом к Тихой Сосне и видехом столпы камены белы, красно же стоять рядомь, як стози мали над рекою над Сосною. И минухом Черленыи Яр, и Бетюк и Похор. В неделю же Самарянини минухом реку Медведицу471471
  …реку Медведицу… – Приток Дона.


[Закрыть] и горы высокиа, и Белый Яр; в понедельник горы камены Красны, вторник – Теркли и городище и перевоз, и ту обретохом первие татар. В среду минухом Великую Луку и Сарыхочзин влус и оттоле нача ны страх одерьжати, яко внидохом в землю языка Исмальтскаго. В четверток минухом Бекъбулатов улус, в пяток минухом Черленыи горы в неделю слепаго минухом Акбусин влус. В понедельник проиходом Бузун реку, канун Възнесениа Христова приспехом до моря.

Неделю святых стець въкладшеся в корабль на устьи Дону под Оваком472472
  …под Оваком… – Имеется в виду г. Азов. На момент путешествия Игнатия Смольнянина принадлежал генуэзцам.


[Закрыть]. И отступихом в море и бысть о полноши кораблю стоящю на якори, и некотории оклеветаша ны в граде, и догшаше ны фрагове в сандалцех, и наскакаше корабль, и бысть топот велик на мосту корабля, и бывающих неведущу ми. Изшед же на помост, и видехом мятежь велик; и рече ми владыка: Игнатие, что бо ради сице стоишь, ничтоже печали не имши. Мне же рекшу: Что есть, владыко? И рече ми: сии убо фрязи от града пришедше, нашего святителя митрополита имше и сковаша и Германа и диакона его; должен бо им есть, мы же с ним без вины погибаем. И въспросиша старейшину их, что им хотят створити; он же отвеща: не боитися, что же вашего есть, и вы своя возмете. Помале же уталени быша митрополитом и, доволну мзду вземше, вся ны отпустиша. И дню мимошедшу и въ 2 день поидохом оттоле. Ветру же добру и пособну бывшю, и в 3 день тяжек ветр въпреки бяше, и прияхом истому велику потоплениа ради корабленаго. Но и сами корабленици стояти не могуще, но паче валяхуся, якоже пиани и избивахуся, и приидохом устие Озачьскаго моря473473
  …Озачьскаго моря… – Имеется в виду Азовское море.


[Закрыть]. И взидохом на великое море в 6 день минухом Кафинский лимень и Сурож474474
  …Кафинский лимень и Сурож… – Керченский пролив (Кафа – древнее название Керчи); Сурож – древнее название г. Судака, расположен в Крыму.


[Закрыть]. И проидоша 4 дни. В 5 день в четверток възвея ветр съпротивен и поведе ны в левую страну к Синопу475475
  …к Синопу… – г. Синоп – турецкий город и порт на южном побережье Черного моря.


[Закрыть], и впадохом в лимен близ града Синопа, и ту пребыхом 2 дни. И възвея добр и покосен ветр, и поплыхом близ брега. Бяху же ту горы высоки и впол тех гор стирахуся облаци, и противу града Амастра заговехомь к Петрову дни.

Вторник минухом Понтораклию, в среду възвея ветр съпротивен и възвратихомся в Пандораклию, и пребыхом 9 дний. Ту есть церковь святаго Феодора Тирона, ту мучение его бысть, в ней же и гроб его. И оттоле поидохом в сандалиах к Царюграду на Рожество Иоана Предтечи. И на утриа в пяток минухом Диополь град. В суботу обедахом на устья рекы Сахара. В неделю минухом град Дафнусию и Карфию и приидохом в град Астравию476476
  …Диополь град… Дафнусию и Карфию… град Астравию… – Города на побережье Черного моря.


[Закрыть]. И ту постоа митрополит, пытая вести о Амарате. Бяше бо Амарат пошел ратию на сербьскаго князя Лазаря477477
  …Амарат пошел ратию на сербьскаго князя Лазаря… – Имеется в виду Мурад I, турецкий султан (1359-1389). В 1389 г. он разбил на Косовом поле в Сербии объединенные силы сербов, албанцев и валахов, которые пытались свергнуть турецкое иго. После сражения был убит сербом Милошем Обиличем.


