Текст книги "Антология хожений русских путешественников XII-XV века"

А оттолъ пойти к Василком на восток; конец Василкова великого торгу есть церковь фрязкаа. Туто распятие Христово в древе изваяно, гвоздиемь рукы и ногы пригвоздены; у кого зубы болят, имаются за ножныи гвозди, зубу приимет здравие. А от Василковь на восток мало пойти есть церковь святаго Николы; тот Никола святый образ дал крестьанину 100 рублев. Под Василкы пристаны кораблем и перевоз к Галатомь. А от Василковь пойти на восток мъжи стены и морем к Поручному Спасу. Тот Спас поручился по крестьанине жидовину; крестьанин, возмя добыток жидовина, истопи в море. Жидовинже, слышав что крестьанин добыток его истопил, иде жидовин поругати Спаса. И прииде к Спасу и нача поругати образ. И в той час изверже море сребро его. Жидовинже, видъвь чюдо, крестися сам и жена его. Тот образ написан на городнои стенъ.

А от Василковь пойти на зимний запад к Пандакарю; есть манастырь Пандократорь на горъ. В том манастыри доска Христова, на коей к гробу несли его, да корчага, что воду в вино притвори, да Михаило мученик без головы, да Фрола и Лавра главы, Иакова Прьскаго глава и слъзы святии Богородици на доскъ. А оттоля пойти к Подмакаристу на запад, идя ку Продрому на правой сторонъ в том манастыри Игнатиа Богоноснаго глава. А от Апостол на полдни на долу есть два манастыри женскых: один царичин манастырь, а другой царев. Во царичене манастыри 3 в телъх нетленных. Иоан Милостивый, Мариа Клъопова и Феодосьа дъвица, а в другом манастыри: Стефан Новый и Орина святаа.

Majeska G.P. Russian travelers to Constantinople in the Fourteenth and Fifteenth centuries. Wash., 1984. P. 129-153.

Варианты чтений по другим рукописям смотрите в подстрочных примечаниях: Ibid. Р. 114-125.

ИЗ СТРАНСТВИЯ СТЕФАНА НОВГОРОДЦА

От странника Стефанова Новгородца

Аз грешны Стефан из Великаго Новагорода съ своими другы осмью приидох въ Царьград поклонитися святым местом и целовати телеса святых. И помилова ны бог святы Софеи Премудрость божия437437
  …Софеи Премудрость божия… – Главный собор Константинополя.


[Закрыть]. В неделю страстную приидох в град, и идохом къ святей Софеи.

Ту стоить столп чюден вельми толстотою и высотою и красотою, из далеча с моря видети его. И на верх его седить Иустиниан Великы438438
  …седить Иустиниан Великы… – Имеется в виду знаменитое скульптурное изображение императора Юстиниана, которое описывали и другие русские путешественники-новгородцы.


[Закрыть] на коне велми чюден, аки жив, в доспесе сороцинском, грозно видети его, а в руце – яблоко злато велико, а въ яблоце крест, а правую руку от себе простер буйно на полъдни на Сороциньскую землю к Иерусалиму.

Суть же инии стлъпове мнози по граду стоят от камени мрамора, много на них писание от връха и до долу писано рытию439439
  …писано рытию… – «Рыть» означает прорезать, выдалбливать. В данном случае речь идет о надписях на колоннах, вырезанных на камне.


[Закрыть] великою; много дивитися, и ум не можеть сказати, железо камени того не иметь.

А от того столпа Устинианова внити въ двери святыя Софии в первыя двери, поступив мало в другая, и 3-е и 4-е, и 5-е и в шестые, тож в седмые двери внити въ святую Софею, великую церковь, и пошед мало обратитися на запад и възрети горе на двери: ту стоит икона святы Спас; о той иконе реч в книгах пишется, того мы не можем исписати, ту бо поганый иконоборец440440
  …поганый иконоборец… – Иконоборчество – это религиозное и социально-политическое движение в Византии VIII – первой половины IX в., сторонники которого выступали против иконопочитания, конфисковывали и уничтожали иконы.


[Закрыть] лествицю пристави, въсхоте съдраги венець златы, и святая Феодосиа опроверже лествицю и разби поганина, и ту святую заклаша рогом козьим.

И оттоле мало пошед видехом множьство народа целующе страсти господни и възрадовахомся велми зане бо без слез не мощно прийти къ страстем господним. И ту виде нас царев болярин, ему же имя Протостратарь441441
  …Протостратарь… – Начальник над стражей.


[Закрыть], и допровади ны до страстей господних бога ради, и целовахом грешнии. По той же стороне поступивше мало ту на стене Спас мусеею утворен442442
  …Спас мусеею утворен… – Имеется в виду мозаичное изображение Христа.


