Текст книги "Антология хожений русских путешественников XII-XV века"

ХОЖЕНИЕ НА ФЛОРЕНТИЙСКИЙ СОБОР НЕИЗВЕСТНОГО СУЗДАЛЬЦА

В лето 6945 поехал митрополит Сидор с Москвы на Рождество святыа богородици525525
  …на Рождество святыа богородици… – 8 сентября.


[Закрыть]. Приехал в Тверь на воздвижение честнаго креста526526
  ..на воздвижение честнаго креста… – 14 сентября.


[Закрыть]. А с ним владыка Аврамии Суждальскии527527
  …владыка Аврамии Суждальскии… – Суздальский епископ Авраамий. Написал два очерка о представлении мистерий во Флоренции.


[Закрыть]. И въстретил его князь Борис тверьскии528528
  …князь Борис тверьскии… – Борис Александрович, великий князь тверской (1426-1461).


[Закрыть] с своими боляры с великою честию, а владыка Илиа529529
  …владыка Илиа… – Епископ тверской Илья (30-50-е годы XV столетия).


[Закрыть] с кресты, с всеми священникы, и весь народ града того. А был во Твери 9 дней. А выехал в неделю и ночевал в Савине пустыне. А от Москвы до Твери 200 верст без 20. А от Твери до Торъжку 60 верст, а от Торъжку до Волочка 70 верст. А от Волочка пошел рекою Мъстою530530
  …рекою Мъстою… – р. Мета, протекает в Тверской и Новгородских областях.


[Закрыть] в лодье к Великому Новугороду, а кони берегом. А от Волочка рекою до Новагорода триста верст.

И сретоша его далече владыка новгородский Еуфимий531531
  …владыка новгородский Еуфимий… – архиепископ Великого Новгорода (1429-1458).


[Закрыть] и посадники с великою честию. И ночевал в Юрьеве монастыри. На утре же въехал в град месяца окьтября в 7 день. И сретил его владыка с кресты, с попы и диаконы, и весь народ, и тесноте велице сущи народом. И дошед врат града того, и на вратех церковь, и ту митрополит облечеся в ризы, а с ним владыка Аврамии облечежеся. И ту свящали воду, и кропили народ. И иде к святой Софии532532
  …идее к святой Софии… – Имеется в виду Софийский собор в Новгороде Великом, кафедральный собор архиепископа.


[Закрыть], и розволокся ту, и того дни пировал у архиепископа Еуфимиа, и дав ему честь велию. Бысть же в Новегороде седмь дний.

А из Новагорода поиде ко Пскову. И пьсковичи сретоша его на рубижи и почтиша его велми. И приеха в Пьсков месяца декамвриа в 6 день на память святаго отца Николы. И за градом сретоша его с кресты священици и народ мног. И того дни служил обедню у Святые Троици533533
  …у Святые Троици… – Собор Святые Троицы в Пскове, главный собор города.


[Закрыть], а с ним владыка Аврамии, и благословил народ; и даша ему 20 рублев. А от Новагорода до Пскова два 90 верст. И ту бы– ша пирове мнози и дары велици. А отпуская его, даша ему 100 рублев. И поеха изо Пскова в Немци, месяца генваря в 22 день, на память святаго апостола Тимофеа. А был во Пскове 7 недель.

^{Первый град немецкий Коспир бискупа Юрьевскаго. И ту его сретил бискуп юрьевскыи с великою честию, по своему праву немецкому, с своими стрыи немецкыми, с трубами и с свирельми, и дав ему честь велику, и дары многы. А} от Пьскова до Юриева града534534
  …до Юриева града… – Город Юрьев (ныне – Тарту) основан великим князем Ярославом Мудрым в 1030 г., в 1224 г. им овладел немецкий орден и город получил новое название – Дерпт.


[Закрыть] 100 верст.

И приехал господин к Юрьеву, и ту сретоша его посадникы и ратманы535535
  …и ратманы… – Члены городского управления (раты).


[Закрыть] далече, и священници с кресты, и множество народа града того, и даша ему честь велию.

Град же бе Юриев камен, велик, полаты же в нем велми чюдны, и нам же не видавшим, дивлящемся; церкви же бе многы и монастыри велици. И монастырь бе женскыи, по их праву един, велми чюден; неисходящим бо им никогда же из монастыря того, а стригущимся в манастыри том девицами суще, и того ради звашеся святыа девы; ризы же черниц тех белы яко снег, ряскы же и монатьи, и на главах их венец черн, а поперек главы крест, а на то наметкы белы, ико снег; а от мирян никако же к ним не ходят, но токмо женам у них бывшим с господином, и видевше их житие удивихомся. Река же бе обошла с тое страны, откуда мы приехали. Горы же бяху у них, поля, и садове красны. Церкви же христианские бе у них две: святый Никола и святый Георгии; христиань же мало.