[Закрыть], и бысть весть: убиша бо на суиме обою, и Амората и Лазаря. И убоявшесь мятежа, занже бехом в Турьской державе, и отпусти митрополит черньца. Михаила, а владыко Михаил мене Игнатия, а Сергий Азаков своего черьнца. И поидохом от Астравии в неделю перед Петровым днем. На утрия поидохом от Фили и минухом Риву и приидохом къ устью и минухом Фонарь478478
  …поидохом от Фили и минухом Риву и приидохом къ устью и минухом Фонарь… – Населенные пункты и города недалеко от Константинополя.


[Закрыть]. Ветру же добру сушу велми, и приспехом в Царьград с радостию неизреченною. В понедельник канон Петрову дни в год вечерни приидойша к нам Руси, живущий ту, и бысть обоим радость велиа. А ту нощь пребыхом в корабли, на утриа же в самый праздник святых Апостол, благодаряще бога, внидохом в град. В утрии поидохом к святей Софии, еже есть премудрости божия. И дошедше великых врат, поклонихомся чюдотворней иконе Пречистыя Богородица, от нея же изыде глас Марии Египетской, възброняя ей входа в святую церковь въ Иерусалиме. Таже поклонихомся образу господню внутрь святыа церкви и честным святым иконам и целовахом трапезу, на ней же покладають святыа страсти Христовы, и потом святаго Арсениа патриарха и трапезу Авраамлю, на ней же гости Христа в Троици явлышася, и одр железный, на нем же Христови мученици жьжени бы– ша. И пребыхом все утро в церкви, покланяющеся и дивящеся чюдесем святых, и величеству и красоте церковной. И отслушавше святую литоргию, и идохом на двор Костянтинов, и видехом тамо здание царско, еже именуется Продромио479479
  …Продромио… – Ипподром византийской столицы.


[Закрыть]. И стоит тамо столп медян, аки в три пряти свит480480
  И стоит тамо столп медян, аки в три пряти свит… – Имеется в виду знаменитая Змеиная колонна.


[Закрыть], верху разведены, а на каемждо конци по змиеве главе. В том же столпе заклепан яд змиев; бяхуть же ту и инии столпи мнози камены.

Месяца иулия в 1 поидохом в монастырь святаго Иоана Продрому и ту поклонихомся. И упокоиша ны добре ту живущие Русь. В утрии шедше Влахерьну и целовахом раку, в ней же лежит риза и пояс пречистыя Богородица, и оттоле идохом к Апостольстей церкви и, поклоньшеся, целовахом святый столп, на нем же биен бысть господь нашь Исус Христос. Ту есть и Петров камен, на нем же плакася горко о отметании. И поклонихомся образу пресвятыя Богородица, иже явися святу старьцю в пустыни. И бяше ту гробове царьстии великаго Коньстянтина и Феодосиа Малаго и инии мнози. В той же стране есть церковь мала, в ней же образ Спасов великий, от него же изыде глас прощениа на одре лежащему человеку и верою кающуся своих согрешении. Ту есть в приделе святый Спиридон и Полиект, оба в теле суть, и мощи святаго Иоана Златоустаго, и мощи святаго Григория Богослова в каменных ковчезех запечатаны. В 3 день идохом к святому Антонию патриарху и благославение от него прияхом. В 4 день поклонихомся образу великаго архангела, иже явися отроку, стрегущему снасть здательную церковную. В 6 поидохом к пресветей Богородици Одигитриа и поклонишеся целовахом и взяхом помиризмо и помазахомся радость мою. И идохом в великий честны манастырь Пандократор и целовахом святую дъску господню, на ней же, со креста снемше, тело Христово положиша. И пречистые слезы на том възбразишась, в ту есть корчага в самородном камени сделана, в ней же Христос воду и вино претвори, и держат в ней воду богоявлении, ту лежат главы святых Сергеа и Вакха и Якова Перьскаго.

В 8 день поклонихомся святому образу Христову, створшему чюдо о купци Федоре. В 16 прииде Михаил владыка в Царьград. В 24 идохом в монастырь святаго Иоана Продрома и целовахом руку святаго Иоана Постника. В 30 приат благословение от патриарха владыка Михал, и идохом в монастырь святаго Афонасия патриарха, ему же вдала посох на патриарьшество святая Богородица, и целовахом мощи его в теле. И оттоле идохом в Перивлепто и целовахом мощей много и священномученика Григориа в теле; и рука есть ту святаго Иоана Предтечи, крестившиа господа.