[Закрыть], и вода святая от язв гвоздинных от ногу его идет, и ту целовахом; и помазаша ны маслом и водою святою. И ту стоят столпове от камени краснаго мрамора оковани чюдно, и в них же лежать мощи святых; ту люди прикасаются, идеже кого болить: здравие приемлют.

И ту виде нас святый патриарх Царяграда, ему ж имя Исидор443443
  …святый патриарх Царяграда, ему ж имя Исидор… – Исидор (Вухир) был византийским патриархом в 1347-1349 гг.


[Закрыть], и целовахом в руку его, понеже бо велми любить Русь. О великое чюдо смиренна святых! не наш обычаи имеют. Оттоле идохом к святому Арсению патриарху и целовахом тело его, и помаза ны старець маслом его. И то все идет посолнь въ церкви той. И оттоле пошедше в двери из церкви итти промеж стен со свещею, обходя акы кругом; тамо же стоить икона святы Спас велми чюдна, и то зовется Елеоня гора по подобию якоже и въ Иерусалиме.

Оттоле пошед къ олтарю стоят столпи велми красни, подобии аспиду; ту ж есть в великом олтаре колодяз, от святаго Иердана явися: стражи бо церковнии выняша изь кладязя пахирь, и познаша каликы рускыя. Греци ж не яша веры, русь же реша: "нашь пахирь есть, мы купахомся и изронихом на Иердане; а во дне его злато запечатано". И разбивше ставець и обретоша злато, и много дивишася, се бо чюдо сътворися божим повелением; то ся нарече Иердан.

И вышедше из великаго олтаря на левую руку посолнь, и ту кандило велико с маслом сткляно падеся от высоты и не разбися, ни огнь не угасе; аще бы железно было, да бы ся разбило, но некая сила невидимая поставила на камени. И ту близ трапеза каменна святого Авраама, емуж бог въ Троици явися под дубом Амавриискым; той дуб зелено лествие имеет и зиме и лете и до скончаниа веку, огорожен каменем высоко, сороцина стерегуть его. Тут же одр лежить железен, на нем же святых мученик мучиша, поставивше на огне; у того одра множество люди приходит и приемлють исцеление, и целовахом его. И ту стоят стлъпове от камени багряна, красни велми, пропестри, аспиду подобии; видети в них человеку лица своего образ, аки в зерцало; от великаго Рима привезени суть.

Имать же святый Софеи множьство кладяз съ сладкими водами, оприч тех, иже въ стенах церковных и промежу стен, и не познати их равно со дном, рекше, помостом церковным; сут же колца железны вбиваны въ мрамор (мрамор бо зовется камень гладок и красен вельми). Тако же и кандил множство неисчетно въ святой Софии: иная же въ пределех и в комарах, а инии въ стенах и промежи стен и во улицах церковных, идеже иконы великыя стоят, и ту кандила с маслом древяным горят. И ту грешнии приходихом съ слезами и радостию, по силе свещи подавахом, тако ж и у мощей святых.

Святы Софеи имат дверей 365, тако ж и престолов, окованы хитро велми; инии те от них загряжени за оскудение. А о святей Премудрости божий ум человечь не может сказати и исчести; но что видехом, и написахом.

Идучи ж от святыа Софии мимо столп Иустинианов, мимо малы тръг нарицаемы Милии, мимо святаго Феодора, на гору пойти великою улицею Царевым путем. Подшед не далече доброго стрелца перестрел, ту стоить столп правовернаго царя Констянтина444444
  …ту стоить столп правоверного царя Констянтина… – Речь идет о колонне императора Константина I, вывезенной из Рима. Первоначально на ней стояла статуя Аполлона. Император Константин приказал поставить на колонну свой бюст, который впоследствии был заменен статуями Юлиана, а затем – Феодосия.


[Закрыть] от багряна камени, от Рима привезен; на връх его крест, в том же столпе 12 коша укрух, ту и секира Ноева лежит; ту патриарх лето провожаеть.

И оттоле идохом назад къ святей Софеи: ту близ церкви великия Ирина святая445445
  …близ церкви великия Ирина святая… – Эта церковь считалась второй по величине после церкви Святой Софии и пользовалась вниманием паломников из Руси.


[Закрыть], а оттоле не далече святая Богородица монастырь женскы зовом Итерапиотица, ту лежит святая Евдокиа. И оттуду на подол к морю идучи святый великы мученик Георгии, нарицаем Ирюни, рекше «непобедимая сила»; ту стоят страсти господня замчены и запечатаны царевою печятию; на страстной недели царь сам с патриархом отпечатывают и целуют, а потом не възможно их видети никому ж. Ту лежит тело святы Анны, и целовахом грешнии. И ту за стеною над морем явися Христос сам, и ту церковь, нарицаемая «Христос стоит»; ту лежит множество болящих и от инех градов привозят, и приимают исцелениа. И ту лежит святы Аверкии, и целовахом тело его; то бо место подобно есть Соломони купели, иже в Иерусалиме.

