Текст книги "Антология хожений русских путешественников XII-XV века"

ХОЖЕНИЕ АВРААМИЯ СУЗДАЛЬСКОГО

Нехоженые Авраамия Суждальскаго на Осьмыи Собор с митрополитом Исидором

I

В Фряжской земле в граде Флорензе некий человек хитр родом фрязин устроил многим людем на удивление дело хитро и чюдно во образ по всему и по подобию исхожения с небес архангела Гавриила в Назарет к девицы Марии благовестити зачатие единороднаго слова божие. Бысть же сице.

В некоем монастыре града того есть церковь немалая во имя пречистая нашея Богородицы. И есть в церкви той над предними дверми под самем верхом в кость в высоту яко седми сажен устроено место к преднеи стране всамокачно, яко быти полуторе сажене каюждо стена его величеством, и лествица к нему утвержена мала и хитра, и оболочено есть место и лествица запонами. И то есть учинено подобием небесных круг, с них же от отца архангел Гавриил к деве послан. В месте ж том учинен престол верху, а на престоле сановит человек седяше оболчен в ризу и венец. По сему видети подобие отчее. И в шуеи руце евангелие держаше. Окрест же его и в подножие ему малых детей множество хитрым устроением держахуся, рекше во образ небесных сил. Вокруг же престола того и меже дети тех окрест отца учинено свеща вящи пятисот.

И еще учени велми чюдно. И то есть устроели в верхнем месте отчтее за запонами от прежних дверей до среди церкви тоя саженей 25 великих. И на том месте наряжен мост камен от стены до другия стены на каменых же столбех высока, яко трею саженей, в широту ж полутрети сажени. И той мост послан красными приволоченми. И на том стлани у левыя страны учинена кравать с великими господскими постлания и одеяния. У кровати же тоя возглавии учинено велми чюдно и драгими зглавии накладено. И на том великом и чюдном месте отрок благоразумен седяше оболчен в драгую и пречудную девическую ризу и венец. И в руках книги дръжа и с тихостию почитааше, и по всему видети подобием яко самую пречистую деву Марию.

Еще же на том помосте наряжени 4 человеки с великими брадами и главнии власи има по плещами лежаху, и венцы яко мали и глубицы, и крузи позлащены наверх главных власов у коего же их держащеся, и одеяния на плещах их нехитро и нехороше, но яко срачицы и долги и белии и широцы и имеяху, и суть подпоясани. Поверх же того коиждо плат мал черлен имея прегнут чрез правое рамо и под левое, не украшение ради. И по всему наряжени в подобие яко пророцы.

И то есть все устроение закрыто же, яко в верху прежереченное место оно драгими сукны фряжскими и завесами красными. С прежереченнаго места того высокаго, чрез той каменыи помост, суть учинени 5 верви тоныды и крепцы олни до самого олтаря. Два же их устроени поблиску мимо самую тую уряженую честную деву. По них же ангел к ней третию тончайшею вервицею кверху от отца посылаем исхождаше благовещения дав. Радостен кверху возвращашеся от него же сниде. Три же они тонцы верви чрез самую чредину помоста того. По сем же к настоящему тому времяни далания великому и чюдному делу народа ради много видети хотяше. И яко наполнится великая та церквиа множества людий, и помедлив мало премолкнут, зряше кверху к встроенному месту на той среде церковный помост. И помале скоро отторгнутьца на месте томь вси тие запопы и сукна, и узрит вси людие самую ту по подобию наряженную, рекше пречистую деву Марию седяшу на прежереченном и чюдном у кровати устроенном месте.

И есть видети красно и чюдно видение! И еще же умилно и отнюдь неизреченная веселия исполнена. И явятся на томь помосте преже речени они 4 человецы иже суть наряжени пророческими образы. Держа в руках своих розная письмена, рекше древняя пророчества о съхожении с небес сына божия и о воплощении, и начнуть скоро ходити по мосту тому семо и овамо, кииждо призирая на свое писание и десную рукою указал друг другу къверху устроенному оному закрытому тому месту, рекуще, откуду приидет спасение языком. И другии рече другому, смотря на свое писмя, откуда приидет бог, и начнут межи собою которатитися, кииждо свое письмя расторг, повержет, яко ложно. И по сем яко скачющи скоро иная письмена возмут и притекши ко краю помоста того, друг со другом восклонившеся, ов на ово писмя позирая, и по писмени и кииждо рукою бияху, указающе семо и овамо пряшеся. Ов глаголет, оттуду бог на взыскание заблужшаго овчате приидет, и другии ино глаголет. И стязаютца межи собою яко полчаса, стяжающема же ся има.