В 31 ходихом верху церкве святыя София, и видехом 40 окон шинных и мерих окно съ столпом, 2 сажени без двух пядей. Августа 1 ходихом в церковь при Костянтинове дворе, ижи зовома есть 9 чинов, в ней же суть столпи чюдии; зрети бо есть сущих при них, аки в зерцале. А оттуду ходихом въскраи моря, идеже есть целебный песок, и над ним церковь святый Спас, в ней же есть чюдотворныи образ господень и святый Аверкие в теле. В 2 целовахом мощи свята– го Стефана первомученика в монастыри его. В 5 ходихом къ Пигии; поклоншеся святей Богородици и пихом святую воду целебную и мыхомся ею. 8 ходихом в Перивлепто и целовахом руку Предтечеву и главу Григория Богослова, и лоб Стефана новаго, и икону господню, от нея же изыде глас царю Маврикию, в ней же вковано святых мощей много, и ту есть потирь топазион, камени многоценна и иных святых мощей много. В 8 ходихом в Пандократорьскую церковь и в судохраниле, видехом святое евангелие, писано все златом рукою Феодосиа, царя Малаго; и ту целовахом кровь господию, истекшую от ребр его на кресте.

Месяца септеврия 10 день преставися Пимин митрополит в Халкидоне и привезше тело его положиша вне Царяграда на край моря, против Галаты, в церкви Предтечеве.

В его место отпустивше в Русию митрополита Киприана. И поиде оттуда месяца октября 1, а с ним владыка Михаил, Иоан владыка Волыньскы, и с ним два митрополита греческых и Феодор Симановскии. По отшествии же их прииде весть, един корабль, рекоша с митрополиты спасен бысть, а иже со владыками, тъй безвестен есть. Некотории глаголаху истопоша, а инии рекоша, в Кафу присташа; друзни же реша, в Амастрии суть, а инии в Дафнусии сказуют. И не по коликих днех прииде грамота от митрополита сказующи, колика беда, им на мори бысть страшна и неисповедима, и каков бысть гром и треск от стражениа волн. И паки от того развеяни быше, друг друга не видеша. И бури преставши и вси спасени быша и к Белуграду приплвше, и вси здрави в Русью отидоша. Мы же сиа слышавше радостни зело быхом.

Месяца декабря 17 видех гроб великаго пророка Даниила и поклоншеся целовахом. Ту есть церковь святыа Богородица; также чудодействует в пяток Страшной преславно. Есть бо в ней икона святыа Богородица, писание Луки Евангелиста. В неделю перед Рожеством Христовым видех въ святой Софии, како рядять в пещь святых 3 отрок. И служившу патриарху святую литургию честно во всем сану святительском. В 22 целовах мощи святыя Анастасиа и главу святаго Игнатиа Богоноснаго.

В лето 6898 Андроников сын Калоан нача искати в Цариграде царства с турьскою помощию481481
  …Андроников сын Калоан нача искати в Цариграде царства с турьскою помощию… – Речь идет о династической борьбе за византийский Императорский престол.


[Закрыть]. И приа грады и пирги, и прииде к Царюграду, близ святыа Пасхы начата битися, и в велики четверток прииде Мануил старого царя сын Калоанов от Лимноса, в катаргах на помощь Царюграду. В великую суботу обличиша коромолников до пятидесят, овых ослепиша, а овем носы срезаша, и заздаша вся врата граду от поля, а оставиша едины врата близ Продрома, и повелеша блюсти запас на два года.