И оттоле идохом в монастыр святыя Богородица, иже зовется Перечь; ту лежит глава Иоанна Златоустаго, и поклонихомся и целовахом. И оттоле идохом в монастырь Понахрандов446446
  ..монастырь Понахрандов… – Монастырь во имя Богородицы Панахранты (Всенепорочной) описывается только Стефаном Новгородцем. Добрыня Ядрейкович (Антоний) о нем умалчивает.


[Закрыть], ту глава святаго Василиа. И оттоле не далече монастырь Пандократор; и ту суть страсти господни на двое разделены.

И оттоле идохом въ вторник къ святей Богородици выходнеи иконе, ту бо икону Лука евангелист написал447447
  …ту бо икону Лука евангелист написал… – Имеется в виду знаменитая на Руси и в Византии икона Одигитрии (буквально: Путеводителыгица), авторство которой приписывалось евангелисту Луке.


[Закрыть], позирая на самую госпожу девицу Богородицю и еще живей сущи. Ту икону въ въсякои вторник выносят. Чюдно велми зрети: ту сходится весь народ и из градов; икона же та велика велми, окована гораздо, и певци пред нею поют красно, а народи вси зовут: «Кирьелесон», с плачем. Единому человеку въставят на плеща встаино, а он руце распростерет, аки распят, тако же и очи ему запровръжеть, видети грозно, по буевищу мычет его семо и овамо, велми силно повертывает им, а он не помнит ся, куды его икона носит. Потом другии похватить, и той та– ко же, таж трети и четверти подхватывают, а оне поют с диакы пение велико, а народ зовет: «Господи, помилуй!» с плачем. Два диакона держать рипиды, а иные кивот пред иконою. Дивно видение: 7 человек или 8 въставят на плеча единому человеку, а он, аки прост, ходит изволением божиим.

И оттуду идучи к монастырю Инеяклесиа, рекше къ 9-и церкви, и въ одной церкви ту Христос велми гораздо, аки жив человек, образно стоит, не на иконе, но собою стоить. Ту ж двор нарицается "Полата правовернаго царя Констянтина": стены его высоки велми, выше городных стен, велик, граду подобен, подрумием стоит при мори. Ту близ монастырь Сергиа и Вакха, и целовахом главы его. То все посолнь водится подръживая по левую руку городную стену възле море.

От Подрумия пойти мимо Кандоскамии448448
  ..мимо Кандоскамии… – Военная гавань на Мраморном море. Другие авторы хожений не упоминают о ней.


[Закрыть]: ту сут врата городная железна решедчата велика велми; теми бо враты море введено внутрь города; и коли бывает рать с моря, и ту держат корабли и катарги до треюсот. Имеет же катарга весл 200, а иная 300 весел; а тех судех по морю рать ходить; а оже будет ветр, а они бежат и гонят, а корабль стоит – погодия ждеть.

А оттоле идохом къ святому Димитрию: ту лежит тело святаго царя Ласкариасафа (тако бо имя ему), и целовахом грешнии тело его. Той есть монастырь царев, стоить при мори, и ту есть близ монастыря того живет жидов много при мори возле городную стену, и врата на море зовутся "Жидовская".

И ту было знамение: приходил Хозрои, царь перскы449449
  …приходил Хозрои, царь перскы… – Речь идет о нашествии персидского царя Хосроя на Константинополь в 532-533 и 542-562 гг.


[Закрыть], ратию къ Царюграду и уже хотяше взяти град; и бысть в Цариграде плач велик. Тогда прояви бог старцу некоему и рече: «Вземше пояс святыя Богородица, и омочите конець его в море». И сотвориша тако с пением и плачем, и възмутися море и разби корабля их о градную стену. То ж и ныне кости их белеются, аки снег, при граднои стене близ Жидовскых врат.

Таж идохом ко святому Иоанну въ Студискы монастырь450450
  …в Студискы монастырь… – Студийский монастырь посылал на Русь книги и был известен своими монахами-переводчиками и переписчиками.


[Закрыть], много бо сут ту видениа, не възможно писати, и целовахом тело святаго Савы повара: 40 лет варил на братию ясти. А другое тело святыя Соломаниды. И ту стоит лоток, на немже вообразися святая Богородица с Христом: проскурник всыпа муку на доску и възлия воду, и въскрича отроча в муце на доске. И проскурник ужасеся, тече къ игумену и братии. И прииде игумен и братия и видеша на досце образ святыя Богородица съ младенцем съ Христом.