И се скоро отторгнутца запоны от верху устроеннаго того места и пустят из места того тюфячный гром в подобие небесного грома. Тии же пророцы своими писмены от грома того скоро невидими суть. В месте же томь веръху видети честнаго отца, окрест же его, яко же выше писахом, вящши пятисот свещь горяху. И хождаху свещи тыя со огнем беспрестани семо и овамо, прогибающеся скоро велми и сретахуся ови кверху идяху, и инии во сретение им книзу идяху. Еще же и мали дети окрест его в белых ризах, рекше небесныя силы, пояху, а ин в кимвал бияше, а инии в прегудницы и в пищали играху. О всем есть великое то видение чюдно и радостно и отнюдь по всему несказанно.

По мале же времени явится из самого того верха от отца ангел, пойдет по двема тем преже реченным вервем на низ к деве благовестити зачатие сына божия. Ангел же той учинен есть отрок чистообразен и кудряв, и одеяние его бело яко снег, и повсюду златом украшен, и уларь ангельский о выи его, крыле же имея позлащение, и о всем видение его подобно яко написаннаго по всему ангела божия. Идущу же ему по вервем тем и пояще тихим гласом, и умилено пред– стоя яко ангел. В руце же имеяше ветвь прекрасну, рекше вравне. Схожение его сице бысть: на портех среди хрепьта наряжена два колеса мала и отнюдь невидима суть высоты ради. И те колесы тех дву вервей держащеся, и по них третию тончайшею вервию людие сверху пущаху и кверху возношаху, устроении ничим невидими суть.

И дивно есть чюдное то строение видением, а и великим и старом, по всему злата сряжена. Возвратим же ся на первое. И яко прииде ангел по вервем тем противу девы, а и седяше скоро обратися к ней лицем имеяше в руце прежереченную ону прекрасную ветвь, и начнет к ней умильно я тихим гласом вещати сице: "Мария, радуйся, благославенна ты в женах, обрела бо еси благодать от бога, и зачнеши во чреве сына слово божие, и родиши и наречеши имя ему Исус. И той спасет люди своя от грех их". Она же со усомнением скоро вставши и тихим девическим гласом к нему отпета: "О юноше, како смел еси приближитися к предверию моему и внити семо! И вещаеши ми недомыслени глаголи со мною, рекл еси богу быти и воплотится во утробу мою, и не верую глагола тиим, зане браку есмь не причастна и мужа не знаю. И того ради отиди, о юноше, да не зрти тя Иосиф в хижи моей со мною вещающа, и главу твою теслою отсечет. И молю ти ся отиди, зане и мене изгонит из дому своего".

Он же видев ю ужасну сущу глаголет: "Марие, не ужасайся! Архангел есть Гавриил послан от бога благовести зачатие сына божия и не неверуи словесем моим, безсеменно бо есть зачатие, зане дух святый найдет на тя и сила вышнаго осенит тя".

Она возрев кверху и видев отца на престоле седяща с силою и славою многою и благославение к ней низпосылающа, и яко виде сеи пригнув руне свои к переем, и к нему рече со смирением: "Се раба господня, буди мене по глаголу твоему". Ангел вдасть ей принесемую им прекрасную ветвь и сам кверху идяше. Она же приим от ангела весть и стоюще кверху на идоша ангела зряще.

Идущу же ангелу кверху, и то время от верху, от отца огонь поиде с великим шумом и гремением беспрестани к прежереченным трем вервем на среду помоста того, где пророцы стояще. И назад верху тоий же огнь возвращашеся и прытко книзу прихожаше от верхнее то ображашеся от ударения того вся церкви искрами наполняшеся есть. Ангел же иде к самому верху радуяся и помовая руками семо и овамо и крилома движа.

Просто и чисто видети, яко ему летящу. Огнь же болма начнет от того верхняго места исходите по всей цркви той и сыпати с великим и страшным гремением. И невжигаемыя свеща в церкви той много от великаго того огня зажгутца. А зрящему народу, ни портом их несть никакие же пакости, но есть дивно и страшно то видение.

Ангел же кверху во свое место вниде, от него же изыде, и огнь престанет, и запоны вси попрежнему затворятся. Се же то чюдное видение и хитрое делание видехом во граде зовомом Флорензе, елико можахом своим малоумием вместити написахом противу тому видением. Иного же не мощно исписати, зане пречюдно есть отнюдь и несказанно. Аминь.