Во 2-ю неделю Пасхы в среду о полунощи долнейшаа люди отвориша врата граднаа Колоану Андрониковичу и пустиша его с греци, а без турков, и ничтоже зла не сътвориша. Мануил же в катаргах убеже и с имением в остров Лимноса от Царяграда до Лимноса острова триста миль, а от Лимноса до Святыя Горы 60 миль близь Святые Горы. Старый же царь Калоан затворися в своих полатах, а бояре их укочиша в церковь святые Софии. Звон же бысть по всему граду, ратнии же осветиша весь град фонарьми, гоняюще по всему граду и на конех и пеши толпами голы, оружиа держаще в руках своих, и стрелы готовы в луки положены, кличюще сице: "пола та ите Андронику" и весь народ, мужи к жены, и малыа дети. И отвещевають вси граждане, вопиюще: "пола та ите Андронику", идеже сице не възъглаголють вскоре, ту навертывают яро оружии. И бе чюдно видети и слышати кипение граду. Овии со страхом трепетаху, а овии радовахуся, и не бе видети убиенаго нигде же, толико страх подаваху, оружиа възносяще; дню же приспевшу, полъутра мало помятошясь и мало некоих ураниша. До вечера же поклонишася вси царю младому Андрониковичу, и утишися град, и преложися печаль на радость. Царь же Мануил того лета приводил двожды фрязскую рать ко Царюграду к катаргах, и не успе ничтоже. А Калван подья истому велику, наряжая пороки и рати наимную; бияся у полать все лето пушками и с старымь царемь и не може ему оделети. И пришед Мануил третее ко Царюграду с римляны, тии же крепко ополчаются на противных, знамя же их – на персех крест бел нашит. И вниде в лимень, сиречь пристанище и воиде в полаты к отцу. Бяху бо с краа моря стена камена и пиргове высоци, не мощно бо есть никако же прийти к нему ни по морю супостатным, ни по суху. Андроникович же стояще на поли, бияся с старым царем. Бысть же месяца сентября 17 день во время обеда, царь Мануил вышед ис кастеля съ всеми своими и удари невестно на Андрониковича, обедающу бо ему невъоружену, и невъзъмог стати, побеже, сродник же его Каталуз бияся, и не възмог, такоже бегу ятся. И приа Мануил Царьград, и поплени Андроникович множество около Царяграда. И поиде Мануил с поклоном к турьскому царю, и удержа его турчанин приела к отцу Мануйлову, рече: "дондеже не разоришь палат своих, Мануил от руку моею не изыдеть". И повеле неволею полаты разорите, и самь иды– де в ветхий царьскый двор и от скорби преставися. И турци Мануила отпустища и бысть царь и доныне.

В лето 6899 августа 15 земля треснулася.

О царъском венчании

В лето 6900 месяца февраля 11, в неделю о блудном венчан бысть царь Мануил на царство и со царицею святым Антонием патриархом. И бысть венчание его чюдно видети. Той нощи бысть все бдение нощное въ святей Софии. Восиавшу дни, приидохом и аз тамо. И беаше народа множество, мужьскы пол внутрь святыа церкви, и женьски на полатах. И толико хитро есть: вси иже бяху женьска пола, стояху за шидными запонами, а лиць их украшениа никому же от народа не видети, им же вся зримая видети есть. Певци же стоаху украшени чюдно, ризы имяху, аки стихари широци и долзи, и вси опоясани, рукава же риз их широцим, а долзи, ови камчати, овии шидны, наплечки с златом и круживом; на главах их оскрилци с круживом. И множество их собрани. Стареший их бе красен, аки снег, бел. Беяху же ту и фрязове от Галаты, а инии Цареградци, а ийии зеновицы, а инии венедики. И тех бяше чин видети чюден. И стояху на два лика, имеяху на себе ягаты багряна бархата, а друзии вишнего бархата, и един лик имеяше знамя на персех жемчюг жен, и друзии свое знамя имеша на всех равно. И бяше под полатами по правой руце чертог 12 степени, шириною две сажени, а облечен весь червленым черьвцем, на нем же два столпа златы.

Нощи тоя царь на полатах был, и егда приспе 1 час дни, и сниде царь с палат и вниде в святую церковь предними великими дверьми, еже зовутьсь царьскаа. А певцы и пояху пениа странна и несказанна. И бысть шествие царева толико тихо в 3 час от предних врат до чертога. Обапол царя 12 оружника, от глав их и до ногу все железно, а пред нимь идуть два стяжка власы черны, а древа их и ризы и шапки черлены. А пред двема стяжки идуть подвоискии; посохы их сребром закованы.

Царь же, вшед в чертог, облечеся в багряницю и диамиду и венец кесарьскый около главы с столпъчики. Изшед из чертога, изыде на верх, и приведоша царицю, и седоша на столех; и начата литургию. А царь седит и царица. И егда хотяше быти выход, и пришедша два велика диакона к царю, и створиша поклон мал до персей. И въста царь, поиде к олтарю, а стяжки пред ним и окружниц обапол его. И вшедшу царю в олтарь, сташа стяжки и оруженици пред ольтарем на обе стране святых дверець, и облекоша царя в фелонец482482
  …в фелонец… – Верхняя одежда без рукавов.


[Закрыть] мал, до пояса багрян, и иде царь на выход, свяща в руце держа. И створяя патриарх вход, взыде на обмон, и царь с нимь. И принесаша царьский венець на блюде, покровен, такоже и царицин. Шедше два великаа диакона и створиша поклон мал царици; и прииде царица до амбона. И положи патриарх венец на царя и даде ему крест в руку. И сшед царь доле и положи венец на царицю, и поидоша на свое место и седоша на столех. А патриарх вход створи и прочее.