Церковь же та велика велми и высока, полатою сведена; иконы в ней, аки солнце, сиають, велми украшены златом, а дно церковное – много дивитися: аки женчюгом иссажена, и писцу тако не мощно исписати. Так ж и трапеза, идеж братия ядять: велми чюдно, паче иных монастырей, стоит на край близ Златых врат451451
  …близ Златых врат. – Речь идет о знаменитом памятнике архитектуры – Золотых воротах, которые были построены в первой половине V в. и богато украшены барельефами на античные темы. Они предназначались для прохода триумфального императорского шествия.


[Закрыть]. Ту жил Феодор Студискы и в Русь послал многы книги: Устав, Триоди и ины книгы. И оттоле идохом в Перевлепту452452
  …идохом в Перевлепту… – Монастырь Перивлепты (или по имени владельца этого места – Трояндафилица) был построен в 1031 г. и считался одним из самых богатых монастырей Византии. В 1204 г. его разорили и разграбили крестоносцы.


[Закрыть], рекше, к прекрасней Богородици, в монастырь и целовахом руку Иоанна Крестителя и Симеона Богоприимца и Григориа Богослова. И оттоле идохом к Аньдрею Критскому; той есть монастырь женскы велми красен, и целовахом мощи святаго Андреа. И оттоле идохом къ святому патриарху Тара– сию и целовахом мощи его, и оттоле идохом къ святей Еуфимии и целовахом мощи ея. Оттоле идохом къ святей Богородици в монастырь и целовахом святую Елисаветь. И оттоле идохом къ святому пророку Данилу: пришед къ церкви пойти испод земли степеней 25, съ свящею ити: на правой руце – гроб святаго пророка Данила, а на левой руце – святаго мученика Никиты. И целовах ихъ грешнии и печять взяхом святаго пророка Данила. И оттоле идохом к святому Иоанну Милостивому и къ святей Марии Клеопине и къ святей мученици Феодосии, юже заклаша рогам козиим за икону христову: ти святии лежать въ единой церкви – высоко ити по лествице горе, тож внити въ церковь, и целовахом грешнии.

И оттоле пойти на гору къ Апостольстеи церкви453453
  …пойти на гору къ Апостольстеи церкви… – Апостольская церковь славилась святынями, которые бережно хранились здесь: мощи святого Спиридона и святого Полиекта, гроб Иоанна Златоуста, икона святого Спаса и др.


[Закрыть], и ту целовахом мощи святаго Спиридона и святаго Полиекта; и пришед к олтарю – на правой руце гроб святаго Григориа Фелога в преграде олтарьнеи, ту ж гроб Иоанна Златоустаго, ту ж близ икона в киоте святый Спас, в ню ж ножем удари неверны, и поиде от иконы кровь; то ж и до ныне кровь та знати, и целовахом грешнии. А от великых две– реи по правой руце стоят два стлъпа: един, идеж бе привязан господь нашь Исус Христос, а другы, на немже Петр плакася горко; привезены от Иерусалима; един толъст, иже Исусов, от зелена камени, прочернь, а други, Петров тонок, аки бревенце, велми красен, прочернь и пробель, аки дятлен. А олтарь ту среди церкви велми велик; и пошед от олтаря прямо на въсток по церкви ту стоит гроб царя Константина, велик; от камени багряна, аки аспиду подобна: инех же много гробов царьских, но не святи; ту целовахом грешнии.

А оттоле идохом к Спасу великому монастырю, рекше Вседръжителю: внити въ врата пръвая, и есть над враты Спас мусеею утворен, велик образом, а высоко; тако ж и въ другая врата внити, тож в монастырь внити: велми красен, а церковь мусеею удивлена, изовну аки сиаеть; ту доска господня лежить, туж 3 главы лежать: Фрола, и Лавра и Якова перьскаго; ту тело Михаила черноризца без главы; ту ж стоит в олтари сосуд от бела камени, в нем же Исус от воды вино сътвори велми чюдно.

А оттоле идохом къ святому Констянтину в монастырь женски; ту лежит тело святаго Климента архиепископа, ту ж тело и Феофаны царица. И оттоле идохом къ святому Ивану Дамаскыну в монастырь женьскы. А оттоле идохом к святому Ивану Предтечи, иж нарицается Продром, зовуть Ивана "богом богаты". Та же церковь велми удивлена, и ту целовахом руку святаго Иоанна Ктитора, иж устрой церковь, окована златом и с драгим камением и женчюгом; а не Предтечева рука: а Предтечева рука, иже преди писахом, у Прекрасной Богородицы близ Студискаго монастыря; ту рука святаго Иоанна правая, а левая на Иердане.

И оттоле идохом в Лахерну454454
  …идохом в Лахерну… – Влахернская церковь была домовой церковью византийских императоров и, к сожалению, до настоящего времени не сохранилась. Некоторые реликвии из этой церкви были похищены крестоносцами и хранятся ныне в венецианском музее.