А от Юриева до Ригы града 200 верст и 50. А от Юриева ехал к Ризе, много градов видехом. И ехал на Володимерь град536536
  …на Володимерь град… – Имеется в виду г. Вольмар, современный г. Велмиера на территории Латвии.


[Закрыть]. И сретоша его паны велиции за день; и егда быша близ града, и сретоша его арцибискуп Тимофеи и архимандрит Захариа, и посадникы, и ратманы, и весь град с трубами и с свирелми, и гудници, и с великою честию.

А приеха в Ригу до обеда, месяца февраля в 4 день, на память отца Сидора. В граде же его сретоша с кресты попове и вси народи, и ради бывше ему велми. И ел господин у арцибискупа; и владыка Аврамии и Фома, посол тверскыи537537
  …Фома, посол тверскыи… – Посол тверского князя Фома был противником унии и присутствовал на Флорентийском соборе. Преследуемый Исидором, он был вынужден покинуть Флоренцию.


[Закрыть], седоша за единым столом с митрополитом и арцибискупом, а нам за другым. И ту видехом честь велику, и вина различные быша. И ту был господин восемь недель.

И поиде в корабль на море, и проводиша его с великого честию; и поехали с Ригы месяца майя в 5 день, на память мученици Ирины рекою Двиною к морю. И на брезе у моря был день. И пошел в корабли по морю в среду 4 недели по пасце, в преполовление праздника. И бывшу ему един день ветру добре веющу.

И не по мнозех днех внезапу в полунощи нападе на нас буря не ветреным делом, ино корабль волнами покрывашеся, и градьцу верховнему в валех бывшу. Мы же вси живота своего отчаяхомся, глаголюще: увы! погибаемь. Но не многу тому бывшу. Но не единова тацеи бури бывши, и потом тма бысть на мори велика, а ветру не веющу.

И роптанию бывшю в немцех; не нас ради сиа быша, но христиан ради. И приидоша немци господину глаголюще: видиши ли толику беду нашу – тме бывши и ветру не веющу; и ту бо остров Свитскылих камены, преборы и разбои великиа; и мы того ради приидохом к тебе: помоли бога, а мы поюще по своему. Господину призвавшу владыку Аврамиа и Фому посла тверьскаго, и архимандрита Васиана, и все свои боляре, и нача глаголати: епископе, помоли бога. И нача молебен святей богородици Одигитрие по греческы и с своими грекы; а владыка Аврамии по своему, по русскыи. И нача тма расходитись, и уже бысть при вечере, и ветру добре веюще; и оттоле зла ничто же не видевше. И по многих днех брег увидевше, и доидохом пристанища по здорову.

А ис корабля пошел в понедельник, месяца маиа в 19 день на память святаго мученика Патрекиа, и дошедшу ему до пристанища, и сретоша его посадникы и ратманы. От славнаго града Любка538538
  …града Любка… – Ганзейский город-порт.


[Закрыть] морем тысяща верст, а брегом полторы тысящи. И привезоша 20 возов, и седохом на возы, и поидохом ко граду; и быхом близь града, и сретоша весь народ много.

И видехом град велми чюден, и поля бяху, и горы невеликы, и садове красны, и полаты велми чюдны, позлащены връхы, и монастыри в нем велми чудны и силни. И товара в нем всякого полно. А воды приведены в него, текут по всем улицам, по трубам, а иные воды ис столпов студены и сладки текут. И ходящу ему на празник Възнесениа539539
  …на празник Възнесениа… – 22 мая.


[Закрыть] по божницем, и видехом съсуды священные златыя и сребреныя, и мощей святых множество.

И ту приидоша мниси и начата звати господина, чтобы их монастыря посмотрил. Он же поиде, и показаша ему съсудов священных множество неизчетенно и риз драгых златых множество с камением драгым и с жемчюгом.

И увидехом ту мудрость недоуменну и несказанну: просте, яко жива, стоить Пречистая, и Спаса дръжит на руце младенечным образом; и зазвеняше колокольчик, и слетит аггел с верху, и снесет венець в руках, и положит на пречистую; и поиде звезда, яко по небу; и на звезду зряху, идяху вълсви три, а пред ними человек с мечем, а за ними человек с топором; и внесоша дары Христу, злато, и ливан, и змирну, и приидоша к Христу и богородици, и поклонишася; и Христос обратяся, и благослови их, и хотяше руками взята дары, яко дитя, играя у богородици на руках; они же поклонишася и отидоша; и аггел же възлетит горе, и венець взя.

И ведоша нас, идеже лежат их книгы, и видехом боле тысящи книг, и всякого добра неизреченнаго, и всякыа хитрости, и полаты чюдны велми. И въведоша нас в трапезу свою, и несоша вина различная, и сахары многы разныа, и ту даша господину честь велику. И ту видехом на реце устроено колесо, около его сто сажен, воду ем– лет из рекы и пущает на все домы. И на том же вале колесо мало, тоже мелеть и сукна точет красные. Ту же видехом два зверя люты в полате, у окна прекованы железы.