И егда хервимьскаа песнь доспе, и шедши велика диакона и створища царю поклон, якоже и преже. И вста царь, иде в олтарь. И одеже фелонець, и предшествова пред святыми дарьми в пренос, свещу возжену в руце держа.

Кому есть мощно поведати красоты тоя. Елико долго бо шествия святым даром, колико херувимьская песни есть. И по входе святых даров кадить царь около престола. И пребысть в олтари до святаго причащениа. И егда бысть час святому причащению и шедша великая диакона створиша поклон царици. И егда снидо от престола доле, и ту стоящий народи раздраша всю опону чертожную, колико кто въсхити себе. И вниде царица южьными враты в крило олтаря, и даша ей святое причастие; царь же от патриарха с священники причастися у престола Христова. Изшедшу же ему из церкви, осыпаша его стовратами, народ же похваташа койждо руками своими.

Книга хожений: Записки русских путешественников XI-XV вв. / Сост., подгот. текста, вступ. ст. и коммент. Н.И. Прокофьева. М., 1984.

Публ.: Хожение Игнатия Смольнянина / Археогр. вступ. и примеч. Н.И. Прокофьева // Литература Древней Руси. М., 1978. Вып. 2. С. 136-145.

Основу отношений Руси и Византии на протяжении всего XIV в. составляли связи константинопольского патриархата с возглавлявшими русскую церковь митрополитами. Они назначались в империи и способствовали сохранению с ее стороны влияния и контроля за положением дел в самой отдаленной из метрополий. Насколько тесным было взаимодействие церковных властей хорошо показывает сообщение 1389 г. о дипломатической поездке в Царьград митрополита Пимена, помещенное в Никоновской летописи и составленное смоленским дьяконом Игнатием – известным автором конца XIV – начала XV в.

ХОЖЕНИЕ ИГНАТИЯ СМОЛЬНЯНИНА

В лъто 6897 Пимин, Митрополит всеа Руси поиде в третий ко Царю-граду, а с ним Владыка Михаил Смоленский, да Архимандрит Спаськои Сергъи. Быстьж начало пути тому от града Москвы Апръля в 13, в Великой Вторник Страстныа Недъли. И приидохом на Коломну в Суботу Великую, а в святую недълю Пасхы поидохом к Рязани по рецъ по Окъ, и приспъхом к граду к Перевитьску, и ту сръте нас Феогност, владыка Рязанскыи. И приближшимся нам ко граду Переяславлю, и сръте ны с любовию Князь Великий Олег Иванович, и прият с радостию и угости добръ с своим епископом. И отпусти с нами боарина своего Станислава с доволною дружиною и воинством, и повелъ нас проводите до реки до Дона с великим опасением разбоя дъля. Проводишаж нас и епископи Данил Смоленскыи и Сава Сарьскии.

Поидохомже и оттуду в Недълю Фомину. Провадишаже с нами три стругы да насад на колесех; в четвертокже спустиша суды на ръку на Дон, и в вторыи день приидохом до Чюр Михайловых. Тако нарицаемо мъсто, нъкогда бо и град бяше был. И ту утешение вземше и о Господи целование сътворише, и с жалостию и со умилением проводиша ны, и от того мъста възвратишася во свояси.

В недълюж Святых Мироносиць Жен оттуду с митрополитом вси влъзше в суды. Поидохом ръкою Доном, тужаще и скорбяще о путном шествии. Бяше бо пустыня зъло не бъ бо видъти ни села, ни человъка, токмо звъри, лосюке и мъдведи и прочая звъря. В вторы– иже день ръчнаго плаваниа минухом двъ ръце, Мечю и Сосну, а в третыи день проидохом Острую Луку, а в четвертый Кривыи Бор. В шестыи день приспъхом до уст Воронажа. На утриаже в недълю на память святаго Николы приъде к нам Князь Юрьи елецькии с бояры и со многими людми и створи радость велию. Оттудуже приъхахом к Тихой Соснъ и видъхом столпы камены бълы; красноже стоять рядомь, яко стози мали над ръкою над Сосною. И минухом Черленыи Яр, и Бетюк и Хопер. В недълюже Самаряныни минухом ръку Мъдведицю и горы высокиа, и Бълыи Яр; в понедъльникже горы камены красны, во вторникже Теркли и городище и перевоз, и ту обрътохом первые татар. В среду минухом Великую Луку и Сарыхозин улус и оттоле нача ны страх одержати, яко внидохомь в землю языка исмальтскаго. В четвертокже минухом Бекъбулатов улус, в пяток минухом Черленыи горы, в Недълюже Слъпаго минухом Акбугин улус. В понедъльникже проидохом Бузук ръку; канун Възнесениева Дни приспъхом до моря.