[Закрыть] в церковь святыя Богородица, идеже лежить риза и пояс и скуфия, иже бе на главе ея была; а лежит въ олтари на престоле в ковчезе запечатано тако ж, яко ж и страсти господни, еще и твержи того: приковано железом, ковчег же сътворен от камени хитро велми; и целовахом.

Ту лежит святы Патапеи и святая Анастасия и святаго Пантелеймона мощи, целовахом. И оттоле идохом къ церкви святаго Николы; ту лежит глава святаго Григориа и святаго Леонтия. И оттоле идохом вне града. На поле близ моря монастырь велик въ имя святых Козмы и Дамиана; ту целовахом главы ею; окованы хитро велми златом. И оттоле възвратихомся и въ град и идохом къ святой Феодосии девице и целовахом ю; ту есть монастырь женскы въ имя ея при мори; есть же чюдно велми: въ всякую среду и пяток аки праздник: множество мужей и жен подавают свеща и масло и милостыню. Ту же множество людей лежить болных на одрех различными недуги одръжими приимають исцелениа и входять въ церковь, а ины вносят и ложатся пред нею по единому человеку, а она въступает, идеже кого болит, и здравие приимают; а певци поють от утра до 9-го часа, таж литургию поють поздно.

И оттоле идохом сквозе град далече поприще велико, итти к святому Кипреяну, и целовахом тело его: велик был телом. Ту близ монастырь женски, и ту глава святаго Пантелеймона, ту ж и кровь его. А оттоле идохом в монастырь святаго Стефана, ту лежит глава его. А оттоле идохом къ святей Варваре, и глава ея ту.

А въ Царьград аки в дубраву велику внити: без добра вожа не возможно ходити, скупо или убого не можеши видети ни целовати ниединого святого, разве на праздники которого святого будеть, то же видети и целовати. Оттоле поидохом къ Иерусалиму455455
  …поидохом къ Иерусалиму… – Косвенное свидетельство того, что Константинополь был для русских путешественников, направлявшихся в Иерусалим, перевалочным пунктом. Записки Стефана Новгородца об Иерусалиме или не были написаны, или не дошли до нас.


[Закрыть].

Книга хожений: Записки русских путешественников XI-XV вв. / Сост., подгот. текста, вступ. ст. и коммент. Н.И. Прокофьева. М., 1984. С. 92-98.

Хожение Стефана – один из наиболее ценных источников по истории и топографии Константинополя. Содержит немало сведений о предметах и священных для христиан реликвиях, неизвестных по другим средневековым описаниям. {Сперанский М.Н. Из старинной новгородской литературы XIV в. Л., 1934. С. 50-59).

ОТ СТРАННИКА СТЕФАНА НОВГОРОДЦА

Аз гръшны Стефан из Великаго Новагорода с своими другы осмью приидох в Царьград поклонится святым мъстом и цъловати телеса святых. И помилова ны Бог святы Софеи Премудрость Божия. В недълю страстную приидох в град и идохом к святъи Софеи. Ту стоить столп чюден вельми толстотою и высотою и красотою, из далеча с моря видъти его. И на верх его съдит Иустиниан Великы на конъ вельми чюден, яки жив, в доспъсъ сороцинском; грозно видъти его. А в руцъ яблоко злато велико, а вь яблоцъ крест, а правую руку от себе простер буйно на полъдни на Сороциньскую землю к Иерусалиму. Сутьже инии стлъпове мнози по граду стоят от камени мрамора, многа на них писаниа от връха и до долу писано рытию великою; много дивитися, и ум не можеть сказати; желъзо камени того не иметь.