А кони митрополичи гнали берегом от Риги к Любку на Курскую землю540540
  …на Курскую землю… – Имеется в виду Курляндия.


[Закрыть], а поперек Жемотские земли541541
  …Жемотские земли… – Жмудь – земли по рекам Неман и Виндава.


[Закрыть] 3 дни, и оттоле на Прускую землю, и оттоле на Баморьскую землю542542
  …на Баморъскую землю… – Поморская земля, Померания, герцогство у Балтийского моря.


[Закрыть], и оттоле на Жунскую землю, и оттоле на Висмертьскую землю, и оттоле к Любку. И в Любок приехав един день господин морем в корабли, а с конми брегом, а поехали с конми из Ригы за шесть недель до поезда до митрополича. И поеха из Любка на конех в пяток троицины недели ночевал за четыре мили в граде Мелне. И бе бо около града того езеро, а з другую страну приведена река боле 20 верст из великиа рекы Елевы. А от Мелна града 4 мили до реки Елевы. А от Елевы реки Мечь река, а перевоза поперек ея три версты. А от тое рекы до Луньбрега града 2 мили.

От Любка до Луньбрега 8 миль. Той убо град величеством подобен есть Любку. И среди града того суть столпы устроены, в меди и позлащены, велми чюдно, трею сажень и вышше; и у тех столпов у коегождо люди приряжены около тою же медию; и истекают из тех людей изо всех воды сладкы и студены: у единого из уст, а у инаго из уха, а у другаго из ока, а у инаго из локти, а у инаго из ноздрию, истекают же велми прудко, яко из бочек; те бо люди видети просте, яко живи суть, и те бо люди напояют весь град той и скот; и все приведение вод тех велми хытро, истекание и несказанно.

А от Луньберга до Бруньзвига града 16 миль. И той град величеством вышьши тех градовь прежних, и полаты в нем видети чюдны, верхы их устроены; а покровение их велми подобно удивлению: есть бо крыто дъсками синего камени хитро и хороше, яко и лемешем, и утверживано гвоздиемь, яко не мощно рушитися во много лет. И еще суть реки великы приведены по всему граду тому, береги, их и дна морованы камением; а иные воды в столпы приведены, якоже и в предписанных градех. И все здание града того видети твердо есть и подивитися о сем.

А от Брунзвига до Батмера града 11 миль. Той бо град величеством Любку подобен. И под весь град той улици морованы и полаты, а воды к нему приведены от Аламаньские земли.

И от того града есть град именем Липес велми велик. А от того же града есть град именем Афрат, велик и чюден, и имением многым и хитрым рукоделием преумножен; и таковаго товара и хитра рукоделиа ни в коем граде в предписанных не видехом.

А от того града есть град Бемибъверег, велик и чюден. И ту празновахом празник святых апостол Петра и Павла, и ту видехом: ходили с кресты по граду триста попов.

Да того же дни господин выехал из того града милю, и облегохом во граде именем Понт, а река под ним зовома Тиск, и того ради зовется той град именем Понтенск. И той убо град окааннаго Пилата. В том бо граде вотчина его и рожение, и по граде зовется Понтиискыи Пилат.

И от того града есть град Нурбех, велми велик и крепок. И людий в нем много, и товара; и полаты в нем деланы белым каменем, велми чюдны и хитры; тако же и рекы приведены к граду тому великими силами хитро; а иные воды во столпы приведены хитрее всех предписанных градов, и сказати о сем убо не мощно и недомыслено отнудь. От Любка до Нурбеха 100 миль.

И тъи Нурбех град стоит среди Аламанские земли543543
  …Аламанские земли… – южная Германия, Бавария.


[Закрыть]. Аламанская земля, то есть не иная вера, ни ины язык, но есть едина вера латиньская, а язык немецкий же, но разно, яко и Русь Сербы, тако и оне с немьци.

И от того града 17 миль есть град во имя Августа царя, его же из начала тъи царь Иустиниян нача и създа на славной реце Дунай, и того ради зоветца град той Август, а по немецки же Авспрок. И величьством превъзыде всех предписанных градов. И палаты в нем, и воды, и иная вся строениа велми чюдна. И божници в нем устроены, и с надвориа писано велми хитро, а внутри якоже и иные божници подписаны; и ту написан царь Иустиниан, началныи здатель града того, да и иные цари римьские писаны, то же и Угорское и Аламаньское.

А от того града до Полониных гор544544
  …до Полониных гор… – Речь идет о Тирольских Альпах.