II

В сем же преименатом граде Флорензе во церкви Вознесения господа бога и спаса нашего Исуса Христа в четверток 6 недели по пасце, еже есть на самый той праздник владычен воспоминание творяху латыне, а в подобие о всем творяху по древнему яко господу нашему Исусу Христу в 40-й день вознесшуся со славой ко отцу на небо.

Бысть же сице церковь та создана мерою долгая, яко быти ей от передния стены до олтарыя 30 сажен, в ширину же яко быти ей 70 сажен. Олтарь же церкви тоя 15 сажен, широты же олтаря того яко быти ему десяти сажен. И есть среди церкви тоя, яко же преже писанной церкви, а таи бы церковь Благовещенская и монастырь вне града, а сия же церковь Вознесения во граде.

Помост же у нея каменной на каменных же столпех. Устроен той мост в высоту 4-х сажен, а в ширину 20 сажен. И есть на помосте том у левыя страны учинен град мал каменной чюден велми с пиргосы и з забралами во имя святаго града Иерусалима. Противу же града у первыя стены учинен холм в высок полуторы сажени вверх, около же его лавицы построены от земли яко бы дву пяди высеть. И есть гора та облечена красными наволоками, над самою же тою горою высокою, яко о 8 сажен вверх наряжен помост доскама четырех сажен широтою всямокачен, сиречь всячески украшен, и со всех стран цками же прибато, и сысподи помост той подписан велми дивно фряжским писмом.

И по сторонам и среди же помосту того учинена дира велика кругла и есть дву сажен около, и покрыта платом синим. На плату же том написано солнце и месяц и окрест их звезды многие писаны: то есть подобие повсему учинено небесного круга перваго. Той же круг рекше небо, и в предидущее на подобное небо. Кверху надвое отворится, рекше небесная врата отверзутся, и тогда узрят вси людие над враты неба того человека наряжена в ризу и венец, подобие повсему яко отец, и хитрым же устроением над самимы же врата неба того держащеся сый. Ко Елеонстеи горе на низ к сыну и ко пречистей и ко апостолом зрение имуще и рукою благословение к ним низпологающе.

И отнюдь же видети яко ничим держим, просто яко воздусе седящи. Окрест же его много множество учинено от малых детей во образ небесных сил с пищалми и гусльми и с великим гремением. Межу же их много множество свещь горяху. Еще же окрест отца и малых детей тех по великой той дире, рекше от небес, учинен круг хартиян, к нему держащеся и другим краем кверху держащеся.

И на том же круге ангелы писаны величеством яко человецы. И сверху сквозь небо то и прежепомянутый Елеонстеи Горе суть седмь вервии и крепцы с хитрыми и недоуменными железными вертлюги. Под ними же устроен отрок во имя Христово, на небо ко отцу хотяще взыти.

Над малым же олтарем под верхом церкви тоя учинена камора каменна в стену олтаря того яко бы с трею сажен всякоокачен из церкви задернута завесою червленою; на завесе же той солнце и месяц и звезды златом учинены, завесою же тою в комарце том яко же в прежнем видении видехом учинен престол, окрест же престола того яко же детей малых множество хитрым устроением держахуся, рекше во образ хрвимский. На них же почивает владычен престол и еже около престола того и детей тех учинены седмь кругов якобы колесо едино мало яко бы от краю до края двое лактей, и около же того другое двое пядью болте.

И около седми тех колес есть за тысящу скленниц с маслом горяху. И на большем же крузе межи огня того учинены на четыре чясти седящии по единому малому детищу наряженными ризами венцы подобием ангельским и сопротив себе седящем и держащем пищаль, то есть все учинено подобие вышним седми планид небесных и вышних сил, и немерцающего владычна и ангельскаго света. И то бо есть все устроение закрыто прежереченною завесою. Еще же из места того, рече среди церковнаго помоста, наряжены 3 вервци тонци и крепци, 4-я вервь пониже тое вервии, к тому же помосту. Межи же помоста и олтаря тонаишии вервицы.