А от того столъпа Устинианова внити въ двери святыя Софии в первыя двери, поступив мало в другия, и третью, и четвертые, и пятые и в шестые, тож в седмые двери внити в святую Софъю, великую церковь. И пошед мало обратитися на запад и възръти горъ над двери: ту стоит икона святы Спас; о той иконъ ръч в книгах пишется, того мы не можем исписати, ту бо поганый иконоборец лъствицю пристави въсхотъ съдрати вънець златы, и святая Феодосиа опроверже лъствицю и разсби поганина, и ту святую заклаща рогом козвим. И оттоле мало пощед, видъхом множьство народа цълующе страсти Господни и възрадовахомся велми зане бо без слез не мощно прийти к страстем Господним. И ту видъ нас царев болярин, емуже имя Протостратарь и допровади ны до страстей Господних Бога ради, и цъловахом гръшнии. По тоиже сторонъ поступивше мало, ту на стънъ Спас мусеею утворен, и вода святая от язв гвоздинных от ногу его идет, и ту цъловахом; и помазаша ны маслом и водою святою. И туже стоят столпове от камени красного мрамора оковани чюдно, в нихже лежать мощи святых; ту люди притискаются идъже кого болить; здравие приемлют. И ту видъ нас святый патриарх Царяграда, емуж имя Исидор, и цъловахом руку его, понеже бо велми любить Русь. О великое чюдо смиренна святых! Не наш обычаи имъют. Оттолъ идохом к святому Арсению патриарху и цъловахом тъло его, и помаза ны старець маслом его. И то все идет посолнь в церкви той. И оттолъ пошед в двери из церкви идти промеж стън со свъщею, обходя акы кругом; таможе стоить икона святы Спас велми чюдна, и то зовется "Елеоня Гора" по подобию якоже и в Иеруслимъ. Оттоле пошед к ольтарю стоят столъпи велми красни, подобии аспиду; туж есть в великом олтаръ колодяз от святаго Иердана явися: стражи бо церковнии выняша из клядязя пахирь и познаша каликы рускыя. Грециж не яша въры, русьже ръша: Нашь пахирь; мы купахомся и изронихом на Иерданъ; а во днъ его злато запечатано. И разбивше ставець и обрътоша злато, и много дивишася. Се бо чюдо сътворися Божиим повелънием; то ся нарече Иердан. И вышедше из великаго олтаря на лъвую руку посолнь, и ту кандило велико с маслом стькляно падеся от высоты и не разбися, ни огнь не угасе; аще бы желъзно было, да бы ся разбило, но нъкая сила невидимая постави на камени. И ту близ трапеза камена святого Авраама великаго, емуж Бог в Троици явися под дубом Мамвриискым. (Той дуб зелено лъствие имъет и зимъ и лътъ и до скончаниа въку; огорожен каменеем высоко, Срроцина стрегуть его.) Туже одр лежить желъзен, на немже святых мученик мучиша, поставившее на огнъ; у того одра множество люди приходит и приемлють исцъление, и цъловахом его. И ту стоят стлъпове от камени багряна, красни вельми, пропестри, аспиду подобии; видъти в них человеку лица своего образ, аки в зерцало; от великаго Рима привезени суть. Иматьже святый Софеи множьство кладяз с сладкими водами, оприч тъх, иже в стьнах церковных и промежу стън, и не познати их равно со дном церковным; сутже колца желъзны вбиваны в мрамор. (Мрамор бо зовется камень гладок и красен вельми.) Такоже и каньдил множство неисчетно в святой Софии; инаяже в трулех церковных и в комарах, а инии в стьнах и промежи стън и во улицах церковных, идъже иконы великыя стоят, и ту кандила с маслом древяным горят. И ту гръшнии ходихом с слезами и радостию, по силъ свъщи подавахом, також и у мощей святых. И святы Софеи имат дверей 365, окованы хитро вельми; инииже от них загражени за оскудъние. А о святъи Софеи ум человъчь не может исчести; но что видъхом и написахом.

Идучиж от святыа Софии мимо столп Иустинианов, мимо малы тръг нарицаемы Милии, мимо святаго Феадора, на гору пойти великою улицею Царевым Путем. Подшед не далече доброго стръльца пересръл, ту стоит столп правовърнаго царя Констянтина от багряна камени, от Рима привезен; на връх его крест. В том-же столпъ 12 коша укрух ту же секира Ноева лежит; ту патриарх лъто провожаетъ.

И оттоле идохом назад к святъи Софеи: ту близ церковь велика Ирина святая, а оттоле не далече святая Богородица монастырь женскы зовом Итерапиотица; ту лежит святая Евдокиа. А оттуду на подол к морю идучи, святый великомученик Георгии, нарицаем "Ирюни", рекше "непобъдимая сила"; ту стоят страсти Господня замчены и запечатаны царевою печятию. На страстной недъли царь сам с патриархом отпечатывают и цълуют, а потом не възможно их видъти никомуж. Ту лежит тъло святы Анны, и цъловахом гръшнии. И ту за стъною над морем явися Христос сам, и ту церковь нарицаемая "Христос стоит"; ту лежит множство болящих и от инъх градов привозят, и принимают исцълениа. И ту лежит святы Аверкии, и цъловахом тъло его. То бо мъсто подобно Соломони купъли иже в Иерусалимъ. И оттоле идохом в монастыр святыя Богородица иже зовется Перец; ту лежит глава Иоанна Златоустаго, и поклонихомся и цъловахом. И оттолъ идохом в монастырь Понахраднов, ту глава святаго Василиа. И оттоле не далече монастырь Пандънасу, и ту суть страсти Господни, запечатаны такоже и у святаго Георгиа страсти бо Господни; на двое раздълены суть. И оттоле идохом в вторник к святъи Богородици выходнъи иконъ, ту бо икону Лука евангелист написа, позираа на самую госпожу Богородицю и еще живей сущи. Ту икону в всякой вторник выносят. Чюдно велми зръти: ту сходится весь народ, из града; иконаже та велика велми, окована гораздо; пение пред нею поют красно, а народи вси зовут: Кирьелъсон, с плачем. Единому человъку въставят на плеща въстаино, а он руцъ распростре, аки распят, такоже и очи ему запровръжеть. Видъти грозно: по буевищу мычет его съмо и овамо, вельми силно поверьтывает им, а он не помнит ся куды его икона носит. Потом друтии похватать, и той такоже, таж трети и четверты подхватывают, а они поют с к[ан]онархи пъние велико, а народ зовет: Господи, помилуй! С плачем. Два диакона держать рипиды, а иные кивот пред иконою. Дивно видъние: 7 человък или 8 въставят на плеча единому человъку, а он аки прост ходит изволением Божиим.