[Закрыть] 10 миль. А от Полониных гор до князя, зовомаго Дукы, 15 миль, и городок дръжит Жунбрюк невелик. А от того града к Полониным горам до града Фреанды 24 мили. И оттоле в Фряжскую землю545545
  …в Фряжскую землю… – Так в средние века называли Италию.


[Закрыть] до града Павды 15 миль. И всех Полониних гор 60 миль. Горы же те не ту суть, но от Чернаго моря пошли даждь и до Белаго моря, яко зовутся пояс земныи, камены. Толико же высоци суть, облаци вполь их ходят, и облаци от них ся взимают. Снези же лежат на них от сотворение гор тех; лете же вар и зной велик в них, но снег же не тааше. Павда же град велик велми и крепок. И оттоле до Ферары града 10 миль. И ту есме приехали по госпожине дни на 3 день546546
  …приехали по госпожине дни на 3 день… – Имеется в виду праздник успения Богородицы, отмечавшийся 15 августа.


[Закрыть].

И ту есмя наехали папу римьскаго Еугениа547547
  …папу римьскаго Еугениа… – Евгений IV (1431-1447).


[Закрыть], от Рима за 8 миль. Ту же и святаго царя гречаского Иоанна548548
  …царя гречаского Иоанна… – Иоанн VIII, византийский император (1425-1448), который пытался предотвратить падение Византии под напором османов и войти в союз с католическим Западом.


[Закрыть], и святаго патриарха Иосифа549549
  …патриарха Иосифа… – Иосиф II – константинопольский патриарх (1416-1439).


[Закрыть] вселеньскаго, и святый вселеньскыи собор.

А в зборе бысть с патриархом митрополитов 22: первый – раклинскыи Антонеи, 2 – ефесскыи Марко, 3 – русскыи Исидор, 4 – манавасиискыи Досифеи, 5 – трапизонскы Дорофеи, 6 – кизитьскыи Митрофан, 7 – никеискыи Висарион, 8 – никомидеискыи Марко, 9 – лакедомониискыа Мефодии, 10 – тръновскыи Игнатеи, 11 – амасиискыа Иасаф, 12 – малъдовскыи, рекше влашки, Демиан, 13 – ставропольскыи Исаиа, 14 – родовьскыи Нафанаил, 15 – митулиньскыи Дорофеи, 16 – драмасинскыи Дорофеи, 17 – мелетинскыи Матфеи, 18 – тристриасиискыи Калист, 19 – каланьскыи Генадеи, 20 – ахелоньский Генадей, 21 – иверскый Иоан, 22 – сардакийскы Дионисии, тъи на том святем съборе к господу отъиде.

1– й собор бысть месяца октября в 8 день, в граде Фераре в фрязех. На соборе же седе римьскыи папа Еугении, а с ним 12 гардиналов, и арцибискупы, и бискупы, и капланы, и мнихы. Православные же веры на съборе седевшу греческому царю Иоану и брату его деспоту Дмитрею, и вселенскому патриарху Иосифу, а с ним митрополитов 22 и епископов рускых, Аврамии суздальскыи, и архимандриты, и попы и диакони, и черньцы, и послов 4, трапизоньскыи, иверскии, и тверъскыи Фома, и волошьскыи Микула. В вопросех бывшим трем митрополитом, в ответах ефесскыи Марко, русскыи Исидор, никеискыи Висарион.

2– й събор месяцъ того же 13. Третий събор месяца того же 16. Четвертый събор месяца того же 20 день. Пятый собор месяца того же 25 день. Шестыи собор месяца ноября 1 день. Седмыи собор того же месяца в 4 день. Осмыи собор месяца того же 8 день. Девятый събор месяца того же в 11 день. Десятый събор месяца того же в 18 день. Первый на десять собор месяца того же в 26 день. Вторыи на 10 собор месяца декамбря в 4 день. Третий на 10 собор месяца того же 8 день. Четвертый на 10 собор месяца того же 13 день.

В том же граде Фераре на папине дворе възведен столп камен высок и велик, над торгом. И на том столпе устроены часы, колокол велик; и коли ударит, на весь град слышати; и у того столпа отведено крыльцо, и двои двери; и коли приспеет час и ударит в колокол, и выдет из столпа на крильце аггел, просте видети, яко жив, и потрубит в трубу, и въходит другыми дверцами в столп; а людем, всем видящим аггела и трубу и глас его слышати; и потом в той же великый колокол въсходяше на всяк час аггел и ударяше.

И в том же граде ясти купихом: яловица 20 золотых, боров пять золотых, а золотой по 30 грошей; а боран два золотых; гусь 3 гроши, куря 3 гроши, хлеба 9 проскур на грошь, сыр по золотому.