В недълюже Святых Отець въкладшеся в корабль на устьи Дону под Азовом. И отступихомь в море и бысть в полнощи, кораблю стоящу на якори, и нъкотории оклеветаша ны в градь, и догнаша ны фрагове в сандалцех и наскакаша в кораблив. И бысть топот велик на мосту корабля, и бывающих невъдущуми. Изшедше на помост и видъхом мятежь велик; и рече ми Владыко Михаил: Брате Игнатие что сице стоишь, ничтоже печали не имыи? Мнъже рекшу: Что есть, Владыко? И рече ми: Сии убо фрязи от града пришедше, нашего святителя митрополита имше и сковаша и Герьмана и диакона его; должен бо им есть. Мыже с ним без вины погибаемь. И въспросиша старейшину их что им хотять створити. Онже отвеща: Не боитесь; чтоже вашего есть, и вы своя вся возмъте. Помалъже утолени быша митрополитом и, доволну мзду вземше, вся ны отпустиша. И дню мимошедшу и в вторыи день поидохом оттоле. Вътруже добру и пособну бывшу, и в третий день тяжек вътр въпреки бяше, и приахомь истому велику потоплениа ради корабленаго. Но и сами корабленици стояти не могуще, но паче валяхуся, якоже пиани и избивахуся и проидохом устие Озачьскаго моря. И взидохом на великое море; в шестыиже день, в субботу, минухом Кафиньскии лимень и Сурож. И проидоша четыре дни. В пятый день, в четверток, възвъя вътр съпротивен и поведе ны в лъвую страну к Синопу, и впадохом в лимен близ града Синопа, и ту пребыхомь два дни. И възвъя добр и покосен вътр, и поплыхом близ брега. Бяхуже ту горы высокы и впол тъх гор стирахуся облаци, и противу града Амастра заговъхомь к Петрову дни. Вторник минухом Понтораклию, в средуже възвъя вътр съпротивен, и възвратихомся в Пандораклию, и пребыхом девять дни. Ту есть церковь святаго Феодора Тирона, ту и мучение его бысть, в неиже и гроб его. И оттоле поидохом в сандалиах к Царю– граду на Рожество Иоана Предтечи. И на утриа в пяток минухом Диополь град. В субботуже объдахом на усть ръкы Сахара. В недълюже минухом град Дафнусию и Карфию и приидохом в град Астравию. И ту постоя митрополит, пытая въсти о Амаратъ. Бяше бо Амарат пошел ратию на сербьского князя Лазаря и бысть въсть: убиша бо на суиме обою, и Амората и Лазаря. И убоявьшесь мятежа, занже бъяхом в турьскои державъ и отпусти митрополит черньца Михаила ко Царюграду, а Владыка Михаил мене Игнатиа, а Сергии Азаков своего чрънца. И поидохом от Астравии в недълю пред Петровым днем. На утриа поидохом от Фили и минухом Риву и приидохом к устью и минухомь Фонарь. Вътруже добру сущу велми, и приспъхом в Царьград с радостию неизреченною.

В понедъльник, канон Петрову дни, в год вечерни приидоша к нам Руси, живущий ту, и бысть обоимь радость велиа. И ту нощь пребыхом в корабли, на утриаже в самый праздник святых Апостол, благодаряще Бога, внидохом в град. В утрии поидохом к святъи Софии, еже есть Премудрости Божиа. И дошедше великых врат, поклонихомся чюдотворнъи иконъ Пречистыа Богородица, от неяже изыде глас Марии Египетьскои възбраняя ей входа в святую церковь в Иерусалимъ. Таже поклонихомся образу Господню внутрь святыа церкви и честнымь святымь иконам и целовахом трапезу, на неиже покладають святыа страсти Христовы, и потом святого Арсениа патриарха и трапезу Авраамлю, на неиже угости Христа в Троици явльшася, и одр желъзныи, на немже Христови мученици жьжени быша. И пребыхом все утро в церкьви, покланяющеся и дивящеся чюдесем святых, и величьству и красотъ церковнъи.