И оттуду идучи к монастырю и нъя Клесиа, рекше к 9-и церкви, и в единой церкви ту Христос велми гораздо, аки жив человък, образно стоит, не на иконъ, но собою стоить. Туж двор нарицается "Полата правовърнаго царя Коньстянтина"; стъны его высоки вельми, выше городных стън, велик, граду подобен, и под подрумием стоит, при мори. Ту близ монастырь Сергиа и Вакьха, и цъловахом главы ею. То все посолнь водится, подръживая по лъвую руку городную стъну възлъ море. От Подрумия пойти мимо Каньдоскали: ту бо сут врата городная желъзна решедтчата велика велми; тъми бо враты море въведено внутрь города; и коли бывает рать с моря, и ту держат корабли и катарги до трею сот. Имъетже катар– га весл 200, а иная 300 весел. В тъх судех по морю рать ходить, а оже будет вътр, а ини бъжат и гонят, а корабль стоит, погодия ждеть. А оттоле идохом к святому Димитрию: ту лежит тъло святаго царя Ласкариасафа (тако бо бъ имя ему), и цъловахом гръшнии тъло его. Той есть монастырь царев, стоит при мори. И ту есть близ монастыря того живет жидов много при мори възлъ городную стъну, и врата на море зовутся "Жидовская". И ту было знамение: приходил Хозрои, царь перскы, ратию к Царюграду и уже хотяше взятии град, и бысть в Цариградъ плач велик. Тогда прояви Бог старьцу нъкоему и рече: Вземше пояс святыя Богородица, и омочите конець его в море. И сътвориша тако с пънием и плачем, и възмутися море и разби корабли их о градную стъну. Туж и нынъ кости их бълъются, аки снъг, при граднои стънъ близ Жидовскых врат.

А оттоле идохом ко святому Иоанну в Студискы монастырь; много бо есть видъниа ту, не възможно писати, и цъловахом тъло святаго Савы повара; 40 лът повари на братию. А другое тъло святыя Соломаниды. И ту стоит лоток, на немже вообразися святая Богородица с Христом: проскурник всыпа муку на доску и възлия воду, и въскрича отроча в муцъ на доскъ. И проскурник ужасеся, тече ко братии. И прииде игумен и братия и видъша на досцъ образ святыя Богородица с младенцем с Христом. Церковьже та велика вельми и высока, полатою сведена. Сутьже иконы в ней, аки солнце сиають, велми украшены златом, а дно церковное много дивитися: аки женчюгом исъсажена, и писцу тако не мощно исписати. Також и трапеза, идъж братия ядять: велми чюдно, паче инъх монастырей; стоит на край града близ Златых Врат. Ту жил Феодор Студискы и в Рус послал многы книги: Устав, Триоди и ины книгы.