Пятый на 10 собор месяца генваря в 10 день, в зборной божнице во имя святаго Юриа. Папе же оболчену сущу в святительскый сан и в рогате клобуце седящу ему на высоце месте, а с ним гардиналов и бискупов 44, тако же облачены в святительский сан и в рогатых клобуцех. А патриарху и митрополитом седящу в монатиях. И тогда четшим им грамоты по латинскыи и по греческыи, и что им ити ис Ферары к Флоренску граду550550
  …ис Ферары к Флоренску граду… – Так русский путешественник сообщает о переносе церковных заседаний из Феррары во Флоренцию.


[Закрыть].

И поеха папа месяца генваря 16 день. И поеха патриарх ис Ферары месяца того же в 26 день рекою Повою551551
  …рекою Повою… – р. По.


[Закрыть], в судех на низ; а митрополит рускыи поиде месяца того же в 27 день рекою тою же в судех.

От Ферары до града Рженти 25 миль. От Рженти до града Обатши 7 миль. А от Обатши до града Селжи 7 же миль. И ту поиде господин из судна на кони. А от града Селжи до града Алугы 7 миль. А от Лугы до града Фензы 10 миль. От Фензы до града Бряги 28 миль. От Бряги до града Берена 13 миль; а река под ним Ирнець быстра вельми, чрез ее мост камен; и садов множество масличных, и место красно меж гор. И от Берена до града славнаго и прекраснаго Флорензы 50 миль.

А все горы камены высоци, а путь тесен и тяжек велми, зань же возы не ходят, но на въюках возять. И вино родится в горах тех вел– ми добро и сладко и красно. И приеха господин в славный град Флорензу месяца февраля в 4 день. А патриарх въехал месяца того же 17 день, а царь того же дни.

Той же славный град Флоренза велик зело, и такова не обретохом во предписанных градех: божници в нем красны зело и велици, и полаты в нем устроены белым каменем, велми высоки и хитры. И посреди града того течет река велика и быстра велми, именем Рна552552
  …именем Рна… – р. Рона, протекает в Швейцарии и Франции. Берет свое начало в Альпах.


[Закрыть]; и устроен на реце той мост камеи, широк велми, а с обе страны моста устроены полаты.

Есть же во граде том божница велика и есть в ней за тысящу кроватей, а и на последней кровати перины чюдны, и одеяла драгы; то ж устроено хасрад маломощным пришелцем и странным и иных земель; тех же боле кормят и одевают, и обувают, и омывают, и дръжат честно; а кто ся оможет, той ударя челом граду, и пойдет хваля бога; и по среди постель тех устроена служба, и поют на всяк день.

Есть ины монастырь, устроен белым камением хитро и велми твердо, а врата железны; а божница велми чюдна, и есть в ней служеб 40; и мощей святых множество, и риз драгых множество с камением, златом и с жемчюгом. Старцев же в нем 40, житие же их неисходно из монастыря никогда же, ни миряне к ним не ходят николи же; рукоделие же их таково: шиют златом и шолком на плащаницах святые. В том же монастыре был господин, и нам ту же бывшим, и та вся видехом. А погребение же умерших тех старцев в устроенных тех монастырех, и гробы их, новоумершаго старца въкладают, а ветхыя кости выимают, и кладут в костер, и на них смотрят, поминают час смертный.

В том же граде делают камки и аксамиты с златом. Товара же всякого множество и садов масличных, и тех маслиц древяное масло. И есть в граде том икона чюдотворна, образ пречистыа божиа матере; и есть пред иконою тою в божнице исцелевших людей за 6 тысяч доспеты вощаны, в образ людей тех, аще кто застрелен, или слеп, или хром, или без рук, или велик человек на коне приехав, та– ко устроени, яко живи стоят, или стар, или ун, или жена, или девица, или отрочя, или какого портище на нем было, или недуг каков в нем был, и како его простило, или какова язва, тако то и стоит доспет. И ту же сукна скорлатные делают. Ту же видехом древне кедры и кипарисы; кедр как руская сосна, много походило, и кипарис корою яко липа, а хвоею яко ель, но мало хвоею кудрява и мяхка, а шишки походили на сосновую.

И есть во граде том божница устроена велика553553
  И есть во граде том божница устроена велика… – Речь идет о знаменитом флорентийском соборе Марии де Флор, построенном по проектам Бруннелеско Филиппо и Джотто ди Бондоне.


[Закрыть], камень моръмор бел, да черн; и у божницы той устроен стол и колоколница, тако же белы камень моръмор, а хитрости ея недоумеет ум нашь; и ходихом в столп той по лествице, и сочтохом степеней 400 и 50. В томь же граде видехом лютых зверей 22. А около града того стена 6 миль. Шесты на 10 собор бысть в граде Флорензе месяца февраля 26 день. Седмыи на 10 собор месяца марта в 2 день. Осмыи на 10 собор месяца того же в 5 день. Девяты на 10 собор месяца того же в 10 день. Двадесятый собор месяца того же в 13 день. 21 собор месяца того же в 14 день. 22 собор месяца того же в 17. 23 собор месяца того же в 21 день. 24 собор месяца того же в 24 день. 25 собор месяца маиа в 2 день.