И отслушавше святую литургию, и идохом на двор Костянтинов, и видъхом тамо здание царско. Ту есть игрище царско, еже именуетьсь Продромио, и стоит тамо столп мъдян, аки в три пряти свит, в верху разведены, а на коемждо конци по змиевъ главъ. В томже столпъ заклепан яд змиев; бяхуже ту и инии столпи мнози камены, и чюдеса многа. Мъсяца Иулиа в первый поидохом в манастырь святаго Иоана Продрому и ту поклонихомся, и упокоиша ны добръ ту живущий Русь. В утрии шедше в Лахерну и целовахом раку, в неиже лежит риза и пояс пречистыа Богородица, и оттоле идохом к Апостольстъи церкви, и, поклоншеся, целовахом святый столп, на немже биен бысть Господь нашь Исус Христос. Ту есть и Петров камень на немже плакася горко о отметании. И поклонихомся образу пресвятыа Богородица, иже явися святому старьцу в пустыни. И бяше ту гробове царстии великаго Коньстянтина и Феодосиа Малаго и инии мнози. В тоиже странъ есть церковь мала, в неиже образ Спасов великий, от негоже изыде глас прощениа на одръ лежащему человеку и върою кающуся своих согръшении. Ту есть в придълъ святый Спиридон и Полиект оба в тълъ суть и мощи святаго Иоана Златоустаго, и мощи святаго Григориа Богослова в каменных ковчезъх запечатаны.

В третий день вдохом к святому Антонию патриарху и благословение от него прияхомь. В четвертый день поклонихомся образу великаго архангела Михаила, иже явися отроку, стрегущему снасть здателную церковную. В шестыи поидохом к пресвятьи Богородици Одигитриа и поклоншеся целовахом и взяхом помиризмо и помазахомся радозстьно. И идохом в великий честный монастырь Пандократор и целовахомь святую дъску Господню, на неиже, со креста снемше, тъло Христово положиша. И пречистые слезы на том въобразишясь, и ту есть корчага в самородномь камени сдълана, в неиже Христос воду в вино претвори, и держать в ней воду святых богоявлении. Ту лежать главы святых Сергеа и Вакха и Акова Персьскаго. В осмыи день поклонихомся святому образу Христову створшему чюдо о купци Феодоръ. В 16 привде Михаил владыка в Царь-град. В 24 идохом в манастырь святаго Иоана Продрома и целовахом руку святаго Иоана Постника. В 30 приат благословение от патриарха Владыка Михаил, и идохомь в монастырь святаго Афонасиа патриарха, емуже вдала посох на патриаршьство святая Богородица, и целовахом мощи его в тълъ.

И оттоле вдохом в Перивлепто и целовахомь мощей святых много и святаго священномученика Григориа в тълъ и рука есть ту святаго Иоана Предтечи, крестившиа Господа. В 31 ходихомь верху церкви святыа Софиа, и видъх 40 окон шейных и мърих окно с столпом по двъ сажени без дву пядей. Августа первый ходихом в церковь при Костянтиновъ дворъ, иже зовома есть девять чинов, в неиже суть столпи чюдни; зръти бо есть сущих при них аки в зерцалъ. А оттуду ходихом въскраи моря, идеже есть целебный пъсок и над ним церковь святый Спас, в неиже есть чюдотворныи образ Господень и святый Аверкъи в тълъ. В вторыи целовахом мощи святаго Стефана первомученика в монастыри его. В пятии ходихомь в Питии; поклоншеся святьи Богородици и пихомь святую воду целебную и мыхомся ею. Осмыи ходихом в Перивлепто и целовахом руку Предтечеву и главу Григориа Богослова и лоб Стефана новаго, и икону Господню, от неяже изыде глас царю Маврикию, в неиже вковано святых мощей много; и ту есть потирь топазион, камени многоцънна и инъх святых мощей много. В осмыи ходихом в Пандократорскую церковь и в судохранилъ видъхом святое евангелие, писано все златом рукою Феодосиа царя Малаго; и ту целовахомь кровь Господню, истекшую от ребр Его на крестъ.