И сверху же церкви тоя круг велик висяще равно с мостом тем, учинен от многих различных цветов. И среди же круга того учинен Христос вырезанием яко жив, и в шуеи, же руце ему крест, десная же рука пригнута к народу благословением. Окрест его по краям круга того построены апостоли тако же дивным вырезанием, яко же и Христос. Над главою Христовою учинен велик венец с златом и камением драгим яко же царский. И по всему венцу тому изнаписаны суть херовимы и серафим, яко же живы. И той же венец вкруг семо и овамо хитрым устроением беспрестани вертяшеся и никако же престаяше. И о все том дивно есть а пречюдно велми и хитро строение то и отнудь несказанно.

В 9-ии же час дни пойдет много народа к церкви на преславное и хитрое то видение. И яко наполнитца церкви та людей, и мало пре– молкнут вси зряще на среди церковнаго помоста и кверху устроенному месту. И явятся на помосте том 4 детища, учинены власом же и одеянием яко ангелы, токмо крыл не имуще, и в руках же своих держаще по прекрасной ветвице цветы различными. И по сем явится человек на том же месте одеянием учинен в подобие сына божия, и пойдет прежереченному граду оному, рекше нареченному Иерусалиму, и о нема 4-м рекше ангелом пред ним идущим. Он же, пришед во Иерусалим и тамо помешкав мало, назад пойдет и из Ерусалима. Он же во следущим тамо, рекше пречистая Богородица по ней же шествующе Мария Магдалыни; тацы бо образы учинены два уноши одеянием же в подобие женское.

По сем же приступив той же сын божий ко Иерусалиму и изведет верховнаго апостола Петра и по нем всех ученик своих и пойдет с материю и с апостолы к горе Елеонстеи, и тем 4-м ангелом учиненный за всеми же пред сыном божиим шествующе. Апостолы боси и деяние их на плещах их по всему видети одеяние яко же пишут их; а ин браду имеяще велику, а ин же малую имеяше, таковым бо суть тогда быти апостолом. И пришед рекше Христос к горе Елеонстеи и станет у горы тоя к Иерусалиму лицем и одесную страну мати его Мария и Мария Магдалыни. Петр же тогда пришед паде на ногу Иисусову и восклонився благословение от него и идет и станет на своем месте и посем вси ученицы такоже сотворишя и стата одесную и ошуею и един по единому по своим местом стоящым же им. Тогда Иисус даде им дарование, Андрею мрежи: Ты, рече, будеши человеки ловя, и другому книгу, и иному мечь, глаголя: "От того не имать прияти моим именем никоего же вреда". И по сем Иисус приидет прежеупомянутый к горе Елеонстеи и станет у горы на устроенной лавицы. Мати же его и Мария Магдалины велицыи ангелы на хартии и безпрестани кругом идяху, и прежеписанные одесную и апостолы вси около горы на той же лавице. Глаголя им Иисус: "Яко уже вся совершишася о мне писанная, иду бо ко отцу вашему и отцу моему и богу вашему". И возступив от них на самый верх горы тоя к самим прежереченным в верх. Апостоли же начнут друг ко другу склоняшеся плакати и тужити, глаголя: "Господи, не остави нас, сирых". Он же тогда рече им: "Не плачитеся, не оставлю вас сирых, но иду ко отцу моему и молю отца и той послет всем утешителя дух истинный и той наставит вас на всю истину; аще бо аз не иду, утешитель не приидет". Сия же ему глаголющу и ина многа.

И абие гром велии явится сверху над горою тою и тогда возрят и узрят небо отверсто и отца над ним хитрым устроением держащися. И многим свещам, рекше великим светом сияющи, и малыя дети, рекше небесныя силы окрест его беспрестани семо и овамо скоро хождаху с великими учиненными гременми и прекрасными пении и ужасными гласы и отнудь просто видети яко живы. И приидут ил верха от отца, рекше от врат небесных, по прежеписанным тем седми вервем учиненным яко облак велми хитро и недомысленно и многими красотами и хитростями преисполнено.

Учинение же его кругло и окрест же его мнози крузи учинены и беспрестани семо и овамо скоро хождаху, одесную же страну ему и ошую учинена два отрока мала и одеяние и власы украшены в подобие ангельское, крыле же имуще позлащенны. Яко же пойдет облак той от верху до половины к низу и сын рекши божий возмет два ключа учинены великы позлащены и глаголет Петру: "Ты еси Петр, на сем камени созижду церковь мою и врата адова и не оделяют ей. И се даю тебе ключи царствия небесного, его же аще свяжеши на земли, будет связан и на небесах, а его же аще разрешиши на земли, будет разрешен и на небесех". И благослови же его ключи те, вдасть в руце ему и начнет кверху теми же прежереченными седмию вервию ко облаку подниматися стоящу, к матери же своей и ко апостолом благословение посылая.