Деспот царев брат поиде от собора в Царюграду из Флорензы месяца июня 25 день.

Месяца иулиа в 5 день собору бывшу велику, и тогда написаша грамоты събора их, како веровати в Святую Троицю и подписа папа Еугении, и царь греческыи Иоан, и вси гардиналове, и митрополиты подписаша на грамотех коиждо своею рукою.

В том же граде видехом черви шолковыя, да и то видехом, как шолк той емлють с них.

Месяца того же в 6 день служил обедню папа Еугении опресноком в соборной божнице в имя пречистыя богоматере, а с ним гардиналов 12, а бискупов 93, опричь каплонов и диаконов. Царю же греческому Иоану, седящу ему на уготованном месте, зрящу службы их, и вси бояре его с ним; и митрополитом ту же седящим на уготованных местех в всемь святительском сану, тако же и архимандриты, и хартофилакове, и попове, и диакони, оболчени кождо в свои сан, и калугерове554554
  …калугерове… – Монахи.


[Закрыть] ту же седяще на уготованых местех, зряще еже служат; тако же и от грек и от руси миряне седяще; места же те высоци чрез люди зряще.

Народу же толику ту сущи, чтобы их пущали, то бы много задушенных людей было; но подвоиские папины хожаху в пансырех сребряных, и палици в руках дръжаще, и не дадуще наступати; а иные свещи виты дръжащи в руках зажьжены, и теми к народом махаху, чтобы не наступали.

И по службе нача молебен пети со своими, и по молебне седе папа посреде собора того на уготованом ему высоце престоле возлащене, и близ его поставиша амбон. И взыде от латин гардинал именем Иулиан, а митрополит никеискыи Висарион, и възнесоша грамоты съборныя; и нача чести Иулиан латиньскую грамоту велегласно, и по том нача чести митрополит грамату греческую. И по чтении грамот благословил папа народ. И потом начата папины диакы пети хвалу папе, и потом начата царевы диакы пети хвалу царю. И потом начата пети весь собор латинскыи и весь народ, и начата радоватися, зане бяше прощение приали от грек.

И поеха царь от збора из Флорензы месяца августа 26 день. И проводиша его с честию гардиналове вси и бискупи, и весь народ града того, с трубами и свирельми; и несоша над ним небо наряжено 12 человек; а коня под ним ведоша пеши два ратмана болшие града того.

Месяца сентебря 24 день папа служил в церкви святаго Иоанна Предтечи. И по службе гардиналове и арцыбискупы и бискупы555555
  …гардиналове и арцыбискупы и бискупы… – Кардиналы, архиепископы и епископы.


[Закрыть] изволоклися в ризы, множество их. И ту седяше рускыи Исидор, да греческых 12 в тех же манатиах, а папа седяше на престоле злате в святительском сану. И взыде на высоко место бискуп, именем Андреи, и нача чести грамоту неблагословеную, и прокля събор базмеискыи Аламанские земли, занеже не пришли на собор к папе, а учинили себе собор, не хотя повинутися папе; и того деля их прокля.

И того же дни Исидор и Аврамии, владыка рускии, благослови– лися у папы на Русь, и поиде из Флорензы на Русь месяца сентября в 6 день.

От Флорензы до града Корпия 13 миль. От Корпия до града Флоренца 12 миль. От Флоренца до града Кравениа 17 миль. А от Кравена до града Болоньи 23 мили; той же град велик. От того града поиде господин рекою Фарою, а кони берегом. К Фаре от Болоньи 40 миль. От Фары поиде рекою Повою, да и кони провадили тою же рекою в судех. От Фары до града Кезы 80 миль; той град у Белого моря на брезе, ту родится соль крупна.

От Кезы до града Венеции 25 миль; а шли морем. А той град стоит на мори, а суха пути к нему нет, а от берега 13 миль стоит в море. Среди его проходят корабли и катарги, а по всем улицам воды, ездят в барках. Но велми град той велик, и полаты в нем чюдны, а иные позлачены. И товару в нем всякого полно, занеже корабли приходят изо всех земель, от Иерусалима и от Царяграда, и от Азова, и ис Турьские земли, и ис Срачин, и из Немець.

Есть в граде том црьковь камена святый Марко Еуангелист556556
  …црьковь камена святый Марко Еуангелист… – Собор Святого Марка в Венеции. Он был создан по образцу константинопольских соборов Святых Апостолов и Ирины.