Мъсяца Септевриа десятый день преставися Пимин митрополит в Халкидонъ и, привезше тъло его, положиша внъ Царяграда на край моря против, [в] Галатъ, в церкви Предтечевъ. В его мъсто отпустивше в Русию Митрополита Киприана. И поиде оттуду мъсяца Октября первый, а с ним Владыка Михаил, Иоан, Владыка волыньскы, и с ним два митрополита греческых и Феодор Симановьскии. По отшествииже их прииде въсть, о них сицева, яко истопе Русь на моръ, точию един корабль рекоша с митрополиты спасен бысть, а иже с владыками, тъи безвъстен есть. Нъкотории глаголааху о них, яко истопоша, а инии рекоша в Кафу присташа; друзииже ръша, в Амастрии суть, а инии в Дафнусии сказують. И не по коликих днех прииде грамота от митрополита сказующи, колика бъда имь на мори бысть страшна и неисповъдима, и каков бысть громь и тръск от стражениа волн, и паки от того развъяни быша, друг друга не видъша. И бури преставши, и вси спасени быша и к Бълуграду приплывшее, и вси здрави в Русью отидоша. Мыже сиа слышавше радостни зъло быхом. Мъсяца Декабря 17 видъх гроб великаго пророка Даниила и поклонитесь целовахом. Ту есть церковь святыа Богородица; таже чюдо действует в пяток страшно и преславно. Есть бо в ней икона святыа Богородица, писание Луки Евангелиста. В недълю перед Рожествомь Христовым видъх в святой Софии, како рядят пещь святых трою отрок. И служившу патриарху святую литургию честно во всем сану святительском. В 22 целовах мощи святыа Анастасиа и главу святаго Игнатиа Богоноснаго.

В лъто 6898 Андроников сын Калоан нача искати в Цариградъ царства с турскою помощию. И приа грады и пирги, и прииде к Царюграду; близ святыа Пасхы начаша битись, и в Великий Четверг прииде Мануил старого царя сын Калоанов от Лимноса, в катаргах, на помощь Царюграду. В Великую Суботу обличиша коромолников до пятидесяти, овых ослъпиша, а овъм носы сръзаша, и заздаша вся врата граду от поля, а оставиша едины врата близ Продрома, и повелъша блюсти запас на два года. Во второю недьлю Пасхы в среду о полунощи долнъишаа люди отвориша врата граднаа Калоану Андрониковичу и пустиша его с греци, а без турков, и ничьтоже зла не сътвориша. Мануилже в катаргах убъже и с имънием в остров Лимнос. (От Царяграда до Лимноса острова триста миль, а от Лимноса до Святыя Горы шестидесять миль; близ Святые Горы.)

Старииже царь Калоан затворися в своих полатах, а бояре их ускочиша в церковь святые Софии. Звонже бысть по всему граду, ратнииже освътиша весь град фонарми, ганяюще по всему граду, и на конех и пъши толпами голы, оружья держаще в руках своих, и стрълы готовы в луки положены, кличающе: Пола та ите Андронику, и весь народ, мужи и жены, и малыа дъти. И отвъщевають вси гражане, вопиюще: Пола та ите Андронику. Идеже сице не възъглаголють вскоръ, ту навертывають яро с оружии. И бъ чюдно видъти и слышати кипение граду. Овии со страхом трепетаху, а овии радовахуся, и не бъ видьти убиенаго нигдеже, толик страх подаваху, оружиа възносяще; днюже приспъвшу, пол утра мало памятошясь и мало нъкоих ураниша. До вечераже поклонишася вси царю младому Андрониковичу, и утишися град, и преложись печаль на радость. Царь Мануил того лъта приводил двожды фрязскую рать ко Царю– граду в катаргах, и не успъ ничтоже, а Калван подъя истому велику, наряжая пороки и рати наимуя; бияся у полать все лъто пушками с старым царемь и не може ему одолъти. И пришед Мануил третьее к Царюграду с римляны, тииже кръпко ополчаются на противных, знамяже их на персех крест бъл нашит. И вниде в лимень, сиръчь пристанище и воиде в полаты к отцю. Бяху бо с краа моря стьна камена и пиргове высоци, не мощно бо есть никакоже прийти к нему ни по морю супостатным, ни по суху. Андрониковичже стояше на поли, бияся с старымь царемь. Быстьж мъсяца Сентября 17 день во время объда, Царь Мануил вышед ис кастеля со всъми своими и удари невъстно на Андрониковичя, объдаюшу бо ему невъоружену, и невъзмог стати, побъже, сродникже его Каталуз бияся, и не възмог, такоже бъгу ятся.