И есть то дивно и неизречимо зримое видение. Верви же бо те учинены в тылу ему, и есть железными вертлюги велми хитро и недомысленно, яко бы ни по ним идущу ему кверху, но идяше на той высоте, ни семо, ни овамо движася. Вертлюги же учинены никим же видимы.

Мати же его и ангелы кверху идуща зрящу, и яко же приближающуся ему ко облаку и учиненныя же два ангела одесную и ошуюю и поклонятся ему. И многие же свещи во облаце том в мгновение ока загорятся и будет свет велик. Он же во облаце том з двема теми ангелы поийдет и взыдет яко ко отцу рекше в небесная врата и то небо скоро затворится и гремение все престанет и ничто же бо томо видимо будет. По сем же пречистая и апостолы и весь народ учнут зрети к верху устроенному тому месту, еже над олтарем. Зрящим же им и се скоро отторгнутся запоны устроенного места, рекше вышняя небеса и бысть свет превелик от множества прежеписанных онех сткляниц с маслом горящим и на престоле отец сановит седяше, в коленех же у него сын седяще, рекше в недрих отчих, и ризами же и венцем украшен по всему яко отец.

Учиненная же колеса со огнем безпрестани хождаху и устроении же на них 4 малыя детища, рекше ангелы, кругом на колесех тех кверху и низу безпрестани шествие творяху и бияху ово в кимвал, а ин в тинпан, ин же в подобная сим мусикииским согласием, и бысть гремение велие и видение то о всем чюдно и дивно и недостижно есть моим худоумием исповедати, противо того действа доброте.

И пойдут к верху от отца и от сына по предиреченным четырем вервем два мала детища плещами о плещу столкаяся и одеянием учинены и власы и попросту рещи позлащенны, яко ангелы, крыле же имущи позлащенны и пятрахилы ангельстии овыя их каждо же пояху тихо и умиленными гласы и приидут до пречистыя и до апостол на среду церковнаго помоста и глаголют апостолом мужие галилестии: "Что стоите зряще на небо, се Иисус вознесшися от вас на небо и тако приидет. Ин же образом видете его идуща на небо. И отец и сын из верху ко апостолом и ко всему собранному ту народу рукою благословение низпосылаху". Тоже им изрекашу; пойду назад к верху устроенному месту по тем вервем нояще, трепеща и озирался и крылама движа. По сему же видети яко бы им летящым. И яко внидут в пречюдное то место ко отцу и запоны попрежнему затворятся. И пойду в прежереченный Иерусалим от горы нарицаемыя Елеонь друг друга любовию чтяще, и еще и скрающеся кверху за крытому устроенному месту, еже есть ко отцу се же любицы мои. Елико можах толико и написах, но не могу бо таковаго хитраго видея в забытии положити, но помяновения ради и написах, занеже бо чюдно есть видение се и несказанно. И радостне сие преисполненно противу тому всему, како видех, никако же мощно есть истинно испити или сказати. Елико же возмогог, толико и написах.

Амин. Конець. 717-го, ноября 11-го.

Книга хожений: Записки русских путешественников XI-XV вв. / Сост., подгот. текста, вступ. ст. и коммент. Н.И. Прокофьева. М., 1984.

Публ.: Прокофьев Н.И. Русские хождения XII-XV вв. // Литература Древней Руси и XVIII в. УЗ МГПИ им. В.И. Ленина. М., 1970. Т. 363. С. 252-264.

Хожение дает детальное представление о Флорентийских соборах XV столетия и о мистериальных средневековых представлениях, очевидцем которых стал русский путешественник.

ХОЖЕНИЕ ВАРСОНОФИЯ В ЕГИПЕТ, НА СИНАЙ И В ПАЛЕСТИНУ

Сотворих другое путешествие ко святому Граду Ерусалиму по шести летех прихода моего на Русь.

И поидох от богоспасаемаго града Киева в землю Волоскую562562
  …землю Волоскую… – Имеется в виду Молдавское княжество. В XV столетии в него входили Молдавия, Бессарабия и Буковина.


[Закрыть], зовемо Малодатская земля. Есть бо река велика течет от Угорския земли, от гор высоких, имя реки Молдава563563
  …реки Молдава… – Приток р. Серет, протекает по территории Молдавии.