И оттоле идохом в Перевлету, рекше, к прекрасней Богородици, в монастырь, и цъловахом руку Иоанна Крестителя, и Симеона Богоприимьца и Григориа Богослова. И оттоле идохом к Аньдрею Критскому; той есть монастырь женьскы велми красен, и цъловахом тьло святаго Андръа. И оттоле идохом к святому патриарху Тарасию и цъловахом мощи его, и оттоле идохом к святъи Еуфимии и цъловахом мощи ея. Оттоле идохом к святъи Богородици в монастырь и цъловахом святую [Фомаиду] (тако бо бъ имя ей) и святую Елисаветь. И оттоле идохом к святому пророку Данилу: пришед к церкви пойти испод земли степеней 25, с свъщею ити: на правой руцъ гроб святаго пророка Данила, а на лъвои руцъ гроб святаго мученика Никиты, а во олтари гроб святаго Романа. И цъловахом гръшнии и печять взяхом святаго пророка Данила. И оттоле идохом к святому Иоаньну Милостивому и к святъи Марии Клеоповъ и к святъи мученици Феодосии, юже заклаша рогам козиим за икону Христову. Ти святии лежать в единой церкви; высоко ити по лъствицъ горъ, тож внити в церковь, и цъловахом гръшьнии. А оттоле пойти на гору к Апостольстьи церкви, и ту цъловахом тъло святаго Спиридона, а другое тъло, святаго Полиекьта; и пришед к олтарю, на правой руцъ гроб святаго Григориа Фелога в преградъ олтарьнъи, туж гроб Иоанна Златоустаго, туж близ икона в киотъ святый Спас, в нюж ножем удари невърны, и поиде от иконы кровь; тож и до нынъ кровь та знати, и цъловахом гръшнии. А от великых дверей по правой руцъ стаят два стлъпа: един, идъж бъ привязан Господь нашь ожжа Христос, а другы, на немьже Петр плакася горко; привезены от Иерусолима. Един толъст, иже бъ Исусов, от зелена камени, прочернь, а други, Петров, тонок, аки бревенце, велми красен, прочернь и пробъль аки дятлен. А олтарь ту среди церкви велми велик. И пошед от олтаря прямо на въсток по церкви, ту стоит гроб Царя Константина, велик, от камени багряна, аки аспиду подобна. Инъх же много гробов царьских, но не святи; ту цъловахом гръшнии.

А оттоле идохом к Спасу великому монастырю, к Пантократарю, рекше Вседръжителю: внити в врата пръвая, и есть над враты Спас мусеею утворен, велико образно, и высоко, також и в другая врата внити, тож в монастырь внити. А тоиже монастырь велми красен, а церковь мусеею удивлена, изовну аки солнце сиает. Ту доска Господня лежить, туж 3 главы лежать: Фрола, и Лавра, и Якова Перьскаго; ту тъло Михаила черноризца без главы; туж стоит в олтари сосуд от бъла камени, в немже Исус от воды вино сътвори велми чюдно.

А оттоле идохом к святому Константину в монастырь женьски; ту лежит тъло святаго Климента архиепископа, туж тъло и Феофаны царицы. И оттоле идохом к святому Иоанну Дамаскыну в монастырь женьскы. А оттоле идохом к святому Ивану Предтечеви, иж нарицается Продромя; то зовуть Ивана Богом богаты. Таже церковь велми удивлена, и ту цъловахом руку святаго Иоаньна Ктитора, иж устрой церковь, окована златом и с драгим камением и женьчюгом (а не Предтечева рука: а Предтечева, иже впреди писахом, у Прекрасной Богородици близ Студискаго монастыря; ту рука свята– го Иоанна правая, а лъвая на Иерданъ).

И оттоле идохом в Лахерну в церковь святыя Богородица, идъже лежить риза и пояс и скуфия, иже бъ на главъ ея, лежит в олтари на престоле в ковчезъ запечятано також, якож и страсти Господни, и твержи того приковано желъзом, ковчегже сътворен от камени хитро велми; и цъловахом гръшнии. Ту лежит святы Потапии и святая Анастасия и святаго Пантелеймона мощи, цъловахом грешнии. И оттоле идохом к церкви святаго Николы: ту лежит глава святаго Григориа и святаго Леонтия. И оттоле идохом далече внъ града; на поле близ моря есть монастырь велик в имя Козмы и Дамиана; ту цъловахом главы ею, окованы хитро вельми златом. И оттоле възвратихомся в град. Идохом к святой Феодосии девицъ и цъловахом ю. Ту есть монастырь женскы в имя ея при мори; естьже чюдно велми: в всякую среду и пяток аки праздник: множьство муж и жен подавают свъща и масло и милостыню. Туже множество людей лежить болных на одръх различными недуги одръжими приимают исцълениа и входять в церковь, а иных вносят и ложатся пред нею по единому человеку, а она въступает, идъже кого болит, и здравие приимают; а пъвци поют от утра и до 9-го часа, таж литоргисають поздно.

И оттоле идохом сквозъ град далече поприще велико, идти к святому Кипреану, и цъловахом тъло его. Ту близ монастырь женски, и ту глава святаго Пантелъимона, туж и кровь его. А оттоле идохом в монастырь святаго Стефана, ту лежит глава его. И оттоле идохом к святъи Варваре, и глава ея ту.

А в Царьград аки в дубраву велику внити: без добра вожа не возможно ходити, и иже начнешь ходити скудно или убого не можеши видъти ни цъловати ни единаго святаго, развъ на праздники которого святого будетъ тоже видъти и цъловати.

Majeska G.P. Russian travelers to Constantinople in the Fourteenth and Fifteenth centuries.Wash., 1984. P. 29-47.

Варианты чтений по другим рукописям и спискам смотрите в подстрочных примечаниях: Ibid. Р. 15-27.