[Закрыть], и столпы в ней морованы, имущи мрамор всяк цветом; а иконы в ней чюдны, гречин писал мусиею, и до верху видети велми чюдно; а внутри резаны святые на мраморе велми хитро; а сама велика церковь. А над предними дверми изнутри поставлены 4 кони медяны, позлащены, велики, видети яко живи, и повешены два змия великы убиты. Ту и сам святый Марко лежит; а мощей святых много, иманы из Царяграда557557
  …иманы из Царяграда… – Речь идет о разграблении в 1204 г. крестоносцами святынь и реликвий Константинополя.


[Закрыть]. И монастырей много около града того по островом на море близь, и иных церквей много в граде том.

Въеха господин в град той месяца септевря 15 день. Видехом в том же граде, в монастыре святаго пророка Захарии за престолом в раце камене отца Иоанова Предтечи и святаго Григориа и Федора во единой раце, и ту черньцев 63. В том же граде, в монастыре святые Варвары, мощи ее в теле лежать, труп без главы.

И поиде господин из Венеции в корабле месяца декамбря 22 день. И приста корабль к острову. И ту монастырь святаго Николы, и ту сам святый Никола лежит. И видехом гроб его в церкви на четырех столпех, учинено по лествице 6 степени, и знаменахомся у гроба святаго, самого не видехом, замурован бе лежит; с ним дядя его, да Федор в едином гробе. И въпрошахом игумена монастыря того, откуды мощи святаго Николы взяты; они же поведаша: от Бара града слали венетяне 100 катарг, да 3 корабли с житом, и взяли мощи. И стоя корабль наш два дни, зане ветр противен. И поидохом на море в корабли на рожество Христово.

И поидохом от Венети до града Печери ПО миль. От Печери до града Полы 30 миль; ту бо родится соль на море месяца нуля и августа. И ту стоя наш корабль 10 дней, зане ветр противен. Ис того града поиде господин на конех сам-третеи, а 15 человек пеших с ним, а владыка кораблем, а господиновы боере с ним. А от Поры до града Осоры 8 миль. И ту стоа корабль 10 дни, зане ветр противен; и ту родится соль тако же. До града Сени 60 миль; той град стоит у Белово моря межи гор; ту бо выидохом ис корабля месяца генваря 17 день. От Сени до града Брыни 15 миль, а путь лесом на горы; и в тех градех живут хавратяне558558
  …хавратяне… – Имеются в виду хорваты.


[Закрыть], язык с Руси, а вера латыньская.

От Мудруши до града Возоля 20 миль; той град древян, а река под ним Колен. А от Возоля до града Ястреболска 15 миль. От Стреболска до града Окичи 5 миль. От Окичи до града Грева 20 миль; той град велик и красен, а дрьжава угорьскаго царя. В сем граде видехом серпьскаго цесаря деспода559559
  … серпъскаго цесаря деспода… – Деспот – это титут правителя Сербии.


[Закрыть] с царицею его и с детми, запленено бысть црьство его серпьское от турьскаго царя Амурата560560
  …турьскаго царя Амурата… – Султан Мурад II (1421-1451).


[Закрыть]. И в том же граде видехом во церкви на престоле в раце младенец в теле весь цел, от Ирода избиенных во Христово рожество, то же видехом месяца февраля в 7 день.

От Загреба до Раковца 4 мили. А от Раковица до Крижца 3 мили. От Крижица до Копрыницы 3 мили. От Копрыници до рекы Даравы миля. Та убо река у рубежа Словеньской земли с Угорскою землею.

О рекы Дъравы до града Закона миля. А от Закона до града Чергу 2 мили. А от града Чиргу до града Сегистя 3 мили. А на тех трех милях ехати до Шегездя лесом все. И ту есть разбои велик велми, без переима и человек доспешных едва мочи проехати, иже бог поможет; ту и шубу разбили в Федорову суботу; а выежьжают на тот разбои ис Чиргова от Шегезяда и от всех сторон.

А от Шегезяда до Иляши миля. И от Иляши до Дюд 5 миль великых; и на тых милях есть же разбои велик. А от Дюд до Корешеди до Вепшина 4 мили. А от Вепшина до Белагорода 3 мили. А от Белагорода до Мартомвашеря 4 мили. А от Мартомвашеря до Буди– на 4 мили. И той есть град столныи и угорескаго кърьлъвьства, и стоит на славной реце Дунай. А из Будина за Дунай перевезлись есмы и поехали месяца марта 14 день.

От Будина до Орьсесика 3 мили. А от Орьсешисика до Хатваеа 4 мили. А от Хатвана до Начежюта 5 миль, а от Начежюта до Кувездя 4 мили. А от Кувезде до Моги 5 миль: А от Моги до Форы 6 миль. А от Форы до Кошици 6 миль. А Кошеца есть град велик и тверд, а ставили его немци и дрьжат и в Угорьском королевстве. А от Кошици до Априяша града 4 мили. А от Априаша града до Любльва 300 и 36 миль. И той Люблевь останочныи есть городок угорескыи, стоит на лядской граници. И есть в нем дело вугореские пенязи, новци зовутся, по 3 на золотой.