[Закрыть]. И течет в реку Серет, под Романовым торгом. И по той реки зовется земля Молдоветская. И видех грады многи и всей земли тоя.

Оттоле поидох ко Белуграду564564
  …ко Белуграду… – Имеется в виду г. Белгород-Днестровский.


[Закрыть], и от Белаграда идох к Византию, в Костянтинополе. И от Византия идох ко Халиполи565565
  …ко Халиполи… – г. Галлиполи во Фракии.


[Закрыть]. И оттоле идох ко Криту и от Крита идох к Родосу и от Родоса идох ко Кипру. И в Кипреском же острове ходих на гору, на ней же постави святая Елена566566
  …святая Елена… – Речь идет о матери византийского императора Константина I, которая в IV в. совершила путешествие в Палестину с целью поиска «истинного» креста.


[Закрыть] крест Благоразумнаго разбойника. Идох же к святому мученику Мамонту, идеж лежать святыя его мощи на месте нарицаеме Стоморофу, и от святых его мощей миро течет.

И оттоле идохь во Демияты567567
  .„во Демияты… – Город-порт в Египте, расположен в устье Нила; на момент путешествия Варсонофия входил в состав Египетско-Сирийского султаната Мамлюков.


[Закрыть] в землю Сирийскую. И от Демият идох по реце по Нилу в верх ко Египту. И приидох во Египет на память святаго апостола Андрия Первозваннаго в Филипово говение568568
  …в Филипово говение… – Имеется в виду филипповский пост – 14 (26) ноября.


[Закрыть]. И пребыв же во Египте 6 недель.

Град же Египет стоит великий на ровне мести под горою. Под него течет река из раю златострунный Нил, и другое имя реци Геон569569
  …реци Геон… – Название Нила в древности.


[Закрыть]. И поперек града есть 2 мили, а в длину 12 миль. И видех же лютаго зверя во Египте. Еже от града вдаль, полтрети мили, и ту есть святая вода, еже глаголеться Васлом. Ту бо прииде господь, нашь Исус Христос от Ерусалима града и пречистая дева Мария, мати его, и Иосиф, хранитель его. И от полунощныя страны есть место святое, и ту обита господь, крыся от Ирода царя.

Ту же есть виноград святое лозие, от него ж течет миро на кукольницю570570
  …на кукольницю… – Речь идет о празднике Иваны Купалы, который отмечался 23 июня (5 июля).


[Закрыть]и на рождество Иоанна Предтечи. И режут у всякие лозы вершек, и надклонить вси лозы к земли и под них ставят сосуды, и течет миро единою в году на тот праздник. И собрав то и святое миро адают царю египетскому. Тута ж есть камень аспиден, на нем же седил господь нашь Исус Христос. Заздан во святыню той камень и вкруг его кивотець, затворецем на восток лицем стоит. От него же благоухание великое. И ту есть пред кивотом святым наряжено от камения мраморнаго ердан и купель по пазухи человеку. И ту куплются во святой воде. Тамо ж есть сукомория древо571571
  …сукомория древо… – Смоковница, разновидность груши.


[Закрыть], в нем же и скрысь господь нашь Исус Христос от воин Ирода царя. Идох же до тоя святыя воды Васлома и целовах святый камень, на нем же господь преопочиваше, и пив святую воду, искупахся во иердане, иже ряжена от камения. Вода ж та вся тепла есть и сладка. И ходих же во виноград, иде ж святое лозие. И даша ми срачини едину лозу, стражи винограда того. И целова же смоковницю, иде же господь был, и уломи ведку от нея. И ту есть другое место святое в самом граде египте, близ самого Миисюря572572
  …близ самого Миисюря… – Древнее название Каира, которое распространялось и на Египет.


[Закрыть], иде ж обета господь нашь Исус Христос и пречистая мати его и Осифь, хранитель его. И на святом месте том есть церковь велика во имя пречистыя Богородици. И ту есть другая церковь близ, в ней же 4 службы: Георгия великаго, и святаго Дмитрея, и святаго Николы чюдотворца, и святаго Иоана Предтечи, еже глаголются Мистрии, монастыр калугерицам. Ту ж есть церковь святаго мученика Меркурия, и ту ж близ места Христова.

И ходих же и двожды до святаго места, иже во граде Египте, иде ж церкви мнози, зовемо Мистри573573
  …церкви мнози, зовемо Мистри… – Возможно, местное название какого– то монастыря.


[Закрыть], во церкви святыя Богородица, иде ж есть святое место Христово, от него же есть благоухание, за престолом великия церкви Богородицины. И тамо молитву сотворих и целовах святое место.

И ту есть житници Иосифа Прекраснаго за рекою за Нилом, противу старовь Миисюря, и вкруг же святыя воды Валсома и финици и древеса мнози, и видех же древеса, на них же растет мед дивии, и иных древес много видех, ихже имена не свем.

Ту ж есть церковь во имя святаго Николы чюдотворца посреди града Египта, и близ Велкаго базара, не тамо, иде ж есть Мистри, но другая. И тута бо всех страных ставят православных християн.

И великая ж река златоструины Нил течет от полуденныя страны на полунощь в Белое море574574
  …Белое море… – Средиземное море.


[Закрыть] под Демияты.

И празновах оба великая святая празника во Египте, рождество Христово и крещение, и по празнице и святаго богоявления господа бога нашего Исуса Христа и поидохом на гору Синайскую. Бе бо мног каровано собрався: десять тысящь велеблюдовь и людей много вдохом, 15 дней путешествуя от Египта до Синайский горы и до горы Хоривския, великия и высокий.

Приидох же еромонах Варсонофие во святой монастырь Синайски в землю Аравитскую и Мадиямску575575
  … в землю Аравитскую и Мадиямску… – Предположительно побережье Красного моря.


[Закрыть] в лето месяца генваря 27 день на память принесение мощем святаго Иоана Златоуста.

Идох же на гору Хоривскую576576
  …гору Хоривскую… – Имеется в виду Синайская гора.


[Закрыть] в день в пяток, на память возвращение мощем святаго священномученика Игнатия Богоносца577577
  …священномученика Игнатия Богоносца… – Отмечается церковью 29 января.


[Закрыть]. И целовах святый камень и под ним же стоя святый пророк Моисей и видех господа бога зданнаго, мимо его грядуща, и ужасеся его страхом великим, и погнетеся в камень. И выпечатався все тело его на твердем камени: глава и плеча, и руци и нози, все тело его. И невозможно ему бо стояти прямо просто, и на коленех пригнувся. И бе придержася обема локотми рукь своих на камени. И велию бо крепость подавь ему той святый камень. Божиим велением покры все тело его. И величеством той камень трех сажен высота его, а ширина его пятии саженей. А лежит той святый камень на самом верее тоя святыя горы Хоривскиа. И возле его 2 церкви во имя святаго пророка боговедца Моисея. Тамо же и скрижали взят от руки божия. И ту же и з богом беседова усты ко устом на той святой горе Хориве святый пророк боговидець Моисии.

И в полгоры Хоривскиа ту есть 2 церкви во имя святаго пророка Илии. И за святым престолом церкви его ту есть место, иде же седяше святый Илия. И ту есть другая церковь святаго пророка Елисея. И ту есть 4 церквь во имя святаго священномученика Антипы. Бе бо поляно место красно. И в полгоры Хоривския, иде же поживе святый пророк Илия и Елисея. И ту ж есть вода, озерце кругло, омуровано камением. И круг воды древеса, и от них же посох урезах. От давных же времян святии отци сотвориша мост велик камен. И от низу земля и до верху святыя горы Хоривьския 7 тысящь ступеней.

И в субботу же идох на память трех святителей578578
  …на память трех святителей… – Отмечается церковью 30 января.


[Закрыть]: Василия Великого, Григория Богослова, Иоана Златоустаго, на гору велми высокую же. На ней же лежало святое тело великия мученици Екатерины, и принесено святыми ангелы от Александрия града по святом ея страдании за Христа. И лежало тело ея на святей горе болши трехсот лет, никому не видимо, донде же прояви господь бог святому старцу в Рафийском манастыри; на высоце горе лежат мощии, и повели мощи ея положити во святей церкви манастыре святыя горы Синайский. И пошед же старец во святый манастырь Синайский и сказа им, яже прояви ему господь богь. Недоумеющимся им и глаголющим межю собою: где есть высокая гора? И отпустиша священници и с клирики и со всеми кандилы, и со свещами на взыскание. И отпустиша их по числу 8. И егда изыдоша из манастыря и недоумеющимся им, куды пойти. И стрете их святый ангел в калугерском образи и рече им: «Аз вем путь к высоким горам». И поведе их ангел. Егда возведе их на гору высокою, иде же лежат мощи святыя Екатерины, и невидим бысть от них. Святии же отци с радостию и со страхом взяти святыя мощи великия мученици Екатерины и несоша во святый манастырь Синайский и сь псалмы и песнями, и положиша в велицеи церкви близ святого престола на правой стране, иде же и доныне лежит. И та же святая высокая горы глаголется Екатеринина гора579579
  …та же святая высокая гора глаголется Екатеринина гора… – Здесь передается легенда о святой великомученице Екатерине, жившей в Египте в IV в.