А от Любльва в Лядскую землю до Судеча 6 миль; и той есть град велми добр. И ту быхом в пресветлыи и в превеликий праздник Христово воскресения. А от Судоча до Липници 4 мили. А от Липници до Вохны 2 мили. А в той Вохне соле копают, а град есть. А от Вохны до Кракова 5 миль. Ту убо видехом коръля Володислава и брата его Казимира561561
  …видехом коръля Володислава и брата его Казимира… – король Польши Владислав III (1434-1444). С 1440 по 1444 г. был королем Венгрии.


[Закрыть].

Под Краковым река Висла; та убо река впала в море. А от Кракова до Бохны 25 връст. От Бохны града до места Воинича 4 мили. А от Воинича до реки Дунаица миля. А от Дунаица до града Терънова миля. А от Терънова до Пильзны 3 мили. А от Пилизны до Торопьчици 4 мили. От Торопчици до Решева 4 мили. От Решева до Ланцюха 3 мили. От Ланцаха до Пригорьска 3. От Пригорьска до Ярославля 2 мили. От Ярославля до Радемны 2 мили. От Радемны до Перемышляа города 2 мили.

А под городом Перемышляемь река Сян, другая Ярев, третиа Ярют. От Перемышляа до Мостища 4 мили. От Мостища до Вишене 2 мили. От Вишене до Городка 3 мили. А от Городка до Львова 4 мили, а връст 134. А от Фролензы до Лвова 600 миль без трех, а верст 2000 и 200.

А от Лвова до Галича 14 миль. И приидохом в Галич месяца мая 21 день. А оттоле опять приидохом в Лвов по Петрове дни на завтрее. И поехали есмя изо Лвова июня 10. А от Лвова до Батятичина 6 миль. А от реки до Белза града 3 мили. От Белза до Видкова, где вишни, 3 мили. От Виткова до Хрубешева 4 мили. А от Хрубешева до Лещан 5 миль. А от Лещан до Холъму 3 мили. А приехали есмя в Холм в Ильин день.

В Пантелеймонов же день в среде месяца июля 26 день бысть буря велика з дождем, и храмы потрясаше. На утрия же в четверток в 20 день того же месяца выехахом ис Холму и ночевахом у пана у Ондрюшка в Вугрушкех на реце на Бузе, 4 мили. А от Угровеска до Ганое пять миль. От Ганое до Володавы 6 миль. От Володавы до Берестиа 3 мили. Поидохом же из Берестия месяца августа в 4 день и приидохом в Каменец. А от Берестия до Каменца 5 миль. А дръжить князь Сендушено, а река Илцена, а смотрит. От Каменца до Новаго двора 10 миль. А оттоле до Порозова 2 мили. А от Порозова до Волковыиска 4 мили. От Волковыиска до Немна 5 миль. От Немна до Василииска 5 миль. От Василиска до Радуни 5 миль. От Радуни до Рудников 7 миль. От Рудников до Троков 5 миль. А от Лва до Троков 100 миль великых, връст 500.

И приехали есма в Трокы августа 11 день в четверток. А ис Троков поехали есми в субботу 13 день. От Троков до Вилны 4 мили. И поехали есми от Вилны в Торнок августа 16 день. А от Вилны до Медников 4 мили. От Медников до Шмены 3 мили. От Шьмены до Крева 5 миль. От Крева до Маркова 3 мили. А от Малодешня до Каменца Краснаго, села Дока, 3 мили. От Каменца до Анны 5 миль. От Танны до Логожска 2 мили. От Логошьска до Борисова до реки до Березыни 8 миль. От Борисова до Дрютска 18 миль. От Дрютска до Орши 8 миль. От Орши до Дубровны 4 мили. От Дубровны до Климентиа святого 8 миль. От Катаны до Смоленска 4 мили. От Смоленска до Дорогобужа 18 миль. От Дорогобужа до Мстисловца 16 миль. От Мстисловца до Кореи 4 мили. От Кореи до Вязмы 8 миль. От Вязмы до Можайска 26 миль. А приехали есмя в Можайск сентября 14 день в среде, а на Сторожи 18 день в неделю сентября же.

А приехали есми на Москву 19 день того же месяца. А поехали есми с Москвы в Суждаль месяца того же 24 день в субботу. А в Суждаль месяца того же 29 день в четверток.

Книга хожений: Записки русских путешественников XI-XV вв. / Сост., подгот. текста, вступ. ст. и коммент. Н.И. Прокофьева. М., 1984.

Публ.: Труды Отдела древнерусской литературы. Л., 1970. T. XXV. С. 62-72; Памятники литературы Древней Руси, XIV – середина XV века. М., 1981. С. 458-192.

Хожение Неизвестного Суздальца – это первые русские путевые очерки о городах Германии и Италии в средние века.