[Закрыть].

И ту ж есми метание сотворих господу богу пречистой его материи божий и святей великомученици Екатерине, и целова любезно святое место, от него ж благоухани есть, иде же лежало тело. И целовах другое место, иде же святии ангели сидели. И видех камень, из него течет вода ударением жезла Моисиева, божиим велением. Высота каменю 12 пядей, а ширина его 24 пяди. И от него пияху воду сынове Израиливи.

Идох же на высокую гору Синайскую, на ней же стоя святый Моисии и видевь неополимую купину месяца февраля I день, на память святаго мученика Трифона. И молитву сотворих со слезами господу богу и пречистой его матери и святому пророку боговитцю Моисею.

Се написах святыя церкви Синайские горы580580
  Се написах святыя церкви Синайские горы… – По мнению исследователей, перечень церквей и монастырей Синая в хожений не совсем точен, однако для науки эти уникальные и единственные в своем роде известия представляют ценность.


[Закрыть]: 1) церковь соборная Христово Преображение, 2) церковь святая Неополимая купина, 3) церковь Яковь брат божий, 4) Иоана Предтечи, 5) Аким и Анна, 6) Семион Столпник, 7) безсребреники Кузьмы и Демияна, 8) церковь священномученик Антипы, 9) церковь святых царя Костянтина и матери его Елены, 10) церковь святыя мученици Ирины. Се же святыя службы внутри великия соборныя церькви Христова Преображения.

Се же написах, что суть в монастырех святыя церкви: 1) церковь святый первомученик Стефан, 2) церковь пречистая Богородица, 3) святый Ерофеи, 4) церковь святый Феодор, 5) церковь Положения пояса, 6) церковь Принесение Иоана Златоустаго, 7) церковь святый Никола, 8) церковь святый Аарон, 9) церковь святых мученик Еустратия, и Аксентия, и Мардария, и Ореста, 10) церковь Собор пресвятыя Богородицы, 11) церковь святаго Иоана Богослова, 12) церковь святых апостол Петра и Павла, 13) церковь Иоана Крестителя, 14) церковь святых Сергия и Вахка. А те все церкви по келиям святых отець.

Се написах иже суть за монастырем святыя церкви. 1. Церковь Рождество пречистые Богородици, иде же срете святая Богородица святых отець, коли побежали и вси из манастыря, оставя пустынь. И рече им святая Богородица мати божия: "Святии отци, чего ради избегоша из манастыря?" И они же отвещаша и глаголющи: "За оскудение хлеба и масла и за множество гаду живущих в манастыре". И рече им святая Богородица мати божия: "Отселе есми аз вам имам келаре быти. От сех мест и гадове вси изоумру. И кто претерпит на сем святем мести до конца живота своего, и аз имам отвещати на страшнем судии за всех вас сыну богу моему Исусу Христу". И то место зовемо есть явление пречистыя Богородици. И ту есть камень велик, на нем же седела пречистая, от него ж благоухание есть и доныне. И возле того святый камень церковь стоит.

И святии ж отци с радостию возвратишась, идоша во святый манастырь Синайский обретоша великую корчагу полну масла древяного кипящу, и гадови же вси изомроша манастыре том по словеми святыя владычица нашея Богородици и приснодеве Марии.

И ту есть святая церковь на святой горе Хориве во имя святаго пророка боговидца Моисея, иде же виде господа бога спаса нашего Исуса Христа и скрижали взял с богом беседова. И в полгоры Хоривскиа ту же есть 3 церкви во имя святаго пророка Илии. И за святым престолом церкви его ту есть место, иде ж седяше святый пророк Илия, иде же ему вран хлеб приношаше ясти. На том же мести есть церковь святаго пророка Елисея, и другая церковь есть на том же мести. Все те святыя церкви стоят по ряду четыре, в полгоры Хориве. 8 церковь, где пречистая дала пояс свои святому апостолу Фоме и манастырь. 9 церковь святый Егорей манастырь. 10 церковь сорок мученик манастырь, в нем же маслици и смокви и древеса ту есть.